بۆ بەرەنگاربوونەوەو ئاگادار کردنەوەی ئەو کەسانەی تووشی مادە هۆشبەرەکان دەبن، کەمپینێک دەست پێدەکاو داوا دەکەن ئەو کەسانەی لە کەمپینەکەدا بەشدار دەبن، ناوی خۆیان بنووسن.
کەمپینەکە بە بڵاو کردنەوەی راگەیەندراوێک ئامانجەکانی خۆی لەمەر چۆنیەتیی بەرەنگاربوونەوەو پێشگیریی تووشبوونی لاوانی کورد دەخاتەروو و داوا دەکا پێش بەو کردەوەیە کە کەمپینەکە بە ئەنفال‌و ژێنۆسایدی سپی ناوی دەبا بگرن.
دەقی راگەیەندراوەکەی کەمپین
هاونیشتمانانی خۆشەویستی کورد!
کوردانی تێکۆشەر لە سەرانسەری جیهان!
ئەی هەموو ئەوانەی دڵتان بۆ کوردو کوردستان لێ‌دەدا!
کۆماری ئێسلامی ئێران لەگەڵ هەموو هەوڵە جیددییەکانی پێشووی بۆ قەڵاچۆ‌و لەناوبردن بردنی کورد لەرۆژهەڵاتی کوردستان، ماوەیەکە دەستی بەپیلانێکی رەشی گەورە لە رێگای مافیای سوپای پاسداران بۆ تێکدان‌و لە ناوبردنی کۆمەلگای کوردی رۆژهەڵات‌و باشووری کوردستان کردوە.
ئێستا کە رێژیم ناتوانێ بە شێوەی پێشوو جینوسایدو ئەنفالی کورد بکا وەک لە قارنێ، قەلاتان، سوفیان، سەروکانی، زەردە‌و دەیان گوندی دیکە کە کردی، ماوەیەکە بە شێوەیەکی نوێ واتە ئەنفالی سپی بۆ لەناوبردنی کورد هەنگاو هەڵدینێتەوە.
کۆماری ئیسڵامی بە لە ناوبردنی پەنجا هەزار کوردی سیویل و تیروری رێبەرانی کورد وەک قاسملوو وشەفەرکەندی‌و چەندسەد تێکوشەری حیزب ورێکخراوە سیاسییەکانی دیکەی کورد لە دەرەوەی کوردستان‌و تورکیە‌و باشوری کوردستان‌و لە سێدارەدانی چەند هەزار زیندانیی سیاسی‌و مەدەنی‌و کوشتنی هەزاران کوڵبەر قەناعەت ناکەن‌و وەک دوژمنی سەرەکی کورد بریاریان داوە کە لە ڕەگ‌و ریشەی کومەلگای کوردی بدەن‌و هەڵیتەکێنن‌و لە ناوی بەرن. جورم‌و گوناحی کورد تەنیا داوای ئازادی‌و مافی نەتەوەیی‌یە‌و بەس.
رێژیم بە دروستکردنی دەیان ئاشپزخانە بۆ دروستکردنی ماددە سڕکەرەکان لە شاری سەردەشت‌و گوندەکانی دەوروبەری، ناوەندێکی مەترسیداری سازکردوە بۆناردنی ئەو ماددە هوشبەرانە بۆ باشووری کوردستان‌و هەروەها مەهابادی کردوەتە ترانزیت بۆ ناردنی شیشەو جۆرەکانی دیکە بۆ شاروگووندەکانی دیکە ی رۆژهەڵاتی کوردستان.
هەڵوێستەو موقایسەیەکی نیسبی لەنێوان ئێستاو ٢٠ ساڵی پێشووی باشووری کوردستان دەریدەخا کە پەرەگرتن‌و تووشبوونی کوردی باشووری کوردستان بەو ماددە هۆشبەرانە وەک دیاردەیەکی مەترسیداری لێهاتووەو ئەو مەترسییە هەر لە پەرەگرتن دایەو زیندانەکانی باشوور پڕە لەو موادفروشانە کە بۆ پارە ئامادەن هەموو کارێک بکەن.
ئەو کارەنالەبارەی رێژیم ، جەنایەتێکی دیکەی دژی مرۆڤە کە دەبێ بە هاوکاریی هەموو لایەک پێشی پێ بگیرێ‌و لە قاو بدرێ.
