چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

درێژه‌ی بابه‌ت

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

ڕابردوو بەردەوام گرووپگەلێک هەبوون لە کوردستان کە بەشێوەیەک لە شێوەکان پەیڕەویان لە خەباتی چەکداریی کردووە وەک ڕێبازێک بۆ گەیشتن بە مافەکانی کوردستانییان. بەڵام هەر...

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

ناودەبرێت، بۆ کوردەکانیش هێشتا بابەتێکە کە جێی گومان و پرسیارە؟، بەوپێیەی هەموان سیناریۆکانی پرۆسەی ئاشتی و چارەسەریان لەساڵی ٢٠١٢ بۆ ٢٠١٥ لەپێش چاوە، کەچۆن ئەو...

درێژه‌ی بابه‌ت

په‌یوه‌ندی راسته‌وخۆ

گه‌ڕان

سووریا.. حەوت ئەندامی دیكەی سوپای پاسداران كوژران

^{راگەیەنە فەرمییەكانی ئێران هەواڵی كوژرانی حەوت ئەندامی دیكەی سوپای پاسداران لە سووریایان بڵاو كردووەتەوە.}

^{ئاژانسی ئیرنا بڵاوی كردووەتەوە ئەو ئەندامە كوژراوانەی سوپای پاسداران دانیشتووی شارەكانی "شیراز، ئەراك و قۆم" بوون.}

^{ناوی كوژراوەكان بریتین لە: "نیزام موحسنی، جەمشید ئەحمەد، محەمەدزەمان عەتایی، مەهدی حوسێنی، سەلیم سالاری و حەسەن ئەسەدوڵڵا و چەند رۆژ لەمەوبەریش 9 ئەندامی سوپای پاسداران لە سووریا كوژران كە یەكیان فەرماندەیەیكی هێزی دەریایی و دوو كەسی دیكەشان خەڵكی كرماشان بوون.}

^{بەپێی راگەیەنەكانی ئێران ئەو كەسانە لە سووریا ئەندامی گرووپی "پارێزەرانی حەرەمی زەینەب" بوون كە لەلایەن داعشەوە كوژراون.}

^{ئێران ئەندامەكانی سوپای پاسداران كەلە سووریا و لەدژی دژبەرانی بەشار ئەسەد شەڕ دەكەن، بە پارێزەرانی شوێنە ئایینییەكان ناوزەد دەكات.}

^{لە سەرەتای شەڕ و ئاڵۆزییەكانی ناوخۆی سووریا بە سەدان ئەندامی سوپای پاسدارانی لەو وڵاتە كوژراون، تەنیا لە ماوەی سێ‌ مانگی رابردوود ازیاتر لە 150 ئەندامی سوپای پاسداران لە سووریا كوژراون كە زیاتر لە دە كەسبان فەرماندەی باڵا بوون.}

^9/1/2016

کۆریای باکوور هۆشداریی دەداتە وڵاتە ناوەکییەکان

^{کۆریای باکوور هۆشداریی دەداتە ئەو وڵاتانەی چەکی ناوەکییان هەیە یاخود بە نیازی دەستکەوتنین.}

^{ئاژانسی فەرمیی کۆریای باکوور بڵاویکردووەتەوە، کە حکوومەتی ئەو وڵاتە ئەزموونی چەکی ناوەکیی خۆی بە ”رووداوێکی گەورە“ دادەنێت و پێیوایە توانای خۆپاراستنی لە ”هێزە دوژمنەکان“ زیاتر دەکات.}

^{کیم جۆنگ ئون، سەرۆکی کۆریای باکوور و بەرپرسانی باڵای ئەو وڵاتە پێیانوایە ”یاسای دارستان“ حوکمی جیهان دەکات و چەنکی ناوەکیش باشترین هۆکارە بۆ شەڕی ئەو یاسایە.}

^{بە بڕوای بەرپرسانی باڵای کۆریای باکوور، رژێمەکانی سەدام حوسێن لە عێراق و موعەممەر قەزافی لە لیبیا تووشی داڕمان نەدەبوون، ئەگەر ”وازیان لە پەرەپێدان بە بەرنامە ناوەکییەکەیان نەهێنابا“.}

^{حکوومەتی پیۆنگ یانگ پێیوایە داواکردن لە کۆریای باکوور بۆ دووبارەکردنەوەی ”هەمان هەڵەی“ سەدام و قەزافی بە وازهێنان لە بەرنامە ناوەکییەکەی، رژێمی ئەو وڵاتەش بە دەردی رژێمی بەعسی عێراق و سەرۆکی پێشووی لیبیا دەبات.}

^9/1/2016

بەهۆی بەفربارین لە پارێزگای ورمێ 40 رووداو روویانداوە

^{بەپێی ئاماری مانگی سووری ئێران, لە ماوەی ئەو رۆژانەدا کە بەفربارین و کڕێوە لە پارێزگای ورمێی رۆژهەڵاتی کوردستان بەردەوام بووە، 40 رووداو روویانداوە کە چارەسەرکردنیان پێویستی بە تیمەکانی فریاکەوتنی مانگی سوور بووە.}

