^{بەرپرسی ئەنجومەنی سەرکردایەتی کەرکووک-گەرمیانی پارتی دیموکراتی کوردستان، ئاماژە بەوە دەکات، کە پارتی و یەکێتیی نیشتیمانیی کوردستان لەگەڵ حزبەکانی دیکە لەسەر ئەوە رێککەوتوون، دەبێت لە ناوچەکانی دەرەوەی ئیدارەی هەرێمی کوردستانیش ڕیفراندۆم ئەنجام بدرێت.}

^{سەڵاح دەلۆ، بەرپرسی ئەنجومەنی سەرکردایەتی کەرکووک-گەرمیانی پارتی بە (باسنیوز)ی راگەیاند، بڕیارە ئەمساڵ ڕیفراندۆم بکرێت و خەڵکی ئەو ناوچانە دەنگ لەسەر چارەنووسی خۆیان بدەن.}

^{سەڵاح دەلۆ ئەوەشی خستەڕوو، بڕیارە لایەنە سیاسییەکانی کوردستان کۆبوونەوەی دیکە ئەنجام بدەن و دواجار دەرەنجامی کۆبوونەوەکان بۆ ھەموو خەڵک ئاشکرا دەکەین، تاوەکو هاووڵاتییان ئاگاداری ئالییەتی کاری هاوبەشی حزبەکان بن.}

^{ئەو سەرکردەیەی پارتی هەروەها رایگەیاند، بڕیاریشە لەسەر ئەم پرسە حکوومەتی عێراق ئاگادار بکرێتەوە و دڵنیاییشی دا لەوەی پێش ئەنجامدانی ریفراندۆم، هەموو ئامادەکارییەکان دەکرێن.}

^27/4/2017

^{وەزیری ھەواڵگریی ئیسرائیل هێرشەکەی سەر فڕۆکەخانەی دیمەشق دەگرێتە ئەستۆ و رایدەگەیەنێت، کە فڕۆکە جەنگییەکنی ئیسرائیل فڕۆکەخانەکەیان بۆردومان کرد.}

^{یسرائیل کاتس، وەزیری هەواڵگریی ئیسرائیل بە رادیۆی سوپای ئیسرائیلی راگەیاندووە، ”ئیسرائیل لەم رووداوەدا ھەنگاوێکی گونجاوی ناوە بۆ رێگرتن لە گواستنەوەی چەک بۆ حزبوڵڵای لوبنانی.}

^{یسرائیل کاتس جەختی لەوە کردووەتەوە، کە وڵاتەکەی رێگا لە هەژموونی ئێران لە سووریا دەگرێت.}

^{بەرەبەیانی رۆژی پێنجشەممە 27.4.2017 بەهۆی بۆردومانەوە، پێنج تەقینەوەی لە کۆگاکانی دەوروبەری فڕۆکەخانەی دیمەشق روویان دا و بەهۆیانەوە بۆریی گواستنەوەی گازیش بۆ وێستگەی کارەبای دیمەشق، ئاگری گرتووە.}

^27/4/2017

^{راوێژکاری ئەنجومەنی ئاسایشی هەرێمی کوردستان رایدەگەیەنێت، کە نابێ هەڕەشەی چەکدارە بیانییە گەڕاوەکانی رێکخراوی تیرۆریستی داعش بە کەم سەیر بکرێت.}

^{مەسرور بارزانی، راوێژکاری ئەنجومەنی ئاسایشی ھەرێمی کوردستان بە رۆژنامەی (گاردیان)ی بەریتانی رایگەیاندووە، سرووشتی شەڕی داعش گۆڕانی بەسەردا دێت و ئەو شەڕە لە چەکدارییەوە دەگۆڕدرێت بۆ شەڕی ھەواڵگری.}

^{مەسرور بارزانی پێیوایە شکستی سەربازیی داعش و لەدەستدانی ناوچەی زیاتر، وادەکات چیدیکە چەکداری بیانی نەتوانن خۆیان بگەیەننە رێکخراوەکە و شەڕەکە لە چەکدارییەوە دەگۆڕێ بۆ شەڕی هەواڵگری.}

