^{سەبارەت بە دواكەوتنی سەردانی سەرۆكی هەرێمی كوردستان بۆ وڵاتە یەكگرتووەكانی ئەمەریكا، گوتەبێژی فەرمیی سەرۆكایەتیی هەرێم روونكردنەوەیەكی دا و ده‌ڵێت " سەرۆك بارزانی خۆی بڕیاری داوە ئەم سەردانە بۆ كاتێكی گونجاوتر دوابخرێت".} 

^{ئه‌مه‌ش ده‌قه‌كه‌یه‌تی:}

^{چەند ڕۆژەدا لەبارەی هۆكاری دواكەوتنی سەردانی سەرۆك بارزانی بۆ ئەمەریكا لە ژمارەیەك میدیا و دەزگەی ڕاگەیاندن هەواڵی ناڕاست بڵاو بووەتەوە، لە ڕاستیدا هەموو ئامادەكارییەك لە لایەن ئیدارەی ئەمەریكاوە بۆ ئەم سەردانە و وادەكەی و دیدار لەگەڵ گەورەبەرپرسانی ئەمەریكا و سەرۆككۆماری ئەمەریكا ئەنجام درابوو بەڵام سەرۆك بارزانی خۆی بڕیاری داوە ئەم سەردانە بۆ كاتێكی گونجاوتر دوابخرێت و ئەم بابەتەش لە پەیوەندییە تەلەفۆنییەكەی نێوان جێگری سەرۆكی ئەمەریكا و سەرۆكی هەرێمی كوردستان باس كراوە.}

^{د. ئومێد سەباح}

^{گوتەبێژی فەرمیی سەرۆكایەتیی هەرێمی كوردستان}

^{پەیمانگەی نێودەوڵەتی (ستۆکهۆڵم) بۆ توێژینەوەکانی ئاشتی ئاشکرای کرد، کە ئاستی فرۆشی چەک لە ولاتانی رۆژئاوا لە ساڵی 2012 دابەزیوە، بەڵام ئاستی فرۆشی چەکی کۆمپانیا رووسییەکان لە ساڵی 2012 زیادی کردووە. پەیمانگەی نێودەوڵەتی (ستۆکهۆڵم) بۆ توێژینەوەکانی ئاشتی لە نوێترین راپۆرتیدا رایگەیاند: "ئاستی فرۆشی چەک و کەرەستەی سەربازی کۆمپانیاکانی ئەمریکاو کەنەدا و زۆربەی وڵاتانی ئەوروپا لە ساڵی 2012 هاوشێوەی ساڵی 2011 دابەزیوە". هەر لە راپۆرتەکەدا هاتووە، "بە پێچەوانەی هەموو جیهان، ئاستی فرۆشی چەکی کۆمپانیا رووسییەکان لە ساڵی 2012 بەهۆی بەرنامەی پەرلەمانی رووسیاوە بە رێژەی %28 زیادی کردووە". پەیمانگەی (ستۆکهۆڵم) ئاماژە بەوەشدەکات، کە "هۆی بەرزبوونی ئاستی فرۆشی چەکی کۆمپانیاکانی رووسیا بۆ بەرنامەی پەرلەمانی رووسیا دەگەرێتەوە، کە لە 2011 بڕیاری دا بە بەهای 700 ملیار دۆلار چەک و کەرەستە سەربازییەکانی سوپا نوێ بکاتەوە". سام بیرلۆ فریمان، بەڕێوەبەری بەرنامەی تێچووی سەربازی و بەرهەمهێنانی چەک لە پەیمانگەی (ستۆکهۆڵم) لەمبارەوە رایگەیاند: "زۆربەی فرۆشراوی چەکی رووسیا بۆ وڵاتانی ئاسیا دەروات". ئەمە لەکاتێکدایە بەپێی راپۆرتە نێودەوڵەتییەکان، رووسیا یەکەم هەناردەکاری چەکە بۆ هیند، جگە لەوەی چەک بۆ وڵاتانی چین، سووریا، عێراق و ڤەنزوێلا هەناردەدەکات. پەیمانگەی (ستۆکهۆڵم) هەروەها لە راپۆرتەکەی نووسیویەتی، "قەبارەی فرۆشراوی چەکی 100 کۆمپانیای زەبەلاحی جیهان لە ساڵی 2012 گەیشتە 395 ملیار دۆلار".}

