شڤان فازڵ، توێژەر لە سەنتەری رۆژهەڵات- رۆژئاوا، ئەمریکا

^{لە ئایندەیەکی نزیکدا لە دوو هەرێمی ئۆتۆنۆمی ریفراندۆم بەڕێوەدەچێت، یەکێکیان هەرێمی کورستانی عێراقە و ئەویتریان هەرێمی کەتەلۆنیایە لە ئیسپانیا. لە هەردوو بارەکەدا پرسیار لە خەڵکی ئەو دوو هەرێمە دەکرێت ئاخۆ دەیانەوێت ببن بە دەوڵەتی سەربەخۆ یا نا؟ لێرەدا پرسیارێك دێتەوە ئاراوە ئایە پێویستییەکانی بوون بە دەوڵەت چین؟}

^{چوار خەسڵەتەکە}

^{پسپۆڕانی بواری یاسای نێودەوڵەتی لەم بارەیەوە بەزۆری ئاماژە بۆ چوار خەسڵەت دەکەن بۆ بوون بە دەوڵەت: خەڵك، خاك، حکومەت و توانای دروستکردن و ئەنجامدانی پەیوەندی لەگەڵ وڵاتانی دیکەدا، وه‌ك ئەو وڵاتانەی خاوه‌نی سه‌روه‌ری خۆیانن.} پێناسەی خەڵك زۆرجار مشتومڕ هەڵدەگرێت، بەڵام هەندێك پێیان وایە کە دانیشتووانی هەمیشەیی دەگرێتەوە، ئەوانەی باوەڕیان بە وڵاتینامەی خۆیان هەیە. هەروەك چۆن جەیمس ئێرڤینگ، کە وانەی یاسای نێودەوڵەتی لە سکوڵی لەندەن بۆ ئابووری دەڵێتەوە، لە بارەی پەیوەندی نێوان ئەندامانی ئەو گەلەوە دەپرسێت: ''ئایە پەیوەندی لە نێوان ئەو خەڵکەدا هەیە؟، ئایە پەیوەندییەکە پتەو و گرێدەرە؟ پەیوەندی ناسنامە و هەستە، هەروەها پەیوەندی و بەرژەوەندی هاوبەش بەشێوەیەکی کردەیی لەنێوان ئەو خەڵکەدا''.

نەریمان تاڵیب

^{ھەندێك مێدیای عەرەبی و ریفراندۆمی كوردستان
(( چاومان لەوەیە بەغدا بۆ ئێمە ببێتە قووڵاییەكی ستراتیژی)) یان (( مادام نەمانتوانی ببینە دوو شەریكی باش وەرن ببینە دوو دراوسێی باش))، ئەمانە تەنیا دوو نموونەن لە وتەكانی سەرۆك بارزانی - سەرۆكی ھەرێمی كوردستان، كە لێیانەوە قووڵی ئەو دیدو ھزرە دیارە، كە لە پشت سووربونی ئەو و متمانەبوونی ئەو بۆ ئەنجامدانی ریفراندۆم و راگەیاندنی دەوڵەتی كوردستانەوە ھەیە، بەڵام ھێشتا سیاسەتمەدارانی عەرەب و عێراقییەكانیش و مێدیاكارانی عەرەب و عێراقییەكانیش، بە چاوو و لە دیدی بەغدایەكەوە لێمان دەڕوانن و لێمان دەپرسنەوە، كە سەد ساڵە شەریكایەتی ئێمەی قبووڵ نەبووە .}

