دوای ئەوەی لە ڕۆژانی 16و17-3-2011 یەكەمین كۆنفرانسی نەتەوەیی لاوانی كورد لە شاری ئامەدی باكوری كوردستان بەسترا و بڕیاردرا بوو كەدووەمین كۆنفرانس لە شاری هەولێر پایتەختی هەرێمی كورد…ستان بێتە بەستن. بۆیە لە رۆژی 15_17/3/2012، دوەمین كۆنفرانس لە ژێر ناوی “لەپێناو یەكگووتاریی نەتەوەیی لاوانی كورد”، بە ئامادەبوونی (مەسعود بارزانی) سەرۆكی هەرێمی كوردستان و بە بەشدار بوونی لاوانی هەر چوار پارچەی كوردستان و لاوانی كوردی كازاخستان و نوێنەرانی لاوانی دەرەوە بەڕێوەچوو.

دوای سێ رۆژ لە گفتوگۆ كردن و دیراسەكردنی پرس

پاش ئەوەی زانرا کە بڕیارە خەڵاتیێک لە ژێر ناوی "مرۆڤایەتی و لێبوردەیی" ئەمساڵی شاری بوخومی ئاڵمان پێشکەش بە "ڕەجەب تەیب ئەردۆغان"، سەرۆک وەزیری تورکیا بکرێ، دەیان ڕێکخراوەی کۆمەڵگای مەدەنی لەم وڵاتە دژ بەو بڕیارە هەڵوێستیان گرت.

نووسەر و شاعیر ئەیاز سیاوەشان لە پەیجی تایبەتی خۆی لە فەیسبووک رایگەیاند: بە خۆشییەوە ئاگادار کرامەوە کە ژنە شاعیری کورد، دوکتورە نەزەند بەگیخانی خەڵاتی شیعری ژنی فڕەنسا 2012ی پێ بەخشراوە و خۆشی لە مێدیاکاندا ئەو هەواڵەی پشتراست کردۆتەوە و گوتوویەتی: “لەلایەن سەرجەم ئەندامانی خەڵاتی فێمینەن-ی فڕەنسایی وەك شاعیری ساڵی 2012 لە نێوان 42 شاعیری فڕەنسایی هەڵبژێردراوم.”

جولیان ئاسانج خاوه‌نی پێگه‌ى ویكلیكس، خۆی بۆ ئه‌ندامێتی ئه‌نجوومه‌نی پیرانی ئوسترالیا هه‌ڵده‌بژێرێت.

ئه‌مڕۆ له‌سه‌ر په‌یجی ویكلیكس له‌تۆڕی كۆمه‌ڵایه‌تی تویته‌ر نامه‌یه‌ك بڵاوكرایه‌وه‌ كه‌تێیدا هاتووه‌ "بۆمان روون بووه‌وه‌ كه‌ ئاسانج ده‌توانێت خۆی بۆ ئه‌نجوومه‌نی پیرانی ئوسترالیا هه‌ڵبژێرێت له‌كاتی ده‌ستبه‌سه‌ركردنه‌كه‌یدا، بۆیه‌ ئاسانج بڕیاریداوه‌ خۆی هه‌ڵبژێرێت".

ئاسانج تۆمه‌تباره‌ به‌ ده‌ستدرێژی سێكسی بۆ سه‌ر دوو ئافره‌تی سوێدی‌و ئێستا له‌ به‌ریتانیایه‌، ئاسانج تۆمه‌ته‌كان به‌ساخته‌و پاڵنه‌ری سیاسی وه‌سفده‌كات‌و، بۆ ناوچه‌ى لالورى ویلایه‌تی ڤیكتۆریا خۆی هه‌ڵده‌بژێرێت، له‌وه‌شدا ده‌بێته‌ ركابه‌ری (جۆلیا جیلارد) سه‌رۆك وه‌زیرانی ئێستای ئه‌و وڵاته‌ بۆ هه‌ڵبژاردنه‌كانی ساڵی 2013.

جیلارد پێشتر به‌توندی ره‌خنه‌ی له‌ بڵاوكردنه‌وه‌ى ئه‌و سه‌دان هه‌زار دیكۆمینته‌ نهێنییه‌ى دیبلۆماسیه‌تی ئه‌مریكی گرتبوو كه‌ ویكلیكس ئاشكرای ده‌كردن.

ئه‌نجومه‌نی‌ رۆژنامه‌نوسانی‌ رۆژهه‌لات، لۆگۆ‌و په‌یره‌و پرۆگرامی‌ خۆی بۆ رای‌ گشتی‌ بلاو ده‌كاته‌وه‌

ئەنجومه‌نی‌ رۆژنامه‌نووسانی‌ رۆژهه‌لاتی‌ كوردستان، له‌ بانگه‌وازێكدا روو به‌ رای‌ گشتی‌‌و به‌ تایبه‌ت رۆژنامه‌نوسان‌و میدیاكاران، لۆگۆ‌و به‌رنامه‌‌و په‌یره‌وی‌ ناوخۆی ئه‌نجومه‌نه‌كه‌ به‌ میدیایی‌ ده‌كات‌و روو به‌ رای‌ گشتی‌ بلاوی‌ ده‌كاته‌وه‌. له‌بانگه‌وازی‌ هاوپێچ له‌ گه‌ل لۆگۆ‌و به‌رنامه‌ی‌ ئه‌نجومه‌نه‌كه‌ هاتووه‌:" ‌ هه‌م لۆگۆكه‌‌و هه‌م په‌یره‌و‌پرۆگرامی‌ ئه‌نجومه‌نه‌كه‌‌ به‌ زۆرینه‌ی‌ ده‌نگی‌ ئه‌ندامانی‌ ده‌سته‌ی‌ دامه‌زرێنه‌ر‌و رۆژنامه‌نوسانی‌ به‌شدار له‌ دامه‌زرانی‌ رێكخراوكه‌ به‌ په‌سند گه‌یشتووه‌و ئه‌نجومه‌نه‌كه‌‌ له‌ ژیر ناوی‌ ئه‌و لۆگۆ‌‌و پرۆگرامه‌ تا به‌ستنی‌ كونگره‌ی‌ یه‌كه‌م كار ده‌كات‌.

