<sup>ئەندامێکی کۆمیتەی ناوەندیی حزبی دیموکراتیی کوردستان(حدک) ئاماژەی بەوە کرد، واز لە بابەتی تەقینەوەکەی کۆیە ناھێنن و هێزەکانی خۆیان بۆ دۆزینەوەی ئەنجامدەری سەرەکیی تەقینەوەکانی کۆیە خستووەتە ئامادەباشییەوە.

دوای ئەوەی دەزگای ئاسایشی ھەرێمی کوردستان لە ڕوونکردنەوەیەکدا ئەوەی ئاشکرا کرد، دوو تۆمەتباری تەقینەوەکانی شەوی ٢٠ لەسەر ٢١\١٢\٢٠١٦ی نزیک بارەگای حیزبی دیموکراتیی کوردستان (حدک) لە شاری کۆیە، بەبڕیاری سەرۆکی دەزگای ئاسایشی ھەرێمی کوردستان، دەستگیر کراون، بەڵام ئەنجامدەری سەرەکیی ڕووداوەکە هەرچەندە ئاشکرا کراوە، دەستگیر نەکراوە و هەڵاتووە.

لەمبارەیەوە ئیبراھیم زێوەیی، ئەندامی کۆمیتەی ناوەندیی حدک بە (باسنیوز)ی ڕاگەیاند: ”ئێمە چاوەڕوانی ھەڵوێستی دەفتەری سیاسیی حدک دەکەین، تائێستا ھیچ ھەڵوێستێکیان نەبووە، بەڵام چاوەڕوانین بەدواداچوون بکەن“. ئەوەشی ڕوون کردەوە: ”دەبێت دەفتەری سیاسی کۆببێتەوە و ڕێنمایی بدات بە ئێمە، ھەم لە سلێمانی و لە شوێنەکانی دیکە، بەڵام بەدڵنیاییەوە ئێمە واز ناھێنین تا بکەری سەرەکیی تەقینەوەکە ئاشکرا دەکەین".

ئەو ئەندامەی کۆمیتەی ناوەندیی حدک جەختی لەوە کردەوە: "لەئاستی دەزگا ئەمنییەکانی خۆمان، بەدواداچوون بۆ ئەو کەیسە دەکەین و ڕێگا نادەین بە سانایی تێپەرێت، بۆیە هێزەکانی خۆمان خستووەتە ئامادەباشییەوە".
پێشتر بەرپرسانی حدک ئەوەیان ڕاگەیاندبوو کە ئەوان ئەنجامدانی تەقینەوەکانی بەردەم بارەگای حدک لە کۆیە، بە کاری کۆماری ئیسلامیی ئێران دەزانن.</sup>

^27/12/2016

بەپێی هەواڵی ماڵپەڕی سەرەکیی "جەماعەتی دەعوەت و ئیسڵاح" لە کوردستانی ڕۆژهەڵات، دوو ڕۆژە لەمەوبەر مامۆستایەکی ئایینی و وانەبێژی زانستە ئاینییەکانی قوتابخانەی سەلاحەدین ئەیووبی دەستگیر کراوە.

عه‌بدولعه‌زیز عه‌بدی ناسراو بە (مامۆستا ڕه‌زا) له‌ زانایانی بەناوبانگی ئەھلی سوننه‌ت له‌ پارێزگای ورمێ و مامۆستایی وانه‌بێژ له‌ قوتابخانەی زانستە ئایینییەکانی سەلاحەدین ئەییوبیی شاری ورمێییە کە بە حوکمی دادگای تایبەت بە مامۆستایانی ئایینی، لە شاری تەورێز دەستگیر کراوە.

بەپێی ڕاپۆرتی ماڵپەڕی (ئیسلاح وێب) ئەو مامۆستا ئایینییە ماوەی دوو ساڵ لەمەوبەریش جار ڕووبەڕووی تۆمه‌تی جۆراوجۆر کرایە‌وه‌ کە سەرەنجام لەلایەن دادگای تایبەت بە مامۆستایانی ئایینیی شاری تەورێزەوە، حوکمی شەش مانگ زیندان و دوو ساڵ دوورخستنەوە لە دەرەوەی شاری ورمێی بەسەریدا سەپا.

ھەرچەند بەھۆی پێداگریییەوە دەکرا حوکمی بێ‌تاوانییەکەی ڕابگەیەندرێ، بەڵام لە بەشی پێداچوونەوە بە حوکمەکەی لەلایەن دادگای «پێجاچوونەوە»وە ديسانه‌وه حوکمی دادگای سەرەتایی پەسند کراو و ڕێکەوتی 2016 -12- 25 لە شاری تەورێز قۆلبەست کراوە.

