^{کۆمەڵێک گەورە زانا و دانای جیهان، پێناسەی پێغەمبەری ئیسلام محەممەدی کوڕی عەبدوڵڵا (د. خ.) دەکەن و زۆربەیان بە پیاوێکی گەورەی مرۆڤایەتی دەیناسێنن.}

^گاندی:

^{ویستم کەسێک بناسم، کە بەبێ کێشە دڵی هەزاران کەسی داگیرکردبێت، بۆم دەرکەوت، کە محەممەد ئەو کەسەیە و لە رێگەی سادەیی، راستگۆیی و دڵسۆزی بۆ پەیامەکەی و هەروەها ئەخلاقێکی زۆر بەرز، کە لەو پیاوەدا هەبوو، دڵی خەڵکی داگیرکردووە.}

^{فەیلەسووفی فەرەنسی لامارتین:}

^{ئەگەر بێتو پێوەرەکانی دیاریکردنی کەسانی ناوازە دیاریبکەین بۆ خزمەتکردن بە مرۆڤایەتی، ئەوا هیچ کەس جورئەت ناکات بڵێت، من لە محەممەد داهێنەرتربووم، چونکە ئەو خۆشەویستییەکی هەمیشەیی بەسەرزەویدا بڵاوکردەوە و داهێنەرەکانی دیکە چەک و داگیرکارییان بەدوای خۆیاندا هێنا.}

^{تۆڵستۆی:}

^{تەنها ئەوەندە بەسە بۆ محەممەد، کە شەیتانی لە میللەتەکەی دوورخستەوە و لە زەلیلی رزگاریکردن.}

^{بێرناردشۆ:}

^{محەممەد پیشڕەوی ئایینێک دەکات، تاهەتایە بە نەمری دەمێنێتەوە. رۆژێکیش دێت لە کیشوەرەکەی مندا ئایینەکەی ئەو پانتاییەکی زۆر دەگرێتەوە.}

^{ئێدوار مۆنتێیە:}

^{محمەمەد عاقڵترین پیاوی عەرەب بووە لە مێژوودا.}

^{شاعیری فەڕەنسی لامارتین:}

^{گەورەترین رووداو لە ژیانی مندا خوێندنەوەی ژیاننامەی محەممەد، پێغەمبەرەی ئیسلام بوو، دەرکم بە گەورەیی و نەمریشی کرد.}

^{گۆتە، شاعیری ئەڵـمانی:}

^{لە هەموو مێژووی مرۆڤایەتی بۆ باڵاترین مرۆڤ گەڕام، پێغەمبەرێکم دۆزییەوە ناوی محەممەد بوو.}

^{١٢ی بەفرانباری١٣٩٣ی هەتاویی}

^٢ی ژانویەی ٢٠١٥ی زاینی

کۆمەڵێک گەورە زانا و دانای جیهان، پێناسەی پێغەمبەری ئیسلام محەممەدی کوڕی عەبدوڵڵا (د. خ.) دەکەن و زۆربەیان بە پیاوێکی گەورەی مرۆڤایەتی دەیناسێنن.

گاندی:

ویستم کەسێک بناسم، کە بەبێ کێشە دڵی هەزاران کەسی داگیرکردبێت، بۆم دەرکەوت، کە محەممەد ئەو کەسەیە و لە رێگەی سادەیی، راستگۆیی و دڵسۆزی بۆ پەیامەکەی و هەروەها ئەخلاقێکی زۆر بەرز، کە لەو پیاوەدا هەبوو، دڵی خەڵکی داگیرکردووە.

فەیلەسووفی فەرەنسی لامارتین:

ئەگەر بێتو پێوەرەکانی دیاریکردنی کەسانی ناوازە دیاریبکەین بۆ خزمەتکردن بە مرۆڤایەتی، ئەوا هیچ کەس جورئەت ناکات بڵێت، من لە محەممەد داهێنەرتربووم، چونکە ئەو خۆشەویستییەکی هەمیشەیی بەسەرزەویدا بڵاوکردەوە و داهێنەرەکانی دیکە چەک و داگیرکارییان بەدوای خۆیاندا هێنا.

تۆڵستۆی:

تەنها ئەوەندە بەسە بۆ محەممەد، کە شەیتانی لە میللەتەکەی دوورخستەوە و لە زەلیلی رزگاریکردن.

