<sup>فەرماندارێکی باڵای سەربازی رووسی، ویلایەتە یەکگرتووەکانی ئەمریكا بە پاڵپشتی رێکخراوی داعش تۆمەتباردەکات و سەرۆکی ئەرکانی سوپای رووسیاش هۆشداری دەداتە راوێژکارە سەربازییە بیانییەکانی وڵاتان کە دەستیان لە گەشەکردن و یارمەتیدانی گرووپە چەکدارەکانی سەر بە ئۆپۆزیسیۆنی سووریا هەیە.

بەپێی ئەو خەمڵاندنەی دەستەی ئەرکانی گشتی هێزە چەکدارەکانی رووسیا ئامادەیکردووە، ژمارەی چەکدارانی رێکخراوی دەوڵەتی ئیسلامی "داعش" لەم کاتەدا دەگاتە 70 هەزار جەنگاوەر لە رەگەزنامە جیاجیاکان.

لە کاتی دیداری لەگەڵ چەندین راوێژکاری سەربازی ئەو وڵاتانەی باڵیۆزخانەیان لە رووسیا هەیە، ڤالێری گراسیمۆڤ، سەرۆکی دەستەی ئەرکانی گشتی هێزە چەکدارەکانی رووسیا رۆژی چوارشەممە 10ی دیسەمبەری 2014 ،  بە راوێژکارەکانی راگەیاند:" ویلایەتە یەکگرتووەکان لە رابردوودا یارمەتی دارایی و تەکنیکی پێشکەشی ئەو گرووپانە دەکرد لە چوارچێوەی جەنگی دژ بە حکومەتی سووریا، ئێستاش هاوپەیمانێتی نێودوەڵەتی بۆ دژایەتیکردنی ئەم رێکخراوانە پێکهێناوە.

ئەو بەرپرسە سەربازییە رووسییە ئاماژەی بۆ ئەوەش کردووە کە "وڵاتە بیانییەکان لەم کاتەداو بەشێوەیەکی بەردەوام پاڵپشتی لەو گرووپە چەکدارانە دەکەن، کە سەر بە ئۆپۆزسیۆنی سووریان و شەڕ لە دژی حکومەتەکە دەکەن".

ژەنەراڵ گراسیمۆڤ دەشڵێت،" قەبارەی یارمەتییەکانی وڵاتە بیانییەکان بۆ گرووپە چەکدارەکانی سەر بە ئۆپۆزسیۆنی سووریا گەشەی بەخۆیەوە بینیوە و فشاری سیاسی میدیای نێودەوڵەتیش لەسەر سەرکردایەتی سووریا زیادیکردووە.</sup>

^11/12/2014

<sup>ماوەی 21 رۆژە 27 زیندانی سیاسی لە گرتووخانەی شاری ورمێ لە رۆژهەڵاتی كوردستان مانیان لە خواردن گرتووە و ئەو زیندانییانە داوادەكەن بەندی زیندانییانی سیاسی لە زیندانیانی دیكە لە گرتووخانەكاندا جیابكرێتەوە. لە بەرامبەریشدا بەرپرسانی بەندیخانە هەڕەشەی دوورخستنەوە و جێبەجێكردنی سزای لەسێدارەدانی ئەو زیندانیانەیان كردووە، كە پێشتر سزایان بەسەردا سەپێندراوە.

 26 لەو زیندانیە سیاسییانە كە مانیان گرتووە كوردن و سێیان خەڵكی باكووری كوردستانن.</sup>

^{http://rudaw.net/sorani/kurdistan/1012201412}

^10/12/2014

<sup>وەزیرانی دەرەوەی ئێران، سووریا و عێراق سەبارەت بە بارودۆخی ئەمنی ناوچەكە و شەڕی بەردەوامی داعش و هاوكاریی نێوانیان لە تاران كۆبوونەوە. 

بەگوێرەی راپۆرتی میدیایی ئیدارەی گشتی دیپلۆماسی وەزارەتی دەرەوەی ئێران، محەممەد جەواد زەریف ، وەلید موعەلیم و ئیبراهیم جەعفەری، رۆژی سێشەممە سەبارەت بە بارودۆخی ئەمنی ناوچەكە و شەڕی بەردەوامی داعش و هاوكاریی نێوانیان لە تاران كۆبوونەوە. 

