^{برای بەرێز کاک مستەفا هیجری، سکێرتێری گشتی حیزبی دیمۆکراتی کوردستانی ئێران}

^{لەگەل ئاراستەکردنی سلاۆ و رێزمان،}

^{هەوالی کۆچی دووایی دوو ئەندامی رێبەرایەتی حیزب، خوالێخۆشبوان کاک سەید رەزا درودگەر،و کاک چەکۆ رەحیمی، کە جێگای رێز و خۆشەویستی گشت لایەکمان بوون، بوو بە مایەی خەمباری و دلگرانیمان، بۆیە لەم پەیوەندییەدا سەرەرای سەرەخۆشی لە ئێوەی هێژا و بنەمالە و کەس و کاری خوالێخۆشبووان، و گشت ئەندامانی حیزب، خۆمان بە شەریکە غەم و پەژارەتان دەزانین،و لە خۆدای گەۆرە داواکارین، روحی ئازیزانی کۆچکردوو بە بەهەشتی بەرین شاد بکات و ئەزیزان و یارانیان لە بەلا و مووسیبەتی عەرزی و ئاسمانی بەدوور رابگرێ.}

^{سەبووری و سەعادەت، وە لەشساغی و سەرکەۆتنی گشت لایەکتان ئاواتەخوازین}

^{دەگەل رێزمان}

^{مستەفا شەمامی}

^{رێکخەری گشتی/  بزووتنەوەی کۆماریخوازانی رۆژهەلاتی کوردستان}

^{١٢/٥/٢٠١٦}

^{كاژێر 05:50 خوله‌كی به‌ره‌به‌یانی رۆژی پێنجشه‌ممه‌ 12-5-2016 تیمێكی ئۆپه‌راسیۆنه‌كانی به‌ڕێوه‌به‌رایه‌تی پۆلیسی ئیسته‌نبوڵ هه‌ڵكوتانێكی خێرایان به‌پشتیوانی هه‌لیكۆپته‌ر كرده‌ سه‌ر 20 ناونیشانی جیاواز و له‌ ئه‌نجامدا 10 كه‌سیان به‌تۆمه‌تی ئه‌ندامبوونیان له‌ په‌كه‌كه‌ ده‌ستگیركرد.}

^{ئۆپه‌راسیۆن و هه‌ڵكوتانه‌‌كه‌ی پۆلیسی ئیسته‌نبوڵ له‌ گه‌ڕه‌كی كاراكۆڵ سه‌ر به‌‌ ناوچه‌ی غازی عوسمان پاشا ئه‌نجامدراو وەک لە راگەیێندراوی پۆلیسی ئیستەنبوڵ دا هاتووە "دوای هه‌ڵكوتانه‌ سه‌ر ناونیشانه‌كان، پشكنینێكی زۆر بۆ شوێنه‌كان ئه‌نجامدراو توانرا چه‌ند به‌ڵگه‌یه‌ك و سی دی و چه‌ندین چه‌كی سووك و نه‌خشه‌ی ناوچه‌كه‌ ده‌ستی به‌سه‌ردا بگرن".}

^{له‌ كاتی ئۆپه‌راسیۆنه‌كاندا، ئه‌مبوڵانس، ئاگركوژێنه‌وه‌ و تیمه‌كانی فریاگوزاری له‌ ئاماده‌باشیدابوون بۆ هه‌ر ئه‌گه‌رێكی نه‌خوازراو.}

^{وه‌ك رۆتینێكی پۆلیسی توركیا، سه‌رجه‌م ده‌ستگیركراوه‌كان به‌ر له‌راپێچكردنیان بۆ گرتووخانه‌كان و ده‌ستپێكردنی لێكۆڵینه‌وه‌، ره‌وانه‌ی نه‌خۆشخانه‌ی "هاسه‌كی" كران بۆ نۆڕین و وه‌رگرتنی راپۆرتی پزیشكی له‌سه‌ر دۆخی ته‌ندروستی و پاشان راپێچی به‌ڕێوه‌به‌رایه‌تی پۆلیسی ئیسته‌نبوڵ له‌ شه‌قامی وه‌ته‌ن كرا.}

^12/5/2016

^{رووسیا پلانێکی بۆ کۆتایی هێنان بە گرووپە ئۆپۆزیسیۆنەکانی سووریا داناوە و بەهۆیەوە سێ هەزار سەربازی ئێرانی روودەکەنە دەوروبەری دیمەشق.}