^{راوێژکاری ئەنجومەنی ئاسایشی ھەرێمی کوردستان گەڕانەوەی چەکدارە بیانییەکان بۆ وڵاتەکانیان بە هەڕەشە دەزانێت و رایدەگەیەنێت، ”نابێ ئەو هەڕەشەیە بە کەم ببینین“.}

^27/4/2017

^{کۆشکی سپی کار لەسەر سەپاندنی گەمارۆی نوێ بەسەر سوپای پاسدارانی ئێران دەکات. بەرپرسێکی باڵای ئەمریکا دەڵێت، واشنتن دەیەوێ بەشێوازێكی قورستر ئامرازەكانی بەردەستی لەدژی ئێران بەكاربێنێ کە یەک لەوانە فراوانکردنی لیستی ئەو كۆمپانیانەیە بەهۆی پەیوەندی لەگەڵ سوپای پاسداران گەمارۆیان خراوەتەسەر. ئەندامێکی تیمی دانوستاندنکاری ئەتۆمی ئەمریکاش رایگەیاند، ئەمریکا دەیەوێ لەرێگەی دانانی گەمارۆی زیاتر، ئێران هانبدات دەست لە رێککەوتنی ئەتۆمی هەڵبگرێت.}

^{كۆشكی سپی سەرقاڵی ئامادەكردنی پلانێكە بۆ دانانی سزای نوێ لەسەر ئێران، بۆ ئەو مەبەستەش خەریكی پێداچوونەوەیە بە رێككەوتنە ئەتۆمییەكەی نێوان ئێران و گرووپی 5+1، كە دوو ساڵ پێش واژۆكرا.}

^{هەفتەی رابردوو وەزارەتی دەرەوەی ئەمریكا لە راپۆرتێكدا بۆ ئەنجوومەنی نوێنەرانی ئەمریكا رایگەیاند، ئێران پابەندبووە بە جێبەجێكردنی رێككەوتنە ئەتۆمی ڤیەننا.}

^{لە درێژەی راپۆرتەکەدا هاتووە، سەرۆكی ئەمریكا فەرمانی بە فەرمانگە پەیوەندیدارەكان کردووە، هەڵسەنگاندن بۆ هەڵگرتنی گەمارۆکانی سەر ئێران بکەن و روونی بکەنەوە کە لابردنی سزا ئەتۆمییەكانی ئێران لە بەرژەوەندیی ئاسایشی نیشتمانیی ئەمریكا بووە یان نا.}

^{رۆژێك پاش راپۆرتەكەی وەزارەتی دەرەوە، دۆناڵد ترەمپ، سەرۆكی ئەمریكا رایگەیاند، "تاران پابەندنەبووە بە روحی رێككەوتنەكەوە". وەک لە لێدوانی رێكس تیلەرسن، وەزیری دەرەوەی ئەمریكادا دەردەكەوێ، مەبەست لە روحی رێككەوتنەكە، "كەمكردنەوەی جموجۆڵ و چالاكییە تێكدەرانەكانی ئێرانە لە ناوچەكەدا".}

^{بەرپرسێكی باڵای كۆشكی سپی، كە نەیویستووە ناوی ئاشكرا بكرێ، بە گۆڤاری فۆرێن پۆلیسی راگەیاندووە، ئەمریكا دەیەوێ بەشێوازێكی قورستر ئامرازەكانی بەردەستی لەدژی ئێران بەكاربێنێ. ئەو دەڵێت یەكێک لە بژارەكان ئەوەیە، لیستی ئەو كۆمپانیانە فراوانتر بكرێ كە بەهۆی پەیوەندی لەگەڵ سوپای پاسداران گەمارۆیان خراوەتەسەر.}