بێرناردشۆ:

محەممەد پیشڕەوی ئایینێک دەکات، تاهەتایە بە نەمری دەمێنێتەوە. رۆژێکیش دێت لە کیشوەرەکەی مندا ئایینەکەی ئەو پانتاییەکی زۆر دەگرێتەوە.

ئێدوار مۆنتێیە:

محمەمەد عاقڵترین پیاوی عەرەب بووە لە مێژوودا.

شاعیری فەڕەنسی لامارتین:

گەورەترین رووداو لە ژیانی مندا خوێندنەوەی ژیاننامەی محەممەد، پێغەمبەرەی ئیسلام بوو، دەرکم بە گەورەیی و نەمریشی کرد.

گۆتە، شاعیری ئەڵـمانی:

لە هەموو مێژووی مرۆڤایەتی بۆ باڵاترین مرۆڤ گەڕام، پێغەمبەرێکم دۆزییەوە ناوی محەممەد بوو.

١٢ی بەفرانباری١٣٩٣ی هەتاویی

٢ی ژانویەی٢٠١٥ی زاینی

<sup>سەرتاپای جیهان بەم دیمەنانە پێشوازی لە ساڵی نوێ کرد. بەڵام دانیشتووانی شاری ئامەد لە باکووری کوردستان نەیانتوانی بە هەما شێوە ئاهەنگی سەری ساڵ ساز بکەن.

شەوی سەری ساڵ پلەی گەرما لە ئامەد کەمتر بوو لە 5 پلەی سیلیزی. لەگەڵ ئەوەدا بە هەزاران کەس رژانە سەر شەقامەکان بۆ پیرۆزکردنی ساڵی نوێ و پێشوازیکردن لە 2015. ئەوەی چاوەڕێ نەدەکرا، ئۆپەراسیۆنی پۆلیس بوو بۆ بڵاوەپێکردنیان، بەڵام روویدا.

پێکدادانی نێوان پۆلیس و هاونیشتمانیان لە چەند گەڕەکێکی ئامەد بووە رێگر لە بەردەم ئاهەنگگێڕان. سەرەتا لە ناوچەی یەنیشەهیر لەو شارە دەمەقاڵە لە نێوان چەند گەنجێک و پۆلیس درووستبوو. دواتر پۆلیس بڕیاری بڵاوەپێکردنی هاونیشتمانیانی دا و بۆ ئەو مەبەستە گازی فرمێسکڕێژ و ئاوی بەکارهێنا.

رووداوەکان بۆ ماوەی چەند کاژێرێک بەردەوام بوون. هەتا دواجار پۆلیس رێگا سەرەکییەکانی ئەو شارەی داخستن. لە یەکەم چرکەساتەکانی ساڵی نوێشدا 4 هاونیشتمانی دەستگیرکران و ئەم دیمەنانە بوون بە یەکەم دیمەنی تۆمارکراو لە ئامەد.</sup>

rudaw

^2/1/2015

<sup>شەپۆلەکانی بزووتنەوەی سەوز زۆر لەمێژە خەوتووە، ئەحمەدی نژادیش لە دەسەڵات کەوتووە ، سەرۆک کۆماری ئێستای ئێران بە دەنگی زۆرینەی ریفۆڕم خوازەکان لەسەر کورسی دانیشتووە ،بەڵام پرسیارێکی گەورە کە خواستی بەشێک لە کۆمەڵگای ئێرانیشە هەر بێ وەڵام ماوەتەوە ، داهاتووی رێبەرانی بزووتنەوە سەوز چی دەبێت ؟ ئەم پرسیارە بووەتە ژانەسەرێک بۆ لایەنگرانی رێبەری ئێران و سیاسەتمەدارانی موحافزەکاری ئێران .

لەدوایین کاردانەوەدا ، سادق لاریجانی، سەرۆکی دەسەڵاتی دادوەری کۆماری ئیسلامیی ئێران لەوڵامی رەخنەی هەندێک کەس سەبارەت بە بەندکردنی رێبەرانی بزووتنەوەی سەوز بێ دادگاییکردنیان رایگەیاند، بڕیاری ئەنجوومەنی باڵای ئاسایشی نیشتمانی و پێداگری بەندکراوەکان لەسەر قسەکانی خۆیان، ئاستەنگی لەبەردەم بەڕێوەبردنی دادگا کردووە.