^{ئەسعەد زوعبی، سەرۆکی شاندی دانوستاندنکاری ئۆپۆزیسیۆنی سووریا بە کەناڵی (ئەلحەدەس)ی راگەیاندووە، کە نهێنییەکانی ئەم پلانە نوێیەیان لە کەسێکی ناو رژێمی سووریا پێگەیشتووە.}

^{بەپێی پلانەکە، هێزێکی رووسی بەرەو بنکەی (حومەیمیم) لە نزیک شاری حەلەب لە باکووری رۆژئاوای سووریا دەچێت، بۆ شەڕکردن دژی هێزەکانی ئۆپۆزیسیۆنی سووریا.}

^{ئەسعەد زوعبی ئاماژەی بەوە کردووە، هێزەکەی ئێران، کە میلیشیاکانی حزبوڵلای لوبنانیش لەخۆدەگرێت، لە باکووری ناوچەی (غوتەی رۆژهەڵات)  لە دەوروبەری دیمەشقی پایتەختی سووریا جێگیر دەکرێت و لەو ناوچانە شەڕی دژی ئۆپۆزیسیۆن دەکەن.}

^{لە سەرەتای شەڕی ناوخۆیی سووریاوە، کە لە مانگی ئاداری 2011 لە نێوان ئۆپۆزیسیۆن و رژێمی سووریا دەستی پێکردووە و بووەتە هۆی کوژرانی زیاتر لە 300 هەزار هاووڵاتیی سووری و ئاوارەبوونی نزیکەی پێنج ملیۆنی دیکە، ئێران و رووسیا بە هێزی سەربازی بەشداریی ئەو شەڕە دەکەن و پشتگیریی مانەوەی بەشار ئەسەد، سەرۆکی رژێمی سوریا لە دەسەڵات دەکەن.}

^{تاوەکو ئێستا سەدان سەربازی سەر بە سوپای ئێرانی لە سووریا بە دەستی چەکدارانی ئۆپۆزیسیۆنی سووریا کوژراون، کە ژمارەیەک فەرماندەی باڵاشیان تێدا بووە.}

^12/5/2016

^{باش ئه‌وه‌ى تیمه‌ ناوخۆییه‌كان شكستیان هێنا له‌ پاكردنه‌وه‌ى ده‌رچه‌ گیراوه‌كه‌ى به‌نداوى باوه‌شاسوار له‌ قه‌زاى كفرى كه‌ به‌هۆى قوڕ و لیته‌ى باران بارینى ئه‌مساڵدا له‌ سه‌رى كوبوویه‌وه‌. پاكردنه‌وه‌ى ده‌رچه‌كه‌ به‌تیمێكى ئێرانى سپێردرا و به‌ڕێوبه‌رى به‌نداوه‌كه‌ش ده‌ڵێ ڕۆژانه‌ زیاتر له‌ پێنج تۆن قوڕ و لیته‌ له‌سه‌ر ده‌رچه‌كه‌ ده‌رده‌هێنرێ.}

^{غازى محەمەد به‌ڕێوەبه‌رى به‌نداوى باوه‌شاسوار له‌ قه‌زاى كفرى به‌ ئاژانسى هه‌واڵى (باسنیوز)ى ڕاگه‌یاند "ئه‌م تیمه‌ له‌ وڵاتى ئێرانه‌وه‌ هاتوون و كۆمه‌ڵێك ئامێرى پێشكه‌وتوویان پێیه‌ و بڕیاره‌ له‌ ماوه‌یه‌كى نزیكدا ده‌رچه‌كه‌ به‌ته‌واوى پاك بكه‌نه‌وه‌ و ئێستەش ڕۆژانه‌ زیاتر له‌ پێنج تۆن قوڕ و لێته‌ ده‌رده‌هێنن".}

^{به‌ڕێوبه‌رى به‌نداوی باوه‌شاسوار گوتیشى "به‌نداوه‌كه‌ تۆكمه‌یه‌ و به‌شێوه‌یه‌كى زۆر زانستیانه‌ دروست كراوه‌ و هیچ مه‌ترسیه‌كى له‌سه‌ر نییه‌ و هه‌ندێ كه‌ناڵى راگه‌یاندن به‌به‌رپرسیارییه‌تیه‌وه‌ باس له‌ به‌نداوه‌كه‌ ناكه‌ن و ده‌نگۆى روخاندنى بڵاو ده‌كه‌نه‌وه‌، بۆیه‌ من لێره‌وه‌ دڵنیایی ده‌ده‌مه‌ سه‌رچه‌م دانیشوانى كفرى كه‌وا هیچ مه‌ترسییه‌ك له‌سه‌ر به‌نداوه‌كه‌ نییه‌.}

^{له‌باره‌ى تێچوونى هێنانى تیمه‌كه‌ غازى محەمەد گوتى "ئێمه‌ ئاگادارى هیچ پاره‌یه‌ك نین ته‌نها ئه‌وه‌نده‌ نه‌بێت كه‌ له‌ به‌ڕێوەبه‌رایه‌تى به‌نداو و كۆگاكانى ئاوه‌وه‌ نێردراون بۆ پاكردنه‌وه‌ى ده‌رچه‌ى به‌نداوى باوه‌شاسوار".}

^{به‌نداوى باوه‌شاسوار له‌ ساڵى 2008ەوه‌ ده‌ست كرا به‌دروستكردنى و له‌ ساڵى 2011 ته‌واو بووه‌، ئه‌م به‌نداوه‌ تواناى گلدانه‌وه‌ى 5 ملیۆن و 300 هه‌زار مه‌تر دووجا ئاوى هه‌یه‌ و به‌مه‌به‌ستى كشتوكاڵكردن به‌كار دێت.}

^12/5/2016

^{چەکۆ رەحیمی، ئەندامی کۆمیتەی ناوەندی و بەرپرسی کۆمیتەی ئەمنییەتی حیزبی دێموکراتی کوردستانی ئێران پاش نیوەڕۆی رۆژی چوارشەممە 11-5-2016 گیانی لەدەستدا.}

^{تاوەکو ئێستا هۆکاری گیان لەدەستدانی دیار نییە، بۆ روونبوونەوەی هۆکارەکەش تەرمەکەی رەوانەی پزیشکی داد کراوە لە هەولێر.}

^{ماڵپەڕی فەرمی حدکا رایگەیاندووە، چەکۆ رەحیمی بە رووداوی لەناکاو تووشی ئازاری دڵ بووە و پێش ئەوەیکە بگەیێندرێتە نەخۆشخانەی کۆیە گیانی لەدەستداوە.}

^{بەپێی زانیارییەكانی رووداو، چەكۆ رەحیمی بە جەڵتەی دڵ كۆچی دواییكردووە، بەڵام تاوەكو ئێستا ئەنجامی لێكۆڵینەوەی دادی پزیشكیی رانەگەیێندراوە.}

^{جەعفەر موبەشیرنیا، نێردراوی رووداو لەبەردەم نەخۆشخانەی رزگاری هەولێر لەبارەی گیان لەدەستدانی چەمكۆ زانیاری نوێ‌ خستەڕوو.}

^{محەممەد ساڵح قادری، ئەندامی سەركردایەتی حدكا بە رووداوی راگەیاند، زۆر نیگەرانن بۆ كۆچی دوایی چەکۆ رەحیمی و پرسە و سەرەخۆشی ئاراستەی هەموو لایەك دەكەن.}

^{ساڵح قادری گوتیشی "چاوەڕێی بڕیاری دادی پزیشكین بۆ ئەوەی هۆكاری گیان لەدەستدانەكەی بزانین. چونكە حاڵەتەكە لەناكاوە و تاوەكو ئەنجامەكان ئاشكرا نەبن ناتوانین هیچ بڵێین".}

^12/5/2016

^{رێکخەری کەمپینی ئەنجامدانی ریفراندۆم بۆ سەربەخۆبوونی کوردستانی باشوور رایدەگەیەنێت، کە ئاماژەکانی کۆتایی هاتنی عێراق دەمێکە دەرکەوتوون.}

^{هێمن میرانی، مامۆستای زانکۆ و رێکخەری کەمپینی ئەنجامدانی ریفراندۆم لە رۆژی 4ـی تشرینی یەکەمی 2016 لە یاداشتی کەمپینەکەیدا رایگەیاندووە، کە بۆ ئەوەی چیتر نەخشەی رۆژهەڵاتی ناوەڕاست بەبێ دەوڵەتی کوردستان و مافە سیاسی و مەدەنییەکانی گەلی کوردستان دانەڕێژرێتەوە، پێویستە "بەیەکەوە ئەم هەڵمەتە بەڕێوەببەین و سەدان هەزار واژوو کۆ بکەینەوە".}

^{هێمن میرانی لە پۆستێکدا، کە لە پەڕەی کەمپینەکەیدا لە تۆڕی کۆمەڵایەتیی فەیسبووک بڵاوی کردووەتەوە، ئاماژە بەوە دەکات، کە نیشانەکانی کۆتایی هاتنی دەوڵەتی عێراق "دەمێکە دەرکەوتوون" و لایەنە کوردستانییەکانیش "بە گوتار و ئاوازی جیاواز"ـەوە سەیری ئەو پێشهاتە دەکەن.}

^{ئەو مامۆستایەی زانکۆ داوا لە هاووڵاتییانی کوردستان دەکات، کە بەشداریی کەمپینەکە بکەن، تاوەکو زۆرترین واژۆ کۆ بکرێتەوە و بکرێتە پەیامێک بۆ سەرکردایەتیی سیاسیی حزبەکان و کوردستان و پێیان بگوترێ، "فەرموون ئێمە دەمانەوێ لە رۆژی راگەیاندنی فیدرالیزمدا، کە 4ـی 10ـی 1992 بوو، ریفراندۆم بکەین و بڕیاری سەربەخۆیی بدەین و کۆتایی بەو ئازارە درێژە بێنین".}

^{هێمن میرانی پێیوایە بە واژۆکردن و بەشداریکردن لەو کەمپینە، خەڵکی کوردستان ئامادەیی خۆی بۆ "هەموو قوربانییەک" نیشان دەدات لە پێناوی سەربەخۆیی کوردستان و جیابوونەوەی کوردستانی باشوور لە عێراق و بە حزبە سیاسییەکانیش رادەگەیەندرێت، "بۆ رێک ناکەون؟ بۆ نایەنە ریزی خەڵک و واز لە بەرژەوەندییە تەسکە حزبییەکانتان ناهێنن؟".}

^{میرانی باس لەوەش دەکات، کە دوای نزیکەی چارێگە سەدەیەک ژیان لە ژێر سایەی فیدڕالی لە عێراق، "ئێستا کاتی ئەوەیە خەڵک خۆی قسەی خۆی بکات" و بڕیاری جیابوونەوە لە عێراق بدات.}

^{رێکخەری کەمپینەکە هەروەها رایدەگەیەنێت، کە ئەم کەمپینەکە لەلایەن "هیچ کەسایەتی و حزب و لایەنێکی دیاریکراو" سەرپەرشتی ناکرێت، "بەڵکو موڵکی هەموو ئەو کەسانەیە، کە دەیانەوێ کوردستان ئاڵا، نەخشە و سنووری رەسمی خۆی لەسەر گۆی زەوی هەبێ".}

^{چۆنێتی بەشداریکردن لە کەمپینەکە:}

^{تکایە کلیک لە سەر ئەم لینکە بکە و بەم جۆرەی خوارەوە واژووی خۆت بکە:}

^{https://www.facebook.com/events/877423965717764/}

^{پاشان لە لاپەڕەی هەڵمەتەکە بە دوای یەکێک لەم وشانە بگەڕێ لە ژێر وێنەی سەرەوەی کەمپەینەکە:}

^{ئەگەر زمانی بەکارهێنانی فەیسبووکت کوردییە، لەسەر وشەی ( چوون) کلیک بکە.}

^{ئەگەر زمانی بەکارهێنانی فەیسبووکت ئینگلیزییە، لەسەر وشەی Going کلیک بکە.}

^{ئەگەر زمانی بەکارهێنانی فەیسبووکت عەرەبییە، وشەی (أنوي الحضور) کلیک بکە.}

^{بەم جۆرە واژووەکەت لەم هەڵمەتە تۆمار دەکرێ.}

^{ئاگادار بە، بە تەنیا لایک کردن لە سەر بڵاوکراوەکانی ئەم هەڵمەتە یان گۆڕینی وێنەکەت بۆ "بەڵی بۆ ریفراندۆم" بەشداری کاریگەر نیت لەم هەڵمەتە، بەڵکو تەنیا بە واژووکردنت بەم رێگەیەی سەرەوە خۆت تۆمار دەکەیت.}

^{میرانی تکاش لە بەکارهێنەرانی فەیسبووک دەکات ئەم بڵاوکراوەیە بەردەوام شەیر بکەن، "بۆ ئەوەی هاوڕێکانتان ئاگادار بن و بەشداری بکەن".}

^11/5/2016

^{تەقینەوەیەکی بەهێز لەشاری سەدر لە بەغدا روودەدات و بەهۆیەوە 32 کەس کوژران و برینداربوون.}

