<sup>مەعسوومە ئاباد، ئەندامی ئەنجومەنی سەرۆکایەتیی شارەوایی تاران بە میدیاکانی راگەیاندوو کەلە تاران سێ هەزار بیانی هاوشێوەی پلاسکۆ هەن و مەترسیی ڕووخانیان لەسەرە.

ئەو ئەندامەی ئەنجومەنی شاری تاران کە سەرۆکی کۆمیتەی قەیرانە لە لێدوانێکدا بە ماڵپەڕی (تەسنیم)ی گوتووە "سێ هەزار بینا و بازار و شوێنی جۆراوجۆر هەنە کە هاوشێوەی بینای پلاسکۆن و چەشنی بۆمبی کاتژمێری وان و دەبێ چارەسەریان بۆ بدۆزرێتەوە."

بەپێی بەراوردی کۆمیسیۆنی سینفی ئابووریی شاروانیی تاران بەهۆی داڕووخانی بینای پلاسکۆ زیاتر لە 1500 ملیارد تمەن خەسار بە بازار و خەڵک گەیشتووە و لەناو پلاسکۆدا 560 دووکان سەرقاڵی کار بوون و بەو بۆنەوە چوار هەزار کەس بیکار بوون.

بەپێی دوایین زانیاریی فتمی فریاگوزاریی و ناوەند دەرمانییەکانی تاران دوای سێ ڕۆژ لە داڕووخانی بینای پلاسکۆ لە تاران، هەتا ئێستا تەرمی 25 تیمی فریاگوزاری کە زۆربەیان ئاگرکوژێنەوە بوون، نەدۆزرانەوتەوە و تەنیا تەرمی دوو کەس لە 30 کەسەکە دۆزراوەتەوە و سێ کەسی دیکەش پاش گواستنەوەیان بۆ نەخۆشخانە گیانیان لەدەست داوە.</sup>

^22/1/2017

<sup>ئەمڕۆ یەكشەممە 2017 -1- 22 لە کۆلیژی پەروەردەی بنەڕەتیی زانكۆی سلێمانی بە ئامادەبوونی ژمارەیەك لە هونەرمەندان و شاعیران و دۆستانی ئەدەبی كوردی، یادی 71مین ساڵڕۆژی دامەزرانی كۆماری كوردستان كرایەوە.

لە سیمینارێكی تایبەتدا کە بە یارمەتیی ناوندی ڕۆشنبیریی زانکۆی سلێمانی بەڕێوە چوو، مامۆستایانی بەشی مێژوو بە تێروتەسەلی باسی چۆنیەتیی دامەزارندنی كۆماری كوردستانیان بۆ خوێندكارانی ئەو زانكۆیە كرد.

شەنگە دارا، ڕێكخەری سیمینارەكە لە لێدوانێكدا بە (باسنیوز)ی گوت:" بە سەرپەرشتیی كۆمەڵێك خوێندكاری زانكۆی سلێمانی و بە ئامادەبوونی سەرۆكی زانكۆی سلێمانی، بە بۆنەی ساڵیادی دامەزراندنی كۆماری كوردستان، ئەم سیمینارەەمان ساز کرد بێگومان ئامانجی ئێمە لەم سیمینارە زیندووكرنەوە و ناساندنی كورماری كوردستان و پێشەوا قازی محەمەدە بە خوێندكاران و نەوەی نوێ، هەروەها لە ناوەڕۆكی سیمینارەكەدا بە تێروتەسەلی باسی چۆنیەتیی دامەزارندنی كۆماری كوردستان كراوە و تاڕادەیەكی زۆر خوێندكارانی زانكۆ ئاشنا كران بە كۆماری كوردستان و پێشەوا قازی محەمەد.

گوتیشی: "خوێندكارانی زانكۆ بەتایبەتی ئەوانەی ئەمساڵ وەرگیراون سوودێكی زۆریان لە سیمینارەكە بینیوە، چونكە ئەو چینە بە شێوەیەكی گشتی زانیارییەكی ئەوتۆیان لەسەر كۆماری كوردستان نییە، بەڵام بەهۆی ئەم سمینارەوە بە شێوازی جۆراوجۆر باسی دامەزاراندنی كۆماری كوردستان پێشەوا قازی محەمەد كراوە، بێگومان سوودێكی زۆری هەبووە و خوێندكاران زانیاری باشیان دەستكەوتوە."</sup>

^22/1/2017

<sup>ئەندامێکی ئەنجومەنی نوێنەرانی عێراق، مەترسیی هەوڵەکانی دەوڵەتی یاسا لە دژی هەرێمی کوردستان ئاشکرا دەکات و دەڵێت: "هەوڵێکی جددی لەلایەن ئیئتیلافەکەی مالیکییەوە هەیە”.

خەلەف عەبدولسەمەد، یەکێک لە سەرکردەکانی ئیئتیلافی دەوڵەتی یاسا لە ئەنجومەنی نوێنەرانی عێراق، لە لێدوانێکی ڕۆژنامەنووسیدا ڕای گەیاندووە، حەیدەر عەبادی، سەرۆک وەزیرانی عێراق، لە پرسی دەستگرتن بەسەر كێڵگە نەوتییەكاندا لە لایەن پێشمەرگەوە، “كەمتەرخەم” بووە و پێویستە لە كەمترین كاتدا حكوومەتی مەركەزی دۆسیەی نەوت لەگەڵ حكوومەتی هەرێمی کوردستان یەكلا بكاتەوە. دەشڵێت: “بەغدا ئەگەر ناچار بكرێت، هێز بەكار بهێنێت”.

ئیسلام حوسێن، پەرلەمانتاری کورد لە ئەنجومەنی نوێنەرانی عێراق، بە (باسنیوز)ی ڕاگەیاند: “ئەو پیاوە کەسێکی سەرکردایەتیی حزبی دەعوەیە و کەسێکی نزیکە لە نووری مالیکییەوە، کەسێکی شۆفێنی و دارەدەستی مالیکییە”. ئەوەشی ڕوون کردەوە کە ئێستا لەلایەن نووری مالیکییەوە هەڵمەتێک بۆ قسەکردن لە دژی هەرێمی کورستان و فشار دروستکردن لەسەر حکوومەتی هەرێمی کوردستان دەستی پێ کردووە. دەشڵێت: “دەیانەوێت شکستی خۆیان بشارنەوە، چونکە ئاگادارین چۆن دەوڵەتی یاسا پیلان لە دژی هەرێمی کوردستان دادەنێت".

ئەو ئەندامە کوردەی پەرلەمانی عێراق ئەوەی نەشاردەوە کە: "هەوڵێکی جددی هەیە لەلایەن دەوڵەتی یاساوە، بۆ ئەوەی پەیوەندیی نێوان هەرێمی کوردستان و حکوومەتی عێراق ئاڵۆزتر بکات، ئێستاش هەڕەشەی بەکارهێنانی هێز لەدژی کێڵگە نەوتییەکانی هەرێمی کوردستان دەکرێت، بۆیە بەهیچ شێوەیەک گوێ بە هەڕەشەی دەوڵەتی یاسا نادەین".</sup>

^22/1/2017

<sup>ژمارەیەک چەکدار بە مووشەک هێرش دەکەنە سەر ئاسایشی ئیستەنبوڵ و بارەگای پارتی داد و گەشەپێدان (ئاکەپە)ی دەسەڵاتداری تورکیا.

شەوی هەینی 20/1/2017، چەکدارانی نەناسراو مووشەکێکی جۆری (لاو)یان ئاراستەی بارەگای بەڕێوەبەرایەتیی ئاسایشی ئیستەنبوڵ کردووە، کە هیچ زیانێکی گیانی لێ نەکەوتووەتەوە.

هەروەها چەکدرێکی دیکە مووشەکێکیهەمان جۆری ئاراستەی بارەگای ئاکەپە لە ئیستەنبوڵ کردووە، بەڵام مووشەکەکە نەتەقیوەتەوە و هیچ زیانێکی لێ نەکەوتووەتەوە.

واسیب شاهین، پارێزگاری ئیستەنبوڵ رایگەیاندووە، کە هێزە ئەمنییەکان دەستیان بە گەڕان بۆ دۆزینەوەی چەکدارە هێرشبەرەکان کردووە.</sup>

^21/1/2017

<sup>رێبەری بزاڤی رزگاریخوازی گەلی کوردستان و شۆڕشی ئەیلوول، بەشداریی لە دامەزراندنی کۆماری کوردستان‌دا کردووە،.

رۆژی 22/1/1946 کۆماری کوردستان لە شاری مەهاباد لە کوردستانی ڕۆژهەڵات دامەزرا و پێشەوا قازی محەمەد، بە سەرۆک کۆمار دیاری کرا.

کۆماری کوردستان، کە یەکەم کۆماری کوردییە لە مێژووی گەلی کوردستاندا، تەمەنی 11 مانگ بوو و لە رۆژی 15/12/1946 لەلایەن سوپای رژێمی شای ئێرانەوە رووخێندرا.

پێش راگەیاندنی کۆماری کوردستان، لە ساڵی 1945 مەلا مستەفای بارزانی، رێبەری بزاڤی رزگاریخوازی گەلی کوردستان و باوکی مەسعود بارزانی، سەرۆکی هەرێمی کوردستان، بە فەرماندەیی دوو هەزار پێشمەرگە لە کوردستانی باشوورەوە چووە کوردستانی رۆژهەڵات و هێزەکەی خستە خزمەت کۆماری کوردستان.

دوای راگەیاندنی کۆماری کوردستان و سوێندخواردنی پێشەوا قازی محەمەد، مستەفا بارزانی وەک سوپاسالاری کۆماری کوردستان دەستنیشان کرا.

ئەحمەد حەدۆ قورتاس یەکێکە لەو پێشمەرگانەی لەگەڵ مەلا مستەفا بارزانی چووەتە کۆماری کوردستان، لە راپۆرتێکی کەناڵی (کوردستان 24)دا رایگەیاندووە، کە دوای راگەیاندنی کۆمار، هەموو پێشمەرگەکان ماوەی سێ مانگ مەشقی سەربازییان کردووە، دواتر سوێندی دەستبەکاربوونیان وەک سەربازی کۆمار خواردووە.

سوپاسالاری کۆمار و سەرۆک کۆماری کوردستان:</sup>

فتدیۆ:  

https://youtu.be/QM4djSQHwLw

21/1/2017

<sup>سەرۆکی هەرێمی کوردستان پێشوازی لە مانەوەی هێزەکانی ئەمریکا لە هەرێمی کوردستان کرد و ڕاشیگەیاند، کوردستانی سەربەخۆ خەون نییە و هەموو هەوڵێکی بۆ دەدەن.

لە چاوپێکەوتنێکیدا لەگەڵ (واشنتۆن پۆست)، مەسعود بارزانی، سەرۆکی هەرێمی کوردستان ڕای گەیاند: ”هەماهەنگیی هەواڵگریمان لەگەڵ ئەمریکا بەردەوامە، چاوەڕوانی بەردەوامیی هاوکاریی سەربازی و سیاسیی ئیدارەی ترەمپ دەکەین و لەگەڵ ئیدارەکەیدا بۆ لەناوبردنی داعش هاوکار دەبین“. ئەوەشی نەشاردووەتەوە کە کشانەوەی هێزەکانی ئەمریکا لە عێراق، بۆ سەرهەڵدانەوەی تیرۆر ڕێگەخۆشکەر دەبێت و هیوای خواستووە، ئەمریکا هەڵەی کشاندنەوەی هێزەکانی لە عێراق دووبارە نەکاتەوە و پێشوازیشی لە مانەوەی هێزەکانی ئەمریکا لە هەرێمی کوردستان کردووە. باسیشی لەوە کردووە کە ”ئێران لە هەموو لایەنێک زیاتر لە عێراق کاریگەرە“.

لە بەشێکی دیکەی چاوپێکەوتنەکەدا، سەرۆکی هەرێمی کوردستان لەبارەی ڕێکخراوی توندڕەوی داعشەوە ئاماژەی بەوە داوە کە لە ڕووی سەربازییەوە داعش زۆر لاوازتر بووە، بەڵام پێشبینیکردنی وادەی ڕزگارکردنی تەواوی شاری مووسڵ زەحمەتە. ئەوەشی دووپات کردووەتەوە کە بەپێی ڕێککەوتنی پێشوەخت، هێزە شیعەکان ناچنە ناو مووسڵ. بە دووریشی نەزانیوە کە لە دوای ئازادکردنەوەی مووسڵ، داعش پەنا بۆ تاکتیک و هێرشی تیرۆریستیی نوێ ببات، چونکە ”کۆنتڕۆڵکردنی مووسڵ بە واتای کۆتایی داعش نییە، بەڵکوو شەڕی داعش، شەڕێکی سەربازی و ئابووریی و ئایدۆلۆژییە“.

هەر لەو چاوپێکەوتنەدا سەرۆکی هەرێمی کوردستان ئەوەی دووپات کردووەتەوە کە کوردستانی سەربەخۆ خەون نییە و ”هەموو هەوڵێکی بۆ دەدەین“.</sup>

^21/1/2017

^{دایكی سڤێتلانا كاسیان ماوەی 40 ساڵ مامۆستای میوزیك بووە}

سڤێتلانا كاسیان دەگێڕێتەوە كاتێك منداڵ بووە، هەر جارێك لەگەڵ دایكی بە بەردەم شانۆی بۆلشۆیدا تێپەڕیوە، لە دایكی پرسیوە تۆ بڵێی لێرە بخوێنم؟ خەونی سڤێتلانا لە تەمەنی 25 ساڵیدا هاتەدی و چووە سەر سەكۆی شانۆی بۆلشۆی و گۆرانیی ئۆپێرای پێشكەش كرد. ئێستا نەك بۆلشۆی، سەكۆی شانۆی زۆر وڵاتی دیكە دەرگایان بۆ ئەو كچە كوردە كردووەتەوە.

^{بۆلشۆی لە زمانی رووسیدا بە واتای "مەزن" دێت. شانۆی بۆلشۆی، گەورەترین شانۆی ئۆپێرا و بالێی رووسیایە. یەكێكە لە ناودارترین سەكۆكانی شانۆی جیهانی. شانۆی بۆلشۆی لە سەدەی هەژدەوە، تاوەكو ئێستا بەبێ پچڕان، میوزیك و گۆرانیی ئۆپێرا پێشكەش بە رووسەكان و مێوانەكانیان دەكات.}

^{ئەم سەكۆیە، بەردەوام هونەرمەندی بەناوبانگ و گەورەی لەسەر بینراون. ئەوان هەم ئاستی هونەری رووسی، هەمیش زەوقی بینەرانی رووسیان بەرز كردووەتەوە و بە سەدان هونەرمەند لە رێگەی بۆلشۆوە نێویان كەوتووەتە مێژووی هونەری جیهانی. ئێستا كچە كوردێك لەسەر سەكۆی ئەو شانۆیە گۆرانیی ئۆپێرا دەڵێت كە دەنگەكەی بە ماوەیەكی كەم سنووری رووسیای تێپەڕاند.}

^{سڤێتلانا كاسیان، كچە كوردێكی ئێزدییە، یەكەمجار لە ساڵی 2010 چووەتە سەر سەكۆی شانۆی بۆشلۆی، بەڵام لە ساڵی 2011ەوە لە سەكۆی شانۆی بۆلشۆی بەشی سەرەكیی ئۆپێرا "" Toskaی جاكۆمۆ پۆچینی دەخوێنێ.}

^{میدیاكانی رووسیا دەنگی سڤێتلانا بە "دەنگە هیوابەخشەكەی جیهان" ناو دەبەن، بەڵام هیواكەی سڤێتلانا ئەوەیە رۆژێك بێت لە كوردستان، هونەرەكەی پێشكەش بە گەلەكەی خۆی بكات.}

^{سڤێتلانا كاسیان لە شاری باتومی لە جۆرجیا، لە بنەماڵەیەكی كوری ئێزدی لەدایك بووە، بەڵام ئەو هێشتا تەمەنی نۆ ساڵان بوو كە بەهۆی ئەو شەڕەی وڵاتەكەی گرتبووەوە، خێزانەكەی كۆچیان كرد بۆ كازاخستان.}

^{حەزی سڤێتلانا بۆ ئۆپێرا دەگەڕێتەوە بۆ سەردەمی منداڵی. ئەو بە (رووداو)ی گوت "من كچێكی بچووك بووم، كاتێك بە بەردەم شانۆی بۆلشۆی (Teatra Bolşoy) تێدەپەڕین، بە پەنجەكانم ئاماژەم بۆ دەكرد، لە دایكمم دەپرسی دەمەوێت لێرە بخوێنم. لە تەمەنی 25 ساڵیدا چوومە شانۆی بۆلشۆی و من ئێستا زۆر سەربەرزم كە لەسەر سەكۆی شانۆی وڵاتاندا نوێنەرایەتی گەلەكەم دەكەم و هونەرێكی مۆدێرن پێشكەش دەكەم".}

^{كاتێك (رووداو) سەرقاڵی ئامادەكردنی فیچەرێك بوو لەسەر ژیانی ئەو كچە كوردە، ئەو خەریكی پرۆڤە بوو بۆ پێشكەشكردنی بەرهەمێكی نوێ‌. سڤێتلانا لەو بەرهەمەدا رۆڵی پەریی دەریای دەبینی. ئەو گوتی "ئەمڕۆ رۆڵی سەرەكی دەبینم. رۆڵێكی سەخت، رۆڵی پەریی دەریا بەرپرسیارێتییەكی گەورەیە. هەر بۆیە زۆر دڵشادم".}

^{لە ئۆپێرادا وەرگرتنی رۆڵی سەرەكی وا بە سانایی بە نسیبی هەموو كەسێك نابێت، بەڵام سڤێتلانای كورد تەنیا لە بۆلشۆی نا، بەڵكو لە گەورەترین هۆڵەكانی ئەوروپادا، ئەوانەی وەك تۆرین، ڤەنەدیك و سەكری، بەوپەڕی بوێرییەوە لە بەردەم هۆگرانی ئۆپێرادا دەوەستێ‌.}

^{ساڵی 2013، سڤێتلانا لە شاری رۆمای پایتەختی ئیتاڵیا سۆلۆ كۆنسێرتێك پێشكەش دەكات، هەر هەمان رۆژ پاپای ڤاتیكان داوەتی ئەو كچە كوردە دەكات. سڤێتلانا ئەو رۆژە بە رۆژێكی لەبیرنەكراوی خۆی وەسف دەكات و دەڵێت "دیدارێكی زۆر خۆش بوو. دوای كۆنسێرت پاپا منی داوەتی ڤاتیكان كرد. بینینی پاپا كاریگەرییەكی گەورەی لەسەر من هەبوو، چونكە ئەو مرۆڤێكی زۆر نورانیە. ئەوەی سەرنجڕاكێش بوو ئەوە بوو كە بوومە یەكەمین سترانبێژی ئۆپێرا پاپا نزای خێری بۆ بكات و داوای كرد تەنیا گۆرانی بۆ خێر و ئاشتی بڵێم".}

^{ساڵی 2011، سڤێتلانا لە چین خەڵاتی یەكەمی پێنجەمین پێشبڕكێی نەتەوەیی سترانبێژانی بەدەستهێنا. دیسان هەمان ساڵ، لە شاری باری لە ئیتاڵیا خۆی لە نۆیەمین سەمفۆنیای بتهۆڤن تاقیكردەوە.}

^{سەرگەی نۆڤیكۆڤ، دەرهێنەری ئۆپێرا لە شانۆی بۆلشۆی، زۆر پەسنی ئەو كچە كوردە دەدات و دەڵێت "لەسەر سەكۆی شانۆی بۆلشۆی، كەسانی وەك سڤێتلانا كەمن كە هەم لە ئاستی ئیدیەلدا گەنج بێ و هەم بە دەنگ هێندە دەوڵەمەند بتوانێت هۆڵی شانۆ پڕ بكات".}

^{یەكەم مامۆستای میوزیكی سڤێتلانا، دایكێتی. سەدا خانم هەر لە تەمەنی منداڵیی سڤێتلانادا هەستی بە دواڕۆژێكی رووناك بۆ كچەی كردووە. بەبێ پشتیوانی دایكی، بۆ سڤێتلانا كارێكی ئەستەم بوو بگاتە ئەو قۆناغە، وەك دایكێك كە منداڵێكی بچووكی هەیە، بتوانێت هێندە بە ئاسوودەیی پرۆڤە بكات و بە هەفتە دوور بێت و لە دەرەوەی وڵات بێت.}

^{دایكی سڤێتلانا كاسیان ماوەی 40 ساڵ مامۆستای میوزیك بووە. كتێبی وانەكانی میوزیكیشی نووسیوە. ئەمڕۆ لە چەندین قوتابخانەی كازاخستان كتێبەكانی دایكی سڤێتلانا دەخوێندرێن، بەڵام گەیاندنی منداڵەكانی بۆ ئاستێكی بەرز بۆ ئەو كارێكی هێندە ئاسان نەبووە.}

^{سەدا خانم دەڵێت، میوزیك و ستران، بەشێكی ژیانی كوردەواریی ئەوان بووە و ئەو ئێستاشی لەگەڵدابێت، سەردولكەی كوردەواری دەڵێت.}

^{سڤێتلانا كاسیان، هەنگاو بە هەنگاوی هونەری ئۆپێرا دەبڕێت، بەڵام خۆزگەكانی زۆرن، بۆیە هێشتا خۆی لە سەرەتای رێچكەی هونەری ئۆپێرادا دەبینێ‌.}

^20/1/2017

^{لەدوایین رۆژی کۆڕبەندی ئابووری داڤۆس سەرۆکی هەرێمی کوردستان بەشداریی پانێڵێک دەکات کە تایبەتە بە عێراق و سووریا و بۆچوونی خۆی لەو بارەوە دەخاتەڕوو.}

^{مەسعود بارزانی، سەرۆكی ھەرێمی كوردستان لە چوارەمین رۆژی كۆڕبەندی ئابووریی داڤۆس لە پانێڵی تایبەت بە عێراق و سووریا، لەکاژێر 12:45 خولەکی رۆژی هەینی 20-1-2017 بەشداری دەكات كە ھەر یەك لە ئەیمەن سەفەدی، وەزیری دەرەوەی ئوردن، محەمەد شیمشەك جێگری سەرۆكوەزیرانی توركیا، مەجید جەعفەر بەڕێوەبەری جێبەجێكاری كۆمپانیای نەوتی ھیلال ، مینا ئورێبی رۆژنامەڤان لە رۆژنامەی "شرق الاوسط" و جەبران باسیل بەشداری تێیدا دەكەن.}

^{سەرۆکی هەرێمی کوردستان لە هەڤپەیڤینێکی هاوبەشی تەلەڤزیۆنی کە پەیامنێری رووداو تێیدا بەشداربوو سەبارەت بەو پانێڵە و قسەکانی لە پانێڵەکەدا گوتی: "لەبەر رۆشنایی قسەکانی ئەوان بۆچوونى خۆم ده‌ڵێم و پیشنیازی خۆم دەبێت".}

^{بارزانی گوتی: "قه‌يرانى سووريا له‌وه‌ ده‌رچووه‌ له‌كۆڕبه‌ندێكى وا چاره‌سه‌ر بۆ قەیرانی سووریابدۆزرێته‌وه‌، من پێموايه‌ رێككه‌وتنێك هه‌يه‌ له‌نێوان ئەمریکا و رووسیا، هەندێکی رەنگە توركيا به‌شداربێت، ئێران به‌شداربێت، هه‌ندێك ئوردن به‌شدار بێت، هه‌ندێك عێراق به‌شداربێت، به‌ڵام رێککەوتنە‌ ئه‌ساسييه‌كه‌ له‌نێوان ئه‌مريكا و رووسيايه‌ وه ‌كه‌سيش نازانێت به‌ وردى چی بووه‌، له‌به‌رئه‌وه‌ خۆ ماندوو كردنه‌ و ده‌بێت بزانين ئه‌وان چ بڕيارێكيانداوه‌ و چى ده‌كه‌ن".}

^{کۆبوونەوە و پانێڵەکانی کۆربەندی ئابووری جیهانی داڤۆس، رۆژی سێشەممە 17-1-2017 بە فەرمی دەستیپێکرد و سەرەتا کلاوس شواب، سەرپەرشتیاری کۆربەندەکە بەخێرهاتنی میوانەکانی کرد و دواتر شین گین پین، سەرۆکی چین گوتاری خۆی پێشکەشکرد.}

^20/1/2017

<sup>شاندێکی حکوومەتی هەرێمی کوردستان سەردانی یەکێتیی ئەورووپا دەکات و داوای هاوکاری لەو دامەزراوە نێودەوڵەتییە دەکات.

دلاوەر ئاژگەیی، نوێنەری حکوومەتی هەرێمی کوردستان لە یەکێتیی ئەورووپا بە (باسنیوز)ی ڕاگەیاند: “لەگەڵ شاندەکەی حکوومەتی هەرێمی کوردستان کە د. عەلی سندی، وەزیری پلاندانان سەرۆکایەتی دەکات، لە کۆبوونەوەیەکماندا لەگەڵ بەرپرسانی کۆمسیۆنی ئەورووپا، داوای هاوکاری و پەرەپێدانی زیاترمان بۆ هەرێمی کوردستان کرد”.

هەروەها ئاماژەشی بۆ ئەوەکرد کە شاندەکەی حکوومەتی هەرێمی کوردستان بە وردی تاوتوێی ئەو گرفت و ئاستەنگ و فشارانەی کرد کە بەهۆی هاتنی ژمارەیەکی زۆری ئاوارە و پەنابەران شەری داعش تووشی هاووڵاتیان هەرێم بوونە. لەبەشێکی قسەکانیاندا شاندەکەی حکومەتی هەرێمی کوردستان، جەختیان لەوە کردەوە کە دەبێت کۆمەڵگەی نێودەوڵەتی و بە تایبەتی یەکێتی ئەوروپا هاوکاری هەرێمی کوردستان بکەن ، بۆ ئەوەی بەشێک لەو فشارانە کەم بنەوە و هاوکاری هەرێمی کوردستانیش بکەن بۆ تەواو کردنی بەشێک لەو پرۆژانەی کە بە هۆی قەیرانی دارایی لە توانای حکوومەتدا نین لە ئێستادا تەواویان بکات. بە تایبەت ئەو پڕۆژانەی تایبەتن بە کەرتی تەندرووستی و ڕێگاو بان و کەرتی کارەبا.
دلاوەر ئاژگەیی ئەوەشی خستەڕوو کە بڕیاروایە بۆ تاوتوێ کردنی زیاتری ئەم پرسانە، لە ناوەڕاستی مانگی 2، شاندێکی یەکێتیی ئەورووپا سەردانی هەرێمی کوردستان بکات.</sup>

^20/1/2017

<sup>بەپێی ڕاپۆرتی ماڵپەڕێکی مافی مرۆڤ لە کوردستانی ڕۆژهەڵات 17 مێرمنداڵ و گەنجی کورد لە گرتووخانەن و لەلایەن دەزگای دادوەریی ئێرانەوە سزای سێدارەیان بۆ بڕاوەتەوە.

کۆمیساریاری باڵای مافەکانی مرۆڤی ڕێکخراوی نەتەوە یەکگرتووەکان داوای لە بەرپرسانی ئێران کردووە کە سزای سێدارەی لاوێکی کورد بە ناوی سەجاد سنجەری، هەڵوەشێننەوە.

بەپێی ڕاپۆرتی ماڵپەڕی (هەنگاو) ڕۆبەرت کڵۆیڵ گوتەبێژی کۆمیساریای باڵای ڕێکخراوی نەتەوە یەکگرتووەکان لە دانیشتنێکی ئەو ڕێکخراوە کە ڕۆژی سێشەممە 2017 -1- 17 لە جنێڤ بەڕێوە چوو، خوازیاری هەڵوەشانەوەی سزای سێدارەی سەجاد سنجەری بووە.

ئەو لاوە کوردەی خەڵکی کرماشان، و ساڵی 2011 بە چەکی سارد هاووڵاتییەکی دیکەی کە ویستبووی دەستدرێژی بکاتە سەری، کوشتبوو و لەلایەن دادگای ئەو شارەوە سزای سێدارەی بەسەردا سەپێندرابوو.

سنجەری ساڵی ٩٣ سەرلەنوێ دادگایی کرایەوە، بەڵام دادگای تاوانەکانی کرماشان گوتەکانی ناوبراوی لەمەڕ هەوڵی کەسی کوژراو بۆ دەستدرێژیکردنە سەری ڕەت کردەوە و دیسان سزای سێدارەی دەرکردەوە.

ئەو سزایە ئەمساڵ لەلایەن دیوانی باڵای ئێرانەوە پەسەند و ئەگەری زۆرە کە بە زوویی بەڕێوە بچێت.

ئێران یەکێک لەو وڵاتانەیە کە یاسا نێودەوڵەتییەکانی مافی مرۆڤی لەمەڕ دەرکردنی سزای سێدارەی بۆ کەسانی ژێر تەمەن 18 ساڵ پەسەند کردووە، بەڵام هێشتا ئەو سزایانە بەڕێوە دەبات و یاساکانیش پێشێل دەکات.

بە پشتبەستن بە ئاماری تۆمارکراو لە ناوەندی ئاماری (هەنگاو) ئێستا لانیکەم 17 لاوی کورد لە گرتووخانەکانی ئێران چاوەڕوانی بەڕێوەچوونی سزای سێدارە دەکەن.

لە ماوەی چەند مانگی ڕابردوودا سێ لاوی دیکەش بە ناوەکانی ئازاد محەممەدزادە خەڵکی سەقز، هێمن هەورامی نەژاد و سیاوەش مەحموودی خەڵکی سنە سزای سێدارەکەیان هەڵوەشاوەتەوە.</sup>

^19/1/2017