^{سه‌رپه‌رشتیارى پڕۆژه‌ى ئاوى خواردنه‌وه‌ى پشده‌ر ئاشكرایكرد كه‌ جارێكی دیكه‌ كۆمارى ئیسلامى ئێران ئاوى زێى بچووكى سنوورى ناوچه‌ی پشده‌رى گرته‌وه‌.}

^{زانا عوسمان،سه‌رپه‌رشتیارى پڕۆژه‌ى ئاوى (خاس) كه‌ ئاوى خواردنه‌وه‌ى ماڵانى سنوورى شارى قه‌ڵادزێ و ده‌وروبه‌رى دابین ده‌كات ، له‌ لێدوانێكدا به‌ (باسنیوز) ى ڕاگه‌یاند: "پاشنیوه‌ڕۆى ڕۆژی سێشه‌ممه‌(11-7-2017)ز بۆمان ده‌ركه‌وت كه‌ ئاوى پڕۆژه‌كه‌ به‌ره‌به‌ره‌ كه‌م ده‌كات به‌ جۆرێك تا ئێستا یه‌ك مه‌تر كه‌میكردووه‌،بۆیه‌ دواى به‌دواداچون بۆمان ده‌ركه‌وت كه‌ ئێران جارێكى دیكه‌ ئاوه‌كه‌ى گرتووه‌ته‌وه‌".}

^{گوتیشى: "لایه‌نى په‌یوه‌ندارمان ئاگاداركردووه‌ته‌وه‌، هاوكات رێكخراوه‌كانی كۆمه‌ڵگای}

^{رۆژی پێنجشەممەی رابردوو، ژنە خۆكوژێكی داعش كە منداڵێكی ساوای لە باوەش بوو، خۆی بە هێزە ئەمنییەكانی عێراقدا تەقاندەوە. ئەو ژنە بە منداڵەكەی باوەشییەوە وای نیشان دەدا كە لەترسی بۆردومان هەڵاتووە و دەیەوێ خۆی بگەیەنێتە ناوچەیەكی ئارام.}

^{هێزە ئەمنییەكان دەڵێن ئەوان كێشەی پشكنینی ئەو ئافرەتانەیان هەیە كە لەژێر دەسەڵاتی داعش رادەكەن.}

^{ئەم رووداوە وەرچەرخانێكی گەورەیە لە مێژووی كردەوە خۆكوژییەكانی داعشدا لە بەرامبەر نەیارەكانی، چونكە پێشتر كاركردنی ژن لەچوارچێوەی ماڵ و چەند كارێكی دەستەی پۆلیس و چاودێریكردنی ژنە زیندانییەكاندا بوو.}

^{رائید ئەحمەد مەعمووری، ئەفسەر بە پلەی رائید لە هێزەكانی دژەتیرۆری عێراق كە لەو هێرشەی ئافرەتەكەدا ئامانجە سەرەكییەكە بووە و ئێستا بریندارە، بە (رووداو)ی گوت ''ئێمە هێزەكانمان بەرەو نێو جەرگەی مووسڵی كۆن لە پێشڕەویدا بوون، دەیان خێزان بەرەوڕوومان هەڵدەهاتن. تێبینیمان كرد ژنێك كە منداڵێكی ساوای لەباوەش گرتووە، هەڵسوكەوتی ئاسایی نییە، لەوكاتەی قسەمان لەگەڵ دەكرد، دەستبەجێ خۆی تەقاندەوە''.}

^{بە گوتەی رائید ئەحمەد مەعمووری ئەو ژنە دوو جانتای لەشان بووە، دەستێكی پێچرابوو، هەستیان كردووە شتێكی نامۆ هەیە، بەڵام بەرلەوەی دەستگیری بكەن، خۆی تەقاندووەتەوە و بەو هۆیەشەوە شەش كارمەندی دژە تیرۆری عێراق بریندار بوون.}

^{ئەو ئەفسەرە دەڵێت ''هەرگیز باوەڕم نەدەكرد ژنێك منداڵی لەباوەشدابێت و خۆی بتەقێنێتەوە، بەڵام داعش هەرچی سەیر و نامۆیە كردی''.}

^{بەپێی ئامارەكانی پۆلیسی فیدراڵی و دژەتیرۆر و بەرپەرچدانەوەی خێرا، مانگی رابردوو 38 ژن لە مووسڵ خۆیان تەقاندووەتەوە، هەفتەیەك بەر لەئێستاش ژنە خۆكوژێكی داعش لە كەمپێكی پەنابەران لە رۆژئاوای بەغدا 14 كەسی كوشت.}

^{سەلام عوبێدی، فەرماندە لە ئۆپەراسیۆنە تایبەتەكانی دژەتیرۆری عێراق بە (رووداو)ی راگەیاند: ''حەوت هەوڵی ژنە خۆكوژەكانی داعشمان لە مووسڵ پووچەڵ كردوونەتەوە، بە دەیانیشیان خۆیان تەقاندووەتەوە''.}

^{سەلام عوبێدی دەشڵێت ''ئەو خۆكوژانەی داعش ناچارمان دەكەن بەهەموو شێوەیەك رووبەڕوویان ببینەوە''.}

^{كەتیبەی ژنە خۆكوژەكانی داعش}

^{داعش دوو كەتیبەی بەناوەكانی خەنسا و ئوم رەیحان بۆ ژنە خۆكوژەكان لە سووریا دروستكردبوو. ئوم میقداد، بەرپرسی ژنە خۆكوژەكانی داعشە و تەمەنی 45 ساڵە، بە رەگەز سعودیە. ئوم هاجەریش بەرپرسی كەتیبەی خەنسایە و بە 60 ژنی راهێنراوەوە هاتە عێراق و بە رەگەز تونسیە.
چاودێرانی تەكتیكەكانی داعش دەڵێن ژن ئاسانتر لە پیاو جموجۆڵ دەكات و چاودێریكردنی ئاسان نییە، بۆیە ئاسانتر دەگاتە ئامانجەكانی. تۆ ناتوانی بزانیت چی لەژێر جلوبەرگەكانیدا حەشارداوە.
راپۆرتێكی ناوەندی لێكۆڵینەوەی ستراتیژی لەبارەی تیرۆرەوە ئاماژە بەوە دەكات كە زۆربەی ژنانی داعش تونسین.}

^{پشتێنێكی بۆمبڕێژ.. مارەیی ژنە خۆكوژەكان}

^{ئۆپەراسیۆنە تایبەتەكانی لیبیا لە دادگای شەرعیی شاری سرت دەستیان بەسەر چەند بەڵگەنامەیەكدا گرتووە، لە یەكێك لە بەڵگەنامەكاندا دەركەوتووە، مارەیی مەریەمی نەیجیری پشتێنێكی بۆمبڕێژكراو بووە كاتێك بووەتە هاوژینی ئەبو مەنسووری تونسی.}

^{دوای راگەیاندنی خەلافەت لە ساڵی 2014 لەلایەن داعشەوە، بە سەدان بیانی لە كوڕ و كچ روویان لە سووریا و عێراق كرد. بەپێی مەزەندەكانی وەزارەتی دەرەوەی ئەمریكا، لە كۆی 4 هەزار بیانی 550 ژن لە تەواوی جیهانەوە پەیوەندییان بە داعشەوە كردووە كە لە 50 وڵاتی جیاوازەوە چوونەتە نێو داعش، تەمەنی ئەوانەش لە نێوان 16-24 ساڵ دەبێت.}

^{فەرەنسا پشكی شێری بەركەوتووە و زۆرترین ژن لەوێوە پەیوەندییان بە داعشەوە كردووە، بەجۆرێك رێژەكەی دەگاتە 40% ، لەپاش ئەو بەریتانیا و ئەڵمانیا لەڕیزی پێشەوەی ئەو وڵاتانەدان كە زۆرترین ژن لێوەی پەیوەندییان بە داعشەوە كردووە.}

^10/7/2017

^{لاوانی پارتەکەی ڤلاديمیر پوتن (لاوانی رووسیای یەکگرتوو) ئاراستەی (فەلاح حەسەن) جێگری سەرۆکی لاوانی جیھان و نوێنەری دەرەوەی لاوانی پارتی دیموکراتی کوردستانیان کردووە، پشتگیری خۆیان بۆ گەلی کوردستان و ریفراندۆم دەربڕیووە.}

^{له‌ نووسراوێکی فەرمیدا لاوانی رووسیا ئامادەیی خۆیان دەربڕیوە بۆ پشتيوانيكردن له‌ ریفراندۆم و راشيانگه‌ياندووه‌، ئاماده‌ن بۆ پشتگیری پرۆسەکە شاند و نوێنەری تایبەتی خۆیان بنێرن بۆ كوردستان.}

^{بڕياره‌ رۆژی 25ی مانگى ئەیلوولی ئەمساڵ پرۆسه‌ى ريفراندۆم به‌ڕێوه‌بچێت.}

^{ئەمەش دەقی نووسراوەکەی لاوانی رووسیایە}

10/7/2017

^{ژماره‌یه‌ك رۆشنبیر و نوێنه‌ری كۆمه‌ڵه‌ كوردییه‌كانی رووسیا به ‌به‌شداری بەشێك لە قوتابیانی باشوور و رۆژئاوای كوردستان، له‌ شاری مۆسكۆ به‌ مه‌به‌ستی پشتیوانی له‌ پرۆسه‌ی ریفراندۆم و سه‌ربه‌خۆیی كوردستان كۆبوونه‌وه‌ و داوا له‌ لایه‌نه‌ سیاسییه‌كان و هاووڵاتیانی باشووری كوردستان ده‌كه‌ن، كه‌ هیوا و خه‌باتی سه‌دان ساڵه‌ی باوك و باپیران به‌ سه‌رخستنی ریفراندۆم و به‌ده‌ستهێنانی مافی سه‌ربه‌خۆیی به‌جێ بگه‌یه‌نن.}

^{https://youtu.be/bUlI0z1YmY4}

^10/7/2017

^{سەرۆک کۆماری عێراق ئاشکرایدەکات، فەرماندەی سوپای قودسی ئێران لە وەزارەتی بەرگریی عێراق پۆستی راوێژکاری سەربازیی هەیە.}

^{فوئاد مەعسووم، سەرۆک کۆماری عێراق لە چاوپێکەوتنێکی رۆژنامەوانیدا لەبارەی دەستێوەردانی ئێران لە کاروباری ناوخۆیی عێراق و بەشداری فەرماندەی سوپای قودسی پاسداران لە شەڕەکانی دژ بە داعش رایگەیاند، ئێران بە هیچ شێوەیەک دەستێوەردان لە کاروباری ناوخۆی عێراق ناکات، هەروەها قاسم سولەیمانی، فەرماندەی سوپای قودس، وەکو راوێژکارانی فەرەنسی و ئەمریکی، لە وەزارەتی بەرگریی عێراق راوێژکارە.}

^{راشیگەیاندووە، لەگەڵ تەواوبوونی شەڕی کۆنترۆڵکردنەوەی مووسڵ داوا لە تورکیا دەکەن، هێزەکانیان لە عێراق بکشێنێتەوە.}

^{ئەم گوتانەی سەرۆك كۆماری عێراق لە كاتێكدایە، كە قاسم سولەیمانی، جگە لەبواری سەربازی، زۆرجار وەك نوێنەری ئێران لەنێو كێشەی لایەنە سیاسییەكانی عێراق و كوردستان دەردەكەوێت.}

^9/7/2017

^{دوای كۆتایی ھاتنی لوتكەی جی 20، رەجەب تەیب ئەردۆغان، سەرۆك كۆماری توركیا رایگەیاند، سەڵاحەدین دەمیرتاش، ھاوسەرۆكی ھەدەپە، بەهۆی كردەوە تیرۆریستییەكانی لە زیندانە و بووەتە ھۆی كوشتنی دەیان كەس، دۆسێی دادگایی كردنیشیان بەردەوامە و بڕیاری دادگا ھەرچی بێت رێزی لێدەگرن.}

^{پارتی دیموكراتی گەلان (ھەدەپە) گوتەكانی ئەردۆغان دەربارەی دەمیرتاش رەتدەكاتەوە و رایدەگەیەنێت، دەمیرتاش تیرۆریست نییە، بەڵكوو نوێنەری ئیرادەی ملیۆنان كەسە و لە دادگاش حساب بۆ ئەو قسانەی ئەردۆغان دەكەن.}

^{لە راگەیاندراوێكدا ھەدەپە دەڵێت، دەمیرتاش پەرلەمانتارە، نوێنەری ئیرادەی ملیۆنان كەسە و كەسێكی شەرەفمەندە. ئاماژە بەوەش دەكات ھەرچەندە ئەردۆغان دەڵێت "توركیا دەوڵەتێكی دادپەروەرە"، بەڵام خودی خۆی فەرمان بە دادگاكان دەكات و ھەرەشە لە دادگای دەستووری دەكات.}

^{ھەدەپە لە كۆتایی راگەیەندراوەكەدا، گوتەكانی ئەردۆغان سەركۆنە دەكات و جەختیش دەكاتەوە، مێژوو نیشانی دەدات ئاخۆ كامەیان تیرۆریستە، ئەوان لە سیاسەت و یاسای ناوخۆیی و نێودەوڵەتی حساب بۆ ئەو گوتانەی سەرۆكی گشتی ئاكەپە دەكەن و لێی خۆش نابن.}

https://youtu.be/0THV8j8fXUg

^9/7/2017

^{ڤیدیۆیه‌ك بڵاوكراوه‌ته‌وه‌ كه‌ ئه‌نگێلا مێركڵ، راوێژكاری ئه‌ڵمانیا، له‌و كاته‌ی سه‌ركرده‌ی وڵاتانی G20 بۆ وێنه‌گرتن كۆبوونه‌ته‌وه‌، پاڵ به‌ دۆناڵد تره‌مپ سه‌رۆكی ویلایه‌ته‌ یه‌كگرتووه‌كانی ئه‌مریكا و میلانیای خانمی یه‌كه‌مه‌وه‌ ده‌نێت، تا بچنه‌ ریزی دووه‌م.}

^{ڤیدیۆكه‌ به‌ شێوه‌یه‌كی فراوان له‌ تۆڕه‌ كۆمه‌ڵایه‌تییه‌كاندا بڵاوبووه‌ته‌وه‌ و ئه‌و كاته‌ تۆمار كراوه‌ كه‌، دۆناڵد تره‌مپ به‌ره‌و سه‌كۆی وێنه‌گرتنه‌كه‌ دێت و ته‌وقه‌ له‌گه‌ڵ ژماره‌یه‌ك له‌ سه‌رۆك و سه‌ركرده‌كان ده‌كات، له‌و كاته‌شدا له‌و جیگایه‌دا ده‌وه‌ستێت كه‌ مێركڵ پێشتر وه‌ستابوو، كاتێك ده‌یه‌وێت له‌ پێشه‌وه‌ بوه‌ستێت، راویژكاری ئه‌ڵمانیا قسه‌ی له‌گه‌ڵدا ده‌كات و ده‌ڵێت شوێنی تۆ له‌ ریزی دووه‌م دیاریكراوه‌.}

^{دوای گه‌ڕانه‌وه‌ی مێركڵ زه‌رده‌خه‌نه‌یه‌ك ده‌كات و له‌و كاته‌شدا كامێراكان وێنه‌یان گرتووه‌.}

https://youtu.be/bRjTbdX-f2k

^9/7/2017

^{جێگری سەرۆك كۆماری ئێران بەڵێنی جێبەجێكردنی، سەرجەم بەڵێنەكانی روحانی بە خەڵكی رۆژھەڵاتی كوردستان دەدات.}

^{ئیسحاق جەھانگیری جێگری یەكەمی سەرۆك كۆماری ئێران لە كۆبوونەوەی لەگەڵ پەرلەمانتارە كوردەكانی پەرلەمانی ئێران رایگەیاند، سەرجەم بەڵێنەکانی حەسەن روحانی سەرۆک کۆمار، لە کاتی سەردانەكەیدا بۆ رۆژھەڵاتی كوردستان، لەوانە كێشەی كۆڵبەران و كردنەوەی ناوچەی ئازادی بازرگانی لە شارە سنوورییەكانی كوردستان جێبەجێدەكرێت و ھەوڵی جیددی بۆ چارەسەركردنی كێشەكانی خەڵك دەدەن.}

^{جەھانگیری دەشڵێت، خەڵكی كوردستان مافێكی گەورەیان بەسەر خەڵكی ئێرانەوە ھەیە و نابێت جیاوازییە سیاسی و ئایینییەكان ببنە بەربەست بۆ چارەسەركردنی كێشەكانی خەڵك.}

^{ئەمە لەكاتێكدایە خەڵكی كوردستان رەخنە لە حكوومەتەكەی روحانی دەگرن و دەڵێن، لە ماوەی 8 ساڵی رابردوودا، روحانی پابەندی ھیچ یەك لە بەڵێنەكانی بە خەڵكی كوردستان نەبووە.}

^9/7/2017

^{بە سەرۆكایەتی مەسعوود بارزانی سەرۆكی ھەرێمی كوردستان، كۆبوونەوەی ئەنجوومەنی باڵای ریفراندۆم دەستیپێكرد.}

^{ئاراس ئەحمەد پەیامنێری كوردستان24 رایگەیاند: "ئەمڕۆ ئەنجوومەنی باڵای ریفراندۆم، بڕیار لە پێكھێنانی سێ كۆمیتە دەدات، كۆمیتەیەكیان سەردانی بەغدا دەكات و یەكێكیشیان سەردانی وڵاتانی دراوسێ و عەرەبی دەكات، ھەروەھا كۆمیتەیەكی دیكەش سەردانی ئەمریكا و وڵاتانی ئەوروپا دەكات".}

^{گوتیشی: "لایەنە سیاسییەكان نوێنەری خۆیان بۆ ئەنجوومەنی باڵای ریفراندۆم دیاركردووە و تەنھا گۆڕان و كۆمەڵ بەشداری كۆبوونەوەكەیان نەكردووە".}

^{رۆژی 7/6/2017 لە كۆبوونەوەی لایەنە سیاسییەكان به‌ سه‌رپه‌رشتی سه‌رۆكی هه‌رێمی كوردستان بڕیاردرا له‌ 25/9/2017 ریفراندۆم بۆ سه‌ربه‌خۆیی كوردستان ئه‌نجام بدرێت و لایه‌نه‌ سیاسییه‌كان‌ نوێنه‌ری خۆیان بۆ ئه‌و پرسه‌ ده‌ستنیشان بكه‌ن.}

^8/7/2017

^{لە پەراوێزی كۆبوونەوەكانی لوتكەی وڵاتانی گرووپی 20، سەرۆكەكانی ئەمریكا و روسیا كۆبوونەوە.}

^{كۆبوونەوەكەی سەرۆكی ئەمریكا، دۆناڵد ترەمپ و ھاوتا رووسەكەی، ڤلادیمیر پوتین, یەكەمین كۆبوونەوەی ئەو دوو سەرۆكەیە و لە كۆبوونەوەكەدا تاووتوێی بابەتە چەند بابتێك كراوە لەوانە بابەت كرایمیا و داعش و داھاتووی سوریا و تیرۆری جیھانی}

^{سەرەڕای لێكنزیكبوونەوەیەكی دیاریكراو لە سەر كێشەكانی سوریا، ئەو دوو سەركردەیە تەواو لەسەر پرسی كریمیا ناكۆكن، ھاوكات ڤلادیمیر پوتین پێشنیازی دروستكردنی ھێزێكی جیھانی دژەتیرۆری بە سەرۆكی ئەمریكا داوە، بەڵام وەڵامێكی راستەوخۆی لە دۆناڵد ترەمپەوە پێ نەگەیشتووە.}

^8/7/2017