^{پەیام هاوخەمی جمشت کۆماریخوازەیل، وەبوونەی ئمر خوداکردن شاعێر ناودار کورد ئەلی ئەشرەف نەوبەتی ناسریا وە} پەرتەو کرماشانی

^{خەوەر لە دونیا چین شەخسیەت دیاری ئەدەبی و فەرهەنگی و زوان پارێز، و شاعێر ناودار کورد مامووسا ئەلی ئەشرەف نەوبەتی ناسریا وە پەرتەو کرماشانی کە ئەزیز و هوورمەتدار گشت خەڵک کوردستان، و ئەڕا گشت لاینەێگ هوورمەت داشت،و بیە مایەی خەمینی و خەمباری و دڵگرانیمان.
جمشت جمهوریخوازەیل ڕووژهەڵات کوردستان کووچکردن گەورا پیاێ ئەدەب و فەرهەنگ و شێعر کوردی زندەیاد مامووسا پەرتەو کرماشانی ک شوون پەنجەی وە بان فرە باوەت گرینگ(مهم) و چارەنۊس کورد لە ڕووژهەڵات کوردستان وەتایوەت کرماشان سەربەرز دیار و ها وەر چەو، چۊ خەسارەتێگ گەورا و شوون پڕا نەۊ حساو بوو. هەر وەی جوورە وە کووچ نەوە وەختێ گشت کەس و لایەنێگ تۊش شووک و ناڕاحەتی کرد.}

^{لەی پەیوەندیە جمشت جمهوریخوازەیل ڕووژهەڵات کوردستان سەرخوەشی لە ملەت کورد ئەزیز و زەحمەتکیش و ئەدەب دووسەیل و شاعێرەیل و گشت بنەماڵەو کەس و کار خودا ڕەحمەت و گشت ی دووسەیل پیشکەش کەێ، و خوەێ وە شەریک خەم و پەژارەیان زانێ. و لە خوداێ گەورا داخوازە، ڕووح مامووسای زندەیاد (پەرتەو کرماشانی) ئەو شەخسیەت گەورا و نازار کاروان ئەدەب و شێعر کوردی وە بەهیشت بەرین شاد بکەێ و ئەزیزەیل و یارەیلێ لە بەڵاو موسیبەت زەۊ و ئاسمان دۊرا بخەێ.}

^{وەگەرد هوورمەتمان
جمشت کۆماریخوازەیل ڕووژهەڵات کوردستان
6 ڕێبەنان 2721 کوردی /1400 شەمسی}

^26/1/2022