^1/2/2014

^{نۆ فیلم لە دەرهێنانی سینەماكارانی كورد و بیانی لە بەشێكدا بە ناونیشانی "سینەمای كوردستان" لە میانەی 24ـەمین خولی فێستیڤاڵی نێودەوڵەتی فیلمی ترۆمسۆی نۆروێژ نمایشكران. فیلمی سینەمایی "یۆڵ" لە دەرهێنانی یەڵماز گۆنای، فیلمی سینەمایی "كاتێك بۆ مەستی ئەسپەكان" لە دەرهێنانی بەهمەن قوبادی، فیلمی سینەمایی "تاڵ، شیرین، وڵاتەكەم " لە دەرهێنانی هونەر سەلیم، فیلمی سینەمایی "پەڕینەوە لە غوبار" لە دەرهێنانی شەوكەت ئەمین كوركی، فیلمی دیكۆمێنتاری "دایكانی من" لە دەرهێنانی هاوبەشی ئیبراهیم سەعیدی و زەهاوی سنجاوی، فیلمی سینەمایی "یەكەمین فیلم" لە دەرهێنانی مارك كۆزینس، فیلمی سینەمایی "جوانی تۆ هیچ بایەخێكی نییە" لە دەرهێنانی حوسێن تەباك، فیلمی سینەمایی "دوایین زستان" لە دەرهێنانی ساڵم سەڵەواتی و فیلمی سینەمایی "سەفەر بۆ هەتاو" لە دەرهێنانی یێشیم ئۆستۆگلۆ، ئەو 9 فیلمەن، کە لە فێستیڤاڵەکە نمایشکران. هەروەها فیلمی سینەمایی "هەزار و یەك سێو" لە دەرهێنانی سینەماكاری كۆچكردووی كورد تەها كەریمی، لە بەشی پێشبڕكێی فێستیڤاڵی نێودەوڵەتی فیلمی ترۆمسۆ نمایشكرا و 4 قوتابی كورد لە وۆڕكشۆپی فێركاری ئەم فێستیڤاڵەدا بەشدارییان كرد و خولێكی فیربوونی سینەمایان بە سەركەوتوویی تەواو كرد. لە ماڵپەڕی  فێستیڤاڵی نێودەوڵەتی ترۆمسۆدا سەبارەت بە بەشی تایبەت بە "سینەمای كوردستان" نووسراوە: بە بۆنەی 200 ساڵ بەسەر تێپەڕبوونی یاسای بنەڕەتی وڵاتی نۆروێژ لە ساڵی 1814، ئەم بەرنامەیە بۆ كوردەكان تەرخانكراوە. خەڵكانێک، كە شووناسی كوردی و دابوونەریتی جۆراوجۆریان هەیە، بەڵام دەوڵەتێک و وڵاتێكی هاوبەشیان نییە. هەروەها سەبارەت بە فیلمەكانی بەشی تایبەت بە "سینەمای كوردستان" نووسیویەتی: ئەم بەشەی فێستیڤاڵ، 9 فیلمی دیكۆمێنتاری و چیرۆكی لە خۆگرتووە، كە بە زمانەكانی كوردی، توركی و ئینگلیزی و سەبارەت بە كوردەكان بە شێوازی كلاسیك و نوێ بەرهەمهاتوون. ئەم فیلمانە هەموو شتێك لە ژیانی رۆژانەی خەڵكی كوردستان، كارەساتەكانی كۆمەڵكوژی و ئێش و ئازارەكانی ئەم نەتەوەیەی لە خۆگرتووە، كە بە ئاستێكی هونەریی بەرز و هیواوە سازكراون.   پارساڵ فیلمی سینەمایی "پێش بەفر بارین" لە دەرهێنانی سینەماكاری كورد، هیشام زەمان، ژکە خەلکتی کەرکووکە، بە ئامادەبوونی عەباس غەزالی، وەكو نوێنەری سینەمای هەرێمی كوردستان، رۆژی 15ـی كانوونی یەكەم لە رێوڕەسمی دەستپێكی 23ـەمین خولی فێستیڤاڵی نێودەوڵەتی فیلمی "ترۆمسۆ" نمایشكرابوو. فێستیڤاڵی نێودەوڵەتی فیلمی "ترۆمسۆ" بە بەشداری بەرهەمی وڵاتانی جۆراوجۆری جیهان لە چەندین بەشی جۆراوجۆر، لەوانە: بەشی پێشبڕكێی سەرەكی، بەشی "روانین بۆ رابردوو" تایبەت بە دیكۆمێنتسازی ناوداری فەڕەنسی نیكۆلاس فیلیبێرت، بەشی "سینەمای كوردستان"، بەشی "زستانی سینەما"، بەشی تایبەت، بەشی "ئۆوێردرایو"، بەشی "هەڵبژاردەی رخنەگران"، بەشی "ئاسۆی رۆژهەڵات"، بەشی "ئاسۆ"، بەشی "فیلمەكانی باكوور" و بەشی وۆركشۆپی فێركاری هونەری سینەما لە رۆژانی 13 تا 19ی كانوونی یەكەم 2014 لە شاری ترۆمسۆ لە وڵاتی نۆروێژ بەڕێوەچوو.} 

