^{لێژنەی دۆزینەوەی ڕاستییەکانی ڕێکخراوی نەتەوە یەکگرتووەکان بۆ دەرخستنی ڕاستییەکان سەبارەت بە پێشێلکارییەکانی مافەکانی مرۆڤی کۆماری ئیسلامی ئێران، نیگەرانی خۆی سەبارەت بە دەرکردنی سزای لەسێدارەدان بۆ وەریشە مورادی زیندانی سیاسی کورد دەردەبڕێت.}

^{لە بەیاننامەی ئەم لێژنە نێودەوڵەتییەدا کە رۆژی چوارشەممە،13ی ئەم مانگە بڵاوبووەتەوە، بە ئاماژەدان بە دەرکردنی سزای لەسێدارەدان بۆ پەخشان عەزیزی و شەریفە محەمەدی، باس لەوە کراوە کە خاتوو مورادی سێیەم ژنە کە بە هۆی چالاکییەکانییەوە سزای لە سێدارەدانی بۆدەرکراوە.}

^{لێژنەی دۆزینەوەی ڕاستییەکانی نەتەوە یەکگرتووەکان داوای لە حکوومەتی ئێران کردووە کە دەرکردن و جێبەجێکردنی سزای لەسێدارەدان ڕابگرێت و ئەم سزایە بە تەواوی هەڵبوەشێنێتەوە.
هەروەها، کەمپەینی مافی مرۆڤی ئێران لە بەیاننامەیەکدا کە ڕۆژی چوارشەممە بڵاوی کردووەتەوە، سزای لەسێدارەدان بۆ وەریشە مورادی بە "نموونەیەکی ڕوون و ئاشکرای کەڵک وەرگرتن لە سزای لەسێدارەدان لەلایەن حکوومەتی کۆماری ئیسلامییەوە ناو دەبات کە وەک ئامرازێک بۆ سەرکوتکردن و تۆقاندنی ناڕازییان و نەیارانی سیاسی، بە تایبەت بۆ ژنان و کەمینە نەتەوەییەکان بەکاری دهێنێت."}

^{وەریشە مورادی ئەندامی کۆمەڵگەی ژنانی ئازادی ڕۆژهەڵاتی کوردستان (کژار) بووە کە لە یەکی مانگی هەشتی ساڵی 2023 لەلایەن هێزەکانی ئاسایشەوە بە شێوەیەکی توندوتیژ لە شاری سنە دەستبەسەر کرا و دوای 13 ڕۆژ دەستبەسەری لە شاری سنە، بۆ بەندی 209ی زیندانی ئێڤین گوازرایەوە و خرایە ژێر گوشار و ئەشکەنجەدا بۆ دانپێدانان و پاش 5 مانگ ئەشکەنجە لە ژووری تاکەکەسی بۆ بەندی ژنانی زیندانەکە گوازرایەوە و ئیستا لەلایەن دادگای ئینقلابی ئیسلامی تاران بە سەرۆکایەتی دادوەر ئەبولقاسم سەلواتی سزای لەسێدارەدانی بۆ دەرکراوە.}

^{سەرچاوە/دەنگی ئەمەریکا}

14/11/2024