سەرۆکی دەسەڵاتی دادوەری کۆماری ئیسلامی ئێران لە کۆبوونەوەی بەرپرسانی باڵای دادوەریدا گوتوویەتی:" هەرکات بڕیاری ئەنجوومەنی باڵای ئاسایشی نیشتمانی ئاڵوگۆڕی بەسەردا بێت، دەسەڵاتی دادوەری ئامادەیە دانیشتنی دادگا بەڕێوەبەرێت، هەڵبەت دەبێ بڵێم کە دادگا جێگای دەردەدڵکردن و قسەفڕێدان و کایەکردن بە دەرونی خەڵک نییە، ئەو کەسانە لە دادگا دەبێ بەرگری لەخۆیان و کردەوەکانیان بکەن ، چوون دۆسیەی ئەو کەسانە پڕە لە تۆمەت".

بەگوتەی خۆی ، لاریجانی ئەو قسانە لە وڵامی کەسانێکدا کردووە کە بەردەوام پرسیاری لێدەکەن بۆچی رێبەرانی فیتنە دادگای ناکرێن و تەنانەت دەسەڵاتی دادوەری دەبەنە ژێر پرسیار و دەڵێن کە دەسەڵاتی دادوەری توانای دادگاییکردنی ئەو کەسانەی نییە"، ناوبراو ئەو قسەیەی رەدکردووەتەوە و گوتوویەتی کە دەسەڵاتی دادوەری ئێران بەهێزە و دۆسیەی زۆرلەوە گەورەتری چارەسەر کردووە. 

بە باوەڕی چاودێرانی سیاسی ئەو گوتانەی لاریجانی وڵامێکی ناڕاستەوخۆن بۆ عەلی موتەهەری، نوێنەری موحافزەکاری پەرلەمانی ئێران کە گوتبووی ئەنجوومەنی باڵای ئاسایشی نیشتمانی تەنیا لە کاتێکدا کە ئاڵۆزییەک هەیە دەتوانێ فەرمانێک دەربکات و بەندکرانی ئەو کەسانە لە چەند ساڵی رابردوودا پێویستی بە بڕیاری دادگا هەبووە .

مێر حوسەین موسەوی و مێهدی کەڕوبی و زەهرا رەهنەوەرد، رێبەرانی بزووتنەوەی سەوز لە زستانی چوار ساڵ لەوە پێشەوە لەماڵەکانی خۆیاندا بەندکراون، بێ ئەوەی دادگایی بکرێن، ئەوە لەکاتێکدایە کە دەیان کەس لە تاوانبارانی ئەو دۆسیەیە هەر ئەوکات بە شێوەی گشتی لەلایەن دەسەڵاتی دادوەرییەوە دادگایکران و حوکمیان بۆ بڕایەوە.</sup>

^rudaw

^2/1/2014

<sup>سەرۆکی پارتی حەق و حەقیقەت لە تورکیا، رەخنە لە ناوبردنی رێکخراوی داعش بە "تیرۆریست" دەگرێت و بە بزووتنەوەیەکی میللی ناوی دەبات.

دورسون گونەش، سەرۆکی پارتی "حەق و حەقیقەت"ی تورکیا لە لێدوانێکدا کە دەنگدانەوەی زۆری لێکەوتەوە، رەخنە لە ناوبردنی رێکخراوی داعش بە تیرۆرست دەگرێت و دەڵێت:" دەکرێ تۆ پێت وابێت داعش تیرۆريستە، بەڵام من دەڵێم تیرۆرست نییە. داعش بزووتنەوەیەکی میللییە کە مافی گەلەکەی خۆی دەپارێزێت".

گونەش سەبارەت بە (ئاک سەرای) کۆشکی سەرۆک کۆماری نوێی تورکیاش قسەی کرد و گوتی:" ئێمە لەگەڵ ئیسراف نین، بەڵام ئەو کۆشکە ئەگەر بیر بکەیتەوە کە خەلیفەی تێدا دادەنیشێت، ئەوا پێدەچێت بۆ ئەو مەبەستە بنیاتنرابێت، ئێمە ئەوەمان پێ باشە و دەمانەوێت سیستمی سەرۆکایەتی بهێنین".

