چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

درێژه‌ی بابه‌ت

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

ڕابردوو بەردەوام گرووپگەلێک هەبوون لە کوردستان کە بەشێوەیەک لە شێوەکان پەیڕەویان لە خەباتی چەکداریی کردووە وەک ڕێبازێک بۆ گەیشتن بە مافەکانی کوردستانییان. بەڵام هەر...

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

ناودەبرێت، بۆ کوردەکانیش هێشتا بابەتێکە کە جێی گومان و پرسیارە؟، بەوپێیەی هەموان سیناریۆکانی پرۆسەی ئاشتی و چارەسەریان لەساڵی ٢٠١٢ بۆ ٢٠١٥ لەپێش چاوە، کەچۆن ئەو...

درێژه‌ی بابه‌ت

په‌یوه‌ندی راسته‌وخۆ

گه‌ڕان

لە مەهاباد ناوی دووکان و شوێنە گشتییەکان دەکرێنە کوردی

^{لە شاری مەهاباد کەمپینێکی گۆڕینی ناوی فارسیی دووکانەکان بۆ سەر ناوی کوردی لەلایەن خەڵک و خاوەن دووکانەکانەوە دەستی پێ کردووە.}

^{بەپێی ئەو هەواڵ و زانیارییانەی کەلە تۆڕە کۆمەڵایەتییەکان بڵاو کراونەتەوە، ئەو چالاکییانە لەدوای پەرەگرتنی رەوتی پانتورکیزم لەو ناوچەیە، هەروەها بێڕێزییە یەک لەدوای یەکەکانی ڕاگەیەنەکانی حکوومەتی ئێران لە شوێنە جیاجیاکان بە جلوبەرگ و زمانی کوردی دەستی پێکردووە.}
^{پرسی گۆڕینی ناوە فارسییەکان بۆ سەر زمانی کوردی چەند ساڵێکە لە شار و شارۆچکەکانی کوردستانی ڕۆژهەڵات دەستی پێ کردووە و زۆر جار وەزارەتی ڕۆشنبیری و لایەنە پەیوەندیدارەکانی حکوومەت ڕووبەڕووی ئەو خاوەن دووکان و کۆگایانە دەبنەوە کە ناوی کوردی بۆ شوێنەکان هەڵدەبژێرن.}

^{لە چەند ڕۆژی ڕابردوودا بۆ ئەم مەبەستە کەمپێنێک لە شاری مەهاباد ساز کراوە و زۆر دووکان و خواردنگە لە شاری مەهاباد ناوەی کوردییان لەباتی ناوی فارسی داناوە.}

^4/10/2016

سەرۆكایەتیی هەرێمی كوردستان: دامودەزگاکان ئامادەن یارمەتیی قوربانیانی تەقینەوەکەی حەسەکە بدەن

^{سەرۆکایەتیی هەرێمی کوردستان ئەمڕۆ سێشەممە 2016 -10 -4 بە بڵاوکردنەوەی ڕاگەیەندراوێک تەقینەوە خۆکوژییەکەی حەسەکەی ئیدانە کرد.}

^{لە ڕاگەیەندراوەکەدا کە وێنەیەکی بۆ ئاژانسی (باسنیوز) نێردراوە، هاتووە "ڕایدەگەیەنین كە دامودەزگە پەیوەندیدارەكانی هەرێمی كوردستان لە ئامادەباشیی تەواودان بۆ یارمەتیدانی برینداران و گەیاندنی هاوكاریی پزیشكی و تەندروستی بۆ لێقەوماوانی ئەو ڕووداوە."}

^{دەقی ڕاگەیەندراوەکە:}

^{شەوی دووشەممە 3ـی 10ـی 2016 تیرۆریستێكی خۆكوژ لەنێو هۆڵێكی ئاهەنگگێڕان لە شاری حەسەكەی ڕۆژئاوای كوردستان خۆی تەقاندەوە و بەهۆی ئەو كردەوە تیرۆریستییەوە بیست و پێنج هاووڵاتی شەهید بوون و ژمارەیەكی تریش بریندار بوون.}

^{زۆر بە توندی ئیدانەی ئەو كردەوە دڕندانەیەی تیرۆریستان لە شاری حەسەكە دەكەین و سەرەخۆشی لە كەسوكاری شەهیدان دەكەین و هیوای چاكبوونەوە بۆ بریندارن دەخوازین. لەهەمانكاتیشدا ڕایدەگەیەنین كە دامودەزگە پەیوەندیدارەكانی هەرێمی كوردستان لە ئامادەباشیی تەواودان بۆ یارمەتیدانی برینداران و گەیاندنی هاوكاریی پزیشكی و تەندروستی بۆ لێقەوماوانی ئەو ڕووداوە دڵتەزێنە.}

^{لە هەموو بارودۆخێكدا هاوسۆز و پشتیوانی خوشك و براكانمانین لە ڕۆژئاوای كوردستان و ئازار و خەمی ئەوان خەم و ئازاری هەموومانە.}

^{سەرۆكایەتیی هەرێمی كوردستان}
^{4ـی 10ـی 2016}

لە کوردستانەوە دوو شاند سەردانی بەغدا دەکەن

^{ئەندامێکی ئەنجومەنی نوێنەرانی عێراق ئاماژە بە چوونی شاندێک بۆ بەغدا دەکات و پێی وایە کە چوونی ئەو شاندانە گرنگن، بەتایبەتی شاندی حکوومەت.}

^{ئیسلام حوسێن، ئەندامی ئەنجومەنی نوێنەرانی عێراق لە فراکسیۆنی پارتی دیموکراتیی کوردستان، بە (باسنیوز)ی ڕاگەیاند: “دوای شاندەکەی سەرۆکی هەرێمی کوردستان، دووشاند دەچێتە بەغدا، چونکە لەوێ ڕێککەوتن لەگەڵ بەغدا کراوە لەسەر چوونی ئەو دوو شاندە”.}
^{ئەو پەرلەمانتارە ئەوەشی ئاشکرا کرد کە شاندێک لەسەر ئاستی حکوومەت بۆ پرسی نەوت و گاز و بابەتە ئابوورییەکان سەردانی بەغدا دەکات، شاندی دووەمیش بۆ بابەتی ئازادکردنی مووسڵ، یارمەتی و هاوکاریی سەربازی و ئاڵۆگۆڕی زانیاری، سەردانەکە ئەنجام دەدات. گوتیشی: “حکوومەتی عەبادی فشاری لەسەرە، بەڵام ئەوەی لەدەست عەبادی بێت بۆ نزیک بوونەوەی هەولێر و بەغدا بۆ شاندەکەی هەرێمی کوردستان خستویەتیە ڕوو، بەڵام دڵنیام کە ئەو شاندە بەدەست بەتاڵی ناگەڕێتەوە، چاوەڕوان دەکەم هەندێک هاوکاریی دارایی لە بەغداوە بنێردرێت، لەوانەیە پشکێک بۆ فەرمانبەران و پشکێک وەک هاوکاری بۆ ئازادکردنەوەی مووسڵ".}

