چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

درێژه‌ی بابه‌ت

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

ڕابردوو بەردەوام گرووپگەلێک هەبوون لە کوردستان کە بەشێوەیەک لە شێوەکان پەیڕەویان لە خەباتی چەکداریی کردووە وەک ڕێبازێک بۆ گەیشتن بە مافەکانی کوردستانییان. بەڵام هەر...

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

ناودەبرێت، بۆ کوردەکانیش هێشتا بابەتێکە کە جێی گومان و پرسیارە؟، بەوپێیەی هەموان سیناریۆکانی پرۆسەی ئاشتی و چارەسەریان لەساڵی ٢٠١٢ بۆ ٢٠١٥ لەپێش چاوە، کەچۆن ئەو...

درێژه‌ی بابه‌ت

په‌یوه‌ندی راسته‌وخۆ

گه‌ڕان

سوپای‌ پاسداران: ڕۆحانی و لایەنگرانی لەگەڵ خامنەیی ناکۆکن‌

^{محه‌مه‌دعه‌لی جه‌عفه‌ری‌، فه‌رمانده‌ی‌ گشتیی سوپای‌ پاسداران ده‌ڵێ: حەسەن ڕۆحانی و كۆمه‌ڵێك له‌ كاربه‌ده‌ستانی‌ باڵای حکوومەت له‌گه‌ڵ ڕوانگه‌كانی‌ خامنه‌یی ڕێبەری کۆماری ئیسلامی یه‌كدەنگ نین."}

^{بەپێی هەواڵی میدکانای سەر بە سوپای پاسداران، ئەو فەرماندە پەیەبەرزەی سوپای پاسداران خۆشبینیی ئه‌وانی‌ سه‌باره‌ت به‌ ڕۆژئاوا به‌ نیگه‌رانی زانی‌ و له‌ ڕوانگه‌ی‌ ڕۆژئاواوه‌ بۆ چاره‌سه‌ریی قه‌یرانی‌ وڵات ڕه‌خنه‌ له‌ ڕێژیم ده‌گرن."}

^{لە درێژەدا ئاماژەی بەوەش دا "هیچ موسڵمانێك نابێ دڵ به‌ ئەمەریكا ببه‌ستێ، چونکە ئه‌وان له‌ بیری‌ به‌رژه‌وه‌ندیی خۆیاندان."}

^{له‌لایه‌كی‌ دیكه‌شەوە عه‌لی سه‌عیدی‌، نوێنه‌ری‌ خامنەیی له‌ سوپای‌ پاسداران گوتی" ئه‌مڕۆ‌ ئێمه‌ له‌گه‌ڵ ده‌وڵه‌تێك به‌ره‌وڕووین كه‌ كێشه‌ی‌ له‌گه‌ڵ ئیمامی‌ زه‌مان، ڕێبه‌ر و ڕوانگه‌كانی‌ ئێمه‌ هه‌یه‌".}

^{ئەو نوێنەرەی خامنەیی ڕاشیگەیاندووە: "ئاغایان به‌ سوپای‌ پاسداران هه‌ستیارن، ئه‌م هێزه‌ به‌رگریی له‌ بنه‌ما فیكرییه‌كانی‌ كۆماری‌ ئیسلامی ده‌كات، هه‌روه‌ها ده‌بێ سیاسه‌تی‌ ده‌ره‌وه‌ی‌ ئێمه‌ سیاسه‌تی‌ ئینقلابی بێ. نابێ له‌ هه‌مبه‌ر دوژمنه‌كانمان به‌ چۆكدا بێین و سه‌ریان بۆ دانوێنین."}

^{لە چەند ڕۆژی ڕابردووشدا لە وەڵامی هەندێ ڕەخنەی خامنەیی لە بەرانبەر دەستیوەرادنەکانی سوپای پاسداران لە سیاسەت، هەڵبژاردن و ئابووریی ئێران، سوپای پاسداران لە ڕاگەیەندراوێکدا باسی لە تێنەگەیشتنی حکوومەتی ڕۆحانی لە ڕۆڵی سوپای پاسداران لە ئێران کرد و ئەو هەوڵانەیان بە پیلانی دوژمنان وەف کرد.}

^{ململانێی نێوان باڵی ڕیفۆرمخواز و بناژۆخوازانی ئێران سەبارەت وتووێژ لەگەڵ وڵاتانی رۆژئاوا لەسەر پرسی ناوکی بە پاڵنەریی خامنەیی لە دەسپێکی دەوڵەتی روحانی‌یەوە هاتووەتە ئاراوە.}

^20/10/2016

ئۆپەراسیۆنی پێشمەرگە لە چەند میحوەرێک دەستی پێ کرد

^{لەچوارچێوەی ئۆپەراسیۆنی کۆنتڕۆڵکردنەوەی شاری مووسڵ، ئۆپەراسیۆنی پێشمەرگە لە میحوەرەکانی باکوور و باکووری ڕۆژئاوای شاری مووسڵ دەستی پێ کرد.}

^{پاش سەرکەوتنی قۆناغی یەکەمی ئۆپەراسیۆنەکەی پێشمەرگە لە میحوەری خازر، ئەمڕۆ پێنجشەممە 20\10\2016، هێزەکانی پێشمەرگەی کوردستان لە میحوەرەکانی (باشیک، ناوەران، تەلسقۆف، بەنداوی مووسڵ و فلێفل) بۆ سەر مۆڵگەکانی ڕێکخراوی توندڕەوی داعش دەستی پێ کرد.}