^{پۆلیسی شاری بەغدای پایتەختی عێراق بە میدیاکانی وڵاتەکەی راگەیاندووە، تەقینەوەکە سەرلەبەیانیی رۆژی چوارشەممە 11ـی ئایاری 2016 لەرێی ئۆتۆمبێلێکی بۆمبڕێژکراوەوە روویداوە و گومان دەکرێت ژمارەی کوژراو و بریندارانیش بەرزبێتەوە.}

^{بەپێی زانیارییە سەرەتاییەکان، تەقینەوەکە، کە لە بازاڕێکی ناوچەی داخل لە شاری سەدری بەغدا روویداوە، بووەتە ھۆی کوژرانی حەوت ھاووڵاتی و برینداربوونی 25ـی دیکە.}

^11/5/2016

<sup>هاووڵاتییەکی ئەمەریکی سکاڵا لەدژی کۆماری ئیسلامیی ئێران تۆمار دەکات و بەگوتەی خۆی چوار ساڵ لە بەندیخانەکانی ئێراندا ئەشکەنجە کراوە.

دوێنێ سێشەممە (10.5.2016)، گۆڤاری پۆلۆتیکۆی ئەمەریکی بڵاوی کردووەتەوە؛ "ئەمیر ‌حیکمەتی" هاووڵاتیی ئەمەریکی کە ماوەی چوار ساڵ لە ئێران دەستبەسەر کرابوو، سکاڵا لەدژی ئێران تۆمار دەکات.

ئەمیر حیکمەتی چەکداری پێشووی سوپای ئەمەریکا بووە و دەڵێ: "لە ماوەی ئەو چوار ساڵەی کەلە بەندیخانەکانی ئێران دەستبەسەر بووم، هێزە ئەمنییەکانی ئێران ئەشکەنجەیان داوم".

حیکمەتی سکاڵای لەدژی ئێران تۆمار کردووە و داوای قەرەبووکردنەوە دەکات.

ئەمیر حیکمەتی بۆ ماوەی چوار ساڵ بە تۆمەتی سیخوڕی لە ئێران دەستبەسەر بووە، ئەوە لە کاتێک دایە کە حیکمەتی بەمەبەستی سەردانی بنەماڵەکەی رۆیشتبووەوە ئێران.

ئەو بەندکراوە دوای چوار ساڵ و دوای رێککەوتنی ئەتۆمیی نێوان ئێران و وڵاتانی پێنج کۆ یەک لەگەڵ بەندکراوانی ئێرانی لە ئەمەریکا ئاڵوگۆڕی پێکراوە.</sup>

^11/5/2016

<sup>میدیاکانی ئەمریکا باس لە کاردانەوەکانی وتارەکەی ڕاوێژکاری ئەنجومەنی ئاسایشی هەرێمی کوردستان دەکەن و ئاماژە بەوە دەدەن کە ئێران بە هەموو توانایەوە دژایەتیی سەربەخۆیی کوردستان دەکات.

دوای ئەوەی ڕۆژی هەینی، مەسرور بارزانی، ڕاوێژکاری ئەنجومەنی ئاسایشی هەرێمی کوردستان، وتارێکی سەبارەت بە ڕەوشی عێراق و ئایندەی هەرێمی کوردستان بڵاو کردەوە، تاوەکوو ئێستا، لە لایەن میدیاکانی جیهانەوە باس لە وتارەکە و کاردانەوەکانی دەکرێت. لەم چوارچێوەیەدا ماڵپەڕى (ئۆیڵ پرایس)ـى ئەمریکى، لە بابتێکدا ئاماژە بە کاردانەوەکانى ئێران لە بەرامبەر وتارەکەی مەسرور بارزانی دەکات و دەڵێت: “ئێستا ئێران پێى ناوەتە بابەتەکەوە و هەوڵ دەدات بە هەموو شێوەیەک ڕێگرى لە پارچەبوونى عێراق بکات”.

ماڵپەڕەکە ئاماژەی بە دوا وتارى ڕاوێژکارى ئەنجومەنى ئاسایشى هەرێمى کوردستان داوە و تێیدا ڕستەیەکی لە وتارەکە هەڵبژاردووە کە دەڵێت: “عێراق وڵاتێکى شکستخواردووە، کە خەڵکانێک بە جیاوازیی زۆرەوە لە ناو سنوورەکانیدا جێگیر کراون، بۆ ئەوەى بەرەو داهاتوویەکى نادیار هەنگاو بنێن”. هاوکات ئەو ماڵپەڕە نووسیویەتی: “ئێران کە تا ئێستا بە وریاییەوە لە نێوان هەولێر و بەغدا هەنگاوى دەنا، ئێستا پێدەچێت زەنگێکى ئاگادارکرنەوەى هەبێت، بەوەى هەوڵ دەدات ڕێگە لە دابەشبوونى عێراقى دراوسێى بگرێت”.

ئەمە لە کاتێک دایە کە دوێنێ دووشەممە 9\5\2016، جابر ئەنساری، گوتەبێژی وەزارەتی دەرەوەی ئێران ئاماژەی بەوە کرد: ”هیوادارین بەرپرس و نوخبەکانی ئێستای عێراق ئەولەویەت بە شەڕی دژی تیرۆریستان بدەن و ئەو کارەش تەنیا بە یەکپارچەیی عێراق دەکرێت". دووپاتیشی کردەوە: ”سەربەخۆیی و یەکپارچەیی عێراق بۆ ئێران گرنگە و عێراق بە یەکپارچەیی دەتوانێت بەسەر قەیرانەکاندا زاڵ بێت". بۆ خوێندنەوەی دەقی وەڵامەکەی ئێران لە بەرامبەر وتارەکەی مەسرور بارزانی، کلیک لێرە بکە.

لە وتارێکیدا بۆ ماڵپەری (Washington Post)ی ئەمریکی، مەسرور بارزانی، راوێژکاری ئەنجومەنی ئاسایشی هەرێمی کوردستان رایگەیاندووە، لە دوای روخانی عوسمانییەکان و دروستبوونی عێراق، ئەو وڵاتە شکستی ھێیناوە و خەڵکانێک، بە کەمترین لێکچوون و خاڵی ھاوبەش، "ناچار کراون بەیەکەوە بەرەو داھاتوویەکی نادیار بڕۆن". بۆ خوێندنەوەی بەشێک لە وتارەکەی مەسرور بارزانی، کلیک لێرە بکە.</sup>

^11/5/2016

<sup>سکرتێری ھەردوو حزبە دیموکراتەکان، حزبی دیموکراتی کوردستانی ئێران (حدکا) و حزبی دیموکراتی کوردستان (حدک)، لە لێکتێگەیشتن بۆ نەخشەڕێگای یەکگرتنەوە لە یەکدی نزیک دەبنەوە و سەرکردەیەکی (حدک) دەڵێ: "بۆ بڕیاری کۆتایی چاوەڕوانی کۆنگرەی (حدکا)ین".

سەرچاوەیەکی ئاگادار لە کۆبوونەوە و دیدارەکانی ھەردوو حزب بۆ (باس) رای گەیاند، لە ماوەکانی رابردوودا، ھەردوو سکرتێری حدکا و حدک، مستەفا ھجری و خالید عەزیزی لە ھەولێر دیداریان ھەبووە.

سەرچاوەکە گوتیشی: "لەو دیدارەدا ھەردوو سەرکردەی دیموکراتەکان سوور بوون لەسەر ئەوەی کە دەبێت پارتەکانیان یەک بگرنەوە".

سەرچاوەکە ئاشکراشی کرد، ھەردوو سکرتێر باسیان لە ئامادەکردنی نەخشەڕێگای لێک تێگەیشتن بۆ یەکگرتنەوە کردووە، کە لەلایەن حزبی دیموکراتی کوردستانی ئێران (حدکا) پێشکەش بە حزبی دیموکراتی کوردستان (حدک) کراوە، خاڵی ئەرێنیش لە دیدارەکەدا زۆر زیاتر بووە لە باسکردنی ئەو لەمپەرانەی لەبەردەم یەکگرتنەوەدان.
بەڵام سەرچاوەکە نەشیشاردەوە کە لە ھەردوولا ژمارەیەک سەرکردە ھەن نایانەوێ یەکگرتنەوە روو بدات، چونکە پێیان وایە ئەو یەکگرتنەوەیە ئەوان لە پۆست و بەرپرسیاریەتی دوور دەخاتەوە.

سەرچاوەکە روونیشی کردەوە، ھەردوو حزب زیاتر لە ٢٢ ئەندامی دەفتەری سەرکردایەتییان ھەیە و یەکگرتنەوەی ئەو دوو ھێزە وا دەکا ژمارەیەک لەو سەرکردانە کە لاوازن، لە پێگە و بەرپرسیاریەتی نەمێنن، ئەوانەش دەیانەێ لەمپەر لەبەردەم یەکگرتنەوەی ئەو دوو باڵەدا دروست بکەن.

بەپێی زانیارییەکانی ئەو سەرچاوەیە، لەناو ھەردوو حزبدا سەرکردەی زۆری دیکەش ھەن دەیانەوێ بە ھەر شێوەیەک بێت لەم قۆناغە یەکگرتنەوەی ھەردوو باڵەکە روو بدات، گوتیشی: "کێشەی حدکا ئەوەیە کە نایەوێ حدک وەکو حزب بەو ناوە بناسێنێت و ئێستاش بە باڵێ جیابووەوە دەڵێت ھاوڕێیانی پێشوو، لەکاتێکدا حدک ئێستا پارتێکی سەربەخۆیە و ئەندامی فەرمیی رێکخراوی سۆسیال ئینتەرناسیۆنالە".
لەبارەێ بۆچوونی (حدک)یش ئەو سەرکردەیە رای گەیاند، لەناو ئەو ھێزەشدا سەرکردە ھەیە لەگەڵ یەکگرتنەوەدا نییە، بەتایبەتی ئەوانەێ لەدوای جیابوونەوە بوون بە حدک و بەرپرسیاریەتییان پێ دراوە، ئەوان پێیان وایە یەکگرتنەوە لەسەر حسابی ئەوان دەبێ.

لە ماوەکانی رابردوودا حزبی دیموکراتی کوردستان کۆنگرەی شازدەی خۆی ساز کرد. بڕیار بوو ئەو کۆنگرەیە دوای یەکگرتنەوەی ھەردوو باڵی دیموکرات (حدک و حدکا) ئەنجام بدرێت، بەڵام کۆنگرەکە بەر لە یەکگرتنەوە بەڕێوە چوو.

لە کۆنگرەکەدا سکرتێری حزبی دیموکراتی کوردستان خالید عەزیزی، پەیامێکی ئاراستەی ھاوخەباتەکانی خۆی لە حزبی دیموکراتی کوردستانی ئێران کرد.
بە شێوەیەک بەربەستەکانی یەکگرتنەوەی لابرد و ھیچ پێشمەرجێکی بۆ یەکگرتنەوە دیار نەکرد، لە بەرامبەریشدا حزبی دیموکراتی کوردستانی ئێرانیش رەزامەندیی دا بە ئەنجامی کۆنگرەکەی حدک، بەدوای ئەوەشدا دیدار و دانیشتن لەنێوان ھەردوو سەرکردەی دیموکراتەکان ھەبووە و سەرکردەکانی (حدک) چاوەڕێی ئەوە دەکەن بڕیارەکانی کۆنگرە چاوەڕوانکراوەکەی (حدکا) لە ساڵی ٢٠١٦ بە ھەمان شێوە ھیچ پێشمەرجێکی بۆ یەکگرتنەوەی ھەردوو باڵەکە نەبێ و ئەوان بە فەرمی وەکو حزبی دیموکراتی کوردستان بناسێنێ.

مەولود سوارە، ئەندامی دەفتەری سەرکردایەتیی حزبی دیموکراتی کوردستان بۆ (باس) رای گەیاند، تاکە شتێک لای ئەوان ئەوەبووە کە دەبی (حدکا) بە شێوەیەکی فەرمی ئەوان بناسێنی، تاوەکو بتوانن وەکو دوو حزب بڕیاری یەکگرتن بدەن، چونکە لە واقعی ئێستادا ئەوان پارتی سەربەخۆن و پەیڕەو و پڕۆگرامی تایبەت بە خۆیان ھەیە، گوتیشی: "لە راستیدا ئێمە و حدکا لە قاعیدە یەکین و ھیچ گرفتێکمان نییە، جیاوازییەکە لە سەرکردایەتییە و نابێت ئەوە بشارینەوە کە بەرژەوەندی دەوری ھەیە لە یەک نەگرتنەوەدا".

ئاماژەی بۆ ئەوەش کرد، ئەوان وەکو سەرکردەیەکی دیموکرات ئامادەن لەپێناوی یەکگرتنەوەیان دەستبەرداری بەرپرسیاریەتییەکەی ئێستایان بن، گوتیشی: "ھەردوو لامان بۆ بڕیاری کاری سیاسی و چەکداری و ئەو گۆڕانکارییانەی لە ناوچەکە روو دەدەن ھاوھەڵوێستین و کێشەی سیاسیمان نییە، تەنیا دەبێ لە رێگەی پلان و نەخشەڕێگایەکەوە بڕیاری گەڕانەوە بۆ لای یەکدی بدەین".

راشی گەیاند، ئەوان چاوەڕوانی (حدکا)ن و پێیان وایە ئێستا تۆپەکە لاێ ئەوانە، گوتی: "چاوەڕوانی کۆنگرەی داھاتووی (حدکا)ین، کە یەکەم جار ئێمە بە فەرمی بناسێنێت و دووەم جار دەست بە گفتوگۆ بکەین بۆ دیارکردنی رێگاکانی یەکگرتنەوە".

لای خۆشیەوە رۆستەم جەیھان، ئەندامی دەفتەری حزبی دیموکراتی کوردستانی ئێران (حدکا) بۆ (باس) جەختی لەسەر ئەوە کردەوە کە ئەوان نەخشەڕێگای یەکگرتنەوەیان داوەتە باڵەکەی دیکەی دیموکراتەکان، بەڵام ھێشتا ئەوان وەڵامێکی یەکلاکەرەوەیان بەوان نەداوە، گوتیشی: "ئێمە چاوەڕوانی ئەوانین بۆ یەکگرتنەوە و ئەوانمان لە کۆنگرەی ١٥ وەکو حزب ناساندووە، تەنیا گرفت لە ناوەکە بووە و پێمان وایە ئێمە خاوەنی ناوی (حزبی دیموکراتی کوردستان)ین و باشتر وایە ئەوان ناوی خۆیان بگۆڕن و لەناو یەک ھاوپەیمانییەتیدا دەست بە جێبەجێکردنی نەخشەڕێگاکەمان بکەین".

ئەو سەرکردەیەی (حدکا) ئاماژەی بۆ ئەوەش کرد، پێشبینی ناکات لە کۆنگرەی چاوەڕوانکراوی ٢٠١٦ی پارتەکەی ئەو بڕیارەی کۆنگرەی پێشوو گۆڕانی بەسەردا بێت، گوتی: "ئەگەرچی کۆنگرە خاوەنی بڕیاری خۆیەتی و ئەوەی کۆنگرە بڕیاری لەبارەوە بدات ئێمە جێبەجێکارین، بەڵام پێشبینی ناکەم کۆنگرە بەفەرمی ناوی حزبی دیموکراتی کوردستان بە برادەرانی پێشوومان بدات، چونکە ھەردوو ناوی دیموکرات، حزبی دیموکراتی کوردستانی ئێران و حزبی دیموکراتی کوردستان یەکە، ھەر لەبەر ئەوەشە ئێمە نامانەوێ بڕیارێکی وا بدەین، بەڵام لە رووی حزبەوە ئەوان پارتێکی فەرمین و ئێمە ئەوەمان قبووڵە، لەگەڵ ھەموو ئەوانەشدا چاوەڕوانی ئەوەین جیاوازییەکان بەلاوە بنرێن و یەکگرتنەوە لەم قۆناغە ھەستیارە لە کۆنگرەیەکی ھاوبەشدا و بەپێی ئەو نەخشەڕێگایەی کە دیاریمان کردووە، روو بدات".

لای خۆشیەوە مستەفا شەڵماشی، ئەندامی دەفتەری حزبی دیموکراتی کوردستان لە وتارێکیدا کە لە ماڵپەڕی فەرمی حزبەکەێ بڵاو کراوەتەوە، تیایدا ئاماژەی بەوە داوە، لە ھەلومەرجی ئێستادا یەکگرتن گەورەترین پێداویستیی گەلی کوردە، بە تایبەتی بۆ رۆژھەڵاتی کوردستان کە دەبێ ھەستێتەوە سەر پێ، نووسیویشیەتی: "پێویستە و گرنگیشە لەم قۆناغە حدک و حدکا پێشەنگ بن و ھەردووکیان ئامادەبن مایە لە خۆ دابنێن، لەپێشدا بە یەکگرتنەوەیان و دواتریش بە یەکگرتنیان لەگەڵ حزب و ڕێکخراوەکانی دیکە، گوڕ و تین بە خەباتی کوردایەتی و جەماوەری بدەن و گەلەکەمان لە خۆرھەڵاتی کوردستان دڵگەرم کەن و بیھێننەوە مەیدان".</sup>

^10/5/2016