^3/10/2016

مووسڵ.. رادیۆی داعش بۆردومان دەکرێت

^{فڕۆکە جەنگییەکانی عێراق رادیۆی رێکخراوی توندڕەوی داعش لە ناو شاری مووسڵ بۆردومان دەکەن.}

^{بەپێی زانیارییەکان، رۆژی دووشەممە 3ـی تشرینی یەکەمی 2016 رادیۆی (بەیان)ی داعش لە مووسڵ بۆردومان کراوە.}

^{رادیۆی بەیان سەکۆیەکی گرنگی داعش بوو بۆ بڵاو کردنەوەی ترس و دڵەڕاوکێ لای هاووڵاتییانی مووسڵ و بە وێرانکردنیشی، گورزێکی گەورە و کاریگەر بەر داعش کەوتووە و چەکدارەکانی تووشی شڵەژان و ترسێکی زۆر بوون.}

^{پێشتریش ژمارەیەک چەکداری نەناسراو، کە گومان دەکرێ دانیشتووانی ناڕازیی مووسڵ بن لە دەسەڵاتی داعش، خانەی چاپکراوەکانی داعشیان لە مووسڵ سووتاند.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^3/10/2016

ئەردۆغان: مووسڵ تەنها بۆ عەرەب و کورد و تورکمانە سوننەکانە

^{سەرۆک کۆماری تورکیا رایدەگەیەنێت، کە شاری مووسڵ تەنها بۆ عەرەب، کورد و تورکمانە سوننەکانە و حکوومەتی عێراقیش بەیاننامەیەکی توند دەردەکات.}

^{لە چاوپێکەوتنێکی کەناڵێکی عەرەبی، شەوی یەکشەممە 2ـی تشرینی یەکەمی 2016، رەجەب تەییب ئەردۆغان، سەرۆک کۆماری تورکیا رایگەیاند، کە جگە لە عەرەب، کورد و تورکمانە سوننەکان، هیچ کەسێک مافی نییە دوای رزگارکردنەوەی مووسڵ، لەو شارە بمێنێتەوە.}

^{وەزارەتی دەرەوەی عێراق لە دژی ئەو لێدوانەی رەجەب تەییب ئەردۆغان بەیاننامەیەکی دەرکردووە و تێێدا داوای لێ دەکات، ”چیتر عێراق ئیستیفزاز نەکات“ و نیازپاکیی دراوسێیەتی وڵاتەکەی بەرامبەر عێراق نیشان بدات.}

^{وەزارەتی دەرەوەی عێراق هەروەها رایگەیاندووە، کە رزگارکردنەوە و بەڕێوەبردنی مووسڵ ئەرکی عێراقییەکان خۆیانە و ”رێگا نادەین ببێتە گۆڕەپانی یەکلاکردنەوەی کێشەی وڵاتان“.}

^{دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی رێکخراوی توندڕەوی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.}

^3/10/2016

سەرۆک کۆماری تورکیا رایدەگەیەنێت، کە شاری مووسڵ تەنها بۆ عەرەب، کورد و تورکمانە سوننەکانە و حکوومەتی عێراقیش بەیاننامەیەکی توند دەردەکات.

لە چاوپێکەوتنێکی کەناڵێکی عەرەبی، شەوی یەکشەممە 2ـی تشرینی یەکەمی 2016، رەجەب تەییب ئەردۆغان، سەرۆک کۆماری تورکیا رایگەیاند، کە جگە لە عەرەب، کورد و تورکمانە سوننەکان، هیچ کەسێک مافی نییە دوای رزگارکردنەوەی مووسڵ، لەو شارە بمێنێتەوە.

وەزارەتی دەرەوەی عێراق لە دژی ئەو لێدوانەی رەجەب تەییب ئەردۆغان بەیاننامەیەکی دەرکردووە و تێێدا داوای لێ دەکات، ”چیتر عێراق ئیستیفزاز نەکات“ و نیازپاکیی دراوسێیەتی وڵاتەکەی بەرامبەر عێراق نیشان بدات.

وەزارەتی دەرەوەی عێراق هەروەها رایگەیاندووە، کە رزگارکردنەوە و بەڕێوەبردنی مووسڵ ئەرکی عێراقییەکان خۆیانە و ”رێگا نادەین ببێتە گۆڕەپانی یەکلاکردنەوەی کێشەی وڵاتان“.

دوای هەرەس پێهێنانی سوپا و هێزە ئەمنییەکانی عێراق لە مانگی حوزەیرانی 2014 چەکدارانی رێکخراوی توندڕەوی داعش زۆربەی شارەکانی پارێزگاکانی نەینەوا، دیالە، سەڵاحەدین و ئەنباریان لە عێراق داگیر کرد.

ئێران لە کوردستانی رۆژهەڵات هێزی زیاتری سەربازی جێگری دەکات

^{بەرپرسان و ناوەندە سەربازییەکانی حکوومەتی ئێران، ماوەی زیاتر لە دوو مانگە بە بیانووی هێزی پێشمەرگە لە کوردستانی ڕۆژهەڵات، بەردەوام شار و گوندەکان میلیتاریزە دەکەن و هێزیکی زۆری سەربازییان لە بنکە و شارەکان جێگر کردووە.}

^{به‌پێی هه‌واڵی گەیشتوو میدیایی پارتەکانی کوردستانی ڕۆژهەڵات، سوپای پاسدارانی ئێران لە شاری شنۆ و پیرانشار، بەردەوام لە حاڵەتی ئامادەباشی دان و لە سەر جاددەی نێوان ئەو دوو شارە گەشتی پیادە ئەنجام دەدەن.}

^{بەپێی ئەو ڕاپۆرتە هێزەکانی سوپای پاسداران بەردەوام به‌ شێوه‌ی ئاماده‌باش هاتوچۆ ده‌که‌ن و ناوچەکە دەخەنە ژێر چاودێرییەوە.}

^{ڕەوتی میلیتاریزەکردن و هێنانی هێزی زۆری سەربازی و چەکوچۆڵ بۆ ناوچە سنوورییەکانی کوردستانی ڕۆژهەڵات بەردەوام لەلایەن سوپای پاسدارانەوە درێژەی هەیە و بەرپرسانی سوپاش بەردەوام باس لە گرتن و ئەمنییەتیکردنی سنووەرکان دەکەن، هەروەها حکوومەتی ئێران ماوە بە ماوە بە چڕی و بەربڵاوی مانۆڕی سەربازی بەڕێوە دەبات.}

^{حکوومەتی ئێران بە ناردنی چەکوچۆڵ لەلایەن ناوەندە ئەمنییەکانییەوە لە ماوەی ڕابردوودا بۆ شارەکانی کوردستانی ڕۆژهەڵات بەردەوام درێژەی هەبووە و ئێران سنوورەکانی کوردستانی بە جێگرکردنی هێزی سەربازی و چەکوچۆڵی قورس زیاتر ملیتاریزە کردووە.}

^{دوای جێگربوونی هێزەکانی پێشمەرگەی حیزبی دێموکراتی کوردستانی ئێران لە ماوەی یەک ساڵ و نیوی ڕابردوودا لە ناوچە سنوورییەکانی کوردستانی ڕۆژهەڵات و شەڕ و دەرگیرییەکانی هێزی پێشمەرگە لە شاری شنۆ و مەریوان حکوومەتی ئێران بەردەوام شار و ناوچە سنوورییەکان میلیتاریزە دەکات.}

^3/10/2016

ناشتنی شیمۆن پێرێز ناکۆکیی فەلەستینییەکان قوڵتر دەکاتەوە

^{مەراسیمی ناشتنی سەرۆکی پێشووی ئیسرائیل ناکۆکیی حزبە فەلەستینییەکان قوڵتر دەکات و ژمارەیەک سەرکردەش خۆیان لە بەشداریکردنی سەرۆک بێ بەریی دەکەن.}

^{هەرچەندە مەحموود عەباس، سەرۆکی دەسەڵاتی فەلەستین، سەرۆکی بزووتنەوەی فەتح‌یشە، بەڵام بەهۆی بەشداریکردنی لە مەراسیمی ناشتنیشیمۆن پێرێز، سەرۆکی پێشووی ئیسرائییل، ژمارەیەک سەرکردەی حزبەکەی خۆیان لەو بەشداریکردنە بێ بەریی دەکەن.}

^{هەردوو بزووتنەوە فەتح و حەماسی ئیسلامی بەردەوام ناکۆکییان هەبووە، بەڵام بەهۆی بەشداریکردنی مەحموود عەباس لەو مەراسیمە، ناکۆکییەکانیان قوڵتر بوونەتەوە و هەردوولا تۆمەتی خیانەت دەدەنە پاڵ یەکتر.}

^{ژمارەیەک میدیای عەرەبی و فەلەستینی باس لەوە دەکەن، کە چەکدارانی نەنسراو دەستڕێژی گوللەیان لە ماڵی سەرۆکی دەسەڵاتی فەلەستین کردووە، بەڵام لایەنە ئەمنییەکانی فەلەستین و ئیسرائیل ئەم دەنگۆیە رەت دەکەنەوە و بە درۆی دەزانن.}

^{رۆژی هەینی 30ـی ئەیلوولی 2016، بە بەشداریی دەیان سەرکردە و سەرۆکی وڵاتان، تەرمی سەرۆکی پێشووی ئیسرائیل لە گۆڕستانێکی شاری قودس بەخاک سپێردرا.}

^{سەرلەبەیانیی رۆژی 28ـی ئەیلوولی 2016، شیمۆن پێرێز، سەرۆکی پێشووی ئیسرائیل لە تەمەنی 93 ساڵیدا، لە نەخۆشخانەیەکی وڵاتەکەی گیانی لە دەست دا.}

^2/10/2016

ئیلام.. ژنێکی کورد بە دایکی نموونەی ئێران هەڵبژێردرا

^{ژنێکی کوردی دانیشتووی شاری "دەڕەشار"ی سەر بە پارێزگای ئیلام لەلایەن دامەزراوەی داکەوە ڕێز لە هەوڵ و تێکۆشانی گیرا و وەک دایکی نموونەی ئێران دەستنیشان کرا.}

^{بەپێی هەواڵی سەرچاوە خۆجێیەکانی ئیلام، دامەزراوەی دایک لە سێیەمین ساڵی دامەزراندنی خۆیدا ڕێزی لە ژنێکی نموونەی کورد بەناوی خەیری حەسوەند گرت.}

^{لەو ڕێوڕەسمەدا، خاتوو خەیری حەسوەند وەکوو ژنێکی نموونە کەلە بارودۆخی دژواری ژیاندا توانیویەتی 11 منداڵ پەروەردە بکات کە هەموویان خاوەنی بڕوانامەی باڵان.}

^{یەکێک لە کوڕەکانی خەیری، بەناوی حەسەن ڕەزا محەممەدی، یەکێک لە دکتۆرە بەناوبانگەکانی مێشک و دەمارە لە ئێران.}

^{ئەو ژنە ئیلامیە دانیشتووی گوندی "شێخ مەکان"ی سەر بە شاری دەڕەشارە و لەگەڵ 19 ژنی دیکە ڕێزیان لێ گیرا.}

^{لەو ڕێوڕەسمەدا کە کۆتایی هەفتەی ڕابردوو بەڕێوە چوو، گرووپی موسیقای ڕستاک لە شاری سنە چەند بەرهەمێکیان پێشکەش کرد.}

^{دامەزراوەی نێونەتەوەیی دایک وەکوو یەکێک لە دامەزراوە خەڵکییەکان ساڵی 2013 دەستی بە چالاکی کردووە.}

^{ئامانج لە دامەزراندنی ئەو دامەزراوە، دیاریکردنی جێگە و پێگەی دایکان لە پارێزگای فارس بووە و هەنووکە لە پارێزگاکانی دیکەی ئێرانیش لقی هەیە.}

^2/10/2016

سۆسیالیست: شاندەکەی کوردستان لە بەغدا بە ڕاشکاوانە داوای مافی چارەنووسی کوردیان کرد

^{حزبی سۆسیالیست دیموکراتیی کوردستان، جەختی لەوە کردەوە کە لە دیدارەکانی نێوان شاندی کوردستان لە بەغدا، بە ڕاشکاوانە باس لە مافی چارەنووسی گەلی کورد کراوە.}

^{بەپێی ڕاگەیاندراوێکی ئەو حزبە کە ئەمڕۆ یەکشەممە 2\10\2016 بڵاو کراوەتەوە، ئاماژە بەوە دراوە، سەردانی شاندەکەی هەرێمی کوردستان بۆ بەغدا، بە مەبەستی بەرەنگاربوونەوەی داعش و کۆتایی هێنان و چارەسەرکردنی کێشەکانی نێوان هەولێر و بەغدا، سەردانەکەی ئەنجام داوە.}

^{جەختیشی لەوە کردووەتەوە کە شاندەکە لە بەغدا بە ڕاشکاوانە باسی لە مافی چارەنووسی گەلی کورد کردووە. جگە لەوەی سەبارەت بە کێشەی بودجە و مووچەی فەرمانبەرانی هەرێمی کوردستانیش، بڕیار دراوە، چەندین لێژنە لە نێوان هەولێر و بەغدا بۆ چارەسەرکردنی ئەو گرفتانە پێک بهێندرێن. دەشڵێت: ”لە کۆتاییدا بڕیار لای بەغدایە“.}

^{ئەمەش دەقی ڕاگەیاندراوەکەیە:}

^{جەماوەری خۆڕاگری کوردستان ...}
^{پێشمەرگە ‌قارەمانەکان ....}
^{دوای ئەوەی ساڵانێکی زۆرە گەلانی عێراق لە دیکتاتۆریەت رزگاریان بوو قۆناغێکی نوێ دەستی پێکرد بە ئومێدی ئەوەی سەرجەم پێکھاتە و نەتەوەکان بە مافەرەواکانیان شادبن و عێراقێکی نوێ دروست بکرێت تیایدا ھەمو نەتەوەکان شەریکی راستەقینەبن لەو وڵاتەدا، بەڵام ئەوشەراکەتە وەک پێویست نەھاتەدی ئەوەش چەندین نەھامەتی وگرفتی بەدوای خۆیدا ھێنا وەک برینی بودجەی کوردستان و دروست بونی داعش و ململانی ناوخۆییەکان و ئاوارەبونی ھاووڵاتیان، کە گەلانی عێراق باجەکەیاندا، کوردستان لە دوای برینی بودجەکەی ژمارەیەکی زۆر ئاوارەی پێکھاتە جیاوازەکان روویان تێکردوو بوە بارگرانی، بۆیە لەسەرداوای لایەنە سیاسیەکانی کوردستان، بە مەبەستی بەرەنگاربونەوەی داعش و کۆتایھێنانی وچارەسەرکردنی کێشەکان ، شاندێکی ھەرێمی کوردستان بە سەرۆکایەتی بەرێز (مسعود بارزانی) و بەشداری زۆرینەی لایەنەسیاسیەکان ولە نێویاندا (حزبی سۆسیالست دیموکراتی کوردستان) سەردانی شاری (بغداد)یان کرد و چەندین دیداری تایبەت و بە کۆمەڵیان لەگەڵ سەرۆک وەزیران و لایەن و پێکھاتە جیاوازەکانی سونە و شیعە ئەنجام دا، کە گرنگی خۆی ھەبوو بە تایبەت دیداری تایبەتی ھەردوو بەرێزان (مسعود بارزانی) سەرۆکی ھەریمی کوردستان و بەرێز(حیدرعبادی ) سەرۆکی ئەنجومەنی وەزیرانی عیراق.}

^{(حزبی سۆسیالست دیموکراتی کوردستان) بە گرنگیەوە دەروانێتە ئە م سەردانە کە بووە ھۆی تواندنەوەی ئەو بەستەڵەکەی لە نێوان (ھەولێر و بغداد) دروست بوو، چونکە (بغداد) وێستگەیەکی گرنگە بۆ بە دەستھێنانی مافی چارەنوسی گەلەکەمان، لەم قۆناغەدا ھاوکاری و ھەماھەنگیی ھەردوولا بۆ بەرەنگاربونەوەی داعش و ڕزگارکردنی موسڵ پێویستە، بۆیە مەسەلەی مافی چارەنوسیی گەلەکەمان و کێشەی بودجە و موچەی فەرمانبەران و ئازادکردنی موسڵ و یاسای نەوت و گاز لەو تەوەرە گرنگانە بوون کە ‌شاندەکە گفتوگۆیان لە بارەوە کرد و (بغداد) بەسەرجەم پێکھاتە و لایەنە جیاوازەکانی لێک تیگەیشتنی باشیان ھەبوو، سەرەرای ئەنجامدانی کۆبوونەوەی ھاوبەش لە نێوان بەرپرسانی ھێزە چەکدارەکانی عێراق و بەرپرسانی ھێزی چەکداریی ھەرێمی کوردستان بۆ ئامادەسازی بۆ ئازادکردنی موسڵ و دانانی پلانی سەربازی.}
^{جەماوەری کوردستان ..}
^{سەردانی شاندەکە بەو پێکھاتەیە وێستگەیەکی تری خەبات و تێکۆشانە بۆ گەلەکەمان و ھەنگاونان بۆ چارەسەرکردنی کێشەکان و کۆتایی ھێنان بە نەھامەتییەکان و قورسی باری بژێوی ھاووڵاتییان و بەدەستھێنانی مافە نیشتمانی و نەتەوەییەکان، کە تیایدا شاندەکەی کوردستان بە ڕاشکاوانە داوای مافی چارەنوس گەلی کوردیان کرد کە ‌پێشتر باسکردنیشی بە جۆرێک لە جۆرەکان قەدەغە بوو، ‌گفتوگۆی لە بارەوە کرا، بە جۆرێک کە عێراق بە شێوازێکی نوێ بەرێوەبچێت و شەراکەتی ڕاستەقینەی تیادا بەرجەست بێت یان ھەردوولا ببنە دوو دراوسێی و بە ئاشتی پێکەوە ‌لە ناوچەکەدا بژین، بۆ بەدواداچون ودۆزینەوەی میکانیزمی گونجاوبریاروایە چەندین لیژنەی ھاوبەش لە نێوان حکومەتی ھەرێم و بغداد کوببنەوە، دەرەنجامی کۆتای لای حکومەتی (بغداد)ە و کاریگەری دەبێت لە سەر ئایندەی عێراق، بۆیە جەماوەری کوردستان دڵنیا دەکەینەوە کە حزبی سۆسیالست دیموکراتی کوردستان ھەموو رێگایەک دەگرێتەبەر بۆ بەدەستھێنانی مافی گەلەکەمان و پێشمەرگە و دڵسۆزی گەلەکەمان دەبین بۆ کۆتایی ھێنان بە نەھامەتییەکان، ئومێدەوارین ئە م سەردانە ببێتە ھۆی یەکڕیزیی زیاتر و سەرکەوتنی زیاتر بۆ گەلەکەمان و کۆتایی ھێنان بە کێشە و گرفتەکان.}
^{- سەرکەوتوبێت خەباتی رەوای گەلەکەمان.}

