<sup>بەگوێرەی راگەیێندراوێکی سەرۆکایەتیی هەرێمی کوردستان، رۆژی چوارشەممە 5ـی 8ـی 2015 لە سەڵاحەدین ، مەسعود بارزانی سەرۆكی هەرێمی كوردستان لەگەڵ حەسەن دانایی فەر، باڵیۆزی كۆماری ئیسلامیی ئێران و شاندێكی یاوەری لە سەڵاحەددین کۆبووەوە.

لە دیدارەكەدا رووبەڕووبوونەوەی داعش و هزری تووندڕۆیی لە ناوچەكە خراوەتە بەرباس و جەخت لە پێویستیی كاری هاوبەش و هەماهەنگیی وڵاتانی ناوچەكە كراوەتەوە بۆ لەنێوبردنی ".

تیرۆریستان". هەروەها ئەوەیش دووپاتكراوەتەوە كە پێویستە لەتەك شەڕی سەربازیی دژی تیرۆر، لەڕووی فكریشەوە شەڕی تیرۆر و هزری تووندڕۆیی بكرێت.

لە بەشێكی دیكەی كۆبوونەوەكەدا باس لە بارودۆخی ئابووریی عێراق و مەترسییەكانی تێكچوونی باری ئابووری لەسەر گوزەرانی هاووڵاتیان و كۆمەڵگەی عێراقی كراوە.

پەیوەندییەكانی نێوان هەرێمی كوردستان و كۆماری ئیسلامیی ئێران تەوەرێكی دیكەی دانیشتنەكە بووە و تێیدا باڵیۆزی كۆماری ئیسلامیی ئێران جەختی لەوە كردووەتەوە كە پاراستنی ئاساییش و سەقامگیریی هەرێمی کوردستان بۆ وڵاتەكە جێگەی بایەخە.


هەر ئەمڕۆ مەسعود بارزانی، سەرۆكی هەرێمی كوردستان لەگەڵ لە سەلیم جبووری، سەرۆكی ئەنجوومەنی نوێنەرانی عێراق و شاندێكی یاوەری کۆبووەوە.

لە دیدارەكەدا، بارودۆخی سیاسی و ئەمنیی عێراق و رەوشی بەرەكانی رووبەڕووبوونەوەی داعش خراوەتە بەرباس و جەخت لەسەر ئازادكردنی شاری موسڵ و ناوچەكانی دیكە لەژێر دەستی تیرۆریستانی داعش كراوەتەوە.

بەپێی راگەیێندراوی كۆبوونەوەكە، هەر لە دیدارەکەدا جبووری و شاندی یاوەری، جارێکی دیکە سوپاسی بارزانی و گەلی كوردستانیان كردووە كە ئەو ژمارە زۆرەی پەنابەر و لێقەوماوانی هەموو پێکهاتەکانیان لە کوردستان حەواندووەتەوە و رایانگەیاندووە " هەرگیز ئەو هەڵوێستە لەیادناکرێت".</sup>

^6/8/2015

^{نیوەڕۆی رۆژی چوارشەممە 5/8/2015، “نێچیرڤان بارزانی”، سەرۆكوەزیرانی هەرێمی كوردستان، پێشوازی لە “حەسەن دانایی فەڕ”، باڵیۆزی كۆماری ئیسلامیی ئێران لە عێراق و شاندێكی دیپلۆماسیی یاوەری كرد.}

^{لە دیدارێكدا باڵیۆزی كۆماری ئیسلامیی ئێران خۆشحاڵیی خۆی بە سەردانەكەی بۆ هەرێمی كوردستان دەربڕی و ستایشی هەرێمی كوردستانی كرد كە لە پێشكەوتنەكانی بەردەوامە و توانیویەتی بە شێوەیەكی یەكجار باش ڕووبەڕووی هێرش و مەترسییەكانی تیرۆرستانی داعش ببێتەوە و لە ڕووی ئابووریشەوە خۆڕاگر بێت بەرامبەر ئەو قەیرانە دارایییەی ڕووبەڕووی بووەتەوە و بە شێوەیەكی زۆر باشیش پێشوازی لە ژمارەیەكی یەكجار زۆر لە ئاوارە و پەنابەران بكات و شوێنی حەوانەوە و خزمەتگوزاریی پێویستیان بۆ دابین بكات. هاوكات پشتگیری و بەردەوامیی هاوكارییەكانی حكوومەتی كۆماری ئیسلامیی ئێرانیشی بۆ حكوومەتی هەرێمی كوردستان دووپات كردەوە و هەڵوێستی خەڵك و حكوومەتی هەرێمی كوردستانی لە بارەی هاوكاری كردنی ئاوارە و پەنابەران و ڕووبەڕووبوونەوەی تیرۆر بەرز نرخاند. ناوبراو باسیشی لە پتەو كردنی زیاتری پەیوەندییەكانی نێوان كۆماری ئیسلامیی ئێران و هەرێمی كوردستان لە بوارە جیاجیاكاندا كرد و هیوای خواست، لە هەموو بوارەكاندا پەیوەندیی نێوان هەردوولا بەرەو پێشتر بڕوات.}