^{گەلی كوردستان لە 25/9/2017 دا بۆ چارەسەری كێشەی سەدساڵەی باشووری كوردستان لەگەڵ عێراق، پێشكەوتووترین و دیموكراتیترین و ئارامترین و ئاشتیانەترین و یاسایترین شێوازی خەباتی ھەڵبژاردووە، كەچی ھێشتا گووتاری مێدیای عەرەبی خەریكی شەنووكەوكردنی كورد بۆ پەلەیەتی؟ ئایە پرستان بەكێ كردووە؟ ئایە كام ھێزی دەرەكی پاڵپشتیتان لێدەكات؟ ئایە دەوڵەتەكەتان وەك ئیسرائیل دەبێت؟ چەندین پرسیاری لەوجۆرە كە نیشانەی نائاگایی و وردنەبوونەوەیە لەو ھەموو پێشڤەچوون و گۆڕانكاریانەی كە بەسەر دۆزی كوردستان و ناوچەكەو جیھانیشدا ھاتووە.}

د.دلاوەر ئاژگەیی 

^{ئەمڕۆ داواکاری ڤیزای وڵاتان بە تایبەتی وڵاتانی ئەوروپی بۆ هاونیشتمانیانی کوردستان پرسێکی گرنگە بە تایبەتی بۆ ئەو کەسانەی کە بۆ وەرگرتنی چارەسەری پزشکی یا کاری بازرگانی یا خوێندن و گەشتوگوزار نیازی سەفەریان هەیە بۆ دەرەوەی وڵات.} بیگومان وەرگرتنی ڤیزا بە تایبەتی ڤیزای شنگن کارێکی ئەستەمە و رۆژانە خەڵکانێکی زۆر داواکاری پێشکەشی کۆنسوڵی وڵاتان دەکەن و چاوەڕوانی وەرگرتنی ڤیزای ئەوروپان و لە زۆر حاڵەتدا داواکارییەکانیان رەتدەکرێنەوە.

^{چارەسەری بنەڕەتی بۆ ئەم کێشەیە رێککەوتنی نێوان کوردستان و وڵاتانی ئەندام لە یەکێتی ئەوروپا و وڵاتانی دیکەیە بە شێوازیک کە رێککەوتن بکرێت تا لە داهاتوودا هاونیشتمانیانی کوردستان بە ئاسانی ڤیزایان پێ بدرێت بۆ ئەوەی بتوانن بە ئاسانی سەفەرەکانیان ئەنجام بدەن.} ئەو جۆرە رێککەوتنەش ناکرێت کاری لە سەر بکرێت تاوەکو ئەو کاتەی کوردستان وڵاتێکی سەربەخۆ نەبێت و بە پێی یاسایی نێودەوڵەتی مافی واژۆکردنی رێککەوتنامەکانی نێودەوڵەتی نەبێت.

^{ئەم بابەتە لە زۆر کۆبوونەوە لە گەڵ لایەنە دەرەکییەکان باسی لێوەکراوە و وەڵامەکە ئەوە بووە کە کوردستان ئەگەر وڵاتێکی سەربەخۆ و خاوەن پاسپۆرتی خۆی با دەیتوانی ئەو داواکارییە پێشکەش بە وڵاتان بکات و رێککەوتنی لە سەر بکات.}

ئیسماعیل بێشكچی، بیرمەند و كۆمەڵناسی ناسراوی تورك

^{بەڕەچەڵەك توركە، بەڵام بە داكۆكیكارێكی سەرسەختی دۆزی كورد ناسراوە، هەر لەو پێناوەشدا 17 ساڵی تەمەنی لە زینداندا بەسەر بردووە و زیاتر لە 10 ملیار لیرەی توركی وەك سزا داوەتە دادگاكانی دەوڵەتی توركیا، هەموو ئەمانەش بەهۆی ئەو كارە ئەكادیمیانەی لەسەر كورد كردوونی.}

^{لە گشتپرسی مافی دەنگدانم هەبووایە بە بەڵێ‌ دەنگم دەدا}

^{ئیسماعیل بێشكچی، بیرمەند و كۆمەڵناسی ناسراوی تورك كە ئێستا تەمەنی 78 ساڵە، لە هەڤپەیڤینێكدا لەگەڵ (رووداو) دەڵێت ئێستا توركیا و ئێران و عێراق و یەكێتیی ئەوروپا و ویلایەتە یەكگرتووەكانی ئەمریكا دەڵێن دژی گشتپرسین و لەگەڵ یەكێتیی عێراقدان، بەڵام ئەگەر 80%ی خەڵك بە بەڵێ‌ دەنگیان دا، ئەوان ئەنجامەكەی قبوڵ دەكەن.}