^{حزبی سۆسیالست دیموکراتی کوردستان}

^2/10/2016

“کۆماری ئیسلامیی ئێران لە ئاستێکی باڵادا پێشوازی لە بارزانی دەکات”

^{بەرپرسی پەیوەندییەکانی نێوان هەرێمی کوردستان و کۆماری ئیسلامیی ئێران، ئەوەی ئاشکرا کرد کە هێشتا وادەی سەردانەکەی سەرۆکی هەرێمی کوردستان بۆ ئێران داری نەکراوە.}

^{ئێوارەی دوێنێ شەممە 1\10\2016، (باسنیوز) هەواڵی ماڵپەڕێکی نزیک لە وەزارەتی دەرەوەی ئێرانی بڵاو کردەوە کە تێیدا ڕای گەیاندبوو، لە ڕۆژانی 12 و 13ی ئەم مانگەدا، سەرۆکی هەرێمی کوردستان سەردانی تاران دەکات. لە بەرامبەردا عەبدوڵا ئاکرەیی، بەرپرسی پەیوەندییەکانی هەرێمی کوردستان و کۆماری ئیسلامیی ئێران، بە (باسنیوز)ی ڕاگەیاند: “کاتی سەردانەکەی بارزانی بۆ ئێران دیاریکراو نییە، بەڵام لە ئایندەیەکی نزیکدا ئەو سەردانە ئەنجام دەدرێت، چونکە لە بەرنامە دانراوە”.}

^{ئاکرەیی جەختی لەوە کردەوە کە بە گشتی، سەردانەکەی بارزانی بۆ ئێران، گرنگە، چونکە: “بارزانی لە ساڵی 2009 دوایین سەردانی بۆ ئێران ئەنجام داوە، بۆیە دەبووایە زووتر ئەم سەردانە ئەنجام بدرێت، بەڵام دیارە کاتەکەی گونجاو نەبووە”. ڕوونیشی کردەوە کە ئێران دراوسێی هەرێمی کوردستانە و پەیوەندیی ستراتیژییان لە نێواندا هەیە.}

^{بەرپرسی پەیوەندییەکانی نێوان هەرێمی کوردستان و ئێران ئەوەشی ئاشکرا کرد: “دەچێتە پەرلەمانی ئێران و لەگەڵ فیدراسیۆنە کوردییەکانی پەرلەمانی ئێران کۆدەبێتەوە". دووپاتیشی کردەوە: “لە ئاستێکی زۆر باڵادا ئێران پێشوازی لە بارزانی دەکات”.}

^2/10/2016

سه‌رۆكى هه‌رێمى كوردستان له‌ گه‌ڵ سه‌رۆكى حكوومه‌تى هه‌رێم، له‌ 12 و 13ى تشرینی یه‌كه‌مى 2016 له‌ چوارچێوه‌ى باشتركردنى په‌یوه‌ندییه‌كان به‌ بانگهێشتى فه‌رمى سه‌ردانى تاران ده‌كه‌ن.

مالپه‌ڕى "ئه‌لوه‌قت"ى نزیك له‌ وه‌زاره‌تى ده‌ره‌وه‌ى ئێران، له‌سه‌ر زارى به‌رپرسێكى وه‌زاره‌ته‌كه‌ بڵاوی كرده‌وه‌، مه‌سعود بارزانى، سه‌رۆكى هه‌رێمى كوردستان و نێچیرڤان بارزانى، سه‌رۆكى حكوومه‌تى هه‌رێم، له‌ 12 و 13ى تشرینی یه‌كه‌م، به‌ سه‌ردانێكى فه‌رمى ده‌گه‌نه‌ تاران.

ڕوونی كردووه‌ته‌وه‌، كه‌ سه‌ردانه‌كه‌ بۆ تاوتوێكردنى په‌یوه‌ندییه‌ دوو قۆڵییه‌كان و گفتوگۆكردنه‌ له‌ باره‌ى پرسه‌ ئابورى و سیاسیی و ئه‌منییه‌كان له‌گه‌ڵ به‌رپرسانى ئێران.

هه‌روه‌ها وه‌ك ماڵپه‌ڕه‌كه‌ بڵاوی كردووه‌ته‌وه‌، هه‌ردوولا تاوتوێی هه‌وڵه‌كان بۆ له‌ناوبردنى تیرۆر به‌ تایبه‌تى داعش و شه‌ڕى چاوه‌ڕوانكراوى موسڵ، ده‌كه‌ن.

سه‌ردانه‌كه‌ى سه‌رۆكى هه‌رێمى كوردستان و سه‌رۆكى حكوومه‌ت، دواى سه‌ردانى بارزانى و شاندى یاوه‌رى دێت بۆ به‌غدا و كۆبوونه‌وه‌یان له‌گه‌ڵ حه‌یده‌ر عه‌بادى، سه‌رۆكى حكوومه‌ت و به‌رپرسانى باڵاى سیاسی، كه‌ زۆرێك له‌ چاودێرانى سیاسی و ئه‌ندامانى شانده‌كه‌ى هه‌رێم، سه‌ردانه‌كه‌ به‌ سه‌ركه‌وتوو، وه‌سف ده‌كه‌ن.

بۆ راکێشانی دەنگی خەڵك روحانی شاندێک دەنێرێتە سنە

^{حەسەن روحانی، سەرۆككۆماری ئێران شاندێکی ناردووەتە پارێزگای سنە بۆ راكێشانی دەنگی هاونیشتمانیانی شارەكە لە هەڵبژاردنی ساڵی داهاتووی سەرۆكایەتی ئێران و نوێنەری سنەش دەڵێت، ئەگەری کەمبوونەوەی دەنگی روحانی لە کوردستان هەیە.}

^{بەپێی زانیارییەکانی تۆڕی میدیایی رووداو، شاندەکەی حەسەن روحانی لەگەڵ ژمارەیەک چالاکڤانانی سیاسی و کۆمەڵایەتی رۆژهەڵاتی کوردستان کۆبوونەتەوە و پێیان راگەیاندوون لە خولی داهاتووی سەرۆککۆماریدا، روحانی بەڵێنەکانی بۆ خەڵکی کوردستان جێبەجێ دەكات. لە بەرامبەریشدا داوایان لێکردوون هانی خەڵک بدەن دەنگ بە رۆحانی بدەن.}

^{نوێنەری سنە لە پەرلەمانی ئێران بە (تۆڕی میدیایی رووداو)ی راگەیاند، کابینەی روحانی لە کوردستان کارنامەیەکی درەوشاوەی نییە و لە خولی داهاتوودا دەنگەکانی لە کوردستان کەم دەکات.}

^{ئەحسەن عەلەوی، نوێنەری سنە لە پەرلەمانی ئێران داواش دەکات، حکومەت گرنگی بە کوردستان بدات.}

^{هاوكات حامید فەرازی، چالاڤانی سیاسی بۆ رووداو دەڵێت، بەڵێنەکانی روحانی لەبارەی مافی پێکهاتەکان جێبەجێ نەکراون و گرنگی بە رەوتی مەدەنی نەدراوە.}

^{فەرازی دەشڵێت، خەڵکی کوردستان چاوەڕێبوون كابینەی روحانی لەبەرامبەر لایەنی پاوانخوازی دەسەڵات خۆڕاگربێت و باری کێشە ئابوورییەکانیان سوکبکات، بەڵام بە وەستای قسان و کۆڵەواری دەستانیان بینیوە.}

^1/10/2016

فه‌رمانده‌ى سوپاى ئه‌لیكترۆنى ئێرانی كوژرا

^{سه‌رچاوه‌یه‌كى ئاگادار، ڕاى ده‌گه‌یه‌نێت، فه‌رمانده‌ى پێشووى "سوپاى ئه‌لیكترۆنى" له‌ وه‌زاره‌تى هه‌واڵگرى ئێرانى، محه‌مه‌دحه‌سه‌ن تاجیك، پێش دوو مانگ له‌ناو ماڵه‌كه‌ى خۆیدا به‌ تۆمه‌تى ئه‌وه‌ى سیخوڕى كردووه‌، له‌لایه‌ن ده‌سه‌ڵاتدارانى ئێرانه‌وه‌، به‌سه‌رپه‌رشتى باوكى خۆى، كوژرا.}

^{تاجیك (35 ساڵ)، جگه‌ له‌وه‌ى فه‌رمانده‌ى سوپاى ئه‌لیكترۆنى بوو له‌ وه‌زاره‌تى هه‌واڵگرى، هاوكات پۆستى به‌ڕێوه‌به‌رى فه‌رمانگه‌ى ته‌كنیكی له‌ هه‌مان وه‌زاره‌تدا به‌ده‌سته‌وه‌ بوو، هه‌روه‌ك ئه‌ندامى هه‌واڵگرى سوپاى پاسداران بوو، هه‌روه‌ها ئه‌ندامى هه‌واڵگرى بوو له‌ "فه‌یله‌قى قودس" كه‌ ڕاسپێردراون بۆ ئۆپه‌راسیۆنه‌كانى سوپای پاساداران له‌ ده‌ره‌وه‌ى ئێران.}

^{سه‌رچاوه‌یه‌كی نزیك له‌ به‌رپرسه‌ كوژراوه‌كه‌، به‌ ماڵپه‌رى "عه‌ره‌بییه‌ نێت"ـى ڕا گه‌یاند :" تاجیك ئێواره‌ى 7ى ته‌مووزى 2016 له‌سه‌ر ده‌ستى ئه‌ندامانى یه‌كینه‌كانى "ئۆپه‌راسیۆنه‌كان" و "كارووبارى ناوخۆیی" به‌ ئاماده‌بوونى باوكى و یه‌كێك له‌ فه‌رمانبه‌رانى وه‌زاره‌تى هه‌واڵگرى، كوژرا".}

^{به‌ گوته‌ى سه‌رچاوه‌كه‌، " محه‌مه‌د تاجیك، باوكى كوژراوه‌كه‌ یه‌كێكه‌ له‌ گه‌وره‌ فه‌رمانبه‌ره‌ دێرینه‌كان له‌ هه‌واڵگرى، كه‌ نازناوى (حاجى وه‌لى) پێ درابوو، ڕۆڵێكى گرنگیشى هه‌بوو له‌ "زنجیری كوشتنه‌كان" كه‌ تیایدا ژماره‌یه‌ك ڕۆشنبیر و چالاكوان و نووسه‌ر و ڕۆژنامه‌نووس له‌ نه‌وه‌ده‌كانى سه‌ده‌ى ڕابردوو، كوژران".}

^{ئاماژه‌ى به‌وه‌ش دا، كه‌ باوكى كوژراوه‌كه‌ له‌ سه‌رده‌مى محه‌مه‌د خاته‌مى، له‌ پۆسته‌كه‌ى دوور خرایه‌وه‌، به‌ڵام دووباره‌ له‌ سه‌رده‌مى ئه‌حمه‌دى نه‌ژاد، گه‌ڕێندرایه‌وه‌ بۆ سه‌ر كاره‌كه‌ى و هه‌ر خۆى سه‌رپه‌رشتى كوشتنى كوڕه‌كه‌ى خۆى كردووه‌، كه‌ له‌ سه‌ر داواى خۆى له‌ هه‌واڵگرى دامه‌زرێندرا".}

^{پێشتر محه‌مه‌د حسێن تاجیك، له‌ مانگى ئابى ساڵى 2013 تۆمه‌تى سیخوڕى درابووه‌ پاڵى، له‌سه‌ر ئه‌و تۆمه‌ته‌ له‌لایه‌ن وه‌زاره‌تى هه‌واڵگرییه‌وه‌ ده‌ستگیر كرا، به‌و هۆیه‌وه‌ ساڵ و نیوێك له‌ ژێر ئه‌شكه‌نجه‌داندا له‌ گرتووخانه‌ى "ئیڤین" هێڵرایه‌وه‌، پاشان به‌ كه‌فاله‌تى باوكى، ئازاد ده‌كرێت.}

^1/10/2016

په‌رله‌مانتارێكى شیعه‌ ئاشكراى ده‌كات: له‌ به‌غدا ڕێككه‌وتن له‌سه‌ر ڕاگه‌یاندنى ده‌وڵه‌تى كوردستان كرا

^{ئه‌ندامێكى ئه‌نجوومه‌نى نوێنه‌رانى عێراق، چه‌ند ڕێككه‌وتنێكى نهێنى نێوان شانده‌كه‌ى هه‌رێم و به‌غدا ئاشكرا ده‌كات و ڕای ده‌گه‌یه‌نێت، له‌ نێو ڕێككه‌وتنه‌ نهێنییه‌كاندا، ڕاگه‌یاندنى ده‌وڵه‌تى كوردى هه‌یه‌.}

^{محه‌مه‌د تائى، ئه‌ندامى سه‌ربه‌خۆ له‌ ئه‌نجوومه‌نى نوێنه‌رانى عێراق، له‌ ڕاگه‌یه‌ندراویكیدا كه‌ له‌ پێگه‌ى تایبه‌تى خۆى له‌ تۆڕى كۆمه‌ڵایه‌تى (فه‌یس بووك) بڵاوی كرده‌وه‌، ڕاى گه‌یاند :" سه‌ردانه‌كه‌ى مه‌سعود بارزانى، سه‌رۆكى هه‌رێمى كوردستان و شانده‌ یاوه‌ره‌كه‌ى بۆ به‌غدا، ڕێككه‌وتنى نهێنى له‌ خۆ ده‌گرێت".}

^{ئاشكراشی كرد، كه‌ یه‌كێك له‌و ڕێككه‌وتنه ڕانه‌گه‌یه‌ندراوانه‌، ڕێككه‌وتنه‌ له‌سه‌ر "ده‌وڵه‌تى كوردستان" و ڕاگه‌یاندنى ئه‌و ده‌وڵه‌ته‌ به‌ پێی سازانى نێوان لایه‌نه‌ سیاسییه‌ نوێیه‌كان و مه‌رجه‌ نوێیه‌كان و به‌رژه‌وه‌ندییه‌كان، ده‌بێت.}

^{ئه‌و په‌رله‌مانتاره‌، كه‌ پێشتر ئه‌ندامى فراكسیۆنى "مواتن"ى سه‌ر به‌ ئه‌نجوومه‌نى باڵاى ئیسلامی به‌ سه‌رۆكایه‌تى عه‌مار حه‌كیم بوو، به‌ڵام له‌ ساڵى 2015 له‌ فراكسیۆنه‌كه‌ كشایه‌وه‌، ڕاشی گه‌یاند :" له‌ نێو ڕێككه‌وتنه‌كاندا، هه‌وڵدان بۆ پێكهێنانى هاوپه‌یمانێتییه‌كى نوێ له‌ نێوانى پارتى دیموكراتى كوردستان و چه‌ند لایه‌نێكى نێو هاوپه‌یانى نیشتمانى هه‌یه‌، وه‌ك ئه‌نجوومه‌نى باڵاى ئیسلامی، حزبى ده‌عوه‌ (باڵى عه‌بادى)، له‌گه‌ڵ ڕه‌وتى سه‌در، به‌ڵام به‌ مه‌رج".}

^{له‌ نێو ڕێككه‌وتنه‌كاندا، داواى گره‌نتى كراوه‌ به‌وه‌ى له‌یه‌كه‌م قۆناغدا به‌شێك له‌ بودجه‌ى هه‌رێمى كوردستان خه‌رج بكرێت، سه‌ربارى ئه‌وه‌ى (یه‌كێتى و گۆڕان) ناڕازین، هه‌روه‌ها سه‌ربارى ناڕازی بوونى حزبه‌كانى دیكه‌ى نێو هاوپه‌یمانى نیشتمانى شیعه‌".}

^{هاوكات باسى له‌وه‌ش كرد، كه‌ ڕێككه‌وتن له‌سه‌ر ئه‌وه‌ش كراوه‌، نامه‌یه‌ك بۆ هێزه‌كانى دیكه‌ (ئه‌وانه‌ى ره‌خنه‌ ده‌گرن) و ئه‌وانه‌ش كه‌ " ئۆپۆزسیۆن)ـن، بنێردرێت، كه‌ هاوپه‌یمانێتییه‌ نوێیه‌كه‌ كاریگه‌رى ده‌بێت له‌سه‌ر هاوكێشه‌ و مه‌رج و له‌یه‌ك تێگه‌یشتنه‌ نوێیه‌كان.}

^{مه‌سعود بارزانى، سه‌رۆكى هه‌رێمى كوردستان، به‌ یاوه‌رى شاندێك گه‌یشتنه‌ به‌غدا و له‌ یه‌كه‌م وێستگه‌ى سه‌ردانه‌كه‌دا، له‌ گه‌ڵ حه‌یده‌ر عه‌بادى، سه‌رۆكى حكوومه‌تى عێراقی فیدڕاڵ و دواتر له‌ گه‌ل لایه‌ن و به‌رپرسه‌ سیاسییه‌كانى دیكه‌، كۆبوونه‌وه‌.}

^1/10/2016

محەممەد حاجی مەحموود: ئەوەی جاران باسکردنی قەدەخەبوو ئەمجارە، باسمانکرد

^{محەممەدی حاجی مەحموود، سکرتێری حزبی سۆسیالیست دیموکراتی کوردستان و ئەندامی شاندی هەرێمی کوردستان لە بەغدا، رایگەیاند: "ئەوەی جاران لە کۆبوونەوەکاندا قەدەخەبوو باس بکرێت، ئەمجارە شاندەکەی هەرێمی کوردستان لەگەڵ بەرپرسانی بەغدا باسیانکرد".}

^{محەممەد حاجی مەحموود، سکرتێری حزبی سۆسیالیست دیموکراتی کوردستان سەبارەت بە پرسی سەربەخۆیی و هەڵوێستی لایەنی عێراقی بە(تۆڕی میدیایی رووداو)ی راگەیاند: "بەرپرسانی باڵای عێراق گوتیان ئەگەر گونجاین ئەوە لە یەک وڵاتدا پێکەوە دەبین و ئەگەر نەتوانرا لەگەڵ هەرێمی کوردستان لەیەک وڵاتدا پێکەوە کاربکەین، دەتوانرێت هەولێر و بەغدا دراوسێیەکی باشبن".}

^{محەممەد حاجی مەحموود لەبارەی ناوەڕۆکی کۆبوونەوەکان و داواکارییەکانی شاندی هەرێمی کوردستان، گوتی: "هاتنی شاندەکە و جەنابی سەرۆکی هەرێمی کوردستان لەم کاتەدا گرنگی تایبەتی خۆی هەبوو، کۆبوونەوەکان کۆبوونەوەی چڕوپڕ بوون و هەموو شتێکمان باسکردووە لە سەربەخۆییەوە تاوەکو یارمەتی پێشمەرگە و مووچە و بودجەی هاونیشتمانیان".}

^{ئەندامی شاندی هەرێمی کوردستان بۆ بەغدا گوتیشی: "ئەوان تێگەیشتنیان هەبوو و بۆچوونەکان لەیەک نزیک بوون، بەڵام ئەمانەی ئێستا تەنیا کردنەوەی دەرگاکە بوو بۆ ئەوەی هەنگاوی باشتری بەدواوە بنێین و هەموو ئەمانە لیژنەی بۆ پێکدەهێندرێت و لیژنەکان چاودێری دەکەن و بەدواداچوونی بۆ دەکەن".}

^30/9/2016

شیمۆن پێرێز نهێنیی بۆردومان نەکردنی ئێران ئاشکرا دەکات

^{سەرۆک کۆماری پێشووی ئیسرائیل وەسیەتی کردبوو دوای مردنی خۆی، نهێنیی بۆردومان نەکردنی ئێران لەلایەن وڵاتەکەیەوە ئاشکرا بکرێ.}

^{رۆژنامەی (ئۆرشەلیم پۆست)ی ئیسرائیلی ناوەڕۆکی چاوپێکەوتنێکی شیمۆن پێرێز، سەرۆک کۆماری پێشووی ئیسرائیل لەگەڵ رۆژنامەکە بڵاو کردووەتەوە، کە لە مانگی ئابی 2014 لەگەڵی ئەنجام درابوو.}

^{رۆژنامەکە بڵاوی کردووەتەوە، کە شیمۆن پێرێز ئەوکات رایگەیاند، کە ئەو زانیارییە دوا کۆچی دوایی ئەو بڵاو بکەنەوە، کە ئەو رێگر بووە لەوەی بنیامین نەتەنیاهۆ، سەرۆک وەزیرانی ئیسرائیل بڕیاری بۆردومان کردنی ئێران بدات.}

^{هەروەک ئەو رۆژنامەیە بڵاوی کردووەتەوە، سەرۆک کۆماری پێشووی ئیسرائیل هۆکاری رێگریکردن لە بۆردومانکردنی ئیرانی بۆ ئەوە گێڕاوەتەوە، کە ”کارەسات لە ناوچەکە دەقەومێت“.}

^{سەرلەبەیانیی رۆژی چوارشەممە 28ـی ئەیلوولی 2016، شیمۆن پێرێز، سەرۆکی پێشووی ئیسرائیل لە تەمەنی 93 ساڵیدا، لە نەخۆشخانەیەکی وڵاتەکەی گیانی لە دەست دا.}

چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

په‌یوه‌ندی راسته‌وخۆ

گه‌ڕان

لە مەهاباد ناوی دووکان و شوێنە گشتییەکان دەکرێنە کوردی

سەرۆكایەتیی هەرێمی كوردستان: دامودەزگاکان ئامادەن یارمەتیی قوربانیانی تەقینەوەکەی حەسەکە بدەن

لە کوردستانەوە دوو شاند سەردانی بەغدا دەکەن

مووسڵ.. رادیۆی داعش بۆردومان دەکرێت

ئەردۆغان: مووسڵ تەنها بۆ عەرەب و کورد و تورکمانە سوننەکانە

ئێران لە کوردستانی رۆژهەڵات هێزی زیاتری سەربازی جێگری دەکات

ناشتنی شیمۆن پێرێز ناکۆکیی فەلەستینییەکان قوڵتر دەکاتەوە

ئیلام.. ژنێکی کورد بە دایکی نموونەی ئێران هەڵبژێردرا

سۆسیالیست: شاندەکەی کوردستان لە بەغدا بە ڕاشکاوانە داوای مافی چارەنووسی کوردیان کرد

“کۆماری ئیسلامیی ئێران لە ئاستێکی باڵادا پێشوازی لە بارزانی دەکات”

بۆ راکێشانی دەنگی خەڵك روحانی شاندێک دەنێرێتە سنە

فه‌رمانده‌ى سوپاى ئه‌لیكترۆنى ئێرانی كوژرا

په‌رله‌مانتارێكى شیعه‌ ئاشكراى ده‌كات: له‌ به‌غدا ڕێككه‌وتن له‌سه‌ر ڕاگه‌یاندنى ده‌وڵه‌تى كوردستان كرا

محەممەد حاجی مەحموود: ئەوەی جاران باسکردنی قەدەخەبوو ئەمجارە، باسمانکرد

شیمۆن پێرێز نهێنیی بۆردومان نەکردنی ئێران ئاشکرا دەکات

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM