<sup>لە باکووری ئەفغانستان بزووتنەوەی تاڵیبان، چەکدارانی داعش، بزوتنەوەی ئیسلامی ئۆزبەکستان و رێکخراوی قاعیدە هاوپەیمانێیتییەکیان دژ بە حکومەت و هێزەکانی ئەفغانستان  پێکهێناوە. 

ئامانج لە هاوپەیمانێتییەکە کۆنترۆڵکردنی شارەکانی باکووری ئەفغانستانە هاوشێوەی عێراق و سووریا کە پێگەیەکی جوگرافی بەهێز دروستبکەن.

پارێزگاری کوندوز رایگەیاند، لە چەند رۆژی رابردوودا هێرشکی داعش و تاڵیبان بۆ کۆنترۆڵکردنی شارەکە شکستپێهێنراوە.

بەهۆی هێرشی تووندی هێزەکانی سوپای پاکستان لە ناوچەکانی وەزیرستان و ناوچەی خێڵەکان، چەکدارە تووندڕەوەکان بەرەو باکووری ئەفغانستان هەڵدێن، ئەمەش کاریگەری  ئەمنی لێکەوتووەتەوە و هەڕەشەکانی داعشی لە ئەفغانستان گەورەتر کردووە. 

هاوشێوەی عێراق حکومەتی ئەفغانستان بۆ بەرگریکردن لە شارەکان پەنا بۆ میلیشیاکان دەبات، بەڵام لە عێراق پێیدەگوترێت حەشدی شەعبی و لە ئەفغانستان بە موجاهدین بانگدەکرێن.

بەگوتەی بەرپرسانی حکومەت، ئەفغانستان چەکداری تاجیکی و ئۆزبەکی و پاکستانی لەنێو ریزەکانی تاڵیبان و داعشدا هەن.
 
حکومەتی ئەفغانستان هۆشداری دەدات لە بوونی داعش لە ئەفغانستان، هەروەها هاوپەیمانییەتی نێوان تاڵیبان و قاعیدە و داعش و بزووتنەوەی ئیسلامی ئۆزبەکستان بە هەڕەشەیەکی گەورە دادەنێت، بەڵام دەزگای هەواڵگریی ئەمریکا بەوردی چاودێریی رەوشی ئەفغانستان دەکات. چەند جارێک بەرپرسانی ئەمریکا رایانگەیاندووە کە ئەفغانستان بۆ ئاسایشی ئەمریکا گرنگە.

ئەوەی کە ئەفغانییەکان دڵخۆش دەکات، بوونی رێککەوتننامەی ئەمنی نێوان کابول و واشنتنە، هەروەها بوونی سێزدە هەزار سەربازی هاوپەیمانانە لە کابول.</sup>

^27/5/2015

<sup>وەزارەتی بەرگریی ئەمریکا، رایگەیاند، ناونانی ئۆپەراسیۆنی کۆنتڕۆڵکردنەوەی پارێزگای ئەنبار لەژێر دەستی چەکدارانی داعش لەلایەن هێزە عێراقییەکان بە هاوکاریی حەشدی شەعبی بەناوی ( لبیک یا حسین) ناوێکی تائیفییە.

ستیڤ وارن، گوتەبێژی وەزارەتی بەرگریی ئەمریکا، رۆژی سێشەممە 26 ی ئایاری 2015، سەبارەت بە پاشەکشەکردنی هێزە ئەمنییە عێراقییەکان لە شەڕی روومادی رایگەیاند "خراپیی رۆحی هاوکاریکردن لەنێو هێزە عێراقییەکان، هەروەها کێشەکانی نێو پێکهاتەی سوپای عێراق، هۆکاری پاشەکشەکردنی هێزە ئەمنییە عێراقییەکان بوون".

بە گوتەی وارن، هۆکاری زۆر هەن کە بوونە هۆکاری پاشەکشەکردنی هێزە ئەمنییە عێراقییەکان لە شەڕی دژ بە چەکدارانی داعش لە شاری رومادی. ئاماژەی بەوەشدا، هێزە عێراقییەکان لە رووی ژمارەوە زۆر زیاتر بوون لە چەکدارانی داعش، بەڵام پاشەکشەکردنیان لە شەڕەکە هەڵبژارد.

رۆژی 17 ی ئایاری 2015، چەکدارانی داعش کۆنتڕۆڵی شاری رومادی ناوەندی پارێزگای ئەنباریان کرد، لەبەرامبەریشدا ئاشتۆن کارتەر وەزیری بەرگریی ئەمریکا، هێزە عێراقیەکانی بەبێ ئیرادە بەرامبەر بە چەکدارانی داعش وەسفکرد.

رۆژی سێشەممە ئۆپەراسیۆنی کۆنترۆڵکردنەوەی ئەنبار لەژێر ناوی (لبیک یا حسین) بۆ سەر چەکدارانی داعش لەو پارێزگایە دەستیپێکرد. گوتەبێژی دەستەی چەکدارانی حەشدی شەعبیش رایگەیاند "ئەوان بەشداری لە شەڕی رومادیدا دەکەن و پێویستیشیان بە هاوکاریکردنی فڕۆکەکانی ئەمریكا و هاوپەیمانان نییە". دەستپێکردنی ئۆپەراسیۆنی کۆنتڕۆڵکردنەوەی ئەنبار بە بەشداری حەشدی شەعبی لەژێر ئەو ناوەدا لە کاتێکدایە کە زۆربەی دانیشتووانی پارێزگاکە سوننە مەزهەبن.</sup>

^27/5/2015

<sup>کاریگەرییەکانی وشکبوونی دەریاچەی ورمێ، تەنیا مەترسی نەخستووەتە سەر داهاتووی کەرتی کشتوکاڵی و ژینگەی مرۆیی رۆژهەڵاتی کوردستان، بەڵکو چالاکڤانانی ژینگەپارێزی مەترسی ژینگەی ئاژەڵیشیان لەدڵدایە.

بەپێی ئامارەکانی رێکخراوی ژینگەپارێزی ئێران، خێرایی وشکبوونی دەریاچەی ورمێ تا رادەیەک بووە کە لە دە ساڵی رابردوودا زیاتر لە سەدا نەوەدی ئەو دەریاچەیە وشک بووە.

لەناو دەریاچەی ورمێدا چەند دوورگەیەک هەن ، کە بە یەکێک لە دەوڵەمەندترین ناوچەکانی ئێران و رۆژهەڵاتی کوردستان لە بواری ژینگەی ئاژەڵی دادەنرێن.

دەریاچەی ورمێ زیاتر لە سەد دوورگەی هەبوو، کە بەشی زۆریان بە هۆی وشکبوونی دەریاچەکەوە، تێکەڵ بە بیابانێک لە خوێ بوونە، بەڵام ناسراوترینی ئەو دوورگانە کە ژینگەی ئاژەڵیان هەیە  کەبودان، ئەشک، ئێسپیر و ئارەزوونە کە کەوتوونەتە سنوورەکانی رۆژهەڵاتی کوردستانەوە.

ئەو دوورگانە جێژینی دەیان باڵندەی کۆچەر و ئاژەڵی شیردەر و خشۆکن ، هەروەها شوێنی گیرسانەوەی دەیان هەزار باڵەندەی کۆچەر و خۆجێین.

بێهزاد شێرپەنجە سەرۆکی فەرمانگەی پارکی نیشتیمانی دەریاچەی ورمێ سەبارەت بە بارودۆخی ئەو ئاژەڵانە بە رۆژنامەی شەرقی چاپی تارانی گوتووە " ٢٠٠ سەر کەڵەکێوی و ٨٠٠ سەر گاکێوی لە دورگەکانی دەریاچەی ورمێدا هەن".

ئەو بەرپرسە نیگەرانی دەربڕیوە سەبارەت وشکبوونی کانیاوەکان ، هەروەها ئەوەشی ئاشکراکردووە کە بەهۆی وشکبوونی دەریاچەی ورمێوە رێوی و چەقەڵ خۆیان گەیاندووەتە ئەو دوورگانە و مەترسییان لەسەر ئاژەڵەکان دروستکردووە.

بەگوتەی سەرۆکی فەرمانگەی پارکی نیشتیمانی دەریاچەی ورمێ ئەگەرچی لە ساڵانی رابردوودا باڵەندەگەلێک وەک مراوی، پلیکان و سورە قورینگ لە دەستەی دە هەزاریدا لە دورگەکانی گۆلی ورمێ گیرساونەتەوە، بەڵام ئێستا هیچ باڵندەیەک ئامادە نییە هێلکەکانی لە گۆلی ورمێدا هەڵێنێ .</sup>

ئومێد بەرین / روداۆ

<sup>پارێزگاری كەركووك لە هەڤپەیڤینێكی تایبەتدا لەگەڵ تەلەڤزیۆنی رووداو رەتیدەکاتەوە هیچ كاتێك بەرنامەی هەبووبێ بۆ بەهەرێمکردنی کەرکووک.

نەجمەدین كەریم، پارێزگاری كەركووك لە‌و هەڤپەیڤینەی (رووداو)دا، كە كاژێر 9:05 خولەكی ئەمشەو پەخشدەكرێت، ئاماژە بەوە دەكات، هیچ كاتێك بەرنامەی ئەوەی نەبووە كەركووك بكاتە هەرێمێكی سەربەخۆ، بەڵام دەڵێ ئەوە بۆچوونی بەشێك لە وڵاتە گرنگەكانە. گوتی "ئەمریكا‌و وڵاتانی چواردەوریش دەڵێن چارەسەری كێشەكانی كەركووك ئەوەیە بكرێتە هەرێمێكی سەربەخۆ".

پارێزگاری کەرکووک، کە هاوکات ئەندامی مەکتەبی سیاسیی یەکێتیی نیشتمانیی کوردستانە، نیگەرانە لە سیاسەتەكانی حكومەتی ئێستای عێراق و دەڵێ کابینەکەی عەبادی هیچ جۆرە هاوكارییەكی نەكردوون. نەجمەدین كەریم گوتیشی "لە 2013ەوە پارەی پتڕۆدۆلارمان بۆ نەهاتووە".
 
پارێزگاری كەركووك هۆشداریی دەدات، کە چیتر بێدەنگ نابن لەبەرامبەر بڕینی بودجەی كەركووكییەكان ‌و دەڵێ‌: "ئەو رۆژانە رۆیشت كەركووك بدۆشن‌ و كەركووكییەكان هیچیان بەرنەكەوێت". ناوبراو باس لەوەش دەكات بۆ ئەوەی پڕۆژەكانی كەركووك نەوەسـتێ‌ "ئێستا خەریكی پەیداكردنی بودجەم بۆیان".

هەر لەو هەڤپەیڤینەدا نەجمەدین كەریم ئەوەش دەخاتەڕوو، نەك هەر نیازی نییە كەركووك بكاتە هەرێمێكی سەربەخۆ، بەڵكو وەك خۆی گوتی "یەكێك لە ئامانجە سەرەكییەكانم گەڕانەوەی كەركووكە بۆ سەر هەرێمی كوردستان".</sup>

^26/5/2015

<sup>سەرۆکایەتی حکومەتی بەریتانیا رایگەیاندووە، کە دەیڤید کامیرۆن سەرۆکوەزیرانی بەریتانیا و ڤلادیمێر پوتین سەرۆکی رووسیا لە پەیوەندییەکی تەلەفۆنیدا باسیان لە رەوشی سووریا کردووە و هەردوولا ئامادەییان نیشانداوە بۆ ئەوەی کار بۆ فەراهەمکردنی ئاشتی لە سووریا بکەن.
 
بەگوێرەی راگەیێندراوی سەرۆکایەتی حکومەتی بەریتانیا، پوتین لەرێگەی تەلەفۆنەوە پەیوەندی بە کامیرۆنەوە کردووەو پیرۆزبایی دووبارە وەرگرتنەوەی پۆستی سەرۆکوەزیرانی بەریتانیای لێکردووە. هەر لەو پەیوەندییەدا هەردوولا لەسەر پشتیوانیکردن لە دەستپێکردنەوەی دانوستاندنەکانی تایبەت بە سووریا رێککەوتوون.

حکومەتی بەریتانیا راشیگەیاندووە، کە سەرۆکی رووسیا و سەرۆکوەزیرانی بەریتانیا دووپاتیان کردووەتەوە لە بەرژەوەندی هەردوولادایە هاوکاریی هەموو هەوڵیک بکەن لەپێناو چارەسەرکردنی قەیرانەکانی سووریا بەتایبەت تێکشکاندنی رێکخراوی داعش. بۆ ئەو مەبەستەش لەسەر ئەوە رێککەوتوون راوێژکارانی هەردوولا تایبەت بە کاروباری ئەمنی لە داهاتوویەکی نزیکدا کۆببنەوە و باس لە ململانێکانی سووریا بکەن.

سەبارەت بە دۆخی ئۆکراینا، باسیان لەوە کردووە کە بۆچوونەکانیان لەسەر کێشەکانی ئەو وڵاتە جیاوازی هەیە و پێویستیان بە گفتوگۆی زیاترە لەو بارەیەوە.</sup>

^26/5/2015

<sup>سەرۆکایەتی حکومەتی بەریتانیا رایگەیاندووە، کە دەیڤید کامیرۆن سەرۆکوەزیرانی بەریتانیا و ڤلادیمێر پوتین سەرۆکی رووسیا لە پەیوەندییەکی تەلەفۆنیدا باسیان لە رەوشی سووریا کردووە و هەردوولا ئامادەییان نیشانداوە بۆ ئەوەی کار بۆ فەراهەمکردنی ئاشتی لە سووریا بکەن.
 
بەگوێرەی راگەیێندراوی سەرۆکایەتی حکومەتی بەریتانیا، پوتین لەرێگەی تەلەفۆنەوە پەیوەندی بە کامیرۆنەوە کردووەو پیرۆزبایی دووبارە وەرگرتنەوەی پۆستی سەرۆکوەزیرانی بەریتانیای لێکردووە. هەر لەو پەیوەندییەدا هەردوولا لەسەر پشتیوانیکردن لە دەستپێکردنەوەی دانوستاندنەکانی تایبەت بە سووریا رێککەوتوون.

حکومەتی بەریتانیا راشیگەیاندووە، کە سەرۆکی رووسیا و سەرۆکوەزیرانی بەریتانیا دووپاتیان کردووەتەوە لە بەرژەوەندی هەردوولادایە هاوکاریی هەموو هەوڵیک بکەن لەپێناو چارەسەرکردنی قەیرانەکانی سووریا بەتایبەت تێکشکاندنی رێکخراوی داعش. بۆ ئەو مەبەستەش لەسەر ئەوە رێککەوتوون راوێژکارانی هەردوولا تایبەت بە کاروباری ئەمنی لە داهاتوویەکی نزیکدا کۆببنەوە و باس لە ململانێکانی سووریا بکەن.

سەبارەت بە دۆخی ئۆکراینا، باسیان لەوە کردووە کە بۆچوونەکانیان لەسەر کێشەکانی ئەو وڵاتە جیاوازی هەیە و پێویستیان بە گفتوگۆی زیاترە لەو بارەیەوە.</sup>

^26/5/2015

<sup>هەڵبژاردنی هەرێمەکان و شارەوانییەکانی ئیسپانیا شکستی پارتی دەسەڵاتدار و ئۆپۆزیسیۆنی سەرەکی ئەو وڵاتەی لێکەوتەوە، پارتی پۆدیمۆس و چالاکڤانە بێلایەنەکان لەو هەڵبژاردنەدا تونایان لە دوو گرنگترین شاری ئیسپنایا لە مەدرید و بەرسێلۆنا جێ بە هەردوو پارتە سەرەکییەکەی ئیسپانیا چۆڵبکەن. 

پێش دەستپێکردنی هەڵبژاردنەکە، میدیاکانی ئیسپانیا باسیان لەوە دەکرد كە پێدەچێت دەنگدەرانی ئیسپانیا لەم هەڵبژاردنەدا سزای هەردوو پارتی سەرەکی، واتە پارتی گەلی دەسەڵاتدار و پارتی کرێکارانی سۆسیالیستی ئۆپۆزیسیۆن بدەن، چونکە هەردووکیان بە گەندەڵی و سکانداڵی جۆراوجۆر تۆمەتبارن، ئەنجامی هەڵبژاردنەکانیش ئەوەیان سەلماند و دوو پارتە سەرەکییەکە پۆستی سەرۆکشارەوانی هەردوو شاری مەدرید و بارسێلۆنایان لەدەستدا.</sup> 

^26/5/2015

^{نا بۆ شەڕ و ناتەبایی، بەڵێ بۆ ئاشتی و پێکەوە ژیان!}

^{خەڵکی کوردستان لە هەموو بەشەکانی دا ئەزموونی چەندین شەڕی نێۆخۆیی و هەریمایەتی هەیە و لە نێوەدا زەرەرمەندی یەکەم هەر هاوڵاتیانی کوردستان بوون بە هەموو ڕەنگ و ئایینێکەوە!}

^{چاودێری کوردۆساید- چاک و ناوەندی زاگرۆس بۆ مافەکانی مرۆڤ هەڵویستی توندی خۆمان بۆ هەڵگیرساندنەوەی شەڕ و کوشتاری نێوان لایەنە سیاسیەکانی کوردستان دەردەبڕین و داواکارین دەست بە جێ گرژی و ئاڵۆزی نێوان پارتی کرێکارانی کوردستان و حیزبی دیمۆکراتی کوردستانی ئێران کۆتا...یی پێ بهێنرێت و لەوە زیاتر هیچ لایەنێکی سیاسی چەکداری کوردستانی ڕێگای ئەوە بە خۆی نەدات کە شەڕ دژ بە لایەنەکانی دیکە هەڵگرسینێ و کار ئاسانی بکات بۆ ڕشتنی خۆێنی هاوڵاتیانی کوردستان و هیچ پاساو و بیانوویەکیش قەبووڵ ناکرێت لە بە کار هێنانی توند و تیژی لە باتی دانیشتن لە سەر مێزی وتو وێژ و چارەسەری ئاشتیانە!}

^{“حه‌سه‌ن نه‌سروڵا” ئه‌مینداری گشتیی حیزبوڵای لوبنان بۆ یه‌كه‌مجار دانی به‌وه‌دانا كه ‌له‌ هه‌موو كون وقوژبنێكی سوریادا، چه‌كداره‌كانی ئه‌و، شانبه‌شانی سوپای سوریا ده‌جه‌نگن.}

^{نه‌سروڵڵا له‌وتارێكی ته‌له‌فزیۆنیدا به‌بۆنه‌ی 15 هه‌مین ساڵیادی پاشه‌كشه‌ی ئیسرائیل له‌باشوری لوبنان، بۆ ئاهه‌نگێك له‌شاری “نه‌به‌تییه‌” ده‌دوا و گوتی: ” ئێمه‌ ئه‌مڕۆ به‌رانبه‌ر مه‌ترسییه‌ك وه‌ستاوین، كه‌نمونه‌ی له‌مێژوودا نیه‌”. داوایشی كرد: “هه‌موان له‌لوبنان وناوچه‌كه‌دا به‌رپرسیارێتیی خۆیان هه‌ڵگرن، له‌به‌رانبه‌ر ئه‌و مه‌ترسییه‌دا و، هیچ دڵه‌ڕاوكێیه‌كیان نه‌بێت”.}

^{جه‌ختی له‌وه‌ش كرده‌وه‌ كه‌ مه‌ترسیی جیهادییه‌كان:”ته‌نها له‌سه‌ر مقاوه‌مه‌ی لوبنان یان حكومه‌تی سوریا و عێراق نیه‌، به‌ڵكو له‌سه‌ر هه‌مووانه‌ به‌بێ جیاوازی،بۆیه‌ نابێت هیچ كه‌سێك سه‌ری خۆی بكات به‌ژێر خۆڵدا و خۆی بێ ئاگا بكات”. ئاماژه‌ی به‌وه‌ش دا: ” شه‌ڕ له‌گه‌ڵ پرۆژه‌ی ته‌كفیر، شه‌ڕه‌ له‌سه‌ر مان و نه‌مان. له‌شه‌ڕی مان ونه‌مانیشدا، شه‌ڕه‌كانی تر دواده‌خرێن. ئه‌مڕۆش ناوچه‌كه‌ی ئێمه‌ به‌گشتی له‌شه‌ڕی مان ونه‌ماندایه‌”.}

^{پاشان ئاماژه‌ی دا به‌شه‌ڕی چه‌كداره‌كانی له‌سوریادا و گوتی: “شه‌ڕه‌كه‌ قۆناغی پله‌به‌ندی تێپه‌ڕاندووه‌”. گوتیشی: “ئێمه‌ شانبه‌شانی برا سورییه‌كانمان شه‌ڕ ئه‌كه‌ین، شانبه‌شانی سوپا و گه‌ل و مقاوه‌مه‌ی میللی، له‌دیمه‌شق و حه‌له‌ب و دێره‌زوور و قه‌سیر و حه‌سه‌كه‌ و ئیدلبین”.}

^{جگه‌له‌وه‌ش گوتی: “ئێمه‌ ئه‌مڕۆ له‌زۆر شوێندا ئاماده‌ین. له‌هه‌موو شوێنێك ده‌بین كه‌ جه‌نگه‌كه‌ پێویست بكات”.}