مافیایی سوپای پاسداران کە ناوی لە لیستەی ڕەشی ئەمریکاش دایە بۆ دوومەبەست ئەوهەنگاوە داوێژێ:
یەکەم‌و مەبەستی سەرەکیی ڕیژیم لە پەرەپێدانی ماددەی هۆشبەر لە کوردستان تێکشکاندنی ئیرادەی ماف ویستیی لاوانی کورد و لە پەڕاوێز خستنی ئەو هێزە لە بن نەهاتوویە.
دووهەم مەبەستی ڕیژیم پەیدا کردنی پارە لە ڕێگای بازاڕی ڕەشەوەیە کە سوپای پاسداران لەمێژە ئەو سەرچاوەیە بە کار دێنێ.
ئەرک و کاری ئێمەی کورد:
- حیزب ورێکخراوەکانی سیاسی لەرێگای تەلەویزیۆن‌و میدیای خۆیان کاری جیددی بۆ بەرپرچەدانەوەی ئەم پیلانە رەشەی ریژیم بکەن.
- هەمووی کورد بە کۆ‌و بە تاک خۆی بە بەرپرس بزانێ هەرکارێکی لە دەست دێ لەوبارەوە ئەنجامی بدا.
- هەموو ئەوانەی هاوکاری رێژیم دەکەن‌و بازاڕی مادە سڕکەرەکانی بۆ گەرم ڕادەگرن لە قاو بدرێن‌و لاوانی کوردی نێو خۆی کوردستان بۆ ئێفشاو تەمبێ کردنیان هەلۆیستی پێویست بگرن.
- هوشیاری و ئاگادربوونی بنەماڵەکان‌و هەرتاکیک کە هەم ئاگاداری ئەو پیلانانەی رێژیم بن‌و هەم هەموو کارێک بکەن بۆ رزگاری زۆر کەسی تووشبوو کە بەراستی پێویستیان بە هاوکاری ئەوانە هەیەو هەم دژایەتی ئەم کارە نالەبارەی رێژیم بکە کە گەورەترین زیانی بە بنەمالەکان گەیاندوە.
- حیزب و رێکخراوەکانی سیاسیی و مەدەنیی کورد وسەدان کوردو لەوانەیە هەزاران کورد کە بە جورێک پیوەندییان بە حیزب‌و رێکخراوەکانی سیاسی‌و مەدەنیی ولاتانی جیهان هەیە پێویستە قۆلی هیمەتی لێهەڵمالن‌و داوای کوبوونەوەو چاوپێکەوتن بکەن‌و ئەوان لەو جەنایەتە گەورەی رێژیمی ئیسلامی کە درحەق بە کورد دەیکا ئاگادار بکەنەوەو داوا بکەن کە هەڵویستیان هەبێ.
لە کۆتاییدا ئێمە وەک هاونیشتمانی کوردستان‌و ئەم کەسانەی کە ئەم نامیلکەیەمان تاوتۆ کردوەو ناومان لە ژێرەوە هاتووە داوامان لە حکومەتی هەرێمی کوردستان وەک حکومەتێکی یاسامەند و پارێزەری نەتەوەکەمان ئەوەیە کە پێش بە هەلسوکەوتی ناشایستی کۆماری ئیسلامیی ئیران بگرن‌و نەهێلن کەچی‌تر لەژێر ناوی دیپلۆماسییەوە ئەم مادە هۆشبەرانە لە سنوور بپەرێنەوەو لە باشووری کوردستان بلاو بێتەوە، ژیان‌و داهاتوی لاوانی ئیمە ئێستا لە مەترسی جیددی دایە.
هەروەها هیوادارین لاوانی بەئەمەگ‌و خەلکی نیشتمانپەروەرەو حیزب‌و رێکخراوەکانی رۆژهەلاتی کوردستان گرینگی زیاتر بدەن بەو کارەساتەی لەو بەشەی نیشتمان بەریوە دەچیت‌و کەلک وەرگرن لە هەموو کەرەستە جۆراوجۆرەکان بۆ ئەوە چیتر گیرۆدەی ئەم مادەهۆشبەرانە نەبن‌و خەتابارن سەوداگەرانی مەرگ بە توندترین شیوە سەزا بدرێ.
بە هیوای ئەوە بە هیممەتی هەموو لایەکمان بتوانین سیاسەتی نامرۆڤانەی کۆماری ئیسلامی‌و هێزی جینایەتکاری سوپای پاسداران ڕیسوا بکەین.
24/05/2014
