نوێنه‌رایه‌تی نه‌ته‌وه‌ یه‌كگرتوه‌كان له‌ عێراق یۆنامی رایگه‌یاند، له‌مانگی ئازاری رابردوودا به‌هۆی كرده‌وه‌ توندوتیژیه‌كانی ناوخۆی ئه‌و وڵاته‌وه‌ 2723 كه‌س كوژراون‌و بریندار بون‌و، له‌ژماره‌یه‌ش 897 كه‌سیان له‌ پارێزگای ئه‌نبار بوه‌.

ئاژانسی ئاسایشی نیشتیمانی ئه‌مریكا بڵاویكرده‌وه‌، له‌ماوه‌ی 9 ساڵی رابردودا توانیویه‌تی نیوه‌ی بروسكه‌و پۆستی ئه‌لكترۆنی دوژمنه‌كان له‌عێراق ئاشكرابكات كه‌ په‌یوه‌ندی هه‌بوه‌ به‌ گروپ‌و ڕێكخراوه‌ چه‌كداره‌كانی ناوخۆی ئه‌و وڵاته‌وه‌.

گولەر ئۆزئاڤجی ساڵانی پێشوو لەبەر ئەوەی سەرپۆشبەسەر بوو دوو جار لە زانکۆ دەرکرا ئەمساڵ لە هەڵبژاردنی شارەوانییەکانی تورکیا لەسەر لیستی بەدەپە خۆی بۆ سەرۆکی شارەوانیی حەزرۆ- پارێزگای ئامه‌د کاندید کرد و سەرکەوتنی بە دەستهێنا.

گولەر ئۆزئاڤجی، دوای ئاڵوگۆڕە سیاسییەکانی  ٢٨ ی شوباتی ١٩٩٧، کاتێك نەجمەدین ئەربەکان لەسەر کار لابرا و فشار خرایە سەر ژنانی سەرپۆشبەسەر، بیرەوەری تاڵی هەیە، ئەوکاتە لەبەر ئەوەی لەچکی دەپۆشی، دوو جار لە زانکۆ دەرکرا.

دوای زیاتر لە ١٧ ساڵ لەو مێژووە، ئێستا گولەر بە هەمان لەچکەوە لە لایەن زۆربەی خەڵکی حەزرۆ لە پارێزگای ئامه‌د، بە سەرۆکی شارەوانی هەڵبژێردرا.

ئۆزئاڤجی بۆ ئاژانسی ئانادۆڵ، باسی ئەو رۆژانەی کرد کە تێیدا بە فشار لە زانکۆ وەدەر نراوە "ساڵانی ١٩٩٨ و ١٩٩٩ دا لە کۆنیا کاتێ خوێندکاری زانکۆ بووم، بەهۆی باڵاپۆشیەکەمەوە توشی کێشەی زۆر هاتم ئەو کاتە فشاری زۆر دەخرایە سەر ئەو خویندکارانەی سەرپۆشبەسەر بوون. تەنگ پێ هەڵچنینم سەرەتا لە زانکۆ بوو لە وانەکان وەریان نەدەگرتم، دواتر لەناو بینای بەشەکەم لە زانکۆ و چەندین شوێنی دیکە بێبەش دەکرام. بێجگە لەوانە لە لایەن پۆلیسەوە هەراسان دەکرام. ساڵی ١٩٩٨ دوو جار هۆشداریم پێدرا لە لایەن سەرۆکایەتیی زانکۆ، دوای شەش مانگ هۆشداریدانەکە بووە راستی و بە تەواوی دوور خرامەوە".

دەڵێت "ئەو رۆژانە بڕۆن و نەگەڕێنەوە، زەحمەتی زۆری تیابوو بۆ ئەو خەڵکانەی باڵا پۆش و لەچک بەسەر بوون. چونکە ئەو ژنانە هیچ ئومێدێکیان بەوە نەبوو دوای خوێندن ببنە فەرمانبەر."

گولەر ئۆزئاڤجی دوای ئەو هەموو ئازارە، ئێستا یەکێکە لەو ژنانەی پەسەند کراوی زۆربەی دانیشتووانی شارەکەی خۆیەتی، ئیتر بۆ ئەوان گرنگ نییە گولەر لەچک بەسەرە یان نا.

02/04/2014

سكرتێری گشتی نەتەوەیەكگرتووەكان بان كی مون رایگەیاند، كۆمەڵگەی نێودەوڵەتی ئامادەكاری بۆ سازكردنی كۆنگرەی "ژنێف 3"ـی تایبەت بە رەوشی سوریا دەكات.

مه‌سعود بارزانی‌ سه‌رۆكی‌ هه‌رێمی‌ كوردستان په‌یامێكی‌ ئاڕاسته‌ی‌ پارتی‌ ئاشتی‌ و دیموكراسی (به‌ده‌په‌) كرد به‌بۆنه‌ی‌ سه‌ركه‌وتنی‌ ئه‌و پارته‌وه‌ له‌ هه‌ڵبژاردنی‌ شاره‌وانییه‌كانی‌ توركیا.

لە هەڵبژاردنی شارەوانییەکانى تورکیا لە ناوچە کوردییەکان پازده‌ ژن سەرکەوتنیان مسۆگەر کرد کە تێیدا دوو شارەوانیی گەورەی تێدایە.

بە پێی ئەنجامە بەراییەکانی ھەڵبژاردنی شارەوانییەکانی تورکیا لە ناوچە کوردییەکان، ژنی كاندید سەرکەوتنی بەرچاویان بە دەستهێناوە.

سەرۆکی داهاتووی شارەوانیی ئامه‌دو ئورفا ژنن و هەریەکەیان لە پارتێکی جیاوازن.

لە ئامه‌د ژنە سیاسەتوان و هاوسەرۆکی بەدەپە (گوڵتان کشاناک) سەرکەوتنی مسۆگەر کرد و بە دەنگی زۆرینەی دانیشتووانی شارەکە، بووە سەرۆکی داهاتووی شارەوانیی مەزنی ئامه‌د.

هەروەها لە عەنتاب، وەزیری پێشووی کاروباری کۆمەڵایەتیی تورکیا فاتمە شاھین، بە دەنگی زۆرینەی خەڵکی شارەکە بووە سەرۆکی داهاتووی شارەوانیی گەورەی عەنتاب. شاهین بەربژاری ئاکپارتی بوو.

بێجگە لەو دوو ژنە، لە سنووری پارێزگای ئامه‌د ئەم ژنانە بۆ شارەوانییە جیاوزەکان دەرچوون:

بیرسەن کایا ئاکات بۆ سەرۆکی شارەوانیی باغلار

یوکسەل بۆداکچی لە فارقین

گولەر ئۆزئاڤجی لە حەزرۆ

پەتەک ئەلیوسە لە ئێغلە

جەمیلە ئەمینئۆغڵو لە شارۆچکەی بسمیل

رێزان زۆغرڵو شارۆچکەی لجێ

پارێزگای ماردین ئەم ژننانە دەرچوون:

زەینەب سیپچێک لە کەربۆران

سارا کایا لە نسێبین

نەجلا یڵدرم لە مازیداغ

پارێزگای شرنەخ

ئەمینە ئەسمەر لە سلۆپی

لەیلا ئیمرەت لە جزیر

پارێزگای هەکاری

زەینەب ئۆرەن لە شەمزینان

رابیعە تەکاس لە باشوەرەملییش

لەو ١٥ ژنە کە بۆ پۆستی سەرۆکی شارەوانی ھەڵبژێردراون، یەکیان ئەندامی ئاکپارتی و ١٤ی دیکە ئەندامی بەدەپەن.

رێزان رۆغورلوی تەمەن ٢٥ ساڵ کە بۆ سەرۆکی شارەوانیی لجێ سەرکەوتوون لەگەڵ لەیلا ئیمەرتی تەمەن ٢٧ ساڵ بۆ شارەوانی جزیر، گەنجترین سەرۆک شارەوانی تورکیان.

01/04/2014

راوێژکاری یاسایی سەرۆکی حکومەتی ھەرێمی کوردستان رایگه‌یاند حکومەتی عێراق  هیچ نیازپاكیه‌كی‌ نیشان نه‌داوه‌ بۆ چاره‌سه‌رۆكردنی‌ كێشه‌كان و حكومه‌تی‌ عێراق دەیەوێ کورد جیابێتەوە.

مه‌سعود بارزانی سه‌رۆكی هه‌رێمی كوردستان جه‌ختیكرده‌وه‌، ئه‌گه‌ر ده‌سه‌ڵاتدارانی به‌غدا به‌رده‌وام بن له‌ پێشێلكردنی ده‌ستوور و بیانه‌وێ له‌ڕێی هه‌ڕه‌شه‌ و بڕینی بودجه‌وه‌ گوشار بۆ هه‌رێم بهێنن ئه‌وا ناچار ده‌بن ڕێگه‌ی تر بگرینه‌به‌ر.

^{کۆماریخواز/ ناوەندی هەوال/ هەۆلێر: رۆژی دووشەمە رێکەۆتی ٣١ ئادار، شاندێکی بزوتنەوەی کۆماریخوازی رۆژهەلاتی کوردستان بە سەرپەرشتی هیوا کوردستانی نوێنەری بزوتنەوە لە هەۆلێر، و کاک سالە برناس و کاک ژیلوان مستەفا چاڵاکوانانی بەشی پەیوەندی بزوتنەوەی کۆماریخوازانی رۆژهەلات، سەردانی ناۆچەی خانزاد پارتی دێموکراتی کوردستانیان لەشاری هەۆلێرکرد کە لە لایان مەسئولی ناۆچە  ماموەستا زامناک  و مسئولی ڕیکخراوەکانی سەربە ناۆچە زۆر بە گەرمی پێشوازیان لێ کرا}

^{لەسەرەتای  دیدار و دانێشتنەکەدا، شاندی بزووتنه‌وه‌ باسێکی سه‌باره‌ت به‌ ئیستراتێژی، پرۆژه‌ی ئاشته‌وانی و سیاسەتەکانی بزووتنەوە، وه‌ هه‌روه‌ها شیواز و مێتۆدی خه‌بات، له‌گه‌ل مکانیزمه‌کانی گوونجا و کارا بۆ ده‌سته‌به‌رکردنی ئامانجی ئیستراتێژێکی بزووتنه‌وه‌، روو له‌شاندی خانەخوێ  ئاراستەکرد، که‌ له‌م په‌یوه‌ندییه‌دا شاندی پارتی دێمۆکراتی کوردستان، له‌گه‌ل به‌ ئیجابی و سەردەمیانە نرخاندنی پرۆژه‌ی ئاشته‌وانی بزووتنه‌وه‌،  ئیستراتێژی بزووتنەوەی کۆماریخوازانیان لەگەل ئەندیشەی ئیستراتێژیکی بەرێز سەرۆکی هەرێم کاک مەسعود بارزانی، لەمەر سوودوەرگرتن لە مکانیزمەکانی دیالۆگ و دانووستاندن بۆ بەئاشتی کردنی کێشەی کوردانی بەشەکانی دیکەی کوردستان، هاۆتەریب نەرخاند، و  هێواخوازبوون کە گشت لایه‌نه‌کانی کوردستانی بە گەرمی پێشوازی و پشتگیری لەم پرۆژه‌ی ئاشتەوانی بزووتنەوە بکه‌ن.}

^{لە تەوەرێکی دیکەی دانێشتنەکەدا، ماموەستا زامناک زۆر بە شێوەیەکی زانستیانە لێکدانەوەیەکی سەبارەت بە مێژوویی پەر لە نەهامتی کورد ئاراستەکرد، و لەدرێژەی ئاخەفتنەکەیدا، هەۆلی گشت لایەنەکانی ناۆ گۆرەپانی خەباتی بۆ رێکخستنەوەی ناۆمالی کوردی، وەک پێویستێکی هەرە گرینگ و هەنووکەیی نرخاند، و لەم پەیوەندیەشدا هێوای خواست کە حیزبەکانی رۆژهەلات زیاتر هەۆلی لەیەک نێزیکبوونەوە بدەن، چونکە ئەۆ لێکدابرانە بۆوت بە هۆی ڵاۆازی حیزبەکان و بی هیوابوونی گەڵی کورد لە رۆژهەلـات ..}

^{لە دریژی دانێشتنەکاندا نوێنەری بزووتنەوە چالاکوان هیوا کوردستانی باسی لە دوخی هەنووکەیی کۆردستانی، ناۆچەیی، و جیهانی کرد، و لەم پەیوەندییە بە تایبەت تیشکی خستە سەر رۆلی پارتی دیمۆکراتی کوردستان کە بە درێژایی مێژوو هەۆلی ئەوەێ داوە ناۆ مالی کورد ڕێکبخات و لە هەمان کاتدا دەست خوشی لە رولی پارتی کرد کە بوتە هوێ حەوانەوەی هەموو بەشەکانی کوردستان بە تایبەت براو خوشکە ئاوارەکانی رۆژئاوەی کوردستان.}

^{شایانی باسە دیدارەکە زیاتر لە یەک  سەعاتی خایاند و دوولایەن بریاریاندا کە بتوانن ئاستی هاریکاری و پیوەندییە دێپلۆماسی و دووقۆلیەکانیان پەرە پێ‌بدەن، و بەم مەبەستەش دیدار و سەردانی بەردەوامیان وەک مکانیزمی گوونجاۆ و کارا بۆ پاراستن و بەهێزکردنی پەیوەندی دووقۆلی بە پێویست دەستنیشان کرد.}

^31/03/2014