^{قورسترین رووداو لە ئامارەکەدا مانەوەی 80 هاونیشتمانی بوو لە رێگای(بورهانی) نێوان مەهاباد و بۆکان، کە بەهۆی بەفرباین و کڕێوە ئەو رێگایە بۆ ماوەی دوو شەو گیرا و هاونیشتمانیان لە چایخانەیەکی سەر رێگادا پەنا دران.}

^{هەروەها 15 حاڵەتی فریاکەوتنی دایکانی دووگیان بووە لە ناوچە دوورە دەستەکان، کە لە حاڵەتێکدا بۆ گواستنەوەی دایکێکی دووگیان بۆ نەخۆشخانە، هەلیکۆپتەر بەکار هاتووە.}

^{هەفتەی رابردوو شەپۆلێکی سەرما و بەفربارین ناوچەکانی پارێزگای ورمێی لە رۆژهەڵاتی کوردستان گرتەوە و بەهۆیەوە لەو ناوچانە خوێندنگە و فەرمانگەکان داخران.}

^9/1/2016

بەلجیکا شوێنی دروستکردنی بۆمبەکانی پاریس ئاشکرا دەکات

نووسینگەی داواکاری گشتیی بەلجیکا ئاشکرا کردنی شوێنی دروستکردنی ئەو بۆمب و تەقەمەنییانەی راگەیاند، کە لە مانگی تشرینی دووەمی 2015 لە شاری پاریسی پایتەختی فەرەنسا تەقینەوە.

ئێریک ڤان دێرسیپت، گوتەبێژی داواکاری گشتیی بەلجیکا رایگەیاندووە، کە رۆژی 10 کانوونی یەکەمی 2015 هێزە ئەمنییەکانی وڵاتەکەی هەڵیانکوتاوەتە سەر شوقەیەک لە گەڕەکی شەخاربێک لە برۆکسلی پایتەخت.

بەپێی زانیارییەکان، پۆلیس لەو هەڵمەتەیدا، پاشماوەی چەند ماددەیەکیان دۆزیوەتەوە، کە لە دروستکردنی بۆمب و تەقەمەنیدا بەکاردێن، وێڕای دۆزینەوەی پەنجەمۆری سەڵاح عەبدولسەلام، تۆمەتباری سەرەکیی تەقینەوە و هێرشە تیرۆریستییەکانە لە پاریس لە رۆژی 13ـی تشرینی دووەمی 2015.

گوتەبێژی داواکاری گشتی بەلجیکا ئاماژەی بەوەشکردووە، کە خاوەنی ماڵەکە بە تۆمەتی تیرۆر دەستگیرکراوە و شوقەکەشی بە بەڵگەنامەی ساختە، بەکرێ گرتووە.

9/1/2016

کۆریای باکوور هۆشداریی دەداتە وڵاتە ناوەکییەکان

^{کۆریای باکوور هۆشداریی دەداتە ئەو وڵاتانەی چەکی ناوەکییان هەیە یاخود بە نیازی دەستکەوتنین.}

^{ئاژانسی فەرمیی کۆریای باکوور بڵاویکردووەتەوە، کە حکوومەتی ئەو وڵاتە ئەزموونی چەکی ناوەکیی خۆی بە ”رووداوێکی گەورە“ دادەنێت و پێیوایە توانای خۆپاراستنی لە ”هێزە دوژمنەکان“ زیاتر دەکات.}

^{کیم جۆنگ ئون، سەرۆکی کۆریای باکوور و بەرپرسانی باڵای ئەو وڵاتە پێیانوایە ”یاسای دارستان“ حوکمی جیهان دەکات و چەنکی ناوەکیش باشترین هۆکارە بۆ شەڕی ئەو یاسایە.}

^{بە بڕوای بەرپرسانی باڵای کۆریای باکوور، رژێمەکانی سەدام حوسێن لە عێراق و موعەممەر قەزافی لە لیبیا تووشی داڕمان نەدەبوون، ئەگەر ”وازیان لە پەرەپێدان بە بەرنامە ناوەکییەکەیان نەهێنابا“.}

^{حکوومەتی پیۆنگ یانگ پێیوایە داواکردن لە کۆریای باکوور بۆ دووبارەکردنەوەی ”هەمان هەڵەی“ سەدام و قەزافی بە وازهێنان لە بەرنامە ناوەکییەکەی، رژێمی ئەو وڵاتەش بە دەردی رژێمی بەعسی عێراق و سەرۆکی پێشووی لیبیا دەبات.}

^9/1/1/2016

چه‌كدارێكی داعش دایكی خۆیی سه‌ربڕی

به‌گوته‌ی چالاكوانه‌كان، پاش نیوه‌ڕۆی دوێنێ له‌شاری ڕه‌قه‌ی سوریا، چه‌كدارێكی داعش له‌شوێنێكی گشتیدا دایكی خۆیی سه‌ربڕی.

