به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
شه‌ش زلهێزه‌که‌ی جیهان پـێشـنیاریان کردووه وتووێژه‌کان له‌گه‌ڵ ئێراندا ده‌سـتپـێـبکاته‌وه سه‌رباره‌ت به به‌رنامه ناوکیـیه‌که‌ی که رۆژئاوا گومانیان هه‌یه ره‌هه‌ندی له‌شـکری هه‌بێت.
سه‌ڵاحه‌دین ده‌میرتاش، هاوسه‌رۆكی پارتى ئاشتى‌و دیموكراسى، له‌گه‌ڵ په‌رله‌مانتار‌و به‌رپرسانی پارته‌كه‌ی سه‌ردانی سه‌رۆك شاره‌وانی‌و ئه‌نجوومه‌نی شاره‌وانییه كورده‌كانیان كرد بۆ ئیدانه‌كردنی گۆشه‌گیری عه‌بدولڵا ئۆجه‌لان رێبه‌ری PKK، هه‌روه‌ها له باره‌گای سه‌ره‌كی BDP مانیان گرتووه.
کۆنفڕانسی زمانی نەتەوەیی لە ڕۆژانی ٢، ٣ و ٤ی مانگی مارس لە شاری ئامەد بە بەشداریی ٣٠٠ زمانزان، پەروەردەکار، سیاسەتمەدار و نوێنەرانی کۆمەڵگەی مەدەنی، لە هەموو بەشەکانی کوردستان و جیهانەوە پێک هات. لەو کۆنفرانسە دا لە سەر بابەتی وەک دەوری زمان لە یەکێتی نەتەوەیی دا،ئەلفووبێ و ل…ەهجە کوردییەکان، سیستمی پەروەردە و ئاکادێمی زمان ووتار پێشکێش کران. لە ئاکامی لە سەر دوان و هەڵسانگاندنی نوێنەرانی بەشدار لە کۆنفڕانس دا بڕیار درا ئەو داوخواز و پێشنیازانەی خوارەوە پێشکێشی بیروڕای گشتی، کۆنگرەی نەتەوەیی و لایەنی پێوەندیدا بکرێن. کۆنگرەی جڤاکی دێمۆکڕاتیک، ئەو خاڵانەی خوارەوەی کە لە ئەنجامنامە دا هەن ئاشکرا کرد:
به‌گوێره‌ی ده‌زگاكانی راگه‌یاندنی ئێرانی و هه‌ندێك سه‌رچاوه له ناوخۆی رۆژهه‌ڵاتی كوردستان، كورد وه‌ك پێویست هه‌ڵبژاردنه‌كه‌ی بایكۆت نه‌كرد و زیاتر له نیوه‌ی ئه‌و كه‌سانه‌ی مافی ده‌نگدانیان هه‌بوو به‌شدارییان له هه‌ڵبژاردندا كرد. ئه‌وه له كاتێكدایه كه بۆ یه‌كه‌مین جاربوو
لە مەهاباد: عوسمان ئەحمەدی بە 48128 دەنگ لە كۆی گشتی 89895 دەنگ وەك نوێنەری ئەو شارە هەڵبژێردرا.
لە بۆكان: قەسیم عوسمانی بە بەدەستهێنانی 68191 دەنگ لەكۆی گشتی 100110 دەنگ، وەك نوێنەری ئەو شارە هەڵبژێردرا.
لە سەردەشت و پیرانشار: رەسوڵ خزری بە بەدەستهێنانی 42840 دەنگ وەك نوێنەری ئەو دوو شارە هەڵبژێردرا.
لە شنۆ و نەغەدە: عەبدولكەریم حوسێن زادە بەنوێنەری ئەو دوو شارە هەڵبژێردرا.
ئاكامی هەڵبژاردن لە 4 ناوچەی پارێزگای كوردستان ( سنە):
لە سەقز و بانە: موحسین بەیگلەری بە 41000 دەنگ بە نوێنەرایەتی ئەو دوو شارە هەڵبژێردرا.
لە قروە و دێ گوڵان: حامید قادرمەرزی بە 28000 دەنگ نوێنەرایەتی ئەو دوو شارەی بەدەستهێنا.
لە مەریوان و سەروئاوا: ئومێد كەریمیان سەركەوت.
لە بیجار: محەمەد بەیاتیان بە 19000 دەنگ زۆرینەی دەنگەكانی بۆخۆی مسۆگەر كرد.
ئاكامی هەڵبژاردن لە پارێزگای كرماشان:
لە كرماشان: سەركەوتنی رەزا میسری و سەعید حەیدەری راگەیێندار و نوێنەری سێیەمی ئەم شارەش لە خولی دووەمی هەڵبژاردندا دیاریدەكرێت.
لە پاوە و هەورامان: نیعمەت مەنوچێهری زۆرینەی دەنگەكانی بەدەستهێنا.
لە ئیسلام ئاوا: عەلی جەلیلیان بە نوێنەرایەتی ئەو شارە هەڵبژێردرا.
لە سۆنقۆر: ئیبراهیم مۆحێبی زۆرینەی دەنگەكانی مسۆگەر كرد.
لە كەنگاوەر، سەحنە، بێستون و هەرسین: وەحید ئەحمەدی بە نوێنەرایەتی ئەم چوار شارە هەڵبژێردرا.
ئاكامی هەڵبژاردن لە پارێزگای ئیلام: بەپێی زانیارییەكان لە پارێزگای ئیلام هیچ كام لە پاڵێوراوان نەیانتوانی دەنگی پێویست بە دەستبێنن و چارەنووسی سێ نوێنەری پارێزگای ئیلام لەخولی دووەمی هەڵبژاردن دیاری دەكرێت.
ئەو هەڵبژاردنە لە لایەن سەرجەم حیزبەكانی رۆژهەڵاتی كوردستان و ئۆپۆزیسیۆنی ئێرانی، بایكۆت كرابوو، بەڵام لەگەڵ ئەوەشدا بەشێك لە خەڵكی رۆژهەڵاتی كوردستان بەشداریان لە دەنگداندا كرد.
لە پارێزگای کوردستان به 10 شار و یه‌ک میلیۆن و 438 هه‌زار دانیشتوو، خاوه‌نی شه‌ش کورسی مه‌جلیسی شۆرای ئیسلامی ئێرانه. ناوەندەکانی هەواڵ....
لە سەردەشت و پیرانشار: رەسوڵ خزری بە بەدەستهێنانی 42840 دەنگ وەك نوێنەری ئەو دوو شارە هەڵبژێردرا.
لە شنۆ و نەغەدە: عەبدولكەریم حوسێن زادە بەنوێنەری ئەو دوو شارە هەڵبژێردرا.
ئاكامی هەڵبژاردن لە 4 ناوچەی پارێزگای كوردستان ( سنە):
لە سەقز و بانە: موحسین بەیگلەری بە 41000 دەنگ بە نوێنەرایەتی ئەو دوو شارە هەڵبژێردرا.
لە قروە و دێ گوڵان: حامید قادرمەرزی بە 28000 دەنگ نوێنەرایەتی ئەو دوو شارەی بەدەستهێنا.
لە مەریوان و سەروئاوا: ئومێد كەریمیان سەركەوت.
لە بیجار: محەمەد بەیاتیان بە 19000 دەنگ زۆرینەی دەنگەكانی بۆخۆی مسۆگەر كرد.
ئاكامی هەڵبژاردن لە پارێزگای كرماشان:
لە كرماشان: سەركەوتنی رەزا میسری و سەعید حەیدەری راگەیێندار و نوێنەری سێیەمی ئەم شارەش لە خولی دووەمی هەڵبژاردندا دیاریدەكرێت.
لە پاوە و هەورامان: نیعمەت مەنوچێهری زۆرینەی دەنگەكانی بەدەستهێنا.
لە ئیسلام ئاوا: عەلی جەلیلیان بە نوێنەرایەتی ئەو شارە هەڵبژێردرا.
لە سۆنقۆر: ئیبراهیم مۆحێبی زۆرینەی دەنگەكانی مسۆگەر كرد.
لە كەنگاوەر، سەحنە، بێستون و هەرسین: وەحید ئەحمەدی بە نوێنەرایەتی ئەم چوار شارە هەڵبژێردرا.
ئاكامی هەڵبژاردن لە پارێزگای ئیلام: بەپێی زانیارییەكان لە پارێزگای ئیلام هیچ كام لە پاڵێوراوان نەیانتوانی دەنگی پێویست بە دەستبێنن و چارەنووسی سێ نوێنەری پارێزگای ئیلام لەخولی دووەمی هەڵبژاردن دیاری دەكرێت.
ئەو هەڵبژاردنە لە لایەن سەرجەم حیزبەكانی رۆژهەڵاتی كوردستان و ئۆپۆزیسیۆنی ئێرانی، بایكۆت كرابوو، بەڵام لەگەڵ ئەوەشدا بەشێك لە خەڵكی رۆژهەڵاتی كوردستان بەشداریان لە دەنگداندا كرد.
لە پارێزگای کوردستان به 10 شار و یه‌ک میلیۆن و 438 هه‌زار دانیشتوو، خاوه‌نی شه‌ش کورسی مه‌جلیسی شۆرای ئیسلامی ئێرانه. ناوەندەکانی هەواڵ....
به‌به‌شداری زیاتر له 200 ئه‌ندام و ژماره‌یه‌ک میوان له شاری ئامه‌د کۆنفرانسی زمانی کوردی له هۆلى ناوه‌ندى چاندى جگه‌رخوینى ئامه‌د ده‌ستی پێکرد.
ئاژانسی هەواڵی فورات لەمبارەوە بڵاویکردەوە؛ کۆنفرانسه‌که که له‌لایه‌ن ده‌زگاى په‌روه‌رده‌ى کوردى ناسراو به کوردى ده‌ر و کۆمسیۆنى زمانى کۆنگره‌ى کۆمه‌لگه‌ى دیموکراتى KCD و کۆمه‌له‌ى نوسه‌رانى کورده‌وه ڕێکخراوه، سه‌رله‌به‌یانی ئه‌مڕۆ ده‌ستی به به‌رنامه‌کانی کرد.
له کۆنفرانسه‌که‌دا که چه‌ندین که‌سایه‌تی ناوداری بواری زمانی کوردی له هه‌رچوارپه‌رچه‌ی کوردستانه‌وه به‌شداربوون، هه‌روه‌ها ئه‌ندام په‌رله‌مانانی BDP و ئه‌ندامانی ده‌سته‌ی به‌ڕێوه‌به‌ری KCD و نوێنه‌ری چه‌ندین دام و ده‌زگای زمانه‌وانی کوردی له ناوه‌وه و ده‌ره‌وه‌ی وڵات و هه‌روه‌ها چه‌ندین رێکخراوی کۆمه‌ڵگای مه‌ده‌نیش به‌شداربوون.
ئامانج له‌م کۆنفرانسه‌که‌دا رووبه‌ڕوو وه‌ستانه له‌دژى قڕکردن و له‌ناوبردنى زمانى کوردی بابه‌ته‌کانى سیاسه‌تى پاکتاوکارانه‌ى ده‌وڵه‌تى تورک، پرسه‌کانى بوارى زمانه‌وانى کوردى، هه‌وڵدان بۆ ستاندارکردنى ئه‌لف و بێى کوردى و هه‌روه‌ها زاراوه‌کانى زمانى کوردى، گفتوگۆیان له‌سه‌ر ده‌کرێت و ڕێچاره‌کان ده‌خرێنه ڕوو.
ئه‌مڕۆ بابه‌ته‌کانى (له بوارى نه‌ته‌وه‌یى دا گرنگى زمان، له کوردستان ڕێکخستنکردنى زمان، گرنگى چاپه‌مه‌نى و مێژوو له‌زمان دا) گفتوگۆیان له‌سه‌ر ده‌کرێت.
بڕیاره سبه‌ینێش مژاره‌کانی ئه‌لف و بێى کوردى و گرفته‌کانى به‌رده‌مى، سیاسه‌تی پاراستن و پێشخستنى زمان، له 4 ى ئاداریش واته دواین ڕۆژدا بابه‌ته‌کانى له خویندگه‌ى سه‌ره‌تاییه‌وه تا قۆناخى زانکۆ چۆن سیسته‌مێکى خوێندن و بۆ پێشخستنى زمان گرنگى داموده‌زگاکان و ئه‌کادیمیه‌کان به فراوانى تاوتوێ ده‌کرێن.