بە گوێرەی هەمان راپۆرتی میدیایی "وەزیرانی دەرەوەی ئەو وڵاتانە سەركۆنەی پەلاماری ئاسمانی ئەم دواییەی ئیسڕائیلیان كردووە بۆ سەر سووریا و داواشیان لە كۆمەڵگەی نێودەوڵەتی كردووە هەوڵی پێویست بۆ وەستانی ئەم دەستدرێژییانە بدەن".

وەزیرانی دەرەوەی ئێران، سووریا و عێراق لەم كۆبوونەوەیە وێڕای تاوتوێكردنی دوایین پەرەسەندنی رووداوەكانی ناوچەكە، جەختیان لە بەردەوامی هەوڵ و هاریكارییەكانیان كردووەتەوە بۆ وەستاندنی هەڕەشەكانی داعش لە عێراق و سووریا.</sup>

rudaw

^10/12/2014

^{شاندێكی‌ كوردانی‌ دانیشتووی‌ ئه‌وروپا بۆ یادكردنه‌وه‌ی‌ رۆژی‌ جیهانی‌ شه‌نگال سه‌ردانی‌ باڵه‌خانه‌ی‌ په‌رله‌مانی‌ ئه‌وروپایان كرد له‌ برۆكسڵ و داوایانكرد كۆنفرانسێكی تایبه‌ت به‌ شه‌نگال ساز بكرێت.}

^{به‌گوێره‌ی راگه‌یه‌ندراوێكی نوێنه‌رایه‌تی هه‌رێمی كوردستان له‌ یه‌كێتی ئه‌وروپا كه‌ وێنه‌یه‌كی بۆ خه‌ندان نێردراوه‌، تیایدا هاتووه‌: شانده‌كه‌ له‌لایه‌ن دلاوه‌ر خالید ئاژگه‌یی‌ یاوه‌ری‌ ده‌كران كه‌ پێكهاتبوون له‌ داسن فاروق به‌گ، برای‌ میر ته‌حسین به‌گ میری‌ ئێزیدیان و كامه‌ران قاسم نوێنه‌ری‌ سه‌نته‌ری‌ لالش له‌ ئه‌ڵمانیا و ژماره‌یه‌ك له‌ ئه‌ندامانی‌ سه‌نته‌ری‌ ناوبراو، له‌ لایه‌ن چارلس ته‌نۆك سه‌رۆكی‌ گرووپی‌ دۆستایه‌تی‌ كوردستان له‌ په‌رله‌مانی‌ ئه‌وروپا پێشوازی‌ كراون.}

^{ئه‌وه‌ش خراوه‌ته‌ڕوو: شاندی‌ ئێزیدییه‌كان له‌و دانیشتنه‌ ئاماژه‌یان به‌ قه‌تڵ و عام و پرۆسه‌ی‌ جینۆساید و ئه‌نفالی‌ ئێزیدییه‌كان كرد داوایانكرد یه‌كێتی‌ ئه‌وروپا هاوكاری‌ زیاتری‌ ئێزیدییه‌كان بكات.}

^{دلاوه‌ر خالید ئاژگه‌یی‌، نوێنه‌ری هه‌رێمی كوردستان كوردستان له‌ یه‌كێتی ئه‌وروپا رایگه‌یاند، شاندی‌ یه‌زیدییه‌كان یاداشتی‌ خۆیان گه‌یاندووه‌ته‌ په‌رله‌مانی‌ ئه‌وروپا، چارلس تنۆك له‌لایه‌ن خۆیه‌وه‌ به‌ڵێنیداوه‌ له‌ ناوه‌نده‌ فه‌رمییه‌كانی‌ یه‌كێتی‌ ئه‌وروپا زیاتر گرنگی‌ به‌و پرسه‌ بدرێت.}

xendan

^10/12/2014

<sup>کەناڵێکی تەلەڤزیۆنی ئەرمەنی بەشێک لە خاکی باکووری کوردستان ( وان، ئەرزەرۆم، قارس و كۆمەڵ ناوچەی دیكە) وەک رۆژئاوای ئەرمینیا نێودەبات و دەڵێت 4 ملیۆن ئەرمەنی لەو ناوچەیە نیشتەجێن.