له‌ڕاگه‌یه‌نراوی تۆڕی"ڕه‌قه‌ به‌بێ ده‌نگی سه‌رده‌بڕدرێت" هاتووه‌: " عه‌لی سه‌قر كه‌ته‌مه‌نی 22 ساڵه‌، خه‌ڵكی ناوچه‌ی سه‌خانی شاری ڕه‌قه‌یه‌، هه‌ستا به‌سه‌ربڕینی دایكی كه‌ ناوی لینا قایم و ته‌مه‌نی 45 ساڵ بوو، تاوانه‌كه‌ش له‌به‌رده‌م درگای فه‌رمانگه‌ی پۆسته‌ی شاره‌كه‌دا ڕوویداوه‌، دایكشی فه‌رمانبه‌ری ئه‌و فه‌رمانگه‌یه‌ بووه‌".

چالاكوانه‌ سورییه‌كان زیاتر ڕوونكردنه‌وه‌ ده‌ده‌ن وده‌ڵێن: " دایكی عه‌لی سه‌قر سه‌ربه‌ تایفه‌ی عه‌له‌وییه‌، خه‌ڵكی شاری جه‌بله‌یه‌ سه‌ربه‌ پارێزگای لازقییه‌ له‌ ڕۆخه‌كانی سوریا".

به‌گوته‌ی چالاكوانه‌كان:" خه‌ڵكێكی زۆری شاره‌كه‌ بۆ ته‌ماشاكردنی ئه‌و تاوانه‌ كۆبوونه‌ته‌وه‌".

8/1/2016

توركیا داوایه‌ك ئاراسته‌ی ئێران ده‌كات

وه‌زاره‌تی ده‌ره‌وه‌ی توركیا باڵیۆزی ئێرانی له‌ئه‌نكه‌ره‌ بانگ كرد و، داوایه‌كی توركیای پێ گه‌یاند سه‌باره‌ت به‌ پێویستی ڕاوه‌ستاندنی ئه‌و ڕاپۆرته‌ میدیاییانه‌ی كه‌ئێرانییه‌كان بڵاوی ده‌كه‌نه‌وه‌و، له‌سێداره‌دانی زیندانییه‌كان له‌ سعودیه‌دا په‌یوه‌ست ده‌كه‌نه‌وه‌ به‌ئه‌ردۆگانه‌وه‌.

وه‌زاره‌تی ده‌ره‌وه‌ی توركیا له‌ بڵاوكراوه‌یه‌كدا ڕایگه‌یاند: " به‌توندی سه‌ركۆنه‌ی ئه‌و ڕاپۆرته‌ میدیاییانه‌ ده‌كه‌ین كه‌ ده‌سته‌و دامه‌زراوه‌ فه‌رمییه‌كانی ئێران بڵاوی ده‌كه‌نه‌وه‌و، به‌تایبه‌تی له‌دوای سه‌ردانكردنی سه‌رۆكه‌كه‌مان بۆ ڕیاز، كه‌ له‌سه‌رجه‌م ڕاپۆرته‌كاندا له‌سێداره‌دانی زیندانییه‌كان په‌یوه‌تس ده‌كرێنه‌وه‌ به‌و سه‌ردانه‌وه‌".

هه‌روه‌ها وه‌زاره‌تی ده‌ره‌وه‌ی توركیا به‌توندی سه‌ركۆنه‌ی ئه‌و ڕاپۆرتانه‌ی كرد كه‌ وێنه‌یه‌كی ناشیاو له‌چاوی گه‌لی ئێراندا بۆ ئه‌ردۆگان دروست ده‌كه‌ن.

له‌دوای ئه‌وه‌ی سعودیه‌ "نمر ئه‌لنمر"ی له‌سێداره‌دا، گرژی و ناكۆكییه‌كانی نێوان سعودیه‌ و ئێران توندتر بوون. نمر كه‌سایه‌تییه‌كی ئاینی شیعه‌كان بوو، داوای ده‌كرد مافی زیاتر بۆ كه‌مایه‌تی شیعه‌ له‌سعودیه‌ دابین بكرێت.

له‌بڵاوكراوه‌كه‌ی وه‌زاره‌تی ده‌ره‌وه‌ی توركیادا هاتووه‌: " به‌ باڵیۆزه‌كه‌ی ئێران ڕاگه‌یه‌نرا كه‌ هێرشكردن و ده‌ستدرێژی بۆ سه‌ر باڵیۆزخانه‌و كونسوڵخانه‌كانی سعودیه‌ له‌تاران و مه‌شهه‌د به‌هیچ شێوه‌یه‌ك پاساوی نیه‌".

8/1/2016

نرخی دینار له‌به‌رانبه‌ر دۆلاردا دابه‌زینێكی گه‌وره‌ی تۆماركرد

ئه‌مڕۆ نرخی دیناری عێراقی له‌به‌رانبه‌ر دۆلاردا دابه‌زینێكی ترسناكی تۆماركرد. بۆیه‌كه‌مجار نرخه‌كه‌ی گه‌یشته‌ 1260 دینار له‌به‌رانبه‌ر یه‌ك دۆلاردا.