^{لەم ئۆپەراسیۆنەدا 30 هەزار پێشمەرگە بەشدارن و پشتیوانییەکی چڕی تۆپخانەکانی پێشمەرگە و فڕۆکە جەنگییەکانی هاوپەیمانانی لەگەڵدایە.}

^{بەپێی زانیارییەکانی (باسنیوز)، پێشڕەوییەکانی پێشمەرگە لە میحوەرەکان و ناوەران دەستیان پێ کردووە و پێشمەرگە بە ورەیەکی بەرزەوە بەرامبەر بە داعش وەستاوەتەوە.}

^20/10/2016

ڕووسیا: موسڵ ده‌بێته‌ خۆڵه‌مێش و ئێمه‌ ده‌زانین كێ ده‌یسووتێنێت

^{گوته‌بێژى وه‌زاره‌تى ده‌ره‌وه‌ى ڕووسیا ڕای ده‌گه‌یه‌نێت، كه‌ موسڵ "ده‌بێته‌ خۆڵه‌مێش"، ئه‌مه‌ش له‌ كاتێكدایه‌ كه‌ هێشتا دوو ڕۆژ به‌سه‌ر ده‌ستپێكردنى شه‌ڕى ڕزگاركردنى ئه‌و شاره‌، تێنه‌په‌ڕیوه‌.}

^{ماریا زاخارۆڤا، گوته‌بێژى وه‌زاره‌تى ده‌ره‌وه‌ى ڕووسیا، به‌ كه‌ناڵى "ڕووسیا 1"ـى را گه‌یاند :" كاره‌ساتێكى مرۆیی له‌ موسڵ نزیك ده‌بێته‌وه‌، ئاواره‌كان روو ده‌كه‌نه‌ كوێ و كێ ده‌توانێت پێشوازییان لێ بكات، له‌ كاتێكدا كه‌ خاكه‌كه‌ى ده‌بێته‌ خۆڵه‌مێش و ئێمه‌ ده‌زانین كێ سووتاندوویه‌تى".}

^{ئه‌و گوته‌بێژه‌ پرسیارى ئه‌وه‌شى كرد، كه‌ كێ به‌رپرسیارێتى ئه‌و ئاوارانه‌ له‌ ئه‌ستۆ ده‌گرێت كه‌ ڕزگاریان ده‌بێت، له‌ كوێ ده‌توانرێت پێشوازییان لێ بكرێن، كێ ده‌توانێت نان و ئاویان پێ بدات و چاره‌سه‌ری پزیشكییان بۆ دابین بكات، گوتیشی :" ئایا ئه‌وه‌ له‌ به‌رچاو گیراوه‌، بێ گومان نه‌خێر".}

^{دواجار پرسیارى ئه‌وه‌ش ده‌كات، كه‌ ئایا ه‌و هه‌ڵمه‌ته‌ میدیاییه‌ى دژ به‌ ڕوسیا له‌ چه‌ند هه‌فته‌ى دواییدا به‌ڕێوه‌ چوو، بۆ ئه‌وه‌ بوو كه‌ ده‌بێت چى بكرێت بۆ موسڵ.}

^19/10/2016

ئەمریکا پێشبینیی بەکارهێنانی چەکی کیمیاوی لەلایەن داعش دەکات

^{ئەمریکا پێشبینیی بەکارهێنانی چەکی کیمیاوی لەلایەن چەکدارانی رێکخراوی توندڕەوی داعش دەکات.}

^{ئاژانسی (رۆیتەرز) لە زاری چەند بەرپرسێکی ئەمریکی بڵاوی کردووەتەوە، کە گوتویانە، ئەگەری بەکارهێنانی چەکی کیمیاوی لەلایەن داعشەوە بەهۆی بێ ئومێدبوونیانە لە سەرکەوتن لە رووبەڕوو بوونەوەی چەکداری لەگەڵ پێشمەرگە و سوپای عێراقی لە مووسڵ.}

^{یەکێک لەو بەرپرسە ئەمریکییانە ئاماژەی بەوە داوە، کە پێشتریش چەکدارانی داعش گازی خەردەڵیان لە دژی پێشمەرگە و سوپای عێراق بەکارهێناوە، بەڵام باسی لەوە کردووە، کە داعش ناتوانێ پەرە بە چەک کیمیاوییەکانی بدات، بۆیە چەک کیمیاوییە سادەکانی رێکخراوەکە بکوژ و ترسناک نین.}

^{چەکدارانی داعش بەهۆی سەرکەوتنی هێزی پێشمەرگە و شکست پێهێنانیان، ورەیان رووخاوە و توانای بەرگرییان نەماوە.}

^{بەرەبەیانی رۆژی دووشەممە 17ـی تشرینی یەکەمی 2016، فەرماندەیی گشتیی هێزەکانی پێشمەرگەی کوردستان دەستپێکردنی ئۆپەراسیۆنێکی بەرفراوانی بۆ رزگارکردنەوەی مووسڵ لەژێر سەرپەرشتییراستەوخۆی مەسعود بارزانی، سەرۆکی هەرێمی کوردستان لە سنووری میحوەری خازر راگەیاند و ناوچەیەکی فراوانی رۆژهەڵاتی پارێزگای نینەوا لەلایەن هێزەکانی پێشمەرگەوە رزگار کرایەوە.}

^{لە مانگی حوزەیرانی 2014 و لە سەردەمی سەرۆک وەزیرانێتیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.}