کەناڵی تەلەڤزیۆنی کەنترۆنی ئەرمەنی لە راپۆرتێکی هەواڵیدا کە لە لایەن رۆژنامەنووس نایری هۆخیکیانەوە ئامادەکراوە، باس لە پرۆسەی چارەسەری دەکات و دەڵێت،" پلانەکەی عەبدوڵڵا ئۆجەلان پێدەچێت ناکۆکی 100 ساڵەی نێوان کورد و تورک کۆتایی پێبهێنێت".

لە راپۆرتەکەدا ئاماژە بەوە دەکرێت کە 12 ملیۆن کورد، 3 ملیۆن تورک و 4 ملیۆن ئەرمەنی لەو ناوچەیە دەژین کە بەشێکە لە شارەکانی باکووری کوردستان. بەڵام ئەو ناوچەیە بە رۆژئاوای ئەرمنیا نێودەبات.</sup>

^9/12/2014

^{كچه‌نوسه‌ری به‌ریتانی زویلا به‌ئاشكرا دانی به‌وه‌دا نا كه‌ ئه‌و كتێیه‌ی له‌ یه‌كه‌م هه‌فته‌ی خستنیه‌ بازاڕه‌وه‌ له‌ڕوی پڕفرۆشییه‌وه‌ پله‌ی یه‌كه‌می كتێبه‌كانی جه‌ژنی له‌دایكبونی حه‌زره‌تی مه‌سیحی گرتووه‌، خۆی نه‌ی نوسیوه‌.}

^{زوێلا له‌سه‌ر ماڵپه‌ڕی كۆمه‌ڵایه‌تی تویته‌ر دانی به‌و راستییه‌دا نا كه‌ رۆمانه‌كه‌ی كه‌ به‌ناونیشانی "كچێك له‌سه‌ر ئینته‌رنێت"ه‌، كه‌سێكی تر نوسیویه‌تی. هاوكات ده‌زگای بڵاوكردنه‌وه‌ی پێنگوین رانده‌م كه‌ كتێبه‌كه‌ی بۆ بڵاوكردووه‌ته‌وه‌، له‌لایه‌ن خۆیه‌وه‌ ئه‌و نهێنییه‌ی ئاشكراكرد نا كه‌ زوێلای ته‌مه‌ن 24 ساڵ نوسه‌ری ئه‌و رۆمانه‌ نیه‌.}

^{ئه‌و رۆمانه‌ له‌ماوه‌ی ته‌نها حه‌وت رۆژدا 78 هه‌زارو 109 نوسخه‌ی لێفرۆشراوه‌، ئه‌مه‌ش ریكۆردێكه‌ كه‌ ته‌نانه‌ت رۆمانی هاری پۆته‌ر نه‌یتوانیوه‌ تۆماری بكات.}

^{زوێلا له‌سه‌ر تویته‌ر نوسیویه‌تی: "هه‌موو كه‌سێك پێویستی به‌ یارمه‌تییه‌ كاتێك شتێكی نوێ تاقیده‌كاته‌وه‌. ته‌نها چیرۆك و كه‌سایه‌تییه‌كانی "كچێك له‌سه‌ر ئینته‌رنێت" هی منه‌" به‌ڵام نوسینی رۆمانه‌كه‌ هی كه‌سێكی تره‌.}

^{ئه‌م كچه‌ خاوه‌نی كه‌ناڵێكی تایبه‌ته‌ له‌سه‌ر ماڵپه‌ڕی یوتیوب و تێیدا فۆكه‌سی له‌سه‌ر مۆده‌و جوانی و كه‌سایه‌تییه‌ به‌ناوبانگه‌كان و شێوازه‌كانی ژیان ده‌كات و خاوه‌نی شه‌ش ملیۆن سه‌بسكرایبه‌ره‌.}

^{ئه‌و كچه‌ له‌سه‌ر به‌رگی "رۆمانه‌كه‌ی" نوسیویه‌تی: "ئاواتم ئه‌وه‌ بووه‌ كتێبێك بنوسم، بڕواناكه‌م كه‌ ئه‌و خه‌ونه‌م بووه‌ته‌ راستی".}

