نامۆ عەبدوڵڵا

^{ئاژانسەكانی هەواڵگریی ئەمریكا، ئەم هەفتەیە راپۆرتێكی هاوبەشیان بڵاوكردەوە كە دەڵێت رووسیا لەڕێی زنجیرەیەك هێرشی ئەلیكترۆنیی سەركەوتووەوە، هەوڵی داوە كاریگەری لەسەر ئەنجامی هەڵبژاردنەكانی ئەمریكا دابنێ.} هێرشە ئەلیكترۆنییەكان ئیمەیڵی بەرپرسانی پارتی دیموكراتەكان و بەتایبەتی بەڕێوەبەرانی كەمپەینی هەڵبژاردنی هیلاری كلینتۆنیان كردبووە ئامانج. ناوەڕۆكی ئیمەیڵەكان چەندین لاوازیی كلینتۆنیان دەرخستبوو كە زۆرێك پێیانوایە كاریگەری لەسەر دەنگدەران هەبووە.

^{بەرپرسانی هەواڵگریی ئەمریكا بە روونی دوو شت دەڵێن: یەكەم ڤلادیمیر پوتنی سەرۆكی رووسیا خۆی فەرمانی هاككردنی ئیمەیڵەكانی دەركردووە و دووەم، ئامانجی رووسیا بریتی بووە لە یارمەتیدانی دۆناڵد ترەمپ تا هەڵبژاردن بەرێتەوە.} بەڵام ئایا تاچەند بردنەوەی دۆناڵد ترەمپ ئەنجامی كارەكانی رووسیا بووە؟ ئەمە پرسیارێكە كە بەرپرسانی هەواڵگریی ئەمریكا ناتوانن وەڵامی بدەنەوە. جەیمس كلاپەر، بەڕێوەبەری هەواڵگری نیشتیمانیی ئەمریكا، دەڵێت: بەهیچ شێوەیەك ناتوانین ئەوە بزانین تا چەندە هەوڵەكانی رووسیا كاریگەرییان لەسەر بڕیاری دەنگدەران هەبووە.

^{هیچ كاتێك هێرشە ئەلیكترۆنییەكان (cyber attacks) هێندە ئەمریكایان نیگەران نەكردووە. ساڵی 2015، ئەمریكا 77 هەزار هێرشی ئەلیكترۆنیی كراوەتە سەر.}

^{بەڵام ئەمجارە جیاوازە. سەرۆكی ئەمریكا، باراك ئۆباما، هیلاری كلینتن و تەنانەت هەندێك سیناتۆری پارتەكەی ترەمپ، هەموویان هاوڕان لەسەر ئەوەی رووسیا هەوڵیداوە "دیموكراسیی ئەمریكا" لاواز بكات.}

^{ئۆباما، وەكو سزایەك هەفتەی رابردوو بڕیاری دەركردنی 35 دیپلۆماتكاری رووسی لە وڵاتەكەی دا. ئەمەش توندترین رێوشوێن بووە كە ئەمریكا بەهۆی هێرشی ئەلیكترۆنییەوە تا ئێستا لە دژی وڵاتێك گرتبێتییە بەر.}

^{ئەگەر رووسیا وەكو وڵاتێكی نادیموكراسی بتوانێت بەهۆی ئینتەرنێتەوە تەگەرە بۆ كاندیدێكی وەكو هیلاری كلینتن دروست بكات و یارمەتی ئەو كاندیدە بدات كە پێی باشە ببێتە سەرۆك، ئەمە گەورەترین و مەترسیدارترین كاریگەریی ئینتەرنێتە كە تائێستا بینرابێت.}

^{ئەگەر بەرپرسانی ئەمریكا سەلامەت نەبن لەبەردەم هێرشە ئەلیكترۆنییەكاندا، ئەوا هیچ گەرەنتییەك نییە بەرپرسانی ئەڵمانیا و فەرەنساش كە ئەمساڵ هەڵبژاردنیان لەپێشە، رووبەڕووی هەمان مەترسی نابنەوە.}

^{بەڵام ئایا ئەم هێرشە ئەلیكترۆنیانە بۆچی خراپن ئەگەر تەنیا كاریان ئاشكراكردنی راستی بێت لەبارەی گەندەڵیی بەرپرسەكانەوە؟ ئاشكراكردنی گەندەڵیی بەرپرسان بێگومان دەبێت خزمەت بێت بە دیموكراسی.}

^{بەڵام گرفتەكە لێرەدا ئەوەیە ئەم هێرشە ئەلیكترۆنیانە ئەجێندایان لەپشتەوەیە و بە دیاریكراوی ئەو كەس و لایەنانە دەكەنە ئامانج كە دەیانەوێت. هەموو كاندیدەكان بە یەكسانی ناكەنە ئامانج.}

^10/1/2017