^{گەلی خۆراگری کوردستان
حیزب و لایەنە سیاسییەکانی کوردستان
هەرێمی کوردستان وەکوو تاکە بەشی کوردستانی مەزن دوای دەیان ساڵ تێکۆشان و فیداکاری رۆڵەکانی، ئەمرۆ خاوەن قەوارەیەکی حکومەتی دێژوور و یاسامەند و فەرمییە، بۆیە دەستێوەردان و گەمارۆدان، هێرش و پەلاماردانی بە هەر بیانۆیەک و لە هەر لایەنێک بێت، تەواو پێشێلکاری سەروەری هەرێم و عێراقە، هاوکات دژی یاسا و ڕێسا نێودەوڵەتییەکانە. هەرێمی کوردستان پەناگا و پشتیوانی بەشەکانی تری کوردستان و ئەرکە لەسەر هەر تاکێکی کورد بە هەموو توانا و هێزیانەوە ئەو دەستکەوتە بپارێزین.}

^{بزووتنەوەی کۆماریخوازانی رۆژهەڵاتی کوردستان هێرش و پەلاماری ترسنۆکانەی درۆنی بۆ سەر فرۆکەخانەی سلێمانی بە تووندی ئیدانە و شەرمەزار دەکات، بۆیە هەر لەم پەیوەندیە دا وەک بزووتنەوەی کۆماریخوازان هیوادارین هەموو پارتەکانی بەشەکانی تری کوردستان و بە دەرەجەی یەکەم لایەنەکانی کوردی لە باشووری کوردستان کە خاوەن ئەزموونی بەهێز و دوروودرێژی حکومەترانی و مەیدانین، بە یەکگوتاری و یەکگوتوویی زیاترەوە هەوڵ بدەن ئەم ئەزموونە نەتەوەییە لە مەترسییە دەرەکی و ناوخۆییەکان بپارێزن، و لە پەیوندی بە دۆزی کورد لە بەشەکانی تری کوردستاندا، هەم بە راشکاوانە بە خاوەن دەربکەون و هەمیش رۆڵی ئەرێنی بنوێنن بۆ کردنەوەی دەرگای دیالۆگ و دانووستاندن لە نێوان کورد و دەسەڵاتدارانی ئەو وڵاتانەی کە کوردیان بەسەر دا دابەش کراوە کە هەم قورسایی و بارگرانی لەسەر هەرێم کەم بکرێتەوە و هەمیش کوردان لە بەشەکانی تر بە مافە رەواکانیان بگەن، کە ببێتە بنەما و دەستپێک و قۆناغێکی نوێی ئاشتەوایی و سەقامگیری و پێکەوەژیان و یەکتر قەبووڵکردن لە نێوان گەلانی ناوچەکەدا.}

^{سەرکەوێ بزووتنەوی نەتەوایەتی و ئاشتخوازانەی کورد لە چوار بەشی کوردستان دا}

<sup>بزووتنەوەی کۆماریخوازانی رۆژهەڵاتی کوردستان

٢٠ی خاکەلێوەی ٢٧٢٣ی کوردی</sup>

^{٩/۴/۲۰۲۳}

^{بەرێزانی هاوسەرۆکایەتی، هەڤاڵانی تێکۆشەر و جەماوەری سەربەرزی پارتی ژیانی ئازادی کوردستان (پژاک)}

^{بزووتنەوەی کۆماریخوازانی رۆژهەڵاتی کوردستان، بەبۆنەی ۱۹ هەمین سالرۆژی دامەزرانی پارتی ژیانی ئازادی کوردستان،و لە دایک بوونی رێبەری کاریزماتیک و بیرمەندی گەورەی کورد رێزدار عەبدوڵڵا ئۆجەلان « سەرۆک ئاپۆ» پیرۆزبایی گەرم ئاراستەی ئێوەی هێژا و سەرجەم گەلی کورد و بە گشتی ئازادیخوازان دەکات.}

^{دامەزراندنی پارتی ژیانی ئازادی کوردستان وەک پێویستییەکی هەرە مێژوویی لێکەوتەی دۆخێکی پر لە قەیران بوو کە باڵی بەسەر رۆژھەڵاتی کوردستاندا کێشابوو، رۆژهەڵاتی کوردستان لەوەها حالەتێکدا پێویستی بە بووژانەوەی گشت رەهەندی،و ساغکردنەوەی گوفتمانێکی نوێی نەتەوەیی و شوناسخوازی بوو، کە ئەمەش دەرهاویشتەی کۆمەڵێک ئاریشە و ئالەنگاری کەلەکراو بوو.
لە ئەنجامی دابڕان و پاشەکشەی مەترسیدار، وهەروەها لاواز بوونی روحی بەرخۆدان و خۆراگری و چەقبەستووی سیاسی و نەبوونی گیانی تێڵۆرانس و تەعامول لە ناوماڵی کورددا، پێویستی بە ساغکردنەوە و سازدانی پارتێکی نوێ لەسەر ئەندێشە و فەلسەفەی رێزدار ئۆجەلان و ئەزموون وەرگرتن لە شۆرشی ژیانەوەی کەسێتی نەتەوەیی لە باکووری کوردستان بوو، هەر بۆیەشە بەبڕوای بزووتنەوەی کۆماریخوازان، لەوەها دۆخێکدا سازدان و دامەزراندنی پژاک جیا لەوەی ئەم بۆشاییە گەورەیەی لەبواری گۆفتمانی و رێکخراوەیی پڕ دەکردەوە، بەڵکوو لەهەمان کاتیشدا دەبوو بە هۆی دەستپێکی بزاڤێکی نۆێ}

^{گەڵی کوردی خۆراگر
کوردستانیانی سەربەرز}

^{رۆژی ١٠ی خاکەلێوە، ٧٦مین ساڵرۆژی شەهیدکرانی پێشەوای گەورەی کوردان و یەکەمین سەرۆک کۆماری کوردستان واتە کۆماری دیفاکتۆی کوردستانە لە ۱۳۲۵ە،
لە رۆژی ۱۰ی خاکەلێوەی ۱۳۲۶ی هەتاوی نەمر و هەردەم زیندوو پێشەوا قازی محەممەد، هاورێ لەگەل شەهیدان حەمەحوسێن خانی سەیفی قازی و ئەبولقاسم سەدری قازی له‌دوو دادگای‌ ناعادلانه‌‌و فه‌رمایشی‌ سەردەمی دەسەڵاتی ستەم‌شایی دا، حوکمی لەسێدارەدانیان بەسەردا سەپا و هەر له‌چوارچرای‌ شاری‌مه‌هاباد، واته‌ هه‌ر له‌و شوێنه‌ی‌ كه‌‌ لە ٢ی‌رێبه‌ندانی سالی‌١٣٢٤ هه‌تاویی‌دا، بە بەشداری نەمر مەلا مستەفا بارزانی كۆماری‌ كوردستانی‌ بە شکۆ و هەیمنە و ئیرادەی پتەوی کوردایەتی لێ‌راگه‌یه‌ندرابوو، لە ئەنجامی پشتیوانی نەکردنی زلهێزان لە کۆمار و پێشەوا و دۆزی کوردان، هەروەها خیانەتی زۆربەی سەرانی عەشایەری و نەبوونی رووحی خۆراگری، لەولاشەوە درندەیی دەسەڵاتی ناوەندی، دوای تەسلیم بوونی ئاشتیانەی پێشوا و کۆمار لە پێناو گەل و وڵات دا رێک لەم شوێنەی سازدانی کۆمار، بە ناجوانمێرانە لە سێدارە دران و شەهید کران. هەمان رۆژیش له‌سه‌ر شان ‌و پیلی‌ خه‌ڵكی‌ به‌شه‌ڕه‌ف و کوردپەروەری‌ مه‌هاباد له‌گۆرستانی‌ مه‌لا جامی‌ به‌خاكی‌ پیرۆزی‌ کوردستان سپێردران.}

^{١٠ی خاکەلێوە رۆژێکی تاڵ و ناخۆش بوو لە مێژووی بزاوتی رزگاریخوازی کورددا کە تێیدا بەرجەستە ترین و بەرزترین کەسێتی مێژووی نوێی کورد واتە پێشەوا قازی سەرۆک کۆماری یەکەمین کۆماری مێژووی کوردستان لە بێدەنگی زلهێزانی جیهانی دابەشکەری کوردستان کە پشتیان لە کورد کردبوو و بە بریاری دەسەڵاتی بووکەڵەی پاڵەوی دووەم لە ئەنجامی نەبوونی روحی خۆراگری گشتگیر دوای پەیامی ئاشتی و دانووستاندن لە لایەن پێشەواوە}

^{هاونیشتمانانی بەرێز و خۆشەویست
خەڵکی بەشەرەف و خۆراگر و مافخوازی کوردستان}

^{بزووتنەوەی کۆماریخوازانی روژهەڵاتی کوردستان، به بۆنەی جێژنی نەورۆز و هاتنی ساڵی تازەی ۲۷۲۳کوردی،و نوێ بوونەوەی سروشت و نەورۆزی كوردەواری، پیرۆزبایی ئاراستەی تێکرای ئازادیخوازان، بنەماڵەی شەهیدان، زیندانیانی سیاسی، چالاکوانانی گۆرەپانی خەباتی مەدەنی و سەرجەم گەلی کوردستان دەکات.}

^{بەرێزان
هەر وەك ئاگادارن، بزووتنەوەی کۆماریخوازانی رۆژهەڵاتی کوردستان وەک جەریانێکی سیاسی/ مەدەنی، ئاشتیخواز و لایەنگری هاوژینی بە ئاشتی و دیالۆگ و دانووستاندنی ئاشتەوایی، لە ۱۲ ساڵی رابردوودا، کۆی کار و تێکۆشانی لەراستای زەق کردنەوەی مافی قایم بەزات، مافی مرۆڤ و مافی دیاریکردنی چارەنووس،و دەستەبەرکردنی سەروەری سیاسی/ نەتەوەیی لە شکڵی مومکین دا، بۆ کوردی رۆژهەلاتی كوردستان جهەتدار كردووە، وە لەو راستایەدا هەردەم تێکۆشاوە تاکوو بەستێنی گونجاو و لەبار، وە هەلوومەرجی تەژی لە ئاشتی و لێکتێگەیشتنی پر لەحاوانەوە و پێکەوەسازانی دەرفەتساز و گۆران خوڵقێن، زاڵ بکردرێت بەسەر دۆخ و کەشی پر لە دوگم و شەر و ناتەبایی و چەقبەستوویدا.}

^{بۆیە لەوپەیوەندیەدا بزووتنەوەی کۆماریخوازانی رۆژهەلاتی کوردستان، لە چەند سالی رابردوو دا، روو لەگشت لایەك خوازیاری دوورەپەرێزی لە سوودوەرگرتن لە "ئەندیشەی ئیستراتیژیکی سوونەتی" بوو، ئەندیشەیەک کە مەخابن گۆفتمانی شەر و کرداری گرژ و رادیکالیزمی پڕتێچوو وە کارەساتباری، وەک تەنیا مکانیزمی یەکلاییکردنەوەی کێشەکان تەبلیغ و توسییە دەکرد،
هەربۆیەشە بزووتنەوەی کۆماریخوازان بەردەوام پێداگربوو کە کورد و حیزبەکان دەبێ هەولبدەن لەژێر تیشکی"ئەندیشەی ئیستراتیژیکی مۆدێرن"، کە دیالۆگ و دانووستاندنی ئاشتەوایی دەگەل لایەنی بەرامبەر، وەک مکانیزمی هەرە کارا و گوونجاو لەم سەردەمەدا، بۆ حەللی کیشە و گرفتەکان دەستنیشان دەکات، سیاسەتگووزاری بکەن،و بەرپرسانە}

^{بەرێزان: ئەندامانی مەکتەبی سیاسی، سەرکردایەتی و ئەندامان و لایەنگران و جەماوەری سەربەرز و خۆشەویستی یەکێتی نەتەوەیی دێموکراتی کوردستان YNDK
بە بۆنەی یادی ۲٨هەمین ساڵرۆژی دامەزراندنی پارتەکەتان، یەکێتی نەتەوەیی دێموکراتی کوردستان - YNDK لە لایەن بزووتنەوەی کۆماریخوازانی رۆژهەڵاتی کوردستان پر بە دڵ پیرۆزبایی ئاراستەی ئێوە بەرێزان دەکەین، هەر بەم بۆنەشەوە جێژنی نەورۆز و هاتنی ساڵی نوێی ٢٧٢٣ی کوردی لە سەرجەم سەرکردایەتی و ئەندام و لایەنگەرانی پارتە تێکۆشەرەکەتان YNDK پیرۆزباییان ئاراستە دەکەین، و ئاواتەخوازین ساڵی تازە ساڵی یەکانگیری، یەکگوتاری نەتەوەیی و چارەسەری ئاشتیانەی دۆزی روای کورد بێت لە چوار بەشی کوردستانی گەورەدا. لە لایەن بزووتنەوەی کۆماریخوازانی رۆژهەڵاتی کوردستان ئاواتەخوازین پارتەكەتان لە ئەرک و کاروتێکۆشانی نەتەوەیی و حیزبی دا بە مەبەستی زیاتر دەستەبەرکردنی ئاشتی و ئازادی و پتەوترکردنی یەکیەتی ریزەکانی ناوماڵی کورد، پێشخستنی دێموکراسی و هاوژینی بە ئاشتی نێوان گەلان و کەمینەکان، ئایین و ئایینزاکان و هەروەها باشبژێوی و ئارامی گەلەکەمان هەردەم بەروپێشەوە هەنگاو بنێن.
وەکوو بزووتنەوەی کۆماریخوازانی رۆژهەڵاتی کوردستان پێداگیرین لەسەر هاوپەیوەندی نەتەوەیی و جەخت کردنەوەی پەیوەندی و دۆستایەتی و هاوکاری بەهێزی دوو لایەنە، ئاواتمان بەرەپێشچوونتانە، هیوای سەرکەوتن و سەرفەرازی}

عەبدوڵڵا مەحموود 

^{بەرواری ١٠ ئەم مانگە بە دەسپێشخەری و لەژێر چاودێری وڵاتی چیندا، ئیران و سعودیە رێکەوتنامەیەکیان ئیمزا کرد، بەپێی ئەو ڕیکەوتنامەیە بریارە ئیران و سعودیە لە ماوەی دوو مانگدا سەفارەتخانەکانیان لەهەردوو وڵاتدا بکەنەوە، رێز لە سەروەری یەکتر بگرن، و دەستوەردان لە کاروباری ناوخۆ یەکتریدا نەکەن.}

^{ئەوەی ئەم ڕیکەوتنامەیە بەکوێ دەگات و تا چەندە ئامانجەکانی خۆی وەدی دێنێت، یانا نا، مەسەلەیەکی لاوەکی تر، لە ئامانجە فراوانترەکانە. ئەم ڕیکەوتنامەیە لەهەلومەرجێکدا رویداوە، کە مۆری و نیشانەکانی پێشووی بەلاوازی پێوەیەو مۆرو نیشانەی دۆخی تازەی بەشێوەیەکی بەرجەستە لەخۆی هەڵپێکاوە. ناکامی هەوڵەکانی ئەمریکا لەوەی دنیای یەک قوتبی سازبدات کە خۆی ناوەند و میحوەری جوڵەی دنیا بێت، بە دەستپێکی جەنگ لە ئۆکرانیا، کۆتایی پێهات. دەورەی هەوڵەکانی ئەمریکا بەتەواوەتی نەک بن بەست، بەڵکو سەرەتای دەوریەکی تر و واوەتر و لەوە بازدانێک روویدا. روسیا و وەکو قوتب و هیزێکی سەربازی و نەیاری ئەمریکا و دنیای تاک بلۆکی، لە جەرگەی جەنگی دژی داعشدا!! و لەسوریادا، لەجێگای دەستێوردانی سیاسی و جەنگی نیابەتی، راستەوخۆ هاتە ناو گۆرەپانی ناوچەکە، ئەمە بەر لەهەموو شت ناکامی ئەمریکاو غەرب لە عێراق و سوریا و لە ململانێ بۆ کورتکردنەوەی رۆڵی ئیران لەناوچەکە و رۆژهەلاتی}

^{بزووتنەوەی کۆماریخوازی رۆژهەڵاتی کوردستان، بە بۆنەی ساڵرۆژی ٨ی مارس رۆژی جیهانی ژنان، وێڕای بەرز نرخاندنی گشت دەستکەوتوو و زنجیرە سەرکەوتنەکانی رەوتی خەباتی ژنان لەپێناو دەستەبەرکردنی مافەکانیان‌دا، پڕ بەدڵ پیرۆزبایی ئەم رۆژە مێژووییە روو لە ژنانی جیهان و به تایبەت ژنانی کوردستان ئاراستە دەکات.}

^{هەر لەم پەیوەندییەشدا بزووتنەوەی کۆماریخوازانی رۆژهەڵاتی کوردستان، کە وەک جەریانێکی مەدەنی/سیاسی کە لەپێناو دەسخستنی ئاشتی، ئازادی، وە خۆبەرێوەبەری خۆجەیی بۆ کوردستانی رۆژهەڵات خەبات دەکات، پشتگیریی و پاڵپشتی خۆی، روو لەهەر بزووتنەوەیەکی ئازادیخواز و مافخواز، یەک لەوان بزووتنەوەی مافخوازی ژنان ئاراستە دەکات، که لەپێناو ئازادی و کەرامەتی ئینسانەکان خەبات و تێکۆشان دەکەن، و هیوای سەرکەوتنیان لە پرۆسێسی خەبات لەپێناو دەستخستن و یاسامەندکردنی مافەکانیان بۆ دەخوازێت.
بزووتنەوەی کۆماریخوازان پێی وایە کە خەباتی ژنان بەشێکە لە خەباتی گشت پیاوانی ئاشتیخواز و یەکسانی‌خواز و هەموو مرۆفگەلێک کە خوازیاری سەقامگیرکردنی کۆمەڵگایەکی پڕ لە ئاشتی‌و ئازادی، وە هاوژینی بەئاشتین، بۆیە بزووتنەوە لەم‌ پەیوەندییەدا باوەریوایە، مادام ژنان نیوەی کۆمەڵگا پێکدێنن و نیوەکەی دیکەش بەرهەم دێنن و پەروەردە دەکەن، کەوایە ژن و پیاو خاوەن چەشنێک پەیوەندی ئۆرگانیکین کە چارەنووسیان لەئاست ئازادی و یەخسیری، پێکەوە بەستراوەتەوە. واتە کاتێک پیاوان هەست بە ئازادی دەکەن کە ژنان چێژی ئازادی بچێژن، دیارە پێچەوانەکەشی دروستە. ئەوەی راستی بێت ئازادی و بەختەوەری، وە هاوژینی بەئاشتی دوولایەن کاتێک موحەقەق دەبێت، کە ژنان بە دوور لە رەوتی "فمینیزمی رادیکالی" کە راگرتنی گۆپالی ژنان لەسەر سەری پیاوان جایز دەزانێت، هەوڵبدەن بەسودوەرگرتن لە قووتابخانەی "فمینیزمی کولتووری" کە چەسپاندنی ماف و ئازادی ژنان بەسوودوەرگرتن}