^{دوانیوەرۆی رۆژی ١٦/٣/٢٠١٤ دوو شاند پێکهاتوو لە: شاندی کۆنگرەی نەتەوەیی کوردستان(K.N.K( هەڤال خەبات و هەڤال فەرهاد، و شاندی پارتی ئاشتی و دێمۆکراسی(B.D.P) پێکهاتوو لە هەڤال ئەبید و هەڤال جەمال، سەردانی بارەگای نوێنەرایەتی بزووتنەوەی کۆماریخوازانی رۆژهەلاتی کوردستان لە شاری هەۆلێریان کرد، و لەلایەن هەیئەتێکی بزووتنەوەی کۆماریخوازان بە سەرپەرشتی رێکخەری گشتی بزووتنەوە دوکتور مستەفا شەمامی پێشوازیان لێکرا.}

^{لەسەرەتای دیدارەکەدا، رێکخەری گشتی بزووتنەوە دوابەدوای بەخێرهاتنکردنی میوانان، باسێکی کورتی پێناسەیی سەبارەت بە ئیستێراتیژی، ئامانجی ئیستراتێژیک و مێتود و شێوازی خەباتی نەرم و ئاشتیانەی بزووتنەوەی کۆماریخوازانی، روو لەهەر دووک شاندی میوان ئاراستەکرد و هەر لەم پەیوەندییەشدا، لەسەر شوبهاندن و وێکچوونی رێکار ومکانیزمەکانی ئاشتوانی بزووتنەوە، دەگەل شیوازی خەباتی ب.د.پ، و هەروەها هەۆلدانی بزووتنەوەی کۆماریخوازان بۆ بەرۆژهەلاتیکردنی ئازموونەکانی خەباتی ئاشتەوانی ب.د.پ، باسێکی تێر و تەسەلی ئاراستەکرد، کە لە ئەنجامدا هەردووک شاندی میوان،  پرۆژەی ئاشتەوانی بزووتنەوە و رێکارەکانی خەبات لە پێناۆ دەسبەرکردنی ئاشتی و ئازادی لە رێگای دیالۆگ و دانووستاندن‌دا، بەرز و سەردەمیانە، وە شیاویی پشگیری و هاریکاری گشت لایەنی و گشت رەهەندی نرخاند.}  

^{لەدرێژەی باس و ئاخفتنەکاندا، رێکخەری گشتی بزووتنەوە دوکتور مستەفا شەمامی، سەبارەت بە بارودۆخی جیهانی، ناۆچەیی، و کوردستانی، وە رەۆتی گۆرانکارییەکانی ناۆچەیی و کارگەری و کارتێکەری ئەم رەۆتە لەسەر گۆرەپان و ساحەی سیاسی کوردی دوا، و لەسەر پێویستی خۆتەیاری و هاۆتەریبی حیزبەکانی کوردستانی دەگەل شەپۆلی گۆران و گۆرانکارییەکان پێداگری کرد، کە لەم پەیوەندییەدا دوو شاندی ک.ن.ک و ب.د.پ، خوێندنەوە و هەلسەنگاندنەکانی رێکخەری گشتی بزووتنەوەیان، وەک لێکدانەوەییەکی دەقیق و واقیگەرایانە نرخاند و شاندی ب.د.پ، دەگەل راگەیاندنی خۆشحالی و هیوای قایمراگرتنی پەیوەنەییەکانی دوو قۆلی، نامەی دەعوەت کردنی بزووتنەوەی کۆماریخوازانی بۆ بەشداری لە مراسیمی نەۆرۆزی ئامێد دا، رادەستی رێکخەری گشتی بزووتنەوە کرد و هێوای خواست کە لەم رێ و رەسمە نەتەوەییەدا بزووتنەوە بەشداری بکات.}

^{لەتەوەرێکی دیکەی باسەکاندا، بارودۆخی کوردستان لە هەموو بەشەکانیدا، خرایە بەر باس و تاۆتوێ و هەلسەنگاندن و سێ لایەن لەسەر پێویستی هاۆدەنگی، یەکریزی وهاریکاری کوردان، کۆک و هاۆدەنگ بوون.}

لە کۆتایی دیدارەکەدا دوو شاندی میوان، پشتگیری سیاسی و مەعنەویی خۆیان لە بزوتنەوەی کۆماریخوازی رۆژهەلاتی کوردستان دووپات کردوە و سێ‌لایەن لەسەر درێژەی دیدارەکان و رەخساندنی دەرفەت بۆ دیدار لە ئاستی رێبەرایەتی و قایم‌راگرتننی پەیوەندی دوو قۆلیان پێداگریان کرد.

^18/3/2014

رۆژی شەمبە ١٥ ئادار، شاندێکی حیزبی ئایندەی کوردستان لە هەولێر پێشوازیان کرد لە شاندی بزووتنەوەی کۆماریخوازانی رۆژهەلـاتی کوردستان کە پێکهاتبوو لە: کاک هیوا کوردستانی نوینەری بزووتنەوە، کاک هیوا غنچەگولـان، کاک سالە برناس و کاک ژیلوان کادری پێوەندییەکان. شاندی حیزبی ئایندەی کوردستان پێکهاتبوون لە هاورێ زریان به‌رپرسی لق، مام ئەسود ئه‌ندامی ئه‌نجومه‌نی لق، هاورێ كۆچه‌رو كاكه‌ سور، هاورێ دارا و مام علی شه‌وباش كارگێرانی لق و هاورێ رێبین . لەم دیدارە دا سەرەتا شاندی بزووتنەوەی کۆماریخوازانی رۆژهەلاتی کوردستان، باسێکی سه‌باره‌ت به‌ ئیستراتێژی، پرۆژه‌ی ئاشته‌وانی و سیاسەتەکانی بزووتنەوە، وه‌ هه‌روه‌ها شیواز و مێتۆدی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه‌، روو له‌شاندی حیزبی ئایندەی کوردستان ئاراسته‌ کرد، که‌ له‌م په‌یوه‌ندییه‌دا شاندی خانەخوێ، له‌گه‌ل به‌ ئیجابی و سەردەمیانە نرخاندنی پرۆژه‌ی ئاشته‌وانی بزووتنه‌وه‌، هێواخوازبوون کە گشت لایه‌نه‌کانی کوردستانی بە گەرمی پێشوازی و پشگیری لەم پرۆژه‌ی ئاشتوانی بزووتنەوە بکه‌ن.