بە پێی هەوالێک کە لە پەیجی تایبەتی نووسەر و لێکۆڵەر “حەسەن قازی” لە فەیسبووک بڵاو بۆتەوە؛ ئەمڕۆ لە یەکەم رۆژی کاری کۆنفرانسەکەدا دوکتور جەعفەر شێخولئیسلامی کە لە کەنەداوە دەعوەت کرابوو وتارێکی زانستی سەبارەت بە دەوری میدیا لە پێکهێنانی ناسنامەی نەتەوەیی دا پێشکەش کرد.
وێنە: حەیدەر دلژەن. لە والی کاک حەسەن قازی وەرگی
خۆر نیوز- لە شاری بۆکان ململانێی بانگەشەکردن لە نیوان دوو پالێوراو دوکتور قەسیم عوسمانی و حاچ ئەنوەر حەبیب زادەی بۆکانی لە پەرەسەندن دایە و لە هەندێ جێی دا لە نیوان لایەنگرانی ئەم دوو پاڵێوراوە پێکدادان هاتۆتە ئاراوە.
به‌پێى راپۆرتی ناوه‌ندێكى نه‌ته‌وه یه‌كگرتووه‌كانى ئه‌مریكا، عه‌بدوڵڵا ئۆجه‌لان یه‌كێكه له‌و پێنج كه‌سه‌ى كه راپۆرته‌كه به "ئه‌كته‌رى سه‌ره‌كى" توركیا ناوى هێناون.
له راپۆرتی (تورکیا: باکگراوند و په‌یوه‌ندییه‌کان له‌گه‌ڵ ئه‌مریکا)دا که له‌لایه‌ن ناوه‌ندی لێکۆڵینه‌وه‌ی کۆنگره‌ی نه‌ته‌وه یه‌کگرتووه‌کانی ئه‌مریکاوه ئاماده‌کراوه، ده‌ستنیشان کراوه که یه‌کێک له پێنج ئه‌کته‌ره سه‌ره‌کییه‌که‌ى توركیا عه‌بدولڵا ئۆجالانه.
راپۆرته‌كه له‌لایه‌ن جیم زانۆتی پسپۆڕی رۆژهه‌ڵاتی ناوه‌ڕاست راپورته‌كه‌ى ژماره‌ى كوردى له توركیا له 15-20 ملیۆن خه‌مڵاندووه، به "هه‌ژارترین به‌شی کۆمه‌ڵگای تورکیا" ناوى بردوون، له راپۆرته‌که‌دا ئاماژه به‌وه ده‌کات که له‌سه‌ره‌تاى دامه‌زراندنی کۆمارى توركیاوه تا ئێستا کێشه‌ی کورد هه‌یه و ده‌وڵه‌تی تورک هه‌میشه "به رێگه‌ى سه‌ربازی"، کوردی چه‌وساندووه‌ته‌وه.
له راپۆرته‌که‌دا ده‌ستنیشان ده‌کرێت که PKK له جیاتی سیاسه‌تی جیاخوازی، داوای مافه کلتوری، سیاسی و خۆبه‌ڕێوه‌به‌ری ده‌کات و ئاشکرای ده‌کات که کێشه‌ی کورد به‌ڕێگه‌ی کلتوری، ئابوری و سیاسی چاره‌سه‌ر ده‌بێت.
ناوبراو ئاماژه به‌وه ده‌کات که سیاسه‌تی حکومه‌تی ئه‌ردۆگان له‌سه‌ر بناخه‌ی (ناسنامه‌ی ئیسلامی هاوبه‌ش)ه و داواش له تورکیا ده‌کات که له ده‌ستوری نوێدا دان به ناسنامه‌ی کورد، مافی په‌روه‌رده‌دا بنرێت و به‌ندی 10%ی هه‌ڵبژاردنه‌کانیش لاببات.
له راپۆرته‌که‌دا ئۆپه‌راسیۆنه‌کانی که حکومه‌تی AKP به‌ناوی دژی KCK ه‌وه ده‌یکات، به "ئۆپه‌راسیۆنی سیاسی وه‌سف" ده‌کرێت. هه‌روه‌ها له راپۆرته‌که‌دا ئاماژه‌ى به‌وه‌داوه له ساڵی 2007ه‌وه ئه‌مریکا هاوکاری سیخوڕی ده‌دات به ئه‌نقه‌ره و حکومه‌تی تورکیش داوا له واشنتن ده‌کات که کۆنگره بڕیاری ناردنی فڕۆکه‌ی بێ فڕۆکه‌وان بۆ تورکیا بدات.
ئۆجه‌لان یه‌کێکه له پێنج ئه‌کته‌ره سه‌ره‌کییه‌که
له به‌شێکدا که به‌ناوی (پرۆفایلی ئه‌کته‌ره سه‌ره‌کییه‌کان له تورکیا)دا عه‌بدوڵڵا گول سه‌رۆک کۆمار، ئه‌ردۆگان سه‌رۆک وه‌زیر، ئه‌حمه‌د داود ئۆغڵو وه‌زیری کاری ده‌ره‌وه، که‌ماڵ کڵجدار ئۆغلو سه‌رۆکی CHP و رێبه‌ری PKK عه‌بدولڵا ئۆجالان هه‌ن.
له راپۆرته‌که‌دا ده‌ستنیشانی کردووه که ئۆجالان یه‌کێکه له‌و 5 ئه‌کته‌ره سه‌ره‌کییه و له‌باره‌ی خودی ئۆجالانیشه‌وه رابردوویێکی زۆر نووسراوه. هه‌روه‌ها باسێکی وردی PKK ی له‌سه‌ره‌تای دامه‌زراندنییه‌وه تا ئێستای تێدایه. هه‌روه‌ها و ئاماژه به دانوستانه‌کانی نێوان ئۆجالان و ده‌وڵه‌ت ده‌کات. له راپۆرته‌که‌دا دان به‌وه‌دا ده‌نێت که ئۆجه‌لان له کینیا به هاوکاری ئه‌مریکا و هاوپه‌یمانه‌کانی ده‌ستگیر كراوه‌و راده‌ستی تورکیا كراوه‌ته‌وه.
سەرچاوە: رووداۆ
ساکار ئەبوبەکر
رووداو- هەولێر
هه‌شت ژنى كورد له رۆژهه‌ڵاتى كوردستان خۆیان پاڵاوتووه بۆ ركابه‌رى هه‌ڵبژاردنه‌كه‌ى دوو رۆژى داهاتووى مه‌جلیسى شووراى ئیسلامى ئێران بۆ به‌ده‌ستهێنانى کورسی نوێنەرایەتی پارێزگاکانی رۆژهەڵاتی کوردستان.
له كۆى 250 پاڵێوراوى رۆژهه‌ڵاتى كوردستان بۆ به‌ده‌ستهێنانى 29 كورسى ته‌نها 8 پاڵێوراویان ژنن كه ئه‌مانه‌ن، (مریه‌م بەرتەنی‌و سارا فەلاحی) له پارێزگای ئیلام، (ئەفسانه توپچی، سەبا شێخولئیسلامی، جەمیله ئەحمەدیان) لە پارێزگای کوردستان و (لەیلا حەیدەری، نەسرین مێهدەوی، پەری شەهبازی پور) لە پارێزگای کرماشان ناوی ئەو 8 ژنه پاڵیوراوە کوردەن که بەشداری رکابەرییەکانی خوولی نۆهەمی مەجلیسی شووراى ئیسلامى ئێران دەکەن، به‌ڵام لەنێو 90 پاڵێوراوەکەی پارێزگای ئازەربایجانی رۆژئاوا (ورمێ) هیچ ژنێك خۆى كاندید نه‌كردووه بۆ ركابه‌رى هه‌ڵبژاردنه‌كه.
لەوكاته‌وه‌ى کۆماری ئیسلامی ئێران هاتووه‌ته سه‌ر كار له هه‌شت خوولى مه‌جلیسى شووراى ئیسلامى ئێران (په‌رله‌مان) ته‌نها 3 ژن له هەر چوار پارێزگاکەی رۆژهەڵاتی کوردستان وەک نوێنەر هەڵبژێردراون.
(ئەختەر درەخشەنده) نوێنەری شاری کرماشان بوو لە خوولی چوارەمی په‌رله‌مانى ئێران، یەکەمین ژنی کوردیش بوو کە توانی وەک نوێنەر بچێته ناو مەجلیسی شووراى ئەو وڵاتەوە، (شاربانو ئەمانی) نوێنەری شاری ورمێ لە هەردوو خوولی پێنجەم‌و شەشەم بوو، (ئەعزەم ناسری پور) نوێنەری شاری ئیسلام ئاوای رۆژئاوا له پارێزگای کرماشان بوو هه‌روه‌ها 2 ژنى دیكه‌ش بۆ نوێنەرایه‌تى رۆژهەڵاتی کوردستان هه‌ڵبژێردراون له خووله‌كانى رابردوودا.
رۆژهەڵاتی کوردستان لە خوولەکانی حەوته‌م‌و هەشتەمدا هیچ نوێنەرێکی ژنی نەبوو لەو خوولەشدا بەهۆی بایکۆت کردنی هەڵبژاردن لە لایەن زۆرینەی خەڵک‌و سەرجەم هێزەکانی رۆژهەڵاتی کوردستان، ئەگەری بردنەوەی دەست‌و پێوەندییەکانی کۆماری ئیسلامی ئێران له ئارادایه، هەربۆیەش پێ ناچێت هیچ کام لەو ژنه کوردانه‌ى خۆیان پاڵاوتووه دەرفەتی چوونه ناو مەجلیسی شووراى ئیسلامى ئێرانیان پی بدرێت.
بە پێ هەوالەکان بەریارە له مانگى مارس كۆنفرانسیك بۆ زمانى كوردى له شارى ئامێدى باكوورى كوردستان ساز بكرێت. ئەم كۆنفرانسه له ناوه‌ندى كلتوورى جگه‌رخوێن له شارى ئامێد به‌ڕێوه‌ده‌چێ و نزیکەی 200 ئەدیب و رووناکبیر و شارەزا لە زمانی کوردی لە هەموو بەشەکانی كوردستان و كوردانى نیشتەجێی ئوروپا و ئه‌مریكاش به‌شدارى له كۆنفرانسه‌كەدا دەكه‌ن.
له‌و کۆنفرانسه‌دا باس له شێوەزارەکانی زمانى کوردى دەکرێ و لە مەڕ زمانى ستانداردى كوردیش چەند. لێکۆلینەوەی زانستی پێشکەش دەکرێ
ئەم کۆنفرانسە بە هاوکاری کۆمه‌ڵه‌ى زمانى کوردی، کۆمیسیۆنى زمانى کۆنگره‌ى کۆمه‌ڵگه‌ى دیموکراتیک، کۆمه‌ڵه‌ى نووسه‌رانى کورد و ئانستیتۆى کورده‌وه لە شاری ئامێدی باکووری کوردستان بەرێوە دەچێت.
لە رۆژهەلاتی کوردستان ناوەندنی ئەحمەدی خانی لە ورمێ و چەند نوسەر و شارەزا لە زمانی کوردی بانگهێشتی ئەم کۆنفرانسە کراون.
خالید مەحەمەدزادە
رۆژی سێشه‌مه(28\2\2012) هه‌ر چوار حیزبه‌كه‌ی رۆژهه‌ڵاتی كوردستان(پاك، حدك، كۆمه‌له‌ی زه‌حمه‌تكێشان،سازمانی خه‌بات) له شاری سلێمانی‌‌و له سالۆنی كۆبوونه‌وكانی حیزبی شیوعی كوردستان، پرێس كونفرانسێكیان بۆ به‌ریزان(كه‌مال كه‌ریمی له حدك، جه‌لیل ئازادیخواه له كۆمه‌له‌ی زه‌حمه‌تكێشان، شه‌مال پیران له پاك‌و بیهروز ئه‌رده‌لان له سازمانی خه‌بات) رێكخست‌و منیش وه‌ك رۆژنامه‌نوسێك بانگهێشتی پرێس كونفرانسه‌كه كرام. لێره‌دا ده‌مه‌وه‌ی ئاماژه به چه‌ند لایه‌نێكی ئه‌و پرێس كونفرانسه بكه‌م وه‌ك دانی زانیاری زیاتر به رای گشتی.
