چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

درێژه‌ی بابه‌ت

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

ڕابردوو بەردەوام گرووپگەلێک هەبوون لە کوردستان کە بەشێوەیەک لە شێوەکان پەیڕەویان لە خەباتی چەکداریی کردووە وەک ڕێبازێک بۆ گەیشتن بە مافەکانی کوردستانییان. بەڵام هەر...

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

ناودەبرێت، بۆ کوردەکانیش هێشتا بابەتێکە کە جێی گومان و پرسیارە؟، بەوپێیەی هەموان سیناریۆکانی پرۆسەی ئاشتی و چارەسەریان لەساڵی ٢٠١٢ بۆ ٢٠١٥ لەپێش چاوە، کەچۆن ئەو...

درێژه‌ی بابه‌ت

په‌یوه‌ندی راسته‌وخۆ

گه‌ڕان

بەوێنە.. لە باشماخ دەست بەسەر دوو کۆنتەینەری نایاساییدا گیرا

^{لەلایەن پۆلیسی گومرگی سنووری نێودەوڵەتیی باشماخەوە، دەست بەسەر دوو كۆنتەینەردا گیرا، كە بە شێوەیەكی نایاسایی هێنرابوونە ناو سنوورەکەوە و ویستوویانە ڕەوانەی هەرێمی كوردستان بكرێت و بەرپرسێكی سنوورەکەش دەڵێت"هێشتا خاوەنەكەی دیار نییە و هەر كاتێك دەركەوت كێ خاوەنیەتی ئێمە یەكلایی دەكەینەوە".}

^{لەو بارەیەوە، "شاخەوان بەكر"، بەڕێوەبەری بەڕێوەبەرایەتیی گومرگی سنووری نێودەوڵەتیی باشماخ، تایبەت بە (باسنیوز)ی راگەیاند: "دوای ئەوەی لە چەند ڕۆژی ڕابردوودا زانیاریمان هەبوو كە دوو كۆنتەینەر كە ژمارەیەك ئۆتۆمبێل و كەلوپەلی دیكەی ئۆتۆمبێلی دوو تەنی و بارهەڵگریان پێبوو، بۆیە كاتێك لەم چەند ڕۆژەدا هێنایان، لەبەرئەوەی بەپێی یاسا قەدەغەیە و شێوەی هاتنەكەی قاچاخ بووە، لەلایەن پۆلیسی گومرگی باشماخەوە دەستیان بەسەردا گیرا".}

^{ڕوونیشی كردەوە: "ئەو دوو كۆنتەینەرە، هەشت ئۆتۆمبێلی نوێی تێدایە كە مۆدێلەكەنیان نزمە و ڕێگە پێدراو نین، هەروەها چەند كەللەیەكی دیكەی ئۆتۆمبێلی بارهەڵگری تێدایە، كە هی ئۆتۆمبێلی دوو تەنیە و قەدەغەیە".}

^{ئاماژەی بەوەش كرد: "ئێستا لە قۆناغی لێكۆڵینەوە داین و ئەو بابەتە كراوە بە كێشەی گومرگی و بەپێی یاسای گومرگی ساڵی 1984 لێپچینەوەیان لەگەڵدا دەكرێت، بەڵام ئەوەی سەیرە ئەوەیە كە هێشتا خاوەنەكەی دیار نییە، بۆیە ئەگەر لە داهاتوودا هەر كاتێك، هەر كەسێك بوو بە خاوەنی و هات بەلایەوە، ئەوا ئەوكاتە یەكلایی دەكەینەوە."}

^21/9/2016

سەرکردەیەکی شیعە: تاران هەوڵی گەڕاندنەوەی مالیکی دەدات

^{سەرکردەیەکی شیعەی عێراقی رایدەگەیەنێت، کە حکوومەتی ئێران هەوڵی گەڕاندنەوەی سەرۆک وەزیرانی پێشووی عێراق دەدات.}

^{رۆژی چوارشەممە 21ـی ئەیلوولی 2016، رۆژنامەی (شەرقولئەوسەت) لە زاری سەرکردەیەکی شیعەی عێراقی بڵاوی کردووەتەوە، کە سەرۆکایەتیکردنی هاوپەیمانیی نیشتیمانیی شیعەکان بە خولی ساڵانە دەبێت و خولی دووەم، کە هاوکاتە لەگەڵ هەڵبژاردنی پەرلەمانی، بۆ نوری مالیکی، سەرۆک وەزیرانی پێشووی عێراق دەبێت.}

^{ئەو سەرکردەیە هەروەها رایگەیاندووە، کە نوری مالیکی پۆستی سەرۆکی هاوپەیمانییەکە بۆ بەرژەوەندیی خۆی و کۆ کردنەوەی دەنگ بەکار دەهێنێت و ئێرانیش بە هەموو شێوەیەک پشتگیریی دەکات، چونکە بە گوتەی ئەو، لە کاتی گەمارۆی سەر ئێران، عێراقی کردووە دەروازەیەک بۆ ئەو وڵاتە.}