^{گوتیشی: “ئه‌گه‌ر سوریا و ئه‌وانه‌ی له‌گه‌ڵیدان سه‌ربكه‌ون، گره‌نتی ئه‌بین بۆ هه‌موو لوبنانییه‌كان”. هه‌روه‌ها گوتی: “له‌سه‌ركه‌وتنی حیزبوڵڵا مه‌ترسن، به‌ڵكو له‌وه‌ بترسن كه‌ شكست بهێنێت”.}

^{ئینجا هه‌ڕه‌شه‌ی كرد وگوتی: “سه‌ركردایه‌تیی حیزبوڵڵا بڕیاری داوه‌ له‌هه‌موو گۆڕه‌پانه‌كانی جه‌نگ ئاماده‌بێت. له‌داهاتووشدا ده‌یان هه‌زار جه‌نگاوه‌ر ده‌بینن له‌هه‌موو گۆڕه‌پانه‌كاندا. سوێند ئه‌خۆم به‌خوای گه‌وره‌، له‌حوزه‌یرانی ساڵی 1982ه‌وه‌ كه‌ئه‌م مقاوه‌مه‌یه‌ دروست بووه‌، هیچ كاتێك وه‌ك ئه‌مڕۆ كه‌ 24/5/2015یه‌، مقاوه‌مه‌ ئه‌وه‌نده‌ پڕچه‌ك و پۆشته ‌و، خاوه‌ن جه‌نگاوه‌ری زۆر وبه‌لێشاو نه‌بووه‌.خاوه‌نی دڵگه‌رمی وه‌ك ئێستا نه‌بووه‌”.}

^{دووپاتیشی كرده‌وه‌: ” پرۆژه‌ی ته‌كفیر له‌ناوده‌برێت وهیچ ئاسه‌وارێكی نامێنێت.ئه‌گه‌ر پشت به‌خۆمان ببه‌ستین وبه‌ قاره‌مانه‌كانمان”.}

^25/5/2015

<sup>سەرچاوەیەك لە پۆلیسی پارێزگای سەڵاحەدین رایگەیاند، تەواوی سەنتەری شارۆچكەی بێجی لەلایەن هێزە ئەمنییەكانەوە گەمارۆدراوەو ئۆپەراسیۆنە سەربازییەكانیش بۆ كۆنترۆڵكردنەوەی ناوچەكانی دەوروبەری پاڵاوگەی بێجی بەردەوامە.

سەرچاوەیەك لە نووسینگەی راگەیاندنی پۆلیسی پارێزگای سەڵاحەدین بە (تۆڕی میدیایی رووداو)ی راگەیاند: "هێزە ئەمنییەكان و هێزەكانی حەشدی شەعبی و چەكدارانی هۆزەكان زۆربەی ناوچەكانی دەوروبەری شارۆچكەی بێجییان كۆنترۆڵكردووەتەوەو لە هەموو لایەكەوە گەمارۆى شارۆچكەكەیانداوە بە ئامانجی دەستپێكردنی شەڕێكی یەكلاكەرەوە بۆ كۆنترۆڵكردنەوەی سەرجەم ئەو ناوچانەی هێشتا بەدەست چەكدارانی داعشەوەن".

سەرچاوەكە گوتیشی: "پڕۆسە سەربازییەكانی ئێستاش بۆ كۆنتڕۆڵكردنەوەی تەواوی پاڵاوگەی بێجیە لەدەست داعش، لەماوەی دوو رۆژی داهاتووش كۆنتڕۆڵكردنەوەی شارۆچكەو پاڵاوگەی بێجی بە تەواوی یەكلایی دەبێتەوە".

شەمەی رابردوو هێزەكانی حەشدی شەعبی لە راگەیێندراوێكدا كۆنترۆڵكردنەوەی چەند ناوچەیەكی لە باكووری شاری تكریت راگەیاند.

هاوكات بزووتنەوەی نوجەبا پوچەڵكردنەوەی بۆمبە چێنداروەكانی دەوروبەری پاڵاوگەی بێجی و ئەو رێگایانەی دەچنەوە نێو پاڵاوگەكەی راگەیاند.

23ی ئەم مانگەش سەرچاوەیەكی ئەمنی گوتی هێزە ئەمنییەكان و هێزەكانی حەشدی شەعبی ناوچەكانی ئەلبۆتوعمە، حەجاج و حاوی و تاڵعی سەربە شارۆچكەی بێجییان كۆنتڕۆڵكردوونەتەوە.</sup>

^{٢٥/٥/٢٠١٥}