<sup>نرخی دراوەکان بۆ ئەمڕۆ پێنجشەممە 2016/8/25 بەمشێوەیەیە:

100 دۆلاری ئەمریکی = 128.750 دینار

100 یۆرۆ = 145.500 دینار

100 پاوەند = 170.000 دینار

100 ھەزار تومەن = 36.750 دینار

100 لیرەی تورکی = 44.000 دینار</sup>

^25/8/2016

<sup>بەرەبەیانی دوێنێ سێشەممە 2016 -8 -23 مێرمنداڵێک کورد کە بە تاوانی کوشتنی گەنجێک سزای سێدارە بۆ بڕابووەوە، لەلایەن بنەماڵەی کوژراوەکەوە بەخشرا و لە مەرگ ڕزگاری بوو.

بەپێی ڕاپۆرتی کۆمیتەی نێودەوڵەتی دەژ بە سێدارە، ساڵی 2014 لە ئەنجامی شەڕی دوو گەنج لە شاری سنە، مێرمنداڵیک بەناوی ڕەشاد ڕەشیدی گەنجێکی تەمەن 23 ساڵ بەناوی دلێر ئەحمەدی دەکوژێت.

دواتر لەلایەن داداگی کۆماری ئیسلامییەوە ڕەشاد ڕەشیدی بە تۆمەتی کوشتن سزای سێدارەی بۆ دەبڕێتەوە و ماوی چوار ساڵ لە زیندان بووە، لە ماوەی چەند هەفتەی ڕبرادوودا چالاکوانانی مافی مرۆڤ، مەدەنی و چەند نووسەرێکی کورد بۆ بەدەستهێنانی ڕەزایەمتی بنەماڵەی کوژراوەکە و ڕزگارکردنی گیانی ڕەشاد لە مەرگ هەوڵەکانیان خستە گەڕ و چەندین جار سەردانی بنەماڵە و دایک و باوکی دلێر ئەحمەدیان کردووە.

هەمان سەرچاوە ئاماژەی بەوە داوە، دوێنێ سێشەممە لە کتێکدا پەتی سێدارە کرابووە ملی ڕەشاد ڕەشیدی لەلایەن دایکی کوژراوەکەوە بەخشراوە و پەتی سێدارە لە ملی دەرهێنراوە و ئەم هەڵوێستە لەلایەن خەڵکەوە زۆر پێشوازیی لێکراوە و بەرز نرخێنراوە.

بۆ سپاس و پێزانینی هەوڵ و هەڵویستی بنەماڵەی کوژراوەکە بڕیارە سبەینێ پێنجشەممە جەماوەر و چالاکوانی سنە و بنەماڵە و کەسوکاری هەر دوولا لەسەر گڵکۆی دلێر ئەحمەدی کۆ ببنەوە و ئەم کارە مرۆڤدۆستانەیە بەرز بنرخێنن.

بەپێی سەرچاوە و بەڵگەکان ڕەشاد ڕەشیدی لە کاتی ئەنجامدانی ئەو تاوانەدا مێرمنداڵ بووە و تەمەنی کەمتر لە 18 ساڵ بووە و بەپێی یاسا و پێوەرە نێودەوڵەتییەکان، مێرمنداڵان نابێ سزای زۆری زیندان و بەتایبەت سێدارە بیانگرێتەوە.

هەرچەند کۆماری ئیسلامی ڕێککەوتنەکانی داکۆکیکار لە مافی منداڵانی واژۆ کردووە، بەڵام دیسان یاساکان پێشێل دەکات و ساڵانە چەندین مێرمنداڵ لە ئێران لەسێدارە دەدرێن.

ئێستا چوار مێرمنداڵی کورد سزای سێدارەیان بۆ بڕاوەتەوە و لە زیندانی سنە چاوەڕێی بەڕێوەچوونی سزای سێدارەن.</sup>

^24/8/2016

^{تۆپخانە و فڕۆکە جەنگییەکانی تورکیا، لەچوارچێوەی هاوپەیمانیی نێودەوڵەتی دژی داعش بە سەرۆکایەتی ئەمریکا، بنكە و بارەگاكانی داعشیان لە شاری جەرابلوسی رۆژئاوای كوردستان بۆردوومانكرد. پاشان هێزە زەمینییەكانی توركیا بە هاوكاری ئەمریكا بە قوڵایی 28 كیلۆمەتر دەستیان بە ئۆپەراسیۆن كرد.}

^{میدیاکانی تورکیا بڵاویانکردووەتەوە "كاژێر 04:00 ی بەرەبەیانی ئەمڕۆ چوارشەممە 24-8-2016، فڕۆکە جەنگییەکانی تورکیا لەچوارچێوەی هاوپەیمانیی نێودەوڵەتی دژ بە داعش، جەرابلوسیان لە ناوچە سنوورییەکانی سووریا بۆردوومانکردووە".}

^{سەرچاوەیەک لە سوپای تورکیا ئاشکرایکردووە "لە شەوی رابردووەوە تائێستا 64 بنکە و بارەگای چەکدارانی داعش لە باکووری سووریا كراونەتە ئامانج و 224 جار تۆپبارانكراون".}