^{هەروەک رۆژنامەکە بڵاوی کردووەتەوە، مالیکی، سەرۆکی ئیئتیلافی دەوڵەتی یاسا لە پەرلەمانی وڵاتەکەی و ”خاوەنی دەیان گرووپ و میلیشیای چەکداری لە ناو حەشدی شەعبی“، بە هاوکاریی ئێران هەوڵ دەدات حەیدەر عەبادی، سەرۆک وەزیرانی ئێستا لەسەر کار لابدات.}

^{نوری مالیکی، سەرۆکی حزبی دەعوەی ئیسلامیی عێراقییە (شیعە)، لە ساڵی 2006ـەوە تاوەکو 2014 سەرۆک وەزیرانی عێراق بوو. بەردەوام هەڵوێستەکانی دژی گەلی کورد و پێکهاتەی عەرەبی سوننەی عێراق بووە. لە ساڵی 2013ـەوە بودجەی کوردستان و مووچەی فەرمانبەرانی هەرێمی کوردستانی بڕی و ناردنی پێویستییە سەربازییەکانی بۆ هێزەکانی پێشمەرگە(وەک بەشێک لە هێزی بەرگریی عێراق)، راگرت.}

^21/9/2016

دەمیرتاش: بارزانی رێبەرێکی گەورەی کوردانە

^{هاوسەرۆکی پارتی دیموکراتی گەلان (هەدەپە) لە کوردستانی باکوور و تورکیا رایدەگەیەنێت، کە سەرۆکی هەرێمی کوردستان رێبەرێکی گەورەی گەلی کوردە.}

^{سەرلەبەیانیی رۆژی چوارشەممە 21ـی ئەیلوولی 2016، سەڵاحەدین دەمیرتاش، هاوسەرۆکی هەدەپە بە سەرۆکایەتیی شاندێکی حزبەکەی، گەیشتە شاری هەولێری پایتەختی هەرێمی کوردستان.}

^{سەڵاحەدین دەمیرتاش دوای کۆ بوونەوەی لەگەڵ جەعفەر ئێمینکی، جێگری سەرۆکی پەرلەمانی کوردستان، لە کۆنگرەیەکی رۆژنامەوانیدا رایگەیاند، کە ئامانج لە سەردانەکەی بۆ کوردستانی باشوور، باشترکردنی پەیوەندیی پارتەکانی کوردستان و دروستکردنی یەکڕیزیی حزبە کوردییەکانە.}

^{هاوسەرۆکی هەدەپە هەروەها رایگەیاند، کە مەسعود بارزانی، سەرۆکی هەرێمی کوردستان ”رێبەرێکی گەورەی کوردە“ و دڵنیایی خۆیشی نیشان دا لەوەی، کە بارزانی ”دەتوانێ رۆڵێکی گەورە لە یەکێتیی نەتەوەیی کوردان بگێڕێت“.}

^{سەڵاحەدین دەمیرتاش پێیوایە کورد بە قۆناغێکی گرنگ و مێژوویی تێدەپەڕێت و پێویستە حزبە سیاسییەکانی کوردستان مل بۆ یەک کەچ بکەن و یەکێتیی نەتەوەیی دروست بکەن.}

^{بڕیارە رۆژی چوارشەممە 21ـی ئەیلوول دەمیرتاش لەگەڵ مەسعود بارزانی کۆ ببێتەوە و رۆژی پێنجشەممە 22ـی ئەیلوولیش لەگەڵ نێچیرڤان بارزانی، سەرۆکی حکوومەتی هەرێمی کوردستان کۆ ببێتەوە و لە دوو رۆژی دواتریش، لەگەڵ بەرپرسانی باڵای یەکێتیی نیشتیمانیی کوردستان و بزووتنەوەی گۆڕان لە سلێمانی، کۆ ببێتەوە.}

^21/9/2016

نادیا موراد له‌گه‌ل نێرده‌ی تایبه‌تیی ئۆباما كۆبووه‌وه‌

^{نادیه‌ موراد، كچه‌ كوردی ڕزگاربووی ده‌ستی داعش، دوێنێ سێشه‌ممه 2016 -9 -20 له‌ نیۆیۆرك‌ له‌گه‌ڵ برێت مه‌كگۆرك، نێرده‌ی تایبه‌تیی سه‌رۆكی ئه‌مەریكا بۆ كاروباری هاوپه‌یمانه‌تی نێوده‌وڵه‌تیی دژ به‌ داعش، كۆبووه‌وه‌ و پرسی ڕزگاركردنی كوردانی ئێزدی له‌ ده‌ستی داعش و شه‌ڕ دژی ئه‌م گرووپه‌ تیرۆریستییه‌یان تاوتوێ كرد.}

^{نادیه‌ موراد، كه‌ هه‌فته‌ی ڕابردوو وه‌ك باڵوێزی نیازپاكیی نه‌ته‌وه‌ یه‌كگرتووه‌كان هه‌ڵبژێردرا، له‌ دوای كۆبوونه‌وه‌كه‌ و له‌ پۆستێكدا له‌ تۆڕی كۆمه‌ڵایه‌تیی تویته‌ر نووسیویه‌تی، “هیوادارم هه‌ڵمه‌ته‌ سه‌ربازییه‌كان له‌دژی داعش و هۆشیاری گشتی له‌سه‌ر تاوانه‌كانی ئه‌م گرووپه‌ ببنه‌ هۆكاری له‌ناوچوونی داعش.}

^{له‌ كۆبوونه‌وه‌كه‌دا ئه‌م خانمه‌ كورده‌ ئێزدییه‌ هیوای خواست هه‌وڵه‌ نێوده‌وڵه‌تییه‌كان له‌ كۆتاییدا ئاشته‌وایی بۆ خه‌ڵكی لێقه‌وماو بگێڕنه‌وه‌.}

^{هاوكات، برێت مه‌كگۆرك له‌ تویتێكدا نووسیویه‌تی كه‌ به‌ڵێنیی به‌ نادیه‌ موراد داوه‌ چه‌كدارانی داعش به‌ سزای تاوانه‌كانیان به‌رامبه‌ر به‌ كوردانی ئێزدی بگه‌یه‌نن.}

^{ئه‌م كۆبوونه‌وه‌یه‌ له‌ په‌راوێزی 71ه‌مین كوبوونه‌وه‌ی لووتكه‌ی نه‌ته‌وه‌ یه‌كگرتووه‌كان له‌ نیۆیۆرك ئه‌نجام درا.}

^21/9/206

فوئاد حوسێن: ئۆباما دەستخۆشی لە بارزانی و عەبادی دەکات

^{سەرۆکی دیوانی سەرۆکایەتیی هەرێمی کوردستان رایدەگەیەنێت، کە سەرۆکی ئەمریکا دەستخۆشیی لە سەرۆکی هەرێمی کوردستان و سەرۆک وەزیرانی عێراق دەکات.}

^{رۆژی سێشەممە 20ـی ئەیلوولی 2016، فوئاد حوسێن، سەرۆکی دیوانی سەرۆکایەتیی هەرێمی کوردستان بە کەناڵی (کوردستان 24)ی راگەیاند، کە بڕیارەی شاندی عێراقی لەگەڵ 12 سەرۆک و سەرۆک وەزیرانی جیهان کۆ ببێتەوە، بۆ باسکردنی پەیوەندییەکانی عێراق و ئەو وڵاتانە و شەڕی دژی رێکخراوی توندڕەوی داعش.}

^{فوئاد حوسێن، کە نوێنەرایەتیی هەرێمی کوردستان دەکات لە شاندەکەی عێراق، ئاماژەی بەوەش کرد، کە شاندەکە لەگەڵ هەریەکە لە سەرۆک کۆمارەکانی فەرەنسا، میسر و ئێران و سەرۆک وەزیرانی وڵاتانی ئیتاڵیا، نیوزیلەندا، بەلجیکا و دانیمارک کۆ دەبێتەوە.}

^{سەرۆکی دیوانی سەرۆکایەتیی هەرێمی کوردستان هەروەها رایگەیاند، کە باراک ئۆباما، سەرۆکی ئەمریکا دەستخۆشیی لە مەسعود بارزانی، سەرۆکی هەرێمی کوردستان و حەیدەر عەبادی، سەرۆک وەزیرانی عێراق کردووە بۆ دانانی پلانێکی هاوبەش بۆ رزگار کردنەوەی شاری مووسڵ.}

^{هەروەک فوئاد حوسێن رایگەیاندووە، لە کۆبوونەوەکەیاندا لەگەڵ سەرۆکی ئەمریکا، ئۆباما ستایشی هێزە شەڕکەرەکانی دژی داعشی کردووە و ”چەند جارێکیش ناوی پێشمەرگەی هێناوە“.}

^{رۆژی دووشەممە 19ـی ئەیلوولی 2016، حەیدەر عەبادی بە سەرۆکایەتیی شاندێکی عێراق، کە فوئاد حوسێن تێیدا نوێنەرایەتیی هەرێمی کوردستانی دەکرد، بۆ بەشداریکردن لە کۆبوونەوەی گشتیی نەتەوە یەکگرتووەکان و کۆبوونەوە لەگەڵ باراک ئۆبا،ما، سەردانی ئەمریکای کرد.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014، چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^20/9/2016