دیاره پێش تیشك خستنه سه‌ر پرێس كونفرانسه رۆژنامه‌وانیه‌كه ئه‌و راستیه باس بكه‌م كه به‌نده رێزم بۆ هه‌ر چوار به‌رێزه‌كه‌‌و حیزبه‌كانیان هه‌یه‌‌و به تایبه‌ت سالانیكه له نیزیكه‌وه ده‌یانناسم‌و په‌یوندی دۆستانه‌مان پیكه‌وه هه‌بووه‌و هه‌یه، بۆیه هیوادارم روانگه‌ی من له سه‌ر شێوازی به‌ریوه‌چوونی كونفرانسه‌كه به جۆرێك دژایه‌تی له گه‌ل خۆیان‌و حیزبه‌كانیان ته‌فسیرنه‌كرێت‌و ته‌نیا وه‌ك دانی زانیاری زیاتر به رای گشتی‌و راپۆرتێكی رۆژنامه‌وانی سه‌یر بكریت
شوینی پرێس كونفرانسه‌كه!
شوینی كونفرانسه‌كه كه دواتریش كه‌وته به‌ر ره‌خنه‌ی په‌یامنێری كه‌ی ئین ئین‌و دوای ته‌ئكیدكردنه‌وه‌ی دووباره‌ی په‌یامنیره‌كه سه‌رئه‌نجام كاك جه‌لیل بۆره وه‌لامێكی دایه‌وه، كه دیاره وه‌لامه‌كه‌ش وه‌ك جۆرێك خودزینه‌وه له پرسیاره‌كه بوو. له راستیدا شوینی پرێس كونفرانسی رۆژنامه‌وانی نه‌بوو. به‌ڵكوو سالۆنێكی كوبوونه‌وه حیزبیه‌كانی حیزبی شیوعی بوو كه له رووی ئه‌ته‌كێتی رۆژنامه‌وانیه‌وه ئه‌و پرسیاره‌ی رووبه‌روو كرایه‌وه‌و ره‌واش بوو. كه دیار دواتر هاورێیه‌كی كۆمه‌له‌ی زه‌حمه‌تكیشان به منی ووت هۆكاره‌كه‌ی به هۆی نه‌بوونی بودجه‌ی پیویست بووه! بۆ گرتنی شوینی پرێس كونفرانسه‌كه. دیاره ئه‌ونده‌ش من ئاگاداری فه‌زای رۆژنامه‌وانی‌‌و به‌رێوه‌چوونی پرێس كونفرانسه‌كانی سلێمانی بم ئه‌و شوینه قه‌د كونگره‌ی رۆژنامه‌وانی تیدا نه‌كراوه، به‌لام پێموایه ئه‌و چوار حیزبه پێكه‌وه ده‌یانتوانی شوێنێكی میدیایی‌‌و موناسیب به كرێ بگرن‌و كاره‌كه‌ی تێدا ئه‌نجام بده‌ن كه له رووی ئه‌ته‌كێت‌و پرێنسیپی رۆژنامه‌وانی بگونجێت. یا ئه‌گه‌ر پێشتر له گه‌ڵ خه‌لكی شاره‌زا راوێژیان بكردایه شوینن زۆر باشتر له‌و شوینه دابین ده‌كرا. هیچ گۆمانی تێدا نیه له رووی ئه‌ته‌كیتی رۆژنامه‌وانی‌‌و میدیاییه‌وه شوین‌و جۆری تریبون كاریگه‌ری‌‌و گرنگی خوی هه‌یه بۆ ناردنی په‌یام‌و شویندانه‌ریت بۆ سه‌ر بینه‌ر‌و خوینه‌ر.
به‌ره‌ی یه‌كگرتوی كورد!
دیاره ده‌بیت ئه‌و راستیه بلێم هه‌ندێك له میدیاكارانی چوار حیزبه‌كه ده‌وری خراپیان گیرا له به رێ لابردنی پرێس كونفرانسه‌كه‌‌و به‌وه‌ی هه‌ندێ پرسیاریان هێنایه گۆری كه هیچ په‌یوندی به باسه‌كه‌وه كه هه‌لبژاردنه‌كانی ئێران بوو نه‌بوو. وه‌ك قسه‌كردن له‌سه‌ر به‌ره‌ی یه‌كگرتوی كورد‌و سیاسه‌ته‌كانی! كه هه‌ر زوو كاك بیهروز ئه‌رده‌لان نوینه‌ری سازمانی خه‌بات به‌ره‌ی یه‌كگرتوی كوردی به‌وه تۆمه‌تبار كرد كه ده‌ستی حكومه‌تی له پشته! كه چه‌ند ده‌قه‌ی دواتر كاك كه‌مال كه‌ریمی له حدك قسه‌كه‌ی ره‌تكرده‌وه ووتی ئه‌وه هه‌لویستی ته‌نیا سازمانی خه‌باته نه‌ك ئه‌م سی حیزبه‌ی تر. ئه‌م باسه هه‌ندێك حاله‌تی حاشیه‌ی تری لێكه‌وته‌وه كه ره‌نگه باسكردنیان پێویست نه‌بێت، به‌لام به‌رای من هیچ پێویستی نه‌ده‌كرد له‌و كونفرانسه به‌و جۆره باس له‌سه‌ر به‌ره‌ی یه‌كگرتووه كورد یا هه‌ر رێكخراوێكی تر بكرێت. هه‌ر چه‌ند ئه‌و باسه كاتێكی زۆری پرێس كونفرانسه‌كه‌ی گرت كه بۆ میدیاكارانی باشور سه‌رنج راكێش نه‌بوو. میدیاكارانی ئه‌و چوار حیزبه‌كه‌ش ده‌بوا مه‌جالیان به كاناله‌كانی راگه‌یاندنی باشور دابایه‌ت زۆر باشتر ده‌بوو تا به هینانه گۆری هه‌ندێك پرسیاری ناپیویست كاتی پرێس كونفرانسه‌كه بگرن.
بۆ هه‌ر چوار حیزب؟!
نایه‌كگرتووی حیزبه‌كانی رۆژهه‌لات سه‌رنجی زۆرێك له میدیاكارانی باشوری بۆ لای خوی راكێشابوو. بۆیان پرسیار بوو بۆ هه‌ر ئه‌م چوار حیزبه! ئه‌ی ئه‌وانی تر له كوێن؟. دیاره كاك كه‌مال كه‌ریمی باسی له‌وه كرد كه هه‌ولیانداوه به‌لام سه‌ری نه‌گرتووه. به‌لام كاك بیهروز له‌م به‌شه‌دا به جۆرێك قسه‌ی كرد كه كێشه‌كه دیموكراته‌كان‌و كۆمه‌له‌كانن‌و ووتیشی كێشه‌كه زیاتر ئه‌و حیزبانه‌ن كه ئینشعابیان تی كه‌وتووه. كه ئه‌م قسه‌یه راستیه‌كیشی تێدایه. هه‌ر چه‌ند من له گه‌ل ئه‌م مۆدیله له یه‌كگرتن كه بووه به باو له ناو حیزبه‌كانی رۆژهه‌لات نیم به‌لام ده‌بوا ئه‌و به‌ریزانه‌ی باسیان له‌وه كردبا كه حیزبه كوردییه‌كان هه‌موویان ته‌حریمیان كردوه.
هه‌لبژاردنه‌كانی ئێران‌و پرێس كونفرانسه‌كه!
ئه‌و پرێس كونفرانسه بۆ باس له سه‌ر هه‌لبژاردنه‌كانی ئێران پێكهات به‌لام به‌راستی هه‌لبژاردنه‌كان كه‌مترین باسی لێوه كرا‌و قسه‌ی زیاتریان له به‌یاننامه هاوبه‌شه‌كه نه‌بوو، هه‌ر چه‌ند پێموایه به‌یاننامه‌كه زۆر زیاتر‌و روونتر له سه‌ر هه‌لبژاردنه قسه‌ی تیدابوو تا پرێس كونفرانسه‌كه. زیاتر باسی حاشیه‌ی زال بوو به سه‌ر مه‌تنی سه‌ره‌كی پرێس كونفرانسه‌كه. به‌لام ئه‌وه‌ی زانرا كه هه‌لبژاردن ته‌حریم ده‌كه‌ن به‌لام چون؟ بۆ؟ شیوازی ته‌حریمه‌كه؟و زۆر پرسیاری تر وه‌لام نه‌درایه‌وه. ئه‌مه جگه له‌وه‌ی به روونی دیار بوو كه رای جیاوازیان له‌سه‌ر هه‌لبژاردنه‌كه هه‌یه‌‌و به گشتی هه‌ر چوار به‌رێزه‌كه ئه‌وه‌یان خسته روو كه له زۆر حاله‌تدا وه‌ك یه‌ك بیر ناكه‌نه‌وه‌‌و ته‌نیا وشه‌ی "ته‌حریم"ه كۆیانی كردوه‌ته‌وه! هه‌ر بۆیه زۆر جار له وه‌لامی پرسیارێكدا دوو یا سێ كه‌سیان قسه‌ی ده‌كرد كه ئه‌مه پێویست نه‌بوو. وه‌لامه‌كان زۆر درێژبوون‌و زیاتر له وتاری كۆبوونه‌وه‌ی حیزبی ده‌چوون تا وه‌لامی رۆژنامه‌وانی.
شێوازی به‌رێوه‌چوونی پرێس كونفرانسه‌كه!
شێوازی به‌رێوه‌چونی پرێس كونفرانسه‌كه زۆر بی به‌رنامه بوو. پێنج كه‌س دانیشتبوون، هیچ تابلۆیه‌كی ناساندن له لۆگۆ‌و ئه‌ته‌كێتێك یان له پێش نه‌بوو، كه‌س نه‌یده‌زانی ئه‌م به‌ریزانه ناویان چیه‌‌و سه‌ر به چ حیزبێكن كه دواتر هه‌ندێك له دۆستانی رۆژنامه‌وانی باشور په‌نایان بۆ ئێمه‌ومانان هینا كه كاكه ناویان چیه‌‌و پۆستیان چیه!
به هیوام له به‌ر چاوگرتنی ئه‌م كه‌موكوریانه ببن به سه‌ره‌تایه‌ك بۆ كاری باشتر‌و كاریگه‌رتر‌و هیوای سه‌ركه‌وتنيان بۆ ده‌خوازم
کۆبوونەوەی سەرکردایەتی پارتی سەربەستیی کوردستان بە تاوتۆێکردنی چەند خاڵێکی گرنگ بەڕێوەچوو.
ڕۆژی یەکشەمە ٧ی ڕەشەمەی ٢٠١١ی کوردی، بەرامبەر بە ٢٦/٢/٢٠١٢ی زاینی، بەبەشداری زۆرینە ئەندامانی سەرکردایەتی و جێگران و ڕاوێژکارانەوە کۆبوونەوەی گشتی سەرکردایەتی پارتی سەربەستیی کوردستان بە شێوەی خوارەوە بەڕێوە چوو.
سەرەتا بە سرودی نەتەوایەتی ئەی ڕەقیب کۆبوونەوە کرایەوە، و لەلایەن بەڕێز ئیبراهیم جاف ئەجیندای کۆبوونەوە پێشکەشکرا.
پاشان داوا لە بەڕێز عارف باوەجانی کرا کە ڕاپۆرتی چەند مانگەی کار و تێکۆشانی پارتی سەربەستیی کوردستان لە هەرێمی کوردستان و دەرەوەو ناوخۆی وڵات پێشکەش بکات.
بەڕیزیان لە سەرەتایی کۆبوونەوە ویرای پێرۆزبایی ٦ ساڵەی تەمەنی پارتەکە لە گشت ئەندامان، ئاماژەی بە چەند خاڵێکی گرنگی سیاسی و دیپلوماتی و ڕێکخستنی پارتی سەربەستی کرد، هەر لە درێژەی قسەکانیدا ئاماژەی بە زیادکردن و پتەو کردنی پێوەندییەکانی پارتیمان لەگەڵ پارت و لایەنەکانی گشتی کوردستانی مەزن، و وڵاتانی دەرەوەو ڕێکخراوە گرنگەکانی جیهانی کرد. هەروەها بەڕیزیان باسیان لەسەر سەردانی چەند لایەن وکەسایەتیەکی کوردستانی کرد بۆ پێوەندییەکانی باشوری پارتی سەربەستیی کوردستان.
ناوبراو باسێکی لە سەر هەڵبژاردنەکانی داهاتووی ئێران و هەڵویستی دروستی پارتیمان کە هەڵویستی بەشی هەرە زۆری پارتەکانی دیکەی کوردستانە واتە بایکوتکردن کرد.
کە بەتێکرای هاوبیران وێرای دەستخۆشانە لە چالاکیەکانی سەرۆکی پارتی، ڕاوبۆچوون و پێشنیاریان لە سەر ڕاپۆرتەکە پێشکەشکرد.
بەشی دووەمی کۆبوونەوە تەرخانکرابوو بۆ باسی کۆنگره‌ی دووه‌م که قه‌رار بوو لە بەهاری ئەمساڵ بگیرێت. وێرای ڕاوبۆچوونی گشتی و هەڵسەنگاندنی بوارەکانی ئامادەکاری بۆ تەدارک و بواری تەکنیکی کۆنگرە، بە تێکرای دەنگ لە سەر ئەوە ساخبوونەوە کە کۆنگرەی دووەمی پارتی سەربەستیی کوردستان بۆ ٢ مانگ دوا بخرێت و هەر لەو کۆبوونەوەدا رۆژی کۆنگرە دیاریکرا.
بەشی سێیەمی کۆبوونەوە تەرخانکرابوو بۆ چه‌ند دیدارێکی گرنگی دیپلوماتی سه‌رۆکی پارتی سەربەستیی کوردستان وشاندی یاوەری کە لە ئایندەیەکی نزیکدا دەستپێدەکات، لەگەڵ وڵاتی ئەمریکا و چەند رێکخراوێکی ئەو وڵاتە، و هەروەها سەردانی چەند وڵاتێکی گرنگی ئوروپایی.
سەرۆکی پارتی سەربەستیی کوردستان پلان و مەبەستەکانی سەردانەکانی بۆ ئەو وڵاتانە خستە بەردەستی ئەندامانی سەرکردایەتی. بەڕیزانی سەرکردایەتی هەر یەک لە ئیبراهیم جاف، ڕێبوار ئەحمەدزادە، ، ئاهورا هەورامی، نەدا کوردی ، موحەممەد جەمشیدی، سمایل ڕەسوڵی، پەروین فیشاڵ(نیشتیمان)، ئاریتما موحەممەدی (هاشم)، شلێر مورادڕەسوڵی، وێرای خۆشحاڵییان لە خاڵە گرنگەکانی ئەو سەردانە بە کەڵکانە، بە ڕاوبۆچوون و پێشنیاری بە کەڵک لە سەر پێوەندییە دیپلوماتییەکانی پارتی سەربەستیی و خاڵەکانی دیکەی کۆبوونەوە شرۆڤەیان کرد.
بەشی چوارەمی کۆبوونەوە باسێکی گشتی بوو لە سەر چالاککردنی کۆمیتەکانی پارتی سەربەستیی کوردستان، لە باشوری کوردستان و لە وڵاتانی ئوروپایی وئەمریکاوە. کە لەو بوارەدا چەند خاڵی گرنگ ولە ئاکامی چەند پێشنیاری بەشدارانی کۆبوونەوە پەسەند کرا، و کات وشۆێنیش بۆ کۆنفرانسەکانی پسک لە وڵاتان بریاری لە سەر درا.
دوابەشی کۆبوونەوەکە کە تەرخان کرابوو بۆ خاڵی پاشماوەی کۆبوونەوەی پێشوو بابەتی دیکەی تازە پێشنیارکراو. لەو بەشەدا باس لە هەوڵەکانی پارتی سەربەستیی کوردستان لە دروستبوونی هەردوو هاوپەیمانی سەربەخۆخوازانی ڕۆژهەڵاتی کوردستان، و یەکێەتی نەتەوەکانی بندەست کرا.
لە مەر شێوەی چالاککردنی ئەو ڕێکخراوانە و ڕۆڵی چالاکانەی پارتیمان باس وشرۆڤەی زۆری لەسەرکرا. هەروەها باسێکی گشتی لە سەر پێوەندییەکانی پارتیمان لەگەڵ لایەنە کوردستانیەکان و لەچی ئاستێکدا بێت و چۆنیەتی هەڵویستی ئەو لایەنانە لە بەرامبەر پارتیمان باسی لێوەکرا.
شایانی باسە کە لەو کۆبوونەوەدا ٢ کەس لە ئەندامانی سەرکردایەتیمان کە بریتی بوون لە بەڕێزان دڵشاد و فەرهاد بە هۆکاری تایبەت بە خۆیانەوە نەیانتوانی لە کۆبوونەوەی ئەمرۆدا بەشدر بن، بەڵام پشتیوانی خۆیان بۆ گشت خاڵەکانی کۆبوونەوەی سەرکردایەتی دەربرێ.
پاش ٤ کاتژمێر کۆبوونەوە بە پێشکەشکردنی سرودی نەتەوایەتی ئەی ڕەقیب کۆتایی بە کارەکانی خۆی هێنا.
ناوەندی ڕاگەیاندنی پارتی سەربەستیی کوردستان. ٧ ی ڕەشەمەی ٢٧١١ی کوردی.
This e-mail address is being protected from spambots. You need JavaScript enabled to view it.
">
This e-mail address is being protected from spambots. You need JavaScript enabled to view it.
www.psk2006.org
ساکار ئەبوبەکر
رووداو- هەولێر
به‌رپرسانى كۆمارى ئیسلامى ئێران، لە خوراسانى باكوور به كوردى بانگه‌شه بۆ هه‌ڵبژاردن ده‌كه‌ن‌و كورده‌كانیش بایکۆتی هەڵبژاردنه‌كه ده‌كه‌ن.
لقی باکووری خوراسانی حیزبی دێموکراتی کوردستانی ئێران له بەیاننامەیەکدا بایکۆتی هەڵبژاردنەکەى مه‌جلیسى شووراى ئیسلامى ئێرانیان راگه‌یاند‌و داوایان لە کورده‌كانی ئەو ناوچانه کرد "فریوی مۆڕەکانی رژێم نەخۆن و لە هەڵبژاردندا بەشداری نەکەن".
سادق وەحدانی، رۆژنامەوان‌و چالاکوانی سیاسی کوردى خوراسان به ماڵپه‌ڕى (رووداو) رایگەیاند "20 ساڵه کورده‌كانی خوراسان پەیوەندییەکی زۆر بەهێزیان لەگەڵ کوردستان بەستووه‌‌و ئه‌وانیش په‌یوه‌ستن به بڕیاره‌كانى شاره‌كانى دیكه‌ى رۆژهه‌ڵاتى كوردستان، هه‌ربۆیه‌ش كورده‌كانى خوراسان بڕیاری بایکۆتکردنی هەڵبژاردنی مەجلیسی شووراى ئێرانیاندا".
ئەو رۆژنامەنووسە سەبارەت به کەڵک وەرگرتن له زمان‌و كه‌لتورى کوردی بۆ بانگەشەی هەڵبژاردن له خورساندا گوتی "رژێمی ئێران دەرکی به زیادبوونی هەستی ناسیۆنالیستی کوردانی خوراسان کردووە‌و هەربۆیه دەیهەوێت لە رێگەی ورووژاندنی ئەو هەسته، سەرنجی کوردان بۆ هەڵبژاردن رابکێشێت‌و بۆ یەکەمین جاریشه پاڵێوراوانی کوردی خوراسان لەناو کۆبوونەوەکانی تایبەت به بانگەشەی هەڵبژاردن له شارەکانی قوچان، شێروان، دەرەگەز، چناران‌و ئاشخانه به زمانی کوردی قسه دەکەن".
سادق وەحدانی گوتى "دەسەڵات کەسانێکی بەناوى کورد راسپاردووە که لەرێگەی بەکارهێنانی زمانی کوردی‌و پێداگری لەسەر فەرهەنگ‌و بەهای کرمانجی خوراسان بەشداری خەڵکی ئەو ناوچەیه له هەڵبژاردندا مسۆگەر بکەن، به‌ڵام كەڵک وەرگرتن له زمانی کوردی له پروپاگەندەی هەڵبژاردندا پلانێکی مەترسیدارە بۆئه‌وه‌ى كورد بەرەو سندوقەکانی هەڵبژاردن رابکێشێت".
نزیکەی ملیۆنێك 700 هه‌زار کورد له خوراسان دەژین كه رێژه‌ى دانیشتووانه‌كه‌ى 60%ی پارێزگای خوراسان پێكدێنن، به‌ڵام تاوه‌كو ئێستا هیچ رێگه‌یان پێنه‌دراوه بڵاوكراوه‌‌و ته‌له‌فزیۆنێكیان به‌زمانى کوردی هه‌بێت.
سەرچاوە: رووداۆ
کۆماریخواز-مەهاباد:
بەداخ و کەسەريکي زورەوە رادەگەێنین کە، روژی ٢٢ی٢ی ٢٠١٢ بەريز مەحمەد تووکمەچی کەسايەتی خۆشناویی شاری مەهاباد و ئەندام و پێشمەرگەی کۆنی سەردەمی کۆماری کوردستان لە تەمەنی ١٠٨ سالی دا کۆچی دوایی کرد. ناوبراو وەک کەسایەتێکی خۆشناۆ و نیشتیمانپارێز لە ماوەی تەمەنی پڕ لە شانازی خوێدا گەلێک خزمەتی بەرچاوی دەرحەق بە خەلکی شاری مەهاباد و دەورو بەری كردووه.
دەستەی نووسەرانی سایتی بزووتنەوەی کۆماریخوازی رۆژهەلاتی کوردستان بە بۆنەی کۆچی دووایی کاک مەحمەد تووکمەچی بەۆپەری غەم و پەژارەوە، هاۆدەردی خۆی ئاراستەی بنە مالەی بەرێزیان دەکات و هیوادارین کە خووا لێخۆشبوو بە بەهەشتی بەرین شاد بێت و سەبرو سەبووری ئاراستەی بنەمالەی بەرێزیان بێت.
رووداو-ئیلنا
ئەردەوان کامکار، ئاهەنگساز و ژەنیاری ناوداری کورد رایگەیاند که سەرقاڵی دانانى ئاوازێكه بۆ فیلمی هەڵەبجە.
به وتەی کامکار، ئەو فیلمه بەرهەمی هاوبەشی رۆژهەڵاتی کوردستان و هەرێمی کوردستانه لەسەر کارەساتی کیمیاباران کردنی شاری هەڵەبجه دروست کراوە.
منداڵێکی بەجێ ماوی کارەساتی کیمیاباران کردنەکە که ئاوارەی ئێران دەبێت و تا تەمەنی 18 ساڵی لەو وڵاتە دەمێنێتەوە، رۆڵی سەرەکی لەو فیلمه‌دا دەگێڕێت.
بە وتەی ئەردەوان، کاری دروست کردنی ئاوازى فیلمەکە له قۆناغی کۆتاییدایه و زۆربەی ژەنیارەکانی هی گروپی کامکارەکانن.
ئەردەوان له ساڵی 1968 له شاری سنەی رۆژهەڵاتی کوردستان لە دایکبووە و لە تەمەنی چوار ساڵییەوە و لە لایەن "حەسەن کامکار"ی باوکی دەستی به فێربوونی ژەنینی سەنتور کردوە.
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- ئەگەری هێرشی ئیرائیل بۆ سەر عێراق هەیە
- گڕۆسی لە تاران: پێشگرتن لە "جەنگ" پەیوەستە بە "ئەنجامی بەرجەستە"ی دانوستانەکانەوە
- لیژنەیەکی نەتەوە یەکگرتووەکان داوای هەڵوەشاندنەوەی سزای لەسێدارەدانی وەریشە مورادی دەکات
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