^{دوای بۆردوومانكردن، لیوای 8 ی تانك و زرێپۆشه‌كانی سوپای توركیا دزه‌یان كرده‌ شاری جه‌رابلوس و ئۆپه‌راسیۆنه‌كە له‌ قوڵایی 28 كیلۆمەتر لەنێو خاكی رۆژئاوای كوردستان بەردەوامە. هەروەها شۆڤڵ و ئامێره‌كانی كاركردن ده‌روازه‌یه‌كیان كردووه‌ته‌وه‌ بۆ تێپه‌ڕێنی تانك و چه‌كه‌ قورسه‌كان.}

^{ئۆپەراسیۆنی دەركردنی داعش لە جەرابلوس لەلایەن توركیا لەکاتێکدایە، رۆژی دووشەممە 22-8-2016 بەرپرسانی تورکیا رایانگەیاند، رێگەنادەن داعش لە سەر سنووری وڵاتەکەیان بمێنێتەوە و بوونی داعشیان لە جەرابلوس بە هەڕەشە بۆ سەر ئاسایشی نیشتمانیی تورکیا ناوبرد، چونكە چەندجارێك شاری دیلۆك (عەنتاب)ی باكووری كوردستان لە جەرابلوسەوە لەلایەن داعش تۆپباران كراوە.}

^{ئەو بەشەی بە رەنگی زەرد رەنگ كراوە رۆژئاوای كوردستانە و لەژێر دەستی یەپەگەیە، رەنگی رەش داعشە و ئەوبەری سنووریش توركیایە}

^{رۆژی دووشەممە 22-8-2016، ئەنجوومەنی سەربازی شاری جەرابلوس لە رۆژئاوای کوردستان بەسەرپەرشتی یەكینەكانی پاراستنی گەلە (یەپەگە) راگەیێندرا، بەڵام تەنیا 4 كاژێر دوای راگەیاندنی ئەنجوومەنەكە، سەرۆكی ئەنجوومەنەكە لە كردەوەیەكی چەكداری گوماناویدا كوژرا.}

^{عەبدولستار جادر، فەرماندەی گشتیی ئەنجوومەنی سەربازیی جەرابلوس لەكاتی خوێندنەوەی راگەیێندراوەكە}

^{ئەنجوومەنی سەربازی جەرابلوس رایگەیاند "تورکیا ژمارەیەک چەکدار و هێزی تایبەتی خۆی رەوانەی شاری جەرابلوس کردووە و لەبەرامبەر دەستدرێژییەکانیشی بێدەنگ نابین، چونكە تورکیا دەیەوێت لەڕێگەی چەند گرووپێکی دروستکراوی خۆی شاری جەرابلوس کۆنترۆڵ بکات".}

^{ئەنجوومەنەكە داوای لە هاوپەیمانیی نێودەوڵەتی كرد "پابەندی بەڵێنەکانی بێت و ناوچەکەمان لە دەستتێوەردانی تورکیا بپارێزێت".}

^{توركیا سێ مەبەستی لە دەركردنی داعش و كۆنترۆڵكردنی شاری جەرابلوس هەیە، یەكەم: پاككردنەوەی سنووری توركیا لە چەكدارانی داعش. دووەم: دروستكردنی نەوایەكی ئارام بۆ ئاوارەكان، بەتایبەت ئەو ئاوارانەی لە حەلەبەوە روو لە توركیا دەكەن. سێیەم: راگرتنی پێشڕەوییەكانی یەپەگە.}

^{جەرابلوس، شارێكی رۆژئاوای كوردستانە و دەكەوێـتە كەناری رۆژئاوای رووباری فورات، لەگەڵ شاری دیلۆك(عەنتاب)ی باكووری كوردستان هاوسنوورە، هەروەها دوا ناوچەی گرنگی ژێر دەستی چەكدارانی داعشە لەسەر سنووری توركیا.}

^{جەرابلوس سەر بە پارێزگای حەلەبە و دەروازەی سنووری هەیە لەگەڵ توركیا ‌و، كۆبانی ‌و عەفرین لە رۆژئاوای كوردستان بەیەكەوە دەبەستێتەوە. دانیشتووانەكەی بریتییە لە كورد، عەرەب ‌و توركمان، بەپێی سەرژمێری ساڵی 2004 ژمارەی دانیشتووانی 58 هەزار و 889 كەس بووە.}

^24/8/2016

^{سەرۆکی هەرێمی کوردستان بە سەردانێکی فەرمی لە تورکیایە و میدیاکانی ئەو وڵاتەش بەگرنگییەوە باسی سەردانەکە دەکەن، بڕیاریشە ئەمڕۆ چوارشەممە 24-8-2016 سەردانی پەرلەمانی تورکیا بکات و لەگەڵ سەرۆکی پەرلەمان کۆببێتەوە.}

^{راوین ستێرک، پەیامنێری رووداو لە ئیستەنبوڵ رایگەیاند، سەردانەکەی مەسعود بارزانی، سەرۆکی هەرێمی کوردستان، بووەتە مژاری سەرەکی میدیاکانی تورکیا و بەگرنگییەوە باسی سەردانەکەی دەکەن بۆ ئەنقەرە.}