ئەم مامۆستا ئایینییە ڕۆڵێکی کاریگەری لە ھێوەرکردنەوەی ڕوانگەی توندوتیژی بووە و ھەروەھا بۆ بەھێزکردن و پتەوکردنی برایەتی و دووری لە شەڕاژۆیی نەتەوەیی و ئایینی ڕۆڵێکی کەم وێنەی بووە و لەم بوارەدا خزمەتێکی زۆری پێشکەش بە لایەنی ئیسلامی میانڕه‌و کردووە.

مامۆستا ڕەزا عەبدی 63 ساڵ تەمەنییەتی و ساڵانێکی زۆر لە تەمەنی خۆی لە ڕێگای خزمەت بە زانستە ئایینیەکان، پێشنوێژی و خوتبەی ئایینی بەسەر بردووە.

27/12/2016

<sup>سەرکردەیەکی ئۆپۆزیسیۆنی ناوخۆیی ئێران، کە زانایەکی ناسراوی مەزهەبی شیعەیە، دەست لەکار کێشانەوەی خۆی راگەیاند.

لە نامەیەکدا، کە ماڵپەڕی فەرمیی حزبەکەی بڵاو کراوەتەوە، مەهدی کەڕوبی، سەرۆکی پارتی ئیعتیمادی میللیی ئێرانی دەست لەکار کێشانەوەی خۆی لە پۆستی سەرۆکایەتیی حزبەکەی، راگەیاندووە.

مەهدی کەڕوبی زانایەکی ئایینیی مەزهەب شیعە و یەکێکە لەسەرکردەکانی بزووتنەوەی سەوزی ئۆپۆزیسیۆنی ئێرانی، کە داوای ریفۆرم و چاکسازی لە رژێمی وڵاتەکەیان دەکەن.

ئەو سەرکردە ئێرانییە لە دوای سەرنەکەوتنی لە هەڵبژاردنەکانی سەرۆکایەتیی کۆماری ئیسلامیی ئێران، کە تێیدا رکابەریی مەحمود ئەحمەدینەژادی سەرۆکی پێشووی ئێرانی دەکرد، خراوەتە ژێر چاودێریی و لە ماڵەکەی خۆیدا دەستبەسەر کراوە.</sup>

^27/12/2016

^{حكومەتی عێراق هێزه‌كانی پاسه‌وانی سنووری خۆی لە نێوان عێراق و ئێران لاده‌بات و پاسه‌وانی سنووری وڵاتانی دیکەی دراوسێ به‌هێز ده‌كات.}

^{به‌پێی سه‌رچاوه‌یه‌ك بۆ ڕۆژنامەی (ئەلعەرەبی ئەلجەدید)، حكومەتی عێراق پلانی داناوە بۆ كێشانه‌وه‌ی پاشماوه‌ی ئه‌و هێزانه‌ی كه‌ پاسه‌وانی سنووری نێوان عێراق و ئێران ده‌كه‌ن، چونكه‌ حكومه‌تی عێراق پێی وایه‌ پێویست به‌بوونی پاسه‌وانی سنوور ناكات له‌و ناوچانه‌، له‌ كاتێكدا ئێران زۆرترین هێزی سه‌ربازیی خۆی له‌و ناوچه ‌سنوورییانه‌ بڵاو كردووەتەوه‌ به‌ درێژایی نزیكه‌ی (1450) كیلۆمەتر.}

^{ئامانجی حكومه‌تی عێراقی له‌م هه‌نگاوه‌ سوودوه‌رگرتنه‌ له‌و پاسه‌وانانه‌ی سنوور به‌ گواستنه‌وه‌یان بۆ ناوچه‌ سنوورییه‌كانی دیکەی عێراق له‌گه‌ڵ پێنج وڵاته‌ دراوسێكه‌ (توركیا، سووریا، ئوردن، سعودیه‌ و كوێت).}

^{هه‌ر به‌پێی سه‌رچاوه‌كه‌، له‌ سه‌ردانه‌كه‌ی عەقیل خەزعەلی بریکاری وەزارەتی ناوخۆی عێراق بۆ هه‌ولێر له‌ سه‌ره‌تای ئه‌م مانگه‌دا، به‌ به‌رپرسانی حكومه‌تی هه‌رێمی كوردستانی ڕاگه‌یاندووه‌ كه‌ بوونی پاسه‌وانانی سنوور له‌ ناوچه‌ سنوورییه‌كانی له‌گه‌ڵ ئێراندایه‌، هیچ سوودێكی نییه‌ و ئه‌ركێكی زیاده‌یه‌، هه‌روه‌ها پێی ڕاگه‌یاندوون كه‌ حكومه‌تی عێراقی پلانی هه‌یه‌ بۆ كشاندنه‌وه‌ی پاسەوانانی سنوور له‌و ناوچه‌یه‌ و به‌جێهێشتنی ئه‌ركی چاودێریكردنی سنووره‌كه‌ به‌ ته‌نها بۆ ئێران. له‌گه‌ڵ ئه‌وه‌ی نزیكه‌ی زیاتر له‌ %55ی سنووری نێوان هه‌ردوولا به‌ ته‌واوی به‌ ده‌ست ئێرانه‌وه‌یه‌ و هیچ سه‌ربازێكی عێراقی لێ نییه‌.}