پارتی حەق و حەقیقەت ساڵی 2008 لە تورکیا دامەزرێندراوە و خەبات بۆ بنیاتنانەوەی دەوڵەتی عوسمانی دەکات.</sup>

^2/1/2014

<sup>نێردەی تایبەتی ئەمریكا لە هاوپەیمانێتی نێودەوڵەتی داعش رایگەیاند، داعش تەنیا بە شەڕ لەناو ناچێت، بەڵکو لە ناوچوونی داعش، بەندە بە چاکسازی سیاسی.

جەنەڕاڵ جۆن ئالن، نێردەی تایبەتی ئەمریكا لە هاوپەیمانێتی نێودەوڵەتی دژ بە ریکخراوی دەوڵەتی ئیسلامی (داعش)، رایگەیاند، كە هاوپەیمانان رۆڵی سەركردایەتی دەگێڕن لە شەڕی دژ بە داعش و توانیویانە پەیوەندیكردنی چەكدارانی بیانی بە داعشەوە رابگرن و هەروەها هەندێك سەرچاوەی دارایی داعش وشكبكەن.

جۆن ئالن دەربارەی رەوشی ئێستای عێراق رایگەیاندووە، داعش بەشی رۆژئاوای عێراقی گەمارۆداوە، بەغدا هەڕەشەی لەسەرە، عێراق دەتوانێت رۆڵێكی كاریگەر بگێڕێت لەشكستپێهێنانی داعش ئەگەر هاتوو بتوانێت بەردەوام بێت لە چاكسازی سیاسی، چونكە داعش بە تەنیا بە جەنگ لە ناو ناچێت.

نێردەی تایبەتی ئەمریكا لە هاوپەیمانێتی نێودەوڵەتی دژ بە داعش پێیوایە تەنیا ئەمریكایە، كە دەتوانێت ئەم شەڕە داعش بكات.

بە گوتەی ئالن، ئەمریكا و هاوپەیمانەكانی توانیویانە هێز و تواناكانی داعش سنووردار بكەن، چیتر داعش ناتوانێت هێزی خۆی نمایش بكات یاخود بە ئاسانی جموجوڵ بكات، بە تایبەتی لە سوریا، كە هاوپەیمانان سەنتەری كۆنتڕۆڵ و سەركردایەتی داعشیان تێكشكاندووە.</sup>

رووداو- واشنتن

^1/1/2015

<sup>ئۆپۆزیسیۆنی سووریا ئاشكرایكرد، كە دوو مانگ بەر لە گیرانی موسڵ، نێردەی تایبەتی ئەمریكایان لەپاوانخوازیی رێكخراوی دەوڵەتی ئیسلامی (داعش) ئاگاداركردووەتەوە و هۆشدارییان داوە، كە بە دەستبەسەرداگرتنی کێڵگە نەوتییەكان، داعش ئۆپۆزیسیۆنی سووریا پەكدەخات.

رۆژنامەی ماكلاتشی ئەمریكی بڵاویكردووەتەوە، كە ئۆپۆزیسیۆنی سووریا ئەمریكای هانداوە، بەبایەخی زیاترەوە بڕوانێتە ناوچەی رۆژهەڵاتی سووریا بەتایبەتی لەدوای سەرهەڵدانی داعش لە رەققە و شارەكانی دیكە و دەستبەسەرداگرتنیان.

رۆژنامەكە ئاشكرایكردووە، كە ئۆپۆزیسیۆنی سووریا هۆشداریداوە، ئەگەر داعش پێشی لێنەگیرێت پەلهاوێژیی دەكات بۆ وڵاتانی دیكەی دراوسێ، بەڵام نێردەی ئەمریكا بایەخی بە یاداشتەكە نەداوە و پشتگوێی خستووە.

نوێنەرێكی ئۆپۆزیسیۆنی سووریا بە رۆژنامەكەی راگەیاندووە، "رەنگە ئەگەر ئەوكات ئەمریكا دوو، تاوەكو سێ ملیۆن دۆلاری بدابووایە ئۆپۆزیسیۆنی سووریا، ئێستا بارودۆخەكە بەو شێوەیە نەدەبوو و داعش ئەو پێشڕەوەییەی نەدەكرد".</sup>

^1/1/2015

<sup>نێوانگیری نێوان حكومەتی لوبنان و گرووپی دەوڵەتی ئیسلامی (ناسراو بە داعش) رایگەیاند داعش سێ مەرجی بۆ ئازادكردنی سەربازە لوبنانییەكان هەیە، كە بریتین لە: پاراستنی ئاوارەكانی سووریا لە دەستدرێژییەكانی حیزبوڵڵا، دروستكردنی نەخۆشخانەیەكی پێشكەوتوو بۆ چارەسەركردنی برینداران و نەخۆشەكان و دروستكردنی عەمبارێكی دەرمانی پزیشكی.