بەرپرسێکی هەدەپە: بارزانی دەتوانێت ڕۆڵی خۆم لەم قۆناغەدا بگێڕێت

^{بەرپرسی نووسینگەی کوردستانی پارتی دیموکراتی گەلان (هەدەپە) لە هەرێمی کوردستان ئاماژە بەوە دەکات، هاوسەرۆکی پارتەکەیان سەردانی هەرێمی کوردستان دەکات و لەگەڵ سەرۆکی هەرێمی کوردستان کۆدەبێتەوە.}
^{بڕیارە ئێوارەی ئەمڕۆ سێشەممە (20\9\2016)، سەڵاحەدین دەمیرتاش، هاوسەرۆکی پارتی دیموکراتی گەلان (هەدەپە)، سەردانی مەسعود بارزانی، سەرۆکی هەرێمی کوردستان بکات.}
^{لەمبارەیەوە عابید ئیکە، بەرپرسی نووسینگەی هەدەپە لە کوردستانی باشوور، بە (باسنیوز)ی ڕاگەیاند: “ماوەیەکی زۆرە سەرکردایەتیی (هەدەپە) دەیەوێت لەگەڵ بارزانی و سەرکردایەتیی پارتی دیموکراتیی کوردستان کۆببێتەوە، بەڵام بەهۆی سەردانی هاوسەرۆکانی هەدەپە بۆ وڵاتانی (ئەورووپا، ڕووسیا و ئەفەریقا)، ئەو سەردانە دواکەوتووە”.}
^{ئەوەشی ڕوون کردەوە: “یەکێک لە ئامانجەکانی سەردانەکە، نزیک بوونەوەی سەرجەم هێزولایەنە سیاسییەکانی هەر چوار پارچەی کوردستانە، لە کاتێکدا لەگەڵ هاتنی دەمیرتاش، جێگر و سەرۆک و بەشێک لە پەرلەمانتارانی (هەدەپە)، لەگەڵ شاندەکە دەبن و ماوەی چوار ڕۆژ لە هەرێمی کوردستان دەمێننەوە".}
^{بەرپرسی نووسینگەی هەدەپە لە هەرێمی کوردستان ئەوەشی ئاشکرا کرد: "لە سەردانەکەی دەمیرتاشدا پەیامی نوێ ئەوەیە کە یەکێتیی گەلی کوردستان بەهێز بکرێت و وەک پەیام ئاراستەی بارزانی دەکرێت".}
^{لەبارەی پرۆسەی ئاشتی لە تورکیا و دەستپێشخەریی بارزانی بۆ ئەو پرسە، عابید ئیکە بە (باسنیوز)ی ڕاگەیاند: "لەم دۆخەدا پرۆسەی ئاشتی زۆر ئاستەمە، پێشووتریش عەبدوڵا ئۆجەلان، ڕێبەری پارتی کرێکارانی کوردستان (پەکەکە)، ڕای گەیاندبوو کە ئەگەر پارتی داد و گەشەپێدان (ئاکەپە) ئاشتی دەوێت، با شاندێک بنێرنە ئیمرالی، بەڵام تائێستا حکوومەتی تورکیا وەڵامی ئەو داواکارییەی نەداوەتەوە”.}
^{بەرپرسی نووسینگەی هەدەپە پێی وایە کە لەم قۆناغەدا بارزانی دەتوانێت ڕۆڵی گرنگ ببینێت، هەر کەسێکیش لە ئاستی خۆیەوە دەتوانێت ڕۆڵ ببینێت.}

^20/9/2016

هەولێر.. چەندین کامێرای ھاتوچۆی جێگیر دادەندرێن

^{بەرێوەبەری گشتیی پۆلیسی ھاتوچۆی ھەولێر رای دەگەیەنێ، وێڕای کامێرا گەڕۆکەکان، لەو ماوەیەدا چەندین کامێرای جێگیری چاودێریی ھاتوچۆ داندراون.}
^{عەمید ھێرش ئەحمەد بە (باس)ی گوت: خەڵک و شوفێران گلەیی ئەوەیان دەکرد کامێراکانی ھاتوچۆ وەکو کامێرای شارەوە لەژێر دار داندراون، بۆیە چەندین کامێرای ھاتوچۆی جێگیرمان لەنێو شار و دەرەوەی شار داناوە تا لای خەڵک ئاشکرا بن.}

^{ئاشکراشی کرد ١١ کامێرای جێگیر لە شەقامە جیاجیاکانی ناو شار داندراون لەپاڵ ئەوانەشدا کامێرای خولاوی ھاتوچۆ ھەیە، گوتیشی: کامێرا خولاوەکان زیاتر لەو شوێنانە دادەندرێن کەوا رووداوی ھاتوچۆ و تیژڕەویان تێدایە، ئەگەر کامێرای جێگیر لەو شوێنانەش داندرا ئەوکات کامێرای خولاو ھەڵدەگیرێت.}

^{کامێرای چاودێرdی ھاتوچۆ تەنھا بە رێنماییەک لە لایەن پۆلیسی ھاتوچۆ دەرکراوە و تاوەکو ئێستا ھیچ یاسایەکی بۆ دەرنەکراوە و لە یاسای ژمارە٨٦ی ساڵی ٢٠٠٤ ھاتوچۆی ھەرێمی کوردستانیشدا نییە.}