لە بەشێکی تری ئاخفتنکەدا هاورێ زریان باسێکی سەبارەت بە بارو دۆخی هەنووکەیی جیهانی و ناۆچەیی، بە تایبەت کوردستانی، و پێکهێنانی کابینەی هەشتەم ئاراستە کڕد، کە لەم پەیوەندییەدا دوولایەن زەختیان لەسەر پێویستی چێ‌بوونی تەبایی، تەفاهووم و تەوافووقی نێوانحیزبی لایەنە سیاسییەکان کرد بۆ ساغکردنەوەی کابینەیەکی بنکەفرەوان و نیشتیمانی .

لەدرێژەی باسەکاندا دۆخی هەنووکەیی کوردستان بە گشتی و رۆژئاوا و رۆژهەلاتی کوردستان بە تایبەتی تاۆتوێکران، و دوولایەن سەبارەت بە رەۆتی رووداۆ و گۆرانکاریەکانی ئێرانی دوای هاتنەسەرکاری سەرۆک کۆماری نوێ بیرورایان گۆرییەوە و تیشکیان خستە سەر رەۆتی دانووستاندنەکانی نێوان ئێران و رۆژئاوا سەبارەت بە بەرنامەی ناوەکی ئێران و هەروەها مافی مرۆڤ و گەلانی ئیران بە تایبەت گەلی کورد،و بەڵێنیەکانی حەسەن روحانی سەرۆک کۆمار کە بە کوردی دابوون

. تەوەرێکی دیکە لەباس و ئاخەفتنی ئەم دیدارە پەیوەندیداربوو بە کۆنگرەی نەتەوەیی کوردستان و پێویستی هاریکاری گشت لایەنی بۆ بەستنی ئەم کۆنگرەیە، لە کات و ساتی گوونجاۆ و بەدوور لە هێژموونی حیزبی و دەست تێوەردانی لایەنی دەرەکی.

لە کۆتایی دیدارەکەدا شاندی حیزبی ئایندەی کوردستان ، پشتگیری سیاسی و مەعنەویی خۆیان لە بزووتنەوەی کۆماریخوازی رۆژهەلاتی کوردستان دووپات کردوە و دوولایەن لەسەر درێژەی دیدارەکان و رەخساندنی دەرفەت بۆ دیدار لە ئاستی رێبەرایەتی و قایم‌راگرتننی پەیوەندی دوو قۆلیان پێداگریان کرد.

15/3/2014

^{کۆماریخواز/ ناوندی هەوال/ هەولێر: رۆژی شەمبە ٨ ئادار، شاندیکی ب د پ لە هەولێر پێشوازیان کرد لە شاندی بزوتنەوەی کۆماریخوازانی رۆژهەلـاتی کوردستان کە پێکهاتبوو لە: کاک هیوا کوردستانی نوینەری بزووتنەوە ،کاک ئەمین نوری، کاک سالە برناس و کاک ژیلوان کادری پێوەندییەکان، کاک ئازاد رەزائی و کاک رێبین کادری راگەیاندن. شاندی ب د پ پێکهاتبوون لە هەڤالان شێلان، هەڤال سوکران، هەڤال ئەبێد ئیکی، هەڤال جوال سۆکئن و هەڤال ئەبدولڵە سەڤیۆت .}

^{لەم دیدارە دا سەرەتا شاندی بزووتنەوەی کۆماریخوازانی رۆژهەلاتی کوردستان دەگەل بەرز نەرخاندنی چالاکییەکانی ب د پ سەبارەت بە گەرم و چالاک راگرتنی خەباتی جەماوەری و سەر شەقامی، هێوایان خواست لە ٣٠ ئادار دا، ب د پ سەرکەوتنی مەزن دەستەبەربکات.
لە دریژی دیدار و دانێشتنەکەدا، شاندی بزووتنه‌وه‌ باسێکی سه‌باره‌ت به‌ ئیستراتێژی، پرۆژه‌ی ئاشته‌وانی و سیاسەتەکانی بزووتنەوە، وه‌ هه‌روه‌ها شیواز و مێتۆدی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه‌، روو له‌شاندی ب د پ ئاراسته‌ کرد، که‌ له‌م په‌یوه‌ندییه‌دا شاندی خانەخوێ، له‌گه‌ل به‌ ئیجابی و سەردەمیانە نرخاندنی پرۆژه‌ی ئاشته‌وانی بزووتنه‌وه‌، هێواخوازبوون کە گشت لایه‌نه‌کانی کوردستانی بە گەرمی پێشوازی و پشگیری لەم پرۆژه‌یه ئاشتوانی بزووتنەوە بکه‌ن.}

^{تەوەرێکی دیکەی ئاخفتنەکان سەبارەت بە شیوازی خۆبەرێوەبەری رۆژئاوای کوردستان لە سیستەمی کانتۆنی‌دا بوو، کە لەم پەیوەندییەدا دوولایەن هێوایان خواست کە پێویستە دەگەل پاراستنی یەکریزی و یەکدەنگی گشت لایەک، دەبیت هەموو کوردیک خاونداریتی لێ بکات و بەرزی بەنرخێنێت.
تەوەرێکی دیکە لەباسەکان پەیوەندیداربوو بە کۆنگرەی نەتەوەیی کوردستان و هەلسەنگاندنی خالە لاواز و بەهێزەکانی و هەروەها گرینگ نرخاندنی بەستنی ئەم کۆنگرەیە لەپێناۆ ساغکردنەوەی مەرجەعێکی خاوەن دەنگ و رەنگی موەحەدی نەتەوەیی لەئاستی ناۆخۆ و دەرەوەی کوردستان، کە لەم پەیوەندییەدا دوولایەن جەختیان لەسەر پێویستی هاریکاری گشت لایەنی بۆ بەستنی گۆنگرەی نەتەوەیی لە کات و ساتی گوونجاۆ و بەدوور لە هێژموونی حیزبی و دەست تێوەردانی لایەنی دەرەکی دا کردەوە.}

^{لەکۆتاییدا، شاندی خانەوخوێ دلخۆشی خۆیان دەربڕی بۆ پرۆژەی ئاشتەوانی بزووتنەوە و وەک هەۆلێکی سەردەمیانە کە کار دەکات بۆ بە ئاشتی کردنی کێشەی کورد لە رۆژهەلاتی کوردستان و دووپاتیان کڕدووە کە دەبێت هەموو حیزبە خەم خۆرو سیاسیەکانی رۆژهەلات لە هەموو بوارێکدا پالپشتی خویان بۆ سەر خستنی ئەو ئەرکە مەزن و ئاشتەواییە دەرببرن .
شایانی باسە دیدارەکە نێزیک بە یک سەعاتی و نیوویی خایاند و دوولایەن هێوایان خواست کە بتوانن ئاستی هاریکاری و پیوەندییە دێپلۆماسی و دووقۆلیەکانیان پەرە پێ‌بەدن، و بەم مەبەستەش دیدار و سەردانی بەردەوامیان وەک مکانیزمی گوونجاۆ و کارا بۆ پاراستن و بەهێزکردنی پەیوەندی دووقۆلی، بە پێویست دەستنیشان کرد.}

^9/3/2014

^{کۆماریخواز/ ناوەندی هەوال/ هەۆلێر: مەكتەبی سیاسی YNDK  پێشوازی لەشاندێكی بزوتنەوەی كۆماریخوازانی رۆژهەڵاتی كوردستان دەكات ، لەدانشتنێكدا باس لە رەوشی سیاسی كوردستان و ناوچەكە و پتەوكردنی پەیوەندی نێوان هەردوولا كرا.}

^{رۆژی پێنچ شەممە، رێكەوتی 13-2-2014، شاندی مەكتەبی سیاسی یەكێتی نەتەوەیی دیموكراتی كوردستان YNDK كەپێكهاتبوو لەهەڤاڵان ( شاخەوان خالید كارگێڕی مەكتەبی سیاسی و د.عەبدوڵڵا عەدۆ ئەندامی مەكتەبی سیاسی و جەلال سمایل كارگێڕی مەكتەبی ناوەندی راگەیاندن و بێستون عەزیز ئەندامی مەكتەبی ناوەندی پەیوەندییەكان) لە شاری هەولێر پێشوازییان لە شاندێكی بزوتنەوەی كۆماریخوازانی رۆژهەڵاتی كوردستان كرد، كەپێكهاتبوو لە بەڕێزان ( هیوا كوردستانی نوێنەری بزوتنەوەی كۆماریخوازان و سالح برناس كادری پەیوەندییەكان و ئازاد رەزایی بەرپرسی میدیا و كاری راگەیاندن ) ، لەدیدارەكەدا باس لە رەوشی كوردستان و دوا گۆڕانكارییەكانی ناوچەكە كرا ، بەپێویست زانرا لایەنەكانی رۆهەڵاتی كوردستان خۆیان ئامادەبكەن لەژێر چەترێكدا بۆ ئەو پێشهاتانەی كە لەسەر ئاستی رۆژهەڵاتی وڵات و ئێران روودەدەن و بۆ ئەم مەبەستە باشترین فاكتەر كەجەختیكرایەوە سەر، یەكڕیزی و یەكدەنگی تەواوی لایەنە سیاسییەكانە، هەروەها باس لە گرنگی بەستنی كۆنگرەی نەتەوەیی كورد كرا و لە دواتەوەری گفتوگۆكانیش باس لە پتەوكردنی پەیوەندی نێوان هەردوولا و تەواوی پارت و لایەنەكانی كوردستان كرا بۆ سەرخستنی بزاڤی نەتەوەییمان لە كوردستاندا.}

^{میدیا - هەولێر}

^13/2/2014

^{کۆماریخواز/ ناوەندی هەوال: شاندێک لە نوێنەرایەتی بزووتنەوەی کۆماریخوازی رۆژهەلاتی کوردستان لەدەرەوەی وەلات، پێکهاتوو لە چالاکوانان کاک ئیبراهیم بایەزیدی و کاک رێبوار سەردەشتی، لە بۆنەیەک کە بۆ بەرز راگرتنی یاد و یادمانی ٢ی رێبەندان، ٦٨هەمین سالەوەگەری دامەزرانی کۆماری کوردستان لە لەندەن پێکهاتبوو، بەشداریان کرد و پەیامی بزووتنەوەی کۆماریخوازانیان سەبارەت بەم بۆنەیە، رادەستی بەرێوەبەرانی مراسیمەکە کرد.}

^{کۆمیتەی هاوکاری حیزبەکوردستانیەکان یادی ٦٨سالەی دامەزرانی کۆماری کوردستان بەرز ڕاگرت}

^{ناوەندی هەواڵ- بریتانیا: ڕۆژی یەکشەممە رێکەوتی ٢ی فیوریەی ٢٠١٤ کاتژمێری ٦ی ئێوارە لەمەلبەندی رۆشنبیری کورد لە لەندەن ڕێوڕەسمێکی پڕ شکۆ بە بۆنەی ٢ی ڕێبەندان، ٦٨مین ساڵەوەگەڕی دامەزرانی کۆماری کوردستان بەڕێوە چوو. سەرەتای ڕێوڕەسمەکە لەلایەن پێشکەشکاری بەرنامەکە خاتوو چیمەن رەحیمی بەخێرهاتنی میوانەکانی کرا و خۆشحالی رەوەندی کوردی لەبریتانیا بۆ ئەو هەنگاوە ئەرێنیەنی هەموو لایەنەکانی کوردی کە پێکەوە یادی ئەم رۆژە پیرۆزە دەکەنەوە دەربڕی. پاشان پارچە پەخشانێکی جوانی بەم بۆنەوە پێش کەش کرد و بە دەقیقەیەك وەستان بۆ گیانی پاکی شەهیدانی کوردو کوردستان و سروودی نەتەوایەتی ئەی رەقیب بەرنامەکە دەستی پێکرد.
پاشان لەلایەن بەرێز خسرو ئاژەگەیی ئەندامی کۆمیتەی هاوکاری حیزبەکوردستانیەکان پەیامی کۆمیتە بەم بۆنەوە پێش کەش کرا. دوابەدوای وتەکانی بەڕیز ئاشگەیی، سمینارێکی زانستیانە بۆ شیکردنەوە و هەڵسەنگاندنی گرینگی ئەو کۆمار و کارتێکەریی لە سەر رەوتی دەیان ساڵەی بزووتنەوەی کورد لە هەرچوار پارچەی کوردستان بە بەشداری بەڕێز ئەنوەری سولتانی دەستی پێکرد. بەڕێز سوڵتانی لە وتەکانی دا لەسەر چەند راستیەكی مێژوویی سەبارەت بە کۆماری کوردستان لەسالی ١٩٤٦ دا دوا.
تەوەری باسەکان بەم شێوەیەی خوارەوە بوون:
ئایا کۆماری کوردستان دەسکردی سۆڤیەت بوو؟
سەفەری باکۆ
ئایا دەستەلات داریەتی کورد لەو ساڵەدا شێوازی کۆماری هەبوو یا ناوچەی خودمختار
پێك هاتەی سیاسی دەستەلات داریییەکە 
پێك هاتەی ئابووری
پێك هاتەی نیزامی
چەند روون کردنەوەیە لەپەیوەندی لەگەڵ شەهیدانی کۆمار. 
بەشی دووهەمی بەرنامەکە بە شای و هەلپەرکێ تیپی مۆسیقای شاز رازینرایەوەو بەشدار بووان بە شایی هەڵپەرکێ و خۆشی و شادی، ڕێزیان لە ٦٨مین ساڵڕۆژی دامەزرانی یەکەمین حکومەتی سەربەخۆی کورد بە سەرۆکایەتی پێشەوای مەزن قازی محەممەدبە گرت.
جێگای ئاماژەیە کە کۆمیتەی هاوکاری حیزبە کوردستانیەکان پێکهاتووە لەبەشی هەرەزۆری حیزبەکانی هەرچوارپارچەی کوردستان.
جێگەی بەبۆنەی یادی ٦٨سالەی دامەزرانی کۆماری کوردستان مەڵبەندی رۆشنبیری کورد لە لەندەن و هەروەها بزووتنەوەی کۆماری خوازی رۆژهەڵاتی کوردستان و ئەنجومەنی رۆژنامە نووسانی رۆژهەڵاتی کوردستان پەیامی پیرۆزبایان ناردبوو کە سوپاسیان دەکەین.}

^{کۆمیتەی هاوکاری حیزبە کوردستانیەکان لە بریتانیا}

بۆ بینینی وێنەکانی ئەم مراسیمە، دەتوانن سەردانی ئەم لینکەی خواروو بکەن

^{https://plus.google.com/photos/103424236149028554399/albums/5976217375791509009?banner=pwa}

^3/2/2014

^{کۆماریخواز/ ناوەندی هەوال/ لەندەن: رۆژی سێشەمبە رێکەۆتی ٢٤ی دیسامبری ٢٠١٣، شاندێک لە کارگێرانی دەفتەری نوێنەرایەتی بزووتنەوەی کۆماریخوازان لە دەرەوەی وەلات، پێکهاتوو: لە چالاکوانانی هێژا کاک ئیبراهیم بایەزیدی، و کاک رێبوار جاسپاری ، لەگەل شاندی پارتی دیمۆکراتی کوردستان بەسەرپەرستی کاک کەمال ئامێدی بەرپرسی نوێنەرایەتی پارتی دێموکراتی کوردستان لە وەلاتی بریتانیا دیداریان کرد،}

^{لەسەرەتای باس و ئاخفتنەکاندا، ، باسێکی چری دووقۆلیان سەبارەت بە گۆران و گۆرانکارییەکانی هەنووکەیی جیهانی، ناۆچەیی و کوردستانی بە گشتی و رۆژئاوای کوردستان بە تایبەتی کرد ، و هەروەها پێویستی تەئسیرپەزیری و خۆتەیاری گشت لایەکیان، لە دەرئەنجامی ئەم گۆرانکارییانە هێنایە بەرباس. هەر لەم پەیوەندییەدا نوێنەری پارتی دیمۆکرات کاک کەمال ئامێدی، سەبارەت بە مێژوویی پەیوەندی دۆستانەی پارتی دێمۆکراتی کوردستان لەگەل هێزەکانی چوارپارچەی کوردستان و یەک لەوان حیزبەکانی رۆژهەلاتی کوردستان، وەک مێژوویەکی پر لە ئازموون و پەیوەندی دۆستانە هێنایە بەرباس، کە دوولایەن لەگەل بە ئەرێنی و گرینگ نرخاندنی مێژوویی پەیوەندییەکان، رۆل و کارگەری سەرکردەی گەۆرەی کوردان نەمر مەلا مستەفا بارزانی، لە هیدایەتی مێژوویی مۆدێرن و هاۆچەرخی کوردستان و هەروەها رەۆتی خەباتی رزگاریخوازی نەتەوایەتی کورد بەرەۆ ئاستی سەرکەۆتنەکانی هەنووکەیی، بەرز و کارگەر نرخاند.}

^{لە درێژەی باس و ئاخفتنەکاندا، شاندی نوێنەرایەتی بزووتنەوەی کۆماریخوازان، دوابەداوی ناساندنی پرۆژەی ئاشتەوانی و چالاکیەکانی بزووتنەوەی کۆماریخوازان، سەبارەت بە ئیستراتێژی بزووتنەوە و شێواز و مێتۆدی خەباتی مەدەنی و دوور لە گرژی و رادیکالی بۆ دەستەبەرکردنی ئامانجی ئیستراتێژیکی کۆماریخوازان و، هەروەها مکانیزمەکانی گوونجاۆ بۆ سەرخستنی پرۆژەی ئاشتەوانی بزووتنەوە، روو لە شاندی پارتی دێمۆکراتی کوردستان روونکردنەوەی پێویستیان ئاراستەکرد، کە لەم پەیوەندییەدا هەر دوو لایەن لەسەر بەئیجابی‌بوونی ئەم شێوازە لە خەبات، و هاۆتەریبوونی ئیستراتێژی بزووتنەوەی کۆماریخوازان لەگەل ئەندیشەی ئیستراتێژیکی بەرێز سەرۆکی هەرێم کاک مەسعود بارزانی، لەمەر سوودوەرگرتن لە مکانیزمەکانی دیالۆگ و دانووستاندن بۆ بەئاشتی کردنی کێشەی کوردانی بەشەکانی دیکەی کوردستان،کۆک و هاۆرا بوون.}

^{لە کۆتاییدا، شاندی پارتی دێمۆکراتی کورستان لەگەل بە ئیجابی نرخاندنی پرۆژەی ئاشتەوانی بزووتنەوە، کار و چالاکی بزووتنەوەی کۆماریخوازانی بۆ سەرخستنی پرۆژەی ئاشتەوانی، وەک ئەرک و تێکۆشانێکی گرینگ و سەردەمیانە، وە شایانی پشتگیری و هاریکاری گشت لایەنی نرخاند، و لەم پەیوەندییەدا لەگەل راگەیاندنی ئامادەگی نوێنەرایەتیان بۆ ئاراستەکردنی هاۆکاری گشت رەهەندی و پێویست بۆ سەرخستنی پرۆژەی ئاشتەوانی بزووتنەوە، هیوای خواست کە لایەنەکانی رۆژهەلاتی، پرۆژەی ئاشتەوانی بزووتنەوەی کۆماریخوازان بە هێند وەربگرن و لەپێناۆ سەرخستنیدا، پشتگیری و هاۆکاری بکەن.}

^{شایانی باسە دیدارەکە نێزیک بە دوو سەعاتی خایاند و دوولایەن هێوایان خواست کە بتوانن ئاستی هاریکاری و پیوەندییە دێپلۆماسی و دووقۆلیەکانیان پەرە پێ‌بەدن، و بەم مەبەستەش دیدار و سەردانی بەردەوامیان وەک مکانیزمی گوونجاۆ و کارا بۆ پاراستن و بەهێزکردنی پەیوەندی دووقۆلی بە پێویست دەستنیشان کرد.}

^26/12/2013

کۆماریخواز/ ناوەندی هەوال/ هەۆلێر: رۆژی دووشەمبە رێکەۆتی ١٨/١١/٢٠١٣ شاندێکی یەکیەتی نەتەوەیی و دیمۆکراتی کوردستان، YNDK، پێکهاتوو لە بەرێزان، هەڤال شاخەوان خالد:گارگێری مەکتەبی سیاسی، هەڤال دکتور عەبدوللە عەدۆ ئەندامی مەکتەبی سیاسی و بەرپرسی مەکتەبی ناوەندی پەیوەندییەکان، و جەلال سمایل: کارگیری مەکتەبی ناوەندی راگەیاندن، سەردانی بارەگای نوێنەرایەتی بزووتنەوەی کۆماریخوازانی رۆژهەلاتی کوردستان لە شاری هەۆلێریان کرد. شاندی میوان زۆر بەگەرمی لەلایەن کارگێرانی دەفتەری نوێنەراییەتی بزووتنەوە پێکهاتوو لە چالاکوانان کاک ئازاد رەزائی کادری راگەیاندن، کاک لوقمان غنچەگوڵان کادری نوێنەرایەتی ،کاک سالح برناس کارگێری نوێنەرایەتی، کاک مه‌نسور زیایی کارگێری نوێنەرایەتی، بەسەرپەرشتی چالاکوان کاک هیوا مەۆلانیاء نوێنەری بزووتنەوەی کۆماریخوازان لە شاری هەۆلێر، پێشوازییان لێکرا.

لەسەرەتای باس و دانیشتنەکەدا شاندی میوان لە لایەن شاندی نوێنەرایەتی بزووتنەوە زۆر بەگەرمی بەخێرهاتن کران، دواتر رێزدار شاخەوان خالد:گارگێری مەکتەبی سیاسی سه‌بارەت به رەوشی هەنووکەیی جیهانی، ناۆچەیی و رەوشی هەستیاری کوردستان به گشتی، و هەروەها پێویستی تەئسیرپەزیری و خۆتەیاری گشت لایەنی، لە دەرئەنجامی ئەم گۆرانکارییانە هێنایە بەرباس. هەر لەم پەیوەندیەشدا، دوو لایەن سەبارەت بە زۆربابەتی وەک: پرسی کۆنگرەی نەتەوەیی، بارودۆخی هەنووکەیی ئێران و هەلسەنگاندنی کارنامەی ١٠٠رۆژەی دەۆلەتی ئاغای روحانی و ئیعدامەکانی تازە، و هەروەها کەش و هەوای سیاسی/کۆمەلایەتی رۆژهەلاتی کوردستان و گۆرانکارییە هەنووکەییەکانی باشوور، رۆژئاوا و باکوری کوردستان بیرورایان گۆرییەوە. کەلەم پەیوەندییەدا نوێنەری بزووتنەوەی کۆماریخوازان کاک هیوا مەۆلانیا سەبارەت بە رەوشی هەستیاری باشور و حکومەتی هەریم، وەکوو گەۆرەترین دەستکەۆتی مێژوویی کورد باسێکی روو لە شاندی میوان ئاراستەکرد و هێوای خواست کە گشت لایەن و تاکیکی کورد، بەئەرکی نەتەوەیی خۆیان سەبارەت بە پاراستنی ئەو دەستکەۆتە میژوییە هەستن، و لەهەمان کاتیشدا چاوەروانییەکانی کوردەکانی بەشەکانی دیکەی کوردستانی روو لە حکومەتی هەریـم دەستنیشان کردن،و هێوای خواست حکومەتی هەرێمش بە ئەرکی نەتەوەیی خۆی سەبارەت بە پالپشتی کوردان و پرۆژەی ئاشتەوانی بەشەکانی دیکەی کوردستان، هەستێت و ئیقدامی پێویست عەمەلی بکات.

تەوەرێکی دیکە لەباس و ئاخەفتنی ئەم دیدارە پەیوەندیداربوو بە جەختی دووقۆلی سه‌بارەت بەوەی کە دەبێت هەنگاو بنین بۆ ئەوەی هەموو حیزبە رۆژهەلاتیەکانی دانیشتووی تاراۆگە لە یەک نزیکتر ببنەوە بۆ ئەوی بتوانن ئاستی وەزن و کارگەرییان لە پرۆسێسی بریاراتی سیاسی سەبارەت بە چارەنووسی خەلکی رۆژهەلات دا بەرز و زیاتر بکەنەوە، کە لەم پەیوەندییەدا دوولایەن بەم مەبەستە جەختیان لەسەر پێویستی هاریکاری گشت  .لایەنی بۆ ساغکردنەوەی کۆدەنگی نێوان سازی و رێکخراوەکانیی رۆژهەلاتی کوردستان کردەوە

لە کۆتایی دیدارەکەدا شاندی میوان لەگەل دووپاتکردنەوەی پشتگیری سیاسی و مەعنەویی یندک لە بزوتنەوەی کۆماریخوازی رۆژهەلاتی کوردستان،رایانگەیاند کە بزوتنەوەی کۆماریخوازان خاوەنی ئاجێندا و پرۆژەیەکی ئاشتەوانی گرینگ و سەردەمیانەیە لە پێناو بەدیهاتنی ئاوات و ئامانجەکانی گەلی کورد لە روژهەلاتی کوردستان، و لەم پەیوەندیەدا پرۆژەی ئاشتەوانی بزووتنەوەیان وەک ئەرک و تێکۆشانێکی گرینگی ئاشتەوانی و شایانی پشتگیری و هاریکاری گشت لایەنی نرخاند.

شایانی باسە دیدارەکە نێزیک بە دوو سەعاتی خایاند و دوولایەن هێوایان خواست کە بتوانن ئاستی هاریکاری و پیوەندییە دێپلۆماسی و دووقۆلیەکانیان پەرە پێ‌بەدن، و بەم مەبەستەش دیدار و سەردانی بەردەوامیان وەک مکانیزمی گوونجاۆ و کارا بۆ پاراستن و بەهێزکردنی پەیوەندی دووقۆلی بە پێویست دەستنیشان کرد.

19/11/2013

<sup>کۆماریخواز/ ناوەندی هەوال/ هەۆلێر: لەرێکەۆتی ٥/١١/٢٠١٣ شاندێک لە کارگێرانی نوێنەرایەتی بزووتنەوەی کۆماریخوازی رۆژهەلاتی کوردستان پێکهاتوو لە چالاکوانان( کاک هیوا مەۆلانیاء نوێنەری بزووتنەوە لە هەۆلێر، کاک ئازاد رەزائی کارگێری بەشی مێدیا و چالاکوان کاک سالە برناس) سەردانی ژووری پەیوەندییە سیاسیەکانی بزووتنەوەی گۆران لە شاری هەۆلێریان کرد. شاندی بزووتنەوە زۆر بەگەرمی لەلایەن رێکخەری ژووری پەیوەندیە سیاسیەکانی بزووتنەوەی گۆران رێزدار دوکتور مەحمەد حاجی و کاک کاوە عومەر پیرداوود ئەندامی ژووری پەیوەندیە سیاسیەکان، پێشوازیان لێکرا.
لەم دیدارەدا سەرەتا، شاندی بزووتنەوە پیرۆزبایی کۆماریخوازانیان بەبۆنەی سەرکەۆتنەکانی بزووتنەوەی گۆران لە پرۆسەی هەلبژاردنی پەرلەمانی کوردستان ئاراستە کرد.
لەدرێژەی باس و ئاخفتنی دوولایەندا، شاندی بزووتنه‌وه‌ باسێکی سه‌باره‌ت به‌ ئیستراتێژی، پرۆژه‌ی ئاشته‌وانی و سیاسەتەکانی بزوتنەوە، وه‌ هه‌روه‌ها شیواز و مێتۆدی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه‌، روو له‌شاندی بزووتنەوەی گۆران ئاراسته‌ کرد، که‌ له‌م په‌یوه‌ندییه‌دا شاندی خانەخوێ، له‌گه‌ل به‌ ئیجابی و سەردەمیانە نرخاندنی پرۆژه‌ی ئاشته‌وانی بزووتنه‌وه‌، هێوایان خواست هەموو لایه‌نه‌کانی کوردستانی بە گەرمی پێشوازی و پشگیری لەم پرۆژه‌یه‌ بکه‌ن.
تەوەرێکی دیکە باسەکان پەیوەندیدار بوو بە بارودۆخی هەنووکەیی جیهانی، ناۆچەیی و کوردستانی، کەلەم پەیوەندیەدا رێزدار دوکتور مەحمەد حاجی لێکدانەوەیەکی زانستیانەی روو لە شاندی میوان ئاراستە کرد و دۆخی هەنووکەیی کوردستان بە گشتی و رۆژئاوە و رۆژهەلاتی کوردستانی بە تایبەتی تاۆتوێکرد، و دوولایەن سەبارەت بە رەۆتی رووداۆ و گۆرانکاریەکانی ئێرانی دوای هاتنەسەرکاری سەرۆک کۆماری نوێ بیرورایان گۆریەوە و تیشکیان خستە سەر رەۆتی ئیعدامەکانی چاوەرواننەکراۆ لە دەۆلەتی "امید و اعتدال"ی روحانی. 

تەوەرێکی دیکە لەباس و ئاخەفتنی ئەم دیدارە پەیوەندیداربوو بە کۆنگرەی نەتەوەیی کوردستان و هەلسەنگاندنی خالە لاواز و بەهێزەکانی و هەروەها گرینگ نرخاندنی بەستنی ئەم کۆنگرەیە لەپێناۆ ساغکردنەوەی مەرجەعێکی خاوەن دەنگ و رەنگی موەحەدی نەتەوەیی لەئاستی ناۆخۆ و دەرەوەی کوردستان، کە لەم پەیوەندییەدا دوولایەن جەختیان لەسەر پێویستی هاریکاری گشت لایەنی بۆ بەستنی گۆنگرەی نەتەوەیی لە کات و ساتی گوونجاۆ و بەدوور لە هێژموونی حیزبی و دەست تێوەردانی لایەنی دەرەکی دا کردەوە.
لە کۆتایی دیدارەکەدا شاندی بزووتنەوەی گۆران، پشتگیری سیاسی و مەعنەویی خۆیان لە بزوتنەوەی کۆماریخوازی رۆژهەلاتی کوردستان دووپات کردوە و دوولایەن لەسەر درێژەی دیدارەکان و رەخساندنی دەرفەت بۆ دیدار لە ئاستی رێبەرایەتی و قایم‌راگرتننی پەیوەندی دوو قۆلیان پێداگریان کرد.</sup>

^5/11/2013

^{کۆماریخواز/ ناوەندی هەوال/ هەۆلێر: رۆژی سێشەمبە رێکەۆتی ٢٩/١٠/٢٠١٣ شاندێکی پارتی کرێکارانی کوردستان پ.کا.کا، پێکهاتوو لە بەرێزان، هەڤال فەرعان نوێنەری پ.کا.کا، و هەڤال تێریژ ناسراۆ بە هەڤال تیشک کادری بەشی پەیوندییەکان، سەردانی بارگای نوێنەرایەتی بزووتنەوەی کۆماریخوازانی رۆژهەلاتی کوردستان لە شاری هەۆلێریان کرد. شاندی میوان زۆر بەگەرمی لەلایەن کارگێرانی دەفتەری نوێنەراییەتی بزووتنەوە پێکهاتوو لە چالاکوانان کاک ئازاد رەزائی، کاک لوقمان غنچەگوڵـان و کاک سالح برناس، بەسەرپەرشتی چالاکوان کاک هیوا مەۆلانیاء نوێنەری بزووتنەوەی کۆماریخوازان لە شاری هەۆلێر، پێشوازییان لێکرا.}

^{لەسەرەتای باس و دانیشتنەکەدا شاندی میوان زۆر بەگەرمی لە لایەن شاندی نوێنەرایەتی بزووتنەوە بەخێرهاتن کران، لەدرێژەی باس و ئاخەفتنی دوو قۆلیدا، نوێنەری بزووتنەوە چالاکوان هیوا مەۆلانیاء دوابەداوی ناساندنی پرۆژەی ئاشتەوانی و چالاکیەکانی بزووتنەوەی کۆماریخوازان لەمەر رەخساندنی زەمینەی پێویست و گوونجاۆ بۆ دەستپێکی پرۆسەی دیالۆگ و دانووستاندنی لایەنەکانی دەخیل لە کیشەی کورد لە رۆژهەلاتی کوردستان دا، باسێکی چری دووقۆلیان سەبارەت بە گۆران و گۆرانکارییەکانی هەنووکەیی جیهانی، ناۆچەیی و کوردستانی، و هەروەها پێویستی تەئسیرپەزیری و خۆتەیاری گشت لایەک لە دەرئەنجامی ئەم گۆرانکارییانە هێنایە بەرباس. هەر لەم پەیوەندیەشدا، دوو لایەن سەبارەت بە زۆربابەتی وەک: بارودۆخی هەنووکەیی ئێرانی دوای هەلبژاردنی سەرۆک کۆمار روحانی و ئیعدامەکانی تازە، و هەروەها کەش و هەوای سیاسی/کۆمەلایەتی رۆژهەلاتی کوردستان و گۆرانکارییە هەنووکەییەکانی باشوور، رۆژئاوا و باکوری کوردستان بیرورایان گۆرییەوە.}

^{تەوەرێکی دیکە لەباس و ئاخەفتنی ئەم دیدارە پەیوەندیداربوو بە کۆنگەرەی نەتەوەیی کوردستان و گرینگ نرخاندنی بەستنی ئەم کۆنگەرەیە لەپێناۆ ساغکردنەوەی مەرجەعێکی خاوەن دەنگ و رەنگی موەحەدی نەتەوەیی لەئاستی ناۆخۆ و دەرەوەی کوردستان، کە لەم پەیوەندییەدا دوولایەن جەختیان لەسەر پێویستی هاریکاری گشت لایەنی بۆ بەستنی گۆنگەرەی نەتەوەیی لە کات و ساتی دیاریکراۆ دا کرد.
لە کۆتائی دیدارەکەدا هەڤالـانی پارتی کرێکارانی کوردستان زۆر بە گرمی پشتیوانی خۆیان سەبارەت بە پشتگیری سیاسی و مەعنەویی لە بزوتنەوەی کۆماریخوازی رۆژهەلـاتی کوردستان راگەیاند و هیوایان خواست کە دوولایەن بتوانن ئاستی هاریکاری و پیوەندییە دێپلۆماسیەکانیان پەرە پێ‌بەدن، و دووپاتیان کردەوە کە بزوتنەوەی کۆماریخوازی رۆژهەڵـاتی کوردستان خاوەنی ئاجێندا و پرۆژەیەکی ئاشتەوانی گرینگ و سەردەمیانەیە لە پێناو بەدیهاتنی ئاوات و ئامانجەکانی گەلی کورد لە روژهەلـاتی کوردستان، هەربۆیەشە پرۆژەی ئاشتەوانی بزووتنەوەیان وەک ئەرک و تێکۆشانێکی گرینگی ئاشتەوانی و شایانی پشتگیری و هاریکاری گشت لایەنی نرخاند.
شایانی باسە دیدارەکە نێزیک بە دوو سەعاتی خایاند و دوولایەن لەسەر درێژەی دیدارەکان و رەخساندنی دەرفەت بۆ دیدار لە ئاستی رێبەرایەتی و قایمکردنی پەیوەندی دوو قۆلیان پێداگریان کرد.
29/10/2013}

^{کۆماریخواز/ ناوەندی هەوال/ هەۆلێر: ئێوارەی رۆژی سێشەمبە رێکەۆتی ١٥ی ئۆکتوبری ٢٠١٣، شاندێک لە کارگێرانی دەفتەری نوێنەرایەتی بزووتنەوەی کۆماریخوازان لە شاری هەۆلێر، پێکهاتوو لە چالاکوانانی هێژا کاک ئیبراهم بایەزیدی، کاک هیوا مەۆلانیاء، کاک ئازاد رەزائی و کاک مەنسور زیائی، بەمەبەستی ئاراستەکردنی پرسە و سەرخۆشی بزووتنەوەی کۆماریخوازانی رۆژهەلاتی کوردستان و گەیاندنی نامەی سەرخۆشی و هاۆخەمی رێکخەری گشتی بزووتنەوەی کۆماریخوازان دوکتور مستەفا شەمامی سەردانی بارەگای ناوەندی پارتی ئازادی کوردستان لە شاری هەۆلێریان کرد.}

 ^{شاندی بزووتنەوە زۆر بەگەرمی لەلایەن جێگری سەرۆکی پارتی ئازادی کوردستان رێزدار کاک حوسێن یەزدانپەنا و کاک رزگار عەباسزادە و شاندی یاوەریان پێشوازیان لێکرا و دوای ئاراستەکردنی پرسەو سەرخۆشی بزووتنەوەی کۆماریخوازان سەبارەت بە بەرەحمەت چوون و کۆچی دوایی خوالێخۆشبوو کاک عومەر خانی یەزدانپەنا باۆکی بەرێز کاک حوسێن یەزدانپەنا، و هێندێک باسی پەیوەندیدار بە مێژویی خەباتی ئەم کەلەپێاوەی کورد و چەند باسی دیکە، بەرێزەوە بەرێ کران.}

^18/10/2013