^19/10/2016

11 هاووڵاتیی كورد له‌ پارێزگای سنە دەستگیر کران

^{بەپێی ڕاپورتی کۆمەڵەی مافی مرۆڤی کوردستان، لە سێ ڕۆژی ڕابردوودا سێ کەس لە هاووڵاتیانی شاری کامیرانی سەر بە پارێزگای سنە لەلایەن هێزەکانی ئیتلاعییەکانەوە دەستبەسەر کراون.}

^{بەپێی هەمان ڕاپۆرت، ناو و ناسنامەی ئەو دەستبەسەرکراوانە بریتییە لە "حوسێن ڕۆحانی، حەسەن قوربانی و حەیدەر قوربانی" ئەو کاسانەن کە ناوەکانیان ئاشکرا بووە و لەلایەن ئیدارەی ئیتلاعاتی شاری کامێارانەوە بە هۆکاری نادیار و بێ حوکمی دادوەر دستبەسەر کراون.}

^{هەروەها هەواڵی دەستبەسەرکردنی 8 کەسی تر لە هاووڵاتیانی گوندی "تەختی زەنگی"ی سەر بە کامیاران بڵاو کراوەتەوە کە هێشتا ناو و شوناسی ئەو کەسانە ئاشکرا نەبووە و لەلایەن ئێدارەی ئیتلاعاتی کامیارانەوە قۆڵبەست و ڕاپێچی ئەو ناوەندە کراون.}

^{تا بڵاوکردنەوەی ئەم هەواڵە هۆکاری دەستگیرکردن و چارەنووسی سەرجەم ئەو کەسانە نادیاره‌.}

^{دوو هەفتە لەمەوبەر لەلایەن هێزێکی چەکدارەوە هێرش کرایە سەر سێ ئەندامی سوپای پاسداران لە گوندی تەختی زەنگی و کوژران، شیمانەی ئەوە دەکرێت ئەو کەسانە لەو پەیوەندییەدا دەستگیر کرابن.}

^19/10/2016

مالیزیا بەهۆی شەڕی مووسڵەوە هێزی ئەمنی لە سنوورەکانی کۆدەکاتەوە

^{جێگری سەرۆک وەزیرانی مالیزیا ئاشکرای کرد، بەهۆی شەڕی کۆنتڕۆڵکردنەوەی مووسڵ، هێزە ئەمنییەکانیان بۆ سەر سنوورەکانی مالیزیا دەبەن.}

^{ئەمڕۆ سێشەممە 18\10\2016، ئەحمەد زاهد حەمیدی، جێگری سەرۆک وەزیرانی مالیزیا، لە کۆنگرەیەکی ڕۆژنامەوانیدا کە کەناڵی (سکای نیوز) گواستوویەتیەوە، ئاماژەی بەوە کرد: ”مالیزیا ڕێوشوێنە ئەمنییەکانی لە سەر سنوورەکانی خۆی زیاتر کردووە، جگە لەوەی چاودێریی ئەو ڕێگە نایاساییانەش زیاتر کراوە کە بە گشتی قاچاخچییەکان بۆ دەربازبوون بەکاری دەهێنن“.}

^{جێگری سەرۆک وەزیرانی مالیزیا ئەوەی نەشاردەوە کە ڕێوشوێنە ئەمنییەکانیان پەیوەندی بە هێرشەکەی دوێنێ دووشەممەی هێزی پێشمەرگەی کوردستان و سوپای عێراق بۆ سەر شاری مووسڵەوە هەیە و گوتی: “لەگەڵ دەزگا هەواڵگرییە نێودەوڵەتییەکان زانیاری ئاڵوگۆڕ دەکەین و لیستی ناوی ئەو گومانلێکراوانەشمان هەیە کە پێمانوایە پەیوەندییان بە داعشەوە هەیە، پێشبینی دەکرێت چەکدارە مالیزییەکانی داعش هەوڵی گەڕانەوە بۆ مالیزیا بدەن، بۆیە ئەو ڕێوشوێنانەمان گرتووەتە بەر”.}

^{لە مانگی 9ی ئەمساڵدا، پۆلیسی مالیزیا ئامارێکی بڵاو کردەوە و تێیدا ئاشکرای کرد کە لە ساڵی 2013ەوە تاوەکوو ئێستا، 90 کەس لە مالیزیاوە چوونەتە ڕێزەکانی داعش.}

^18/10/2016

بۆکان.. کچە خوێندکارێکی دیکەی کورد بە کەفالەت لە زیندان ئازاد کرا

^{مەنیژە فاتحی، کچه خوێندکاری کوردی خەڵكی بۆکان کە حەوت مانگ پێش لەلایەن هێزە ئەمنییەکانی ئێرانەوە دەستبەسەر کرابوو، بە دانانی کەفالەت و بە شێوەی کاتی لە زیندان ئازاد کرا.}

^{بەپێی هەواڵی ماڵپەری مافی مرۆڤیی (هەنگاو) دوێنێ دووشەممە 2016 -10 -17 مەنیژە فاتحی کچه خوێندکاری کورد، بە دانانی 150 ملیۆن تمەن( 50هەزار دۆلار) بارمتە، هەتا کاتی دادگایی کردنی بە شێوەی کاتی لە زیندان ئازاد کرا.}

^{مەنیژە، کچە خوێندکاری تەمەن 22 ساڵی کورد، رێکەوتی 15ی رەشەممەی 2015 لەلایەن هێزەکانی وەزارەتی ئیتلاعاتەوە لە ماڵی خۆیان دەستبەسەر کرا.}