^{ریچارد نێفیو، كە وەک شارەزای بواری سزاكان لە تیمی دانوستاندنە ئەتۆمییەكانی ئەمریکا بووە، پێیوایە سەپاندنی سزای ئابووریی نوێ دەكرێ ئێران بهێنێتە سەر ئەو بڕوایەی بۆ ئەوان وا باشترە لە رێككەوتنە ئەتۆمییەكە بكشێنەوە.}

^{بەگوتەی بەرپرسانی ئەمریكا، كۆشكی سپی جەختی تەواوی خستووەتە سەر سوپای پاسداران كە لق و پۆپێكی زۆری لە كەرتە ئابووری و پیشەسازییەكانی ئێراندا هەیە. بەرپرسانی كۆشكی سپی تاوتوێی ئەوە دەكەن هەموو سوپای پاسداران بخەنە لیستی رێكخراوە تیرۆریستییەكانەوە. ئێستا تەنیا سوپای قودس لەو لیستەدایە كە لقی چالاكییە دەرەكییەكانی سوپای پاسدارانە.}

^{یەكێكی دیكە لە بژارەكان كە ئیدارەی ئەمریكا بیری لێكردووەتەوە سزای سەر ئەو كۆمپانیایانە قورستر بكات، كە بازرگانی لەگەڵ كۆمپانیاكانی سەر بە سوپای پاسداران دەكەن. بەپێی رێوشوێنەكانی ئێستا، ئەگەر سوپای پاسداران لە كۆمپانیایەكدا زیاتر لە 50% پشكی هەبێ، بازرگانیكردن لەگەڵ كۆمپانیاكە سزای بەدواوەیە، بەڵام كۆشكی سپی تاوتوێی ئەوە دەكات ئەو رێژەیە كەمبكاتەوە، بۆ ئەوەی ئیدارەی ترەمپ بتوانێ ئەوە جێبەجێ بكات، دەبێ دەستكاری رێنماییەكانی وەزارەتی خەزێنە بكات.}

^{بەرپرسانی وەزارەتی خەزێنەی ئەمریكا بە "فۆرین پۆلسی"یان راگەیاندووە، ئەگەر ترەمپ بتوانێ ئەو رێژە ستانداردە كەمبكاتەوە، سەتان كۆمپانیای ئێرانی و بیانی کە پەیوەندییان بە سوپای پاسدارانەوە هەیە، دەكەونە لیستی رەشەوە. ئەوەش خواستی كۆمپانیا نێودەوڵەتییەكان بۆ وەبەرهێنان لە ئێران کەمتر دەکاتەوە.}

^26/4/2017

^{ژێردەریاییەکی چەکی ناوەکی (ئەتۆمی)ی ئەمریکا گەیشتە ئاوەکانی کۆریای باشوور، وەک هەوڵێک بۆ دژایەتیکردنی رژێمی کۆریای باکوور.}

^{رۆژی چوارشەممە 26.4.2017، ئاژانسەکانی هەواڵ بڵاویان کردووەتەوە، کە گەیشتنی ژێر دەریاییەکەی ئەمریکا بۆ ئاوەکانی کۆریای باشوور بووەتە هۆی دروستبوونی دڵەڕاوکێ لای کیم جۆنگ ئون، سەرۆکی کۆریای باکوور و رژێمەکەی و بە ”هەڕەشەیەکی راستەوخۆی ئەمریکا“یان داناوە.}

^{پێشتر چاودێران باسیان لەوە دەکرد، کە ئەمریکا کەشتیی فڕۆکەهەڵگری کارل فینسۆن دەنێرێتە ئاوەکانی کۆریای باشوور، بەڵام لە رووداوێکی چاوەڕوزن نەکراودا، ژێردەریایی یو ئێس ئێس میشیگان‌ی ناردە ناوچەکە، کە چەکی ئەتۆمی هەڵگرتووە.}

^26/4/2017

^{گوتەبێژی وەزارەتی بەرگریی ئەمریکا رایدەگەیەنێت، کە فڕۆکە جەنگییەکانی تورکیا هێزەکانی پێشمەرگەی هاوپەیمانی ئەمریکایان بۆردومان کردووە.}