^{پەیامنێری رووداو ئاماژەی بەوەش کرد، سەردانەکەی سەرۆکی هەرێمی کوردستان بۆ ئەنقەرە و کۆبوونەوەی لەگەڵ رەجەب تەیب ئەردۆغان، سەرۆککۆماری تورکیا و بیناڵی یڵدرم، سەرۆکوەزیرانی ئەو وڵاتە، بووەتە جێی بایەخی میدیاکانی تورکیا و بەگرنگییەوە باس دەکرێت.}

^{لەبارەی سەردانەکەی سەرۆکی هەرێمی کوردستان، راوین ستێرک گوتی "میدیاکانی تورکیا ئەوەیان بڵاوکردووەتەوە، کە سەردانەکەی مەسعود بارزانی دوو تەوەری سەرەکی لەخۆدەگرێت، کە بریتین لە دەربڕینی پشتیوانیی هەرێمی کوردستان بۆ حکومەتی تورکیا دوای هەوڵی کودەتا سەربازییەکە، مژارێکی دیکەش پەیوەستە بە ئۆپەراسیۆنی کۆنتڕۆڵکردنەوەی موسڵ".}

^{پەیامنێری رووداو گوتیشی"بڕیارە ئەمڕۆ چوارشەممە سەرۆکی هەرێمی کوردستان سەردانی پەرلەمانی تورکیا بکات و لەگەڵ ئیسماعیل قەهرەمان، سەرۆکی پەرلەمان کۆببێتەوە".}

^{رۆژی سێشەممە 23ی ئابی 2016، مەسعود بارزانی، سەرۆکی هەرێمی کوردستان بەیاوەری، د. فوئاد حوسێن، سەرۆکی دیوانی سەرۆکایەتی هەرێمی کوردستان و سەفین دزەیی، گوتەبێژی حکومەتی هەرێمی کوردستان گەیشتە ئەنقەرە و لەگەڵ رەجەب تەییب ئەردۆغان، سەرۆککۆماری تورکیا و بیناڵی یڵدرم، سەرۆکوەزیرانی ئەو وڵاتە کۆبووەوە.}

^24/8/2016

^{بڕیارە هەڵبژاردنێک بە هەڵبژاردنەکانی ئێران زیاد بکرێت، بەپێی پڕۆژەیاسایەکی حکومەتی ئێران، لەمەوبەدوا سەرۆکی شارەوانی 50 شاری گەورەی ئێران و رۆژهەڵاتی کوردستان راستەوخۆ لەلایەن خەڵکەوە هەڵبژێردرێن.}

<sup>ئەو پڕۆژەیاسایە رادەستی پەرلەمان کراوە و لە کۆمیسیۆنی ئەنجوومەنەکانی پەرلەمان تاوتوێ دەکرێت. بڕیاریشە دواتر لە کۆبوونەوەی گشتیدا دەنگی لەبارەوە بدرێت.

پڕۆژەیاساکە لەلایەن وەزارەتی ناوخۆ ئامادەکراوە، بەو پێیە سەرۆکی شارەوانی 50 شار کە رێژەی دانیشتووانیان لە 200 هەزار کەس زیاترە و هەروەها ناوەندی پارێزگاکان بە دەنگی راستەوخۆی خەڵک هەڵدەبژێردرێن. شارەکانی دیکەش بەپێی یاسای رابردوو، سەرۆکی شارەوانی لەلایەن ئەنجوومەنی شارەوە هەڵدەبژێردرێت.</sup>

^{هوشەنگ خەندە دڵ بەڕێوەبەری گەشەپێدانی شار و گوندەکانی ئێران رایگەیاند، ئەگەر پڕۆژەیاساکە پەسەند بکرێت لە ساڵی داهاتووەوە جێبەجێ دەکرێت.}

^{دەشڵێت "کابینەی حەسەن رۆحانی ئەولەویەت بە هەڵبژاردنی سەرۆک شارەوانییەکان لەلایەن خەڵکەوە دەدات، ئەو پڕۆژەیە حەوت شاری کرماشان، ورمێ، سنە، خوڕەمئاوا، بروجێرد، خۆی و ئیلام لە رۆژهەڵاتی کوردستان دەگرێتەوە".}

^24/8/2016

^{"سوێد وڵاتی ژن، پاشان منداڵ، دواتر سەگ، ئینجا پیاوە". ئەوە قسەی زۆربەی پیاوانی كوردە لەو وڵاتە. زۆر لە پیاوانی كورد پێیانوایە ئەو ریزبەندیە، هانی ژنانی كوردی داوە بۆ ئەوەی لە پیاوەكانیان جیاببنەوە و پیاویش هیچ مافێكی نەبێت.}

^{ئەو بۆچوونەی پیاوانی كورد لە سوێد لەوەوە سەرچاوەی گرتووە كە لە زۆربەی كێشەكانی ژن و مێرددا، دەوڵەت ماف بە ژن دەدات و سزای پیاوەكە دەدات.}

^{حەمەنووری سەرچناری، كوردێكی دانیشتووی سوێدە، هەشت ساڵە لە ژنەكەی جیابووەتەوە و دەڵێت "بەڕاستی سوێد وڵاتی ژنانە، هیچ قیمەتێكی بۆ پیاو نەهێشتووەتەوە. لەبەر منداڵەكانم نەبووایە دەمێك بوو ئەو وڵاتەم جێهێشتبوو".}

