^{جێگری فەرماندەی هێزەکانی پۆلیسی ئێران رایگەیاند، لەهەر ٧١ خولەکێکدا یەک کەس لەسەر جادەکانی ئێراندا بەهۆی ڕووداوەکانی هاتوچۆوە دەمرێت.}

^{ساڵی ڕابردوو بۆ هەر یەک کاتژمێر کەسێک بەهۆی ڕووداوەکانی هاتوچۆوە لە ئێران گیانی لە دەستداوە.}

^{بەپێی هەواڵێکی ئاژانسی تسنیم لە زاری ئەسکەندەر موئمنی،  جێگری فەرماندەی هێزەکانی پۆلیسی ئێران ڕایگەیاندووە "هەرچەندە ئامارەکان دەڵێن قوربانییەکان لە ساڵی رابردوو کەمترە بەڵام هێشتا لە ئاستی مەترسیدا ماوەتەوە و یەک کەس بۆ ٧١ خولەکە".}

^{موئمنی ڕایگەیاندووە "لە نەورۆزی ئەمساڵدا بەگشتی شۆفێریکردن لەسەر ڕێگا گشتییەکان ١٠٠ کیلۆمەتر بۆ کاتژمێرێک بووە و ئەوەش کاریگەری هەبووە لەسەر کەمکردنەوەی قوربانییەکان".}

^{بەپێی ئامارەکانی وەزارەتی ناوخۆی ئێران، لە سەدا ٦٥ی ڕووداوەکانی ڕێگاوبان لە دەرەوەی شار ڕوودەدات و لەسەدا ٢٦یش لەناوخۆی شار و لەسەدا ٧تیش لەڕێگای لادێکان ڕوودەدات.}

^{لە نەورۆزی ئەمساڵدا لە ڕێگای شاری مەشهەد زیاتر لە ١٠٠ ئۆتۆمبیل خۆیان بەیەکدا کێشاوە و دوو گیان لەدەستدان و ٨٩ برینداری لێکەوتوەتەوە.}

^2/4/2017

^{ئێف بی ئاى (پۆلیسى فیدڕاڵى ئەمەریکا) لەدواى ١٦ ساڵ ژمارەیەک وێنەى نوێى هێرشەکەى ١١ی سێپتەمبەرى ٢٠٠١ی بۆ سەر پنتاگۆن (وەزارەتى بەرگریى ئەمەریکا) بڵاوکردەوە.}

^{ئاژانسى هەواڵى سپوتنیک ئەمڕۆ ٣١ى ئازاری ٢٠١٧ وێنەکانى ئێف بی ئاى بڵاوکردووەتەوە. لە هێرشەکەى ١١ى سپتەمبەردا بۆ سەر پنتاگۆن ١٨٩ کەس کوژرابوون، کە ٥٣ کەسیان نەفەرەکانى ناو فڕۆکە گەشتیارییە بوون، کە لەلایەن خۆکوژەکانى قاعیدەوە فڕێندرابوو. هەروەها ٥ کەسى هێرشبەرى خۆکوژى  سەر بە گروپى قاعیدە کوژرابوون.}

^{بەهۆى ئەو هێرشەوە بۆ سەر پنتاگۆن یەکێک لە گۆشەکانى بینا پێنج گۆشەکەى پنتاگۆن ڕووخابوو.}

^{خۆکوژەکانى قاعیدە لە فڕینى ژمارە ٧٧ى هێڵى (ئەمەریکان ئەیرلاینز) فڕۆکەیەکى گەشتیاریى جۆرى بۆینگ ٧٥٧ یان فڕاندبوو و لەکاتژمێر ٩:٣٧ خولەک و ٤٦ چرکەى سەرلەبەیانیدا فڕۆکەکە و ٥٣ گەشتیار و سەرنشینی ناو فڕۆکەکەیان کێشابوو بە بیناى پنتاگۆندا.}

^{چەکدارەکانى سەربە گروپى قاعیدە جگە لەو هێرشە بۆسەر پنتاگۆن، بە فڕۆکەى گەشتیارى هێرشیان کردبووە سەر تاوەرەکانى ڕێکخراوى بازرگانیى جیهانى لە نیویۆرک و بەو هۆیەوە ئەو تاوەرانە ڕووخان و بە گشتى لەو هێرشانەدا دوو هەزار ٩٧٧ کەس کوژرابوون و ٦ هەزار کەسى تریش بریندار بوو بوون، کە ١٩ کەس لە کوژراوەکان فڕێنەرەکان و خۆکوژەکانى گروپى قاعیدە بوون.}

^1/4/2017

^{کۆمەڵگەی دیموکراتیک و ئازادی رۆژهەڵاتی کوردستان (کۆدار) رایگەیاند، نەخشەڕێگەیەکی دیموکراتیکی بۆ چارەسەری پرسی کورد لە ئێران بڵاودەکاتەوە.}

^{کۆدار لە راگەیێندراوێکدا، کە ئەمڕۆ هەینی 31-3-2017 بڵاوکراوەتەوە، دەڵێت، ئەگەر پێش هەڵبژاردنی داهاتووی سەرۆککۆماری ئێران، کە کەمتر لە دوو مانگی دیکە بەڕێوەدەچێت، کۆماری ئیسلامی ئێران دەست بە گۆڕانکاری بنەڕەتی نەکات، ئێران رووبەڕووی قەیران و دەستێوەرانی دەرەکی دەبێتەوە.}

^{کۆمەڵگەی دیموکراتیک و ئازادی رۆژهەڵاتی کوردستان دەڵێت، لەنێوچوونی داعش لە سووریا و عێراق، هاتنەسەرکاری دۆناڵد ترەمپ و مەترسی وڵاتانی عەرەبی و ئیسرائیل لە دەستێوەردانەکانی ئێران، ئەو وڵاتە دەکاتە ناوەندێکی سەرەکی قەیران.}

^{هۆشداری کۆدار لەبارەی دەستێوەردانی دەرەکی لە ئێران، خستنەڕووی چارەسەریشی لەگەڵە. پێیوایە دۆخی سووریا بۆ بەرپرسانی کۆماری ئیسلامی باشترین ئەزموونە لە کەڵەکەبوونی خواستەکانی خەڵک. دەڵێت "باشترین خوێندنەوە لە قەیرانی سووریا، چارەسەرکردنی بەپەلەی کێشە ناوخۆییەکانە لەڕێگەی دیموکراتیک".}

^{کۆدار وەک حیزبەکانی دیکەی رۆژهەڵاتی کوردستان دەڵێت، بەبێ بەدیهاتنی مافی نەتەوەکان هیچ کرانەوەیەکی راستەقینە لە ئێران روونادات.}

^{رێبەریی کۆدار دەڵێت، جێبەجێنەبوونی ئەو پێشنیازە، قوڵتربوونەوەی قەیران و زیاتربوونی ناکۆکییەکانی لێدەکەوێتەوە. هەڵبژاردنی سەرۆککۆماری داهاتووی ئێرانیش بە مەیدانی تاقیکردنە نێودەبات و دەڵێت "دەسەڵات لەو هەڵبژاردنە دوو بژاردەی هێشتنەوەی دۆخی ئێستا و هەنگاونان بەرەو گۆڕانکاری لەپێشە. یەکەمیان قەیران و دووەمیان رەواندنەوەی مەترسی شەڕ و دیموکراتیکبوونی ئێرانی لێدەکەوێتەوە".}

^{کۆدار مانگێکی دیکە پێدەنێتە چوارەم ساڵی دامەزراندنی. لە هەناوی پژاکەوە سەریهەڵدا کە 10 ساڵ پێش خۆی دامەزراوە. ئێستا خۆی بە پێشڕەوی ستراتیژی سێیەم دەناسێنێ، کە داوای گۆڕانکاری بنەڕەتی لە ئێران دەکات. خەتێک کە حیزبەکانی دیکەی رۆژهەڵاتی کوردستان ئەزموونێکی 38 ساڵەیان لەگەڵ هەیە و دەڵێن سەرئێشانی بەخۆڕاییە.}

^1/4/2017

^{میدیاکانی ئێران هەڵکردنی ئاڵای کوردستان لە پارێزگای کەرکووک بە هەنگاوێک بۆ پەیوەستبوونی ئەو پارێزگایە بە هەرێمی کوردستان لەقەڵەمدەدەن.}

^{ماڵپەڕی فەرمی حکومەتی ئێران نووسیویەتی، هەڵکردنی ئەو ئاڵایە لە پارێزگای کەرکووک، زیاتربوونی ناکۆکی نێوان کورد و تورکمانەکانی لەو پارێزگایە لێدەکەوێتەوە.}

^{میدیاکانی ئێران ئاڵای کوردستان بە ئاڵای هەرێمی کوردستان ناو دەبەن و دەڵێن بڕیاری پارێزگار و ئەنجوومەنی پارێزگای کەرکووک هەنگاوێکی دیکەیە بۆ پەیوەستبوونی ئەو پارێزگا دەوڵەمەندە بە هەرێمی کوردستان.}

^{ئیرنا، ماڵپەڕی فەرمی حکومەتی ئێران نووسیویەتی سەرەڕای دژایەتی حکومەتی عێراق، ئەنجوومەنی پارێزگای کەرکووک دەنگی بە هەڵکردنی ئاڵای هەرێمی کوردستان دا. ئیرنا هەروەها هەڵکردنی ئاڵای کوردستان لە کەرکووک بە هۆکارێک بۆ زیاتربوونی ناکۆکی نێوان کورد و تورکمەنەکان لەو پارێزگایە لەقەڵەمدەدات.}

^{هەروەها ئاژانسی فەرمی خوێندکارانی ئێران، ئیسنا، نووسیویەتی هەڵکردنی ئاڵای کوردستان لە کەرکووک هەنگاوێکی دیکەیە بۆ پەیوەستکردنی کەرکووک بە هەرێمی کوردستان. دەشڵێت لەمەوبەدوا کەرکووک دەبێتە هاوشێوەی سلێمانی، هەولێر و دهۆک و ئاڵای کوردستان لە تەنیشت ئاڵای عێراق لەو پارێزگایەش هەڵدەکرێت.}

^{بەشێکی زۆر لە میدیاکانی ئێران لەجێگەی بڵاوکردنەوەی هەواڵی هەڵکردنی ئاڵای کوردستان لە کەرکووک، کاردانەوەی حکومەتی عێراقیان کردووەتە مانشێتی سەرەکی.}

^{هەواڵدەری فارس، نزیک لە سوپای پاسداران، نووسیویەتی "حکومەتی عێراق ئەو کارە بە پێچەوانەی دەستوور دەزانێت". ئاژانسی فارس لە زمان رێبوار تاڵەبانی، سەرۆکی ئەنجوومەنی پارێزگای کەرکووک نووسیویەتی، ئاڵای کوردستان تاوەکو جێبەجێکرانی تەواوی ماددەی 140ی دەستووری عێراق، هەڵدەدرێت.}

^31/3/2017

^{پەرلەمانتارێکی یەکێتی ئەوروپا دەڵێت ، ئەگەر گەلێک شایستەی مافێک بێت بۆ چارەی خۆنووسین و دەوڵەتی سەربەخۆ، ئەوە گەلی کوردی خۆڕاگرە.
 
چارلس تانۆک، ئەندامی پەرلەمانی یەکێتی ئەوروپا ، لە ئەکاونتی خۆی لە تۆڕی کۆمەڵایەتیی توویتەر نووسیویەتی "ئەگەر گەلێک شایستەی مافێک بێت بۆ چارەی خۆنووسین و دەوڵەتی سەربەخۆ ، ئەوە گەلی کوردی خۆڕاگرە - بەریتانیا ساڵی 1920 ئەو بەڵێنەی داوە".}

^{ئەم نووسینەی چارلس تانۆک، دوای ئەوە دێت کە دلاوەر ئاژگەیی، نوێنەری حکومەتی هەرێمی کوردستان لە یەکێتی ئەوروپا لە تۆڕی کۆمەڵایەتی توویتەر، توویتێکی کردووە و تێیدا نووسیویەتی "سەرۆک مەسعود بارزانی بە سکرتێری گشتی نەتەوە یەکگرتووەکانی گوتووە، هەرێمی کوردستان گشتپرسیی بۆ سەربەخۆیی لە زووترین کاتدا ئەنجام دەدات".}

^{رۆژی پێنجشەممە 30ـی 3ـی 2017 مەسعود بارزانی ، سەرۆكی هەرێمی كوردستان لە فڕۆكەخانەی نێودەوڵەتی هەولێر ، پێشوازی لە ئەنتۆنیۆ گۆتێرز سكرتێری گشتیی رێكخراوی نەتەوە یەكگرتووەكان و شاندێكی یاوەری كرد و لەگەڵیدا کۆبووەوە.}

^{چارلس تانۆک کێیە ؟}

^{لەدایکبووی 1957ـی بەریتانیایە}

^{سیاسییەکی پارێزکارانی بەریتانیایە}

^{لە ساڵی 1999ـەوە ئەندامی پەرلەمانی یەکێتیی ئەوروپایە}

^31/3/2017

^{لە کاتێکدا لێکۆڵەرانی ئەمریکا لە عێراق سەرقاڵی ئاشکراکردنی ئەو لایەنەیە کە بەرپرسە لە کوژرانی نزیکەى ٢٥٠ هاوڵاتی مەدەنی لە گەڕەکی موسڵی جەدیدە لە ڕۆژئاوای شاری موسڵ لە ١٧ی ئەم مانگەدا، فەرماندەی هێزەکانی ئەمریکا لە عێراق بەدووری نازانێت وڵاتەکەى ڕۆڵی لە ڕووداوەکەدا هەبێت.}

^{جەنەراڵ ستیڤن تاوسند ڕایگەیاند، ئەگەرچی ئەو مووشەک و بۆمبانەی کە فڕۆکەکانیان لە شەڕی موسڵ بەکاریان دەهێنن، لەتوانایاندا نیە بینا و باڵەخانە بەو جۆرە بڕوخێنن، بەڵام لەگەڵ ئەوەشدا  ئەگەر هەیە لەلایەن فڕۆکەکانی هاوپەیمانانەوە ئەنجام درابێت، وتیشی پێدەچێت داعشیش لەو کارەدا دەستی هەبوبێت.}

^{تاوسند بە توندی بەرگریی لەو شێوازەش کرد کە ئەمریکا لە شەڕی دژی داعش گرتویەتیەبەر و ڕەتیشیکردەوە ڕێوشوێنەکانی تایبەت بە پاراستنی گیانی هاوڵاتیان لە شەڕی موسڵدا کەم کردبێتەوە.}

^{فەرماندەی هێزەکانی ئەمریکا لە عێراق نەیشاردەوە کە لەگەڵ چڕبوونەوەی هێرشە ئاسمانییەکان بۆ سەر پێگەکانی داعش لە شەقامە تەسکەکانی بەری ڕۆژئاوای شاری موسڵ، ژمارەی قوربانییەکانیش لە نێو هاوڵاتیانی مەدەنی زیاتر دەبن، وتیشی لە ماوەی ٣٤ ساڵی خزمەتکردنی لە نێو سوپای ئەمریکادا شەڕی وا سەختی لەناو ژمارەیەک گەڕەکی تەسک و بەیەکداچوودا نەبینیوە.}

^{فەرماندەیی سوپای عێراقیش  ئۆباڵی ڕوخانی باڵەخانەکەی خستووەتە ئەستۆی چەکدارانی داعشەوە کە لە دوای بۆمبڕێژکردنی تەقاندویانەوە، بەڵام ژمارەیەک شایەتحاڵی نزیک لە ڕووداوەکە جەخت دەکەنەوە کە لە ئەنجامی هێرشێکی ئاسمانی بووە.}

^{پەرلەمانتارێکی عێراقیش لەسەر پشکی پارێزگای نەینەوا وتەکانی فەرماندە ئەمریکی و عێراقییەکە ڕەتدەکردەوە و دەڵێت، ڕووداوەکە بەهۆی بە بۆردومانکردنی ئۆتۆمبیلێکی پڕ تەقەمەنی لە نزیک باڵەخانەکەوە بووە لەلایەن فڕۆکەکانی هاوپەیمانانەوە.}

^{کۆمسیاری نەتەوە یەکگرتووەکانیش بۆ مافەکانی مرۆڤ لە عێراقدا دەڵێت، داعش درێخی ناکات بۆ بەدیهێنانی ئامانجەکانی ژیانی هاوڵاتیانی مەدەنی بخاتە مەترسییەوە، بە پێویستیشی زانی هێزە عێراقییەکان و هاوپەیمانان وریابن و نەکەونە ئەو تەڵەیەوە.}

^{شانبەشانی لێکۆڵینەوەکانیش لە ڕووداوەکە، هێزە عێراقییەکان لە ئۆپراسیۆنی سەربازیی بەردەوامن و لە هەوڵی ئەوەدان هەردوو ناوچەی مەیدان و بازاڕی شەعارین کۆنتڕۆڵ بکەن کە پێشتر داعش تیایدا چەندین کەسی لە خاچ داوە و کوشتووە و ئەشکەنجەداوە.}

^{فڕۆکەکانی هێلیکۆپتەریش پێگەکانی داعش لە چواردەوری مزگەوتی نوری لە بەری ڕۆژئاوای شاری موسڵ بۆردومان دەکەن.}

^{بەوتەی نەتەوە یەکگرتووەکانیش هێشتا نزیکەی ٥٠٠ هەزار هاوڵاتی لە ناوچەکانی ژێر کۆنتڕۆڵی چەکدارانی داعش لە بەری ڕۆژئاوای شاری موسڵ و لە دۆخێکی پڕ مەترسی و برسێتیدا ژیان بەسەردەبەن.}

^30/3/2017

^{لە کاپیتۆڵ هیڵ، نزیک لە کۆنگرێسی ئەمریکا، ئۆتۆمبێلێک هەوڵیدا بەسەر ژمارەیەک پۆلیسی ئەمریکیدا بکەوێت و بیانکات بە ژێرەوە. بەڵام ئۆتۆمبێلەکە وەستێنرا و شۆفێرەکەشی دەستگیر کرا.}

^{پاش رووداوەکە، رووداوی تەقەکردن روویدا و پۆلیس شەقامەکانی نزیک لە ناوچەی رووداوەکەی داخستن.}

^{پۆلیسی ئەمریکا رووداوەکەی پشتڕاستکردووەتەوە و رایگەیاندووە ، شۆفێرەکە ویستوویەتی پۆلیسەکانی پاراستنی کاپیتۆڵ هیڵ بکات بە ژێرەوە، بەڵام سەرکەوتوو نەبووە و هیچ کەس زیانی پێنەگەشتووە ، دواتریش لەلایەن پۆلیسەوە وەستێنراوە و دەستگیر کراوە. پۆلیس هەروەها تەقەی کردووە، بەڵام هیچ کەس زیانی بەرنەکەوتووە.
 هاوکات پۆلیس ژنێکی گومانلێکراوی دەستگیر کردووە و هێزەکانی خۆی لە هەردوو ناوچەی واشنتن و ناوچەی ئیندیپێندنت بڵاوکردووەتەوە ، چەند ناوچەیەکی دیکەشی داخستوون.}

^{پۆلیسی لێکۆڵینەوەی فیدراڵی، ئێف بی ئای، چووەتە شوێنی رووداوەکە و لێکۆڵینەوەی لە رووداوەکە دەستپێکردووە. هێشتا نازاندرێت چ پاڵنەرێک لە پشت ئەم کارەوە بووە و هاوکات رانەگەیێندراوە کە هێرشەکە تیرۆریستیی بووە یان نا. لێکۆڵینەوەکانیش بۆ وەڵامدانەوەی ئەم پرسیارانە بەردەوامن.}

^30/3/2017

^{هێزە ئەمنییەکانی ئەمریکا بەرپرسێکی دارایی تورکیا دەستگیر دەکەن و حکوومەتی ئەو وڵاتەش هەوڵی ئازادکردنی دەدات.}

^{بەپێی هەواڵی ئاژانسە جیهانییەکان، محەمەد هاکان ئەتیللا، جێگری بەڕێوەبەری گشتیی بانکی (HALK) لە درەنگانی شەوی سێشەممە 28.3.2017 لە ئەمریکا دەستگیر کراوە.}

^{بەپێی زانیارییەکان، ئەو بەرپرسە گەمارۆ نێودەولەتییەکانی سەر ئێرانی شکاندووە و کاری لەگەڵ کۆمپانیاکانی حکوومەتی ئێراندا کردووە.}

^{میدیا ئەمریکییەکان باس لەوە دەکەن، کە محەمەد هاکان ئەتیللا بە هەماهەنگیی رەزا زەراب، ملیاردێری ئێرانی، کاری کردووە و گەمارۆ ئابوورییەکانی سەر ئێرانی شکاندووە.}

^{هەڵک بانک یەکێکە لە گەورەترین بانکەکانی تورکیا و %51ـی پشکەکانی لەلایەن حکوومەتی تورکیاوە خاوەندارێتیی دەکرێت.}

^29/3/2017

^{ئەمریکا هێز و کەلوپەلی سەربازی دەنێرێتە رۆژئاوای کوردستان بە ئامانجی رزگارکردنەوەی شاری رەققەی لە باکووری رۆژهەڵاتی سووریا.}

^{بەپێی زانیارییەکان، ئەو هێزە نوێیەی ئەمریکا، کە رۆژی سێشەممە 28.3.2017 گەیشتوونەتە رۆژئاوای کوردستان، لە شەڕی کۆڵان بە کۆڵانی ئۆپەراسیۆنی رزگارکردنەوەی شاری رەققە بەکار دەهێنرێن.}

^{پێشتر هێزەکانی هاوپەیمانیی نێودەوڵەتی دژی رێکخراوی توندڕەوی داعش بە سەرکردایەتیی ئەمریکا، بەنداوی تەبەقە و فڕۆکەخانەی سەربازیی تەبەقەیان لە پارێزگای رەققە رزگار کردبووەوە.}

^{دوای داگیرکردنی نزیکەی نیوەی خاکی عێراق و بەشێکی سووریا، داعش شاری رەققەی وەک پایتەختی خەلافەتەکەی دەستنیشان کرد.}

^{بەهۆی دروستبوونی شەڕی ناوخۆیی لە سووریا لە مانگی ئادار 2011ـەوە، دەیان گرووپی چەکداریی دروستبوون، کە بەشێکیان توندڕەو و تیرۆریستی بوون، لەوانە رێکخراوی داعش، کە دواتر لە سەردەمی سەرۆک وەزیرانیی نووری مالیکی لە عێراق، لە مانگی 6ـی 2014دا نزیکەی نیوەی خاکی عێراقییان داگیرکرد و سوپای عێراقییان تووشی هەرەس و شکستێکی گەورە کرد.}

^29/3/2017