بزووتنەوەی کۆماریخوازانی رۆژهەلاتی کوردستان، به‌بۆنه‌ی جێژنی لەدایکبوونی عیسای مەسیح و نوێبوونەوەی ساڵ و دەستپێکی سالی تازەی ۲۰۲٢ی زایینی، پر بەدڵ پیرۆزبایی ئاراسته‌ی خەڵکی کوردستان و گشت مه‌سیحیانی کورد و سەرجەم پەیرەوانی ئاینی پێروزی مەسیحییەت، لە گشت جیهان دا دەکات. و هیوادارە ساڵی تازە، ساڵی ئاشتی، ئاسایش و پێکەوەژیانی بەئاشتی بێت بۆ گشت خەڵکی کوردستان ، ناوچەکە و جیهان. هەروەها ساڵی تازەی ۲۰۲٢ ساڵی تەبایی و سەرکەوتنی سیاسەتی تەعاموول و لێکتێگەیشتنی گشتگیرانە بێت، بەسەر ناتەبایی و سیاسەتی شەرانخوازی و تەقابووڵگەرایانە لە گشت کوردستان و جیهان، بەتایبەتی لە رۆژهەلاتی کوردستان دا کە پێویستی بە یەکگوتاری و دیالۆگی

^{هاونیشتمانە بەرێزەکان،}

^{خەڵکی بە شەرف و مافخوازی کوردستان،}

^{رۆژی ٢٦ی سەرماوەز، ۷۶ سال بەسەر دەستبەسەرداگرتنی دوایین مۆڵگەی رێژیمی داگیرکەر ئێران لە مەهاباد و هەڵکردن و شەکاوەراگرتنی ئاڵای کوردستان وەک رەمزی سەرکەوتن لەلایەن پۆلێک لە لاوانی وڵات پارێز وکوردپەرەوەر و سەرەنجام دەستخستنی سەروەری سیاسی نەتەوەییمان، لە شکلی کۆماری کوردستان‌دا، تێپەڕ دەبێ. لە ماوەیەی ئەم ۷۵ساڵەدا و بگرە دوابەدوای نەمانی کۆماری کوردستان ( کە لە حەوزەی تەعاموولاتی سیاسی و دیپلۆماتیکدا، وەک حکومەتێکی دفاکتۆ و سەروەریسازی قۆناغی رزگاری نەتەوەیاتیمان ئەرک و رۆڵی دەسەڵاتداریەتی}

^{بەرێز سەید ئیبراهیم رەئیسی، سەرۆک کۆماری هەڵبژێردراوی ئێرانی ئیسلامی}

^{لەگەڵ ئاراستەکردنی سڵاو و رێز و حورمەت بە بۆنەی هەڵبژاردنتان وەک سەرۆک کۆماری ئێران، هیوادارم لە پێناو پاراستن و گەشەپێدانی سیستەمی کۆماریی، لە ناو کۆماری ئیسلامی ئێران دا، سەرکەوتنی هەرە مەزن دەستەبەر بکەن.}