له‌به‌غدای پایته‌ختی عێراق نرخی دۆلاری ئه‌مریكی له‌به‌رانبه‌ر دیناردا به‌رزبوویه‌وه‌ بۆ 126 هه‌زار به‌رانبه‌ر 100 دۆلاری ئه‌مریكی.

ئه‌وه‌ له‌كاتێكدایه‌ پێش ئه‌وه‌ی دینار به‌و جۆره‌ دابه‌زێت، نرخی یه‌ك كاغه‌زی 100 دۆلاریی ئه‌مریكی به‌رانبه‌ر 122000 دیناری عێراقی بووه‌.

قه‌یرانی دارایی عێراق به‌هۆی دابه‌زینی نرخی نه‌وته‌وه‌، هۆكاری سه‌ره‌كی به‌رزبوونه‌وه‌ی نرخی دۆلاره‌. له‌كاتێكدا بانكی ناوه‌ندی عێراق له‌ڕێی خستنه‌ بازاڕی دراوه‌وه‌، هه‌وڵی سه‌قامگیركردنی نرخی دینار ده‌دات.

هاوكات سه‌رچاوه‌یه‌ك له‌په‌رله‌مانی عێراق، بۆ میدیاكانی ئاشكرا كرد كه‌ ژماره‌یه‌ك په‌رله‌مانتار پێشنیارێكیان داوه‌ته‌ حكوومه‌تی وڵاته‌كه‌یان تاكو نرخی دۆلار به‌رزبكرێته‌وه‌ بۆ 2000 هه‌زار دینار. تاكو ئه‌و وڵاته‌ له‌قه‌یرانه‌كه‌ی ده‌رده‌چێت.

8/1/2016

ئەمەریکا و تورکیا لەگەڵ بارزانی کۆدەبنەوە

^{راوێژکاری سەرۆکی هەرێمی کوردستان، ئاماژە بەوە دەکات واشنتن و ئانکارا و هەولێر کۆدەبنەوە، بەڵام کاتی کۆبوونەوەکە نەزانراوە.}

^{"کیفاح مەحمود" راوێژکاری سەرۆکی هەرێمی کوردستان، بە (باسنیوز)ی راگەیاند: بڕیارە کۆبوونەوە لە نێوان واشنتن و ئانکارا و هەولێر ئەنجام بدرێت، گوتی : "نازانرێت کۆبوونەوەکە لەسەر چ ئاستێکە، بەڵام دڵنیایی دراوە لە ئەنجام دانی ئەو کۆبوونەوەیە".}

^{گوتیشی: "بەپێی پێشبینی من، تەنیا پرسی ڕووبەڕوو بونەوەی داعش و ئاڵۆزیەکانی ناوچەکە و ئەگەرەکانی دوای نەمانی داعش دەکرێت".}

^{بەپێی زانیاری (باسنیوز)بڕیارە بەم نزیکانە کۆبوونەوەی سێ قۆڵی لەنێوان شاندێکی تورکیا و ئەمەریکا و هەرێمی کوردستان ئەنجام بدرێت، کە لەو کۆبوونەوە بارزانی پرسی ڕووبەڕوو بونەوەی داعش ئەگەرەکانی دوای نەمانی داعش بۆ هەردوو وڵات باس دەکات.}

^{کیفاح مەحمود، ئەوەشی خستەروو: تائێستا بڕیار نەدراوە دەوڵەتانی دیکە بەشداری کۆبوونەوەکە بکەن.}

^7/1/2016

فرۆکەجەنگیەکانی سعودیە باڵیۆزخانەی ئێران لە یەمەن بۆردومان دەکات

^{گوتەبێژی وەزارەتی دەرەوەی ئێران، ئاگاداری سعودیە دەکاتەوە لەوەی فرۆکە جەنگییەکانیان هێرشیان کردوەتە سەر باڵیۆزخانەی وڵاتەکەی لەیەمەن.}

^{"حوسێن ئەنساری" گوتەبێژی وەزارەتی دەرەوەی ئێران، ئەمرۆ (7\1\2016)رایگەیاند: فرۆکەی جەنگی وڵاتی سعودیە بینایەی باڵیۆزخانەی ئێرانیان لە (سەنعا)ی پایتەختی یەمەن کردوەتە ئامانج و بەو هۆیەوە کارمەندی باڵیۆزخانەکە بریندار بوون و زیانێکی زۆر بەبیناکە کەوتووە.}

^{دوای لە سێدارەدانی "نەمر شێخ نەمر" شێخی مەزهەبی شیعەکان لە سعودیە کاردانەوەی بەدوای خۆیدا هێناو بەوهۆیەوە نێوانی سعودیە و ئێران تێکچووە.}