^{رووداو: رۆژی 25ی مانگ، كورد بەرەو گشتپرسیی بۆ سەربەخۆیی هەنگاو دەنێت. هەندێك لە وڵاتان داوای هەڵوەشاندنەوە و دواخستنی دەكەن و دەڵێن كاتەكەی گونجاو نییە. لە بەرامبەردا كوردستان پێداگری دەكات و دەڵێ كاتی هاتووە، ئێستا كاتی سەربەخۆییە؟}

^{هیچ مەترسییەك لە گشتپرسیدا نییە و كورد دەبێ پێداگریی بكات}

^{بێشكچی: گرفتی كوردستان گرفتێكە چارەسەرەكەی زۆر درەنگ كەوتووە. هەر لە بیستەكاندا}

بێستون هەوامی

^{ڕژێمی کۆماری ئیسلامی ئێران لەمێژوی 38 ساڵ تەمەنیدا ڕێگەی بەگردبونەوەی هیچ پێکهاتەیەکی وڵاتەکەی نەداوە لەهەر ئەگەرێکدا گردبونەوەیەک لەهەر شارو شارۆچکەیەک بۆ هەر مەبەستێک ڕویدابێ ئەوا لەخێراترین کاتدا هەوڵی سەرکوتکاری و تەشەنە نەکردنی داوەو دواتریش هەریک لەوگیراوانەو هەروەها چەندین گیراوی سیاسی دیکەی بە بیانوی دژبەری دین و سیخوڕی بۆ ئەمەریکاو ئیسرائیل دوچاری لەسێدارەدانی کردونەتەوە.}

^{ئەمڕۆ وێڕای ئەوەی ڕژێمی ئیسلامی ئێران لەهیچ بوارێکدا بە 38 ساڵ بەرلەئەمڕۆ بەراورد ناکرێ ، بەو پێیەی بووەتە هۆی ناسەقامگیری و سەرپێچی کارێکی دیاری یاساکانی کۆمەڵگای نێودەوڵەتی بەتایبەت لەبواری وزەی ناوەکی و تیرۆر لەناوچە کەدا ، کەهەر ئەم ئاماژەیە وایکردووە ئەم ڕژێمە بەردەوام بە چاوی گومانەوە لەکۆی ڕوداوەکانی ناوخۆی وڵاتەکەی بڕوانێ و لەلایەکی دیکەوە دەکرێ هەر ئەمجۆرە ڕوانینەی بێ بەم تەمەنەی ئەمڕۆی گەیاندبێ.
بەڵام لەدوو ساڵی ڕابردودا بارگرانی گوزەرانی هاوڵاتیانی ناوچە سنوریەکانی ئەم وڵاتە بەو ئاستەگەیشت چەندین هاوڵاتی کۆڵبەر لەسەر سنورەکان بەدەستی سوپای ئەو وڵاتە کوژرێن و ئەم ئاماژەیەش گەیشتە ناو پەرلەمانی ئەو وڵاتەو هەروەها لەپێناو دۆزینەوەی}