^{بەرێوەبەری گشتیی پۆلیسی ھاتوچۆی ھەولێر جەختی کردەوە، ئێستا کامێرا جێگیرەکانی ھەولێر کار دەکەن، گوتیشی: دوای دانانی ئەو کامێرایانە رووداوەکانی ھاتوچۆ لە ھەولێر زۆر کەمیان کردووە و زیانی رووداوەکانی ھاتوچۆش کەمتر بوونەتەوە.}

^{عەمید ھێرش دووپاتی کردەوە لە قۆناخی دووەم دەستیان کردووە بە دانانی کامێرای جێگیری ھاتوچۆ لە رێگاوبانەکانی دەرەوەی شار، گوتیشی: لە رێگای ھەولێر،شەقلاوەاَ و کەسنەزان، دێگەڵە و ھەولێر، سماقوڵی و رێگای ھەولێر - کەڵەک کامێرای جێگیر دادەندرێت و ئەو رێگایانەش زیاتر لە کامێرایەکیان لێ جێگیر دەکرێت.}

^{سەرەتا غەرامەی ھاتوچۆ ھەمووی وەکو یەک بوو، بەڵام دواتر دەستکاری کرا، ئێستا کەمترین سزای لێدان لە کامێرای ھاتوچۆ ٦٠ ھەزار دینارەو بەپێی خێرایی ئۆتۆمبێلیش بڕی سزاکە زیاد دەکات تاوەکو سەرووی ٢٠٠ ھەزار دینار.}

^{ئەو بەرپرسەی ھاتوچۆ ڕوونی کردەوە، ئامانج لە دانان و زیادکردنی کامێراکان بۆ کەمکردنەوەی رووداوەکانی ھاتوچۆ و پاراستنی گیانی ھاووڵاتیانە نەک بۆ پارە، گوتیشی: کاتێک غەرامەی کامێرا کرایە قیست بۆ ئەوە بوو بە شۆفێران بڵێین مەبەست لەو کارە پارە نییە.}

^{زاھیر محەمەد سەرۆکی رێکخراوی ھۆشیاریی ھاتوچۆ بە (باس)ی راگەیاند ئەوان لەگەڵ زیادکردنی ژمارەی کامێراکانی ھاتوچۆدان بە تایبەت دانانی کامێرای جێگیر.}

^{ئەو گوتی: گیانی ھاووڵاتیانمان لا گرنگترە لە ھەر بابەتێکی تر، بەتایبەت پرسی غەرامەکردن، بۆیە لەگەل کەمکردنەوەی غەرامە و ژمارەی کامێراکان نین.}

^20/9/2016

چەکدارانی داعش خێزانەکانیان لە شەرگات دەبەنە دەرەوە

^{چەکدارانی رێکخراوی توندڕەوی داعش خێزان و منداڵەکانیان لە شارۆچکەی شەرگاتەوە دەبەنە شاری مووسڵ، بەهۆی ترسیان لە شکستی رێکخراوەکەیان لە شارۆچکەکە.}

^{رۆژی سێشەممە 20ـی ئەیلوولی 2016، حەیدەر عەبادی، سەرۆک وەزیران و فەرماندەی گشتیی هێزە چەکدارەکانی عێراق دەست پێکردنی ئۆپەراسیۆنی رزگار کردنەوەی شارۆچکەی شەرگاتی راگەیاند.}

^{بەپێی زانیارییەکان، چەکدارانی داعش لە ترسی کەوتنە دەست سەرباز و چەکدارانی میلیشیا عێراقییەکان،خێزان و منداڵەکانیان گواستووەتە شاری مووسڵ.}

^{شەرگات دەکەوێتە رۆژئاوای پارێزگای کەرکووک، سەر بە پارێزگای سەڵاحەدینە.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014، چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^20/9/2016

لە هەڵبژاردنە پەرلەمانییەكەی رووسیادا پارتەكەی پوتین لە پێشەوەیە

^{ڤلادیمیر پوتین لەكاتی دەنگدان، مۆسكۆ 18-9-2016}

^{جێگری بەرپرسی کۆمسیۆنی ناوەندیی هەڵبژاردنەکانی رووسیا ئەنجامە بەراییەکانی هەڵبژاردنی پەرلەمانی وڵاتەکەی راگەیاند، بەپێی ئەنجامەکانیش بێت، پارتی رووسیای یەکگرتوو، کە پارتی دەستەڵاتدارە، زۆرینەی دەنگەکانی بەدەستهێناوە.}

^{نیکۆڵای بولایڤ، جێگری بەرپرسی کۆمسیۆنی ناوەندیی هەڵبژاردنەکانی رووسیا درەنگانی رۆژی یەکشەممە 18-9-2016 رایگەیاند، تاوەكو ئێستا سەدا 7%ی دەنگەکان لێکجیاکراونەتەوە و بەپێی ئەنجامی دەنگە لێکجیاکراوەکانیش بێت پارتی "رووسیای یەکگرتوو"، كە پێشتر ڤلادیمیر پوتین، سەرۆكی رووسیا سەرۆكایەتی دەكرد و ئێستا دیمیتیر میدڤدید، سەرۆكایەتی دەكات لە پلەی یەکەم دێت بە بەدەستهێنانی 44.15% دەنگەکان.}