^{ئادریان رانگین گالۆواری، گوتەبێژی وەزارەتی بەرگریی ئەمریکا رایگەیاندووە، کە بۆردومانەکەی فڕۆکە جەنگییەکانی تورکیا ”بەبێ“ ھەماھەنگی ئەمریکا و ھاوپەیمانی دژی رێکخراوتی تیرۆریستی داعش بارەگای پێشمەرگەیان لە چیای شنگال بۆردومان کردووە.}

^{ئادریان رانگین گالۆواری هەروەها رایگەیاندووە، کە وڵاتەکەی نیگەرانە لەو بۆردومانە و ”ترسەکانمان گەیاندووەتە حکوومەتی تورکیا“.}

^{هەروەها لەبارەی هەمان رووداو، رەجەب تەییب ئەردۆغان، سەرۆک کۆماری تورکیا رایگەیاندووە، کە ”ئەو ئۆپەراسیۆنەی سوپای تورکیا لە شنگال ئەنجامیداوە، بە دڵنیاییەوە ئۆپەراسیۆنێک نییە دژی پێشمەرگە“.}

^{رەجەب تەییب ئەردۆغان ئاماژەی بە نیگەرانیی خۆی لە شەهید و برینداربوونی پێشمەرگە کردووە و رایگەیاندووە، ”بە داخەوە ئەو ئەنجامەی لێکەوتەوە، کە بووەتە مایەی نیگەرانیی ئێمە“.}

^{بەرەبەیانی رۆژی سێشەممە 25.4.2017، فڕۆکە جەنگییەکانی تورکیا بارەگاکانی پارتی کرێکارانی کوردستان (پەکەکە)یان لەسەر چیای شنگال بۆردومان کرد و بارەگایەکی پێشمەرگەش کەوتە بەر بۆردومـانەکە.}

^{دوای رزگارکردنەوەی شاری شنگال لەلایەن هێزەکانی پێشمەرگەی کوردستانەوە، کە لە ئۆپەراسیۆنێکدا بە سەرپەرشتیی راستەوخۆی مەسعود بارزانی، سەرۆکی هەرێمی کوردستان رزگار کرایەوە، چەکدارانی سەر بە پەکەکە لە سنووری شارەکە جێگیر بوون.}

^26/4/2017

^{لەبارەی بۆردومانی فڕۆکە جەنگییەکانی تورکیا لە شنگال، مەسرور بارزانی، ڕاوێژکاری ئەنجومەنی ئاسایشی ھەرێمی کوردستان ڕای گەیاند، بۆردومانەکە چاوەڕوان نەکراو بوو.}

^{بە پێی ھەواڵێکی ڕۆژنامەی (نیویۆرک تایمز)ی ئەمەریکی، مەسرور بارزانی ڕای گەیاندووە کە ھێرشەکەی فڕۆکەکانی تورکیا بۆ سەر چیای شنگال، چاوەڕوان نەکراو بووە و یەکەمجارە سوپای تورکیا شنگال بۆردومان دەکات، پێشتر تەنیا ناوچە سنوورییەکانیان بۆردومان کردووە، بۆیە داوای ڕوونکردنەوەیان لە تورکیا کردووە.}

^{ڕاوێژکاری ئەنجومەنی ئاسایشی ھەرێمی کوردستان، ھیواشی خواستووە کە ھێرشەکە بە ھەڵە بوو بێت بۆ سەر پێشمەرگە و ئاماژەی بەوە داوە: ”تا ئێستا تورکیا ھیچ ڕوونکردنەوەیەکی بە ئێمە نەداوە“.}

^{بەرەبەیانی ڕۆژی سێشەممە 25/4/2017، فڕۆکە جەنگییەکانی تورکیا، بنکە و بارەگاکانی پەکەکەیان لەسەر چیای شنگال بۆردومان کرد و دوو ڕۆکێتیش بەر بارەگایەکی پێشمەرگەکانی لیوای تایبەتیی 2 کەوتن و بەو ھۆیەوە ژمارەیەک پێشمەرگە شەهید و بریندار بوون.}

^26/4/2017

^{مەسرور بارزانی، ئەندامی مەکتەبی سیاسیی پارتی دیموکراتی کوردستان، رای دەگەیەنێ، پارتی لە ھەموو لایەنێک بەپەرۆشتر و جدیترە بۆ کاراکردنەوەی پەرلەمانی کوردستان و پێویست ناکات ھیچ لایەنێک موزایەدە بەم پرسەوە بکات.}

^{لە لێدوانێکی تایبەت بە ھەفتەنامەی (باس)دا، مەسرور بارزانی، ئەندامی مەکتەبی سیاسیی پارتی دیموکراتی کوردستان، رای گەیاند: ”پێویست ناکات ھیچ لایەنێک موزایەدە بە کاراکردنەوەی پەرلەمانی کوردستانەوە بکات و پارتی لە ھەموو لایەنێک بەپەرۆشترە بۆ ئەم پرسە“.}

^{روونیشی کردەوە: ”پارتی دیموکراتی کوردستان لە ھەموو لایەنەکانی دیکە کورسیی زیاترە لە پەرلەمانی کوردستاندا و لە ھەموو لایەکیش زیاتر لایەنگری کاراکردنەوەی پەرلەمانێکی تەندروست و کارایە کە لە خزمەتی گەل و نیشتماندا بێت، بەڵام دیارە بۆچوونی جیاواز لە چۆنیەتیی کاراکردنەوەی پەرلەماندا ھەیە“.}

^{مەسرور بارزانی راشی گەیاند: ”ئەگەر مەبەست کاراکردنەوەی پەرلەمانێک بێت کە لە خزمەتی گەل و نیشتمان و پرۆسە گرنگ و ستراتیجییەکانی ھەرێمی کوردستاندا بێ، ئەوا چەندین پێشنیار ھەن کە پێویستیان بە تاوتوێکردن ھەیە و پێمان وایە بە ھەموو لایەکمان دەتوانین بگەینە ئەنجامێک کە لە بەرژەوەندیی ئامانجە نیشتمانییەکاندا بێت، بێگومان ئەوەش جیاوازە لە چارەسەرکردنی کێشە حزبییەکان کە لەسەر حسابی پەرلەمان و پرسە گرنگ و چارەنووسسازەکان، لایەنێکی دیاریکراو رازی بکرێت“.}

^{مەسرور بارزانی ئەندامی مەکتەبی سیاسیی پارتی دیموکراتی کوردستان لە درێژەی ئەو لێدوانەیدا گوتیشی: ”ئێمەش وەکوو پارتی، ھەمیشە داکۆکیمان لە موئەسەساتی یاسایی و دیموکراتی کردووە، تەنیا جیاوازیی ئێمە ئەوەیە کە پارتی پیێ باش نییە ئەم موئەسەساتانە بۆ بەرژەوەندیی تەسکی حزبی یان شەخسی بەکار بێن و لە کۆبوونەوەکانیشماندا لەنێو خۆمان و لەگەڵ لایەنەکانیشدا، بەڕاشکاوی باسی ئەم بابەتەمان کردووە“.}

^25/4/2017

^{دادوەرێک نهێنییەکانی پێش و دوای لەسێدارەدانی سەرۆکی رژێمی بەعسی عێراقی ئاشکرا دەکات.}

^{مونیر حەداد، دادوەری ددگاییکردنی سەدام حوسێن‌ی سەرۆکی رژێمی بەعسی عێراق بە کەناڵی (ئەلعەرەبییە)ی راگەیاندووە، کە ئەمرکییەکان هەوڵیان دەدا بڕیاری لەسێدارەدانی سەدام 14 رۆژ دوابخرێت.}