^{بەرێز سەرۆک کۆماری ئێران
وەک تاکێکی کورد جێگای خۆیەتی کە لێرەدا بەرێزتان و هەمووان لەو راستییە ئاگادار بکەمەوە، کە بە پێی ئەزموونەکانی چەند دەیەی رابردوو، بە ئاسانی بۆمان دەردەکەوێت کە دۆزی کوردستانی ئێران رێگاچارەی نیزامی و چەکداری نەبووە و نییە و ناشبێ، ئەو دیاردەیە وەکوو بابەتێک کە تا ئەمرۆش بە دوور لە عەقلانیەتی سیاسی و پێکەوهەڵکردن و دانووستاندنی ئاشتەوایی، هەنووکەش لە ژێرچەپۆکی شەری براکوژی و خوێنرژتن لەناوخۆی ئێران و کوردستانی ئێران دا. وەک راستیەکی حاشاهەڵنەگر و نەخۆشیەکی چاسەرەسەرنەکراو ماوەتەوە. کە بەداخەوە تووشگری ناهاوسۆزی و تەعامولی نالۆژیکی و ناپسپۆرانەی لایەنەکانی دژبەیەک بوەتەوە. بۆیە بێ سەبرانە و بەبێ دەستەوەستان چاوەرێین کە بە شێواز و رێوشوێنی تایبەتی لەگەڵی دا تەعامول بکرێت و رێگاچارەی پێویستی بۆ دەستنیشان بکرێت.
ئێمە لەو باوەرەدایین کە هێزو دەرفەتەکان لە کۆماری ئیسلامی ئێران لەو ئاستەدا هەن کە ئەگەر بە پێی ئیستراتیژی سیاسی، و لە رێگای دۆزینەوەی رێکاری ئاشتیانە بۆ ئەم بابەتە تەرخان بکرێن بێ شک دەتوانرێ بەستێنی تەفەوق و زالبوونی ئەسڵی تەعامول و دانووستاندن و وتووێژ، بەسەر ئەسڵی تەقابوول و دژایەتی و بەرھەڵستکاری و شەڕ و وێرانی بێ ئاکامدا، برەخسێنێ.
کەواتە هەموو دەبێت بە راشکاوانە رابگەیەنین کە پرسی کوردستانی ئێران رێگەچارەی نیزامی نییە، بۆیە لەئەنجامدا پێویستە کە بۆ چارەسەرکردنی ئەم بابەتە هەوڵی دۆزینەوەی رێگەچارەیەکی باش
بدرێت، تا بەڵکوو بە کەڵکوەرگرتن لە بژاردەی دیاڵۆگی ئاشتەوایی و گەرانەوە بۆ سەر مێزی وتووێژ و دانووستاندن، کە لە نیهایەتی خۆیدا ببێتە هۆی چاسەرکردنی دۆزی کورد لە ئێران دا.
هەر لەم چوارچێوەش دا پێویستە لایەنی کوردی و تاران زیاتر پێداگربن تا بەڵکوو ببێتە هۆی جێگیرکردنی سەقامگیری و ئاشتی و تەناهی بەردەوام لەسەر ئاستی ئێراندا، و رێگە نەدرێت کە دووژمنانی کورد و ئێران بە دەستێوەردان هەوڵی گرژی بدەن و ئاستەنگ و لەمپەڕ دروست بکەن.}

^{جەنابی سەید ئیبراهیم رەئیسی
کۆماری ئیسلامی ئێران وەک وڵاتێکی بەهێز، کە لە هەوڵی پەڵهاویشتن و هەناردەی پارادایمی ئیسلامی، دادپەروەر تەوەر و خەڵک سالار بۆ جیهان و مرۆڤایەتیی دایە، بۆیە لێرەدا جێگەی خۆیەتی کە دەسەڵاتی ئێران بۆ دەرخستنی راستی و دروستی و پەسەندکردنی پارادایمی ئیسلامی روو بە بیرورای گشتی جیهان، ناوەرۆکی دادپەروەری و جۆر و شێوازی گەل سالاری دینی لە ئاستی سەرتاسەری و چوارچێوەی سنوورەکانی وڵاتی ئێراندا بەکردەیی و جێبەجی بکات، بەم پێیەش پێویستە کە دادپەروەری لەسەر بنەمای هەڵاواردنی ئەرێنی(تەبعیزی مووسپەت) لە گشت رەهەندگەلی وەک: سیاسی، ئابووری، پێداویستی و خزمەتگووزاری، بەشداری کەلانی سیاسی و ،،، بکات بە ئەمری واقعی بۆ گشت خەڵکی ناوخۆی ئێران. چوونکە ئەگەر قەبوول بکەیین کە سیاسەتی دەرەوەی هەر وەلاتێک ئاوێنەی باڵانوینی سیاسەتی ناوخۆی ئەو وەلاتەیە، کەوایە ئێران لەپرۆسەی چەسپاندنی پارادایمیی ئێرانی ئیسلامی لە جیهاندا، کاتێک دەتوانێ ئەم پارادایمە لای بیرورای گشتی کۆمەڵگای جیهانی بقەبلێنێ و پاشان بیکاتە میناک و جێگای رەزایەتی خەلکی جیهان، کە بەشێوەی کردەیی لە ناوخۆی وڵاتی ئێراندا لە رووی گوتاری، کرداری، و بەرێوەبەریەوە ئەزموونیکی سەرکەتووی پێ وینا کرابێت و توانیبێتی بەشێوەیەکی گشتگیر هەموو گەلان و ئەدیانی ناوخۆی ئێرانی بەختیار و رازی کردبێت.
لەو پەیوەندییەدا باوەڕمەندین کە مەرجی پێویست بۆ دەستەبەربوونی ئەم ئیدەئالە بەرزەی ئێرانی ئیسلامی، بە دەستخستنی مەحتوومی رەزایەتی گشتگیر و هەموو خەلکی ئێرانەوە پەیوەستە، کە دواتر بتوانێ وەک نموونەیەکی سەرکەتوو پێ بنێتە ناو گۆڕەپانی کێبەركێ پارادایمی و ئۆلگوومداری روو بە رەکابەرانی ناوچەیی و جیهانی، بۆ ئەوەش دەبێت سەرەتا لە ناوخۆی ئێران، وڵامی ئەرێنی وەربگرێت و ئەزموونی سەرکەوتوو وێنا و پیشان بدات، بە تایبەتیش بۆ خەڵکی موسڵمانی رۆژهەڵاتی کوردستان و بە گشتی گەلانی تری ناو ئێران توانرابێت کە کۆی داخوازی و مافە سیاسی و نەتەوەییەکانیان لە شکلی مومکین و هاوخان لەگەل یاسای بنەڕەتی ئیڕان بەشێوەی دەستووری گوونجێندرابن و بە تەواوی تاوتوێ و جێبەجێ کرابن.
بەرێز جەنابی سەید ئیبراهیم رەئیسی، ئەگەر کابینەی سێزدەهەم بە سەرۆکایەتی بەرێزتان بەشیوەی ئاشتیانە سوور و پێداگر بێت لەسەر چارەسەکردنی پرسی کورد بەرێکاری دانووستاندن و دیالۆگی ئاشتەوایی، ئەوە بێ شک سەرچاوە گەلێکی بە نرخ و بەرچاو لە رووی یاسایی، عورفی، مافەوانی، مێژوویی و تەنانەت جۆرێک لە فیدرالیزمی سوونەتی کە بەرهەمی خۆرسکی دوکترینی ئێرانی_ئیسلامییە لەبەر دەستدا هەن، کە بە کەڵکوەرگرتن لەوانە هاوکات لەگەل چارەسەری یەکجارەکی پرسی کورد، بە
شێوەی ئاشتی، هەر ئاواش ئاسایش و تەناهی لە چوارچێوەی ئێرانی ئیسلامیدا دەستەبەر و گەرەنتی دەکات، و کوردستانیش کە بەردەوام لە لایەن دەسەڵاتی ناوەندی ئێران وەک هەرەشە و مەترسی سەیری کراوە، لە گەڵ چارەسەکردنی دۆزی کورد لە ئێراندا، ئەمجارە رۆژهەڵاتی کوردستان بەهۆی هەبوونی پۆتانسیەلگەلێکی بەرچاوەوە، دەبێتە دەرفەتێکی زیڕین بە ئاراستەی هەرەبەرز، لەوانە بەهێزتربوونی ئێران و گەشە و زیادبوونی توانا مادیی، مرۆیی و مەعنەویەکانی ئێرانی ئیسلامی، کە بێگوومان گشت ئەم هێز و تەواناییە لە هەمبەر هەرەشەی دووژمانی ناوچەیی و جیهانیدا، بالانسی هێز و ئیقداری مادی، مەعنەویی و هێزی ئینسانی، لەسوودی ئیسلام و ئێرانی ئیسلامیدا دەشکێنێتەوە.
ئێمە وەک لایەنگرانی ئاشتی، هاوژینی بەئاشتی،و تەناهی بەردەوام لە ئێرانی ئیسلامیی دا، پەیامی ئیمام خومەینی رۆژی ٢٦ی خەزەڵوەری ١٣٥٨، وەک دەستپێکی نوێ بۆ سەر لە نوێ وەگەرخستنەوەی گفتوگۆکانی نێوان کورد و تاران پێشنیار دەکەیین، هەورەها ناوەرۆکی فتوای ئاشتیانەی ئیمام خومەینی بە نیسبەت مافی دیاریکردنی چارەنووس بۆ نەتەوەی کورد، لە شکلی موومکین و گونجاو و بە پێ سەردەمی هەنووکەیی، تەواو ئیجابی و گرنگ دەنرخێنین.
هەر لەم پەیوەندیەشدا لە ئەگەری دەربڕینی ئامادەیی و سوور بوونی کۆماری ئیسلامی ئیڕان بۆ وەگەرخستنەوەی رەوتی دانووستاندنەکانی ئاشتەوایی، و لە ئاکامدا چارەسەر پرسی کورد لە ئێران، ئێمە دڵنیایی تەواو بە کۆماری ئیسلامی ئێران دەدەیین کە رەنگە بتوانین بەستێنیک برەخسێنین کە هەموو حیزب و پارت و لایەنەکانی ئۆپۆزیسیۆنی کورد، بە ئامادەگی تەواوەوەە وینەی سەردەمی ئیمام خومەینی، دیسان لەبەیک بلێنەوە، و بە تەواوی هەوڵەکانی خۆیان لەپێناو دەستپێکی وتووێژ و دانووستاندنێکی شەفاف و جێگای پەسەند و رەزایەتی گشتی چر بکەنەوە،و عەمەلەن بۆ گەیشتن بە رێککەوتنێکی حەق مەدار و دڵخواز و جێگای رەزایەتی گشت لایەک، بەرپرسیارانە بەشداری بکەن. بێگومان گەیشتن بە ریککەتن و تەوافوقێکی لەم چەشنە، رەزایەت و دڵخۆشییەکی گەورە لە لایەن گەلی کوردی رۆژهەڵاتی کوردستانەوە بەدوای خۆی دا دێنیت. و لەسەر ئەم ئەساسەش بەرژەوەندییەکانی بالای وڵات و ئیسلام،و دەسەلاتی ئیسلامی کۆماری ئیسلامی ئێرانیش بۆ درێژماوە دەستبەر و دەپارێزرێت. لەبەر ئەوەی کە گەیشتن بە رێککەوتن و تەوافوقێکی دوو لایەنەی لەم شێوەیە، بە مانای دەستخستنی هەستی خۆشحاڵی و رەزایەتی ۵٠ ملوێن کورد بە نیسبەت ئیران دەبێت؛ کە بەداخەوە تاکوو ئێستا لە ژێر چەپۆکی وڵاتە دەستکردەکانی کۆڵۆنیاڵیزمی جیهانی لە ئێراق و تورکیە و سوریە دا، بەبێ دیاریکردنی چارەنووس ماونەتەوە، هەروەها ئەم تەوافوقە لە لایەکی تریشەوە بە واتای بەهرەمەند بوونی ئیڕانی ئیسلامی لە تەناهی بەردەوام و کاریگەری گوتار و هێز،و قورسایی و هەیمەنەیەک دەبیت کە راستەوخۆ بالانسی هێز و هەژموونی ناوچەیی و جیهانی، بە سوودی ئیسلام و کۆماری ئیسلامی ئیران دەگۆڕێت.
بە هیوای ئاشتییەکی بەردەوام
بە سپاس و رێزەوە
دوکتۆر مستەفای شەمامی
رێکخەری گشتی بزووتنەوەی کۆماریخوازانی رۆژهەڵاتی کوردستان
2/4/1400}

^23/6/2021