سەرۆکی هەرێمی باشووری کوردستان لە کۆنفرانسی نەتەوەیی لاوانی چوارپارچەی کوردستان دا جەختی لەسەر بەڕێوەچوونی کۆنفرانسی نەتەوەیی لەم ساڵدا کردەوە و وتی کە دەمانهەوێ لە ڕێگەی ئەم کۆنفڕانسەوە پەیامی ئاشتی بگەیەنینە گەلانی جیهان.

ساکار عەبدوڵڵازاده

رووداو-هەۆلێر

بڕیارە ئه‌مڕۆ وەفدێکی شاری سەردەشتی رۆژهه‌ڵاتى كوردستان به مەبەستی بەشداری کردن له ساڵیادی کارەساتی کیمیاباران کردنی هەڵەبجه له رێگەی سنووری نێودەوڵەتی باشماخەوە بگاته هەرێمی کوردستان.

سەرچاوە: لیژنەی ناۆچەی لەندەن پارتی دێمۆکراتی کوردستان

چالاکی: ئێواره‌ی ڕۆژی دووشه‌ممه‌ به‌رواری 12/03/2012 له‌ له‌نده‌ن له‌ رێگه‌ى نوێنه‌رایه‌تى حكوومه‌تى هه‌رێمى كوردستان، كۆنفرانسێكى فراوان له‌ ته‌لارى په‌رله‌مانى بریتانیا به‌ مه‌به‌ستى پرۆسه‌ى واژۆ كۆكردنه‌وه‌ى ئه‌لكترۆنى بۆ به‌جیهان ناساندنى جینۆسایدكردنى گه‌لى كوردستان به‌ڕێوه‌چوو . 

رووداو- هه‌ولێر 
تائێستا بڕیار نه‌دراوه‌ له‌ رۆژانی جه‌ژنی نه‌ورۆز دا، خاڵی سنوری نێوده‌وڵه‌تی حاجی ئۆمه‌ران دابخرێ و  بڕیاره‌ هه‌ولێرو تاران له‌و باره‌یه‌وه‌ كۆببنه‌وه‌.

مه‌سعود محه‌ممه‌د، به‌ڕێوه‌به‌ری ئیداره‌ی كۆمه‌ڵگه‌ی گومرگی حاجی ئۆمه‌ران له‌ لێدوانێكدا بۆ (رووداو) وتی "تائێستا هیچ بڕیارێك نه‌دراوه‌، له‌ رۆژانی جه‌ژنی نه‌ورۆز دا، ئاڵوگۆڕی بازرگانی و هاتوچۆی گه‌شتیاران له‌ نێوان هه‌رێمی كوردستان و كۆماری ئیسلامی ئێران له‌ خاڵی سنووری نێوده‌وڵه‌تی حاجی ئۆمه‌ران به‌رده‌وام ده‌بێت یاخود نا".  

خاڵی سنووری نێوده‌وڵه‌تی حاجی ئۆمه‌ران، كه‌وتۆته‌ ناوچه‌ی باڵه‌كایه‌تی له‌ پارێزگای هه‌ولێر، له‌ساڵی 2008 به‌پێی پڕۆتۆكۆلێكی نێوان هه‌رێمی كوردستان و كۆماری ئیسلامی ئێران بووه‌ته‌ خاڵی سنووری نێوده‌وڵه‌تی، به‌وهۆیه‌وه‌ ساڵانه‌ ئاڵوگۆڕی بازرگانی و گه‌شتیاری روو له‌زیادبوونه‌، ئه‌مه‌ش هۆكارێكه‌ بۆ به‌ره‌وپێشبردنی بواری بازرگانی له‌نێوان هه‌رێمی كوردستان و كۆماری ئیسلامی ئێران.

 مه‌سعود محه‌ممه‌د، راگه‌یاند" به‌م نزیكانه‌ له‌گه‌ڵ كۆماری ئیسلامی ئێران داده‌نیشن و ئه‌و مه‌سه‌له‌یه‌ تاوتوێ ده‌كه‌ین و بڕیاری پێویستی له‌ باره‌یه‌وه‌ ده‌ده‌ین، كه‌ ئایا رۆژانی جه‌ژن ئاڵوگۆڕی بازرگانی و هاتووچۆی گه‌شتیاران له‌ نێوان هه‌رێمی كوردستان و كۆماری ئیسلامی به‌رده‌وام ده‌بێت، یاخود  تا دوای ته‌واوبوونی جه‌ژنی نه‌ورۆز، جموجۆڵه‌ بارزگانییه‌كان و هاتووچۆی گه‌شتیاران راده‌گیرێت". 

مه‌سعود محه‌ممه‌د، به‌ڕێوه‌به‌ری ئیداره‌ی كۆمه‌ڵگه‌ی گومرگی حاجی ئۆمه‌ران هێمای بۆئه‌وه‌كرد "چوار رۆژ  پێش  جه‌ژنی نه‌ورۆز، ئه‌و مه‌سه‌له‌یه‌ یه‌كلایی ده‌كرێته‌وه‌و بڕیاری پێویستی له‌ باره‌یه‌وه‌ ده‌درێت".