<sup>پێشنیوەڕۆی ئەمڕۆ لە پیرمام بارزانی لەگەڵ سەرکردەی پێنج حیزبە سەرەکییەکەی باشووری کوردستان کۆبووەوە، بڕیاریشە پاشنیوەڕۆ لە هەمان شوێن لەگەڵ سەرۆكی حیزبە سیاسییەكانی دیکەش كۆببێتەوە.

عەبدوڵڵا حاجی مەحموود، كارگێڕی مەكتەبی سیاسی حیزبی سۆسیالیست دیموكراتی كوردستان بە (تۆڕی میدیایی رووداو)ی راگەیاند، بڕیارە پاشنیوەڕۆی ئەمڕۆ سەرۆكی هەرێمی كوردستان لەگەڵ سەرۆكی حیزبە سیاسییەكانی دەرەوەی حکومەتی هەرێمی كوردستان كۆببێتەوە. ئەو گوتی "سكرتێری حیزبمان كاك محەممەد حاجی مەحموود بەشداریی كۆبوونەوەكە دەكات".

ئەو باسی لەوەش كرد تەوەری كۆبوونەوەكە، ئەوەندەی بەوان گەیشتووە باسی سەردانەکەی سەرۆكی هەرێمی کوردستانە بۆ دەرەوی وڵات ‌و بارودۆخی ئێستای هەرێمی كوردستانە، بەتایبەت چۆنێتی مامەڵەكردنی هەرێمی كوردستان لەگەڵ بەغدا لەم قۆناغەدا.

ئەمڕۆ کاژێر ١١ی پێشنیوەڕۆ مەسعود بارزانی سەرپەرشتی کۆبوونەوەی پێنج حیزبەکەی بەشدار لە کابینەی هەشتەمی حکومەتی هەرێمی کوردستانی کرد، لەو کۆبوونەوەیەدا نێچیرڤان بارزانی وەک سەرۆکی حکومەتی هەرێمی کوردستان بەشدار بوو. نەوشیروان مستەفا رێکخەری گشتیی بزووتنەوەی گۆڕان و کۆسرەت رەسوڵ عەلی جێگری یەکەمی سکرتێری گشتیی یەکێتی بەشداریی کۆبوونەوەکەیان نەکرد.</sup>

^26/2/2015

^{به‌پێی توێژینه‌وه‌یه‌كی ته‌ندروستی ده‌ركه‌وتووه‌ خواردن و خواردنه‌وه‌ له‌ دره‌نگی شه‌ودا، ده‌بێته‌ هۆی ژه‌هراویبوونی جه‌سته‌ی مرۆڤ و زیانی بۆ مێشكیشی ده‌بێت.}

^{وه‌ك له‌ ماڵپه‌ڕی mbc دا هاتووه‌، به‌په‌ی توێژینه‌وه‌یه‌كی زانستی كه‌ به‌ شێوه‌یه‌كی جێبه‌جێكاری له‌سه‌ر چه‌ندین كه‌س ئه‌نجام دراوه‌، ده‌ركه‌وتووه‌؛ خواردنی خۆراك له‌ دره‌نگی شه‌ودا، ده‌بێته‌ هۆی ژه‌هراویبوونی جه‌سته‌ی مرۆڤ و زیانی بۆ مێشكیشی ده‌بێت.}

^{له‌و توێژینه‌وه‌یه‌دا هاتووه‌، مه‌ترسی ته‌نیا له‌سه‌ر ئه‌و كه‌سانه‌ نییه‌ كه‌ ژه‌مه‌ خواردنی شه‌وانیان زۆر دره‌نگه‌، به‌ڵكوو له‌سه‌ر ئه‌و كه‌سانه‌شه‌ كه‌ له‌ كاره‌كانیان به‌به‌رده‌وام شت ده‌خۆن و كاره‌كانیان شه‌وانه‌، واته‌ ئه‌و كارانه‌ی فوول تایمی هه‌یه‌، كه‌ دوای دوازده‌ی شه‌ویش تا به‌یانی هه‌ندێك كارمه‌ند پێویسته‌ كار بكه‌ن و له‌ كارگه‌كان بمێننه‌وه‌، له‌و كاته‌شدا زۆربه‌ی كات شت ده‌خۆن.}

^{دكتۆر كریستۆفه‌ر كۆلۆیل كه‌ مامۆستای وانه‌ی زانسته‌ ده‌رونییه‌كانه‌ له‌ زانكۆی كالیفۆرنیا و یه‌كێك بووه‌ له‌ ئه‌ندامانی ئه‌و توێژینه‌وه‌یه‌، ده‌ڵێت: خواردنی خۆراك به‌ شه‌وان تایبه‌ت دوای ژه‌می كۆتایی شه‌و، زیانێكی زۆری بۆ جه‌سته‌ی مرۆڤ هه‌یه‌ و زۆرجار ده‌بێته‌ هۆی ژه‌هراویبوون و زیان به‌ مێشكیشی ده‌گه‌یه‌نێت. هه‌روه‌ها ئه‌و كارمه‌ندانه‌ی دوای دوازده‌ی شه‌و پێویسته‌ كار بكه‌ن و نه‌خه‌ون و نانیش ده‌خۆن، ده‌بێ زۆر ئاگه‌داری ته‌ندروستی خۆیان بن، چونكه‌ ئه‌مه‌ خراپترین جۆری كاركردنه‌.}

^{ئێسته‌ كه‌ وه‌رزی زستانه‌ و شه‌وی درێژ و ڕۆژی كورته‌، باشتر وایه‌ زیاتر ئاگه‌داری ئه‌و خاڵه‌ بین و خۆمان له‌ خواردنی خۆراك به‌ دره‌نگی شه‌و بپارێزین، چونكه‌ زیانی بۆ جه‌سته‌مان هه‌یه‌ و ژه‌هراوی ده‌كات.}

باسنيوز  |  نازە بازیانی

^26/2/2015

<sup>لەوەتەی هوجام سورچی شەهید بووە، وێنەی چاوەکانی و تێڕامانی، بێگوێدان بەو چەقۆیەی بەسەر سەریەوە وەستابوو، لەسەر تۆڕە کۆمەڵایەتییەکان زۆر شتی لەسەر گوترا، بەڵام لە ئەمریکا وەک سەربڕینی ئەوانی دیکە باس نەکرا.

سیاسەت قوربانییەکان وەک یەک نابینێت، سەربڕینی دوو رۆژنامەنووسە ئەمریکییەکەو ژاپۆنییەکان و دواتر سووتانی فڕۆکەوانە ئوردنییەکە، لە زۆربەی وڵاتان بە فەرمی و لە رێگەی میدیاکانەوە باسکران، بەڵام هێشتا دەنگوباسی هوجام بەدڵی هاونیشتمانیانی باشووری کوردستانەوە هەڵواسراوە.

سەری هوجام لەگەڵ رێبوارەکانی ئازادی رادەربڕین و ئەو فڕۆکەوانەش کە دنیای لە مەترسی داعش رزگاردەکرد، لە شەقامەکانی واشنتن دەگەڕا، کەس هوجامەکەی کوردستانی نەدەناسی، ئێرە ئەمریکایە رێبوارە کەمدووەکان بەکەمی لەسەر شتێ دەدوێن کە هەستبکەن پەیوەندی بەوانەوە نەبێت.
 
کورد هەر وابووە بەردەوام هاوپشتی و هاوخەمی خۆی بۆ خەڵکی غەیرە کوردیش دەربڕیوە، لەکاتی سەربڕینی رۆژنامەنووسە ئەمریکییەکە جەیمس فۆڵی لەلایەن چەکدارەکانی داعشەوە چەند بۆنەیەک بەڕێوەچوو، بەڵام لە ئەمریکا و لە ئەوروپاش لەمەڕ سەربڕینی هوجام و ئەو پێشمەرگانەش کە شەهید دەکرێن بێدەنگن.

هەرچەندە کورد ئازارو کارەساتی لەوە جەرگبڕتری بەدەستەوەیە، کە بێکەسی و ستەمدیدەیی خۆی پێشانی جیهان بدات، بەڵام ئەمڕۆ هوجام باسی چیرۆکێکی دیکەی داگیرکارییە.</sup>

^25/2/2015

<sup>جۆن کیری، وەزیری دەرەوەی ویلایەتە یەکگرتووەکانی ئەمریکا رایگەیاند، رووسیا سەبارەت بە دۆخی ئۆکراینا و تێوەگلانی لە قەیرانەکان و هەروەها هاوکارییەکانی بۆ چەکدارە جوداخوازەکان تا ئێستا بەردەوام لەگەڵ ئەمریکا و هاوپەیمانەکانیدا درۆی کردووە نەیانویستووە راستی رووداوەکان باس بکەن. سەرۆکوەزیرانی بەریتانیاش دەڵێ، گەر مۆسکۆ بەردەوام بێت سزای زیاتری دەدەن.

جۆن کیری، لەکاتی بەشداریکردنی لە کۆبوونەوەیەکی ئەنجوومەنی کاروباری دەرەوەی کۆنگرێس پرسیاری ئەوەی لێکرا، کە ئایا بەرپرسانی رووسی لەماوەی رابردوودا راستیی رووداوەکانیان بۆ ئەمریکا باسکردووە، کیری لە وەڵامدا ئاماژەی بەوە کرد، کە لەکاتی کۆبوونەوەی لەگەڵ بەرپرسانی رووسیدا درۆی لەگەڵ کراوە و دۆخی ئۆکراینایان وەک خۆی باسنەکردووە، کە ئاماژەیە بۆ هاوکارییە بەردەوامەکانی رووسیا بۆ جوداخوازەکان و لەهەمانکاتدا مۆسکۆ بە نهێنی بەردەوامە لە ناردنی هاوکاری سەربازی بۆ جوداخوازەکان. 

هەروەها دەیڤید کامیرۆن، سەرۆکوەزیرانی بەریتانیا رایگەیاند، کە ئەگەر هاوکارییەکانی رووسیا بۆ جوداخوازەکانی ئۆکراینا بەردەوام بێت بۆ کۆنترۆڵکردنی ناوچەی دیکە لە رۆژهەڵاتی ئەو وڵاتە، ئەوا بەریتانیا سوورە لەسەر ئەوەی سزاکانی سەر رووسیا فراوانتر بکات، بەڵام ئامادەش نییە جگە لە کەلوپەلی سەربازی چەک رەوانەی ئۆکراینا بکات. 

لەکاتی دانیشتنی پەرلەمانی بەریتانیا رۆژی سێشممە ٢٤ی شوبات، کامیرۆن ئاماژەی بەوە کرد فراوانکردنی سزاکانی سەر رووسیا شتێکی چاوەڕوانکراوە و داوای لە ئەندامانی پەرلەمانی وڵاتەکەی کرد تاوتوێی ئەو بابەتە بکەن، "چونکە پلانەکانی  جوداخوازەکان و رووسیا فراوانکردنی ناوچەکانی ژێر دەسەڵاتی جوداخوازەکانە".

ئەم نیگەرانییانەی بەریتانیا لەکاتێکدایە کە جوداخوازەکان دوای کۆنترۆڵکردنی شاری دیبالتسیڤ خەریکی ئامادەەسازین بۆ گەمارۆدانی شاری ماریپول، کە دەبێتە دووەمین هێڵی ستراتیژی کە دەتوانێت ناوچەکانی ژێر دەسەڵاتی جوداخوازەکان ببەستێتەوە بە هەرێمی نیمچە دورگەی کریمیاوە و لەلایەکەی دیکەش بە رووسیاوە.

مۆسکۆ چەندین جار ئەو هەواڵانەی رەتکردووەتەوە کە چەکی رادەستی جوداخوازەکانی ئۆکراینا کردبێت بۆ ئەوەی لەو جەنگەدا بەکاریبهێنن، کە تا ئێستا کوژرانی زیاتر لە ٥ هەزار کەسی لێکەوتووەتەوە.

جەنگی رۆژهەڵاتی ئۆکراینا لە نیسانی ساڵی رابردووەوە دەستیپێکردووە و جوداخوازەکانیش بەردەوامن لە کۆنترۆڵکردنی ناوچەی زیاتر، ئەندامانی کۆنگرێسی ئەمریکاش داوایان لە ئیدارەی کۆشکی سپی کردووە چەک رەوانەی سوپای ئۆکراینا بکرێت، بەڵام وڵاتانی یەکێتی ئەوروپا رازینەبوون بەوەی چەکی ئەمریکی بگاتە بەرەکانی جەنگ لە ئۆکراینا.</sup>

^{٢٥/٢/٢٠١٥}

<sup>وەزیری دەرەوەی عێراق رایدەگەیەنێت، ڤیزەی گەشتکردن لە نێوان ئێران و عێراق هەڵگیرا، وەزیری دەرەوەی ئێرانیش دەڵێت، سەقامگیری عێراق واتای سەقامگیری وڵاتی ئێران دەگەیەنێت.

ئیبراهیم جەعفەری، وەزیری دەرەوەی عێراق دوای تەواوبوونی کۆبوونەوەی لەگەڵ محەممەد جەواد زەریف، وەزیری دەرەوەی ئێران لە کۆنگرەیەکی رۆژنامەوانیدا ئەمڕۆ سێشەممە 24-2-2015 رایگەیاند:" حکومەتی عێراق و ئێران رێکەوتننامەیەکی لێکتێگەیشتنیان واژۆکردووە، تایبەت بە هەڵگرتنی ڤیزەی گەشتکردن لە نێوان هەردوو وڵاتدا".

جەعفەری گوتی:" حکومەتی عێراق لە بواری ئەمنی پێشکەوتنی بەرچاوی بەخۆیەوە بینیوە لەسەر ئاستی ناوخۆی عێراق و دەرەوە".</sup>

^{لە بەرامبەردا محەممەد جەواد زەریف، وەزیری دەرەوەی ئێران دەربارەی سەقامگیری بارودۆخی ئەمنی عێراق رایگەیاند:" سەقامگیری و پێشکەوتنی عێراق مانای سەقامگیری و پێشکەوتنی ئێران دەگەیەنێت، باروودۆخی عێراقیش لە ماوەی 5 مانگی رابردوودا، گۆڕانی ئەرێنی بەخۆیەوە بینیوە".}

^{زەریفی ئاماژەی بە سەرکەوتنەکانی سوپای عێراقدا و گوتی:" عێراق لە بەرەنگاربوونەوەی چەکدارانی داعش سەرکەوتوو بووە، وەک وڵاتی ئێرانیش بەردەوام دەبین لە یارمەتیدانی عێراق بۆ رووبەڕووبوونەوەی داعش ".}

^{جەعفەری لە کۆنگرە رۆژنامەوانیەکەدا، ئەو دەنگۆیانەی رەتکردەوە، کە باس لە یارمەتیدانی چەکدارانی داعش دەکەن، لەلایەن هێزەکانی هاوپەیمانی نێودەوڵەتی بەسەرۆکایەتی ئەمریکا، هەروەها گوتیشی:" هیچ بەڵگەیەکی دیاریکراو نییە، کە بسەڵمێنێت هێزەکانی هاوپەیمانان یارمەتی و کۆمەک بۆ چەکدارانی داعش فڕێدەدەن لە ناوچەکانی باشوور و رۆژئاوا، ئەگەر ئەوەش سەڵمێندرا، وەک حکومەتی عێراق هەڵوێستمان روونە و شەرم لە هیچ وڵاتێک ناکەین".}

^{بەرەبەیانی ئەمڕۆ سێشەممە 24-2-2015 محەمەد جەواد زەریف، وەزیری دەرەوەی ئێران بەسەردانێکی فەرمی گەیشتە عێراق و بڕیاریشە چاوی بە حەیدەر عەبادی، سەرۆکوەزیرانی عێراق بکەوێت.}

^{رووداو - ئاژانسەکان}

^25/2/2015

^{لە پرۆسەیەکدا پاسەوانانی مەدەنی ئیسپانی، تۆڕێکی رێکخستن و ئامادەکردنی گەنجان بۆ نێو رێکخراوی دەوڵەتی ئیسلامی "داعش" هەڵدەوەشێننەوە.}

^{وەزارەتی ناوخۆی ئیسپانیا، ئەمڕۆ سێشەممە 24ی شوباتی 2015 لە بەیاننامەیەکدا رایگەیاند:" هێزەکانیان لە پاسەوانانی مەدەنی دوو کەسیان لە شاری بارسیلۆنا و جیرۆنا لە هەرێمی کەتەلۆنیای باکووری رۆژهەڵاتی ئیسپانیا، دوو کەسی دیکەشیان لە شاری ملیلەی ئیسپانی کە هاوسنوورە لەگەڵ باکووری ئەفریقا، دەستگیرکردوون".}

^{وەزارەتی ناوخۆی ئیسپانیا روونیدەکاتەوە، یەکێک لە گیراوەکان لەسەر تۆڕە کۆمەڵایەتییەکان ئەو ماددانەی بڵاوکردوونەتەوە، کە رەواج بۆ رێکخراوی داعش پەیدادەکەن، لەو رێگەیەشەوە نزیکەی هەزار شوێنکەوتەی بۆ خۆی پەیداکردبوو، هاوکات دەنگدانەوەیەکی گەورەشی لە ناوچەکانی ئیسپانیا پەیداکردبوو.}

^{وەزارەتی ناوخۆی ئیسپانیا، لە بەیاننامەکەدا ئاماژە بەوە دەدات "زۆربەی شوێنکەوتووانی تۆڕەکە لەسەر فەیسبووک، بە تایبەت لە وڵاتانی ئەمریکای لاتینی بوونە، هاوکات وڵاتانی دیکەی وەک بەلجیکا، فەرەنسا، پاکستان، مەغریب، سعودیە، ویلایەتە یەکگرتووەکان، تورکیا و تونس، لە شوێنکەوتووانی تۆڕەکە بوونە".}

^24/2/2015

<sup>دوای ئەوەی جەعفەر شێخ مستەفا ئەندامی مەکتەبی سیاسی یەکێتی تۆمەتی "سیخوڕیکردن" بۆ مالیکی و "پێشنیازی بڕینی بودجەی هەرێمی کوردستان"ی دایەپاڵ عادل موراد سکرتێری ئەنجوومەنی ناوەندی ئەو حیزبە، سەرۆکی لیژنەی ناوخۆ و ئاسایش لە پەرلەمانی کوردستان داوا دەکات شێخ جەعفەر بەڵگەکانی بخاتەڕوو.

ئەیوب عەبدوڵڵا، سەرۆکی لیژنەی ناوخۆ و ئاسایش لە پەرلەمانی کوردستان لە لێدوانێکدا بۆ (تۆڕی میدیایی رووداو) گوتی: "ئێمە نامانەوێت ببینە بەشێک لە کێشەکانی نێو باڵباڵێنەکانی یەکێتی، بۆ تاوەکو ئێستا سکاڵایەک لەسەر عادل موراد لەناو یەکێتی تۆمارنەکراوە، ئەو کێشانە بۆ تاوەکو ئێستا باس نەکراون، ئێمە وەک لیژنەی پەرلەمانی کوردستان نامانەوێت ببینە بەشێک لە کێشەکانی ناو یەکێتی".

سەرۆکی لیژنەی ناوخۆ و ئاسایش لە پەرلەمانی کوردستان داوادەکات بەڵگەکان بخرێنەڕوو بۆ سەلماندنی ئەو تۆمەتانە و دەڵێت: "بەپێی یاسا ئەوەی کە کەسێک تاوانبار دەکات دەبێت بەڵگەی پێبێت و دەبێت ئەو بەڵگانە بخاتەڕوو لە سەر سیخوڕ بوونی عادل موراد،  هەروەها بەپێی یاساش تۆمەتبار بێتاوانە تاوەکو بەڵگەکانی لەسەر ئاشکرا دەبێت، ئێمە ئێستا هیچ بەڵگەیەکمان لەدەست نییە، ئەوەی کاک شێخ جەعفەریش باسی دەکات ئێمە نازانین بەڵگەکانی چین و دەبێت بیخاتەڕوو ئەوکاتە ئێمە وەک لیژنەکانی پەرلەمان دەتوانین قسەی لەسەر بکەین".

هەروەها سەرچاوەیەک لە وەزارەتی داد بە (تۆڕی میدیایی رووداو)ی راگەیاند: "لەسەر ئەو پرسە دەبێت لەلایەن ئەو کەسەی کە ئەو تۆمەتانەی خستووەتەڕوو بسەلمێندرێت و بەڵگەکان بخاتەڕوو تاوەکو داواکاری گشتی لەسەری کار بکات و بەدواداچوون بۆ ئەو پرسە بکات".</sup>

^24/2/2015

<sup>وەزیری ئاسایشی نیشتمانیی ئەمریکا دەڵێت داعش نابێت لە قەبارەی خۆی گەورەتر بکرێت. جەی جۆنسۆن بەرگری لە ئیدارەی کۆشکی سپی و ئیدارەی ستراتیژییەتی ئۆباما دەكات و دەڵێت داعش زیاتر لە قەبارەی خۆی گەورەدەکرێت.
 
جۆنسۆن ئاماژەی بەوەش کرد كە بەهۆی بوونی ژمارەیەکی زۆر لە چەکدارانی بیانی لە ریزی داعشدا، بەکارهێنانی تۆڕە کۆمەڵایەتییەکان و پەیوەندییکرنی موسڵمانەکان لە هەندێک وڵاتەوە بەو رێكخراوە، پێویستیان بەوە هەیە لەگەڵ کۆمەڵگای ئیسلامی مامەڵە بکەن و گفتوگۆیان لەگەڵ بکەین. 

لە رۆژانی 18-19 و 20ی ئەم مانگە، لە کۆشکی سپی کۆبوونەوەی لووتکەی تایبەت بە بەرەنگاربوونەوەی تووندڕەوی بەڕێوەچوو.  باراک ئۆباما، سەرۆكی ئەمریكا دەستەواژەی ئیسلامی بەرامبەر داعشدا بەکارنەهێنا. ئەمەش لە لایەن هەندێک کۆنگرێسمانەکانی ئەمریکاوە رەخنەی لێگیرا.</sup>

^24/2/2015

^{سەرچاوەیەک لە وەزارەتی دەرەوەی ئێران رایدەگەیەنێت، رۆژی سێ شەمبە وەزیری دەرەوەی ئێران بە سەردانێکی فەرمی دەگاتە عێراق، ئاژانسی هەواڵی فارسیش نووسیویەتی، سەردانەکە بۆ مەبەستی نەهێشتنی ڤیزەیە لە نێوان هەردوو وڵاتدا.}

^{سەرچاوەیەک لە وەزارەتی دەرەوەی ئێران، دووشەممە 23-2-2015 رایگەیاند، بڕیارە سبەی محەممەد جەواد زەریف، وەزیری دەرەوەی ئێران سەردانی عێراق بکات، لە سەردانەکەشیدا چاوی بە ئیبراهیم جەعفەری، وەزیری دەرەوەی عێراق دەکەوێت".}

^{ئاژانسی هەواڵی فارسیش نووسیویەتی:سەردانەکەی زەریف تایبەت دەبێت بە گفتوگۆکردن لەگەڵ بەرپرسانی عێراق بەمەبەستی نەهێشتنی ڤیزەی گەشتکردن لە نێوان عێراق و ئێران.}

^{سەرچاوەکە ئاماژەی بەوەش داوە، زەریفی جگە لە جەعفەری چاوی بە بەرپرسانی دیکەی عێراق دەکەوێت.
بەمەبەستی واژۆکردنی چەند رێککەوتننامەیەک لە نێوان ئێران و عێراقدا، لە 16-2-2015 ئیسحاق جیهانگیری، جێگری سەرۆککۆماری ئێران سەردانی عێراقی کرد، هاوکات چاوی بە هەریەک لە سەرۆکی پەرلەمان و سەرۆککۆمار و سەرۆکی حکومەتی عێراق کەوت، دواتریش لە بەیاننامەیەکدا، حکومەتی عێراقی ئاماژەی بەوە کرد، کە چەند رێککەوتننامەیەکیان لەگەڵ ئێران واژۆکردوون.}

رووداو - ئاژانسەکان

^24/2/2015

^{وه‌زیری نوێی به‌رگری ئه‌مریكا رایگه‌یاند هێزه‌كانی هاوپه‌یمانان به‌سه‌رۆكایه‌تی ئه‌مریكا به‌یه‌كجاری كۆتایی به‌رێكخراوی تیرۆرستی داعش ده‌هێنن له‌ سوریاو عیراق.}

^{ئاشتون كارته‌ر وه‌زیری به‌رگری ئه‌مریكا له‌به‌رده‌م سه‌ربازه‌كانی وڵاته‌كه‌یدا له‌بنكه‌یه‌كی سه‌ربازی له‌كوێت له‌كۆبونه‌وه‌یه‌كدا به‌ئاماده‌بوونی ژماره‌یه‌ك دبلۆماتكارو فه‌رمانده‌ی باڵای سوپادا رایگه‌یاند كه‌ئاماده‌كاری ته‌واوكراوه‌ بۆ رووبه‌ڕووبونه‌وه‌ی تیرۆرستانی داعش، هه‌روه‌ها هێزه‌كانی هاوپه‌یمانان به‌هۆی فڕۆكه‌ جه‌نگییه‌كانه‌وه‌ فشاری زیاتریان خستۆته‌ سه‌ر ئه‌و رێكخراوه‌ ئه‌ویش له‌رێگه‌ی وڵاتی كوێت و وڵاتانی تره‌وه‌.}

^{ئه‌مه‌ش له‌كاتێكدا سه‌ردانی كارته‌ر بۆ رۆژهه‌ڵاتی ناوه‌ڕاست له‌سه‌ر بانگهێشتی حكومه‌تی عیراق بوو بۆ ئه‌وه‌ی سه‌ربازه‌كانیان پرچه‌ك بكرێت و راهێنانی زیاتریان پێبكرێت بۆ رووبه‌ڕووبونه‌وه‌ و پاكردنه‌وه‌ی ئه‌و ناوچانه‌ی له‌ژێر ده‌ستی تیرۆرستانی داعشدایه‌.}

^{ئامانجی كۆبوونه‌وه‌كه‌ به‌سه‌رۆكایه‌تی كارته‌ر له‌وڵاتی كوێت بۆ لێكۆڵینه‌وه‌ بوو له‌توانا سه‌ربازیه‌كانی تیرۆرستان و چۆنێتی دروستكردنی هێزێكی هاوبه‌ش له‌چه‌كدارنی عیراق و سه‌ركه‌وتن به‌سه‌ر ئه‌و رێكخراوه‌ تیرۆرستییه‌دا.}

^{سه‌ركرده‌یه‌كی سه‌ربازی رایگه‌یاند: كارته‌ر كۆبونه‌وه‌یه‌كی فراوانی ئه‌نجامداو گفتووگۆی له‌گه‌ڵ زۆرینه‌ی ئاماده‌بووان كرد به‌بێ گوێدانه‌ هیچ پله‌و پۆستێك و ته‌نها ئامانجی گه‌یشتنه‌ رێگه‌یكی هاوبه‌ش بوو بۆ له‌ناو بردنی تیرۆرستان.}

^{ئه‌و سه‌ركرده‌ سه‌ربازیه‌ روونیشیكرده‌وه‌: ئاشتون كارته‌ر وه‌زیری به‌رگری ئه‌مریكا بابه‌تێكی گرنگی وروژاند سه‌باره‌ت به‌و گرووپانه‌ی كه‌ مه‌یلیان هه‌یه‌ بۆ رێكخراوی تیرۆرستی داعش له‌ وڵاته‌كانی لیبیاو میسرو ئه‌فغانستان و رایگه‌یاند كه‌ هاوپه‌یمانان جه‌نگ له‌دژی ئه‌و گروپه‌ تیرۆرستیانه‌ به‌رپا ده‌كات و له‌ناویان ده‌بات له‌ساڵه‌كانی داهاتوودا.}

^23/2/2015