شێخ ویسام میسری، پێشنوێژ و وتارخوێنی مزگەوتی ئەبو ئەنوار لە شاری تەرابلوس، كە هاوكات نێوانگیری نێوان حكومەتی لوبنان و رێكخراوی داعشە رایگەیاند: "چەكدارانی داعش توڕەن و دەڵێن شەڕی ئێمە لەگەڵ سوپا و حكومەتی لوبنان نییە، بگرە لەگەڵ حیزبوڵڵایە كە دەست لە كاروباری گرووپەكە وەردەدات و منداڵانی چەكدارانی دەكوژێ".

میسری گوتیشی: "داعش سێ مەرجی بۆ ئازادكردنی سەربازە لوبنانییەكان هەیە و بریتین لە پاراستنی ئاوارەكانی سووریا لە دەستدرێژییەكانی حیزبوڵڵا، بە رێگەی دروستكردنی ناوچەیەكی قەدەغەكراوی چەك، دروستكردنی نەخۆشخانەیەكی پێشكەوتوو بۆ چارەسەركردنی برینداران و نەخۆشەكان و دروستكردنی عەمبارێكی دەرمانی پزیشكی و ئازادكردنی هەموو ئافرەتانی سووریا كە لە بەندیخانەكانی لوبنان زیندانن".

نێوانگیری نێوان حكومەتی لوبنان و داعش دەشڵێ: "داعش داوای ئازادكردنی هاوسەری پێشووی ئەبو بەكر بەغدادی و عولا هاوسەری ئەبو عەلی چیچانی، سەركردەی بەرەی نوسرە دەكات".</sup>

^31/12/2014

<sup>سەرۆکی هەرێمی کوردستان بە بۆنەی ساڵی نوێوە، پەیامێکی بڵاوکردووەتەوە، کە تێیدا وێڕای پیرۆزبایی ساڵی تازە، "هەزارن سڵاو بۆ گیانی پاكی ئەو پێشمەرگە قارەمانانەی لەشەری دژی تیرۆریستانی داعش ئازایانە گیانی خۆیان فیدای گەل و نیشتیمان كرد" دەنێرێت.

مەسعود بارزانی، سەرۆکی هەرێمی کوردستان لە پەیامەکەیدا ئاماژە بۆ سەرکەوتنی گەلی کوردستان دەکات و رایدەگەیەنێت، کە "لەوە دڵنیام كە گەلی كوردستان بەو بەها باڵایانەی كە هەیەتی سەردەكەوێت".

لەپەیامەکەیدا، مەسعود بارزانی، سوپاسی "خۆڕاگریی تاك تاكی خەڵكی كوردستان" دەکات، کە "لە بارودۆخێكی سەخت و دژواردا" لە ساڵی 2014، "تەحەمولی قەیران و ناخۆشییەكانیان كرد و پاڵپشتی هێزی پێشمەرگە و دامودەزگەی هەرێمی كوردستان بوون".

سەرۆکی هەرێمی کوردستان هیوایەک دەبەخشێتە ئاوارەکان لە هەرێمی کوردستان و دەڵێ، "پشت بە خوای مەزن و گەلی كوردستان، لە ساڵی تازەدا هەموویان بە سەربەرزی بۆ سەر ماڵ و حاڵی خۆیان دەگەڕێنەوە".

دەقی پەیامەکەی بارزانی:

بەناوی خودای بەخشندە و میهرەبان

هیوادارم ساڵی 2015 ساڵی بەختەوەری و خۆشگوزەرانی بێت بۆ گشت هاووڵاتیانی خۆشەویستی كوردستان و هەموو مرۆڤایەتی. ئومێد دەكەم ساڵی نوێ ساڵی كۆتایهاتنی تیرۆر و نكۆلیكاری و توندڕۆیی بێت و چیتر شكۆ و كەرامەتی مرۆڤ پێشێل نەكرێت و ئاشتی باڵ بەسەر ناوچەكەماندا بكێشێت و بەها مرۆڤییەكان بەسەر شەڕانگێزی و ڕقدا سەربكەون.

بەبۆنەی سەری ساڵی تازە هەزارن سڵاو بۆ گیانی پاكی شەهیدانی ڕێگەی ئازادی و، بۆ ڕۆحی بێگەردی ئەو پێشمەرگە قارەمانانەی لەشەری دژی تیرۆریستانی داعش ئازایانە گیانی خۆیان فیدای گەل و نیشتیمان كرد. لەوە دڵنیام كە گەلی كوردستان بەو بەها باڵایانەی كە هەیەتی سەردەكەوێت و شكست و سەرشۆڕی بۆ دوژمنانی دەمێنێتەوە. 

بە پێویستی دەزانم لەم بۆنەیەدا سوپاسی خۆڕاگریی تاك تاكی خەڵكی كوردستان بكەم و هەروەها هەموو ئەو ئازیزانەی لە ئاوارەیی و كەمپەكاندا ژیان بەسەر دەبەن كە لە بارودۆخێكی سەخت و دژواردا تەحەمولی قەیران و ناخۆشییەكانیان كرد و پاڵپشتی هێزی پێشمەرگە و دامودەزگەی هەرێمی كوردستان بوون. پشت بە خوای مەزن و گەلی كوردستان لە ساڵی تازەدا هەموویان بە سەربەرزی بۆ سەر ماڵ و حاڵی خۆیان دەگەڕێنەوە.</sup>

^31/12/2014

<sup>سەرۆک وەزیرانی تورکیا لە دوایین وتاری فەرمی ساڵی 2014 یدا باسی لە پرۆسەی چارەسەری کرد و 3 مەرجی بۆ بەرەوپێشبردنی ئەو پرۆسەیە خستنەڕوو.

ئەحمەد داودئۆغڵو، سەرۆک وەزیرانی تورکیا دوایین وتاری فەرمی ساڵی 2014 ی پێشکەشکرد. لە وتارەکەیدا باسی لە چالاکییەکانی حکومەتەکەی و پێشهاتەکانی تورکیا کرد لە مانگی کانوونی یەکەمی 2014 بەتایبەتی و درێژایی ساڵەکە بە گشتی.

داودئۆغڵو لە وتارەکەیدا باسی لە پرۆسەی چارەسەریش کرد و 3 مەرجی بۆ بەرەوپێشچوونی دانان.یەکەمیان پەیوەندیدارە بە ئاسایشی گشتی، لەو بارەیەوە سەرۆک وەزیرانی تورکیا گوتی: "پرۆسەی چارەسەری ئەڵتەرناتیڤی ئاسایشی گشتی نییە، هەر چ رووداوێک وەک ئەوەی جزیرە رووبدات ئێمە رێوشوێنی ئەمنی دەگرینە بەر".

یەکێکی دیکە لە مەرجەکانی داودئۆغڵو گشتگیری پرۆسەکە بوو، سەبارەت بەوەش گوتی:" پرۆسەی چارەسەری بابەتی هاوبەشی سەرجەم هاووڵاتیانی تورکیایە، هەر بۆیە هۆشیاری کۆمەڵایەتی لەسەر پرۆسەکە بەرزدەکەینەوە".

لە دوایین مەرجیدا سەرۆک وەزیرانی تورکیا رووی قسەی کردە ئەو کەسانەی پێیانوایە لە هەوڵی گواستنەوەی شەڕدان بۆ نێو تورکیا و گوتی: "رێگە بە کەس نادەین تورکیا بخاتە ناو ئەو ئاگرەی لە چواردەورمانە، چی پێویست بێت لەم بوارەدا دەیکەین".

لە بەشی کۆتایی وتارەکەیدا داودئۆغڵو باسی لە هەڵبژاردنە گشتییەکانی وڵاتەکەی کرد کە چاوەڕێدەکرێت مانگی حوزەیرانی 2015 سازبکرێت و گوتی:" دەنگ بە هەر پارتێک بدەن، گرنگ ئیرادەی میللی و دیموکراسی میللییە".</sup>

^31/12/2014