^{ئه‌و كچه‌ كه‌ به‌ یه‌كێك له‌ئه‌ستێره‌كانی سه‌ر یوتیوب داده‌نرێت، پاش ئه‌و دانپێدانانه‌، راشیگه‌یاند واز له‌ئینته‌رنێت ده‌هێنێت.}

^xendan

^9/12/2014

^{گۆڤاری ناسراوی ئەمریکی "تایم" کە یەکێکە لە گۆڤارە بەناوبانگەکانی جیهان، ناوی کاندیدانی ساڵی ئاشکرا کرد و مەسعود بارزانی سەرۆکی هەرێمی کوردستانیش، یەکێکە لەو کاندیدانە.} 

^{بەپێی راپۆرتێکی ئەو گۆڤارە، بۆ کەسایەتی ساڵی ٢٠١٤، گۆڤاری تایم، هەشت کەسایەتی جیهانی دەست نیشان کردووە بۆ ئەو نازناوە کە بڕیارە لە مەراسیمێکدا رۆژی چوارشەممەی داهاتوو ١٠ی کانوونی یەکەم لەشاری نیویۆڕکی ئەمریکی براوەی نازناوەکە ئاشکرا بکرێت.}

^{بارزانی یەکێکە لە کاندیدەکان شان بەشانی ڤلادمیەر پوتنی سەرۆکی رووسیا، تیم کوکی بەڕێوەبەری جێبەجێکاری کۆمپانیای ئەپڵ، جاک مای دامەزرێنەری کۆمپانیای بازرگانی چینی عەلی بابا، بەڕێوەبەری گشتی خولی تۆپی پێی ئەمریکی رۆجەر گودێل و کچە گۆرانیبێژی ئەمریکی تایلەر سویفت.}

^{هەروەها گۆڤارە ناوی دوو گروپیشی بۆ ئەو نازناوە دەستنیشان کردووە، کە ئەوانیش خۆپیشاندەرانی شاری فێرگسۆنی ئەمریکی، کە تایبەت بوو بە ناڕەزایەتییەکانی ئەو شارە بەرامبەر بە سیستەمی دادی ئەمریکی سەبارەت بە کوشتنی گەنجێکی رەشپێستی ئەمریکی بەناوی مایکڵ بڕاون لەلایەن پۆلیسێکی سپی پێستەوە کە دادگای ئەو شارە، پۆلیسەکەی بەبێ تاوان لەقەڵەمدا.}

^{گروپەکەی دیکە بریتییە لەو کەسانەی هاوکاری و یارمەتی تووشبووانی نەخۆشی ئیبۆلایان کردووە، کە نەخۆشییەکی کوشندەیە و ئەمساڵ لە چەندین وڵاتی کیشوەری ئەفریقا پەرەی سەند و بە هەزاران تووشبووی کوشت.}

^{لەبارەی کاندیدەکانەوە و بنەمای دەستنیشان کردنی ئەو کەسانە، نانسی گیبس، یەکێک لە دەستەی بەڕێوەبەری نووسەرانی ئەو گۆڤارە دەڵێ:” کاندیدەکان لە سەر بنەمای ئەوە دەستنیشان کران کە گۆڤاری تایم پێیوایە کاریگەرییەکی گەورەی لەسەر رووداو و هەواڵەکانی ئەمساڵی جیهان هەبووە”.}

^{گیبس ئەوەشی ئاشکرا کرد کە کەسی براوە لە لایەن دەستەی بەڕێوەبەرانی نووسەرانی گۆڤارەکە دەستنیشان دەکرێت.}

^{ئەم نازناوە لەسەر ئاستی جیهان ناوبانگییەکی زۆری هەیە و هەموو ساڵێک گۆڤاری تایم، کەسایەتییەکی جیهان بۆ ئەو نازناوە دەستنیشان دەکات و براوەی ساڵی رابردوو پاپا فڕانسیسی پاپای ڤاتیکان بوو، دوو ساڵ لەمەوپێشیش باراک ئۆبامای سەرۆکی ئەمریکا بوو.}

^{گۆڤاری تایم لەساڵی ١٩٢٧وە ئەم نازناوە دابەش دەکات و هەتا ئێستا چەندین کەسایەتی بەناوبانگ و سەرۆکی وڵاتانی جیهان نازناوەکەیان بەدەست هێناوە، لەوانەش:”مەهاتما گاندی سەرۆک و رابەری مێژووی هیندستان، فڕانکلن رۆسڤۆڵتی یەکێک لە سەرۆکە سەرکەوتووەکانی ئەمریکا، وینستن چێرچڵی سەرۆکوەزیرانی بەریتانی”.}

^{سەرچاوە: باس نیوز}

^9/12/2014

<sup>جوانی و رێکوپێکی شارەکان زیاتر لەهەمووان لەئەستۆی شارەوانی و بەتایبەت سەرۆکی شارەوانییە. سەرۆکی شارەوانییەکان بەدەنگی ئەندامانی ئەنجوومەنی شارەوە هەڵدەبژێردرێن کە ئەوانیش راستەوخۆ لەلایەن خەڵکەوە هەڵبژێردراون. بەپێی بنەماکان، ئەنجوومەنی شارەکان دەبێ بەپێی توانا، لێهاتوویی و رێکوپێکی پرۆژەکانی، کەسێک وەکو سەرۆکی شارەوانی هەڵبژێرن.  

نزیکەی ساڵ و نیوێکە دوایین خولی هەڵبژاردنی ئەندامانی ئەنجوومەنی شار و گوندەکان لەئێران بەڕێوەچووە و دوای ئەو هەڵبژاردنە، پرۆسەی هەڵبژاردنی سەرۆک شارەوانی لە زۆربەی شارەکانی رۆژهەڵاتی کوردستان ماوەیەکی زۆری خایاند، دوای هەڵبژاردنیشیان لەزۆر شوێن، کێشە لەنێوان سەرۆک شارەوانی و ئەندامانی ئەنجوومەنی شارەکانی سەریهەڵداوە کە پارێزگای لۆرستان نموونەی بەرچاویەتی. 

تاوەکو ئێستا سەرۆک شارەوانی 5 شاری ئەو پارێزگایە، دوای نزیکەی چەند مانگ لە دەستبەرکاربوونیان، لەسەرکار لادراون. هۆکاری لادانی سەرۆک شارەوانییەکانی خوڕەم ئاوا، کوهدەشت، ئەلشتەر، دوورود و ئەلیگودەرزی پارێزگای لوڕستان، ناڕازیبوونی ئەندامانی ئەنجوومەنی شارەکان لە چالاکییەکانیان راگەیەندراوە، بەڵام لادانی زنجیرەیی سەرۆک شارەوانییەکان و هەروەها لابردنیان دوای 5-6 مانگ کارکردن، گومانی خستووەتە سەر ئەوەی کە لابردنیان تەنیا بەهۆی کار نەزانی بووبێ. 

بەپێی هەندێک سەرچاوەی هەواڵ لە پارێزگای لوڕستان، سێبەری گوشاری ناوەندەکانی دەسەڵات، پەیوەندی تاکەکەسی و خزمایەتی و بەرژەوەندی هاوبەشی ئابووری لەگەڵ ئەنجوومەنی شار، بەسەر هەڵبژاردنی سەرۆک شارەوانییەکانی ئەو پارێزگایەدا هەبووە و ئێستاش کە بەرژەوەندییەکانیان تێکگیراوە، لایان دەبەن.

دانانی سەرۆک شارەوانییەکان و لابردنیان، بودجەیەکی زۆر لەسەر دەستی شارەکان دادەنێ. هەرکام لە شارەوانە دوورخراوەکانی پارێزگای لوڕستان لەماوەی نزیک شەش مانگەی کارکردنیاندا، هەم بەشێک لە بودجە و داهاتی شارەکانیان خەرجکردووە و هەمیش لەسەر گیرفانی خەڵک چەندین پرۆژەیان دەستپێکردووە کە دیارنییە دوای ئەوان چی بەسەردێ.

