رابەر تەڵعەت
ناوهێنانی پرۆژەی ناسیۆنالیستی لە سەردەمی گڵوباڵیزم و سەردەستەیی دیموكراسیدا، هەڵگری پانتاییەكی فرەڕەهەندی گفتوگۆی فیكری و سیاسییە. بە دیوە نەخوازراوەكەیدا ئەگەر خوێندنەوەی بۆ بكرێت، ناسیۆنالیزم هاوكاتە لەگەڵ پرۆژەگەلێكی ئێتنیكیی تاكڕەهەند و بەرهەمهێنانی توندوتیژیی رەگەزپەرستی و رەتكردنەوەی فرەیی و پلۆرالیزم. رووە باشەكەشی ئەگەر نیشان بدرێت، ئەوا ناسیۆنالیزم هاوشانە لەگەڵ خەباتی ئەو نەتەوانەی كە لە مافەكانیان بێبەش كراون و لەپێناوی هێنانەدی یەكسانی و سیستەمێكی دادپەروەر و دیموكراسی كە مافەكانیان دەستەبەر بكات، تێدەكۆشن. بە وەرگرتنی هەردوو بۆچوونەكانیش بۆمان دەردەكەوێت كە پەیوەندییەكی دینامیكی و هۆكاربەندی لەنێوان ناسیۆنالیزم و دیموكراسیدا هەیە.

پرسیارەكە ئەوەیە، بۆ كورد یانیش بەتایبەتتر بۆ هەرێمی كوردستانی عێراق، كامە لەو دوو بۆچوونەی سەرەوە راستە، یاخود باشتر دەتوانێت گوزارشت لە حاڵی ئێمە بكات؟ حاڵی كورد لە هەرێمی كوردستاندا ئەگەر قابیلی بەراوردكردن بێت، ئەوا دەكرێ بەراوردی بكەین لەگەڵ وڵاتانی یەكێتی سۆڤیەتی پێشوو یان پاش كۆمۆنیزم لە رۆژهەڵات و ناوەڕاستی ئەوروپادا. ساڵی 1990 دوابەدوای هەرەسی یەكێتی سۆڤیەت و كۆمۆنیزم، ئەو وڵاتانە بەشێوەیەكی زۆر كتوپر و لەناكاو لە سیستەمێكی تۆتالیتارەوە گواستیانەوە بۆ سیستەمی دیموكراسی، ئەو گواستنەوەیە هاوكات بوو لەگەڵ پرسی گەشەكردنی ناسیۆنالیزمیش لەو وڵاتانەدا، بەڵام ئەوەی

ژیلەمۆ عەبدولقادر
لەدوای دامەزراندنی بەڕێوەبەرایەتی بەرەنگاربوونەوەی توندوتیژیی دژی ئافرەتان، دەرچوونی یاسای تایبەت بە پاراستنی خێزان لە توندوتیژی، هەروەها كردنەوەی چەند شوێنێك بۆ ئافرەتانی هەڕەشەلێكراو، رۆژ بەڕۆژ ژمارەی تۆماركردنی سكاڵا لەلایەن ئافرەتانەوە بەرەو هەڵكشان دەچێ‌، بەڵام هێشتا هەندێك ئافرەت بێدەنگییان هەڵبژاردووە دەرحەق بەو توندوتیژیانەی بەرامبەریان دەكرێت و ئامادە نین سكاڵا تۆمار بكەن.

زۆر هۆكار هەن لەپشت بێدەنگبوونی ئەو ئافرەتانەوە كە بە پلەی یەك پەیوەندی بە دابونەریتەوە هەیە. هەندێك كەس تا ئێستاش نەك بۆ ئافرەت، تەنانەت بۆ پیاویش بە عەیبە و شەرمەی دەزانن بچێتە بنكەیەكی پۆلیس و سكاڵا تۆمار بكات.

زۆر لەو ئافرەتانەی كە كێشەیان هەبووە و سكاڵایان تۆمار نەكردووە، بیانووی جۆراوجۆریان هەبووە. یەكێكیان دەڵێت پیاوەكەم رزقی ماڵ و منداڵ پەیدا دەكات، ئەگەر سكاڵام لەسەر تۆمار كرد و گیرا، كێ‌ منداڵەكانم بەخێوبكات؟

یەكێكیان دەڵێت سكاڵام لەسەر مێردەكەم تۆمار نەكرد، چونكە دەترسام تەڵاقم بدات. یان یەكێكیان دەڵێت ناتوانم لە مێردەكەم جیاببمەوە، چونكە منداڵەكانم لەدەست دەچن. بێ‌ ئاگا لەوەی كە بەپێی یاسا ئەو منداڵانە تاوەكو تەمەنی 18 ساڵی لەلای دایكیان دەمێننەوە.