^{سووڕانەوەی پیاوان بەتەنیا لە بازاڕەكانی شیستا و تێنستا و سەنتەری شاری ستۆكهۆڵم بە بێكاری، هەروەها كاركردنی ژنە تەڵاقدراوەكانیان، دیاردەیەكی دیاری نێو كوردانی سوێدە. پیاوان بێزارن لە ژیان و تاقەتی كاریشیان نییە، ژنەكانیشیان بەوپەڕی خۆشحاڵییەوە رۆژانە زیاتر لە 9 كاژێر كاری قورس دەكەن.}

^{حەمەنووری سەرچناری رەتیكردەوە لەگەڵ ژنەكەی هیچ كێشەیەكی هەبووبێ‌ و پێیوایە سوێد هاندەری ئەوە بووە ژنەكەی وازی لێ بهێنێت. ئەو گوتی "جیا لە هەموو وڵاتانی ئەوروپا، سیستمی سوێدی هاندەرە بۆ وازهێنانی ژنان لە پیاوەكانیان، دەیان هاوڕێم لە ئەڵمانیا و هۆڵەندا و دانیماركن، هیچ كێشەیەكیان لەگەڵ ژنەكانیان نییە".}

^{زیاد محەممەد، توێژەر و مامۆستای زانكۆ لە سوێد دەڵێت، دوو لەسەر سێی ئەو خێزانە كوردانەی روو لە سوێد دەكەن، گیرۆدەی ئەم جۆرە كێشانە دەبن و جیابوونەوەی بەدوادا دێت.}

^{ئەو پێیوایە رەخساندنی ئازادیی ئابووری و هەلی كار، ژنانی كوردی وا لێكردووە بیر لە سەربەخۆیی بكەنەوە "ئەو سەربەخۆییە بە جیابوونەوە و بەتەنیا مانەوەیان كۆتایی دێت".
هەرچەندە زیاد محەممەد ئەو حاڵەتە بە مەترسی لەسەر رەوەندی كوردی نازانێت، بەڵام دەڵێت "حاڵەتەكە بەلای پیاوانی كوردەوە ئاسایی نییە، پیاوانیش وەك پێویست لەم راستییە تێنەگەیشتوون و هەزمیان نەكردووە. ئەو كێشانە زۆرجار لە ئەنجامی بێزاریی ژنان و گرفتی دەروونی دروست دەبن".}

^{"ژنان تەنیاییان پێ‌ باشترە"}

^{رێكخراوێكی كوردی لە سوێد كە زیاتر كار لەسەر پرسە كۆمەڵایەتییەكان دەكات و كۆمۆن پشتگیریی دارایی دەكات، خەریكی ئامادەكردنی لێكۆڵینەوەیەكە لەبارەی رەوشی ژنانی كورد لەو وڵاتە. ئەگەرچی هێشتا لە نیوەی كارەكانیاندان، بەڵام بەپێی لێدوانی كارمەندێكی ئەو رێكخراوە گەیشتوونەتە زۆر راستیی ورد.}

^{خەندە شاسوار كارمەندێكی رێكخراوەكە بە (رووداو)ی گوت "ژنانی كورد تەنیاییان پێ باشترە، زۆربەی حاڵەتەكانی جیابوونەوە لەسەر داوای خۆیان بووە".}

^{ئەگەرچی لە فۆرمی كۆكردنەوەی زانیارییەكاندا ئەوان كەمتر چوونەتە نێو زانیارییە كەسییەكان، بەڵام لەكۆی چەند هەزار فۆرمێك دەركەوتووە كە زۆربەی ئەو ژنانەی داوای جیابوونەوەیان كردووە و ئێستا بە تەنیا دەژین، بە پلەی یەك ژنی كوردی رۆژهەڵاتن و بە پلەی دووەمیش ژنانی باشووری كوردستانن پاشان ژنانی باكووری كوردستان".}

^{هەر بەپێی توێژینەوەكە زۆربەی ئەو ژنانەی بڕیاری جیابوونەوە دەدەن، لە ئەنجامی كاری زۆر بووە، هەروەها ژنەكان خاوەن ئابوورییەكی باشن و بەشێكی زۆریان بڕوانامەی باڵایان هەیە.}

^{مانەوەی ژن بەتەنیا لە شارێكی وەكو ستۆكهۆڵم شتێكی باوە و ژنانی پایتەختی ئەو وڵاتەی پێ جیا دەكرێتەوە. بەباوەڕی چالاكڤانێكی كورد، ئەم خەسڵەتەی ژنانی ستۆكهۆڵم كاریگەری لەسەر ئەو ژنە كوردانەش هەبووە كە لەوێ دەژین، چونكە زۆر لەو ژنە كوردانەی بەتەنیا دەژین نیشتەجێی ستۆكهۆڵمن.}

^{سلڤانا بامەڕنی، چالاكڤانی ژنان بە (رووداو) گوت "تێكەڵاوی ژنانی كورد لەگەڵ ستۆكهۆڵمییەكان ئەم كولتوورەی گواستووەتەوە. ژنانی كورد و سوێدییەكانی ستۆكهۆڵم زۆربەیان لە تەمەنی دوای 40 ساڵی، بەتەنیا دەژین".}