^1/2/2014

^{لە زنجیرە چیاکانی حەمرین شەڕ لە نێوان هیزە ئەمنیەکان و پۆلیسی قەزا و ناحیەکان لەگەل گروپە تیرۆرستییەکان روویداوە و تا ئیستا بەردەوامە.} 

پەیامنێرمان لە کەرکووکەوە پێی راگەیاندین کە بە پێی زانیارییە سەرەتاییەکان، بە هۆی ئەو شەڕەوە تا ئێستا لە هێزە ئەمنیەکان و تیرۆرستان کوژراو و بریندار هەیە.

بە پێی رانیازییەکان، گروپە تیرۆرستییەکان لە پاشەکشەدان و بەردەوام بۆمب دادەنێنەوە.

 تا ئێستا ١٠ بۆمب بە هێزە ئەمنیەکاندا تەقیونەتەوە و هێزە ئەمنییەکان چەندین مۆڵگەی تەقەمەنیشیان گرتووە.

پەیامنێر دواتر زانیاری زیاتر بڵاودەکاتەوە.

هەژار رەشید/ش.ب

کۆمەڵێک لە چالاکانی سیاسی و مەدەنی کورد لە پێناو بەرگری کردن لە زمانی دایک( کوردی) کەمپینێکی تۆمار کردنی ١٠٠٠٠ ناو لە نێو تۆڕە کۆمەڵایەتییەکانی ئینترنێت و یەک لەوان فەیسبۆک پێک هێناوە  و داوا لە هەموو تاکێکی کورد دەکەن ناوی خۆیان لەو کەمپینەدا تۆمار بکەن .

ئەو کەمپینە وەک پرچەکردارێک  دژ بە هەڵوێستی دوژمنکارانەی  " فەرهەنگستانی زمانی فارسی"  لەبەرانبەر زمانی باقی نەتەوەکانی تری ئێران  و بەتایبەت زمانی کوردی پێک هاتووە .

لە بەیاننامەیەکدا ،  پێک هێنەرانی کەمپینی ئاماژە پێکراوە کە کەسانێکی چالاک و خۆش ناوی گەلی کورد لە رۆژهەڵاتی کوردستانن ، ڕایانگەیاندووە کە :" داوای ئێمە ئەوەیە کە خەڵکی رۆژهەڵاتی کوردستان لە مافی خوێندن بە زمانی دایک بەهرەمەند بێ ".