^7/1/2016

جەعفەری: ئامادەین نێوەندگیریی ئێران و سعودیە بکەین

^{وەزیری دەرەوەی عێراق رایدەگەیەنێت، کە وڵاتەکەی ئامادەیە نێوەندگیریی لەنێوان هەردوو وڵاتی ئێران و سعودیەدا بکات.}

^{ئیبراهیم جەعفەری، وەزیری دەرەوەی عێراق، کە بە سەردانێکی فەرمیی لە تارانی پایتەختی کۆماری ئیسلامی ئێرانە، پاڵپشتیی وڵاتەکەی بۆ لێکنزیکبوونەوەی ئێران و سعودیە نیشانداوە و رایگەیاندووە، کە وڵاتەکەی ئامادەیە نێوەندگیریی بکات بۆ چارەسەرکردنی کێشەکانیان.}

^{دوای لەسێدارەدانی شێخ نمر باقر ئەلنمر، مەرجەعی شیعەکانی سعودیە، هاووڵاتییانی ئێران هەڵیانکوتایە سەر باڵیۆزخانەی سعودیە لە تاران و کوسوڵگەریی ئەو وڵاتەشیان لە شاری مەشهەد سووتاند.}

^{دوای ئەم رووداوانە، پەیوەندییە دیپلۆماسییەکانی ئێران و سعودییە بە تەواوی پچڕێنران و شاندە دیپلۆماسییەکانیان گەڕانەوە وڵاتی خۆیان.}

^7/1/2016

بارزانی: ناكۆكییەكانی هەرێم مەترسیدار نین و قابیلی چارەسەرن

^{ماڵپەڕی سەرۆکایەتی هەریمی کوردساتن بڵاویکردەوە کە مەسعود بارزانی سەرۆكی هەرێمی كوردستان وەك نەریتێكی ساڵانە بە مەبەستی گەیاندنی بیروبۆچوون و سیاسەتی گشتیی هەرێم بە نوێنەری وڵاتان لەسەر پرسە ناوخۆیی و هەرێمایەتی و نێودەوڵەتییەکان، لەگەڵ سەرجەم كۆنسوڵ و سەرۆكی نوێنەرایەتیی وڵاتان لە هەولێر كۆبۆوە.}
^{بەپێی هەواڵەکە، لەم كۆبوونەوەیەدا بارزانی گوتەیەكی بۆ ئامادەبووان پێشكەش كرد و تێیدا وێڕای بەخێرهێنانیان پیرۆزبایی ساڵی تازەی زاینی لە نوێنەری وڵاتان كرد و هیوای سەركەوتنی بۆ خواستن.}
^{بارزانی لە گوتەكەیدا بە تێروتەسەلی باسی هۆكارەكانی سەرهەڵدانی داعشی لە عێراق كرد و مەترسییەكانی ئەو ڕێكخراوە تیرۆریستییەی بۆ سەر ئاسایشی جیهانی و كۆی مرۆڤایەتی بۆ ئامادەبووان شیكردەوە و باسی لە قۆناخەكانی شەڕی پێشمەرگە و داعش كرد كە تێیدا پێشمەرگە بە قوربانیدانێكی زۆر سەرەتا هەوڵی دا خەڵك و پێكهاتەكان ڕزگار بكات و بیانپارێزێ و دواتر ڕێگە لە پێشڕەوی تیرۆریستان بگرێت و دواجاریش بكەوێتە قۆناغی هێرشبردن و شكستدانی تیرۆریستان.}
^{لەدرێژەی قسەكانیدا بارزانی پێزانینی هەبوو بۆ قوربانیدان و گیانفیدایی پێشمەرگە و خۆڕاگریی گەلی كوردستان و سوپاسی هاوكاری و پشتیوانیی وڵاتانی دۆست و هاوپەیمانیشی كرد كە بوونە هۆی ئەوەی سەركەوتنەكانی پێشمەرگە خێراتر ببن و ئاستی هەماهەنگی نێوان هێزی پێشمەرگە و هێزی هاوپەیمانان بە زۆر سەركەوتوو وەسف كرد.}
^{پەیوەست بە قۆناغی دوای داعش و ئازادكردنی موسڵ هێمای بەوەدا كە زۆر گرنگە بتوانرێ لە قۆناغی دوای داعش بارودۆخ و ئیجرائاتێكی وا بگیرێتەبەر كە كارەساتەكان دووبارە نەبنەوە و خەڵكی ناوچەكە لە ئاییندەی خۆیان دڵنیا بن.}
^{لەبارەی ئاییندەی ناوچە ئازادكراوەكانیش بارزانی جەختی لەوە كردەوە كە ئێمە هیچ سیغەیەك ناسەپێنین و پێمانوایە كە دەبێ ڕێگە بە خەڵكی ناوچەكان بدرێت لەڕێگەی ڕاپرسی بڕیار لەسەر داهاتوویان بدرێت و ڕێز لەم بڕیارە بگیرێت.}
^{لەبارەی ڕووبەڕووبوونەوەی داعشیش بارزانی ئەوەی دووپات كردەوە كە داعش هەڕەشەیەكە بۆ هەموو جیهان و پێویستە وڵاتان ناكۆكییەكانیان تێكەڵ بە شەڕی تیرۆر نەكەن و تەنیا تەركیز لەسەر لەناوبردنی داعش بكەن.}
^{باسكردنی پەیوەندیی نێوان هەرێم و بەغدا تەوەرێكی تری قسەكانی بارزانی بوو و تێیدا ئەوەی خستەڕوو كە هەرێمی كوردستان یارمەتیی حكوومەتی تازەی عێراقی داوە و لە دیالۆگ و گقتوگۆ بەردەوام دەبێت. بە پێویستیشی زانی كە شەراكەتێكی ڕاستەقینە بێتە ئارا یان ڕێككەوتن لەسەر سیغەیەكی تازە بكرێت بە شێوازی ئاشتیانە و بە دیالۆگ بۆ ئەوەی بتوانین بە ئاشتیانە و برایانە لەتەك یەكتردا بژیین و چیتر كارەسات و نەهامەتی دووبارە نەبنەوە.}
^{لە بەشێكی تری قسەكانیدا بارزانی پێداگیری لەسەر ڕاپرسی كرد بۆ ئەوەی هەموو جیهان بزانێ كە گەلی كوردستان چی دەوێت و چۆن بڕیار لە چارەنووسی خۆی دەدات و جێبەجێكردنی ئیرادەی خەڵكی كوردستانیش لە كاتی گونجاو و بە شێوەیەكی ئاشتیانە و دوور لە توندوتیژی دەبێت.}
^{سەرۆكی هەرێمی کوردستان باسی لە بارودۆخی ئابووریی هەرێمیش كرد و ئاماژەی بەوەدا كە بڕینی بودجە و دابەزینی نرخی نەوت و شەڕی داعش و میوانداریی 1.8 ملیۆن ئاوارە هۆكاری دروستبوونی قەیرانی ئابوورین و داواشی لە وڵاتان كرد كە زیاتر هاوكاری پێشمەرگە بن و لە یارمەتیدانی ئاوارەكاندا هاوكاری هەرێمی كوردستان بكەن چونكە بارێكی زۆر قورسە و لە ئاستی تواناكانی حكوومەتی هەرێم چووەتەدەر.}
^{لەبارەی بارودۆخی ناوخۆی هەرێمیش بارزانی هێمای بەوەدا كە لەپێناو یەكڕیزی و تێپەڕاندنی تەحەدیات حكوومەت و پەرلەمان لەسەر بنەمای تەوافوق پێكهات بەڵام دوای پێشێلبوونی تەوافوق ئەوە پێویست دەكات حكوومەت و پارلەمان لەسەر بنەمایەكی تازە بەردەوام بن لەسەر كارەكانیان.}
^{بارزانی باسی لەوەش كرد كە ناكۆكییەكانی ناوخۆی ناكۆكی مەترسیدار و قووڵ و تاییفی نین بەڵكو ناكۆكیی سیاسین و قابیلی چارەسەرن، لەگەڵ حزبەكاندا هەوڵ دەدەن لەسەر كۆی گرفتەكان بگەنە ئەنجامێك.}
^{بارزانی لە بەشێكی تری قسەكانیدا باسی لە سیاسەتی گشتی هەرێمی كوردستان كرد بەرانبەر ململانێ ناوچەیی و تاییفییەكان و ڕایگەیاند كە ململانێی تاییفی بابەتێكی مەترسیدارە و گەلی كوردستانیش نە كێشەی تاییفی هەیە و هەرگیز نابێتە بەشێك لە ململانێی تاییفی لە ناوچەكەدا.}
^{بارزانی جەختی لەوە كردەوە كە لەپێناو بردنەوەی ئاشتیدا پێویستە كۆتایی بە تۆڵە و ململانێی تاییفی بهێندرێت. ئەگەر وڵاتان بەردەوام بن لەم ململانێكان داعشیش تەواو بێت ئەوە دیاردەی مەترسیدارتر لە داعش سەر هەڵدەدات.}
^{هەر لەم كۆبوونەوەیەدا نوێنەر و كونسوڵی وڵاتان لە هەولێر سوپاسی سەرۆك بارزانییان كرد بۆ ڕەخساندنی ئەو دیدارە و هیوای سەركەوتنیان بۆ گەلی كوردستان خواست و ستاییشی پێشمەرگە و سەركردایەتی هێزی پێشمەرگە كرد لە ڕووبەڕووبوونەوەی داعش و هەروەها پێزانینیان هەبوو بۆ خۆڕاگری گەلی كوردستان و فەرهەنگی پێكەوەژیان و لێبوردەی گەلی كوردستان. هەروەها لەبارەی شەڕی تیرۆر و بارودۆخی ئابووریی هەرێم و پەیوەندییەكانی نێوان هەرێم و بەغدا كۆمەڵێك پرسیاریان ئاراستەی سەرۆك بارزانی كرد و سەرۆك بارزانیش وەڵامی تێبینی و پرسیاری ئامادەبووانی كۆبوونەوەی دایەوە}

^7/1/2016

پەروێزخان.. لە ساڵێكدا زیاتر لە 6 هەزار تەن خۆراكی خراپ گەڕێنراونەتەوە بۆ ئێران

^{بەپێی ئامارێكی بەڕێوەبەرایەتیی كۆمەڵگەی دەروازەی نێودەوڵەتیی پەروێزخان لە ساڵی 2015دا زیاتر لە 6 هەزار تەن خۆراكی خراپ ‌و ماوە بەسەرچوو گەڕێنراونەتەوە بۆ ئێران ‌و داهاتی مەرزەكەش لەو ساڵەدا زیاتر لە 61 ملیار دینار بووە.}

^{بەپێی ئەو ئامارە كە وێنەیەكی بۆ ئاژانسی هەواڵی (باسنیوز) نێردراوە "لە بنكەی كوالێتی كۆنترۆڵی مەرزی پەروێزخان لە ساڵی 2015دا پشكنین بۆ 2 ملیۆن ‌و 479 هەزارو 225 تەن شتومەكی هاوردەكراو كراوە و بەهۆی دەرنەچوونیان لە پشكنین 3 هەزار و 725 تەن رەوانەی ئێران كراونەتەوە، هەروەها لە بنكەی كشتوكاڵی مەرزەكەدا پشكنین بۆ 639 هەزار و 905 تەن سەوزە و میوە كراوە و 15 هەزار و 165 تەنیان بەهۆی خراپی ‌و دەرنەچوون لە پشكنین گەڕێنراونەتەوە بۆ وڵاتی ئێران".}

^{بەپێی ئامارەكە "لەو ساڵەدا پشكنین بۆ 113 هەزار و 368 تەن پەینی كیمیایی هاوردەكراو كراوە و 618 تەنی بەهۆی دەرنەچوون لە پشكنین رەوانەی ئێران كراوەتەوە".}

^{لە ئامارەكەدا ئاماژە بەوەش دراوە "لەیەكەی پشكنینی خۆراكیشدا پشكنین بۆ 500 هەزار و 132 تەن خۆراك كراوە و 2 هەزارو 171 تەنی بەهۆی دەرنەچوون لە پشكنین رەوانەی ئێران كراوەتەوە، یان سووتێنراوە، هاوكات 4 هەزار و 590 تەن كەرەستەی ڤێتێرنەری هێنراوەتە مەرزەكە و 32 تەنی بەهۆی خراپییەوە رەوانەی ئێران كراوەتەوە".}

^{ئامارەكە دەریدەخات "لەو ساڵەدا رێژەی هاتوچۆی گەشتیاران بۆ هەرێمی كوردستان بریتی بووە لە 146 هەزار و 746 كەس ‌و بە پێچەوانەشەوە 152 هەزار و 415 كەس لەڕێگەی مەرزەكەوە چوونەتە وڵاتی ئێران ‌و كۆی داهاتی مەرزەكەش لەو ساڵەدا 61 ملیار و 661 ملیۆن دینار بووە".}

^6/1/2016

جێگری سكرتێری حیزبی دێمۆکرات نھێنیه‌ك له‌باره‌ی كۆبونه‌وه‌یان له‌گه‌ڵ به‌رپرسانی باڵای ئیران باس ده‌كات

^{جێگری سکرتێری گشتیی حزبی دیموکراتی کوردستان له‌باری دۆخی حیزبه‌كه‌یا ئاینده‌ی پارته‌ كوردییه‌كانی ڕۆهه‌ڵاتی ناوه‌ڕاست چاوثێكه‌وتنێكی له‌گه‌ڵ ئاژانسی ئه‌نادۆڵی توركی ئه‌نجامداوه‌ و ده‌ڵێت " هه‌رده‌بێت یه‌كبگرین له‌گه‌ڵ باڵه‌كه‌ی تری حیزبی دیموكرات".}

^{ئاوێنه‌: مستەفا مەولودی جێگری سکرتێری گشتیی حزبی دیموکراتی کوردستان ئه‌وه‌ی له‌باره‌ی یه‌كگرتنی هه‌ردو باڵه‌كه‌ی دیموكراته‌وه‌ ئه‌وه‌ی وتووه‌ " لەم پەیوەندییەدا ئێمە دانیشتنمان هەبووە و هەنگاوی بەرەوپێشچوونمان هەبووە، لەسەر هەندێک لە داخوازییەکانی ئەوان کێشەمان نیە و خەڵکیش لە رۆژهەڵات چاوەڕێی ئەوە دەکەن کە یەک حزبی دیموکرات بونی هەبێت و ئێمەش بەداخەوە لەم نزیکانە دانیشتنمان نابێت بەڵام لە کۆتاییدا هەر دەبێ یەکبگرینەوە".}

^{هاوكات مه‌ولودی سه‌باره‌ت به‌دانوستانه‌كانی نێوان حیزبه‌كه‌ی و ئێران ئه‌وه‌ی ئاشكراكردووه‌ ئێران له‌دانیشتن تێناگات و ده‌ڵێت " ئەگەر سەیری مێژوو بکەین باشترین چارەسەر ئەوە بووە کە هێزەکان لەسەر مێزی گفتوگۆ دابنیشن. بۆیە هەرگیز ئەم چارەسەرە لە دەرەوەی بیرکردنەوەی ئێمە نەبووە و هەر لەم پەیوەندییەشدا دکتۆر قاسملوو لەسەر مێزی دانوستان لەگەڵ ئێران، گیانی خۆی بەخت کرد و شەهیدبوو. بۆیە ئێمە هەمیشە باوەڕمان بە دیالۆگ و گفتوگۆیە بەڵام کاربەدەستانی ئێران ئەم پەیامە وەرناگرن، ئێمە پێش دوو ساڵ لەگەڵ نوێنەرانی ئەنجوومەنی بەرزی تەناهی نەتەوەیی دانیشتنمان هەبووە و ئەوان هاتوون و ئێمەش قسەی خۆمان کردووە و چاوەڕێی ئەوان بووین و لەدوای ئەوەش ماوەی دوو ساڵە هیچ دیدار و کۆبوونەوەیەکمان لەگەڵ لایەنی ئێرانی نەبووە".}

ئاوێنە

^6/1/2016

كرماشان.. کرێکارێک لە ئاگردا دەسووتێ

^{بەهۆی ئاگرگرتنی کابینەیەکی شوێنی بەخێوکردنی ئاژەڵان لە دەوروبەری کرماشان، کرێکارێک گیانی لەدەست دا.}

^{بەپێی راپۆرتی ئاژانسی کوردپا، شەوی چوارشەممە 6 ـ 1 ـ 2016 لە قەراخ شاری کرماشان لە شوێنێ بەخیوکردنی ئاژەڵان بەناوی زاگرۆس ئاگر کەوتووەتوە و کرێکارێک بەناوی "ئەکبەر عەبرنا" تووشی سووتان بووە و بەهۆی زۆریی سووتانەکەیەوە گیانی لەدەست داوە.}

^{بەرێوەبەری ئەو باخچەی ئاژەڵانە بە ئاژانسی ئیرنای راگەیەندووە هەتا ئێستا هۆکاری ئاگرکەوتنەوەکە دیار نییە و لێکۆڵینەوە لەم بارەوە بەردەوامە.}

^{پەناگە و باخچەی ئاژەڵانی بێ خاوەن لە بەهاری ساڵی 2015 لە سەرەتای جادەی "سەروا نیلووفەڕ"ی کرماشان بەمەبەستی کۆکردنەوە و بەخیوکردنی سەگە وێڵەکان کراوەتەوە.}

^{هاوینی ساڵی رابردووش لە شاری "ئێشتهارد"ی پاریزگای ئەلبورز لە سوێنی بەخیوکردنی ئاژەڵان ئاگرێکی هاوشێوە کەوتەوە ژنێکی تەمەن 60 ساڵان کە بەخێوکەری ئاژەلان بووە لەگەڵ 200 پشیلە بەتەواوەتی سووتان.}

چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

په‌یوه‌ندی راسته‌وخۆ

گه‌ڕان

سووریا.. حەوت ئەندامی دیكەی سوپای پاسداران كوژران

کۆریای باکوور هۆشداریی دەداتە وڵاتە ناوەکییەکان

بەهۆی بەفربارین لە پارێزگای ورمێ 40 رووداو روویانداوە

بەلجیکا شوێنی دروستکردنی بۆمبەکانی پاریس ئاشکرا دەکات

کۆریای باکوور هۆشداریی دەداتە وڵاتە ناوەکییەکان

چه‌كدارێكی داعش دایكی خۆیی سه‌ربڕی

توركیا داوایه‌ك ئاراسته‌ی ئێران ده‌كات

نرخی دینار له‌به‌رانبه‌ر دۆلاردا دابه‌زینێكی گه‌وره‌ی تۆماركرد

ئەمەریکا و تورکیا لەگەڵ بارزانی کۆدەبنەوە

فرۆکەجەنگیەکانی سعودیە باڵیۆزخانەی ئێران لە یەمەن بۆردومان دەکات

جەعفەری: ئامادەین نێوەندگیریی ئێران و سعودیە بکەین

بارزانی: ناكۆكییەكانی هەرێم مەترسیدار نین و قابیلی چارەسەرن

پەروێزخان.. لە ساڵێكدا زیاتر لە 6 هەزار تەن خۆراكی خراپ گەڕێنراونەتەوە بۆ ئێران

جێگری سكرتێری حیزبی دێمۆکرات نھێنیه‌ك له‌باره‌ی كۆبونه‌وه‌یان له‌گه‌ڵ به‌رپرسانی باڵای ئیران باس ده‌كات

كرماشان.. کرێکارێک لە ئاگردا دەسووتێ

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM