چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

درێژه‌ی بابه‌ت

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

درێژه‌ی بابه‌ت

جۆزف بۆرێل دەلێ: بیرت لە لێواری دارماندایە

درێژه‌ی بابه‌ت

ئەگەری هێرشی ئیرائیل بۆ سەر عێراق هەیە

درێژه‌ی بابه‌ت

خه‌باتی چه‌کداریی، ڕێبازێکی باونه‌ماو و شکستی بەردەوام

ڕابردوو بەردەوام گرووپگەلێک هەبوون لە کوردستان کە بەشێوەیەک لە شێوەکان پەیڕەویان لە خەباتی چەکداریی کردووە وەک ڕێبازێک بۆ گەیشتن بە مافەکانی کوردستانییان. بەڵام هەر...

درێژه‌ی بابه‌ت

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

ناودەبرێت، بۆ کوردەکانیش هێشتا بابەتێکە کە جێی گومان و پرسیارە؟، بەوپێیەی هەموان سیناریۆکانی پرۆسەی ئاشتی و چارەسەریان لەساڵی ٢٠١٢ بۆ ٢٠١٥ لەپێش چاوە، کەچۆن ئەو...

درێژه‌ی بابه‌ت

په‌یوه‌ندی راسته‌وخۆ

گه‌ڕان

بارزانی گەرەنتی نێودەوڵەتیی دوای شەڕی داعشی بۆ کورد وەرگرتووە

^{فەرماندەیەکی هێزی پێشمەرگەی کوردستان ئاماژە بەوە دەکات، داعش کۆتای هاتووە و دەبێت بەدوای هۆکاری درووستبوونیدا بگەرێن.}
^{"جەمال مورتکە"، فەرماندەی هێزی پێشمەرگە، بە (باسنیوز)ی ڕاگەیاند: “داعش بەرەو کۆتایی چووە، ئێستا بیر لەوە دەکەینەوە کە داعش بۆ درووست بوو؟ کێ درووستی کرد؟ چۆن هاتە خاکی عێراق و بۆ هێرشی کردە سەر کوردستان؟ کە دەبێت بپرسین جیاوازییەکی سیاسی لە عێراق هەیە، تاکڕەوی لە عێراقدا هەیە، چەوسانەوەی مەزهەبی هەیە، ئەمەش وای کردووە کە داعش درووست بووە یان بابەتێکی دیکەیە”.}
^{جەمال مورتکە ڕوونیشیکردەوە: "بڕیارمان داوە، ناکرێت دوای داعش بەو شێوەیە عێراق بەرەو گێژاو ببرێت، نازانین دوای داعش چی دەگوزەرێت؟ بۆیە دەبێت حکوومەتی عێراق هەموو بەرپرسیاریەتیی ئەو دۆخانە هەڵبگرێت". ئەوەشی ئاشکرا کرد، لە دوایین سەردانیدا بۆ دەرەوەی وڵات، “مەسعود بارزانی”، سەرۆکی هەرێمی کوردستان، گەرەنتیی تەواوی وەرگرتووە، سەبارەت بەوەی کە “لەدوای داعشدا پێگەی کورد چۆن دەبێت؟”.}
^23/2/2016

سەرۆکی کۆمیسیۆنی ھەڵبژاردن و راپرسیی لە ھەرێمی کوردستان رایدەگەیەنێت، کە پرۆژەی حکوومەتی عێراق لە هەرێمی کوردستان بەکارناهێنرێت. ھەندرێن محەمەد، سەرۆکی کۆمیسیۆنی ھەڵبژاردن و راپرسیی لە ھەرێمی کوردستان لە لێدوانێکدا بە (کوردستان24)ی راگەیاندووە، کە ئەوان

^{سەرۆکی کۆمیسیۆنی ھەڵبژاردن و راپرسیی لە ھەرێمی کوردستان رایدەگەیەنێت، کە پرۆژەی حکوومەتی عێراق لە هەرێمی کوردستان بەکارناهێنرێت.}

^{ھەندرێن محەمەد، سەرۆکی کۆمیسیۆنی ھەڵبژاردن و راپرسیی لە ھەرێمی کوردستان لە لێدوانێکدا بە (کوردستان24)ی راگەیاندووە، کە ئەوان بۆ هەڵبژاردنی پەرلەمان، ئەنجومەنی پاریزگاکان و ئەنجامدانی ریفراندۆمی سەربەخۆیی کوردستان ”بە ھیچ شێوەیەک“ سیستەمی بایۆمەتری بەکارناهێنن.}

^{ھەندرێن محەمەد هەروەها ئاماژەی بەوەکردووە، کە ”ئێمە وەک ھەرێمی کوردستان“ ئەگەر بیر لە بەکارھێنانی تەکنۆلۆژیا بکەنەوە ”ئێستا پڕۆژەی ئاسانتر لە کارتی ئەلیکترۆنی ھەن" و بەکاریان دەهێنن.}

^{سەرۆکی کۆمیسیۆنی ھەڵبژاردن و راپرسیی لە ھەرێمی کوردستان هەروەها رایگەیاندووە، کە سیستەمی بایۆمەتریتایبەتە بە هەڵبژاردنەکانی عێراق و ”ئێمەش پرۆژەی بەغدا بەکارناهێنین“.}

^{کۆمیسیۆنی ھەڵبژاردن و راپرسیی لە ھەرێمی کوردستان بەپێی یاسای ژمارە 4ـی ساڵی 2014 لە پەرلەمانی کوردستان، دامەزراوە و بەپێی یاسا، دەسەڵاتی هەیە سیستەمی بایۆمەتری یان هەر شێوازێکی دیکەی هەڵبژاردن هەڵبژێرێت یاخود رەتیبکاتەوە.}
^23/2/2016

دوای هەشت ساڵ دۆسیەی ئۆجەلان لە دادگای ئەسینا دەکرێتەوە

^{یەکەم دانیشتنی دادگا لەسەر پرسی دەستگیرکردنی ئۆجالان لە دادگای ئیدارەی پلە یەک لە ئەسینا بەڕێوەچوو کە دادگا بڕیاری دا لە ماوەی سێ مانگ بۆ ساڵێک دۆسییەکە بە ئەنجامی کۆتایی بگات.}

^{یانیس راهیتۆس پارێزەری ئۆجالان، پاش دانیشتنی دادگا، ئاماژەی بەوە دا کە دوای هەشت ساڵ دۆسیەکە کراوەتەوە و چاوەڕێ دەکەن ئەنجامێکی ئەرێنی هەبێت.}

^{پارێزەرێکی تری ئۆجالان بەناوی ئەبرو گونای رایگەیاند کە سەرەڕای ئەو مانگرتنەی لەو وڵاتە بەڕێوە دەچێت رێگە بە دادگاییەکە دراوە و بەو بۆنەیەوە سوپاسی ژووری پارێزەران و هاوپیشەکانی خۆی کرد.}

^{ئۆجالان لە ساڵی ٢٠٠٨دا بەتۆمەتی مامەڵەی نایاسایی لەگەڵیدا و پێشێلکردنی بنەماکانی مافی مرۆڤ، لە رێی پارێزەرەکانیەوە سکاڵای لەسەر حکوومەتی یۆنانی تۆمار کردبوو. ناوبراو داوای قەرەبووی لەو وڵاتە بەبڕی ٢٠ هەزار و ١٠٠ ئیورۆ کردبوو.}
^23/2/2016

سنە.. یەکەم وەرزنامەی توێژینەوەی ئەدەبی کوردی بڵاو کرایەوە

یەکەمین وەزنامەی توێژینەوەی ئەدەبی کوردی لە زانکۆ کورستان لە شاری سنە بڵاو کرایەوە.

بە ڕاپۆرتی ئاژانسی مێهر، یەکەمین وەزنامەی توێژینەوەی ئەدەبی کوردی لەلایەن "ناوەندی کوردناسیی زانکۆ کوردستان لە سنە بڵاو کراوەتەوە.

لە پێشەکیی ناساندنی ئەم وەرزنامەیەدا هاتووە کە ئەمە یەکەمین وەزنامەی توێژینەوەیی ئەدەبی کوردییە کەلە ئاستێکی زانکۆیی و بە ستانداردی زانکۆکانی جیهانەوە دەردێت و سەرجەم وتار و بابەتەکانی دەبێت پڕەنسیب و ستانداری زانکۆیی تێیاندا ڕچاو کرابێت.

ناوەندی کوردناسیی زانکۆی کوردستان لە سنە بڕیاری داوە تاکوو بۆ یەکەمین جار ئەم وەزنامە زانستییە بە ئاستی ستانداردە جیهانییەکان بگەیەنێت. واتە لە یەکەم مەرجدا وەرزنامەکە دەبێ پلەی وەزنامەیەکی توێژینەوەی لە وەزارەتی باڵای خوێندنی ئێران وەربگرێت و دواجار دەتوانێت خۆی بۆ ستانداردی "ئای ئێس سی" بەربژار بکات کە ستانداردی زانستیی وڵاتانی ئیسلامییە و دوای دوو ساڵی دیکە دەتوانێت خۆی لە ئای ئێس سی-یەوە بۆ ستانداری "ئای ئێف" بەربژێر بکات کە باڵاترین پلەی گۆڤار و وەرزنامە زانستییەکانی جیهانە و گەر بەم پلەیە بگات دەبێتە یەکەمین وەرزنامەی توێژینەوەی زانستی بە زمانی کوردی کە وتارەکانی بۆ کاروباری زانستی لە جیهاندا وەک سەرچاوە بەکار دەبرێن."

لە یەکەم ژمارەی ئەم گۆڤارەدا ئەم وتارانە لە چاپ دراون:

بەراوردکاری لە نێوان ئەدەبی کوردی و فارسی دوکتور ئەسعەد شێخ ئەحمەدی بەراوردکاری ڕەنگدانەوەی کەسایەتیی کورد لە ڕۆمانە فارسییەکان، دوکتور عرفان ڕەجەبی بەراوردکاری گوڵستانی سەعدی لەگەڵ نەسری ئاهەنگینی عەرەبی دوکتور ڕەحیم کۆشش بەرپرسیارەتی نووسەر، دکتۆر عەبدوڵڵا تلوعی و تاهیرە لاوژە نالی و سوود بردن لە مەتەڵەکان، دکتۆر جەماڵ ئەحمەدی و کەژاڵ فەداکار بەیت لە ئەدەبی کوردیدا، دکتۆر حسەین میکائیلی بیرۆکە کوردییەکان لە نەزامی خەمسەییدا، سیاوەش مۆرشدی لێکدانەوەی بەراورد کارانەی زاتی لە شێعری نالی، پێشەوا ئیبراهیمی
هەروەها مامۆستایان دکتۆر نەجمەدین جەباری، دکتۆر غوڵامحوسێن کەریمی‌دۆستان، دکتۆر بەختیار سەجادی، دوکتور یادگار کەریمی، دکتۆر سەید ئەحمەد پارسا و دکتۆر ئۆمێد قادرزادە و چەندین کەسایەتیی دیکەی کوردی رۆژهەڵات لە بەڕێوەبردنی ئەم وەرزنامە بەشدارن.
22/2/2016

حدكا: بایكۆتكردنی هەڵبژاردنی ئێران باشترین رێكارە

^{بڕیارە رۆژی هەینیی داهاتوو (26 ـ 2 ـ 2016) دەیەمین خولی هەڵبژاردنی پەرلەمانی ئێران بەڕێوە بچێت، لە بەرەبەری بەڕێچوەچوونی ئەم پرۆسەیەدا سەرەڕای ساردوسڕی دۆخی هەڵبژاردن لە كوردستانی رۆژهەڵات، زیاتر لە چل بەربژێر لە پێشبڕكێی هەڵبژاردن كشاونەتەوە.}

^{ئەندامێكی مەكتەبی سیاسیی حزبی دیموكراتی كوردستانی ئێرانی پێی وایە یەكێك لە هۆكارەكانی كشانەوەی ئەو كەسانە لەسەر داوای خودی حكوومەتە بە قازانجی بەربژێرەكانی باڵی بناژۆخواز.}

^{"تەیموور مستەفایی" ئەندامی مەكتەبی سیاسیی حدكا لە لێدوانێكدا بۆ ئاژانسی باسنیوز گوتی: "بەڕای من ئەم كشانەوانە بۆ سێ‌ هۆ دەگەڕێتەوە، یەكەمیان ئەوەیە كە خودی حكوومەت زەختی بۆ هەندێكیان هێناوە كە بكشێنەوە، چونكە مانەوەیان بە قازانجی نییە، چونكە كۆمەڵێكی بەرچاو لە باڵی بناژۆخواز لە شارە جیاجیاكان خۆیان كاندید كردووە و ئەمەش دەنگەكانیان دابەش دەكات، بۆیە دەكشێنەوە، چونكە ئەوان كاندیدی پەسەندكراوی خۆیان هەیە و دەیانەوەی ئەوان دەنگ بهێننەوە."}

^{تەیموو مستەفایی ئاماژەی بەوەش كرد :"ئێمە وەك پارتە كوردییەكان بە شێوەی ناڕاستەوخۆ داوامان لە كۆمەڵێك لە بەربژێرەكان كردووە كە بكشێنەوە و ئەمەش كاریگەریی خۆی هەبووە و هۆكاری سێیەمش بۆ ئەوە دەگەڕێتەوە كە پێیان وایە شانسی سەركەوتنیان نییە، بۆیە كشاونەتەوە."}

^{لەبارەی دۆخی ئەم خولەی هەڵبژاردن بە بەراورد لەگەڵ خولەكانی پێشوو ئەو ئەندامەی مەكتەبی سیاسیی حدكا ئەوەشی بۆ باسنیو ئاشكرا كرد "گومانی تێدا نییە كە كۆمەڵێك خەڵك هەر فریوی فێڵەكانی رژێم دەخۆن، بۆ وێنە لەو شارانەی دوو زاراوەیی و دوو نەتەوەییە پرسی زاراوە و مەزهەب و عەشیرەگەریی زەق دەكاتەوە و ئەمەش كەشوهەوای هەڵبژاردن گەرمتر دەكات"د."}

^{لە درێژەدا گوتیشی "بەپێی ئەو هەواڵ و زانیارییانەی بە ئێمە گەیشتوون فەزای ئەمجارەی هەڵبژاردن لە كوردستان زۆر ساردە و ئەگەری بەشداریی خەڵك لە جارەكانی پێشوو زۆر كەمترە و ئێمە چاوەڕێ‌ دەكەین لەگەڵ جارەكانی پێشوو جاوازیی دەبێت."}

^{لەبارەی هەڵوێستی پارت و حزبە كوردییەكانی رۆژهەڵات رایگەیاند: "ئێمە وەك حدكا وەك خولەكانی پێشوو هەڵبژاردنمان بایكۆت كردووە و لایەنەكانی كۆمەڵەش هەڵوێستی بایكۆتیان گرتووەتەوە پێش، بەڵام تەنیا لایەنێك كە هەڵوێستی جیایان هەبووە و بە جۆرێك داوایان لە خەڵك كردووە بەشدار بن، هاوڕێیانی پێشووی ئێمە (حیزبی دیموكراتی كوردستان)ن كە بە بەڕای من ئەمە لێكدانەوەیەكی هەڵەیە، چونكە تەنانەت لایەنەكانی ناوخۆی حكوومەتیش پێیان وایە هەڵبژاردن سەركەوتوو نابێ‌ و نادیموكراتیكە و تەنانەت بەرەی یەكگرتووی كوردیش هەڵوێستیان هەبووە و ئامادە نەبوون پشتگیری لە هیچ بەربژێرێك بكەن، كەچی ئەمان بە دەرفەتی دەزانن كە ئەمە لە جێگەی خۆیدا نییە و پێم وایە بایكۆت كردن باشترین رێكارە."}

^{گوتیشی: "تەنانەت زۆربەی ریفۆرمخوازان كە هەموو ئامانج و خەمیان مانەوەی حكوومەتە، ئێستا بوونەتە دوو بەشەوە و لە بەشداری و بایكۆتكردن دوودڵن و بەشێكی دیكەشیان هەر بەڕاستی بەشداری هەڵبژاردن نابن."}
^22/2/2016

ویلایه‌تی: به‌هاوكاری ڕووسیا ده‌ست له‌یه‌مه‌ن وه‌رده‌ده‌ین

^{"عه‌لی ئه‌كبه‌ر ویلایه‌تی" ڕاوێژكاری ڕابه‌ری باڵای شۆڕشی ئیسلامی ئێران، جه‌ختی له‌وه‌ كرده‌وه‌ كه‌ئێران به‌هاوكاری}

^{ڕووسیا، ده‌ست له‌كاروباری یه‌مه‌ن وه‌رده‌دات.}

^{ویلایه‌تی له‌ لێدوان بۆ ئاژانسی"یانه‌ی ڕۆژنامه‌نووسانی ئێران" سه‌ربه‌ ده‌سته‌ی ڕادیۆ وته‌له‌فزیۆنی ئێرانی، گوتی: " ئاڵوگۆڕێكی بێ پێشینه‌ له‌هه‌ماهه‌نگی نێوان ئێران و ڕووسیادا هاتۆته‌ كایه‌وه‌، ئێمه‌ لێناگه‌ڕێین ئه‌وه‌ ته‌نها له‌سوریادا كورت بێته‌وه‌. به‌ڵكو ئه‌و هه‌ماهه‌نگییه‌ سه‌رباری عێراق و لوبنان، ده‌بێت بگاته‌ یه‌مه‌ن".}

^{ویلایه‌تی جه‌ختی كرده‌وه‌ له‌وه‌ی كه‌ ئێران هاوكاری و پشتیوانی بۆردوومانه‌كانی ڕووسیا ده‌كات كه‌بۆ به‌رگری كردن له‌ ئه‌سه‌د ئه‌نجامیان ده‌دات.}

^{ئه‌و به‌رپرسه‌ باڵایه‌ گوتی: " هه‌ماهه‌نگی هه‌یه‌ له‌نێوان هێزه‌كانی ئه‌سه‌د و هێزه‌ میللییه‌كان به‌سه‌رۆكایه‌تی قاسم سلێمانیدا، له‌گه‌ڵ هێزه‌ ئاسمانییه‌كانی ڕووسیادا. ئه‌گه‌ر ئه‌و هه‌ماهه‌نگییه‌ نه‌بوایه‌، سه‌ركه‌وتنه‌كان مسۆگه‌ر نه‌ده‌كران".}
^22/2/2016

ڕاوێژكارێكی ئه‌سه‌د: یه‌په‌گه‌ به‌شێكه‌ له‌ سوپای سووریا

^{(بوسه‌ینه‌ شه‌عبان) راوێژكاری سیاسیی (به‌شار ئه‌سه‌د) ددانی نا به‌وه‌دا كه‌ هاوكاری و هه‌ماهه‌نگی له‌ نێوان یه‌كینه‌كانی پاراستنی گه‌ل (یه‌په‌گه‌) و سوپای سووریادا هه‌یه‌؛ جه‌ختیشی كرده‌وه‌، ڕژێمی سووریا هیچ كێشه‌یه‌كی له‌گه‌ڵ پێشڕه‌وییه‌كانی یه‌په‌گه‌دا نییه‌.}

^{(بوسه‌ینه‌ شه‌عبان) له‌و دیمانه‌یه‌یدا كه‌ دوێنێ كه‌ناڵی ڕووسیا ئه‌لیه‌وم له‌گه‌ڵیدا سازی داوه‌، باوه‌ری وایه‌ كه‌، ئه‌ندامانی پارتی یه‌كێتیی دیموكراتی(په‌یه‌ده‌) و باله‌ سه‌ربازییه‌كه‌ی(یه‌په‌گه‌)، سووریایین و به‌ هه‌ماهه‌نگی له‌گه‌ڵ سوپای سووریا و هاوكاریی فڕۆكه‌ جه‌نگییه‌كانی ڕووسیا و هێزه‌كانی به‌رگریی گه‌ل، له‌پێناو ئازادكردنی خاكی سووریادا ده‌جه‌نگن.}
^{ئاماژه‌یشی دا، ڕژێمی سووریا هیچ كێشه‌یه‌كی له‌گه‌ڵ ئه‌م پرسه‌دا نییه‌ و گرینگ ئه‌وه‌یه‌ یه‌كیه‌تیی خاكی سووریا و یه‌كیه‌تیی گه‌ل پارێزراو بێ.}

^{ئه‌و ڕاوێژكاره‌ی سه‌رۆكی سووریا هه‌روه‌ها ده‌ڵێ، ئه‌وانه‌ی له‌پاڵ سوپادا ده‌جه‌نگن ته‌نیا كورد نین، به‌ڵكو عاره‌ب، سریان و هۆزه‌كانی به‌رگریی گه‌ل و كۆی پێكهاته‌كانی سووریا تێیدا به‌شدارن و، دژ به‌ تیرۆر وه‌ستاونه‌ته‌وه‌.}

^{له‌ دوو سێ رۆژی رابردوودا، یه‌په‌گه‌ هێرشی كرده‌ سه‌ر چه‌ند گوندێكی باشوور و باشووری شاری ئیعزاز كه‌ دیارترینیان گوندی مێنگ بوو، هه‌روه‌ها فڕگه‌یه‌كیشی به‌هه‌مان ناو كۆنترۆڵ كرد؛ ئه‌مه‌ جیا له‌وه‌ی ده‌ستی به‌سه‌ر چه‌ند به‌شێكی فراوانی شاری ته‌ل ڕه‌فعه‌تدا گرت.}

^{یه‌په‌گه‌ به‌م دواییه‌یش هێرشی كرده‌ سه‌ر چه‌ند یه‌كینه‌یه‌كی ئۆپۆزسیۆنی سووریا له‌ شاری حه‌له‌ب، كه‌ به‌ هۆی هێرشی سوپای ڕیێمه‌وه‌ له‌ژێر گه‌مارۆیێكی تووندا بوو، مه‌به‌ستیش لێی ڕێگرتن بوو له‌ ته‌نیا رێگه‌ی كۆمه‌كی ئۆپۆزسیۆن له‌ به‌ری باكووری شاره‌كه‌.}
^22/2/2016

ئەسەد بەمەرجێک ئامادەیە بۆ وەستاندنی شەڕ

^{سەرۆکی رژێمی سوریا ئامادەیی دەربڕی بۆ وەستاندنی شەڕ لەگەڵ هێز و گرووپەکانی ئۆپۆزیسیۆنی وڵاتەکەی، بەڵام مەرجێکی هەیە.}

^{”بەشار ئەسەد“، سەرۆکی رژێمی سوریا لە چاوپێکەوتنی رۆژنامەیەکی ئیسپانیدا رایگەیاندووە، کە راگەیاندنی ئاگربەست ”پێویستە“ رێگا لە وڵاتان (بە تایبەت تورکیا)ش بگرێ ”لە ناردنی زیاتری تیرۆریستان“ و چەک و تەقەمەنی بۆیان.}

^{بەشار ئەسەد ئاماژەی بەوەشکردووە، کە کە رایگەیاندووە ئامادەن ئاگربەست رابگەیەنن، بەو مەرجەی ”تیرۆریستەکان ئەو ئاگربەستە بەکارنەهێنن بۆ بەهێزکردنی پێگەکانیان و خۆڕێکخستنیانەوە“.}

^{لە مانگی ئاداری 2011ـەوە شەڕی ناوخۆیی سوریا لەنێوان گرووپەکانی ئۆپۆزیسیۆن و رژێمی ئەو وڵاتە دروستبووە، کە وێڕای کوژرانی زیاتر لە 300 هەزار هاووڵاتی، بووەتە هۆی ئاوارەبوونی نزیکەی پێنج ملیۆن هاووڵاتیی دیکە بۆ وڵاتانی دراوسێ و رۆژئاوای ئەوروپا بوون.}
^21/2/2016

فراکسیۆنی پارتی: ئەگەر بەغدا لە درووستکردنی کێشە بەردەوام بێت ڕیفراندۆم ئەنجام دەدرێت

^{فراکسیۆنی پارتی دیموکراتی کوردستان داوا دەکات، هێز و لایەنەکان لە ئاساییکردنەوەی دۆخی سیاسیی کوردستان پەلە بکەن و لە چاکسازییەکانیشدا هیچ سێکتەر و مەلەفێک وەلا نەنرێت.}

^{ئەمڕۆ یەکشەممە 21\2\2016، فراکسیۆنی پارتی دیموکراتی کوردستان لە پەرلەمانی کوردستان، ڕاگەیاندراوێکی بڵاو کردەوە کە وێنەیەکی بۆ (باسنیوز) نێردراوە و تێیدا ڕایگەیاندووە، پرۆسەی چاکسازی پێویستی بە زەمینەی سیاسیی گونجاو هەیە، بۆیە هیوای خواستووە هێز و لایەنە سیاسیەکان پەلە بکەن لە ئاسایی کردنەوەی دۆخی سیاسیی هەرێمی کوردستان. داواش کراوە: ”پرۆسەی چاکسازی گشتگیر بێت و هیچ مەلەف و سێکتەرێک وەلا نەنرێت“.}

^{لە بەشێکی دیکەی ڕاگەیاندراوەکەدا ئەوە ئاماژەی پێ دراوە کە تەگەرە و گرفت درووستکردن بۆ هەرێمی کوردستان لە لایەن حکوومەتی عێراقەوە بەردەوامی هەیە، پێویست دەکات هەمووان لە پێناو پارێزگاریکردن لە دەستکەوتەکانی ڕابردوو و بە دەست هێنانی دەستکەوتی گەورەتر بۆ ئایندە، کات لە بارە بۆ گەڕانەوە بۆ ڕای گەل و ئەنجامدانی ڕاپرسی لە سەر مافی چارەنووس، ئەمەش پرۆسەیەکی نیشتمانییە. جەختیش لەوە کراوەتەوە: “لە هەر هەنگاوێکی چآکسازی و کەمکردنەوەی خەرجی و زیادکردنی داهات، پێویستە ژیانی خەڵکی هەژار و کەمدەرامەت و مووچەخۆری کوردستان ئامانجی سەرەکی بێت و هەموو هەوڵێك بخرێتە گەڕ، بۆ باشکردنی گوزەرانی هاووڵاتییان”.}

^{ئەمەش دەقی ڕاگەیاندراوەکەیە:}

^{ڕاگەیاندراوی کٶبونەوەی فراکسیونی پارتی دیموکراتی کوردستان لە پەرلەمانی کوردستان}
^{ئەمڕۆ ٢١ شوباتی ٢٠١٦ فراکسیٶنی پارتی دیموکراتی کوردستان لە مەڕ ھەڵسەنگاندی دٶخی ھەرێمی کوردستان و پێشھاتەکان کوبووە.}
^{لە کوبونەوەکە دا جەخت کرایەوە لە سەر ئەوەی کە، ھەرێمی کوردستان بە قوناغێکی زور ھەستیار تێپەر دەبێت و قەیرانێکی قوڵی دارایی ھەرێمەکەمانی گرتٶتەوە، لە سەر ئەو بنەمایە ئەنجامدانی پرٶسەی چاکسازی ئەمرو لە ھەموو کات زیاتر پێویستە و دەبێ ھەموو ھەوڵەکانمان یەکخەین لە پێناو گەلی کوردستان و دەرچون لەم قەیرانە.}
^{ئێمە وەک فراکسیونی پارتی دیموکراتی کوردستان پاڵپشتی تەواوی خومان بٶ تەواوی بەرنامەی چاکسازی جەنابی سەرٶک بارزانی دەدەبرین، ھەروەھا پشتیوانی ھەنگاوەکانی چاکسازی حکومەتی ھەرێم دەکەین و ھیواخوازین ھەموو لایەک دوور لە ململانێی سیاسی و حزبی شان بدەینە بەر بەرپرسیاریەتی ئەم دٶخە سەختە و بە یەکەوە نەخشە رێگای دەرچوون و گەیشتن بە کەناری ئارام دابرێژینەوە، ھەر لێرەوەش داواکارین لە پروسەی چآکسازی و بەرێوەبردنی قەیرانی دارای و پروسەی سیاسی لە ھەرێمی کوردستان ئەم خالانەی خوارەوە لە بەرچآو بگیرێت.}
^{• پرٶسەی چاکسازی پێویستی بە زەمینەی سیاسی گونجاو ھەیە، بٶیە ھیواخوازین ھێز و لایەنە سیاسیەکان پەلە بکەن لە ئاسایی کردنەوەی دٶخی سیاسی ھەرێمی کوردستان}
^{• پروسەی چآکسازی گشتگیر بێت و ھێچ سەکتەر و مەلەفێک وەلانەنرێت.}
^{• گٶرانکاریەکانی ناوچەکە و ئەگەر و پێشھاتەکان پێمان دەلێ دەرفەتی زێرین سەرەرایی بارگرانی و گوزەرانی خەلکی کوردستان لە بەر دەمانە و پێویست دەکات ھەموو ھێز و لایەنە سیاسیەکان لە پێناو تەحقیق کردنی ئامانجە نشتیمانیەکانمان و چارەسەری قەیرانی دارای و سەرکەوتنی پێشمەرگەی کوردستان بە سەر تێروریستانی داعش و بەرژەوەندیە بالاکانی گەل رێزەکانمان رێکبخەین و بە تێروانینەکی نشتیمانی و نەتەوەیانە لە مەر پرسەکان ھەنگاو بھاوێژین.}
^{• تەگەرە و گرفت دروست کردن بو ھەرێمی کوردستان لە لایەن حکومەتی ئێراق بەردەوامی ھەیە، پێویست دەکات ھەمومان لە پێناو پارێزگاریکردن لە دەستکەوتەکانی رابردوو و دەستھینانی دەستکەوتی گەورەتر بو ئایندە، پێمان وایە کات لە بارە بو گەڕانەوە بٶ ڕایی گەل و راپرسی ئەنجامدان لە سەر مافی چارەنووس، ئەمەش پروسەیەکی نشتیمانی یە و دەخوازێت کٶکەرەوەمان بێت و دور بیت لە بەرژەوەندی حزبی و بەحزبی کردنی.}
^{• لە ھەر ھەنگاوەکی چآکسازی و کەمکردنەوەی خەرجی و زیاد کردنی داھات پێویستە ژیانێ خەڵکی ھەژار و کەمدەرامەت و موچەخٶری کوردستان ئامانجی سەرەکی بێت و ھەموو ھەولێک بخرێتە گەر بٶ باش کردنی گوزەرانی ھاولاتیان.}
^{لە کٶتاییدا رێز و سوپاسی فراکسیونی پارتی بو خٶراگری خەڵکی کوردستان دەردەبرین و دڵنیایین ئەم قٶناغە سەختەش بە سەرکەوتووی تێدەپەرێنین.}
^{سڵاو لە خٶراگری پێشمەرگە قارەمانەکانمان، سەری رێز و نەوازش بو شەھیدانی کوردستان دادەنەوێنین.}
^{فراکسیٶنی پارتی دیموکراتی کوردستان لە پەرلەمانی کوردستان}
^21/2/2016

سه‌رۆكی ئیكوادۆر: نرخی به‌رمیلێك نه‌وت ده‌گاته‌ 200 دۆلار

"ڕافائیل كوریا" سه‌رۆككۆماری ئیكوادۆر، پێشبینی ده‌كات نرخی یه‌ك به‌رمیل نه‌وت بگاته‌ 200 دۆلار.

ڕافائیل له‌ چاوپێكه‌وتنێكدا له‌گه‌ڵ ڕۆژنامه‌ی"پۆلیڤار"دا ده‌ڵێت: " ڕاوه‌ستاندنی وه‌به‌رهێنان له‌پیشه‌سازی نه‌وتدا، وه‌ستاندنی كاری بیرهه‌ڵكه‌نه‌ گه‌وره‌كان له‌ ئه‌مریكا، به‌هۆی دابه‌زینی نرخی نه‌وته‌وه‌، هه‌موو ئه‌وانه‌ ده‌بنه‌ هۆی به‌رزبوونه‌وه‌ی نرخی به‌رمیلێك نه‌وت بۆ 200 دۆلار".

سه‌رۆكی ئیكوادۆر پێشوازی كرد له‌ دانوستانه‌كانی سعودیه‌و ڕووسیا له‌باره‌ی نه‌وته‌وه‌. له‌وباره‌یه‌وه‌ ده‌ڵێت: " دانیشتنی سعودیه‌و ڕووسیا له‌سه‌ر مێزی دانوستان ئاماژه‌یه‌كی پۆزه‌تیڤه‌".

گوتیشی: " ئیكوادۆر پشتیوانی ده‌كات له‌ ده‌ستپێشخه‌ریی ڕێكخراوی ئۆپیك سه‌باره‌ت به‌دابه‌زاندنی ئاستی به‌رهه‌مهێنان".

له‌ماوه‌ی چه‌ند ڕۆژی ڕابردوودا، هه‌ریه‌كه‌ له‌ سعودیه‌و ڕووسیا كه‌ دوو گه‌وره‌ترین به‌رهه‌مهێنه‌ر و فرۆشیاری نه‌وتن له‌جیهاندا، له‌گه‌ڵ فه‌نزه‌ویلا و قه‌ته‌ردا، ڕێككه‌وتن له‌سه‌ر ڕاگرتنی ئاستی به‌رهه‌مهێنان له‌ئاستی مانگی كانونی دووه‌مدا.
21/2/2016

ڕاوێژکارێکی ئەسەد: بەهاوکاری پەیەدە خاکی سووریا ئازاد دەکەینەوە

^{بوسەینە شەعبان راوێژکاری سیاسی و رۆژنامەوانیی بەشار ئەسەد سەرۆکی سووریا رایگەیاند لە ئۆپەراسیۆنە سەربازییەکاندا سوپای رژێمی ئەسەد لەگەڵ پەیەدەدا هاوکاریی یەکتری دەکەن.}

^{شەعبان لە میانی لێدوانێکیدا بۆ کەناڵی (روسیا الیوم)، ئاماژەی بەوەدا کە بەهاریکاریی چەکدارانی پەیەدە، سوپای سووریا و فڕۆکە جەنگییه‌کانی رووسیا و هێزی بەرگریی نەتەوەیی، خاکی وڵات و سووریا ئازاد دەکەن.}

^{هەروەها ئاماژەی بەگرنگیی هاوکاری و یەکڕیزیی خاکی سووریا کرد.}

^{بوسه‌ینه‌ شه‌عبان باسی لەوەش کرد لە ئۆپەراسیۆنەکانیاندا تەنیا کوردیان لەگەڵ نییە، بەڵکو لەو ئۆپەراسیۆنانەدا کورد و عەرەب و ئاشووری و ئەندامی عەشیرەتەکان و یەکەکانی سووپا و هێزەکانی بەرگریی نەتەوەیی هاوشانی گەلی سووریا پێکەوە دژ بە تیرۆر دەجەنگن}
^21/2/2016

سەقز.. 15 چالاكوانی مەدەنی دەستگیر كران

^{لە بەرەبەری دەیەمین خولی هەڵبژاردنی پەرلەمانی ئێران، بەبێ ئاگاداری و لە میوانییەکدا لە شاری سەقز لەلایەن ناوەندە ئەمنییەكانی ئێرانەوە 15 چالاكوانی مەدەینی كورد دەستگیر كراون.}

^{سەرچاوەكانی هەواڵ و ناوەندەكانی مافی مرۆڤی كوردستانی رۆژهەڵات بڵاویان كردەوە "فاتیح دواندەری، سامان پاشایی، نادر مەجیدیان و بێهرووز ساحیب پیشە" لەگەڵ 10 چالاكوانی دیكە لە رێوڕەسمێكی میوانیدا بەبێ‌ هۆ دەستگیر كراون و لەگەڵ نادر مەجیدیان هەڵسوكەوتی نابەجێ‌ كراوە.}

^{بەپێی زانیارییەكان ئەو كەسانە لەلایەن ناوەندە ئەمنییەكانەوە بە شێوەی نایاسایی و بەبێ‌ حوكمی دادوەری قۆڵبەست كراون و هەندێ‌ سەرچاوە ئاماژەیان بەوە داوە كە دە كەسیان ئازاد كراون، بەڵام هێشتا 5 كەسی دیكە لە زیندان راگیراون.}

^{نادر مەجیدیان سەرنووسەری ماڵپەڕی دوو زمانی (كوردی ـ فارسی)ی داهاتوو بوو كە ماوەیەك لەمەوبەر لەلایەن ناوەندە ئەمنییەكانەوە داخرا.}

^{"سامان پاشایی"ش وەرزشوانی رشتەی زۆرانبازی و پاڵەوانی پێشووی ئاسیا و جیهان و یەكێك لە مامۆستاكانی زانكۆی ئازادی شاری سەقزە.}

^{لەلایەكی دیكەشەوە چوار گەنجی چالاكوانی مەدەنیی خەڵكی شارەدەیی "مووژژ"ی سەر بە شاری كامیان كە ماوەی 65 رۆژە بەبێ‌ هۆ لەلایەن ناوەندە ئەمنییەكانەوە دەستگیر كراون هەتا ئێستا چارەنوسیان ناڕوونە}
^20/2/2016

هه‌ڵۆكانی ئازادی كوردستان به‌رپرسیارێتی خۆی له‌ته‌قینه‌وه‌كه‌ی ئه‌نقه‌ره‌ ڕاگه‌یاند

له‌هه‌واڵێكی به‌په‌له‌دا كه‌ ئاژانسی"ڕۆیته‌رز" به‌سه‌ر میدیاكاندا دابه‌شی كردووه‌، باس له‌وه‌ كراوه‌ كه‌ گرووپێكی كوردی ئۆباڵی ته‌قینه‌وه‌كه‌ی دوێنێی ئه‌نقه‌ره‌ی له‌ئه‌ستۆگرت.

به‌گوێره‌ی هه‌واڵه‌، گرووپێك به‌ناوی" هه‌ڵۆكانی ئازادی كوردستان" به‌شێوه‌یه‌كی فه‌رمی به‌رپرسیارێتی خۆی له‌ته‌قینه‌وه‌كه‌ی دوێنێی ئه‌نقه‌ره‌ ڕاگه‌یاندووه‌، به‌ڵام هیچ ورده‌كارییه‌كی زیاتر له‌سه‌ر ئه‌و ڕاگه‌یه‌نراوه‌ ئاشكرا نه‌كراوه‌.

هاوكات ئاماژه‌ش به‌وه‌ دراوه‌ كه‌"هه‌ڵۆكانی ئازادی كوردستان" به‌رده‌وام ده‌بێت له‌سه‌ر ئه‌نجامدانی هێرش و په‌لاماری هاوشێوه‌ بۆسه‌ر به‌رژه‌وه‌ندییه‌كانی توركیا.

دوێنی له‌به‌رده‌م فه‌رمانده‌یی هێزی وشكانی سوپای توركیادا، ته‌قینه‌وه‌یه‌ك ڕوویدا و له‌ئه‌نجامدا پتر له نزیكه‌ی 100 كه‌س كوژراوو برینداری لێكه‌وته‌وه‌.

له‌یه‌كه‌م كاردانه‌وه‌شدا به‌رپرسانی توركیا یه‌كینه‌كانی پاراستنی گه‌لیان به‌ئه‌نجامدانی ته‌قینه‌وه‌كه‌ تۆمه‌تباركرد، ئه‌مریكاش ڕاگه‌یاند كه‌ هێشتا نازانن كێ ئه‌نجامده‌ری ته‌قینه‌وه‌كه‌یه‌.

19/2/2016

ئیسته‌نبۆڵ ده‌كه‌وێته‌ ئاماده‌باشییه‌وه‌

^{دوای ئه‌وه‌ی دوێنێ له‌ هه‌ردوو شاری ئه‌نكه‌را و ئامه‌د له‌ 2 ته‌قینه‌وه‌ی جیاوازدا 53 كه‌س كوژران و 61ی دیكه‌ش بریندار بوون، ئەمڕۆ شاری ئیسته‌نبۆڵ كه‌وته‌ ئاماده‌باشییه‌وه‌، والی ئه‌و شاره‌ ده‌ڵێ بۆ ئه‌وه‌ی سیناریۆی ئه‌نكه‌را دووباره‌ نه‌بێته‌وه‌ نایه‌ڵین چۆله‌كه‌یه‌كیش به‌ نایاسایی به‌ ئاسماندا بفڕێت.}

^{ڤاسیب شاهین والی ئیسته‌نبۆڵ له‌ نووسینێكدا بڵاوی كردووه‌ته‌وه‌ ئیسته‌نبۆڵ ئاماده‌باشی كردووه‌ بۆ ئه‌وه‌ی تیرۆریستان نه‌توانن ته‌قینه‌وه‌ ئه‌نجام بده‌ن، چونكه‌ پێشتر زانیارییان بۆ هاتووه‌ كه‌ تیرۆریستان ده‌یانه‌وێت له‌ ئیسته‌نبۆڵیش ته‌قینه‌وه‌ بکەن.}

^{هەروەها ده‌ڵێ ئیسته‌نبۆڵ نه‌ك ته‌نیا بۆ توركیا به‌ڵكو بۆ هه‌موو جیهان گرنگه‌، بۆیه‌ نایه‌ڵین به‌ هیچ شێوه‌یه‌ك تیرۆریستان ده‌ستیان بگاته‌ خوێنی هاووڵاتیان.}

^{هه‌روه‌ها باسی له‌وه‌ش كرد تیرۆریستان ده‌یانه‌وێ خه‌ڵكی ئیسته‌نبۆڵ بترسێنن و له‌ دڵه‌ڕاوكێدا بن، به‌ڵام ده‌بێ هاووڵاتیان پاڵپشتی حكوومه‌ت بكه‌ن بۆ ئه‌وه‌ی تیرۆریستان نه‌گه‌نه‌ ئامانجی خۆیان.}

^{به‌گوێره‌ی زانیارییه‌كان ئیسته‌نبۆڵ له‌ژێر كۆنتڕۆڵی ئه‌منی زۆر تونده‌ و گومانیان له‌ هه‌ر كه‌سێك هه‌بێت بۆ لێكۆڵینه‌وه‌ی ده‌به‌ن.}
^19/2/2016

ئەنکەرا تووشی شەرمەزارییەکی گەورە دەبێت

^{له‌ دوای ته‌قینه‌وه‌كه‌ی ئه‌نكه‌را كه‌ بووه‌ هۆی كوژرانی 28 كه‌س، حكوومه‌تی توركیا له‌سه‌ر زاری سه‌رۆك كۆمار و سه‌رۆك وه‌زیران، یه‌كینه‌كانی پاراستنی گه‌ل (یه‌په‌گه‌)یان تۆمه‌تبار كرد، ئاماژه‌یان دا كه‌ ده‌ستی ئه‌وانی تێدایه‌. به‌ڵام لە دوای چه‌ند سه‌عاتێك له‌و لێدوانانه‌ رێكخراوی TAK (هه‌ڵۆكانی ئازادی كوردستان) ته‌قینه‌وه‌كه‌یان گرته‌ ئه‌ستۆ. به‌ڵام ئاكپارتی و حكوومه‌تی توركیا هێشتا داكۆكی ده‌كه‌ن له‌وه‌ی یه‌په‌گه‌ ئه‌و كرده‌وه‌ تیرۆرستییه‌ی ئه‌نجام داوه‌ و شەرمەزارییەکەی خۆیان دەشارنەوە.}

^{كاتێك رێكخراوی TAK ته‌قینه‌وه‌كه‌ی گرته‌ ئه‌ستۆ، چه‌ند میدیایه‌كی توركیا وه‌كو رۆژنامه‌ی (حوریه‌ت و سۆزجو و سۆل) پرسیاریان له‌ ئه‌ردۆگان كرد، كه‌ ئێستە چ وه‌ڵامێكی هه‌یه‌ بۆ ئه‌مه‌ریكا، دوای ئه‌وه‌ی ئه‌نجامده‌ری كرده‌وه‌ تیرۆرستییه‌كه‌ی ئه‌نكه‌را ده‌ستی یه‌په‌گه‌ی له‌گه‌ڵدا نه‌بوو؟ کەچی ئه‌ردۆگان دوێنێ دوای ده‌رچوونی له‌ وتاری نوێژی هه‌ینی له‌ ئه‌نكه‌را، ئاماژه‌ی دا كه‌ ئێستەش ده‌یڵێته‌وه‌ یه‌په‌گه‌ كاره‌ تیرۆرستییه‌كه‌ی ئه‌نجام داوه‌.}

^{هه‌روه‌ها له‌ تۆڕه‌ كۆمه‌ڵایه‌تییه‌كانیشدا به‌شێك ره‌خنه‌ له‌ حكوومه‌تی توركیا ده‌گرن، به‌وه‌ی له‌ رووی ئه‌منییه‌وه‌ لاوازه‌ و، به‌بێ به‌ڵگه‌ یه‌په‌گه‌ی تۆمه‌تبار كردووە، به‌شێكیش پێیان وایه‌ رێكخراوی TAKیش هه‌ر به‌ فیتی یه‌په‌گه‌ كرده‌وه‌كه‌ی ئه‌نجام داوه‌.}

^{جێگری سه‌رۆك وه‌زیرانی توركیا یاڵچن ئاگدۆغان له‌ دیمانه‌یه‌كی ته‌له‌ڤزیۆنیدا ده‌ڵێ ئێستەش ئێمه‌ پێمان وایه‌ یه‌په‌گه‌ ئه‌و كرده‌وه‌یه‌ی ئه‌نجام داوه‌، چونكه‌ دوای ته‌قینه‌وه‌كه‌ كاتێك زانیان رای گشتیی توركیا تووڕه‌ بووه‌ و به‌ توندی وه‌ڵامیان ده‌ده‌نه‌وه‌، تاوانه‌كه‌یان كرده‌ ئه‌ستۆی رێكخراوی TAK.}

^{ئاكدۆغان له‌ دیمانه‌یه‌كی ته‌له‌ڤزیۆنیدا له‌گه‌ڵ كه‌ناڵی ئێن تی ڤی گوتی "كاتێك یه‌په‌گه‌ زانی رای گشتی توركیا به‌ توندی وه‌ڵامیان ده‌بێت، بۆیه‌ تاوانه‌كیان خسته‌ ئه‌ستۆی لایه‌نێكی دیكه‌.}

^{هه‌روه‌ها كاتێك حكوومه‌ت به‌ڵگه‌كانی خسته‌ به‌رده‌م هاووڵاتیان و ئاشكرابوون به‌وه‌ی كرده‌وه‌ی تیرۆریستیان ئه‌نجام داوه‌، ناچار گوتیان با بڵێین رێكخراوی TAK كردوویه‌تی كه‌ ئه‌وانیش هه‌ر سه‌ر به‌وانن و هیچ جیاوازییه‌كیان نییه‌. یه‌په‌گه‌ په‌یامێكی تیرۆریستانه‌ی بۆ توركیا نارد، جا به‌ رێگه‌ی هه‌ر لایه‌نێكه‌وه‌ بێت كێشه‌ نییه‌".}

^{ئه‌و باسی له‌وه‌ش كرد كه‌ ئه‌و كه‌سه‌ی خۆی ته‌قاندوه‌ته‌وه‌ ناسنامه‌كه‌ی له‌ لێكۆڵینه‌وه‌دایه‌، ده‌ركه‌وت كه‌ پێشتر ئه‌ندامی یه‌په‌گه‌ بووه‌، بۆیه‌ ئێمه‌ داكۆكی ده‌كه‌ین له‌وه‌ی یه‌په‌گه‌ ئه‌و كرده‌وه‌ تیرۆریستییه‌ی ئه‌نجام داوه‌.}
^20/2/2016

چاوپێکەوتن

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

فه‌رهه‌نگ‌ و هونه‌ر

فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت

جۆزف بۆرێل دەلێ: بیرت لە لێواری دارماندایە

ئەگەری هێرشی ئیرائیل بۆ سەر عێراق هەیە

خه‌باتی چه‌کداریی، ڕێبازێکی باونه‌ماو و شکستی بەردەوام

بۆچی دەسەڵاتی تورکیا دەخوازێت پرۆسەی ئاشتی دەست پێبکاتەوە؟

په‌یوه‌ندی راسته‌وخۆ

گه‌ڕان

بارزانی گەرەنتی نێودەوڵەتیی دوای شەڕی داعشی بۆ کورد وەرگرتووە

دوای هەشت ساڵ دۆسیەی ئۆجەلان لە دادگای ئەسینا دەکرێتەوە

سنە.. یەکەم وەرزنامەی توێژینەوەی ئەدەبی کوردی بڵاو کرایەوە

حدكا: بایكۆتكردنی هەڵبژاردنی ئێران باشترین رێكارە

ویلایه‌تی: به‌هاوكاری ڕووسیا ده‌ست له‌یه‌مه‌ن وه‌رده‌ده‌ین

ڕاوێژكارێكی ئه‌سه‌د: یه‌په‌گه‌ به‌شێكه‌ له‌ سوپای سووریا

ئەسەد بەمەرجێک ئامادەیە بۆ وەستاندنی شەڕ

فراکسیۆنی پارتی: ئەگەر بەغدا لە درووستکردنی کێشە بەردەوام بێت ڕیفراندۆم ئەنجام دەدرێت

سه‌رۆكی ئیكوادۆر: نرخی به‌رمیلێك نه‌وت ده‌گاته‌ 200 دۆلار

ڕاوێژکارێکی ئەسەد: بەهاوکاری پەیەدە خاکی سووریا ئازاد دەکەینەوە

سەقز.. 15 چالاكوانی مەدەنی دەستگیر كران

هه‌ڵۆكانی ئازادی كوردستان به‌رپرسیارێتی خۆی له‌ته‌قینه‌وه‌كه‌ی ئه‌نقه‌ره‌ ڕاگه‌یاند

ئیسته‌نبۆڵ ده‌كه‌وێته‌ ئاماده‌باشییه‌وه‌

ئەنکەرا تووشی شەرمەزارییەکی گەورە دەبێت

دواین هه‌واڵ

به‌رنامه‌ی کۆماریخوازان

بەیاننامە و ڕاگه‌یه‌ندراوه‌کان

بەڵگەنامەکان

WWW.KOMARIXWAZ.COM