^{ئەو کچە خوێندکارە، هەتا کاتی ئازادکرانی لە ژوورە تاکەکەسییەکانی ئیدارەی ئیتلاعاتی شاری بۆکان، مەهاباد و ورمێ راگیرابوو.}

^{مەنیژە فاتحی کە ماوەی دوو مانگی کۆتایی دەستبەسەرکرانەکەی لە ئیدارەی ئیتلاعاتی ورمێ لە دەستبەسەریدا بوو، سەرەنجام بە بڕیاری بەرپرسی دادگای ئینقلابی مەهاباد بە دانانی بارمتەی 150 ملیۆن تمەنی بە شێوەی کاتی ئازاد کراوە.}

^{تۆمەتی ئەو کچە خوێندکارە لە دۆسیەکەیدا، "پەیوەندی لەگەڵ یەکێک لە حیزبە کوردییەکانی ئۆپۆزیسیۆنی حکومەتی ئیسلامیی ئێران" راگەیاندراوە.}

^18/10/2016

پارتی: بە رزگارکردنەوەی مووسڵ لە سەربەخۆیی نزیکتر دەبینەوە

^{ھاوکات لەگەڵ دەستپێکی ئۆپەراسیۆنەکانی کۆنتڕۆڵکردنەوەی مووسڵ، ئەندامێکی مەکتەبی سیاسیی پارتی، رای دەگەیەنێ، ئێستا لە ھەموو کات نزیکترین لە راگەیاندنی سەربەخۆیی کوردستان. شڕۆڤەکارێکی سیاسییش ئاماژە بەوە دەدا، ئەو ھاوئاھەنگییەی لەنێوان پێشمەرگە و سوپای عێراقدا دروست بووە ئاماژەیە بۆ لێکتێگەیشتنێکی نوێ کە دەرئەنجام سەربەخۆیی کوردستانی لێ دەکەوێتەوە.}

^{دوێنێ دووشەممە، قۆناخی یەکەمی پرۆسەی ئازادکردنی مووسڵ دەستی پێکرد، لەم قۆناخەدا ھێزەکانی پێشمەرگە لەژێر سەرپەرشتیی مەسعود بارزانی سەرۆکی ھەرێمی کوردستان و فەرماندەی گشتیی ھێزە چەکدارەکان، سوپای عێراقیش لەژێر فەرمانی حەیدەر عەبادی، سەرۆک وەزیرانی عێراق، جووڵەیان کرد، لەو پرۆسەیەدا پێشمەرگە ٨ گوندی بە پانتایی ٢٠٠ کیلۆمەتر چوارگۆشە ئازاد کردەوە و سەرکەوتنی قۆناغەکەی راگەیاند.}

^{بارزانی، سەرۆکی ھەرێمی کوردستان لە کۆنفرانسێکی رۆژنامەوانیدا لە بەرەی خازر رای گەیاند، ئەوە یەکەمین جارە سوپای عێراق و پێشمەرگە پێکەوە دژی دوژمنێک شەڕ دەکەن، بەشدارن و جەختیشی لە بەردەوامیی ئەو ھاوئاھەنگییە کردەوە.}

^{بارزانی گوتیشی: "ئەمە یەکەم جارە خوێنی پێشمەرگە و سەربازی عێراقی لە شەڕێکی وادا تێکەڵ دەبن، کە دژی تیرۆریستانی داعشە، ئومێدمان وایە ئەمە ببێتە بناغەیەکی بنەڕەتی بۆ پەیوەندیی ئاییندەمان لەگەڵ بەغدا".}

^{ھاوکات راشی گەیاند، دوای ئۆپەراسیۆنەکە دیمۆگرافیای ناوچە کوردستانییەکان وەکو خۆی دەمێنێتەوە و شەبەک و ئێزدییەکان و کرستیانەکان و کاکەییەکان دەگەڕێنەوە.}

^{پێوەند بەم پرسە، کەمال کەرکووکی، ئەندامی مەکتەبی سیاسیی پارتی دیموکراتی کوردستان، کە ھاوکات بەرپرسی میحوەری رۆژئاوای کەرکووکی ھێزی پێشمەرگەی کوردستانە، لە دیمانەیەکی تایبەت بە (باس)، کە لەم ژمارەیەدا بڵاو کراوەتەوە، جەخت لەوە دەکاتەوە کە پارتی و بارزانی بە ھیچ شێوەیەک و بەرامبەر بە ھیچ شتێک دەستبەرداری سەربەخۆیی کوردستان نابن، بەڵکو ئێستا لە ھەموو کاتێک زیاتر نزیکتر بووینەتەوە لە سەربەخۆیی و ئەوە مافێکی رەوای خەڵکی کوردستانە.}

^{ئەو لێدوانەی کەرکووکی دوای ئەوە دێت، ھەندێک لە شڕۆڤەکارانی سیاسی دوای سەردانەکەی بارزانی بۆ بەغدا و ئەو ھاوئاھەنگییەی پێشمەرگە و سوپای عێراقیان بەوە بەستەوە کە سەرکردایەتیی کورد و پارتی لە پرسی سەربەخۆیی کوردستان پاشەکشەیان کردووە.}