^{بریکاری وەزارەتی ناوخۆی عێراق ڕایگه‌یاندووه‌ به‌ ڕێنمایی حكومه‌تی عێراقی یه‌كه‌كانی پاسه‌وانی سنووری نێوان عێراق و ئێران ده‌گوازرێنه‌وه‌ و ئه‌و سنووره‌ به‌بێ پاسه‌وان ده‌هێڵنه‌وه‌، چونكه‌ ئێران دوژمن نییه‌ و نایانه‌وێ پاسه‌وان له‌و سنووره‌ دابنێن.}

^{چاودێرانی سیاسی لابردنی پاسه‌وانی سنوور له‌ ناوچه ‌سنوورییه‌كانی نێوان ئێران و عێراق به‌ مه‌ترسی ده‌زانن و ئه‌مه‌ش به‌ ده‌رگایه‌ك و هه‌نگاوێكی مه‌ترسیدار داده‌نێن له‌باره‌ی دۆسیه‌ی ماده‌ هۆشبه‌ره‌كان و هەڵاتنی داواكراوانی یاسایی و تاوانبارانی ئه‌منی و زیادبوونی دیارده‌ی بەتاڵانبردنی كه‌لوپه‌ل.}

^26/12/2016

لە بەدواداچوونێكی تۆڕی میدیایی رووداو بۆ سووتانی سەروین، زانیاری نوێ‌ ئاشكرا دەبێت و خزمێكی سەروین دوا قسەی ئەو كچە تەمەن 22 ساڵە لە نەخۆشخانە ئاشكرا دەكات، باوكیشی دەڵێت، بە كچەكەی نەگوتووە دژی ئەو هاوسەرگیرییەیە، تەنیا داوای پێدانی دەرفەتی كردووە.

کوڕە پورێكی سەروین (كچە 22 ساڵانەكەی شارۆچكەی بلێ)‌ ئاشكرای دەكات، سەروین لە نەخۆشخانە پێی گوتووە، نیازی خۆسووتاندنی نەبووە، بەڵكو ویستوویەتی لەو رێگەیەوە فشار بخاتە سەر خانەوادەكەی بۆ ئەوەی خۆی هاوژینی ژیانی دیاری بكات.

بەگوتەی هیڤیدار داود، کوڕی پوری سەروین، كە لە نەخۆشخانە لەگەڵیدا بووە، سەروین گوتوویەتی، نەیویستووە خۆی بسووتێنێت، بەڵكو هەوڵیداوە لەو رێگەیەوە فشار بخاتە سەر باوكی بۆ ئەوەی بە دڵی خۆی هاوژینی ژیانی دیاری بكات.

ئەرشەد عەبدوڵڵا، مامی سەروین دەڵێت، ئەو و باوک و برایەکی بە هانایەوە چوون تاوەکو پەنا بۆ خۆسووتاندن نەبات، بەڵام بەهۆی زۆری ئەو بەنزینەی بە لاشەی خۆیدا كردووە، درەنگ ئاگرەكەیان بۆ كوژاوەتەوە.

پەیامنێری رووداو چووەتە ژووری تایبەتی سەروین، كە لە ژوورەكەیدا كتێب و كەلوپەلەكانی هێشتا لە شوێنی خۆیانن. هەر لە ژوورەكەیدا وێنەیەك دەبینرێت، كە سەروین بەر لە خۆسووتاندنی كێشاویەتی، لەوێنەکەدا کچێک دەردەكەوێت پشتی لە دونیا کردووە.

پەیامێنری رووداو چووەتە سەر گۆڕی سەروین و نۆبەدار عەبدوڵڵا، باوكی سەروین لەسەر گۆڕەكەی گریان و شیوەنیەتی و هاوار بۆ گەڕانەوەی ئەو كچەی دەكات، كە 22 ساڵە بەخێوی دەكات.

چەند رۆژێكە وێنەی سەروین نۆبەدار تۆڕە كۆمەڵایەتییەكانی تەنیوە و هەزاران كەس دەڵێن، بەهۆی ئەوەی كوڕێكی خۆشویستووە و كوڕەكە چەندجارێك چووەتە داوای، لەلایەن باوكییەوە سووتێندراوە.

باوكی سەروین دەڵێت، راستە كەسێك هاتە خوازبێنی، بەڵام تەنیا بە كچەكەی گوتووە، دەرفەتێكی پێبدات بۆ بیركردنەوە لە بابەتەكە، نەك ئەوەی رەتیبكاتەوە.

نۆبەدار عەبدوڵڵا بە گریانەوە دەڵێت "راستە كوڕێك هاتە خوازبێنی، كچەكەشم زۆر درەنگ بە منی گوت. منیش گوتم وەك ئەركی باوكایەتی مەجالێكم پێبدە با بیری لێبكەمەوە، ئەگینا من هیچ كێشەیەكم لەگەڵ كچەكەم نەبووە و كوڕەكەشم شایەتی ئەوەیە".

باوكی سەروین دەڵێت، كاتێك پۆلی 12ی ئامادەیی تەواو كردووە، بە كچەكەی گوتووە "دەچیتە كام زانكۆ بۆ خوێندن بچۆ، جلوبەرگەكانی خۆمت بۆ دەفرۆشم بۆ ئەوەی لە باشترین زانكۆ بخوێنیت".

سەروین نۆبەدار، قوتابی زانکۆی ئیشق و خەڵكی دەڤەری بارزانە، هەفتەی رابردوو بەهۆی سووتانەوە گەیێندراوەتە نەخۆشخانەی فریاكەوتنی رۆژئاوای هەولێر و 100%ی جەستەی سووتاوە، دوای مانەوەی بۆ چەند رۆژێک لە نەخۆشخانە، گیانی لەدەستدا.
27/11/2016

سەرۆکی کازاخستان ئامادەیی وڵاتەكەی بۆ پێشوازی لە دانوستاندنەکانی تایبەت بە قەیرانی سووریا دەردەبڕێت، ئەوەش دوای ئەوەی رووسیا، توركیا و ئێران رێككەوتنی مۆسكۆ-یان راگەیاند.

لە كاتی سەردانەکەی بۆ سانپترسبۆرگی رووسیا و کۆبوونەوەی لەگەڵ ڤلادیمیر پوتین، سەرۆكی رووسیا، نوور سوڵتان نزارباێف، سەرۆكی كازاخستان رایگەیاند، ئەستانەی پایتەخت ئامادەی پێشوازییکردنە لە هەموو لایەنەکانی تایبەت بە قەیرانی سووریا.

رۆژی هەینی 24-12-2016  ڤلادیمیر پوتین رایگەیاند، رووسیا، ئێران، تورکیا و سووریا رەزامەندییان لەسەر ئەنجامدانی دانوستاندنی ئاشتی تایبەت بە سووریا لە وڵاتی کازاخستان دەربڕیوە.

لەدوای کۆنترۆڵکردنەوەی ناوچەی رۆژهەڵاتی حەلەب لە باکووری سووریا، ڤلادیمیر پوتین پێشنیازی ئەنجامدانی گفتوگۆی ئاشتییانەی نێوان لایەنەکانی ئۆپۆزیسیۆن و حکومەتی سووریا، بەبەشداری هەردوو وڵاتی تورکیا و ئێران كرد.

رۆژی 20-12-2016 وەزیرانی دەرەوەی رووسیا، توركیا و ئێران لە مۆسكۆی پایتەختی رووسیا كۆبوونەوە و راگەیێندراوێكی هاوبەشیان بڵاوكردەوە، كە تێیدا لەسەر هەشت خاڵ لەبارەی سووریا رێككەوتن.

 دەقی رێككەوتنی مۆسكۆ:

رۆژی 20-12-2016 وەزیرانی دەرەوەی كۆماری ئیسلامی ئێران، رووسیای فیدراڵ و كۆماری توركیا لە مۆسكۆ كۆبوونەوە و لەسەر ئەو خاڵانە رێككەوتن:

1. ئێران، رووسیا و توركیا پشتیوانی خۆیان دووپاتدەكەنەوە بۆ سەروەری تەواوەتی، سەربەخۆیی، یەكگرتوویی و یەكپارچەیی كۆماری عەرەبی سووریا، وەك وڵاتێكی فرەئیتنیكی و فرەدینی و هەروەها وڵاتێكی دیموكراسی عەلمانی نامەزهەبی.

2. ئێران، رووسیا و توركیا هاوڕان لەسەر ئەوەی هیچ چارەسەرێكی سەربازی بۆ قەیرانی سووریا نییە، بەڵكو رۆڵی گرنگی نەتەوە یەكگرتووەكان لەبەرچاودەگرن بۆ چارەسەركردنی ئەو قەیرانە بە پشتیوانی بڕیاری 2254ی ئەنجوومەنی ئاسایشی نەتەوە یەكگرتووەكان. هەروەها لەبەرچاوگرتنی بڕیارەكانی گرووپی نێودەوڵەتی پشتیوانی سووریا (ISSG). داوا لە هەموو ئەندامانی كۆمەڵگەی نێودەوڵەتی دەكەین بۆ ئەوەی هاوكاربن بە نیەتێكی باش بۆ لابردنی گشت بەربەستەكان لە رێگای جێبەجێكردنی بڕیارە نێودەوڵەتییەكان.

3. ئێران، رووسیا و توركیا پێشوازی لە هەوڵەكان لە رۆژهەڵاتی حەلەب دەكەن بۆ دەرچوونی خەڵكی مەدەنی هەروەها دەرچوونێكی رێكخراو بۆ گرووپە چەكدارەكان. هەر سێ‌ وەزیر پێشوازی لە دەرچوونی مەدەنییەكانیش لە فوعا، كفریا، زەبەدانی و مەزایا دەكەن. هەروەها پابەندین بە تەواوكردنی ئەو پرۆسەیە بە باشترین شێوە، بۆ سەلامەتی هەمووان. هەروەها هەر سێ‌ وەزیر سوپاسی نوێنەرانی (ICRC و WHO) دەكەن بۆ پشتیوانیان لە پرۆسەی دەرچوونی مەدەنییەكان.

4. هەر سێ‌ وەزیر رێككەوتن لەسەر گرنگی فراوانكردنی ئاگربەست لە تەواوی سووریا، بە مەبەستی هاوكاری مرۆیی و جوڵانی ئازادانەی مەدەنییەكان.

5.  ئێران، رووسیا و توركیا ئامادەیی خۆشیان دەربڕی بۆ ئاسانكاری گرنتیكردنی هەر رێككەوتنێك لەنێوان حكومەتی سووریا و ئۆپۆزیسیۆن. داوشش لە هەموو وڵاتان دەكەن بە هەمان شێوە رەفتار بكەن، بەتایبەتی ئەوانەی كاریگەریان هەیە لە مەیدانەكەدا.

6.  ئێران، رووسیا و توركیا باوەڕیان وایە ئەم رێككەوتنە پێویستییەكی حەتمییە بۆ دەستپێكردنی پرۆسەی سیاسی لە سووریا، بە پابەندبوون بە بڕیاری 2254ی ئەنجوومەنی ئاسایش.

7. هەر سێ‌ وەزیر بە گرنگی دەڕوانن لە بانگهێشتی سەرۆكی كازاخستان بۆ لەخۆگرتنی كۆبوونەوە لەسەر داهاتووی سووریا لە ئەستانە.

8.  ئێران، رووسیا و توركیا پابەندبوونی خۆیان دووپاتكردەوە بۆ شەڕێكی هاوبەش لە دژی داعش و نوسرە، جیاكردنەوەی ئەو دوو گرووپەش لە گرووپە ئۆپۆزیسیۆنەكانی دیكە.

27/11/2016

شەوی رابردوو هاوکات لەگەڵ زۆربەی وڵتانی جیهان، کریستیانەکانی ئێران جەژنی کریسمسیان بەڕێوەبرد.

بەپێی ئامارە فەرمیەکانی ساڵی 2011، 120 هەزار مەسیحی لە رۆژهەڵاتی کوردستان و ئێران دەژین و هەندێک سەرچاوەی نافەرمی دیكەش دەڵێن، ژمارەی کریستیانەکان زیاتر لە 200 هەزار کەسن.

هاووڵاتییەكی دانیشتوی تاران دەڵێت "زۆر سەرنجڕاکێشە کە دەتوانین لە وڵاتانی خۆمان جەژنی مەسیحیەکان بەڕێوەببەین".

26/11/2016

لە 18-12-2015 هێزە ئەمنییەکانی پارێزگای ورمێ رێگریان کرد لەوەی خەڵک لە مزگەوتی قودسی ورمێ نوێژ بکەن و رایانگەیاند: "مەلا رەزا عەبدی پێشنوێژی مزگەوتەکە لەکارەکەی دوور خراوەتەوە بۆ ماوەیەکیش تا دەستنیشانکردنی کەسێکی دیکە لەبری ئەو، مزگەوتە دادەخرێت".  

ئەندامێکی بنەماڵەی مەلا رەزا عەبدی بۆ رووداو ئاشکرای کرد: "مەلا رەزا عەبدی سەرئەنجام دوای ساڵێک گوشار رۆژی چوارشەممە 21-12-2016 بە بڕیاری دادگای باڵای مامۆستایانی ئایینی شاری تەورێز بە تۆمەتی هەوڵدان بە دژی ئاسایشی نیشتمانی دەستگیرکرا و ئێستاش لە گرتوخانەی تەورێز دەستبەسەرە". 

ئەو ئەندامەی بنەماڵەکەی دەشڵێت: "دادگای تایبەتی مامۆستایانی ئایینی ئێران سەزای 6 مانگ گرتن و 2 ساڵ دوورخستنەوەی بەسەر ئەو مامۆستا سوننە مەزهەبەی رۆژهەڵاتی کوردستان سەپاندووە". 

هەرچەند بەگوتەی ئەو ئەندامەی بنەماڵەی مەلا رەزا عەبدی، دۆخی تەندروستی مەلا رەزا جێگیر نییە و بەرپرسانی گرتووخانەش رێگە نادەن پزیشک سەردانی بکات.  

مەلا رەزا عەبدی بەرپرسی قوتابخانەی سەلاحەدین ئەیوبییە، کە گەورەترین قوتابخانەی پێگەیاندنی مامۆستایانی سوننە مەزهەبە لە شاری ورمێ، قوتابخانەیەک کە بەپێچەوانەی زۆربەی قوتابخانەکانی دیکەی ئێران سەربەخۆیە و یارمەتی دارایی لە رێبەری کۆماری ئیسلامی ئێران وەرناگرێت، بابەتێک کە بنەماڵەی مەلا رەزا بەهۆکاری سەرەکی گوشارەکانی هێزە ئەمنییەکان بۆ سەر مامۆستایانی ئایینی قوتابخانەی سەلاحەدینی ئەیوبی لە قەڵەمی دەدەن. 

نوێنەری رێبەری کۆماری ئیسلامی ئێران لە پارێزگای سنە رەتیکردەوە کە گوشاریان خستبێتە سەر مامۆستایانی سوننی مەزهەبی رۆژهەڵاتی کوردستان و جەختی لەوە کردەوە کە مافەکانی مامۆستایان پارێزراوە و یارمەتی دروستکردنی قوتابخانەی ئایینی بۆ پێگەیاندنی مامۆستایانی ئایینیش دەکەن. 

سەید محەممەد حوسەینی شاهروودی نوێنەری رێبەری کۆماری ئیسلامی لە پارێزگای سنە دەڵێت: "لە ئێران شتێکمان بە ناوی پێڕەوانی سوننی و شیعە نییە، ئێمە شتێکمان بە ناوی کەمینەی ئایینی هەیە وەک مەسیحی و جولەکە بەڵام موسڵمانەکان وەکوو یەکن و هەموو مافێکیشیان پارێزراوە، ئێوە دەبینن هەر ئەو خزمەتەی مامۆستایانی مەزهەبی شیعە دەکرێت هەر ئەو خزمەتە بە تەواوەتی بە مامۆستایانی سوننە مەزهەبیش دەکرێت، ئێستا لە کوردستان سەرجەم ئەو قوتابخانە مەزهەبیانەی دروستکراون لە بودجەی تایبەتی رێبەری گەورەی کۆماری ئیسلامی ئێرانە". 

چالاکانی مەزهەبی رۆژهەڵاتی کوردستان بە گومانەوە باسی یارمەتییەکانی رێبەری باڵای کۆماری ئیسلامی ئێران دەکەن و پێیان وایە یارمەتییەکان ئەوەندی بۆ نەهێشتنی سەربەخۆیی قوتابخانە و مامۆستایانی سوننە مەزهەبە، ئەوەندە بۆ پشتوانی ئەوان نییە.  

26/12/2016

دادگایەكی سوێد سێ‌ قاچاخچی سزا دا كە 170 كۆچبەریان بە شێوەی نایاسایی لە ئیتاڵیاوە هێنابووە سوێد.

هەفتەی رابردوو دادگای بەرایی سوێدەرتێرنس سێ‌ قاچاخچی سزا دا، یەكەمیان بە دوو ساڵ زیندانی، دووەمیان ساڵێك و شەش مانگ زیندانی و ئەوەی دیكەشیان بە حوكمی مەرجدار، حوكم دا.

بەپێی راگەیەنراوێكی داواكاری گشتی ئەو سێ‌ كەسە 170 كۆچبەریان بە 15 جار لە شاری میلانۆی ئیتاڵیاوە هێناوەتە سوێد. 500 یۆرۆشیان لە هەر كۆچبەرێك وەرگرتوووە، بەڵام منداڵەكانیان بەبێ‌ بەرامبەر هێناون.

25/12/2016

سەرۆکی حکومەتی هەرێمی کوردستان هەڵوێستی توركیا و ئێران لەبارەی سەربەخۆیی باشووری كوردستان ئاشكرا دەكات و رایدەگەیێنێ "پێناچێت تورکیا بەو شێوەیە ئامادەی ئەو بابەتە بێت، کە حکومەتی هەرێمی کوردستان دەیەوێت،  واش دەردەکەوێت پێش ئەوەی دابنیشین و دەربارەی پرسی سەربەخۆیی لەگەڵ بەرپرسانی ئێران قسە بکەین، ئەوان بڕیاریان دابێت دژی دەوڵەتی سەربەخۆی کوردستان بن".
 
ئۆپەراسیۆنی موسڵ لەبەر دوو هۆكار هێواش بووەتەوە

نێچیرڤان بارزانی، سەرۆکی حکومەتی هەرێمی کوردستان، لە هەڤپەیڤینێكدا لەگەڵ مۆنیتەر باسی چەند پرسێك دەكات و لەبارەی شەڕی موسڵ دەڵێت: "هاوئاهەنگییەکی زۆر باش لەنێوان هێزەکانی پێشمەرگە و سوپای عێراق لە ئۆپەراسیۆنی کۆنترۆڵکردنەوەی موسڵدا هەیە، ئەمەش یەکەمجارە لە ماوەی 25 ساڵی رابردوودا رێگا بە سوپای عێراق دەدرێت پێ بنێتە نێو خاکی کوردستانەوە".
 
هەولێر و بەغدا و ئەنقەرە نەیانهێشت سیناریۆی خوێناوی لە تەلەعفەر رووبدات

 
لەبارەی رێككەوتنی بەغدا و هەولێریش لەسەر ئۆپەراسیۆنی موسڵ، نێچیرڤان بارزانی دەڵێت "پێش دەستپێکردنی ئۆپەراسیۆنی موسڵ، ئەمریکا و حکومەتی هەرێمی کوردستان و بەغدا گەیشتنە رێککەوتن. بەگوێرەی رێککەوتننەکە، چەند ناوچەیەک دانران بۆ ئەوەی پێشمەرگە ئازادیان بکاتەوە و کۆنترۆڵیان بکات، ناوچەکانی دیکەش بۆ هێزە عێراقییەکان دانران تاوەکو ئازادیان بکەنەوە و کۆنترۆڵیشیان بکەن. هێزەکانی پێشمەرگە ئەرکی خۆیان تەواو کردووە و لەو ناوچانەشدان كە ئازادیان کردوونەتەوە".
 
مانەوەی پەکەکە لە شنگال دەبێتە هۆكاری زیاتر نائارامبوونی ناوچەکە

سەرۆکی حکومەتی هەرێمی کوردستان هۆكارەكانی سست بەڕێوەچوونی ئۆپەراسیۆنەكە ئاشكرا دەكات و دەڵێت "وادیارە ئۆپەراسیۆنی موسڵ هێواش بووەتەوە، ئەوەش لەبەر دوو هۆکار. هۆکاری یەکەمیان بۆ ئەوە دەگەڕێتەوە سوپا نایەوێت کاولکاری زۆر بێت و زیانیش بە خەڵکی بگەیێنیت. هۆکاری دووەمیشیان بۆ ئەوە دەگەڕێتەوە داعش بەرگرییەکی تووند دەکات."

سەربەخۆیی کوردستان دەبێتە یارمەتیدەری ئاسایشی ناوچەکە

دەربارەی لێدوان و هۆشداریدانەکانی بەرپرسانی تورکیا لە بەشداریکردنی حەشدی شەعبی لە ئۆپەراسیۆنی کۆنترۆڵکردنەوەی تەلەعفەردا، نێچیرڤان بارزانی گوتی "داواکاری سەرەکی تورکیا ئەوەبوو نابێت میلیشیا شیعەکان بچنە نێو تەلەعفەرەوە، بۆ ئەوەی تووندوتیژی تائیفی لەنێوان تورکمانە شیعە و سوننەکاندا روونەدات، ئەوەش رووینەداوە و ئەو لایەنانەش كە وایانکرد ئەو سیناریۆ خوێناوییە روونەدات، حکومەتی هەرێمی کوردستان و ئەنقەرە و بەغدا بوون".
 
