^{بۆ گەیاندنی پەیامەکەی عەبدوڵا ئۆجەلان ئەمڕۆ شاندی دەمپارتی لەگەڵ ئاکپارتی و هەریەک لە پارتی سەعادەت و پارتى ئایندە کۆببێتەوە، سبەینێش بۆهەمان مەبەست لەگەڵ دو پارتى دیکەى تورکیا کۆببێتەوە.
بڕیارە پاشنیوەڕۆى ئەمڕۆ شاندی پارتی یەکسانی و دیموکراسی گەلان(دەمپارتی)، کە لە هەریەک لە (پەروین بوڵدان، ئەحمەد تورک و سڕی سورەیا ئۆندەر) پێکهاتوە بۆ گەیاندنی پەیامی عەبدوڵا ئۆجەلان، لەگەڵ سەرۆکی فراکسیۆنی پارتی داد و گەشەپێدان ناسراو بە (ئاکپارتی) دەسەڵاتدار، لە پەرلەمانی تورکیا کۆببنەوە، بڕیاریشە هەر ئەمڕۆ لەگەڵ پارتی ئایندە و پارتی سەعادەتی تورکیا کۆببێتەوە.}

^{هەروەها بڕیارە سبەینێ شاندی دەمپارتی بۆ هەمان مەبەست سەردانی هەریەکە لە پارتەکانی دەڤا و پارتی سەرلەنوێ رەفا بکەن.}

^{بەگوێرەی زانیارییەکان، دوای کۆتایى هاتنى دیدار و کۆبونەوەکانیان لەگەڵ لایەنە سیاسیەکان و ڕێکخراوە مەدەنیەکان، بڕیارە رۆژی 10ی کانونی دوەمی 2025 شاندی دەمپارتی بۆ جاری دوەم سەردانی دورگەی ئیمراڵی بکاتەوە.}

6/1/2025