^{ئەبوبەکر عەلی کاروانی، شڕۆڤەکاری سیاسی و سەرکردەی دیار لە یەکگرتووی ئیسلامی، کە پێشتر ئەندامی بزەەتنەوەی ریفراندۆم بووە بۆ سەربەخۆیی کوردستان، بۆ (باس) رای گەیاند: "بوونی ھاوئاھەنگی لەنێوان ھێزەکانی پێشمەرگە و سوپای عێراق، لەگەڵ سەردانەکەی پێشووی سەرکردایەتیی کورد بۆ بەغدا، ئاماژە نین بۆ پاشەکشە، بەڵکو ئاماژەن بە بیرکردنەوەیەکی نوێ بۆ چۆنیەتیی ھەنگاونان بەرەو بەدیھێنانی سەربەخۆیی کوردستان، بە گرنگ زانینی بەغداش لەو چوارچێوەیەدایە".}

^{ئەو شڕۆڤەکارە ئاماژەی بۆ ئەوەش کرد، ئەگەر کوردستان بەشێوەیەکی ئاشتیخوازانە لەگەڵ عێراق ببێت بە دەوڵەت، ئەوا کوردستان و عێراق زۆر زیاتر لە ئێستا خێر لە یەکتری دەبینن، گوتیشی: "ئەو کێشانەی ئێستا ھەیانە لەگەڵ یەک نایانمێنێت و ئازادانەتر دەتوانن وەکو دوو دەوڵەتی دراوسێ ھاوکاریی یەکتری بکەن، کە بەرژەوەندیی ھاوبەش لەنێوانیاندا ھەیە".}

^{پێوەند بە ھەمان تەوەر، عەلی عەونی ئەندامی سەرکردایەتیی پارتی دیموکراتی کوردستان، روونی کردەوە: ”پارتی ھەنگاوەکانی خێراتر کردووە بۆ سەربەخۆیی کوردستان و بە ھیچ شێوەیەک دەستبەرداری ئەو مافەی گەلی کوردستان نابێت، ئەو ھاوکاری و ھەماھەنگییەی بۆ گرتنەوەی مووسڵ دەیکات، بەشێکە لەو گۆڕانکارییانەی کە رۆژھەڵاتی ناوەڕاست بەخۆیەوە دەبینێ و لەو چوارچێوەیەدا ھەندێ وڵات کە فەشەلیان ھێناوە ھەڵدەوەشێنەوە و کوردیش وەکو ھەر نەتەوەیەکی دیکە مافی خۆیەتی سەربەخۆ بێت”.}

^{گوتییشی "پارتی و بارزانی بۆ باشووری کوردستان دەوڵەتی نەتەوەییان دەوێت و لەم قۆناغە کەمترین رازیبوونیان دەوڵەتی سەربەخۆی کوردستانە، ئاساییە ئەو دەوڵەتەش لە ئێستا لە سیستەمێکی کۆنفیدڕاڵیدا لەگەڵ عێراقدا بمێنێتەوە".}

^18/10/2016

پەیامی سەرۆكی هەرێمی کوردستان، روو لە لایەنەکان و بەرپرسان، وە دەزگا راگەیاندنەکان

^{مەسعود بارزانی، سەرۆکی هەرێمی کوردستان, بەبۆنەی دەستپێکردنی ئۆپەراسیۆنی موسڵ، پەیامێکی روو لەلایەنەکان و بەرپرسان و راگەیاندنەکان، ئاراستە کرد:}

^{دەقی پەیامی سەرۆکی هەرێمی کوردستان}

^{بەناوی خودای بەخشندە و میهرەبان}

^{هاووڵاتیانی خۆشەویستی كوردستان لە ماوەی دووساڵی ڕابردوودا گەلی كوردستان خۆڕاگر بوو و پێشمەرگە بە قارەمانێتیی خۆی ئەفسانەی داعشی شكاند. ئێستا شەڕی دژی تیرۆریستان لە قۆناغێكی یەكلاییكەرەوەدایە و هێزی پێشمەرگە بە هەماهەنگی لەگەڵ هێزەكانی سوپای عێراقی بەشداری شەڕی ئازادكردنی موسڵ دەبێت.}

^{لەو ئۆپەراسیۆنەدا پێشمەرگە یەكڕیز و یەكدەنگ بە بێ جیاوازیی حزبی و ناوچەیی بەشدار دەبێت و ئەرك و كاری سەربازیی هەموو لایەك دیاری كراوە. هەموو پێشمەرگەیەك كوڕ و برا و ئازیزی منن و كەسوكار و برا و پشت و پەنای یەكترن. داوا لە هەموو لایەنەكان و بەرپرسان و ڕاگەیاندنەكان دەكەم جیاوازی و موزایەداتی حزبی نەخنە ناو ڕیزەكانی پێشمەرگە، پێشمەرگە، پێشمەرگەی هەموو كوردستانە و سەركەوتنی پێشمەرگە سەركەوتنی هەموو كوردستانییەكە.}

^{لە ماوەی بەڕێوەچوونی ئۆپەراسیۆنی ئازادكردنی موسڵ هەر كەس یان بەرپرسێكی سەربازی، سەر بە هەر لایەنێك بێ ئەگەر دوور لە گیانی نیشتیمانی و پێشمەرگایەتی بێت و حزبیانە بجووڵێتەوە، پێویستە وەزارەتی پێشمەرگە ئیجرائاتی لەگەڵدا بكات و لە بەرەكانی شەڕ دووری بخاتەوە.}