^{مونیر حەداد هەروەها رایگەیاندووە، کە موعەمەر قەزافی، سەرۆکی ئەوکاتی لیبیا هەوڵی دا بەرتیل بداتە پاسەوانە ئەمریکییەکان و سەدام حوسێنی بۆ بڕفێنن، بەلام دادگای باڵای تاوانەکانی عێراقی بەبێ زانیاریی ئەمریکییەکان، سزای لەسێدارەدانی بەسەردا سەپاند.}

^{ئەو دادوەرە هۆکاری لە سێدارەدانی لە یەکەم رۆژی جەژنی قورباندا بۆ ئەوە گێڕاوەتەوە، کە دادگا دڵنیا بوو لەوەی ئەگەر سزاکە جێبەجێ نەکرێ، ئەوا سەدام حوسێن لە زیندا نامێنیتەوە و دەڕفێندرێت.}

^{مونیر حەداد ئاماژەی بە گفتوگۆیەکی خۆی و سەدام حوسێن بەر لە لەسێدارەدانی کردووە و رایگەیاندووە، کە پێش لە سێدارەدانی، کە ژمارەی ریزبەندیی لەسێدارەدانی 64 بوو، پێی گوتووە وەستیەکەی بداتێ، سەدامیش وەسیەتەکەی داوەتێ و گوتویەتی ”بژی کوڕەکەم“.}

^{ئەو دادوەرە ئەوەشی ئاشکرا کردووە، کە جەلال تاڵەبانی، سەرۆکی پێشووی عێراق ”بە شێوەیەکی سەرەتایی“ رازی بوو بە لەسێدارەدانی سەدام حوسێن.}

^{سەدام حوسێن لە ساڵی 1979ـەوە تا رووخانی رژێمی بەعس لە ساڵی 2003 بە دڕندانەترین و دیکتاتۆرترین شێوە حوکمڕانیی عێراقی کرد و لە رۆژی 30.12.2006 لە سێدارە درا.}

^25/4/2017

^{سەرۆکی پێشووی ئەمریکا کارێکی نوێ دەکات و لە زانکۆی شیکاگۆوە ئاشکرای کرد.}

^{باراک ئۆباما، سەرۆکی پێشووی ئەمریکا لە کۆبوونەوەی لەگەڵ لاوانی سەرکردە لە زانکۆی شیکاگۆ، رایگەیاند، کە ژمارەیەک کار هەبوون بۆ ئەوەی بیکات، بەڵام ”وەبەرهێنانم لە پێگەیاندنی نەوەی نوێی سەرکردە هەڵبژارد".}

^{باراک ئۆباما هەروەها رایگەیاند، ژمارەیەکی کەمی ئەمریکییەکان بەشداریی کاری سیاسی دەکەن، ”باشترین نموونەش“ی بە دوایین هەڵبژاردنی سەرۆکایەتیی ئەمریکا هێناوەتەوە، کە خەڵک لەسەر بنەمای بەرژەوەندیی سیاسیی ئەمریکا، دەنگی نەدا.}

^{سەرۆکی پێشووی ئەمریکا پێیوایە ”تەنیا“ گەنجان دەتوانن کێشەکان چارەسەر بکەن، کە بەردەوام بوونەتە هۆی ”گەشبینیم“، هەرچەند کارەکانیش بەوشێوەیە نەڕۆن، کە ”من دەمەوێ“.}

^{رۆژی دووشەممە 24.4.2017، باراک ئۆباما کۆبوونەوەیەکی لەگەڵ گەنجانی سەرکردەی ئەمریکا لە زانکۆی شیکاگۆ لە ساوس ساید لە ویلایەتی شیکاگۆ ئەنجام دا، کە لەو زانکۆیە یاسای دەستووری خوێندووە.}

^{ئۆباما، کە دوو خوول و لە ماوەی ساڵانی (2009 - 2017) سەرۆکی ئەمریکا بوو، لە ویلایەتی شیکاگۆ دەستی بە کاری سیاسی کرد و کۆتا وتاریشی وەک سەرۆک، لەو ویلایەتە پێشکەش کرد.}

^25/4/2017