^{خەندە شاسوار ئەو زانیاریانەی سلڤانای پشتڕاست كردەوە و گوتی "تا ئێستا لە نیوەی كارەكانمانداین، بەڵێ زۆربەی ئەو ژنە كوردانەی بەتەنیا دەژین لە ستۆكهۆڵمن".}

^{دابڕان لە خەسڵەتی ژنی كورد}

^{ئاگانەبوون لە ماڵ و ژیانێكی پڕ لە سترێس و دوور لە حەوانەوە، ژیانی ئەو ژنانەیە كە بە تەنیان. هەنار حوسێنی كە ژنێكی رۆژهەڵاتی كوردستانە و لە مێردەكەی جیابووەتەوە و ئێستا بە تەنیا دەژیت، دەڵێت "هەفتەی دووجار حاجەت دەشۆم، دوو هەفتە جارێكیش ماڵ پاك دەكەمەوە. زۆر بە كەمیش خواردن ئامادە دەكەم و هەر ساندویچ و پیتزای دەرەوە دەخۆم".}

<sup>هەنار كار دەكات و بەشێكی دیاری كارەكانیشی لە شەودایە، رۆژانی شەممە و یەك شەممەش كاتی پڕ كارییەتی "چونكە زۆر لە سوێدییەكان و تەنانەت بیانییەكانیش شەو و رۆژانی پشوو (شەممە و یەكشەممە) كارناكەن و ئەو كاتەش بۆ من زێڕینە".

هەنار داهاتێكی زۆر باشی هەیە، بەڵام لە چیرۆكی ژیانیدا دەردەكەوێت كە ژیانێكی نائارامی كۆمەڵایەتیی هەیە. توێژەرە كۆمەڵایەتییەكەش دەڵێت "ئەمە راستیی ژیانی زۆر لە ئافرەتە تەنیاكانی كوردی سوێدە. ئەوان دابڕاون لەو خەسڵەتەی ئافرەتی كوردی پێ دەناسرایەوە".

لە واقیعەوە بۆ ئەدەب</sup>

^{چیرۆكی جیابوونەوەی ژن و پیاوی كورد لە سوێد چووەتە نێو رۆمانی نووسەرانیش. ئەوەتا نووسەری كورد د.فەرهاد پیرباڵ لە ساڵی 2003 رۆمانێكی بەنێونیشانی (پیاوێكی شەپقە رەشی پاڵتۆ رەشی پێڵاو شین) چاپ و بڵاوكردووەتەوە.}

^{لە رۆمانەكەدا باسی مامۆستایەكی كوردی نیشتەجێی مالمۆ دەكات كە چۆن و بە چ دەردەسەرییەك ژن و منداڵەكانی گەیاندووەتە سوێد، بەڵام ژنەكەی دوای ئەوەی خۆی دەدۆزێتەوە، داوای جیابوونەوە لە مێردەكەی دەكات، پاشان مێرد بە دۆستە سوێدییەكەی دەكات. مامۆستاش بەدرێژایی ساڵ سەرقاڵی كاركردن دەبێت، بۆ ئەوەی قەرزەكانی خەرجی راكێشانی ژنەكەی بۆ سوێد بداتەوە.}

^{هەروەها عەتا نەهایی لە "گرەوی بەختی هەڵاڵە"دا هەمان چیرۆكی پێكەوە نەگونجان و جیابوونەوەی ژن و پیاوێكی كوردی نیشتەجێی سوید بەرجەستە دەكات كە دواجار بە كارەسات كۆتایی دێت.}

^23/8/2016

^{"سوێد وڵاتی ژن، پاشان منداڵ، دواتر سەگ، ئینجا پیاوە". ئەوە قسەی زۆربەی پیاوانی كوردە لەو وڵاتە. زۆر لە پیاوانی كورد پێیانوایە ئەو ریزبەندیە، هانی ژنانی كوردی داوە بۆ ئەوەی لە پیاوەكانیان جیاببنەوە و پیاویش هیچ مافێكی نەبێت.}

^{ئەو بۆچوونەی پیاوانی كورد لە سوێد لەوەوە سەرچاوەی گرتووە كە لە زۆربەی كێشەكانی ژن و مێرددا، دەوڵەت ماف بە ژن دەدات و سزای پیاوەكە دەدات.}

^{حەمەنووری سەرچناری، كوردێكی دانیشتووی سوێدە، هەشت ساڵە لە ژنەكەی جیابووەتەوە و دەڵێت "بەڕاستی سوێد وڵاتی ژنانە، هیچ قیمەتێكی بۆ پیاو نەهێشتووەتەوە. لەبەر منداڵەكانم نەبووایە دەمێك بوو ئەو وڵاتەم جێهێشتبوو".}

^{سووڕانەوەی پیاوان بەتەنیا لە بازاڕەكانی شیستا و تێنستا و سەنتەری شاری ستۆكهۆڵم بە بێكاری، هەروەها كاركردنی ژنە تەڵاقدراوەكانیان، دیاردەیەكی دیاری نێو كوردانی سوێدە. پیاوان بێزارن لە ژیان و تاقەتی كاریشیان نییە، ژنەكانیشیان بەوپەڕی خۆشحاڵییەوە رۆژانە زیاتر لە 9 كاژێر كاری قورس دەكەن.}