^{سەردار زەنگەنە}

^{خەبات بۆ وە دیهێنانی مافی ژنان_خەباتی بۆرژوازی ودواتریش خەبات و تێکۆشانی بزوتنەوەی کرێکاری،شان بە شانی خەبات وتێکۆشان بۆ وە دیهێنانی مافەکانی دەستەوتاقم وچین وتوێژەکانی دیکە،چووە پێش.دەکرێ سەرەتای دەستپێکردنی خەبات بۆ ماف وئازادییەکانی ژنان،بگێرینەوە بۆ سەرهەڵدانی خەبات و تێکۆشانی بۆرژوازی بۆ دابین ودەستەبەرکرانی ئازادییەکان لە کۆتایی ساڵەکانی ١٧٠٠دا.شایانی باسە کە ئەو ڕێفۆرمانەی لەوماوەیەدا ڕوویاندابوو،ماف و ئازادییەکانی ژنانیان خستبوە پشتگوێ و ئەو تێئۆریانەی لە ماوەی دووهەزار ساڵی ڕابردوو دا،سەبارەت بە دێمۆکراسی ومافە سروشتیەکان،هاتبوونە کایەوە،مافی ژنانیان فەرامۆشکردبوون.بەو پێیە هێشتاش نیوەی مرۆڤایەتی،لە بەشداری لە کاروباری کۆمەڵدا،بەدوور ڕادەگیردران. یەکێک لەوانەی کە لەڕێزی پێشەوەی ئەوکەسانە دادەنرێ کەبەرامبەر بەو وەزعە دژکردەوەی لە خۆی نیشاندا بریتیە لە Wollstonecraft (١٧٩٧_١٧٥٩).ئەو لەساڵی ١٧٩٢دا کتێبێکی نووسی مەسەلەی هەرە بنەڕەتی کە لەو کتێبە باسی لێکردبوو ئەوە بوو کە لەو کتێبە داوای دەکرد ژنانیش مرۆڤن ودەبێ وەک مرۆڤ بە حیساب بێن وژنانیش هەمان تواناو بەهرەولێوەشایی وئەوتایبەتمەندیە ئەخلاقیانەیان هەن کە پیاوان هەیانن.بۆیە ژنانیش دەبێ وەک پیاوان مافەکانی خوێندن ،مافی بەشداریکردن لە}

خالد سلێمان

^{پێش ماوه‌یه‌ك، نوسه‌رێك به‌ زمانێكی ته‌نزئامێزه‌وه‌ ڕه‌خنه‌ی له‌و كه‌سانه‌ گرتبو كه‌ باسی كۆڵۆنیالیزم ده‌كه‌ن، چونكه‌ به‌رای ئه‌و قۆناغی كۆڵۆنیالیزم كۆتایی پێهاتوه‌و شتێك له‌ ئارادا نه‌ماوه‌ به‌و ناوه‌وه‌. ڕوداوه‌كانی بانه‌، كه‌ له‌م ڕۆژانه‌دا هه‌مو ڕێگه‌كان ناچنه‌وه‌ سه‌ری، كه‌ دڵڕه‌قییه‌كی له‌ راده‌به‌ده‌ری كۆڵۆنیالیزم ده‌هێنێته‌وه‌ ناو دیمه‌نی سیاسی و ئابوری و كۆمه‌ڵایه‌تی كوردستان و قسه‌ی ئه‌و نوسه‌ره‌ی بیر خستمه‌وه‌. به‌ڕاست كۆڵۆنیالیزم نه‌ماوه‌؟ئه‌مه‌ ئه‌و پرسیاره‌یه‌ كه‌ په‌یوه‌ندی نیه‌ به‌ قۆناغی هه‌ڵوه‌شاندنه‌وه‌ی سیستمی كۆڵۆنیالیزم له‌ ناوه‌ڕاستی سه‌ده‌ی پێشو له‌ له‌باكورو ڕۆژئاوای ئه‌فریقیا، به‌ڵكو به‌ په‌یوه‌سته‌ به‌ واقیعێكی كوردستانییه‌وه‌ كه‌ له‌گه‌ڵ ئه‌وه‌ی كۆڵۆنییه‌كی نێوده‌وڵه‌تییه‌ وه‌ك ئیسماعیل بێشكچی ئه‌ڵێت، كۆڵۆنییه‌كی دوای كۆڵۆنیالیزم خۆیه‌تی، یانی كۆڵۆنی پاشماوه‌ی كۆڵۆنیالیزم.}

^{ئێمه‌، پێویستمان به‌وه‌ نیه‌ له‌سه‌ر شاشه‌ی ته‌له‌فزیۆنه‌كان یان لاپه‌ڕه‌ی ڕۆژنامه‌كان یان تۆڕه‌ كۆمه‌ڵایه‌تیه‌كان، وێنه‌ی دڵڕه‌قیی كۆڵۆنیكه‌ری ئێرانیی ببینین، كه‌ چۆن كۆڵۆنیكراو تیایدا له‌ ماف داماڵراوه‌و، كۆڵۆنیكه‌رێكی خڵته‌ كه‌ له‌وانه‌یه‌ كوڕی پیاوێكی هه‌ژار بێت و له‌ دوریی هه‌زاران كیلۆمه‌تره‌وه‌ هێنرابێته‌ سه‌ر سنور بۆ لێدان و ڕسواكردن و كوشتنی بارهه‌ڵگرێكی كورد، مامه‌ڵه‌ ده‌كات و هیچ بۆشاییه‌ك له‌ ده‌سه‌ڵاته‌كانیدا ناهێلێته‌وه‌و هه‌موی به‌دڵڕه‌قیی پڕ ده‌كاته‌وه‌و}

عادل قادری

^{كۆڵبه‌ران دوا مرۆڤه‌كانی سه‌ر زه‌وین، ئه‌وان بوون و ژیانیان له‌وباره‌یه‌وه‌ ره‌سه‌ن و بێگه‌رده‌ كه‌ هێشتا له‌ ئامێزی سرووشت و به‌ده‌وییه‌ته‌ جوانه‌كه‌ی هه‌ڵنه‌كه‌نراوه‌، ئه‌وان هێـمای چه‌شنێك له‌ ره‌سه‌نایه‌تی و بوونی پاكیزه‌ و نه‌شكاون، ئه‌وان ئه‌و باڵنده‌ رام نه‌كراو و شاری نه‌بووگانه‌ن كه‌ به‌سه‌ر چیا و كێوه‌كانه‌وه‌ دێن و ده‌چن و ئازادن، هیچ مرۆڤێك له‌ جه‌وهه‌ری خۆیدا ئۆبژه‌ (object) و ئامراز نه‌بووه‌، به‌ڵكو ئه‌وه‌ سیسته‌مه‌ گه‌وره‌ و بچووك و سووكه‌ سیاسی و ئابوورییه‌كانن شوناسی مرۆڤ له‌ سه‌رچاوه‌ ره‌سه‌نه‌كه‌ی خۆی داده‌بڕن و ده‌یكه‌ن به‌ ئامراز و ئامێر بۆ چێژی جیهانی سه‌رمایه‌ و بازاڕ یان بۆ مه‌به‌ستێكی سیاسی و دژه‌مرۆیی دنیای سیاسه‌ت.}

^{"كۆڵبه‌ر" له‌م هاوكێشه‌یه‌دا ئه‌و كه‌سه‌یه‌ كه‌ له‌ هه‌ردوو لاوه‌ شوناسی ئینسانی له‌ مه‌ترسی و ژێر هه‌ڕه‌شه‌ی گه‌وره‌دایه‌، ئه‌و، پێرسۆنا (Persona) و كارئه‌كته‌رێكه‌ ته‌نانه‌ت دوای مه‌رگیشی ده‌بێ به‌ مایه‌ی مانشێت و هه‌ڵوێست نواندنی رۆژنامه‌ و میدیای كولتووری سه‌رده‌ست و بنده‌ست بۆ چه‌شنێكی تر له‌ چه‌وساندنه‌وه‌ و پاره‌ پێ كۆكردنه‌وه‌، بۆیه‌ پێویسته‌ له‌ هه‌بوونی كۆڵبه‌ر له‌ناو هاوكێشه‌یه‌كی سیاسی، ئابووری و كولتووری به‌ وردی ئاگادار بین و هه‌ڵوێسته‌ له‌سه‌ر ئه‌م سێ كوچكه‌ بنه‌مایییه‌ "كه‌ بوون و نه‌بوونی كۆڵبه‌ر دیاری ده‌كه‌ن"، بكه‌ین.}

مه‌غدید سه‌پان

^{ده‌رباره‌ی ئینته‌رپۆل و سوودوەرگرتن لە ئینتەرپۆل بۆ بێدەنگکردنی ئۆپۆزیسیۆن دەمێکە لەسەر ئازادی رۆژنامەنووس و کارمەندانی بواری فەرهەنگ، گفتوگۆیەکی گەرم لە میدیاکانی سویدی هەیە بەوەی، کە هەندێک حکومەتی نادیموکرات و سەرۆکی دیکتاتۆر،سوود لە ڕێکخراوی ئینتەرپۆلوەردەگرن، بۆئەوەی کەسانی ئازادیخواز، چالاکوانی مەدەنی، نووسەر و رۆژنامەنووس، کە پێشتر لەترسی گرتن ومەرگ، وڵاتی خۆیان جێهێشتووە ولە دەرەوەی وڵات بەئاوارەیی دەژین، لە ڕێگەی ئینتەرپۆلەوەدەیانەوێ، بیانگرن و ئەزیەتیان بدەن.} دروستکردنی لیستی ڕەش لە نووسەر و رۆژنامەنووس و چالاکوانی مەدەنی، ڕاونان و ئەزیەتدانیان هەتا لەدەرەوەی وڵاتیش، کۆمەڵێک حکومەت و ڕێکخراوەکانی مەدەنی دژ بە ئینتەرپۆل هێناوەتە دەنگ و لە میدیاکان دەمێکە باسێكی گەرمە.

^{بە گرتنی دوو رۆژنامەنووسی تورکی لە ئیسپانیا لە ئابی ئەمساڵ، گفتوگۆ گەرمتر بوو و داوادەکەن، ئینتەرپۆل نەبێتە ئامرازێک بەدەست حکومەت و سەرۆکە دیکتاتۆرەکان. نووسەر و رۆژنامەنووسی سویدی - تورکیHamza Yalcinهەمزە یاڵچین لە 3ی ئابی 2017 لە بەرشلۆنە گیراوە و جگە لە ئیهانەکردنی سەرۆک ئەردۆگان بە تێرۆر پرۆپاگەندەش تاوانبار کراوە.رۆژنامەنووسێكی دیکەی}

^{خەڵک وریا و مبارز کوردستان!}

^{جمشتەیل و حزب وهێزەیل سیاسی وئازادیخواز و کۆمەڵەیل چینایەتی و چالاکەیل مەدەنی ڕۆژ هڵات کوردستان!}

^{هەر ئەوجۆرە گ زانین سیاسەت سیستماتیک سەرکوتکەرانەێ ڕژیم دەسڵاتدار لە ئێران لە وراێوەر کوردستان ،بیەسە مدووم بێکاری فرەترو نەوین سەرمایە گوزاری و کەمی مەنتەقەیل ئازاد تجارەتی وبازرگانی کردن وشایان نەوین بەرنامەڕێژی ئەڕاوە سەر کار بردن جوانەیل وهەر ئیجۆرو ژیان خەڵک کوردلەڕۆژهڵات، ڕۆژ لەڕۆژ سەخت ترو پڕڕەنج تر کردێە.}

^{فرەێگ لەخەڵک کورد وە ناچاری ئەڕاوەدەس هاوردن گۆپێ نان وە ڕەنج خوەیان ،ڕوو لە کوڵبەری هاوردنە کە هەر چەن پیشەو کاردڵخوازو ئاسانێگ نیە و بڕێگجار وەدەس هاوردن تۆشەو نان وە نرخ وە کیس چین گیان ئەڕایان تەمام بوود،ئەما لە لاێگیشەو چۆن لە ئارەق ڕشانن وەڕەنج ،نان و ە دەس تیەرن پیشەێ شرافەتمەندانەێگە ئەڕایان.}