ئەوە خوارەوە دەقی بەیاننامەکەیە

بژی مافی خوێندن بە زمانی دایک!
ئێمە داوای مافی منداڵەکانمان دەکەین!
دژایەتیی زمانی دیکە ناکەین!
بزووتنەوەیەکی بەرین بۆ فێربوونی خوێندنەوە و نووسین بە زمانی کوردی لە ڕۆژهەڵاتی کوردستان لە چەند ساڵ لەوە پێشەوە دەستی پێکردووە. خوێندن بە زمانی دایک زیاتر لە جاران بووەتە جێگەی سەرنج. ژمارەیەکی زۆر لە دایک و باوکەکان لەو ڕاستییە ئاگادارن کە بێبەشیی منداڵەکانیان لە خوێندن بە زمانی دایک، بێبەشبوونیانە لە ئیمکانی یەکسان بۆ فێربوون و بەهرەمەندی لە ناسنامەی شارۆمەندی ئازاد.
ئێمە، بە ڕێز و بایەخەوە دەڕوانینە ئەو بزووتنەوەیە و پشتیوانیی لێدەکەین.
ئەو بزووتنەوەیە بە پشتیوانیی زیاتری جەماوەری ئازادیخواز و ڕۆشنبیران دەتوانێ بە شێوەیەکی ئامانجدارتر و کاریگەرتر هەنگاوەکانی خۆی دیاری بکا لە هەمانکاتیشدا، بە پەرەگرتنی ئەو بزووتنەوەیە، دەستوپێوەندە فەرهەنگی و ئەمنییەتییەکانی حکوومەتی ئیسلامیی ئێران کەوتوونەتە نیگەرانی‌دەربڕین و چارەجۆیی بۆ پێشگرتن بەو ڕەوتە.
.
ڕایانگەیاندووە کە بەهرەمەندیی نەتەوەکانی دانیشتووی ئێران لە مافی خوێندن بە زمانی دایک، دەبێتە هۆی لاوازبوونی زمانی فارسی و بەمجۆرە هەوڵ دەدەن دژایەتیی بەشێک لە خەڵکی ئێران لە دژی ئەوانی دیکە هەڵخڕێنن.
ئێمە ئەو کردەوەیەی "فەرهەنگستانی زمانی فارسی" بە بەشێک لە هەڵوێست و سیاسەتی پاوانخوازانەی دەسەڵات دەزانین و مەحکوومی دەکەین.
ئێمە ڕادەگەیەنین کە ئەو بزووتنەوەیە، دژایەتی و ناتەباییی لە گەڵ هیچ زمان و نەتەوەیەک و لەگەڵ مافی هیچ گرووپێکی قەومی و نەتەوەیی دیکە نییە.
ئەو بزووتنەوەیە دژی بوونی زمانی هاوبەش بۆ دانیشتوانی ئێرانیش نییە.
داوای ئەو بزووتنەوەیە ئەوەیە کە خەڵکی کوردستان لە مافی خوێندن بە زمانی دایک بەهرەمەند بن.
ئەوە ئەرکی حکوومەتە کە پێویستییەکانی خوێندن بە زمانی دایک بۆ شارۆمەندان دابین بکا. لە هەمان کاتیشدا، ئێمە دەزانین ئەو ڕەوتە کە لە ناخۆی کۆمەڵگەی کوردستانەوە دەستی پێکردووە، دەتوانێ لەو بوارەدا خۆی هەنگاوی کاریگەر هەڵگرێ. نووسین و دوان بە کوردی لە ڕۆژنامەکان و رادیۆ و تەلەڤزیۆنەکاندا لە هەر جێیەک دەرفەت هەبێ، لە تۆڕەکۆمەلاتییەکان و لە پەیوەندە کۆمەڵایەتی و تاکە کەسییەکاندا و لە نێو خێزاندا، دەتوانێ ئەو ڕەوتە بەرەوپێش بەرێ. دایک و باوکەکان دەتوانن یارمەتیدەری منداڵەکانیان بن بۆ فێربوونی خوێندنەوە و نووسین بە زمانی دایک. ئەوە یارمەتییان دەدا بۆ باشتر فێربوون، بۆ خۆناسین، بۆ هەستکردن بە ناسنامەی کەسایەتیی ئازاد و خاوەنی مافی یەکسان و، بۆ تێگەیشتنی زیاتر لە دەوروبەر.
ئێمە بە بایەخەوە دەڕوانینە کاری ئەو کەسانە کە هەوڵ دەدەن باس و لێکۆڵینەوە و سەرچاوەی پێویست و بەکەڵک بۆ فێربوونی خوێندنەوە و نووسینی زمانی دایک بخەنە بەردەستی شارۆمەندان.
بۆ پێشەوە بەرەو پەرەپێدانی بزووتنەوەی زمانی کوردی.

بەلێنم بە دایکی نیشتمان داوە، تا ماوم دەی پارێزم...

بۆ بەشداری کردن و پەیوەست بوون بەو کەمپینەوە ، لەسەر ئەو لینکەی خوارەوە کلیک بکەن

https://www.facebook.com/groups/EraDanqiRojhelate/

^31/1/2014

<sup>پرۆفیسۆرێكی مێژووی نێودەوڵەتی لە زانكۆی ژنێڤ پێیوایە بەهۆی رێككەوتنی ئێران و ئەمریكا و رۆژئاوا لەسەر بەرنامە ئەتۆمییەكەی ئێران، بەرە بەرە پشتگیری ئەمریكا و رۆژئاوا بۆ پارتی ژیانی ئازادی كوردستان PJAK كەمدەبێتەوە.

لە نێو پارتە كوردییەكانی رۆژهەڵاتی كوردستاندا، پارتی ژیانی ئازادی كوردستان PJAK تەنیا گرووپە لە خەباتی چەكداریدا بێت لە پێناو بەدیهێنانی مافەكانی گەلی كورد لە ئێران. 

كوردی سێ پارچەكەی دیكەی كوردستان هەندێك لە مافەكانیان بەدیهاتووەو بە قەوارەی ئۆتۆنۆمی گەیشتوون، بەڵام رۆژهەڵاتی كوردستان پێشكەوتنێكی ئەوتۆی لە بەدیهێنانی مافەكانیدا بەخۆیەوە نەبینیوە. ناوچەكانیان هەژارترین و كەمخزمەتگوزارترین ناوچەكانی ئێرانن و حكومەتی ئەو وڵاتە بەردەوامە لە لەسێدارەدانی چالاكوانانی كورد كە دواترینیان لە مانگی تشرینی دووەمدا بوو. 

ڤێرا ئێسكاریۆس، توێژەر و پرۆفیسۆری زانستی سیاسی لە ئەمریكا دەڵێت "كوردی ئێران بەشێوەیەكی خراپ دەچەوسێنرێنەوەو و هەلێكی زۆر كەمیان هەیە بۆ گوزارشتكردن لە مافە سیاسی و كەلتوورییەكانیان لە ئێران".

ئیسكاریۆس بە (رووداو)ی گوت "رژێمی ئێران بەردەوامە لە ئەشكەنجەدان و لەسێدارەدانی چالاكوانانی كورد لە وڵاتەكەی و بەتایبەت لە هەوڵی بنبڕكردنی ئەندامانی پارتی ژیانی ئازادی كوردستاندایە".

مانگی تشرینی یەكەمی رابردوو، حكومەتی ئێران دوو ئەندامی PJAKی لە سێدارە دا كە یەكێكیان حەبیبوڵڵا گوڵپەری پوور بوو.

هەندێك لە شارەزایان پێیانوایە هۆكاری دامەزراندنی PJAKی سەر بە پارتی كرێكارانی كوردستان نائومێدیی گەنجانی كوردی ئێران بوو لە پارتە كوردییەكانی وەك پارتی دیموكراتی كوردستانی ئێران و حیزبی كۆمۆنیستی ئێران (كۆمەڵە). 

جۆردی تێجێڵ، پرۆفیسۆری مێژووی نێودەوڵەتی لە زانكۆی ژنێف كە نووسەری چەندین كتێب و بابەتە دەربارەی كورد، گوتی "PJAK ئەنجامی دوو داینەمۆی هاوتەریبە. لەلایەك نائومێدبوونی گەنجانی كوردی ئێران لە پارتە كوردییە كۆنەكانی ئێران كە وازیان لە خەباتی چەكداری هێنا و پەنایان بۆ كوردستانی عێراق برد. ئەوەش بۆشاییەكی دروستكرد كە PJAK پڕی كردەوە. لەلایەكی دیكەوە لە پاش دەستگیركردنی عەبدوڵڵا ئۆجەلان، PKK بڕیاری دروستكردنی گرووپ و پارتی نوێی لە هەموو بەشەكانی كوردستان دا".

حكومەتی ئێران 5 هەزار سەربازی لە سنوورەكانی وڵاتەكەی لەگەڵ هەرێمی كوردستان بڵاوكردووەتەوە لەو ناوچانەی كە ئەندامانی PJAK یان لێیە. هەروەها PJAK نزیكەی 3 هەزار چەكداری هەیە كە نیوەیان ژنن. 

لەچەند ساڵی رابردوودا PJAK بەرپرسیارێتی خۆی راگەیاندووە لە كوشتنی چەندین سەرباز و پاسەوانی سنووری ئێران. 
بەپێی وتەی ئیكاریۆس كێڵی، ئامارەكان وا دەردەخەن كە ئەو گرووپە تەنیا 1000 چەكداری ماوە. گوتیشی "پاش گفتوگۆ و رێككەوتنەكانی ئێران لەگەڵ وڵاتانی رۆژئاواو ئەمریكا دەربارەی بەرنامە ئەتۆمییەكەی، ئەندامانی ئەو گرووپە چیدی لەلایەن رۆژئاواوە پشتگیری و پارێزگارییان لێناكرێ".

ساڵی رابردوو حكومەتی ئێران لەگەڵ گرووپی 5+1 گەیشتە رێككەوتنێك سەبارەت بە بەرنامە ئەتۆمییەكەی و رازی بوو بەوەی بەرنامە ئەتۆمییەكەی بەڕووی پشكنەرانی نێودەوڵەتیدا واڵا بكات لە بەرامبەر سووككردنی هەندێك لە سزا ئابوورییەكانی سەر وڵاتەكەی.

ئیكاریۆس كێڵی دەڵێت "پێویستە PJAK گۆڕانكاری لەخۆیدا بكات بە تایبەت كە ئێستا واشنتن و تاران بەرژەوەندی هاوبەشیان لە سووریا هەیە و لە گفتوگۆدان".

مانگی تشرینی یەكەمی رابردوو، تەنانەت عەبدوڵڵا ئۆجەلان گوتی كە پێویستە PJAK هەوڵی چارەسەركردنی كێشەی كورد لە رێگەی گفتوگۆی سیاسیەوە لەگەڵ تاران بدات.

"لەو قۆناغەدا شەڕی PJAK لەگەڵ ئێران دوو دەرئەنجامی خراپی لێدەكەوێتەوە: چەوسانەوەی زیاتری كورد لەلایەن ئەو وڵاتە، لەبەرامبەردا زیادبوونی رق و كینەی كورد لە دژی رژێمی ئێران،" تێجێل گوتی "بەڵام بەهەرشێوەیەك بێت، ستراتیژی سەربازی لە ئێران شكست دەهێنێ". 

عەبدولڕەحمان حاجی ئەحمەدی، سەرۆكی PJAK كە نیشتەجێی ئەڵمانیایە چەندین جار لەلایەن تارانەوە داواكاری بۆ رادەستكردنەوەی دراوەتە حكومەتی ئەڵمانیا.

"مانگی مایسی 2010 لەلایەن پۆلیسی ئەڵمانیاوە دەستگیر كرا، بەڵام هۆكاری ئازادكردنەكەی نەزانرا"، ئیكاریۆس گوتی "رژێمی ئێران داوای رادەستكردنەوەی ئەحمەدی دەكات، بەڵام لەبەرئەوەی رەگەزنامەی ئەڵمانی هەیە و رووبەڕووی لە سێدارەدان دەبێتەوە ئەگەر رادەستی ئێران بكرێتەوە، حكومەتی ئەڵمانی هەرگیز نایگەڕێنێتەوە بۆ ئەو وڵاتە". 

مانوێل مارتۆرێل، رۆژنامەنووس و نووسەری چەند كتێبێك دەربارەی كوردستان كە چەند ساڵێك لەمەوبەر چاوپێكەوتنی لەگەڵ ئەحمەدی سازكردووە لە ئەوروپا، گوتی "PJAK رەنگدانەوەی خواست و ویستی كوردی ئێران نییە". 

مارتۆرێل لە شاری پامپلۆنای ئیسپانیاوە بە (رووداو)ی گوت "نابێت راپۆرتی میدیاكان دەربارەی چالاكییەكانی PJAK و ئەو هەست و سۆزەی لەنێو گەنجان دروستی دەكەن تێكەڵ بكەین لەگەڵ ئەو واقیعە كۆمەڵایەتی و ئاڵۆزەی كوردستانی ئێران كە جگە لە شەڕكردن لە دژی رژێم چەندین فاكتەری دیكەی وەك ئاینی و خێڵەكی و ناوچەیی و سیاسی هەیە".

مارتۆرێل پێیوایە حیزبە كوردییەكانی دیكەی كوردستانی ئێران دووبارە كاریگەرییەكانیان لەنێو كوردی ئێران سەرهەڵدەداتەوە كاتێك ئێران دەرگای زیاتر بۆ ئازادی دەكاتەوە لە ژێر سایەی حكومەتی حەسەن رووحانی. 

بە وتەی ئیكساریۆس كێڵی "PJAK لەلایەن بەشێكی زۆری كوردی ئێرانەوە وەكو رێكخراوێكی توندڕەو تەماشا دەكرێ". هەروەها دەڵێت "توندوتیژییەكانی حكومەتی ئێران وایكردووە PJAK وەك گرووپێكی رەسەن دەربكەوێ لەنێو گەنجانی كوردی ئێران، بەڵام توانەوەی ئەو بەستەڵەكەی لە نێوان پەیوەندییەكانی ئێران و ئەمریكادا هەیە، بارودۆخەكە لە داهاتوودا قورس دەكات بۆ گەریلا كوردەكانی ئێران".

زانیاریەكی كەم هەیە دەربارەی حاجی ئەحمەدی، تەنیا هێندە دەزانرێ كە لەساڵی 1941 لەدایكبووە و بڕوانامەی لە ئەندازیاری كشتوكاڵدا هەیە و لە شوقە سادەكەیەوە لە شاری كوێلنی ئەڵمانیا كە دیوارەكانی بە وێنەی شەهیدانی كورد داپۆشراوە، پارتەكەی بەڕێوەدەبات.</sup>

^{ئەلێكساندرا دی ستیڤانۆ رووداو - تاران}

^31/1/2014

کۆمه‌ڵێک نووسه‌ر و رۆژنامه‌وانی کورد، بە روانگەیەکی نەتەوەیی گۆڤارێ وڵات بڵاو دەکەنەوە بە مه‌به‌ستی به‌رز کردنه‌وه‌ی وشیاری، ئاوڕدانه‌وه‌ له‌ ڕووداوه‌ مێژووییه‌ گرینگه‌کانی کورد، لێکدانه‌وه‌ و قووڵبوونه‌وه‌ له‌ پرسه‌ نه‌ته‌وه‌ییه‌کان و ورووژاندنی بابه‌ته‌ نه‌ته‌وه‌ییه‌ هه‌ستیاره‌کان له‌ که‌ش و هه‌وایه‌کی دۆستانه‌دا. گۆڤاری وڵات بۆ‌ لێک نزیککردنه‌وه‌ی که‌سایه‌تییه‌ نه‌ته‌وه‌ییه‌کان و هێز و لایه‌نه‌ تێکۆشه‌ره‌کانی گۆڕه‌پانی سیاسی و مه‌ده‌نی بۆ به‌دیهێنانی یه‌کێتی نه‌ته‌وه‌یی و کاریگه‌ر کردنی خه‌بات به‌ دژی داگیرکه‌ران کوردستان هەوڵ دەدات.

گۆڤاری وڵات گۆڤارێکی وه‌رزانه‌ی سه‌ربه‌خۆیه‌، که‌ به‌ شێوه‌ی ئه‌لکترۆنی ده‌رده‌چێت و بۆ ئەو مەبەستەی که‌ ئاقارێکی به‌رین له‌ خوێنه‌رانی کورد له‌ وڵاتیش و له‌ تاراوگه‌ش داپۆشێت و ده‌نگی ڕه‌سای نه‌ته‌وه‌که‌مان به‌ زۆربه‌ی تاکه‌کان بگه‌یه‌نێت. گۆڤاری وڵات خۆی له‌ به‌رامبه‌ر هیچ که‌س و لایه‌ن و مێدیایه‌کی کوردیدا نابینێته‌وه‌ و ته‌نیا ده‌یهه‌وێت بە هاتنە ناو ڕاگه‌یاندنی کوردی، کار لەسەر پرسە نەتەوەییەکان بکات وەک وەڵامدانەوەیەک له‌ به‌رامبه‌ر ڕاگه‌یاندنی به‌هێزی دوژمنانی نه‌ته‌وه‌ییمان و ته‌نانه‌ت له‌بواری مێدیایشه‌ ئه‌م گۆڤاره‌ به‌ ئه‌رکی خۆی ده‌زانێت که‌ له‌ به‌هێز کردنی سه‌رجه‌م ڕاگه‌یاندنه‌ نه‌ته‌وه‌ییه‌کان له‌ ڕیگای دیالۆگ و هاوکاری و هاوئاهه‌نگی تێبکۆشێت.

له‌ یه‌که‌م ڕۆژی بڵاو کردنه‌وه‌ی گۆڤاره‌وه‌، به‌خۆشییه‌وه‌ کاردانه‌وه‌ی ئه‌رێنی زۆری به‌دیهێناوه‌ و به‌م بۆنه‌وه‌ به‌ پێویستی ده‌زانین که‌ خوێنه‌رانی گۆڤار له‌ رێگه‌ی ڕاگه‌یاندنی گشتی له‌ میدیا کوردییه‌کاندا به‌ره‌و زێده‌ بوون بڕوات. له‌ پێناو پێکانی ئه‌م ئه‌مانجه‌دا هاوکاری هه‌موو لایه‌نه‌کانی ڕاگه‌یاندنی کوردی جێگای پێزانین و ڕێزلێنانه‌.

بۆ په‌یوه‌ندی و زانیاری زیاتر، و هه‌روه‌ها، به‌شداری له گۆڤاری وڵات دا ده‌توانن په‌یوه‌ندی بکه‌ن به‌ ئیمه‌یلی:

This e-mail address is being protected from spambots. You need JavaScript enabled to view it.

بۆ وه‌رگرتنی گۆڤاری ولات تکایه‌ له‌م پێگه‌یانه‌ که‌ڵک وه‌ربگرن:

https://docs.google.com/file/d/0B7XaLEeZsvkrZjZzRDZ1UW92eEk/edit

...

http://issuu.com/welat/docs/wilat_1

له‌گه‌ڵ ڕێز و پێزانین

دەستەی بەرێوەبەریی گۆڤاری وڵات

31/01/2014

لە کاتی سەردانی دوو رۆژەی سەرۆک وەزیرانی تورکیا بۆ وڵاتی ئێران کە لە گەڵ چەندین بەرپرسی باڵای ئەو وڵاتە وەکوو خامنەیی و حەسەن روحانی دانیشتنی هەبوو، رەجەب تەیب ئەردۆغان رایگەیاند کە “ئێران وڵاتی دووهەمی منە” و پێنج رێکەوتننامەی هاوکاریی دولایەنەش لەو سەفەرەدا واژۆ کرا.

بە پێی راپۆرتێکی ماڵپەڕی ئیسنا، ئەردۆغان لە یەکەم رۆژی ئەو سەفەرەدا لە گەڵ هەر یەک لە عەلی خامنەیی رێبەری ئێران و حەسەن رووحانی سەرۆک کۆماری ئەو وڵاتە کۆبووە و رێکەوتننامەی پێکهێنانی لیژنەى باڵاى هاوکاری سیاسی لە نێوان ئەو دوو وڵاتەدا لە گەڵ حەسەن روحانی واژۆ کرد.

بە پێی ئەو راپۆرتە، مەبەست لە پێکهێنانی ئەو لینەیە پەرەپیدان بە هاوکارییەکانی ئێران و تورکیا لە ناوچەکەدایە. ئەمەش لە حالێکدایە کە ئەو دوو وڵاتە لە سەر زۆریک لە وڵاتانی ناوچەکە وەکو سوریا و میسر نەک هەر هاوڕا نین زۆر جاریش هەلوێستی دژ بەیەکیان هەبوە.

ماڵپەڕی مێهرى ئێرانى باسی لە واژۆ کردنی چوار رێکەوتننامەی دیکەیکردووە کە بریتین لە؛ رێکەوتنی لێکتێگەیشتنی لیژنەى باڵاى هاوکاریی ئەو دوو ولاتە کە لە نێوان جێگری یەکەمی سەرۆک کۆماری ئێران ،ئیسحاق جەهانگیری و ئەردۆغان، پێنجەمین رێکەوتنی کۆمیتەی هاوبەشی بازرگانیی ئەو دوو وڵاتە لە نێوان وەزیری پیشە سازی ئێران و وەزیری ئابووری تورکیا، رێکەوتننامەیەک لە مەڕ ناساندنی باشتری بەرپرسانی دوو وڵات و هەروەها رێکەوتننامەیەکی هاوکاری لە نێوان راگەیەندنەکانی ئەو دوو وڵاتە واژۆ کراوە.

ئەردۆغان لە دانیشتنەکەیدا لە گەڵ عەلی خامنەیی رێبەری ئێران وێڕای جەختکردنەوە لە سەر پێویست بوونی ئەو هاوکارییانە ئێرانی بە خانووی دووهەمی خۆی لە قەڵەم داوە.

رەجەب تەیب ئەردۆغان سەرۆک وەزیرانی وڵاتی تورکیا رۆژی سێ شەممە ٢٨-١، بە مەبەستی کۆبونەوە لە گەڵ بەرپرسانی وڵاتی ئێران چووە ئەو وڵاتە و پاش دوو رۆژ گەڕاوە بۆ وڵاتی تورکیا.

 30-1-2014