^{حەمەنووری سەرچناری رەتیكردەوە لەگەڵ ژنەكەی هیچ كێشەیەكی هەبووبێ‌ و پێیوایە سوێد هاندەری ئەوە بووە ژنەكەی وازی لێ بهێنێت. ئەو گوتی "جیا لە هەموو وڵاتانی ئەوروپا، سیستمی سوێدی هاندەرە بۆ وازهێنانی ژنان لە پیاوەكانیان، دەیان هاوڕێم لە ئەڵمانیا و هۆڵەندا و دانیماركن، هیچ كێشەیەكیان لەگەڵ ژنەكانیان نییە".}

^{زیاد محەممەد، توێژەر و مامۆستای زانكۆ لە سوێد دەڵێت، دوو لەسەر سێی ئەو خێزانە كوردانەی روو لە سوێد دەكەن، گیرۆدەی ئەم جۆرە كێشانە دەبن و جیابوونەوەی بەدوادا دێت.}

^{ئەو پێیوایە رەخساندنی ئازادیی ئابووری و هەلی كار، ژنانی كوردی وا لێكردووە بیر لە سەربەخۆیی بكەنەوە "ئەو سەربەخۆییە بە جیابوونەوە و بەتەنیا مانەوەیان كۆتایی دێت".
هەرچەندە زیاد محەممەد ئەو حاڵەتە بە مەترسی لەسەر رەوەندی كوردی نازانێت، بەڵام دەڵێت "حاڵەتەكە بەلای پیاوانی كوردەوە ئاسایی نییە، پیاوانیش وەك پێویست لەم راستییە تێنەگەیشتوون و هەزمیان نەكردووە. ئەو كێشانە زۆرجار لە ئەنجامی بێزاریی ژنان و گرفتی دەروونی دروست دەبن".}

^{"ژنان تەنیاییان پێ‌ باشترە"}

^{رێكخراوێكی كوردی لە سوێد كە زیاتر كار لەسەر پرسە كۆمەڵایەتییەكان دەكات و كۆمۆن پشتگیریی دارایی دەكات، خەریكی ئامادەكردنی لێكۆڵینەوەیەكە لەبارەی رەوشی ژنانی كورد لەو وڵاتە. ئەگەرچی هێشتا لە نیوەی كارەكانیاندان، بەڵام بەپێی لێدوانی كارمەندێكی ئەو رێكخراوە گەیشتوونەتە زۆر راستیی ورد.}

^{خەندە شاسوار كارمەندێكی رێكخراوەكە بە (رووداو)ی گوت "ژنانی كورد تەنیاییان پێ باشترە، زۆربەی حاڵەتەكانی جیابوونەوە لەسەر داوای خۆیان بووە".}

^{ئەگەرچی لە فۆرمی كۆكردنەوەی زانیارییەكاندا ئەوان كەمتر چوونەتە نێو زانیارییە كەسییەكان، بەڵام لەكۆی چەند هەزار فۆرمێك دەركەوتووە كە زۆربەی ئەو ژنانەی داوای جیابوونەوەیان كردووە و ئێستا بە تەنیا دەژین، بە پلەی یەك ژنی كوردی رۆژهەڵاتن و بە پلەی دووەمیش ژنانی باشووری كوردستانن پاشان ژنانی باكووری كوردستان".}

^{هەر بەپێی توێژینەوەكە زۆربەی ئەو ژنانەی بڕیاری جیابوونەوە دەدەن، لە ئەنجامی كاری زۆر بووە، هەروەها ژنەكان خاوەن ئابوورییەكی باشن و بەشێكی زۆریان بڕوانامەی باڵایان هەیە.}

^{مانەوەی ژن بەتەنیا لە شارێكی وەكو ستۆكهۆڵم شتێكی باوە و ژنانی پایتەختی ئەو وڵاتەی پێ جیا دەكرێتەوە. بەباوەڕی چالاكڤانێكی كورد، ئەم خەسڵەتەی ژنانی ستۆكهۆڵم كاریگەری لەسەر ئەو ژنە كوردانەش هەبووە كە لەوێ دەژین، چونكە زۆر لەو ژنە كوردانەی بەتەنیا دەژین نیشتەجێی ستۆكهۆڵمن.}

^{سلڤانا بامەڕنی، چالاكڤانی ژنان بە (رووداو) گوت "تێكەڵاوی ژنانی كورد لەگەڵ ستۆكهۆڵمییەكان ئەم كولتوورەی گواستووەتەوە. ژنانی كورد و سوێدییەكانی ستۆكهۆڵم زۆربەیان لە تەمەنی دوای 40 ساڵی، بەتەنیا دەژین".}

^{خەندە شاسوار ئەو زانیاریانەی سلڤانای پشتڕاست كردەوە و گوتی "تا ئێستا لە نیوەی كارەكانمانداین، بەڵێ زۆربەی ئەو ژنە كوردانەی بەتەنیا دەژین لە ستۆكهۆڵمن".}

^{دابڕان لە خەسڵەتی ژنی كورد}

^{ئاگانەبوون لە ماڵ و ژیانێكی پڕ لە سترێس و دوور لە حەوانەوە، ژیانی ئەو ژنانەیە كە بە تەنیان. هەنار حوسێنی كە ژنێكی رۆژهەڵاتی كوردستانە و لە مێردەكەی جیابووەتەوە و ئێستا بە تەنیا دەژیت، دەڵێت "هەفتەی دووجار حاجەت دەشۆم، دوو هەفتە جارێكیش ماڵ پاك دەكەمەوە. زۆر بە كەمیش خواردن ئامادە دەكەم و هەر ساندویچ و پیتزای دەرەوە دەخۆم".}

<sup>هەنار كار دەكات و بەشێكی دیاری كارەكانیشی لە شەودایە، رۆژانی شەممە و یەك شەممەش كاتی پڕ كارییەتی "چونكە زۆر لە سوێدییەكان و تەنانەت بیانییەكانیش شەو و رۆژانی پشوو (شەممە و یەكشەممە) كارناكەن و ئەو كاتەش بۆ من زێڕینە".

هەنار داهاتێكی زۆر باشی هەیە، بەڵام لە چیرۆكی ژیانیدا دەردەكەوێت كە ژیانێكی نائارامی كۆمەڵایەتیی هەیە. توێژەرە كۆمەڵایەتییەكەش دەڵێت "ئەمە راستیی ژیانی زۆر لە ئافرەتە تەنیاكانی كوردی سوێدە. ئەوان دابڕاون لەو خەسڵەتەی ئافرەتی كوردی پێ دەناسرایەوە".

لە واقیعەوە بۆ ئەدەب</sup>

^{چیرۆكی جیابوونەوەی ژن و پیاوی كورد لە سوێد چووەتە نێو رۆمانی نووسەرانیش. ئەوەتا نووسەری كورد د.فەرهاد پیرباڵ لە ساڵی 2003 رۆمانێكی بەنێونیشانی (پیاوێكی شەپقە رەشی پاڵتۆ رەشی پێڵاو شین) چاپ و بڵاوكردووەتەوە.}

^{لە رۆمانەكەدا باسی مامۆستایەكی كوردی نیشتەجێی مالمۆ دەكات كە چۆن و بە چ دەردەسەرییەك ژن و منداڵەكانی گەیاندووەتە سوێد، بەڵام ژنەكەی دوای ئەوەی خۆی دەدۆزێتەوە، داوای جیابوونەوە لە مێردەكەی دەكات، پاشان مێرد بە دۆستە سوێدییەكەی دەكات. مامۆستاش بەدرێژایی ساڵ سەرقاڵی كاركردن دەبێت، بۆ ئەوەی قەرزەكانی خەرجی راكێشانی ژنەكەی بۆ سوێد بداتەوە.}

^{هەروەها عەتا نەهایی لە "گرەوی بەختی هەڵاڵە"دا هەمان چیرۆكی پێكەوە نەگونجان و جیابوونەوەی ژن و پیاوێكی كوردی نیشتەجێی سوید بەرجەستە دەكات كە دواجار بە كارەسات كۆتایی دێت.}

^23/8/2016

^{مەسعود بارزانی، سەرۆکی هەرێمی کوردستان سەردانی ئەنقەرە دەکات و لەگەڵ سەرۆککۆمار و سەرۆکوەزیرانی تورکیا لەبارەی چەند پرسێکی سیاسی کۆدەبێتەوە.}

^{بەپێی زانیارییەکانی تۆڕی میدیایی رووداو، لەسەر بانگهێشتنی ئەردۆغان، ئەمڕۆ سێشەممە 23ی ئابی 2016، مەسعود بارزانی، سەرۆکی هەرێمی کوردستان سەردانی ئەنقەرە دەکات و کاژێر 06:00 ی ئێوارە لەگەڵ رەجەب تەییب ئەردۆغان، سەرۆککۆماری تورکیا و، کاژێر 08:00 ی شەو لەگەڵ بیناڵی یڵدرم ،سەرۆککوەزیرانی ئەو وڵاتە کۆدەبێتەوە.}

^{راوێن ستێرک، پەیامنێری رووداو لە ئیستەنبوڵ، لەبارەی کاردانەوەی سەردانەکەی بارزانی بۆ ئەنقەرە رایگەیاند، سەردانەکەی بارزانی بۆ تورکیا کارادنەوەیەکی باشی لێکەوتووەتەوە و بەگرنگییەوە باسی سەردانەکەی بارزانی دەکەن.}

^{پەیامنێری رووداو گوتیشی" سەردانەکەی سەرۆکی هەرێمی کوردستان لەکاتێکدایە کە دوای ماوەیەکی زۆر لە وەستانی، ئێستا دەستپێشخەری دەکرێت بۆ دووبارە دەستپێکردنەوەی پرۆسەی ئاشتی لە تورکیا".}

^{راوین ستێرک ئاماژەی بەوەش کرد، سەردانەکەی بارزانی بۆ ئەنقەرە هاوکاتە لەگەڵ سەردانیکردنی، جۆ بایدن، جێگری سەرۆکی ئەمریکا بۆ ئەنقەرە. بەپێی زانیارییەکانی رووداو، بڕیارە بارزانی جۆ بایدنیش ببینێت، بەڵام هیچ سەرچاوەیەکی فەرمی پشتڕاستی نەکردووەتەوە.}