^{لە لایەن خۆشیەوە سەرۆكوەزیرانی هەرێمی كوردستان سوپاسی سەردانی شاندی میوانی كرد و دڵخۆشیی خۆی دەربارەی پتەو كردنی پەیوەندییەكانی نێوان هەرێمی كوردستان و ئێران دەربڕی و ئاماژەی بەوە كرد كە پەیوەندییە 2 قۆڵییەكانی نێوان هەرێمی كوردستان و ئێران، مێژوویین و جەختی لەوە كردەوە كە لە كاتە سەختەكاندا كۆماری ئیسلامیی ئێران، هەردەم پاڵپشت و هاوكاری گەلی كورد بووە.}

^{هەروەها نێچیرڤان بارزانی ئەوەی دووپات كردەوە كە هەرێمی كوردستان ئامادەیە هەموو ئاسانكارییەك پێشكەش بكات، بۆ پتەو كردنی زیاتری پەیوەندییەكانی لەگەڵ كۆماری ئیسلامیی ئێران لە هەموو بوارەكاندا.}

^{گفتوگۆكردنی بارودۆخی ناوچەكە و عێراق بە گشتی و پەیوەندییەكانی نێوان هەرێمی كوردستان و حكوومەتی فیدرالی عێراق، لایەنێكی دیكەی دیدارەكە بوو.}

^basnews

^6/8/2015

<sup>عەلی باپیر، ئەمیری کۆمەڵی ئیسلامیی كوردستان، کە ئێستا بەسەردانێک لە ئێرانە، لەگەڵ یاریدەدەری وەزیری دەرەوەی ئێران کۆدەبێتەوە و تێیدا رۆڵی ئێران لەناوچەکەدا بەگرنگ دەزانێت، هەروەها داوا لەو وڵاتە دەکات هەوڵی زیاتر بدات بۆ رەخساندنی یەکڕیزی و تەبایی. 

عەلی باپیر، ئەمیر کۆمەڵی ئیسلامیی كوردستان رۆژی چوارشەممە 5-8-2015 لە تاران، لەگەڵ ئەمیر عەبدوڵڵاهیان، جێگری وەزیری دەرەوەی ئێران بۆ کاروباری وڵاتانی عەرەبی و ئەفریقایی کۆبووتەوە و دوایین پێشهاتەکانی عێراق و ناوچەکەیان تاوتوێ کردوون. 

بەگوێرەی ئاژانسی هەوڵی ئیرنا-ی ئێرانی، لە کۆبوونەوەکەدا عەبدوڵڵاهیان جەختیکردووەتەوە لەسەر گرنگی تەبایی و پاراستی خاکی عێراق و بەشدارییکردنی سەرجەم پێکهاتەکان لە پرۆسەی سیاسی و پەیوەندی دۆستانە و برایانەی نێوان ئێران و گەل و حکومەتی عێراق. 

لە بەرامبەردا ئەمیری کۆمەڵی ئیسلامی رایگەیاندووە " تەبایی و یەکڕیزی نێوان نەتەوە و پێکهاتەکان زەمینەی بەردەوامی داعش ناهێڵێ و ئەو دووبەرەکی و ناکۆکییەی کە لە جیهانی ئیسلامیش هەیە، ناسروشتییە و ئەنجامی پیلانگێڕی دووژمنانی ئیسلامە". 

عەلی باپیر، رۆڵی گرنگ و کاریگەری ئێرانی لە ناوچەکە و جیهانی ئیسلامی دووپاتكردووەتەوە و داوای لەو وڵاتە کردووە هەوڵی زیاتر بدات بۆ رەخساندنی یەکڕیزی و هاوکاری نێوان وڵاتانی ئیسلامی.

ئەمە لەکاتێکدایە پێشتر بڵاوکراوە، عەلی باپیر ئەمیری کۆمەڵی ئیسلامی بۆ چارەسەری کوڕەکەی سەردانی ئێرانی کردووە .</sup> 

^6/8/2015

<sup>سەرۆكی هەرێمی كوردستان لەگەڵ ئەنەکەسە، دوایین پێشهاتە سیاسی و سەربازییەكانی رۆژئاوای كوردستان و هەڕەشەكانی سەر گەلی كورد لە داهاتوودا تاوتوێدەکات.

رۆژی چوارشەممە 5ـی 8ـی 2015 لە سەڵاحەدین، مەسعود بارزانی، سەرۆكی هەرێمی كوردستان لەگەڵ شاندێکی سەرۆكایەتیی ئەنجوومەنی نیشتمانیی كورد لە سووریا بە سەرۆكایەتیی ئیبراهیم برۆ کۆبووەوە.

بەگوێرەی راگەیێندراوێکی سەرۆکایەتیی هەرێمی کوردستان، لە دیدارەكەدا شاندی میوان سوپاسی هەڵوێستە نەتەوەییەكانی بارزانیان كردووە، لە بەرامبەر دۆزی كورد لە سووریا و هەروەها پێزانینیان بۆ ئەو بایەخدانەی بارزانی هەبووە لەمەڕ پێشخستنی دۆزی كورد و، یەكخستنی گوتاری كورد و یارمەتیدانی رۆژئاوا لە بەرامبەر هەڕەشەی تیرۆریستانی داعش.

لەم كۆبوونەوەیەدا باس لە دوا پێشهاتە سیاسی و سەربازییەكانی رۆژئاوای كوردستان كراوە و بارودۆخ و ژیان و گوزەرانی هاونیشتمان و، هەروەها تەحەدیات و هەڕەشەكان لەسەر گەلی كورد لە داهاتوودا تاوتوێكراون.

لە بەشێكی دیكەی ئەم كۆبوونەوەیەدا جەخت لەسەر پاراستنی بەها نیشتیمانی و نەتەوەییەكان و یەكڕیزی و تەبایی نێوان لایەنە سیاسییە كوردییەكان كراوەتەوە.</sup>

^6/8/2015

<sup>سەرکردەی سەلەفییە جیهادییەکانی میسر، لە زیندانێکی شاری قاهیرە دوای دوو ساڵ لە دەستگیرکردنی بەتۆمەتی دروستکردنی رێکخراوی چەکداری، مرد.

رۆژی چوارشەممە 5 ی ئابی 2015 ، سەرچاوەیەکی ئەمنی میسر رایگەیاند"  مەرجان سالم، سەرکردەی سەلەفییە جیهادییەکانی میسر، رۆژی چوارشەممە لە زیندانێکی شاری قاهیرە مرد".

ئەو سەرچاوەیە ئاماژەی بەوەش داوە، سالم لە شەستەکانی سەدەی رابردوودا لەدایکبووە، بەهۆکاری ئاسایی مردووە، لە ساڵی 2013  دوای لەکارلادانی محەممەد مورسی سەرۆکی میسر، لە ناوچەی سینای میسر بەتۆمەتی دروستکردنی رێکخراوی چەکداری و هەبوونی پەیوەندی بە هاریکاریکردن لە کوشتنی کۆمەڵێک سەربازی سوپای میسر، دەستگیرکرابوو.

ئەو سەرکردە سەلەفییە لە ساڵی 2011 فتوای رووخاندنی هەڕەمەکانی میسری دابوو.</sup>

^6/8/2015

^{ساڵی 1977مەلا مستەفا بەهۆی نەخۆشیەوە سەردانی ئەمەریکای کرد بۆ چارەسەری پزیشکی لەو کاتەش هەژاری شاعیر نامەیەک بۆ مەلا مستەفا دەنێرێت و لەبارەی باری تەندروستی هەواڵی دەپرسێت بارزانیش لە وەڵامی نامەکەی هەژاری شاعیردا دەنوسێت برای ئەزیزو خۆشەویشتم هەژار نامەکەی جەنابتانم پێگەیشت.
ئەمەش دەقی نامەکەیە وەک خۆی بڵاوی دەکەینەوە}

^{بسم اللة الرحمن الرحيم
وتأثير من اللة ولاحول ولا قوة الا باللة العلى العظيم}

^{بو برام عزيزى خوم هةزار زور محترم
السلام عليكم ورحمة اللة وبركاته
برا عزيزو خوشةويستم هةزار كاغةزى جةنابتان بة دةستم كةهى تأريخى لى نةدرابو هةرجى تيدابو زانيم بة باشى خوندمةوة ( واذا اصابتكم مصيبة قالوا انا للة وانا الية راجعون ) ( ومن يتوكل على اللة فهو حسبة نعم الولى ونعم النصير ) برام توكلى خوتان ببنة سةر خودا لة لاى او زور سهله همو ايشوكارى دنيا هيجى لة لاى او زةحمة نية و دةتوانى بة ساغو سلامةتى و بة فرحو كةييف خوشى بمان كةهينيتةوة يكودو ولة لاى او زور اسانة و ايستةش صحه تم زور باشة بةلام ايشوكارى انسان بة ناخوشى ويان صحه تى باش نية هةرهموى بة دةستى خوداية ( ولا يأمر من مكر اللة القوم الكافرون ولا يبأس مكر اللة ( روح اللة ) الا القوم الخاسرون ) تمشاى قران بكة مكرة يان روح باش لة فكريم نية
( لاتقنطوا من رحمة اللة ان اللة يغفرالذنوب جميعا انة هو الغفو ر الرحيم )
ودائمان دعاء دةكةم منو هةزار لة قومى بارزان حساب بكرين و حشرمان بيكةوةبى
برام رحمةتى خودا واسعترو كةورةترة لة ارضو اسمان و كوناهوخةتاكان نسبة بة رحمتى خودا كةورة بى يان بجوك بى
هيج نيه خوت عاجزنه كه و غم نه خو وهم هه لنه كره وشكرى خودا بيكة لةسةر اوةى كة خودا بومانى نوسيوة و تقديرى او جونة هةر وا دةروات اخر منو تو كةهيشتينة عمرى بيرى جارةكى تر نابينة جوان دنيا ملكى باقى نية بوكةس نةغالب دةمينى لة دنيادا و نة مغلوب الحمد للة ناوى ظالم كةسبمان نةكردوة و ناوى مظلوم بومان خوشة و املمان هةية بة لطفى خودا جارةكى تر هةلمان دةدةتى لة م نزيكانةوة زور بة رةحمو كةرةمةوة
انشااللة وبأذنة هه مو ايشوكارمان بة خوشى تةواودةكةت ايترجاوتان ماج دةكةم
وسه لا مو احترامم هةية بوتان و بو هةمو برادةران
خزمةتكارو براتان مصطفى بارزانى
6/7/1977
ودمتم فى حفظ اللة وامانه
ويسعدكم اللة فى الدارين}

basnews

6/8/2015

<sup>هێزی پێشمه‌رگه‌ مه‌شقده‌كه‌ن بۆ رووبه‌ڕووبوونه‌وه‌ی گروپێك كه‌ به‌ "به‌هێزترین رێكخراوی تیرۆریستی جیهان" ناویده‌ركردووه‌: ده‌وڵه‌تی ئیسلامی (یاخود داعش).

پێشمه‌رگه‌ ده‌یان ساڵه‌ شه‌ڕده‌كات. دژی دووژمنی زۆر به‌هێزتر له‌ داعش جه‌نگاوه‌، وه‌كو سوپای پێشووی عێراق، به‌ڵام هیچ شه‌ڕێك هێنده‌ی ئه‌م شه‌ڕه‌ ناوی به‌رزنه‌كردووەته‌وه‌. 

پێشمەرگە، به‌هۆی بوێری و میانڕه‌ویانه‌وه‌ له‌ لایه‌ن وڵاتانی رۆژئاواوه‌ ستایش ده‌كرێن و مه‌شق و چه‌كیان بۆ دابینده‌كرێت.

له‌ كۆنگرێسی ئه‌مریكا، رۆژانێك یاسا ده‌ركرا بۆ ناساندنی پێشمه‌رگه‌ وه‌كو هێزێكی تیرۆریستی. ته‌نانه‌ت تا پێش هێرشی داعش، بۆ سه‌ر كوردستان، پێشمه‌رگه‌ له‌ لیستی پله‌ سێی تیرۆری ئه‌مریكادا بوو. له‌ گۆڕانێكی مێژوویدا، هه‌موو ئه‌و دژایه‌تییانه‌ ئێستا بوونه‌ته‌ رابردوویه‌كی دوور. ئه‌مڕۆ قورسه‌ له‌ كۆنگرێسی ئه‌مریكادا كه‌سێك بدۆزیته‌وه‌ به‌ ئاشكرا دژی پێشمه‌رگه‌ بێت. 

روبن چاڵیگۆ، ئه‌ندامی كۆنگرێس دەڵێ"ئه‌ندامانی كۆنگرێس پێشمه‌رگه‌ وه‌كو یه‌كێك له‌ كاریگه‌رترین هێزه‌كانی رۆژهه‌ڵاتی ناوه‌ڕاست ده‌بینن. ده‌زانین كاریگه‌رانه‌ دژی داعش شه‌ڕ ده‌كه‌ن."

پێشمه‌رگه‌ چه‌كی پێشكه‌وتووی زۆری له‌ ئه‌مریكا و وڵاتانی دیکە پێبه‌خشراوه‌، له‌ فیشه‌ك و چه‌كی سووكه‌وه‌ بۆ چه‌كی دژه‌ تانك.  پێشمه‌رگه‌ هێشتا وه‌كو سوپای ده‌وڵه‌تێك راسته‌وخۆ چه‌كی پێنادرێت. یه‌كێك له‌ به‌هێزترین ئه‌و چه‌كانه‌ی كه‌ پێشمه‌رگه‌ ده‌ڵێن زۆر سوودیان لێبینیووه‌ چه‌كێكی تانكبڕی ئه‌ڵمانییه‌ به‌ناوی میلان. 

ئه‌كسل شێڤه‌ر، ئه‌ندام په‌رله‌مانی ئهڵمانیای فیدرال  سه‌رۆكی فراكسیۆنی پارتی سۆسیال دیموكرات . س پ د  لە باسکردنی پێشمەرگەدا دەڵێ "كاتێك گوێم له‌ ناوی پێشمه‌رگه‌ ده‌بێت، بۆ من وێنه‌ی ئه‌و هێزه‌ ئازایه‌ دێته‌ به‌رچاوم كه‌ توانییان دژی دڕنده‌ترین تێرۆرسیتی جیهان بجه‌نگن و شكستیان پێبهێنن".

 دۆستایه‌تی رۆژئاواییه‌كان بۆ كورد به‌شێوه‌یه‌كی گشتی ده‌گه‌ڕێته‌وه‌ بۆ ساڵی ١٩٩١، كاتێك ئه‌مریكا ناوچه‌ی دژه‌فڕینی بۆ كوردانی باشووری كوردستان دژی سه‌دام حسێن دروستكرد. ژەنەڕاڵ جیم جۆنز یه‌كێك بوو له‌و ژه‌نه‌راڵه‌ سه‌ربازییانه‌ی ئه‌مریكا كه‌ ده‌ستی له جێبه‌جێكردنی ئه‌و بڕیاره‌دا هه‌بوو.

ژه‌نه‌ڕاڵ جیم جۆنز، یه‌كێك له‌وكه‌سانه‌ی كه‌ به‌شداریكرد له‌ دروستكردنی ناوچه‌ی دژه فڕین بۆ كوردستان دەڵێ "مارێنزه‌كان، سه‌ربازه‌كان و هێزه‌كانی ده‌ریایی و ئاسمانی كه‌ به‌شداریانكرد له‌مه‌دا گه‌لی كوردیان له‌یاده‌. گه‌لی كوردیان خۆشده‌وێت. ده‌زانین كورد باشترین دۆستمانن. ئه‌و كات هه‌ستمان پێكرد. ئه‌مڕۆش هه‌ستی پێده‌كه‌ین".

ژه‌نه‌راڵ ده‌یڤد پاتریۆس، كه‌ له‌ عێراق خزمه‌تیكردووه‌  و سه‌رۆكی پێشووی ده‌زگای هه‌واڵگری ئه‌مریكا CIA-یە‌. هه‌فته‌ی رابردوو ئاماده‌ی بۆنه‌یه‌ك بوو كه‌ ئۆفیسی حكومه‌تی هه‌رێمی كوردستان له‌واشنتن رێكیخستبوو بۆ رێزلێنان له‌و ئه‌مریكیانه‌ی له‌ كوردستان خزمه‌تیانكردووه‌. 

