^{گوتەبێژی کۆشکی سپی رایگه‌یاند، جووڵە سەربازییەکانی بەلەمەکانی ئێران لە گەرووی هورمز زیادیکردووە و ئەوان چیتر ئەو هەڵسوکەوتەی هێزەکانی ئێران قه‌بووڵ ناکەن.}

^{ئێوارەی رۆژی چوارشەممە شۆن سپایسەر, گوتەبێژی کۆشکی سپی رایگەیاند, سەرۆککۆماری ئەمریکا دووپاتیکردووه‌تەوە, چیتر ناتوانن جووڵە سەربازییەکانی به‌له‌مه‌ شەڕکەرەکانی ئێران لە گەرووی هورمز قه‌بووڵ بکەن.}

^{بەرپرسانی پنتاگۆنيش ده‌ڵێن: "لەچەند رۆژی رابردوودا ژمارەیەک بەلەمی شەڕکەری ئێران لەکەشتییەکانی ئەمریکا لە گەرووی هۆرموز نزیک بوونەتەوە".}

^{ماڵپەری فەرمی کۆشکی سپی لەسەر زاری سپایسەر, ئاماژەی بەوە داوە, ئەوان ئاگاداری هەموو جووڵەکانی هێزەکانی ئێرانن لە ئاوەکانی گەرووی هورمز و لەمەودوا لێیان قبووڵ ناکرێت.}

^10/3/2017

^{بیژەن زەنگەنە، وەزیری نەوتی ئێران رایگەیاند، بۆ یەکەمجار دوای شۆڕشی گەلانی ئێران لە ساڵی 1979، ئاستی هەناردەکردنی نەوتی ئێران لەم مانگەدا گەیشتووەتە رۆژانە سێ ملیۆن بەرمیل نەوت.}

^{هەرچەندە ئەو وڵاتە توانی تەنیا بۆ یەک رۆژ پارێزگاری لەو ئاستە بکات، بەڵام ئەوە بە ژمارەیەکی پێوانەیی بۆ ئێران ئەژمار دەکرێت.}

^{لە ساڵی 2011 دوای ئەوەی گەمارۆ ئابوورییەکانی سەر ئێران بەهۆی بەرنامە ئەتۆمییەکەیەوە لەلایەن وڵاتانی رۆژئاواییەوە قورسترکران، ئاستی هەناردەکاری نەوتی ئەو وڵاتە دابەزی بۆ رۆژانە یەک ملیۆن بەرمیل، بەڵام دوای لادانی گەمارۆکان و لە سەرەتای ساڵی 2016 بەدواوە، ئەو وڵاتە توانی بەخێرایی پیشەسازی نەوتی خۆی نۆژەنبکاتەوە و ئێستا رۆژانە چوار ملیۆن بەرمیل نەوت بەرهەمدەهێنێت.}

^{ئێران پلانی هەیە تاوەکو ساڵی 2021 بە یارمەتی کۆمپانیا نەوتییە بیانییەکان بتوانێت ئاستی بەرهەمهێنانی نەوتی خۆی بۆ رۆژانە پێنج ملیۆن بەرزبکاتەوە.}

^{بەپێی ئامارەکانی سەرچاوەکانی گواستنەوەی دەریایی لە 19ی مانگی شوباتەوە ئێران رۆژانە لانیکەم دوو ملیۆن و 450 هەزار بەرمیل نەوت هەناردەدەکات.}

^9/3/2017

^{حکومەتی تورکیا ڕێکخراوێکی ئەمەریکی لە ناوخۆی وڵاتەکەی داخست، کە هاوکاری و کۆمەکی مرۆیی پێشکەش بە سەدان هەزار ئاوارەی سوریا دەکرد.}

 ^{ڕێکخراوی میرسی کۆربس، کە بارەگاکەی لە ناوخۆی ویلایەتە یەکگرتووەکانی ئەمەریکایە، لە بەیاننامەیەکدا ڕۆژی ٧ ئازاری ٢٠١٧ ڕایگەیاند، هەست بە نیگەرانی دەکات لە گۆڕانی ئاراستەی ڕوداوەکان بەو شێوەیە.}

^{تا ئێستا دەسەڵاتدارانی تورکیا هیچ لێدوانێکیان نەداوە لەسەر هۆکاری ئەو پشت ئەو بڕیارە، کە ڕێکخراوەکەی پی داخراوە لەناوخۆی خاکی تورکیادا.}

^{کریستین برگال وتەبێژی ڕێکخراوەکە وتی "ناتوانن پێشبینی ئەو هۆکارە بکەن کە پاڵی بە حکومەتی تورکیاوە ناوە بۆ دەرکردنی بڕیارێکی  لەوشێوەیە، بەڵام ئێمە لەسەر سەربەخۆیی و نەزاهەتی کارەکانمان لە ڕێکخراوەکە بەردەوام دەبین".}

^{ڕێکخراوی میرسی کۆربس لە ساڵی ٢٠١٢ وە لە ناخۆی تورکیا کاردەکات و بە گەورەترین ڕێکخراوی مرۆیی دادەنرێت کە لەناوخۆی سوریاشدا کاردەکات و هەموو مانگێک خزمەتگوزاری و کۆمەکانی پێشکەش بە زیاتر لە ٥٠٠ هەزار هاووڵاتی مەدەنی دەکات.}

^{ئەو ڕێکخراوە بە تەنها لە ساڵی ٢٠١٦دا، کۆمەڵێک یارمەتی و کۆمەکی مرۆیی لە ناوخۆی تورکیا پێشکەش بە نزیکەی ١٠٠ هەزار لە ئاوارە رسوریەکان و دانیشتوانی خودی تورکیاش کردووە.}

^{ڕێکخراوەکە ئاماژەی بەوەکردووە، بەردەوام دەبن لە گفتوگۆکانیان لەگەڵ دەسەڵاتدارانی تورکیادا بۆ دەستپێکردنەوەی چالاکییەکانیان، بۆ ئەوەی بتوانن کۆمەک و هاوکارییەکانیان بگەیەننە ئەو کەسانەی پێویستیان پێیەتی.}

^{لە ئێستادا زیاتر لە ٢ ملیۆن ئاوارەی سوریا لە سوریاد دەژین، کە بەهۆی شەڕو ناکۆکییەکانی ناوخۆی وڵاتەکەیانەوە لە ساڵی ٢٠١١وە روویان لەو وڵاتە کردووە، بەو هۆیەشەوە تورکیا بووەتە سەنتەری دابەشکردن و گەیاندنی کۆمەکە مرۆییەکان بۆ ئاوارەکانی سوریا لە ناوخۆی تورکیا و خودی وڵاتەکە.}

^9/3/2017

^{پەرلەمانی هەنگاریا یاسایەکی پەسەندکرد بۆ دەستبەسەرکردنی دەستبەجێی ئەوانەی ڕوویان لە وڵاتەکەی کردووە و داوای مافی پەنابەرێتی دەکەن.}

  ^{ڕۆژى ٧ى ئازارى ٢٠١٧ هەنگاریا یاسایەکى تایبەت بەمافى پەنابەرێتى لە پەرلەمانى وڵاتەکەى بە دەنگی ١٣٨ پەرلەمانتار بەبەڵێ و شەش پەرلەمانتار بەنەخێر پەسەند کرد و ٢٢ پەرلەمانتاریش دەنگیان نەدا.}

 ^{لە یاساکەدا هاتووە، دەبێت ئەو کەسانەی داوای مافی پەنابەری دەکەن، لە ناوچەکانی هاتنە ناو وڵاتەکە لەسەر سنووری سڕبیا و کرواتیا دەستبەسەربکرێن هەتا بڕیاری کۆتایی دەدرێت لە بارەی داوای مافی پەنابەرێتیەکەیان.}

^{ئەوەش لەکاتێکدایە پـێشتر یاسایەکی لەو جۆرە لە هەنگاریا هەبوو، بەڵام لە ساڵی ٢٠١٣ لادرا لە ژێر فشاری یەکێتی ئەوروپا و کۆمسیۆنی باڵای نەتەوە یەکگرتووەکان بۆ کاروباری پەنابەران و دادگای ئەوروپا بۆ مافەکانی مرۆڤ.}

^{یاساکە بەزووى لە ڕۆژنامەى فەرمى وڵاتدا بڵاودەکرێتەوە و دەسـتبەجێ جێبەجێدەکرێت بەسەر هەموو ئەوانەی لە ئێستادا دێنە وڵاتەکە و ئەوانەشی پـێشتر داوای مافی پەنابەرێتیان کردووە و هێشتا وەڵام نەدراونەتەوە.
هاوکات بەرپرسی نوسینگەى ڤیگتۆر ئوربان، سەرۆک وەزیرانی هەنگاریا ڕایگەیاند، دوو یان سێ کەمپ دەکەنەوە لەسەر سنوورەکانی باشوری وڵاتەکە تاوەکو ئەو خەڵکەی تیادا دابنێن.}

^{لەلایەکى ترەوە نەتەوە یەکگرتووەکان بە توندی یاسا نوێـیەکەی شەرمەزارکرد و وتی "ئەمە پـێشێلکردنی یاساکانی ئەوروپا و نێودەوڵەتیـیە لە لایەن هەنگاریاوە".}

^9/3/2017

^{رێکخراوی پاراستنی ژینگەی ئێران لەبارەی لەنێوچوونی زەوییە کشتوکاڵییەکانی ئەو وڵاتە هۆشداری دەدات و دەڵێت ، 90 ملیۆن هێکتار لە زەوییەکانی ئەو وڵاتە مەترسی لەنێوچوونی خاکیان لەسەرە.}

^{لەنێوچوونی خاک لە پارێزگاکانی رۆژهەڵاتی کوردستان لە ئاستی مامناوەندی جیهان زیاترە و بەردەوامی پرۆسەی لەنێوچوونی خاک ، مەترسی جیدی دەخاتە سەر ئاسایشی خۆراک.}

^8/3/2017

^{کچە خوێندکارێکی زانکۆی ئیشک دوای چەند ڕۆژێک لە سوتانی گیانی لەدەستدا و بەپێی زانیارییەکانیش کچەکە خۆی سوتاندوە.}

^{بەپێی زانیارییەکان، ئەو کچەی خوێندکاری کۆلێژی ئەندازیاری زانکۆی ئیشک بووە و بەهۆی کێشەیەکی کۆمەڵایەتییەوە چەند ڕۆژێک پێش ئێستا خۆی سوتاندووە.}

^{کچە خوێندکارەکە، چەند ڕۆژێک دوای سوتانی چارەسەری پزیشکی وەرگرتووە، بەڵام بەهۆی سەختی برینەکانییەوە گیانی لەدەستداوە.}

^{پەیامنێری ئێن ئاڕ تی لە هەولێر لەسەر ڕووداوەکە پەیوەندی کرد، بە کەسوکاری کچە خوێندکارەکەوە، بەڵام ئامادەنەبوون هیچ زانیارییەک لەبارەی ڕووداوەکەوە ئاشکرا بکەن.}

^{ئەو کچە ناوی ئاریان سەلاحە و  لە دایکبووی ساڵی ١٩٩٥، لەکۆلێژی ئەندازیاری بەشی کۆمپیوتەر لە زانکۆی ئیشک لە هەولێر خوێندکار بووە.}

^{لەماوەی ڕابردووشدا، ئافرەتێکی تەمەن ٤٤ ساڵ لە ناحیەی عەینکاوەی شاری هەولێر خۆی سوتاند و دواتر پۆلیسی هەولێر ڕایگەیاند، بەهۆی سووتاویەکەیەوە گیانی لەدەستدا.}

^8/3/2017

رۆژی سێشەممە 7-3-2017 ، لیژنەی دۆزینەوەی راستییەکانی پەرلەمانی ئێران بۆ لێکۆڵینەوە لە هۆکاری کوشتنی کۆڵبەران سەردانی پارێزگای ورمێ دەکات و لەگەڵ بەرپرسانی ئەمنی پارێزگای ورمێ و بنەماڵەی چەند کەس لە کۆڵبەرە کوژراوەکان کۆدەبێتەوە.

جەلال مەحمودزادە ، نوێنەری مەهاباد لە پەرلەمان کە خۆشی ئەندامی لێژنەی دۆزینەوەی راستییەکانە لەبارەی شاندەکە دەڵێت "شاندەکە لە چوار کەس پێکدێت و لە 7ی مارس بۆ 10ی مارس لە ناوچە سنوورییەکان پارێزگای ورمێ لێکۆڵینەوەکانی ئەنجامدەدات و ئەنجامی لێکۆڵینەوەکانیش رادەستی کۆمیسیۆنی ئاسایشی نیشتمانی و سیاسەتی دەرەوەی پەرلەمانی ئێران دەکات.

یاسازانان لە رۆژهەڵاتی کوردستان دروستکردنی لیژنەی دۆزینەوەی راستییەکانی پەرلەمانی ئێران بە هەنگاوێکی ئەرێنی لەقەڵەم دەدەن، بەڵام دەشڵێن "نوێنەرانی پەرلەمان تاوەکو کێشە یاساییەکانی کاری کۆڵبەری چارەسەر نەکەن ، کوژران و گیانلەدەستدانی کۆڵبەران کۆتایی نایەت".

7/3/2017

^{ئەمڕۆ ٦ ئازاری ٢٠١٧ ژمارەک هاووڵاتی و چالاکی مەدەنی لە برۆکسلی پایتەختی بەلجیکا، خۆپیشاندان  گردبوونەوەیان ئەنجامدا لەبەردەم باڵەخانەی ئەنجومەنی یەکێتی ئەوروپا، خۆپیشاندەران  پشتگیری ھاتنی پەناخوازانیان بوون بۆ ناوخۆی ئەوروپا، هاوکات دژی داخستنی سنورەکانن بەرووی پەناخوازاندا.}

 ^{گردبوونەوە و خۆپیشاندانی ئەو کەسانە لەکاتێکدا بووە، ئەمڕۆ وەزیرانی دەرە و بەرگری وڵاتانی ئەندام لە یەکێتی ئەوروپا لە برۆکسل کۆدەبنەوە.}

^{لەو بارەیەوە پەیامنێری ئێن ئاڕ تی ڕایگەیاند، ئەمرۆ وەزیرانی دەرەوە و بەرگری ووڵاتانی ئەندام لەیەکێتی ئەوروپا لەبرۆکسل کۆبوونەوەی ئاسایی خۆیان ئەنجام دەدەن ،ئەنجومەنی یەکێتی ئەوروپاش راگەیەنراوێکی بڵاوکردۆتەوەو تیایدا ئاشکرای کردووە، کۆبوونەوەکە لەلایەن فریدریکا مۆگرینی بەرپرسی سیاسەتی دەرەوەی یەکێتی ئەوروپا سەرپەرشتی دەکرێت و تیایدا ٢٨ وەزیری دەرەوەو بەرگری ئەوروپا بەشداری کۆبوونەوەکە دەکەن.}

^{وەکو لەراگەیەنراوەکەداھاتووە، ئامانجی ئەم کۆبوونەوەیە بۆ زیاتر بەھێزکردنی سەقامگیری ئارامی و ئاسایشی ووڵاتانی ئەوروپایە لەدژی تیرۆر،ھاوکات وەزیرەکان راپۆرتێکی ھاوبەش ئامادە دەکەن و دواتر ئەو راپۆرتە پێشکەش بەسەرکردەکانی ئەوروپا دەکرێت، کەبڕیارە لە رۆژی پێنج شەممی داھاتوو کۆبونەوەیەک بەبەشداری ٢٨ سەرکردەی ئەوروپا بەرێوەبچێت و ئەوانیش لای خۆیانەوە گفتوگۆی تەواو لەسەر دەکەن.}

^{پرسی کۆچبەرانیش یەکێک دەبێت لەو بابەتانەی کە وەزیرانی دەرەوەوبەرگری گفتوگۆی لەسەردەکەن، ئەمەش دوای ئەوەی لەسەرەتای ئەم مانگەوە رێکخراوی مافی مرۆڤ وپەنابەرانی سەر بەنەتەوە یەکگرتووەکان ئامارێکی نوێ ی لەسەر منداڵانی کۆچبەر  بڵاوکردەوە و ئاشکرای کرد ٢٦ ھەزار منداڵی کۆچبەر لەسنوری نێوان لیبیا بۆ ئیتاڵیا دەستدرێژیان کراوەتە سەر،ھاوکات ھەر بەپێی ئامارەکە تەنیا لە٢ مانگی ئەمساڵدا نزیکەی ١٤ ھەزار کۆچبەر ھاتونەتە خاکی ئەوروپادا.}

^{راگەیەنراوەکەی ئەنجومەنی یەکێتی ئەوروپا باسی لەوەش کردووە، لەکۆبوونەوە گفتوگۆ لەسەر چەند پرسێکی تریش دەکرێت لەوانە(بەھێزکردنی پەیوەندی یەکانی نێوان ئەوروپاو ووڵاتی میسر کە بڕیارە سامی شوکر وەزیری دەرەوەی میصر بەشداری کۆبوونەوەکە بکات، لەلایەکی ترەوە پرسی بارودۆخی ووڵاتانی بەڵقان و پرۆسەی ئاشتی لەرۆژھەڵاتی ناوەراست لەکۆبوونەوەکە باسی لێوە دەکرێت.}

^{کۆبوونەوەی وەزیرانی دەرەوەو بەرگری ووڵاتانی ئەندام لەیەکێتی ئەوروپا ھەموو مانگێک جارێک بەرێوەدەچێت و راپۆرت لەسەر چەند پرسێکی جیاواز ئامادە دەکەن و دواتر پێشکەشی سەرکردەکانی ئەوروپای دەکەن، دوو مانگ جارێکیش ٢٨ سەرکردەکەی ئەوروپا کۆبوونەوەی خۆیان ئەنجام دەدەن .}

^7/3/2017

وەزیری تەندروستیی ئێران بە هۆی بەرزکردنەوەی داواکاریی خەڵک هەڕەشەی لەسەر کارلادانی قایمقامێکی کوردی کرد.

 دوای ئەوەی گرتەی ڤیدیۆیی بێڕێزی کردنی حەسەن قازیزادە هاشمی وەزیری تەندروستیی ئێران بە قایماقامی شاری بەدرەی پارێزگای ئیلام، لە تۆڕە کۆمەڵایەتییەکاندا بڵاوکرایەوە، وەزیری تەندروستی, بە تەلەفۆن داوای لێبووردنی لە سیرووس موراد حاسڵی کرد و گوتی، پێی وابووە قایمقام هەوڵی داوە خەڵک دژبە حکوومەت هان بدات.

ویدیو وەزیری تەندروستی ئێران داوای لێبوردن لە قایمقامێکی کورد دەکات

6/3/2017