^{كەناڵ و دەزگاكانی ڕاگەیاندنیش سەر بە هەر لایەنێك بن ئەگەر لە پۆششدانی هەواڵی شەڕەكان لەبری خزمەتكردنی كوردستان و پێشمەرگە بكەونە موزایەداتی حزبی ئەوە لە بەرەكانی شەڕ دوور دەخرێنەوە و ڕووبەڕووی یاسا دەبنەوە. لە خودای مەزن داواكارم كە پێشمەرگە لەو جەنگەدا سەركەوتوو بێت و داوایش لە خەڵكی سەربەرزی كوردستان دەكەم وەك هەموو جار پشتیوانی پێشمەرگە بن.}

^{مسعود بارزانی}

^{16ـی 10ـی 2016}

مەریوان.. مامۆستایەكی زانکۆ لە کار دوور خرایەوە

^{بەپێی ڕاپۆرتێک کە لە زانکۆی پەیام نوری مەریوانەوە بە بە شێوەی نافەرمی بە مامۆستاێەکی زانکۆ ڕاگەیەندراوە چیدی مافی وانە وتنەوەت نییە.}

^{کۆمەڵەی مافی مرۆڤی کوردستان لەم بارەوە بڵاوی کردووەتەوە بەپێی هەواڵەکە د. حامید کۆنەپۆشی، مامۆستای زانکۆی پەیام نوری مەریوان ڕۆژی یەکشەمە 2016 -10- 16 کاتێک دەچێت بۆ ئەوەی یەکەم ڕۆژی وانە گوتنەوەی لە زانکۆی پەیام نوور بەڕێ بکات، پێی دەڵێن؛ مامۆستا باش دەزانیین کە مامۆستایەکی لێهاتوویت و بە باشی وانەکانت دەڵێیتەوە، بەڵام ئیتر ئیزنی وانە گوتنەوەتان نییە."}

^{ها‌وکات ئەو مامۆستایەی زانکۆ لە لە لاپەڕەی تایبەتیی خۆی لە تۆڕی کۆمەڵایەتیی (فەیسبووک) ئەم هەواڵەی پشطڕاست کردووەتەوە و نووسیویە "}

^{"دڵنیام مەبەست لە پێشگرتن بە وانە گوتنەوەی من لە زانکۆ، دروستکردنی فشاری ماڵی نییە؛ چون لەوێ هەر هێندەی کرێی هاتوچۆی زانکۆم پێ دەدرێتەوە. ئەو بڕیارە لە هەر لایەکەوە درابێت، مەبەستی تەریکخستن و دوور کردنەوەی منی لە کۆمەڵگا هەیە."}

^{لە درێژەدا دەڵێت "زانکۆی پەیام نوور دوایین ئەڵقەی گرێدرانەوەی من بە کۆمەڵگەوە نییە و ڕەنگە بڕیاری لادانی من لە مامۆستایی گرێبەستی زانکۆ کاریگەرییەکی ئەوتۆی لەسەر ژیانی شەخسیی من نەبێت، بەڵام ئەو بڕیارە هەڵگری ئاماژەیەکی مەترسیدارە و سەروەریی سەلیقە بەسەر یاسادا نیشان دەدات."}

^{حامید کۆنەپۆشی خوێندکاری دکتورای کۆمەڵناسی و مامۆستای پۆلەکانی زمانی کوردی و ئەندامی دەستەی بەڕێوەبەری ناوەندی «ڕۆنان» و ناوەندی «ڤەژین» و لێکوڵەری کۆمەڵایەتی و ئەندام و دەستەی بەڕێوەبەری ناوەندی کولتورییە خوێندکارییەکانە و بە شێوەی نا فەرمی و گرێبەستی وانە لە زانکۆ دەڵێیتەوە و هێشتاش گرێبەستەکەی تەواو نەبووە.}

^17/10/2016

هەڵوێستی سوپای تورکیا لەبارەی بەشداریی پێشمەرگە لە شەڕی مووسڵ

^{سوپای تورکیا سەبارەت بە رۆڵی هێزەکانی پێشمەرگەی کوردستان لە ئۆپەراسیۆنی رزگارکردنەوەی مووسڵ راگەیەندراوێک بڵاو دەکاتەوە.}

^{لە راگەیەندراوەکەدا، سوپای تورکیا رایگەیاندووە، کە پێشمەرگە باری هەرە گرانی لەسەر شانە لە ئۆپەراسیۆنی رزگارکردنەوەی مووسڵ.}

^{میدیا تورکییەکانیش ئاماژەیان بەوە کردووە، کە هێزی پێشمەرگە لە ناوچەیەکی بەرفراوانەوە بەرەو مووسڵ پێشڕەوی دەکات و ئۆپەراسیۆنی رزگارکردنەوەی شارەکەش بە پێشەنگیی پێشمەرگە دەستی پێکرد.}

^{کاتژمێر 6ـی سەرلەبەیانیی رۆژی دووشەممە 17ـی تشرینی یەکەمی 2016، فەرماندەیی گشتیی هێزەکانی پێشمەرگەی کوردستان دەستپێکردنی ئۆپەراسیۆنێکی بەرفراوانی بۆ رزگارکردنەوەی مووسڵ لە سنووری میحوەری خازر راگەیاند.}

^{لە مانگی حوزەیرانی 2014 دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی رێکخراوی توندڕەوی داعش داگیر کرا.}

^17/10/2016

فەرماندەیی گشتیی هێزە چەکدارەکانی هەرێمی کوردستان دەست پێ کردنی ئۆپەراسیۆنی مووسڵی ڕاگەیاند

^{فەرماندەیی گشتیی هێزە چەکدارەکانی هەرێمی کوردستان، دەست پێ کردنی ئۆپەراسیۆنی ئازادکردنەوەی مووسڵی ڕاگەیاند.}