ده‌یڤد پترایۆس باسی دۆستانی کورد دەکات و دەڵێ "به‌دڵنیایه‌وه‌ جگه‌ له‌ شاخه‌كان دۆستتان هه‌ن. زۆرێكیان ئه‌م ئێواره‌یه‌ لێره‌ كۆبوونه‌ته‌وه‌".</sup>

^5/8/2015

<sup>شاندی پەرلەمانتارانی پارتی دیموکراتی گەلان- هه‌ده‌په‌، به‌مه‌به‌ستی لێکۆڵینه‌وه‌ له‌ بۆردوومانی فڕۆکەکانی تورکیا و ئامادەکردنی راپۆرتێک سەبارەت بە کوژرانی خەڵکی سڤیل چوونە بناری قەندیل. 

شاندی ‌پەرلەمانی پارتی دیموکراتی گەلان- هه‌ده‌په‌، کە پێکهاتووە عوسمان بایده‌میر، قه‌دری یڵدرم، هودا کایا و جێگری هاوسه‌رۆکی هه‌ده‌په‌ نه‌زمی گیور، رۆژی سێشەممە لەدەروازەی برایم خەلیلەوە گەیشتنە باشووری کوردستان و دوای سەردانی بریندارەکان، ئه‌مڕۆ بۆ لێکۆڵێنه‌وه‌ له‌ بۆردوومانەکەی زارگه‌لی به‌ره‌و بناری قه‌ندیل به‌ڕێکه‌وتن و بڕیارە دوو رۆژ لە گوندەکە بمێنەوە بەمەبەستی ئامادەکردنی راپۆرتەکە. 

شاندە پەرلەمانییەکەی هەدەپە‌، دوای سەردانەکەیان و لێکۆڵینه‌وه‌ له‌ بۆردوومانەکە، راپۆرتێک ئاماده‌ دەکەن و دەیدەنە په‌رله‌مان و دامو ده‌زگاکانی حکومەتی تورکیا. 

فڕۆکه‌کانی تورکیا بەرەبەیانی رۆژی 1ی ئابی 2015، گوندی زارگه‌لیان لە بناری قه‌ندیل بۆردوومان کرد و له‌ ئاکامدا 8 هاونیشتمانی سڤیل گیانیان لەدەستدا و یازدە هاونیشتمانی دیکەیش برینداربوون.</sup>

^5/8/2015

<sup>رۆژنامەی وۆڵ ستریت جۆرناڵ-ی ئەمریکی رایگەیاند:" ئەنقەرە و واشنتن گەیشتوونەتە لێکتێگەیشتن لەسەر دروستکردنی ناوچەیەکی ئارام لەسەر سنوورەکانی تورکیا و سووریا، کە خاڵی بێ لە داعش و پەیەدە".

بەپێی پلانەکە ئەو ناوچە ئارامە لە نزیک سنووری تورکیا دروستدەکرێت و ئاوارەکان دەبرێنەوە ئەوێ، بەڕێوەبردنیشی لەلایەن ئۆپۆزیسیۆنی میانڕەوی سووری-یەوە دەبێ.

بەرپرسێکی تورکیا بە رۆژنامەکەی گوتووە" بە هیچ شێوەیەک قبوڵی ناکەین پەیەدە هێرشەکانی ئەمریکا بۆ سەر داعش بقۆزێتەوە بۆ خۆی".

بەپێی رێککەوتنی ئەنقەرە و واشنتن کە ئێستا بەشێکی کەوتووەتە واری جێبەجێکردنەوە، ئەمریکا بنکە سەربازییەکانی تورکیا بەکار دەهێنێت بۆ هێرشەکانی لە دژی داعش ، لەوانە بنکەی ئاسمانی ئینجەرلیک، هەروەها ئەمریکا ئۆپۆزیسیۆنی میانڕەوی سووریا دەپارێزێ لە مەترسیەکانی داعش و ئەسەد.

هەروەها بەرپرسانی ئەمریکیش بەڵێنیان بە تورکیا داوە کە" بۆ ئەو ناوچە ئارامە کە بڕیارە دروستبکرێ پشت بە یەپەگە نابەستن، بەڵام شتێک دەهێڵینەوە بۆ پەیوەندی لەگەڵ یەپەگە".

بەپێی گوتەی ئەو بەرپرسە ئەمریکییە تورکیا زۆر پێی ناخۆش نییە کە یەپەگە لە سنوورەکانی بێ چونکە رۆژنامەکە لە زاری بەرپرسەکەی تورکیاوە رایگەیاندووە" ئەوان یەپەگەیان پێی واقعیترە لە پەکەکە و هیوادارن هێڵی سوور نەبەزێنن، چونکە بینیان کە پەکەکە هێڵی سووری بەزاند و چی بەسەر هات".

پیشتریش داود ئۆغڵو سەرۆکوەزیرانی کاربەڕێکەری تورکیا لە لێدوانێکدا رایگەیاند کە" رێککەوتنی واشنتن و ئەنقەرە گۆڕانکاری داینامیکی لە ناوچەکەدا دروستدەکات".

هەرێمی ئارام دەکەوێتە سنووری نێوان تورکیا- سووریا  و لەنێوان مارع - جەرابلوس بە قوڵایی 90 کم دەبێت، ئەو 90 کیلۆمەترە لەلایەن فڕۆکە جەنگییەکانی هاوپەیمانانەوە چاودێری دەکرێت، لە کاتی پێویستیشدا فڕۆکە جەنگییەکانی تورکیا دەتوانن ئۆپەراسیۆنی ئاسمانی تێدا ئەنجام بدەن.

بنکەی ئەنجەرلیکیش بۆ چاودێری تەکنیکی فڕۆکە جەنگییەکانی هاوپەیمانان کراوە دەبێت و تیمێکی سەربازی 40-50 کەسی دەچنە ئەنجەرلیک.

هاوکات فڕۆکەی بێفڕۆکەوان لە بنکەی ئەنجەرلیکەوە چاودێری سووریا دەکات، ئەمەش دوای ئەوەی کە تورکیا لە ساڵی 2011ـەوە رێگای بە ئەمریکا داوە فڕۆکەی بێفڕۆکەوان لە بنکەی ئەنجەرلیکەوە بۆ چاودێری ئەمنی لە سووریا بەکاربهێنێ و لەوکاتەوە 4 فڕۆکەی بێفڕۆکەوان براونەتە ئەو بنکەیە، لە مانگی ئاداری 2011ـش یەکێک لە فڕۆکەکان لە لازقییە کەوتەخوارەوە.</sup>

^5/8/2015

<sup>لە میانەی کۆنفرانسی رۆژنامەڤانی رۆژانەدا، جێگری گوتەبێژی وەزارەتی دەرەوەی ئەمریکا وەڵامی پرسیاری رووداوی دایەوە دەربارەی بۆردومانی تورکیا بۆسەر گوندی زارگەلی کە تێیدا چەند هاونیشتیمانییەکی سڤیل بوونە قوربانی.

لە وەڵامی پرسیاری نامۆ عەبدوڵڵا بەرپرسی نووسینگەی رووداو لە واشنتن دەربارەی هەڵوێستی ئەمریکا لە بارەی بۆردومانەکەی زارگەلیەوە، مارک تۆنەر، جێگری گوتەبێژی وەزارەتی دەرەوەی ئەمریکا گووتی :

"ئێمە نامانەوێت هیچ قوربانیەکی سڤیل ببینین و ئەم جۆرە راپۆرتانە زۆر بە جددی وەردەگرین. ئێمە داوا دەکەین پەکەکە هێرشەکانی دژ بە تورکیا رابگرێت و داواش دەکەین تورکیا لە وەڵامدانەوەدا هێزی گونجاو بەکاربهێنێت. ئێمە دەمانەوێت هەموو تووندوتیژیەکان کۆتاییان پێبێت و دەشمانەوێت تورکیا و هێزەکانی هاوپەیمانان و هەموو ئەو هێزانەش کە لە باکووری سوریا شەڕی داعش دەکەن هەوڵەکانیان دژ بە داعش چڕبکەنەوە"

تۆنەر گوتیشی :

"ئێمە زانیاریمان دەربارەی وردەکارییەکانی ئەو رووداوە نییە، بەڵام زۆر جار یاخود هەندێک جار کە هێرشی ئاسمانی دەبێت و خەڵکی سڤیل لەو ناوچەیەدان، ئەوانیش زەرەریان بەردەکەوێت. بەڵام ئەم هێرشانەی تورکیا دژ بە پەکەکە ئەنجامدراون.  

بەڵام  دوبارە دەبێت ئەوە بزانین کە پەکەکە دژ بە تورکیا هێرشی ئەنجامداوە و ئێمەش پشتیوانی مافی تورکیامان کردووە بۆ بەرگریکردن لە خۆکردن."</sup>

^4/8/2015