گرفتێكی دیكە كە وا لە ئافرەتان دەكات سكاڵا تۆمار نەكەن، ترسە لەوەی كەسوكاریان پشتیان تێبكەن، زۆرجار ئافرەتان كە كێشەی خۆیان بۆ دایك و باوك و خوشك و براكانیان باس دەكەن، خێرا پێیدەڵێن نابێ‌ جیاببیتەوە، یان پێیدەڵێن جیاببەوە، بەڵام رازی نین "منداڵی

یەریڤان سەعید
نامە ئاشكرابووەكەی ئاشتی هەورامی وەزیری سامانە سروشتییەكانی هەرێمی كوردستان بەڵگەیەكی تەندروستی ناهاوسەنگیی هێزی گفتوگۆكان پیشان دەدات لەنێوان باشووری كوردستان و توركیا. ئەوانەی كە عوزر بۆ توركیا دەهێننەوە، دەڵێن توركیا وڵاتێكی گەورەی گرنگە، تاكە دەروازەی هەرێمی كوردستانە بۆ دەرەوە، توركیا یەكێكە لە ئەندامانی گرووپی 20 و ئەندامی ناتۆیە و لەڕووی دانیشتووانەوە زیاتر لە 13 هێندەی هەرێمی كوردستانە.

ئەمانەی سەرەوە هەموو راستن و لە كۆنەوە گوتراوە كە هێز یەكلاكەرەوەی جەنگەكانە. لە 400 ساڵ پێش زاینەوە مێژوونووسی یۆنانی سیۆسیدید بە درێژی باسی گرنگیی هێزی كردووە كە دواتر بوو بە بناغەی بیری ریالیزمی زانستە سیاسییەكان. بەڵام ئایا جەنگ هەمیشە دەربارەی هێزە؟ ئەگەر هێز ببێت دەتوانی بیبەیتەوە؟

وەڵامی ئەم پرسیارانە پێویستیان بە شرۆڤەكردنی درێژ و زۆر هەیە كە باسی ئەم نووسینە نییە. بەڵام نموونە زۆرن لە چەند دەیەی رابردوودا كە بەهێز هەمیشە نایباتەوە و هێز بەتەنیا یەكلاكەرەوەی جەنگەكان نییە. ئەگەر ئەمە بە دروست بزانین، دەتوانین بڵێین لە كاتی گفتوگۆشدا، ئەو لایەنەی بەهێزترە لەڕووی ئابووری و سەربازییەوە، مەرج نییە، ئەنجامی گفتوگۆكان بەلای ئەودا بشكێتەوە و ئەو لایەنەی لاوازترە دەتوانێت پێگەی گفتوگۆكانی خۆی بەهێز بكات بەپێی ئەو بارودۆخەی كە تێیدایە، بەڵام ئەمەش مەرجی

زریان رۆژهەڵاتی

لە ماوەی كەمتر لە دوو دەیەی رابردوودا، دوو جەنگی گرنگ رێگایان بۆ گۆڕانكاریی گەورە لە عێراق خۆش كرد، ئەوانیش: جەنگی 2003 و جەنگی داعش بوون. جەنگی یەكەم عێراقی گۆڕی، بەڵام ناسەقامگیری كرد. بە ئەگەری زۆر، جەنگی دووەمیش باری ناسەقامگیری عێراق بەلایەكدا دەخات و ئایندەی دیاری دەكات. چۆن دەركەوتنی "داعش" گۆڕانكارییەكی گەورەی لە سیاسەتی ناوخۆیی عێراق و سیاسەتی نێودەوڵەتیدا دروست كرد، كۆتایی جەنگەكەیشی دەتوانێت خاڵێكی وەرگۆڕان دروست بكات.

عێراقی دوای داعش لە سیاسەتی نێودەوڵەتیدا

تەراتێنی چەكدارەكانی داعش وەك "دەوڵەت"ێكی بێ سنوور، لە نێوان سووریا و عێراق نیشانەی نزیكبوونەوەی كۆتاییەكانی سایكس-پیكۆ بوو. كاتێك داعش وەك ئەكتەرێكی تەگەرەساز بۆ سیاسەتی نێودەوڵەتی، قەڵەمڕەوی سەرزەمینی لە عێراق و سووریا بەدەست هێنا، رێگای بۆ كاریگەری و دەستوەردانی سیاسی و سەربازیی وڵاتانی دەرەوە لە عێراق خۆش كرد و دوای ئەوەش سوپای ئەمریكا كە 2011 عێراقی جێهێشتبوو، جارێكی دیكە گەڕایەوە. لەلایەكی دیكەوە، ئێران لە تەنیشت كاریگەری و نفوزی سیاسیدا، وجودی سەربازییانەی خۆی لە عێراق راگەیاند و توركیا لە ملی باكوورەوە هێزی سەربازیی رەوانەی باشیك كرد. ململانێی سیاسی لە نێوان توركیا- عێراق و توركیا- ئێران گەیشتە لوتكە و رەجەب تەیب ئەردۆغان، حەشدی شەعبی بە كاركردن بۆ بەرژەوەندیی"فراوانخوازیی فارسی" لە مووسڵ تاوانبار كرد. هاوكات لەگەڵ

عارف قوربانی

^{ئێران دەوڵەتێكی خاوەن كاریگەریی ئێجگار گەورەیە لە ناوچەكەدا بەگشتی و رۆڵێكی میحوەریی یەكلاكەرەوە دەگێڕێت لە كێشە و ناكۆكیە هەرێمایەتی و كێشە ناوخۆییەكانی وڵاتە هەرێمییەكاندا. بە ئەندازەی ئەمریكا وەك گەورەترین زلهێزی دونیا، رەوایەتی بە پەلهاویشتن و دەستوەردانەكانی داوە لە كێشە و ململانێی وڵاتاندا. لە سەرزەمینی وشكانی و لە ئاو و ئاسمانەوە دەستی خستووەتە ناو كێشەكانی ناوچەكەوە.} لە رێگەی وشكانییەوە دەستی گەیشتووە بە كێشەكانی پاكستان و ئەفغانستان، توركمانستان و ئازەربایجان و ئەرمەنستان و توركیا و عێراق و هەرێمی كوردستان. لە سنوورە ئاوییەكانەوە گەیشتووە بە عومان و قەتەر و بەحرەین و كوێت و بەسەر وڵاتانی تریشدا گەیشتووەتە ناو سووریا و یەمەن و لوبنان. وڵاتێكە خاوەن ئابوورییەكی بەهێز و خەریكی تەونی جاڵجاڵۆكەیی بەرژەوەندییە ئابوورییەكانیەتی لەگەڵ رووسیا و چین و هیندستان.

^{لەڕووی سەربازیشەوە لەلایەك پەرە بە توانای بەرهەمهێنانی تەكنەلۆجیای سەربازی دەدا و شانبەشانی ئەوەش خەریكی گەشەپێدانی توانا مرۆییە سەربازیەكانیەتی، تەنانەت نەك تەنیا لە ئاستی ناوخۆی ئێران، بەڵكوو سوود لە توانای مرۆیی وڵاتانی تریش دەبینێت لە پێكهێنانی لەشكری گیانفیدا بۆ بەهێزكردنی سوپاكەی. ئێستا لەناو لەشكرەكانی ئێران لە سووریا، لەیەك یەكەدا ئێرانی و ئەفغانی و عێراقی و سووری و لوبنانی پێكەوە دەجەنگن.}

نامۆ عەبدوڵڵا

^{ئاژانسەكانی هەواڵگریی ئەمریكا، ئەم هەفتەیە راپۆرتێكی هاوبەشیان بڵاوكردەوە كە دەڵێت رووسیا لەڕێی زنجیرەیەك هێرشی ئەلیكترۆنیی سەركەوتووەوە، هەوڵی داوە كاریگەری لەسەر ئەنجامی هەڵبژاردنەكانی ئەمریكا دابنێ.} هێرشە ئەلیكترۆنییەكان ئیمەیڵی بەرپرسانی پارتی دیموكراتەكان و بەتایبەتی بەڕێوەبەرانی كەمپەینی هەڵبژاردنی هیلاری كلینتۆنیان كردبووە ئامانج. ناوەڕۆكی ئیمەیڵەكان چەندین لاوازیی كلینتۆنیان دەرخستبوو كە زۆرێك پێیانوایە كاریگەری لەسەر دەنگدەران هەبووە.

^{بەرپرسانی هەواڵگریی ئەمریكا بە روونی دوو شت دەڵێن: یەكەم ڤلادیمیر پوتنی سەرۆكی رووسیا خۆی فەرمانی هاككردنی ئیمەیڵەكانی دەركردووە و دووەم، ئامانجی رووسیا بریتی بووە لە یارمەتیدانی دۆناڵد ترەمپ تا هەڵبژاردن بەرێتەوە.} بەڵام ئایا تاچەند بردنەوەی دۆناڵد ترەمپ ئەنجامی كارەكانی رووسیا بووە؟ ئەمە پرسیارێكە كە بەرپرسانی هەواڵگریی ئەمریكا ناتوانن وەڵامی بدەنەوە. جەیمس كلاپەر، بەڕێوەبەری هەواڵگری نیشتیمانیی ئەمریكا، دەڵێت: بەهیچ شێوەیەك ناتوانین ئەوە بزانین تا چەندە هەوڵەكانی رووسیا كاریگەرییان لەسەر بڕیاری دەنگدەران هەبووە.

هێمن عەبدوڵڵا

^{سەرۆكوەزیرانی توركیا و شاندێكی باڵای دەوڵەتەكەی هاتنە هەولێر و كاربەدەستانی كوردستان پێشوازییەكی پرۆتۆكۆڵیی دەوڵەتییان لێكردن. ئەو وێنانەی لە ژووری كۆبوونەوەكانیانەوە هاتنە دەرەوە وایان پیشاندا كە بڕیارسازانی دوو دەوڵەت پێكەوە دانیشتوون نەك دەوڵەتێك و هەرێمێك. بۆچی ئەنقەرە لە پێشوازیی شاندی كوردستان ئاڵای كوردستان دادەنێت و پێشی ئاساییە لە هەولێر جڤینەكانی بە میدیایی بكرێن، بەڵام تاران ئەمە ناكات؟}

^{كۆماری ئیسلامیی ئێران كە لە چل ساڵەی تەمەنی نزیك دەبێتەوە، چل ساڵی رێكە پەیوەندی لەگەڵ شۆڕشی باشووری كوردستان هەیە. هاوكارییەكانی ئەو دەوڵەتە بۆ حیزبەكانی باشوور بە هەر مەبەستێك بووبێت، هیچ لەو راستییە ناگۆڕێ كە هێندەی تاران سەركردایەتیی باشوور دەناسێت، هێندە ئەنقەرە نایانناسێت.}

^{كاتێك حكومەتی هەرێمی كوردستان دامەزرا، ئەو مامەڵە ئەرێنییەی ئێران لەگەڵ حكومەتدا كردی، بە مامەڵەی نەرێنی و هیسترییانەی ئەنقەرە بەراورد ناكرێت. هەر لەسەرەتاوە مەتڵەبی هەردوو پایتەخت رێگەگرتن و سەركوتكردنی حیزبەكانی رۆژهەڵات و باكووری كوردستان بوو.}

مامەند رۆژە

<sup>ساڵی 2016 هاوشێوەی 2015، دۆزی ستراتیژی لە هەرێمی كوردستان بەرەنگاربوونەوە لەگەڵ داعش و رەواندنەوەی سەرچاوەكانی هەڕەشەی سەلەفیەتی جیهادی لەسەر ئاسایشی هەرێمی كوردستان بوو. ئێستا ئێمە تازە پێدەنێینە ساڵی تازەوە. لێرە دەپرسین گەلۆ دۆزی ستراتیژیی هەرێمی كوردستان لەساڵی 2017دا چییە؟ دەپرسین ئایا لەم ساڵەدا بڕبڕەپشتی پێشهاتە سیاسییەكان چین؟

دیفاكتۆی دەوڵەت هەتا جەنگی چەتەیی</sup>

^{پێدەچێ لە ساڵی 2017دا ئۆپەراسیۆنی مووسڵ بەشێنەیی بەرەو یەكلابوونەوە بڕوات. هەروەها ئەگەری ئەوە بەهێزە لە ساڵی 2017دا جەنگی مووسڵ نەبێتە جەنگی قەڵاچۆكردنی داعش! فاكتەكانیش ئەوە دەسەلمێنن كەوا داعش وەكوو دیفاكتۆ خەلافەت و دیفاكتۆ - دەوڵەت لە عێراق نامێنێت. بەڵام لەمەودوا داعش وەكوو گرووپێكی چەكداری روودەكاتە جەنگی چەتەیی و ستراتیژی جەنگی پارتیزانی پیادە دەكات. بۆیە پێشبینی دەكرێ لە 2017دا یەكێك لەو هەڕەشانەی بەرۆكی هەرێمی كوردستان دەگرێ، هەڕەشەی داعش بێت.}

لیوا ئەحمەد کۆیی

^{له‌ میدیای عه‌ره‌بی و به‌شێكی میدیای كوردیشدا، له‌ زاری سیاسی و په‌رله‌مانتار و كه‌سایه‌تییه‌ شۆڤێنییه‌كانی عه‌ره‌ب و به‌شێك له‌ كورده‌كانی به‌غداش، به‌ به‌رنامه‌ی پیلان بۆ داڕێژراو له‌ چوارچێوه‌ی شه‌ڕێكی ده‌روونیی به‌رده‌وامدا، گوێمان له‌ قسه‌ و لێدوان دژ به‌ پێشمه‌رگه‌ و سه‌ربه‌خۆی كوردستان ده‌بێ، ئه‌مه‌ دیارده‌یه‌كی هێنده‌ ساده‌ و بچووك نییه‌، ته‌نیا به‌ هه‌ڵمه‌تی تۆڕه‌كانی كۆمه‌ڵایه‌تی و قسه‌ی هه‌رزه‌ سیاسی و په‌رله‌مانتاره‌كان لێكی بده‌ینه‌وه‌، به‌ڵكو ڕوانگه‌ی قوڵتری له‌پشته‌وه‌یه‌، به‌گشتی شه‌ڕێكی ده‌روونیه‌، بۆ لاوازكردنی پێگه‌ی پێشمه‌رگه‌ كه‌ له‌ سه‌رتاسه‌ری جیهاندا شانازی به‌ نه‌به‌ردییه‌كانیه‌وه‌ ده‌كرێ، هاوكات هه‌وڵێكیشه‌ بۆ به‌لاڕێدا بردنی ئامانجی له‌مێژینه‌ی كورد و ساردكردنه‌وه‌ی خه‌ڵكی كوردستان له‌سه‌ر گه‌یشتن به‌ مافی چاره‌ی خۆنووسین و سه‌ربه‌خۆی.}

^{ئه‌م پیلانه‌ به‌چڕی كاری له‌سه‌ر ده‌كرێ، هه‌وڵ ده‌درێ له‌ ناوخۆی كوردستان ڕای گشیتی له‌سه‌ر دروست بكرێ و خه‌ڵكی كوردستان به‌و قه‌ناعه‌ته‌ بگه‌یه‌نرێن، كه‌ كوردستان مووچه‌ی نییه‌ و كاره‌بای نییه‌ و ئاو و سووته‌مه‌نی و قوتابخانه‌ی باشی نییه‌، چۆن به‌و شێوه‌یه‌ سه‌ربه‌خۆیی ڕاده‌گه‌یه‌نرێت، پێشمه‌رگه‌ مووچه‌ی نییه‌ و چه‌كی نییه‌ و دابه‌ش كراوه‌، چۆن كوردستانی سه‌ربه‌خۆی پێ ده‌پارێزرێت!}

هێمن عەبدوڵڵا

^{هەرچەندە گەشبینیی باشە، بەڵام پێناچێ ساڵی 2017 بۆ كوردستان و دەوروبەری ساڵێكی باشتر بێت لە 2016. كوشتاری شەوی سەری ساڵ لە ئیستەنبوڵ رووداوێكی واتادار بوو: ئەو ئاگرەی لە سووریا و عێراق كراوەتەوە هەر لەو ئاگردانەیدا نامێنێتەوە و پریشكەكانی بۆ دەوروبەری فڕێدەدات، بەڵام لەوێش ئەوانە بەردەكەون كە بۆ فێنكبوونەوە لەدەست ئاگرەكەی عێراق و سووریا پەنایان بۆ توركیا بردبوو.}

^{شەڕی موسڵ هێشتا بەردەوامە و هی رەققەش هێشتا دەستی پێنەكردووە. هەرواش پێشبینیی هەموولایەك ئەوەیە كە لە 2017دا داعش لە سووریا و عێراق بەو هێزەی ئێستایەوە نەمێنێت. ئەمە پێشبینییەكی راستە، بەڵام راستییە تاڵەكە ئەوەیە كە داعش بە شێوازێكی جیاواز و جاڕسكەرتر دەمێنێتەوە. ساڵانی رابردوو راهاتبووین كە ئەگەر داعش بتوانێ مەترسییەك دروست بكات، لە بەرەكانی شەڕدا بەرامبەر پێشمەرگە دروستی دەكات. بە ماندووبوونی دەزگا ئەمنییەكانیشمان و هاوكاریی خەڵك بۆیان، لە ماڵەكانماندا بە خەیاڵی ئاسوودەوە لێی دەنووستین. بەڵام رەنگە ئەمساڵ وانەبێت و هەم دەزگا ئەمنییەكان و هەم خەڵكیش ناچاربن ماندووتر بن بۆئەوەی رێگە نەدەن تەكتیكی نوێی داعش و ئەو گرووپە توندئاژۆ نوێ(یان)ەی لەمساڵدا دروست دەبن سەربگرن.}