^23/8/2016

^{گوتەبێژی وەزارەتی بەرگریی رووسیا رایگەیاند "فڕۆکە جەنگییەکانی رووسیا کە لە بنکەی ئاسمانی هەمەدانی ئێرانەوە بنکە و بارەگاکانی تیرۆرستانیان لە سووریا دەکردە ئامانج، ئەرکەکانی خۆیان بەسەرکەوتوویی کۆتایی پێهێناوە".}

^{ژەنەراڵ ئیگور کۆناشینکۆف، گوتەبێژی وەزارەتی بەرگریی رووسیا گوتیشی "بەکارهێنانەوەی بنکەی ئاسمانی هەمەدان لەلایەن رووسیاوە، پەیوەستە بە رەوشی سووریا و رێککەوتنە ئاڵوگۆڕپێکراوەکانی نێوان تاران و مۆسکۆ بۆ رووبەرووبوونەوەی تیرۆر".}

^{لەبەرامبەردا مارک تۆنەر، گوتەبێژی وەزارەتی دەرەوەی ئەمریکا رایگەیاند، وڵاتەکەی بەچڕی چاودێری هاوکاری و هەماهەنگییەکانی نێوان ئێران و رووسیا دەکات، گوتیشی "تائێستا بەلامانەوە روون نییە کە مۆسکۆ بەیەکجاری وازی لە بەکارهێنانی بنکەی ئاسمانی هەمەدان لە ئێران هێناوە یان نا".}

^{وەزارەتی دەرەوەی ئێرانیش ئەوەی پشتڕاستکردەوە، کە رووسیا ئەرکەکانی لە بنکەی ئاسمانی هەمەدان بۆ لێدانی بنکە و بارەگاکانی تیرۆرستان لە سووریا کۆتایی پێهێناوە.}

^23/8/2016

^{مه‌ولوود چاوشئۆغڵو وه‌زیری ده‌ره‌وه‌ی توركیا رایگەیاند رێكخراوی فه‌تحوڵڵاچی له‌ توركیا و هه‌رێمی كوردستان له‌ په‌یوه‌ندیی نزیكدا بووه‌ له‌گه‌ڵ په‌كه‌كه‌.}

^{چاوشئۆغلۆ گوتی ئێستەش كه‌ هێرش بۆ سه‌ر هه‌ندێك له‌ ئامانجه‌كان ئه‌نجام ده‌درێت، فڕۆكه‌وانه فه‌تحوڵڵاچییه‌كان هه‌ڵوێستی جیاوازیان هه‌یه‌ و لێكۆڵینه‌وه‌ له‌وباره‌وه‌ له‌ئارادایه‌.}

^{چاوشئۆغڵو له‌میانی به‌شداریكردنی له‌ چالاكییه‌كدا له‌ شارۆچكه‌ی كاشی ئه‌نتاڵیا، وه‌ڵامی پرسیاری رۆژنامه‌وانانی دایه‌وه‌ و له‌ وه‌ڵامی پرسیارێكدا له‌باره‌ی بوونی په‌یوه‌ندیی رێكخراوی فه‌تحوڵڵاچی به‌ په‌لاماره‌كه‌ی عه‌نتابه‌وه‌ ئاماژه‌ی به‌وه‌دا كە دوای رووداوه‌كانی 17 و 25ی كانوونی یه‌كه‌م گولەن نه‌یتوانیوه‌ سه‌ركه‌وتن به‌ده‌ستبهێنێت، له‌به‌رئه‌وه‌ دژی توركیا هه‌ماهه‌نگی و كاری هاوبه‌شی له‌گه‌ڵ هه‌رچی رێكخراوی تیرۆریستی هه‌یه‌ له‌ ناوه‌وه‌ و ده‌ره‌وه‌ی توركیا ئه‌نجامی داوه‌ و ته‌نانه‌ت پاره‌شی پێداون.}

^{چاوشئۆغڵو جه‌ختیكرده‌وه‌ كه‌ ئه‌و پاره‌ی له‌ژێر ناوی به‌خشیندا له‌ خه‌ڵكی كۆكراوه‌ته‌وه‌، دراوه‌ به‌ لۆبی و گروپ و رێكخراوه‌ تیرۆریستییه‌كانی دژی توركیا، چاوشئۆغڵو گوتیشی "رێكخراوی فه‌تحوڵڵاچی له‌ توركیا و هه‌رێمی كوردستان له‌ په‌یوه‌ندیی نزیكدا بووه‌ له‌گه‌ڵ په‌كه‌كه‌. ته‌نانه‌ت زانیاریی گرنگی هه‌واڵگریی ده‌وڵه‌تی دزه‌پێكردووه‌ بۆیان. ئێستاش كه‌ هێرش بۆ سه‌ر هه‌ندێك له‌ ئامانجه‌كان ئه‌نجام ده‌درێت، فڕۆكه‌وانه فه‌تحوڵڵاچییه‌كان هه‌ڵوێستی جیاوازیان هه‌یه‌ و لێكۆڵینه‌وه‌ له‌وباره‌یەوه‌ له‌ئارادایه‌.}

^22/8/2016