^{بەپێی ئەو ڕاگەیاندراوە، سەعات 6ی ئەمڕۆ دووشەممە 17\10\2016، پرۆسەیەکی فراوانی پێشمەرگە لە میحوەری خازر لە ڕۆژهەڵاتی مووسڵ، بە هەماهەنگی لەگەڵ هێزەکانی سوپای عێراق لە گوێڕ و گەیارە لە باشووری ڕۆژهەڵات و باشووری مووسڵ دەست پێ دەکات کە قۆناغی یەکەمی پرۆسەی ڕزگارکردنی مووسڵە لە دەست تیرۆریستانی داعش.}

^{جەختیش لەوە کراوەتەوە کە لەم ئۆپەراسیۆنەدا زیاتر لە 4 هەزار پێشمەرگە لە 3 میحوەرەوە، گوندەکانی دەوروبەری ناوچەی خازر بەپێی ڕێککەوتنێکی نێوان حکوومەتی هەرێمی کوردستان و حکوومەتی عێراق پاک دەکەنەوە.}

^{ئەمەش دەقی ڕاگەیاندراوەکەیە:}
^{نزیکەی کاتژمێر 06:00 لە 17ی ئۆکتۆبەری 2016 پرۆسەیەکی فراوانی هێزی پێشمەرگە لە خازر لە رۆژهەڵاتی موسڵ، بەهەماهەنگی لەگەڵ هێزەکانی سوپای عێراق لە گوێڕ و گەیاڕە لە باشووری موسڵ دەستپێدەکات، وەک قۆناغی یەکەمی پرۆسەی رزگارکردنی موسڵ لە دەست تیرۆریستانی (داعش).}
^{لەم ئۆپەراسیۆنەدا زیاتر لە چوار هەزار پێشمەرگە لە سێ میحوەرەوە هەڵدەستن بە پاککردنەوەی گوندەکانی دەوروبەری ناوچەی خازر، بەپێی ئەو رێککەوتننامەیەی لەنیون حکومەتی هەرێمی کوردستان و حکومەتی فیدرالی عێراقدا هەیە.}
^{لە رێکەوتی 16ی ئوکتۆبەرى 2016 فرۆکەکانی هاوپەیمانی نێودەوڵەتی دەستیان بە بۆردومانکردنی مۆڵگەکانی داعش کرد، وا بڕیارە لە میانەی پرۆسەکەدا پاڵپشتی ئاسمانی بەردەوام بێت.}
^{میدیا ناوخۆیی و هەرێمی و جیهانییەکان شانبەشانی هێرشی هێزەکانی پێشمەرگە، رووماڵی شەڕەکە دەکەن.}
^{هەر 6-تا 8 کاتژمێر جارێک هەواڵی نوێ لەبارەی ئۆپەراسیۆنەکە بڵاو دەکرێتەوە.}
^{وێنەکان لە ئەکاونتی تویتەر بەم ناونیشانە (@GCPFKurdistan) دەست دەکەون، بە بەکارهێنانی هاشتاکی #FreeMosul}

^17/10/2016

هەدەپە لە هەوڵی داڕشتنی نەخشەڕێگەیەکی نوێیە

^{پارتی دیموکراتی گەلان (HDP)، لە ئەنقەرە دەستی بە کۆبوونەوەیەکی گشتی و بەرفراوان کردووە، کۆبوونەوەکان رۆژی شەممە 15-10-2016 دەستیان پێکرد و ئەمڕۆش بەردەوامە.}

^{کەمال ئاڤجی، پەیامنێری تۆڕی میدیایی رووداو لە ئەنقەرە رایگەیاند ، هەموو پێکهاتەکانی هەدەپە، بەڕێوەبەران و سەرۆکی لقەکان و پەرلەمانتارانی هەدەپە لە کۆبوونەکە بەشدار بوونە.

لەبارەی کۆبوونەوە فراوان و گشتییەکەی هەدەپە، بایهان بینگەن، گوتەبێژی پارتەکە لێدوانێکی رۆژنامەڤانی دابوو، گوتبووی" لەو کۆبوونەوەیەدا گوێ لە رەخنەی پێکهاتە و لایەنگرەکانی خۆمان دەگرین بۆ ئەوەی نەخشەڕێگەیەکی نوێ دابڕێژین".

رێگە بە میدیاکان نادرێت، رووماڵی کۆبوونەوەکە بکەن، بەڵام بەپێی زانیارییەکان جیا لە گوێبیستی رەخنەی لایەنگران و پێکهاتەکانی هەدەپە، چەند تەوەرێکی دیکەش باسیان لێوە دەکرێت، لەوانە دانانی چەند سەرۆک شارەوانییەک بە قەیوم لە جێگەی سەرۆک شارەوانییەکانی دەبەپە، هەروەها پرسێکی دیکە بردنی پەرلەمانتارانی هەدەپەیە بە زۆر بۆ دادگاکان، مەبەستیانە لەو کۆبوونەیە هەڵوێستیان دیاری بکەن بۆ ئەوەی ئاراستەی هەنگاوەکانیان دیاریی بکەن.