ناکۆکی نێوان شارەوان و ئەندامانی ئەنجوومەنی شار، لە زۆرێک لە شارەکانی دیکەی رۆژهەڵاتی کوردستانیش سەریهەڵداوە. ئەندامانی ئەنجوومەنی شار زیاتر چاوەڕێن ئەو کەسانەی هەڵیاندەبژێرن، لە قسەیان دەرنەچن و پابەندی بەڵێنەکانیان بن. سەرۆک شارەوانەکانیش زیاتر لە ئازادبوون لە کارەکانیان دەگەڕێن. ئەوە جگە لەوەی کە بەشێک لەوان بە دروستکردنی پەیوەندی گەندەڵی تۆمەتبار دەکرێن بەو واتایە کە سەرۆک شارەوانی لەگەڵ هەموو یان بەشێک لە ئەندامانی ئەنجوومەنی شارەکان رێکدەکەون و چاو لە گەندەڵییەکانی یەکتر دەنووقێنن کە لە ئاکامدا بە نرخی پێشنەکەوتنی شارەکان و خورانی بودجە و موڵکی گشتی تەواو دەبێت.</sup> 

http://rudaw.net/sorani/kurdistan/0812201421

^9/12/2014

^{به‌هه‌زاران كه‌سی ئێرانی روویانكردوه‌ته‌ سنووری نێوان عیراق و ئێران به‌مه‌ستی په‌ڕینه‌وه‌یان بۆ به‌شداریكردنی چله‌ی ئیمام حوسێن له‌شاری كه‌ربه‌لا كه‌ رۆژی شه‌ممه‌ به‌ڕێوه‌ده‌چێ، له‌لایه‌ن كاربه‌ده‌ستانی سنووری عیراقیشه‌وه‌ ئاسانكارییان بۆ ده‌كرێ به‌بێ ڤیزا بێنه‌ ژووره‌وه‌.}

^{زۆرێك له‌وانه‌ی روویانكردوه‌ته‌ سه‌ر سنوور له‌زرباتیه‌ چاوه‌ڕێی ئۆتۆمبیلن تا بیانگه‌یه‌ننه‌ كه‌ربه‌لا، به‌شێكیان تابلۆیان به‌رزكردوه‌ته‌وه‌و له‌سه‌ری نوسراوه‌ "پێكه‌وه‌ تیرۆر تێكده‌شكێنین"، ئه‌وه‌ش وه‌ك په‌یامێك وایه‌ بۆ رێكخراوی داعش.}

^{حسێن ره‌حیمی كه‌ له‌پارێزگای (كرمان)ه‌وه‌ هاتوه‌، ده‌ڵێت: "ئێمه‌ به‌فه‌رمانی رابه‌ری باڵای كۆماری ئیسلامی ئایه‌توڵڵا خامنه‌ئی هاتووین بۆ زیاره‌ت".}

^{ئه‌م كه‌سه‌ سه‌ره‌ڕای ئه‌وه‌ی كه‌ هاتووه‌ بۆ زیاره‌ت نه‌ك بۆ شه‌ڕ، وێنه‌یه‌كی بچوكی خامنه‌ئی خستووه‌ته‌ سه‌ر پاسپۆرته‌كه‌ی و ده‌ڵێ "ده‌مانه‌وێت له‌ئێستاوه‌ په‌یامه‌كه‌مان بگه‌یه‌نین به‌گروپه‌ تیرۆریسته‌كان كه‌ ئێمه‌ ئاماده‌ین بۆ شه‌ڕ دژ به‌و گروپه‌ تیرۆریسته‌".}

^{كه‌سێكی تر به‌ناوی عه‌لی ئه‌كبه‌ر ره‌زایی كه‌ له‌شاری (مه‌شهه‌د)ه‌وه‌ گه‌یشتوه‌ ده‌ڵێ "هاتووین بۆ ئێره‌ تاكو به‌و گروپه‌ تیرۆریستییه‌ بڵێین لێره‌ین له‌گۆڕه‌پانی شه‌ڕ دژ به‌داعش".}

^{عه‌لی ئه‌كبه‌ر جلێكی ره‌شی له‌به‌ردابوو، ئه‌وه‌شی وت: "هاتووین بۆ ئێره‌ له‌پێناوی ئه‌وه‌ی بوونی خۆمان رابگه‌یه‌نین له‌عیراقدا".}

^{سه‌رچاوه‌: سایتی المسله‌.}

^8/12/2014

^{ئه‌ندامێكی سه‌ركردایه‌تیی‌ یه‌كێتی‌ نیشتیمانی‌ كوردستان ڕایگه‌یاند كه‌ توركیا جدی نییه‌ له‌ چاره‌سه‌ر كردنی‌ كێشه‌ی‌ نه‌ته‌وه‌ی‌ كورد و په‌كه‌كه‌ و لایه‌نگرانیشی هه‌مان بۆچوونیان له‌وباره‌یه‌وه‌ هه‌یه‌.}

^{نه‌رمین عوسمان، ئه‌ندامی‌ سه‌ركردایه‌تیی‌ یه‌كێتی‌ نیشتیمانی‌ كوردستان، له‌میانه‌ی‌ به‌ژداریكردنی‌ له‌ به‌رنامه‌ی‌ (گفتوگۆی‌ خه‌ندان) له‌ڕادیۆی‌ خه‌ندان رایگه‌یاند: "په‌كه‌كه‌ وهه‌مولایه‌نگره‌كانی‌ هه‌موو یه‌ك گوتاریان هه‌یه‌، ئه‌ویش ئه‌وه‌یه‌ كه‌ توركیا جدینیه‌ له‌ چاره‌سه‌ر كردنی‌ كێشه‌ی‌ نه‌ته‌وه‌ی‌ كورد."}

^{ئاماژه‌ی‌ به‌وه‌ش كرد: تائێستا نه‌توانراوه‌ هیچ مادده‌یه‌ك له‌ ده‌ستوری‌ توركیا جێبكرێته‌وه‌ كه‌ له‌ به‌رژه‌وه‌ندیی‌ گه‌لی‌ كوردا بێت، ئه‌و كارانه‌ش كه‌ تا ئێستا كراون ته‌نها بۆ بانگه‌شه‌ی‌ هه‌ڵبژاردن بووه‌ و ئه‌نقه‌ره‌ جدی نییه‌ له‌ پرۆسه‌كه‌دا.}

^{نه‌رمین عوسمان وتیشی‌:" تا ئێستا ئه‌قڵیه‌تی‌ عه‌سكه‌ری‌ له‌ناو ئه‌و حیزبانه‌دا ماوه‌ كه‌ له‌ توركیا دێنه‌ سه‌ر ده‌سه‌ڵات، ئه‌وان ده‌یانه‌وێت دڵی‌ هه‌موولایه‌نێك رازی بكه‌ن، ئه‌و به‌ڵێنانه‌ی‌ كه‌ ده‌شیده‌ن، جێبه‌جێ ناكرێت و ئه‌وه‌ ته‌نها بۆ چاوبه‌ستی‌ هه‌ندێك هێزی‌ كوردیه‌، بۆ ئه‌وه‌ی‌ ده‌نگیان پێبده‌ن".}

^{له‌ به‌شێكی دیكه‌ی گفتوگۆكه‌دا، ئه‌ندامه‌كه‌ی سه‌ركردایه‌تیی یه‌كێتی نیشتمانی كوردستان رایگه‌یاند:" داود ئۆغڵو ناتوانێت هیچ كارێ‌ بكات و له‌ ڕێبازی‌ ئه‌ردۆغان لابدات، ئه‌و نیشانانه‌ی‌ كه‌ده‌رده‌كه‌ون، ئه‌وه‌ ده‌سه‌لمێنن كه‌ ئه‌ردۆغان هه‌یمه‌نه‌ی‌ له‌سه‌ر ئاك پارتی‌ ماوه‌ و ده‌توانێت ده‌ست له‌ كاروباره‌كان وه‌ربدات، له‌وباوه‌ڕه‌شدام ده‌سله‌كاركێشانه‌وه‌ی‌ ئه‌ردۆغان له‌ ئاك پارتی‌ ته‌نها ڕوكه‌ش بێت، چونكه‌ ده‌ستور ڕێگه‌ نادات سه‌رۆك كۆمار سه‌رۆكی وڵات و سه‌رۆكی حزبیش بێت".}

^xendan

^8/12/2014