^{میدیاكانی ئیسرائیل: فڕۆکە هێرشبەرەكانی ئیسرائیل کە ئەم دواییە هێرشیان كردە سەر ئێران ئەنجامداوە، هیچ رێگرییان لە ناو ئاسمانی سوریا و عێراق تۆمار نەکردوە.}

^{لە راپۆرتێكدا رۆژنامەی (JERUSALEM POST)ـی ئیسرائیلی بڵاویکردەوە: زیاتر لە (100) فڕۆکەی هێرشبەری هێزی ئاسمانی ئیسرائیل، کە لە فڕۆکەی جەنگی و فڕۆکەی بێفڕۆکەوان پێكهاتبون و نزیکەی (1600) کیلۆمەتریان بەسەر خاکی (دوژمن) سوریا و عێراق بڕیوە بۆ بەئامانج گرتنی دەیان بنكە و ناوچە سەربازییەكانی هەستیار لە شارە جیاوازەكانی ئێران، دوای كۆتایی هێنان بە ئۆپراسیۆنەكانیشیان بەسەلامەتی گەڕاونەتەوە بۆ بنكەكانی خۆیان.}

^{ئەوەشی خستوەتەڕو، پێش هێرش كردنە سەر ئێران، پێدەچێت فڕۆكەكانی ئیسرائیل ڕادار و بنكە ئاسمانییەكانی رژێمی سوریایان بەئامانج گرتبێت و دواتر بەئاسمانی عێراقدا تێپەڕبوبێتن، چاودێرانیش بە رۆژنامەكەیان راگەیاندوە: كە لاوازی هێزی ئاسمانی عێراق هۆكار بوە بۆ ئەوەی فڕۆكەكانی ئیسرائیل بەئاسانی سنوری وڵاتەكەیان بەزاندبێت.}

^{راپۆرتی رۆژنامەكە ئەوەی رونكردوەتەوە، زیان گەیاندن بە بەرگری ئاسمانی دیمەشق بەس بوە بۆ ئەوەی فڕۆكەكانی ئیسرائیل بە ئاسمانی سوریا و عێراقدا تێپەڕببن، كە ئەوەش پەیوەندی بە سیستەمی بەرگرییەكانی روسیاوە هەیە، چونكە لاوازیی سیستەمەكەی روسیا لە وەڵامدانەوەی ئۆپراسیۆنەكە پیشان دەدات.}

^{رۆژنامەی (JERUSALEM POST) ئاماژەی بۆ ئەوەشكردوە، سەبارەت بە سیستەمی بەرگری ئاسمانی عێراق كە لە تێکەڵەیەک لە سیستەمی بەرگری ئاسمانی سۆڤیەت و ڕۆژئاوا پێکدەهێنێت بەهۆی نەبونی سیستەمێکی یەکگرتو توانای روبەڕوبونەوەی ئامانجی دوژمنکارانەی نییە.}

30/10/2024