<sup>وەزارەتی دەرەوەی ئێران دەڵێت، قۆناخی یەکەمی گفتوگۆی ناڕاستەوخۆی ئێران و ئەمریکا بۆ هەڵگیرانی گەمارۆ و پرسی ئەتۆمی کۆتایی هات.

کۆبوونەوەی هەردوولا هەفتەی داهاتوو بەردەوام دەبێت. وەزارەتی دەرەوەی ئێران دەڵێت، وەزیری دەرەوەی ئێران و نوێنەری ترەمپ دوای گفتوگۆکان یەکدییان بینیوە. نوێنەری ئێران و ئەمریکا بە ئامادەبوونی وەزیری دەرەوەی عومان، چەند خولەکێک گفتوگۆیان کرد.</sup>

^{وتەبێژی وەزارەتی دەرەوەی ئێران رایگەیاند، گفتوگۆكانی نێوان عەباس عراقچی، وەزیری دەرەوەی وڵاتەكەیان و ستیڤ ویكتۆف، نوێنەری تایبەتی سەرۆكی ئەمریكا بۆ كاروباروباری رۆژهەڵاتی ناوەڕاست لە عومان بە نێوەندگیری وەزیری دەرەوەی عومان دەستیان پێكردووە.}

 ^{ئیسماعیل بەقایی، وتەبێژی وەزارەتی دەرەوەی ئێران لە راگەیەندراوێكدا وتوشیەتی، گفتوگۆكان بەشێوەی "ناڕاستەوخۆ" لەو شوێنەی كە پێشبینی كرابو بە میوانداری عومان بەڕێوەدەچن.}

^{ئەوەشی خستۆتەڕو، نوێنەرانی كۆماری ئیسلامی ئێران و ئەمریكا لە دو هۆڵی جیاوازدا دانیشتون، هەردولا تێڕوانین و هەڵوێستەكانی خۆیان لەڕێگەی وەزیری دەرەوەی عومان لەگەڵ یەكدی ئاڵوگۆڕ دەكەن.}

^{١٢/٤/٢٠٢٥}