لەلایەکی دیکەوە له‌گه‌ڵ ده‌ستپێكردنه‌وه‌ی قۆناخێكی نوێی ناكۆكی سیاسی بۆ گۆڕینی سیسته‌می ده‌سه‌ڵاتی توركیا له‌ په‌رله‌مانییه‌وه‌ بۆ سه‌رۆكایه‌تی له‌نێوان لایه‌نه‌ سیاسییه‌كان، پرسی هه‌ڵبژاردنی پێشوه‌خته‌شی هاتووەتە بەرباس و دەستەی باڵای هەڵبژاردنەکانیش دەستی بە ئامادەکارییەکان کردووە، هەدەپەش دەیەوێت لەو کۆبوونەوەیە چی پێویستە بیکات وەکو ئامادەکارییەک بۆ هەڵبژاردنی پێشوەختە.}

^16/10/2016

ئێران.. بەندکراوێک لە زیندان کوژرا

^{بە هۆی شەڕ و تێکهەڵچوونی بەندییەکان لە زیندانی ڕەجایی شاری کەرەج لە کاتی بەڕێوەچوونی ڕێوڕەسمی عاشووڕادا، یەکێک لە زیندانییەکان بە هۆی بەرکەوتنی قەمە دەکوژرێت.}

^{بەپێی هەواڵە بڵاوکراوەکان، شەوانی ڕابردوو لە کاتی ئەنجامدانی ڕێوڕەسمی عاشووڕا لە زیندان، زیندانییەک بەهۆی بەرکەوتنی قەمەیەک لەلایەن زیندانییەکانی دیکەوە لەناو زیندان گیانی لەدەست دا.}

^{شوناسی ئەو زیندانییە کوژراوە وەحید غوڵامی، ڕاگەیەنراوە.}

^{وەحید غوڵامی بە تاوانی کڕین و فرۆشتنی مادەی هۆشبەر لە زیندانی ڕەجایی شاری کەرەج دەستبەسەر کرابوو.}

^{لە خۆدانی قەمە لە هێندێک لە پارێزگا و شارەکانی ئێران لەلایەن هێندێک کەسەوە بە بۆنەی کوژرانی حوسێن کوڕی عەلی لە مانگی موحەڕرم بەڕێوە دەچێت.}

^16/10/2016

بارزانی سەرپەرشتیی ئۆپەراسیۆنەکەی ئەمڕۆی پێشمەرگە دەکات

^{ئەندامێکی ئەنجومەنی پارێزگای نەینەوا ئاشکرای کرد، ئۆپەراسیۆنەکەی ئەمڕۆ دووشەممە 17\10\2016ی پێشمەرگە بۆ سەر شاری مووسڵ، بە سەرپەرشتیی ڕاستەوخۆی بارزانی بەڕێوە دەچێت.}

^{بەرەکات شەمۆ، ئەندامی ئەنجومەنی پارێزگای نەینەوا بە (باسنیوز)ی ڕاگەیاند، ئەمڕۆ، پێشمەرگە گرنگترین ناوچە ستراتیژییەکانی نزیک لە مووسڵ کۆنتڕۆڵ دەکات کە دەکەونە سنووری ناوچەکانی (بەرتلە و تلکێف) و چەندان گوندی گرنگ کۆنتڕۆڵ دەکرێنەوە.}

^{جەختیشی لەوە کردەوە کە ئۆپەراسیۆنەکە ڕاستەوخۆ لەلایەن مەسعود بارزانی، سەرۆکی هەرێمی کوردستان و فەرماندەی گشتیی هێزی پێشمەرگەی کوردستانەوە سەرپەرشتی دەکرێت. گوتیشی: ”تائێستا پێشمەرگە چەند گوندێکی کۆنتڕۆڵ کردووەتەوە و فڕۆکە جەنگییەکانی هاوپەیمانانیش بە چڕی بارەگاکانی داعشیان بۆردومان کردووە.}

چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

په‌یوه‌ندی راسته‌وخۆ

گه‌ڕان

سوپای‌ پاسداران: ڕۆحانی و لایەنگرانی لەگەڵ خامنەیی ناکۆکن‌

ئۆپەراسیۆنی پێشمەرگە لە چەند میحوەرێک دەستی پێ کرد

ڕووسیا: موسڵ ده‌بێته‌ خۆڵه‌مێش و ئێمه‌ ده‌زانین كێ ده‌یسووتێنێت

ئەمریکا پێشبینیی بەکارهێنانی چەکی کیمیاوی لەلایەن داعش دەکات

11 هاووڵاتیی كورد له‌ پارێزگای سنە دەستگیر کران

مالیزیا بەهۆی شەڕی مووسڵەوە هێزی ئەمنی لە سنوورەکانی کۆدەکاتەوە

بۆکان.. کچە خوێندکارێکی دیکەی کورد بە کەفالەت لە زیندان ئازاد کرا

پارتی: بە رزگارکردنەوەی مووسڵ لە سەربەخۆیی نزیکتر دەبینەوە

پەیامی سەرۆكی هەرێمی کوردستان، روو لە لایەنەکان و بەرپرسان، وە دەزگا راگەیاندنەکان

مەریوان.. مامۆستایەكی زانکۆ لە کار دوور خرایەوە

هەڵوێستی سوپای تورکیا لەبارەی بەشداریی پێشمەرگە لە شەڕی مووسڵ

فەرماندەیی گشتیی هێزە چەکدارەکانی هەرێمی کوردستان دەست پێ کردنی ئۆپەراسیۆنی مووسڵی ڕاگەیاند

هەدەپە لە هەوڵی داڕشتنی نەخشەڕێگەیەکی نوێیە

ئێران.. بەندکراوێک لە زیندان کوژرا

بارزانی سەرپەرشتیی ئۆپەراسیۆنەکەی ئەمڕۆی پێشمەرگە دەکات

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM