^{دادگای ئێران بڕیاری دا بە کەمکردنەوەی ماوەی زیندانیکردن بۆ دوو ڕۆژنامەنووسی دیاری ئێران کە ڕۆڵێکی گرنگیان بینیوە لە ڕووماڵکردنی ناڕەزایەتییەکان دوای گیان لەدەستدانی ژینا ئەمینی و کۆماری ئیسلامی بە هاوکاریکردن لەگەڵ ئەمەریکا تۆمەتباری کردوون.}

^{دادگای تێهەڵچوونەوەی ئێران تۆمەتی هاوکاری هەردوو ڕۆژنامەنووسەکەی لەگەڵ ئەمەریکا ڕەتکردووەتەوە.}

^{ساڵی ڕابردوو حکومەتی ئێران سزای 13 ساڵ زیندانی بەسەر نەیلوفەر حەمەدی و 12 ساڵ زیندانی بەسەر ئیلاهە موحمەمەدی سەپاند.}

^{دەستەڵاتدارانی ئێران هەردوو ڕۆژنامەنووسە ژنەکەیان بە هاوکاریکردنی ئەمەریکا تۆمەتبار کردبوو، هەرچەندە ئەوان ئەو تۆمەتانەیان ڕەتکردووەتەوە و چالاکوانانی ئێران دەڵێن حکومەت بەهۆی کاریگەری ڕووماڵی خۆپیشاندانە فراوانەکانی ساڵی 2022 ئەو تۆمەتەی خستونەتە پاڵ.}

^{ئەسغەر جەهانگیر، وتەبێژی دەسەڵاتی دادوەری ئێران، ئەمڕۆ یەکشەممە لە کۆنگرەیەکی ڕۆژنامەوانیدا ڕایگەیاند، سزای زیندانی بۆ هەریەک لە دوو ڕۆژنامەوانەکە کەمکراوەتەوە بۆ 5 ساڵ.}

^{وتەبێژی دەسەڵاتی دادوەری وتی، "ئەوان لە تۆمەتی هاوکاریکردن لەگەڵ ئەمەریکا لە دادگای تێهەڵچوونەوە بێتاوان دەرچوون."}

^{ئەمە لە کاتێکدایە دوێنێ شەممە میدیا ناوخۆییەکانی ئێران بڵاویان کردەوە، دادگای باڵای ئێران سزای لەسێدارەدانی چالاکوانی مافی کرێکاران شەریفە محەمەدی هەڵوەشاندەوە کە تۆمەتبارکرابوو بە کارکردن لەگەڵ حزبی کۆمەڵە.}

^{ئەمیر ڕەئیسیان، پارێزەری چالاکوان شەریفە محەمەدی، دوێنێ بە ڕۆژنامەی شرغی ڕیفۆرمخوازی ڕاگەیاند، "دادگای باڵا ... بڕیاری دژی بریکارەکەم خاتوو شەریفە محەمەدی هەڵوەشاندەوە".}

^{پارێزەرەکەی ئاماژەی بەوەشکرد، دۆسیەکە ڕەوانەی دادگا کراوەتەوە.}

^{شەریفە محەمەدی تەمەن 45 ساڵ چالاکوانێکی پرسی کرێکارانە کە مانگی دوازەی 2023 لەلایەن پاسدارانەوە دەستگیرکرا. سەرەتای مانگی حەوت بە تۆمەتی یاخی بوون و ئەندامێتی لە حزبی کۆمەڵە سزای مەرگی بەسەردا سەپێندرا.}

14/10/2024