^{بەگوتەی جێگری بەرپرسی کۆمسیۆنی ناوەندیی هەڵبژاردنەکانی رووسیا، پارتی لیبراڵ دیموکراتیک 18.9%ی دەنگەکانی بەدەستهێناوە و لە پلەی دووەم دێت.}

^{بەپێی ئەنجامە سەرەتاییەکان هەر یەکە لە پارتی کۆمیونیستی رووسیای فیدراڵ، پارتی سۆشیاڵ دیموکراتیک و پارتی کۆمیونیستی رووسیا لە پلەی سێییە، چوارەم و پێنجەمی دێن.}

^{بەپێی كۆمیسیۆنی هەڵبژاردنی نێونەتەوەیی رووسیا لەسەرانسەری رووسیا زیاتر لە 111 ملیۆن دەنگدەر لە 95 هەزار ناوەندی دەنگدان دەنگیان داوە. هاووڵاتیانی رووسیا، ئەوانەی لە رووسیا دەژین، لە 371 ناوەندی نوێنەرایەتی دبلۆماسی دەنگی خۆیان بەكارهێنا.}

^{دەنگدەران لەنێو 14 پارتی سیاسی رووسیادا 450 پەرلەمانتار هەڵدەبژێرن، كە 225 لە رێگای حیزبەكان و 225 كاندیدەكەی دیكەش لە رێگای بازنەكانی هەڵبژاردنەوە دەستنیشان دەكرێن. شەش هەزار و 510 كاندید كێبڕكێ لەسەر بەدەستهێنانی 450 كورسییەكەی دوما دەكەن.}

^{لە هەڵبژاردنە پەرلەمانییەكەی 2016ی رووسیادا 14 پارت بەشداری هەڵبژاردنەكەن كە بریتین لە: پارتەكانی "رودینا، شیوعییەكانی رووسیا، خانەنشینی لەپێناو دادوەری، رووسیای یەكگرتوو، جەسك، سەكۆی مەدەنی، لیبراڵ دیموكراتیك، بارناس، روست، هێزی مەدەنی، یابلوكو، شیوعی رووسی، نەتەوەییەكانی رووسیا و رووسیای دادپەروەر".}

^{لە هەڵبژاردنی 2011 دا پارتی رووسیای یەكگرتوو-ی پوتین 49.32%ی دەنگەكانی بەدەستهێنا بوو. لە كۆی 450 كورسی پەرلەمانی وڵاتەكەی 238 كورسی دۆمای بەدەستهێنابوو. بەڵام لە هەڵبژاردنەكەی 2011 بە بەراورد بە هەڵبژاردنەكەی 2007ی پارتی رووسیای یەكگرتوو 15 خاڵی دەنگەكانی كەمیكردبوو.}

^{دەسەڵاتەکانی ئەنجوومەنی دوما}

^{- پەسندکردنی بودجە و یاساکان}
^{- پەسندکردن یان رەتکردنەوەی سەرۆکوەزیران}
^{- بەخشینی متمانە یاخود وەرگرتنەوەی متمانە بە حکومەت}
^{- لابردن یان دەستنیشانکردنی سەرۆکی بانکی ناوەندی}
^{- لابردن یان دەستنیشانکردنی سەرۆکی چاودێری دارایی}
^{- راگەیاندنی لێبوردنی گشتی}
^{- ئاراستەکردنی تۆمەتی ناپاکی نیشتمانی بەرامبەر بە سەرۆک و لابردنی}
^{- پەسندکردنی رێککەوتننامە نێودەوڵەتییەکان}

^19/9/2016

لە پیرانشار شەڕ لەنێوان هێزێکی کوردی و سوپای پاسداران روویدا

^{دوو ئەندامی خۆجێی سەر بە سوپای پاسداران برینداربوونە}

^{سەرچاوەیەک بە رووداوی راگەیاند، لەناوچەی بەری مێرگانی سەر بە پیرانشاری رۆژهەڵاتی کوردستان شەڕ لەنێوان هێزێکی کوردی و سوپای پاسدارانی ئێران روویداوە.}

^{سەرچاوەكە گوتیشی "شەڕەکە کاژێر 8ی ئەمشەو روویداوە و تاوەکو ئێستاش بەردەوامە".}

^{بەپێی زانیارییەكان لەو شەڕەدا دوو ئەندامی خۆجێی سەر بە سوپای پاسداران برینداربوونە.}

^19/9/2016

سوپای تورکیا بارەگاکانی پەکەکە لە سنووری ئامێدی تۆپباران دەکات

frokaiturkia5112012-bbb

^{سوپای تورکیا بنکە و بارەگاکانی پارتی کرێکارانی کوردستان (پەکەکە) لە سنووری شاری ئامێدی لە پارێزگای دهۆک بۆردومان دەکەن.}

^{بەپێی زانیارییەکان، رۆژی دووشەممە 19ـی ئەیلوولی 2016، چەند فڕۆکەیەکی جەنگیی تورکیا بەسەر ئاسمانی سنووری شاری ئامێدیدا سووڕاونەتەوە.}

^{فڕۆکە جەنگییەکان و تۆپخانەی سوپای تورکیا بنکە و بارەگاکانی پەکەکەیان لە نزیک گوندی کێستە لە دەڤەری بەرواری لە سنووری ئامێدی، بۆردومان کردووە.}

^{بەردەوام هاووڵاتییانی گوند و ناوچە سنوورییەکانی کوردستانی باشوور داوا لە پەکەکە دەکەن بنکە و بارەگاکانی لە ناو گوند و ناوچە ئاوەدانییەکان هەڵبگرێت، چونکە بەهۆی بۆردومانکردنی بارەگاکانی پەکەکە لە گوندەکان لەلایەن سوپای تورکیا، دەیان هاووڵاتیی شەهید بوون و بریندار بوون و ماڵ و حاڵیان تێکچووە.}

^19/9/2016

عەبادی وەڵامی حکوومەتی تورکیا دەداتەوە

^{سەرۆک وەزیرانی عێراق رایدەگەیەنێت، کە پێویستە دەوڵەتی تورکیا رێز لە سەروەریی عێراق بگرێت و هێزەکانی بکێشێتەوە.}

^{لە چەند رۆژی رابردوودا، حکوومەتی تورکیا رایگەیاند، کە رەنگە هاوشێوەی ئۆپەراسیۆنی قەڵغانی فورات لە باکووری سووریا، ئۆپەراسیۆنێکی سەربازیی لە شاری مووسڵ لە باکووری عێراق ئەنجام بدەن.}

^{رۆژی یەکشەممە 18ـی ئەیلوولی2016، حەیدەر عەبادی، سەرۆک وەزیرانی عێراق لە کۆنگرەیەکی رۆژنامەوانیدا لە بەغدا داوای لە حکوومەتی تورکیا کرد هێزەکانی لە سنووری پارێزگای نەینەوا بکێشێتەوە.}

^{حەیدەر عەبادی وێڕای نیشاندانی دژایەتیی خۆی بۆ هەر ئۆپەراسیۆنێکی سوپای تورکیا لە مووسڵ، بە پێویستی دەزانێت دەوڵەتی تورکیا رێز لە سەروەریی عێراق بگرێت و رایگەیاندووە، بوونی ئەو هێزە تورکییە پەیوەندیی هەردوو وڵات ”ژەهراوی“ دەکات و رزگار کردنەوەی شاری مووسڵ دوا دەخات.}

^{رۆژی چوارشەممە 24ـی ئاب، سوپای تورکیا رایگەیاند، کە ئۆپەراسیۆنێکی سەربازییان بە ناوی قەڵغانی فورات بۆ “پاککردنەوەی باکووری سووریا لە هێزە کوردییەکان و رێکخراوی توندڕەوی داعش" دەست پێکرد.}

^{ئۆپەراسیۆنەکە لە رۆژی سێشەممە 23ـی ئاب بە بۆردومان کردنی بنکە و بارەگاکانی داعش لە شاری جەڕابلوس لە باکووری سووریا، لەلایەن سوپا و فڕۆکە جەنگییەکانی تورکیا دەستی پێکرد.}

^{لە میانەی ئۆپەراسیۆنەکەدا، سەدان سەربازی سوپای تورکیا بە یاوەریی 20 تانکی سەربازی، چوونەتە ناو خاکی سووریا و گەیشتوونەتە سنووری جەڕابلوس و پێکدادانی چەکداریی لە نیوان هێزەکانی سووریای دیموکراتی و سوپای ئازاد رووی دا.}

^{هێزەکانی سووریای دیموکراتی بە پشتگیریی ئەمریکا و بۆ رزگار کردنەوەی شارەکانی رەققە، منبج و جەڕابلوس پێکهێنراوە، کە داعش داگیری کردوون.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014، چەکدارانی داعشزۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^{لە ساڵی 2015ـەوە، هێزێکی سوپای تورکیا لە ناوچەیەکی باکووری مووسڵ مەشق و راهێنان بە چەکدارانی میلیشیای حەشدی وەتەنی دەکات، کە لە گەنجانی سوننەمەزهەبی مووسڵ بە سەرکردایەتیی ئەسیل نوجەیفی، پارێزگای پێشووی نەینەوا پێکهێنراوە.}

^19/9/2016

پێشمەرگە دوو هێرشی داعش تێک دەشکێنێت

^{هێزەکانی پێشمەرگەی کوردستان دوو هێرشی فراوانی رێکخراوی توندڕەوی داعش لە دوو میحوەرەوە تێک دەشکێنن.}

^{بەپێی زانیارییەکان، بەرەبەیانی رۆژی یەکشەممە 18ـی ئەیلوولی 2016، چەکدارانی داعش لە هەردوو میحوەری گوێڕ و باشیک هێرشیان کردە سەر سەنگەرەکانی پێشمەرگە.}

^{هێزەکانی پێشمەرگە بەرپەرچی هەردوو هێرشەکەی داعشیان داوەتەوە و توانیویانە شکست بە هێرشەکانی داعش بهێنن و ناچاری پاشەکشەیان بکەن.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014، چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^18/9/2016

نیویۆرک.. تەقینەوەیەک 29 قوربانی لێدەکەوێتەوە

^{تەقینەوەیەک لە گەڕەکێکی ناوداری نیویۆرک لە ئەمریکا رووی دا و بووە هۆی بریندار بوونی زیاتر لە 29 کەس.}

^{بەپێی هەواڵێکی ئاژانسی (رۆیتەرز)، تەقینەوەکە ئێوارەی رۆژی شەممە 17ـی ئەیلوولی 2016 بە کاتی واشنتن (بەرەبەیانی رۆژی یەکشەممە 18ـی ئەیلوول بە کاتی هەولێر) لە شەقامی چێڵسی لە گەڕەکی مانهاتن رووی داوە.}

^{هەروەک ئاژانسەکە بڵاوی کردووەتەوە، تەقینەوەکە بووەتە هۆی بریندار بوونی زیاتر لە 29 کەس.}

^{بیل دی پلازیۆ، سەرۆکی شارەوانیی نیویۆرک بە (رۆیتەرز)ی راگەیاندووە، کە تەقینەوەکە ”بە مەبەست“ لە شەقامێکی سەرەکیی و قەرەباڵغی گەڕەکەکە ئەنجام دراوە، بەڵام ”هیچ ئاماژەیەک نییە، کە تەقینەوەکە کارێکی تیرۆریستی بێت“.}

^{زانیارییە سەرەتاییەکان ئاماژە بەوە دەکەن، کە تەقینەوەکە لەناو زبڵدانێکی شەقامە سەرەکییەکە رووی داوە و فەرماندەی پۆلیسی نیویۆرکیش رایگەیاندووە، کە بۆمبێکی دیکەیان لە هەمان شوێن دۆزیوەتەوە.}

^18/9/2016

داعش بەرپرسیارێتیی هێرشەکەی مینیسۆتا دەگرێتە ئەستۆ

^{رێکخراوی توندڕەوی داعش بەرپرسیارێتیی خۆی لە هێرشی کەسێک لە ویلایەتی مینیسۆتا دەگرێتە ئەستۆ.}

^{ئێوارەی رۆژی شەممە 17ـی ئەیلوولی 2016، کەسێکی چەقۆ بە دەست، هێرشی کردە سەر بازاڕی کڕۆسرۆودس لە شاری کلاود لە ویلایەتی مینیسۆتای ئەمریکا و هەشت کەسی بریندار کرد، دواتر لەلایەن پۆلیسێکەوە کوژرا.}

^{داعش لە پێگە ئەلیکتڕۆنییەکانیدا رایگەیاندووە، ئەو هێرشبەرە ئەندامی ئەو رێکخراوە تیرۆریستییە بووە.}

^{ئەو راگەیاندنەی داعش لە کاتێک دایە، کە ئەو رێکخراوە بەرپرسیارێتیی خۆی لە چەندین کردەوەی تیرۆریستیی لە جیهان راگەیاندووە.}

چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

په‌یوه‌ندی راسته‌وخۆ

گه‌ڕان

بەوێنە.. لە باشماخ دەست بەسەر دوو کۆنتەینەری نایاساییدا گیرا

سەرکردەیەکی شیعە: تاران هەوڵی گەڕاندنەوەی مالیکی دەدات

دەمیرتاش: بارزانی رێبەرێکی گەورەی کوردانە

نادیا موراد له‌گه‌ل نێرده‌ی تایبه‌تیی ئۆباما كۆبووه‌وه‌

فوئاد حوسێن: ئۆباما دەستخۆشی لە بارزانی و عەبادی دەکات

بەرپرسێکی هەدەپە: بارزانی دەتوانێت ڕۆڵی خۆم لەم قۆناغەدا بگێڕێت

هەولێر.. چەندین کامێرای ھاتوچۆی جێگیر دادەندرێن

چەکدارانی داعش خێزانەکانیان لە شەرگات دەبەنە دەرەوە

لە هەڵبژاردنە پەرلەمانییەكەی رووسیادا پارتەكەی پوتین لە پێشەوەیە

لە پیرانشار شەڕ لەنێوان هێزێکی کوردی و سوپای پاسداران روویدا

سوپای تورکیا بارەگاکانی پەکەکە لە سنووری ئامێدی تۆپباران دەکات

عەبادی وەڵامی حکوومەتی تورکیا دەداتەوە

پێشمەرگە دوو هێرشی داعش تێک دەشکێنێت

نیویۆرک.. تەقینەوەیەک 29 قوربانی لێدەکەوێتەوە

داعش بەرپرسیارێتیی هێرشەکەی مینیسۆتا دەگرێتە ئەستۆ

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM