^{توانا ئەحمەد خەیات}

^{زۆرن ئەو هاوبەشیانەی کە لەنێوان ئێران‌و عێڕاق لەلایەک‌و لەنێوان ئێران‌و لوبنان لەلایەکی ترەوە هەن، گرنگترینی ئەو هاوبەشیانە بریتین لەو هێزە سیاسیانەی کە لەلایەن ئێرانەوە پشگیریان لێدەکرێت‌و لەهەریەک لەوڵاتەکانی عێراق‌و لوبنان باڵادەستن، دەکرێ بڵێین ئەو هێزانەی کە هەریەک لەعێراق‌و لوبنان بەڕێوە دەبەن سەر بەئێرانن.}

^{بەڵام ئەم خۆپیشاندان‌و ناڕەزایەتیانەی کە هەریەک لەئێران‌و عێڕاق‌و لوبنانی گرتۆتەوە ئاماژەن بۆ ئەوەی کە ئەختەبوتە ئێرانیەکە بەبارودۆخێکی دژواردا تێپەڕ دەبێت، ئەم وەرزی خۆپیشاندان‌و ناڕەزایەتیانەی کە زۆرێک لەوڵاتانی گرتۆتەوە بەلای چاودێرانی سیاسیەوە تەنها سەرهەڵدانەوەی (بەهاری عەرەبی) نییە، بەڵکو بە(بەهاری جیهانی) ناوزەندی دەکەن.}

^{خۆپیشاندانی هەزارەها ئێرانی لەشەقامەکانی ئەو ووڵاتەدا تەنها لەدژی گران بونی نرخی بەنزین نییە لەئێراندا، بەڵکو لەقوڵایدا داخوازی خۆپیشاندەرانی ئێرانی یەکانگیرە لەگەڵ داخوازی خۆپیشاندەرانی عێراق‌و لوبنان، ئەویش دەربڕینی ناڕازایەتییە بەرامبەر کۆی سیستەمی سیاسی لەهەریەک لەئێران‌و عێڕاق‌و لوبنان. لەگەڵ بونی ژمارەیەکی زۆر لەهاوبەشی لەنێوان هەریەک لەم سێ وڵاتەدا، گرنگترینیان باڵادەستی ئێرانە}

مەریوان وریا قانع

^{بەبۆچونی من ئەوەی ئێستا لەم ناوچەیەدا دەگوزەرێت ”شەپۆلی دووھەم"ی ناڕەزاییدەربڕینێکە کە ”بەھاری عەرەبیی" شەپۆلی یەکەمی بوو. لە زۆر ڕووەوە ئەوەی ڕووئەدات بەردەوامی ھەمان ئەو شەپۆلەیە دوای دە ساڵێک دواتر. دروشمی سەرەکیی بەھاری عەرەبیی ”نان و ئازادیی و کەرامەت" بوو.}

^{جەوھەری ناڕەزاییەکانی ئەمڕۆکەش بەھەمان شێوە لەدەوری ھەمان دروشم دەسوڕێنەوە و لە ھەومەرجێی تازەدا نیشانیئەداتەوە.}

^{ساڵانێکی درێژە ئەوانەی دەچنە سەر شەقامەکان و بەڕووی ئەو دەسەڵاتدارایانەدا دەچنەوە کە لەناوچەکەدا سەروەرن ئەو سێ داواکارییە سەرەکییان ھەیە کە لەو دروشمەدا بەرجەستەیە. لە ڕاستیدا ئەم سێ داواکارییە ماوەیەکی درێژە لەگەڵ مێژووی میلەتانی ئەم ناوچەیەدا دەژیی و بۆ ماوەیەکی}

شه‌هریار شێخله‌ر

^{پارچه‌كانی پازڵی ڕووداوه‌كانی دوو مانگی ڕابردووی ڕۆژهه‌ڵاتی ناوه‌راست زۆر به‌خێرایی خه‌ریكن یه‌كده‌گرن و وێنه‌ گه‌وره‌كه‌ ڕوونترده‌كه‌نه‌وه‌. ده‌توانین بڵێین سه‌ره‌تای پازڵه‌كه‌ له‌ بڕیاری دۆناڵد تڕامپ بۆ كشانه‌وه‌ی هێزه‌كانی ئه‌مریكا له‌ ڕۆژئاوا ده‌ستی پێكرد. بڕیاڕێك كوردی به‌په‌رۆش كرد بۆ ده‌سكه‌وته‌ گه‌نجه‌كه‌ی كورد له‌ ڕۆژئاوا و پاڵپشتیه‌كی زۆری له‌ جیهان بۆ كورد كۆكرده‌وه‌، به‌تایبه‌ت له‌ ناو وڵاتانی ئه‌ورووپی و ته‌نانه‌ت له‌ناو كۆماریه‌كانیش وه‌كوو گه‌وره‌ سێناتۆر لیندزی گڕاهام. پێده‌چێت كاتێك جیهان به‌ كشانه‌وه‌ی ئه‌مریكا له‌ ڕۆژئاوا سه‌رقاڵ بوون، لایه‌نه‌كانی ده‌سه‌لات و ئۆپۆزیسیۆن له‌ عێڕاق و لوبنان كۆتا هه‌نگاوه‌كانیان بۆ ڕێكخستنه‌وه‌ی خۆیان و هاوپه‌یمانه‌كانیان هه‌ڵده‌هێناوه‌ و ئه‌و هاوكات بوونه‌ی ڕووداوه‌كانی ڕۆژئاوا له‌گه‌ڵ سه‌رهه‌ڵدانی ڕاپه‌رینی جه‌ماوه‌ری له‌ لوبنان و عێڕاق، پازڵی داهاتووی ڕۆژهه‌ڵاتی ناوه‌ڕاستی ئاڵۆزتر كرد‌وه‌ به‌تایبه‌ت كه‌ ڕه‌خنه‌كانی كۆماریه‌كان بۆ سه‌ر پلانه‌كانی تڕامپ پاش چه‌ند كۆبوونه‌وه‌یه‌ك له‌گه‌ڵ ئیداره‌ی تڕامپ هێوربوویه‌وه‌.}

^{د. جەعفەر عەلی}

^{رەنگە لە سەرەتادا وەک ھەستێک، سۆزێک، یان تەنھا ھاوسۆزی و بەزەیی نواندن بەرامبەر بە رووداو یان کارەساتێک، کە رووبەڕووی گروپێکی مرۆیی، نەتەوەیی یان دینی، یان دەرەوەی نەتەوە و دینەکەشمان دەبێتەوە، جۆرێک لە پەرچەکردار بەپێی پابەندی سیاسی و کۆمەڵایەتی، لەوانەش فراوانتر مرۆیی، پێشانبدەین.
ئەو ھەڵوێستانەی لە سەرەتادا و وەک پەرچەکرداری ھاوسۆزی لەسەر بنەمای ھەست و عاتیفە لە دایک دەبن، ئەگەر نەگۆڕێن بۆ ھەڵوێست لە ھۆشیاریماندا، نەبن بە بەشێک لە حەقیقەتی بوونمان و لە ھۆشیاریماندا جێگە نەگرن، لەوانەیە نە ھەڵوێستە عاتیفییەکان تەمەن درێژ و، نە پەرچەکردارە ھاوسۆزییەکانمان، بەرھەمێکی گرنگی لێبچنرێتەوە.
ئەوەی ئەمڕۆ کورد بەشێوەیەکی گشتی دەرھەق بە دۆخ و ئەزموونی کوردانی رۆژئاوا پێشانیدەدات، بە بایکۆتکردنی کاڵا و شمەکی تورکیاشەوە، ھەڵوێستە، ھەڵوێستێک کە تا ئەندازەیەکی گەورە لە پرەنسیپی ھاوسۆزی بۆ رۆژئاوا لەسەر بنەمای کوردبوون، یان نەتەوەیی، سەرچاوەی گرتووە. بۆ مرۆڤ شانازییەکی گەورەیە، کاتێک ھاوزمان و ھاونەتەوەکەی، دەتوانێ نموونە و مۆدێلێکی دیموکراسی، سیاسی و کۆمەڵایەتی جوان لە کاری بەڕێوەبردن و بە یەکەوە ژیاندا پێشکەش}

^{کاوە مەحمود}

^{لە 9ی تشرینی دووەمی ئەمساڵدا حەوت لایەنی چەپی کوردستانی لە باکور و باشور و ڕۆژهەڵات و ڕۆژئاوا لە ژێر ناونیشانی (کاراکردنی ڕۆڵی هێزە چەپەکانی کوردستان لە تێکۆشانی نیشتمانی و چینایەتیدا)، لە شاری هەولیر یەکەمین کۆڕبەندی هێزە چەپەکانی کوردستانیان بەست. پانێلەکانی کۆڕبەندەکە بریتی بوون لە ڕوانگەی ئەو هێزانە بۆ کێَشەکانی ڕۆژهەڵاتی ناوەڕاست، و ململانێی هێزە نێودەوڵەتی و هەرێمایەتییەکان لە ڕۆژهەڵاتی ناوەڕاست و کارتێکردنی لەسەر پرسی کوردستان، و هاوکات لە گەڵ هەلومەرجی ئەمڕۆی کوردستان و بابەتی بنەمای گوتاری هێزەکانی چەپی کوردستان و دەرفەتی کاری هاوبەش و ئاستەنگەکان.مەبەستی سەرەکی کۆبونەوەکە جەختکردن لەسەر بنیاتنانی مەعرفی و زانستی هزری چەپی کوردستانی بوو بۆ خوێندنەوەی ڕەوشی سیاسی بە شێوەیەکی گشتی، و دانانی میکانیزمی گونجاوی کاری هاوبەشی چەپ لە هەر بەشێکی کوردستان و لە کوردستانی گەورە بە گشتی.یەکێک لە بابەتە هزرییەکان کە بێگومان ڕووبەڕووی ئەو هێزانە دەبێتەوە و هەندێ جاریش لێکدانەوەی تەمومژاوی بۆ دەکرێت، بابەتی تێکۆشانی نیشتمانی و تێکۆشانی چینایەتی و خەبات لە پێناوی ئازادییەکانی بە گشتی و مافەکانی ژنان و ناوەندەکانی زەحمەتکێشانە، کە هەندێ جار لە بواری مامەڵەکردن لە گەڵ هەر بەشێکی ئەم تێکۆشانانە، بە میتۆد و عەقلیەتی ناکۆک دانان نێوانیان ڕەفتار دەکرێت و داوای هەڵوێست وەرگرتن دەکرێت کە گوایە تێکۆشانی نیشتمانی لە پێش تێکۆشانی}

عومەر ئەحمەد

<sup>پێدەچێت شەڕی ناوخۆی سووریا بەرەو یەكلابوونەوە بڕوات و لە ئەنجامدا بەشار ئەسەد هەموو خاكی سووریا كۆنترۆڵ بكاتەوە. ئێستا رەوشی سووریا وەك ئەوەیە كە دوای شەڕ، وڵاتە ناوچەیی و زلهێزەكانی جیهان خەریكی چنینەوەی دەستكەوتەكانی شەڕبن. دوای ئەوەی ویلایەتە یەكگرتووەكانی ئەمریكا رایگەیاند هێزەكانی لە سووریا دەكشێنێتەوە، توركیا لە رۆژی 9ی تشرینی یەكەم هێرشی كردە سەر رۆژاوای کوردستان و ناوچەی نێوان گرێسپی و سەرێكانی بە درێژایی 120 كیلۆمەتر و قووڵایی 32 كیلۆمەتر كۆنترۆڵ كرد. لە ئەنجامی رێككەوتنی ئەمریكا و توركیا و دوای ئەوەش لە دیداری نێوان ئەردۆغان و ڤلادیمێر پووتین لە سووچی، ئەوەی كە بە كارێكی نەكردەنی دەهاتە بەرچاو، روویدا و هەردوولا لەسەر پرسی سووریا رێككەوتن. رێككەوتنە 11 خاڵییەكەی نێوان رووسیا و توركیا، بووە هۆكاری ئەوەی توركیا شەڕ رابگرێت، بەمەرجێك بەپێی رێككەوتنەكە، هێزەكانی هەسەدە تاوەكو قووڵایی 32 كیلۆمەتر بكشێنەوە.

دوای 20 رۆژ لە هێرشی توركیا، ئێستا ئەو وڵاتانەی هێزیان لەنێو خاكی سووریادا هەیە، هەر كام بە لێكدانەوەی خۆیان دەڵێن كۆنترۆڵی نەوتی سووریایان لەدەستە.</sup>

^{دكتۆر بكر صدیق}

^{هه‌مواركردنه‌وه‌ی ده‌ستوری عیراق، مشتومرێكی، سیاسی له‌ كوردستاندا وروژاندوه‌ كه‌، قابیلی هه‌لوه‌سته‌ی جدی یاساناسانی بواری ده‌ستوری یه‌، له‌لایه‌ك، له‌لایه‌كی تریشه‌وه‌، هیچ كام له‌ سه‌ركرده‌ و رێبه‌رانی كورد، بواری دوركه‌وتنه‌وه‌یان نیه‌ له‌و پریشك و مه‌ترسیانه‌ی كه‌ له‌ ئه‌گه‌ری هه‌مواری سلبیانه‌ی ده‌ستوره‌كه‌ به‌ربینگی مافه‌ ده‌ستوریه‌كانی خه‌لكی كوردستان ده‌گرێت.} له‌راستیدا، هه‌مواری ده‌ستوری عیراق، هه‌م سلبیات و هه‌ره‌شه‌ له‌سه‌ر كۆی پرۆسه‌ی سیاسی عیراق و هه‌رێمی كوردستان دروست ده‌كات، هه‌م له‌زۆر روه‌وه‌ ئیجابیاتی یاسایی و سیاسی خۆی هه‌یه‌.

^{یه‌كه‌م: هه‌ڕه‌شه‌كان}

^{له‌راستیدا، له‌ناو ئه‌و ده‌ستوره‌ی ئێستا خراوه‌ته‌ ناو گره‌وی هه‌مواركردنه‌وه‌وه‌، پارێزبه‌ندی مافه‌ سیاسی و نه‌ته‌وایه‌تیه‌ بنه‌ره‌تیه‌كانی هه‌رێمی كوردستانی ده‌سته‌به‌ركردوه‌. هه‌ر ئه‌مه‌شه‌ كه‌ مه‌سه‌له‌ی كورد له‌ كوردستانی باشوردا له‌دوو مه‌ترسی سه‌ره‌كی و ژیاری له‌خه‌م}

هێرش عەبدولرەحمان

^{بڕیاری كشانەوەی هێزەكانی ئەمەریكا بە بڕیاری ترەمپ، دەریخست كوردی رۆژئاڤا خاوەنی دۆستیكی زۆرە لە دونیای دەرەوە.}

^{هەر سەربازێكی ئەمەریكی یان كاربەدەستێكی حكومەتی ئەو وڵاتە كە شارەزایی تایبەتی لە كەیسی رۆژئاڤا داهەیە كاتێك لێی دەپرسی بۆ وا سەرسامن و بەرگری سەرسەخت لە كوردەكانی ئەوێ دەكەن ؟ ئەوا پێت دەڵێن ڕۆژئاوای كوردستان لەماوەی چەند ساڵێكدا توانیویانە دەسكەوتی گەورە بەدەست بهێنن و وێنەیەكی جوان لە حکومڕان بەرفراوان نیشانی جیهان و دەوربەر بدەن. ئەوان دەڵێن دەسەڵاتی رۆژئاڤا سەركەوتوانە توانیان زۆربەی هێزە كوردییەكان و عەرەب و نەتەوەكانی تر لە ژێر یەك چەتر و ئاڵادا كۆ بكەنەوە، ئەمەش لەڕوانگەی ئەوانەوە كارێكی هەروا ئاسان نییە لەناوچەیەكی پڕ لە كێشەدا ئەو هەمو نەتەوە جیاوازانە کۆبکەیتەوە.}

^{‏بەلای كەسانی دیارو بەرچاوی ئەمەریكا وە ئەم بڕیارە لەناكاوەی ترامپ جێی بڕواو پێشبینی كراو نەبو، بگرە وەك كارەساتێك سەیریان كرد. كاتێك ئەم بڕیارە سۆشیال مێدیا، بە تایبەتی تویتەر، و مێدیاكانی دیکەی تەنی، هەر زو ئەندامی ئەنجومەنی پیران "لیندزی گراهام" لە تویتێكدا ڕایگەیاند بڕیارەكە بەرامبەر بە كوردەكان هاوشێوەی (11)ى سێبتەمبەر بو و هەمومانی شۆك كرد. ئەمەش}

^{هونەر تۆفیق}

^{لە کاتێکدا بەریتانیا ئیمپراتۆرێکی بەهێز و توانا بوو، هیندەکان گەلێکی هەژاری لاواز و داگیرکراوبوون. لەڕووی هێزی سەربازی و ئابووریەوە شایەنی بەراوردکاری نەبوون.گەلی هیندی لاوازی داگیرکراو، بە ڕابەرایەتی غاندی، لەو کاتەدا بڕیاری شۆڕشیان دا. شۆڕشی بایکۆت، شۆڕشی خۆڕزگارکردن لە ژێردەستەیی و ئازادبوون لە داگیرکاری بەریتانیەکان. شۆڕشی بێ چەک و بێ توندوتیژی. لە کاروانی خوێ وە شۆڕشی خۆییان بەرپاکرد.
ئینگلیزەکان لە هیندستان ئیحتکاری هەموو شتێکیان کردبوو، لەوانە ئیحتکاری خوێش. غاندی لە کاروانێکی ٤٠٠ كیلۆمه‌تردا شاربەشار و گوند بەگوند بەرە و دەریا کاروانەکەی دەستپێکرد، بەئامانجی گەیشتن بە خوێ ی کەنار دەریا. کاتێک گەیشتە لای لمەسوێرەکەی کەنار دەریا، دەیان هەزار خەڵکی هیندی لە پشتەوەبوو. مشتێ خوێی لە ئاوە وشکەوەبووەکەی لێوار دەریاکە بەرزکردەوە و گوتی: لێرەوە شۆڕشەکەمان دەستپێدەکەین، شۆڕشی بایکۆتی کاڵا و شتومەکی بەریتانی و خۆمان خۆمان دەژیەنین. لەو مشتە خوێیەوە کاروانی ئازادی گەلانی هیندستان دەستی پێکرد.مۆدێلەکانی شۆڕش لە مێژوودا جیاوازن، شۆڕشی کەمینە بەسەر زۆرینەدا، شۆرشی هەژاران بەسەر دەوڵەمەندەکاندا، شۆڕشی کۆیلەکان}

^{د. جەعفەر عەلی}

^{چەندین ساڵە سەرزەمینی سوریا، مەیدانێکی گەرمی رووبەڕووبوونەوە و ململانێی نێوان دەوڵەتانی دونیا و ناوچەکەیە. لەگەڵ سەرھەڵدانی بەھاری عەرەبی لە (٢٠١١)دا ئەگەرەکان بەرەو ئەوە بوون، کە سوریا روو لە کەوتن و خۆری بنەماڵەی ئەسەدیش روو لە ئاوابوون بێت، بەڵام رووداوەکان ئاراستەیەکی دیکەیان وەرگرت، ئاراستەیەک کە رەنگە بۆ خودی ئەسەد و ھاوپەیمانەکانیشی پێشبینیکراو نەبووبێت.}

^{کاتێک خەڵکی سوریا بە جیاوازی پێکھاتە نەتەوەیی و ئایینییەکانییەوە دژ بە دیمەشق راپەڕین، بەشێکی گەورە لە دەوڵەتانی بڕیار بە دەستی دونیا لە ئەمریکاوە بۆ ئەوروپا، تەنانەت تورکیاش، داوای رۆیشتنی بەشار ئەسەدیان دەکرد، تەنانەت بڕوایان وابوو، کە چارەسەری ئاشتیانەی دۆخی سوریا لە ئامادەبوونی ئەسەددا، کارێکی نەکردەیە.}

^{دیمەشق تا دوو ساڵیش بەر لە ئێستا، بەشی ھەرە گەورەی جوگرافیاکەی بۆ گروپە جیاوازەکانی سوریا لە دەستدابوو، چ گروپەکانی ئۆپۆزیسیۆنی سوریا، یان داعش، وێڕای ئەوەی کە ناوچەکانی ھاوسنور لەگەڵ تورکیاش، تایبەت ئەو ناوچانەی کە زۆرینەی کوردنشینن، بە واقیعی لە بندەستی کوردەکاندا بوون و سوپای دەوڵەتی سوریا لەو ناوچانەدا پاشەکشەی کردبوو. کوردەکان جیاواز لە ناوچەکانی دیکە، جۆرێک لە بەڕێوەبردنی سەربەخۆیان لە ناوچەکانی ژێر دەسەڵاتیان}