سەرۆکی حکومەتی هەرێمی کوردستان لەبارەی رەوشی شنگالیش دەڵێت "کاتێک ئەو کارەساتەی بەسەر ئێزدییەکاندا  هات لە شنگال،
 
رۆڵی پەكەكە لە پاراستنی ئێزدییەكان بەرزدەنرخێنین
هێزەکانی رۆژئاوای كوردستان رۆڵێکی گرنگیان لە پاراستن و گەیاندنی ئێزیدییەکان بە ئارامی گێڕا و، ئێمەش بەو رۆڵە دەزانین و بەرز دەینرخێنین، بەڵام ئێستا، هەبوونی هێزەکانی پەکەکە لە شنگال تەنیا دەبێتە هۆی زیاتر نائارامبوونی لە ناوچەکەدا. هەبوونی پەکەکە وایکردووە خانەوادەکان نەگەڕێنەوە بۆ سەر ماڵ و حاڵیان".

نێچیرڤان بارزانی ئاماژەی بۆ ئەوە كردووە، حکومەتی هەرێمی کوردستان دەربارەی ئەو بابەتە قسەی لەگەڵ بەغدا و واشنتن کردووە، بەڵام تاوەکو ئێستا کۆبوونەوە بەردەوامەکان ئەنجامێکی ئەوتۆیان نەبووە.
 
"لەبارەی پەكەكە  لەگەڵ بەغدا و واشنتن لە گفتوگۆداین"

پرسی راگەیاندنی سەربەخۆیی لە باشووری كوردستان تەوەرێكی دیكەی هەڤپەیڤینەكەی نێچیرڤان بارزانی بووە و دەڵێت "کاتێک حکومەتی هەرێمی کوردستان باسی پرسی سەربەخۆیی دەکات، دەیەوێت چارەسەر بۆ کێشەیەک بدۆزێتەوە، نەک نائارامی دروست بکات".

وەك نێچیرڤان بارزانی باسی دەكات "سەربەخۆیی کوردستان دەبێتە یارمەتیدەری ئاسایشی ناوچەکە و هەرێمی کوردستانیش ناتوانێت بە هەمان مۆدێلی رابردووی لەگەڵ عێراق بەردەوام بێت. من یەکەم کەس بووم بەشێوەیەکی فەرمی پرسی سەربەخۆییم لەگەڵ بەغدا باسکرد. ئەو بابەتەم لەگەڵ حەیدەر عەبادی، سەرۆکوەزیرانی عێراق و هاوپەیمانێتی شیعەکانی عێراق باسکرد".
 
عەبادی و هاوپەیمانیی شیعەكان بە قسەكانی من لەبارەی سەربەخۆیی شۆك بوون

دەشڵێت "ئەوەی من وەک نەخشەڕێگایەک دەیبینم هەبوونی دیالۆگێکی جددیە لەگەڵ بەغدا و ئەمەش گرنگترین هەنگاوە... من بە عەبادی و هاوپەیمانێتی شیعەکانم راگەیاند: دوایین جار، ئامانجی ئێمە سەربەخۆییە، دەبێت ئێوەش ئەم بابەتە بە جددی وەربگرن و مامەڵەی لەگەڵ بکەن". هەردووکیان رایانگەیاند قسەکەی من شۆکی کردن، بەڵام پێزانینیان بۆ راشکاویم هەبوو". سەرۆکی حکومەتی هەرێمی کوردستان بەدووریشی زانی هیچ کەس و پارتێک لە هەرێمی کوردستان دژی سەربەخۆیی بێت.
 

پێناچێت تورکیا بەو شێوەیە ئامادە بێت، کە ئێمە لەبارەی سەربەخۆیی دەمانەوێت

دەربارەی هەڵوێستی وڵاتانی ناوچەکەش لە بەرامبەر سەربەخۆیی کوردستان، نێچیرڤان بارزانی رایگەیاند پێناچێت تورکیا بەو شێوەیە ئامادەی ئەو بابەتە بێت، کە حکومەتی هەرێمی کوردستان دەیەوێت، بەڵام دواجار تورکیا وڵاتێکی گرنگە و دەبێت لە بواری سەربەخۆییشەوە دیالۆگی لەگەڵ بکرێت.
 

وا دەردەکەوێت ئێران بڕیاری دابێت دژی دەوڵەتی سەربەخۆی کوردستان بێت

دەربارەی هەڵوێستی ئێرانیش، بارزانی گوتی "میدیای ئێران هەر دەرفەتێک بەکاردەهێنێت بۆ ئەوەی بڵێت ئێران دژی سەربەخۆیی کوردستانە. بێگومان دەبێت حکومەتی هەرێم ئەو بابەتە لەگەڵ بەرپرسانی ئێرانیش باس بکات، بەڵام وادەردەکەوێت پێش ئەوەی دابنیشین و دەربارەی قسە بکەین، ئەوان بڕیاریان داوە دژی دەوڵەتی سەربەخۆی کوردستان بن".
25/12/2016