به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
له په‌رله‌مانى ئه‌وروپا کۆبونه‌وه‌یه‌ک بۆ پێشخستنى دیالۆگى چاره‌سه‌رى پرسى کورد رێک ده‌خرێ و کۆبونه‌وه‌که له ڕۆژانى 6 ــ 7 ى ئه‌م مانگه ده‌به‌سترێ . هاوسه‌رۆکى BDP سه‌ڵاحه‌دین ده‌میرتاش و شاندێکى یاوه‌رى و هه‌روه‌ها نوێنه‌رانى پارته‌کانى چه‌پ ، سه‌وز ، لیبراڵ سوسیال دیموکرات ئاماده ده‌بن .له په‌رله‌مانى ئه‌وروپا کۆبونه‌وه‌یه‌ک بۆ پێشخستنى دیالۆگى چاره‌سه‌رى پرسى کورد به ناوى ( له تورکیا بۆ چاره‌سه‌رى پرسى کورد دیالۆگ ) ڕێک ده‌خرێت .هه‌روه‌ها له په‌راوێزى کۆبونه‌وه‌کاندا ، به‌رپرسانى BDP چاویان به به‌پرسانى یه‌کێتى ئه‌وروپا ده‌که‌وێت و پاشان له باره‌گاى یه‌کێتى ئه‌وروپا هاوسه‌رۆکى BDP سه‌ڵاحه‌دین ده‌میرتاش کۆنگره‌یه‌کى ده‌به‌ستێ و ، له سه‌ر کۆبونه‌وه و دیداره‌کان و دواین قۆناخى چاره‌سه‌رى و دیالۆگ زانیارى ده‌دات .به‌م شێوه‌یه‌ش بۆ یه‌که‌من جار نوێنه‌رانى یه‌کێتى ئه‌وروپا بۆچونى خۆیان له‌سه‌ر دیالۆگى نێوان ڕێبه‌رى گه‌لى کورد عه‌بدوللا ئۆجالان و ده‌وله‌تى تورک ده‌ستنیشان ده‌کات.
03/02/2013
میدیاكانی توركیا ئاشكرایان كردووه كه پۆلیسی ئه‌و وڵاته 3 گومانلێكراویان ده‌ستگیر كردووه كه په‌یوه‌ندییان به خۆكوژه‌كه‌ی رۆژی هه‌ینیی به‌رده‌م باڵیۆزخانه‌ی ئه‌مه‌ریكا له ئه‌نكارای پایته‌خت هه‌بووه.
دوێنێ له هه‌ڵمه‌تێكی پۆلیسی توركیادا 3 كه‌س له هه‌ر دوو شاری ئه‌نكارا و ئیستانبوڵ ده‌ستگیر كراون و ئێستاش له ژێر لێكۆڵینه‌وه‌دان.
به‌پێی راپۆرته‌كان ئه‌و 3 گومالێكراوه په‌یوه‌ندییان به خۆكوژه‌كه‌وه هه‌بووه كه ئاشكرا بووه ناوی ئێجه‌ڤیت سانلی-یه و ته‌مه‌نی 40 ساڵان بووه و چه‌ند ساڵێك له‌مه‌وپێش له‌سه‌ر تاوانی تیرۆریستی، زیندانی كراوه و نه‌خۆشی ده‌روونیشی له‌گه‌ڵ بووه.
رۆژی هه‌ینی، له‌ئاكامی ئه‌و ته‌قینه‌وه‌یه، پاسه‌وانێكی تورك گیانی له‌ده‌ستدا و رۆژنامه‌نووسێكیش به سه‌ختی بریندار بووه.
03/02/2013
كتێبی "مێژوو و ژیانی كۆمه‌ڵایه‌تی ـ كلتووری كوردانی ئیزه‌دی" له نووسینی عوسمان یوسفی له ئێران بڵاوكرایه‌وه.
ئه‌م كتێبه له لایه‌ن ده‌زگای چاپ و بڵاوكردنه‌وه‌ی "توێژینه‌وه‌كانی مێژووی ئیسلام" له ئێران كه‌وته به‌ردیدی خوێنه‌ران.
كوردانی ئیزه‌دی كه ئه‌مڕۆكه له چه‌ندین وڵات ژیان به‌سه‌ر ده‌به‌ن له‌وانه له هه‌رێمی كوردستان، له ماوه‌ی سه‌دان ساڵی رابردوودا له لایه‌ن توێژه‌ران و نووسه‌ران بایخی تایبه‌تیان پێدراوه.
له‌م كتێبه‌دا توێژینه‌وه‌ییه‌دا به رچاوگرتنی سه‌رچاوه سه‌ره‌كییه‌كان و توێژینه‌وه مۆدێرنه‌كان، هه‌وڵدراوه تا گۆشه نیگای تاریك و ده‌رنه‌كه‌وتووی باوه‌ڕ و میژووی كوردانی ئیزه‌دی و ئه‌م ئایینه ئاشكرا بكرێت.
كتێبی "مێژوو و ژیانی كۆمه‌ڵایه‌تی ـ كلتووری كوردانی ئیزه‌دی" له 277 لاپه‌ڕه‌دا كه‌وتۆته بازاڕی كتێب فرۆشانه‌وه.
مه‌نووچێهر جیهانی/ پ. ف
(PNA)
02/02/2013
(PNA)- له ئه‌نجامی ته‌قینه‌وه‌یه‌كی خۆكوژی له به‌رده‌م باڵیۆزخانه‌ی ئه‌مه‌ریكا له ئه‌نكارای پایته‌ختی توركیا، پاسه‌وانێك و خۆكوژه‌كه كوژران و 3 پاسه‌وانی دیكه‌ش بریندار بوون.
هێرشبه‌رێكی خۆكوژ، له به‌رده‌م یه‌كێك له ده‌رگاكانی چوونه‌ژووره‌وه‌ی باڵیۆزخانه‌ی ئه‌مه‌ریكا، خۆی ته‌قاندووه‌ته‌وه و بووه‌ته هۆی كوژرانی پاسه‌وانێك و برینداربوونی 3 كه‌سی دیكه.
هه‌تا ئێستا هیچ لایه‌ن و گرووپێك، ئه‌م هێرشه‌ی وه‌ئه‌ستۆ نه‌گرتووه، به‌ڵام وه‌زیری ناوخۆی توركیا ده‌ڵێت زانیارییه سه‌ره‌تاییه‌كان ئاماژه به‌وه‌ده‌كه‌ن كه خۆكوژه‌كه هاووڵاتیی توركیا بووه و له‌وانه‌یه ئه‌ندامی یه‌كێك له گرووپه چه‌پڕه‌وه‌كان بێت.
باڵیۆزی ئه‌مه‌ریكا له ئه‌نكارا، له لێدوانێكدا هۆشداریی داوه‌ته هاووڵاتیانی ئه‌مه‌ریكا له توركیا، كه هه‌تا روونكردنه‌وه‌ی داهاتوو، سه‌ردانی هیچكام له باره‌گاكانی نوێنه‌رایه‌تیی ئه‌مه‌ریكا له توركیا، نه‌كه‌ن.
02/02/2013
یه‌حیا سادق وه‌زیری دوایین وه‌زیری دادی حكومه‌تی پاشایه‌تی ئێران و دوایین وه‌زیری سونی مه‌زهه‌بی ئێران، له ته‌مه‌نی سه‌د و یه‌ك ساڵی له تاران كۆچی دوایی كرد.
یه‌حیا سادق وه‌زیری خه‌ڵكی شاری سنه و سه‌ر به بنه‌ماڵه‌ی سادق وه‌زیرییه‌كانی ئه‌و شاره بوو كه بۆ چه‌ندین نه‌وه یه‌ك له دوای یه‌ك وه‌زیری ئیماراتی ئه‌رده‌لان بوون. یەحیا خانی سادق وەزیری خوێندنی سەرەتایی لە شاری سنە تەواو کرد و دواتر بۆ درێژەدان بە خوێندن چوو بۆ تاران و لە بەشی مافی زانستگای تاران دا خوێندنی تەواو کرد. بە دوای ئەوەدا بۆ ماوەی چەند ساڵ لە پۆستە گرینگەکانی قەزایی لە شارەکانی تاران، کرماشان، سنە و شارەکانی تر کاری کرد. لە کابینەی شاپووری بەختیار، دوا سەرۆک وەزیری دەورانی پاشایەتی بە وەزیری داد دیاری کرا و بەوەش بوو بە دوایین وەزیری سوننە مەزهەب لە دەسەڵاتی ئێران دا بەڵام پاش ماوەیەکی کورت دەستی لە کار کێشایەوە. هەروەها دوو جاریش لە لایەن دەسەڵاتەکانی پاشایەتی و کۆماری ئیسلامی بۆ دانوستان لە گەڵ لایەنی کوردی لە رۆژهەڵاتی کوردستان راسپێردرا. جاری یەکەم لە سەردەمی کۆماری کوردستان دا بوو کە ناردرایە مەهاباد بەڵام لە سەقز لە گەڵ نوێنەرانی کۆمار و بارزانی کۆبۆوە. جاری دووهەم دوای هاتنە سەرکاری کۆماری ئیسلامی لە دەوڵەتی بازرگان دا ئەندامی هەیئەتی موزاکرە لە کوردستان بوو.
سووریا
ئۆپۆزیسیۆن ئاماده‌یه گفتۆگۆ له‌گه‌ڵ حكومه‌تی سووریا بكات
ئۆپۆزیسیۆنی سوویا ئاماده‌یی خۆی نیشاندا بۆ گفتوگۆكردن له‌گه‌ڵ رژێمی سووریا.
موعاز خه‌تیب، سه‌رۆكی ئه‌نجوومه‌نی نیشتمانی سووریا ئاماده‌یی ئۆپۆزیسێۆنی له پێگه‌ی كۆمه‌ڵایه‌تی خۆی له فه‌یسبووك راگه‌یاند بۆ گفتوگۆكردن له‌گه‌ڵ حكومه‌تی سووریا، به‌مه‌به‌ستی ئازادكردنی سه‌د و 60 هه‌زار گیراو و نوسیویه‌تی " من ئاماده‌م بۆئه‌وه‌ی گفتوگۆی راسته‌وخۆ له‌گه‌ڵ نوێنه‌رانی رژێمی سووریا بكه‌م " ده‌رباره‌ی شوێنی كۆبونه‌وه‌كه ئه‌و نوسیویه‌تی "ده‌بێت شوێنی كۆبونه‌وه‌كه تونس, قاهیره یاخود ئه‌سته‌نبۆڵ بێت".
میسڕ
له خۆپیشاندانه‌كه‌ی ئه‌مڕۆدا 2 كه‌س ده‌كوژرێن
له قاهیره دوو له خۆپێشانده‌ران به‌گولـله ده‌كوژرێن و به پێی سه‌رچاوه‌یه‌كیش بكوژانیان دیار نین.
هێزه‌كانی پۆلیس رایانگه‌یاند كه ئه‌مڕۆ چوارشه‌ممه له كاتی خۆپێشاندان 2 كه‌س كوژراون.
دوو كه‌س كوژراوه‌كه ناویان ئه‌حمه‌د سه‌ید و رێدا ریفاییه كه له گۆڕه‌پانی ئازادی له قاهیره به‌هۆی گولـله گیانیان له‌ده‌ستداوه و دیار نییه گولـله‌كان له‌لایه‌ن كێوه ته‌قێندراون.
خۆپێشانده‌ران به به‌رد هێرشیان كردووه‌ته سه‌ر پۆلیس و ئه‌وانیش به‌گازی فرمێسك رژێن وه‌ڵامیان داونه‌ته‌وه.
له‌حه‌وت رۆژی خۆپیشاندانی میسڕدا تاوه‌كو ئێستا زیاتر له 54 كه‌س كوژراون.
ئێران
رۆژنامه‌نووسه‌كان بابه‌ته‌كانیان ده‌سڕنه‌وه له‌ترسی ده‌ستگیركردن
دوابه‌دوای ده‌ستگیركردنی 15 رۆژنامه‌نووس له ئێران, رۆژنامه‌نووسه‌كانی ئه‌و وڵاته ده‌ترسن ده‌ستگیر بكرێن.
یه‌كێكه و رۆژنامه‌نووسانه‌ی كه‌دانیشتووی ئێرانه گوتی "ده‌بێت به‌درێژایی شه‌و به‌خه‌به‌ر بین له‌ترسی هێزه‌كانی ئاسایش، چونكه ده‌ترسین هێرشمان بكه‌نه‌سه‌ر". رۆژنامه‌نووسێكی ئه‌و وڵاته كه بابه‌تی ره‌خنه‌یی ده‌نوسێت گوتی"هه‌مووزانیاریه‌ك و نوسراوێكم له كۆمپیوته‌ره‌كه‌مدا سڕیونه‌ته‌وه" .
له‌هه‌ڵمه‌تێكی ده‌ستگیركردنی رۆژنامه‌نووسان له ئێران كه خرایه‌سه‌ر 4 رۆژنامه زیاتر له 15 رۆژنامه‌نووس ده‌ستگیركران. كه‌ده‌گوترێت 2 له‌وانه كوردن.
ئه‌مریكا
چالاكوانێكی ئه‌مریكی دوای 9 مانگ له ده‌ستگیركردن ئازادده‌كرێت
ده‌سه‌ڵاتدارانی ڤێتنام چالاكوانێكی ئه‌مریكیان ئازادكرد، دوای ئه‌وه‌ی له مانگی نیسانه‌وه ده‌ستگیركرابوو.
هاوكات ولایه‌ته یه‌كگرتوه‌كانی ئه‌مریكا چه‌ندین جار داوای له حكومه‌تی ڤێتنام كردووه تاوه‌كو ئه‌و هاووڵاتیه‌ی ئازاد بكات .
ئه‌و هاووڵاتیه ئه‌مریكیه كه به‌ره‌گه‌ز ڤێتنامیه پێشتر به‌تۆمه‌تی "تێكدانی ئارامی" ئه‌و وڵاته له نیساندا ده‌سگیركرا, به‌ڵام ئه‌مڕۆ ئازاد كرا.
وه‌زاره‌تی ده‌ره‌وه‌ی ڤێتنام له بڵاوكراوه‌یه‌كدا رایانگه‌یاند كه ئه‌و هاووڵاتیه پێشتر "دانی به‌تاوانه‌كه‌ی ناوه".
توركیا
2 هاووڵاتی سووری ده‌ستگیرده‌كیرێن
چه‌ند هاووڵاتیه‌كی سووری به تۆمه‌تی ره‌فاندنی پارێزه‌رێكی ئۆپۆزیسیۆنی سووریا ده‌ستگیرده‌كرێن.
ئاژانسی هه‌واڵی (ئه‌نادۆڵ)ی توركی بڵاویكرده‌وه " دوو هاووڵاتی سووری له توركیا به‌تۆمه‌تی ئه‌وه‌ی پارێزه‌ره‌كیان ره‌فاندوه ده‌ستگیرده‌كرێن". هه‌روه‌ها نوسیویه‌تیشی "3 هاووڵاتی سووری پارێزه‌ره‌كه‌یان خستووه‌ته ناو ئۆتۆمبێله‌كه‌یانه‌وه و ره‌فاندوویانه دواتر هه‌وڵیانداوه له سنوری نێوان توركیا و سووریا بپه‌ڕنه‌وه و به‌ره‌و سووریا بڕۆن , به‌ڵام هێزه‌كانی ئاسایش پێده‌زانن و رزگاریان ده‌كه‌ن".
هێزی ئاسایشی سووری رایانگه‌یاندووه كه ره‌فێنه‌ره‌كان خۆیان به‌ده‌سته‌وه نه‌داوه و شه‌ڕه ته‌قه له‌نێوانیاندا ده‌ستیپێكردووه و 2 كه‌سیان برینداربوون و ده‌ستگیركراون.,به‌ڵام سێیه‌میان هه‌ڵاتووه و نه‌یانتوانیوه ده‌ستگیری بكه‌ن.
هاوكات راشیانگه‌یاند باری ته‌ندروستی پارێزه‌ره سووریه‌كه زۆرباشه و هیچ زیانی به‌رنه‌كه‌وتووه.
پێشنبینی ده‌كرێت ئه‌و رفێنه‌رانه له‌لایه‌ن رژێمی سووریاوه نێردرابن بۆ ده‌ستگیركردنی ئه‌و پارێزه‌ره.
توركیا
پۆلیسی توركیا هاوكاری ئه‌مریكا ده‌كات له دۆزینه‌وه‌ی كچه ئه‌مریكیه‌كه
به‌رپرسانی پۆلیسی توركیا رایانگه‌یاند هاوكاری ئه‌مریكا ده‌كه‌ن به مه‌به‌ستی دۆزینه‌وه‌ی كچه ئه‌مریكیه‌كه. بۆئه‌م مه‌به‌سته‌ش یه‌كه‌یه‌كی تایبه‌تیان پێكهێناوه.
به‌رپرسانی پۆلیسی توركیا رایانگه‌یاند كه "هاوكاری حكومه‌تی ئه‌مریكا ده‌كه‌ن له دۆزینه‌وه‌ی كچه‌كه ئه‌مریكیه‌كه ".
سارای سێرا, ته‌مه‌ن 33 ساڵ و دایكس 2 منداڵ له 21ی ئه‌م مانگه له‌رێگه‌یدا كه به‌ره‌و ماڵه‌وه ده‌گه‌ڕایه‌وه، دیارنه‌ما .
ئه‌و به‌رپرسانه‌ی پۆلیس به (ئه‌سۆسیه‌تید پرێس) یان راگه‌یاند ئه‌و ئافره‌ته پێش ئه‌وه‌ی ونبێت له‌لایه‌ن كه‌سێكه‌وه په‌یامێكی جێهێشتووه. پۆلیس له‌م باره‌یه‌وه به‌دواداچوون ده‌كات . بۆئه‌م مه‌به‌سته‌ش یه‌كه‌یه‌كی تایبه‌ت به دۆزینه‌وه‌ی ئه‌و ئافره‌ته پێكهێنراوه .
هیندستان
هیندستان GPS داده‌نێت بۆچاودێری كردنی ده‌ستدرێژی سێكسی
حكومه‌تی هیندستان ئامێری (GPS) به‌كارده‌هێنێت، بۆئه‌وه‌ی دیارده‌ی ده‌ستدرێژی سێكسی له‌و وڵاته‌دا كه‌م بكاته‌وه.
ئه‌و ئامێره له‌لایه‌ن ئه‌و كه‌سانه‌وه هه‌ڵده‌گیرێن كه مه‌ترسی ده‌ستدرێژی سێكسیان له‌سه‌ره, به‌هۆی دوگمه‌یه‌كه‌وه ده‌توانێت په‌یام بۆ نزیكترین بنكه‌ی پۆلیس بنێرێت، كه به‌هۆی ئه‌و (GPS)ی كه هه‌لیگرتووه ده‌توانرێت شوێنه‌كه‌ی بدۆزرێته‌وه.
به‌پێی هه‌واڵێكی (ئیندیا ریاڵ تایم) ئه‌و پڕۆسه‌یه له ناوه‌ڕاستی ئه‌م ساڵ ده‌ستبه‌كار ده‌بێت و تێچونه‌كه‌شی 20 دۆلاری ئه‌مریكی ده‌بێت .
31/01/2013
سووریا له‌لایه‌ن فڕۆكه جه‌نگییه‌كانی ئیسرائیله‌وه بۆردومان ده‌كرێت و دیمه‌شقیش ده‌ڵێت" سه‌نته‌رێكی لێكۆڵینه‌وه‌ی زانستی بۆردومان كردووه".
سه‌رچاوه‌یه‌كی باڵای ئه‌مریكی بۆ سایتی (CNN) ئاشكرای كردووه، دوێنی شه‌و فڕۆكه جه‌نگییه‌كانی ئیسرائیل هێرشیان كردووه‌ته سه‌ر كاروانێكی ئۆتۆمبێل له سنووره‌كانی نێوان لوبنان و سووریا، بێ ئه‌وه‌ی باس له ورده‌كارییه‌كان بكات.
هاوكات وه‌زاره‌تی به‌رگری لوبنانی له‌سه‌ر په‌یجی فه‌رمی خۆی ئاشكرای كردووه كه فڕۆكه ئیسرائیلییه‌كان چه‌ندین جار سنووری ئاسمانی وڵاته‌كه‌ی به‌زاندووه.
ئه‌م هێرشه‌ی فڕۆكه‌كانی ئیسرائیل دوای ئه‌وه دێت كه هه‌فته‌ی رابردوو ئیسرائیل سیسته‌می (گوومه‌تی ئاسنین- القبه الحدیدیه)ى راگه‌یاند كه ئاسمان و خاكی ئیسرائیل به‌شێوه‌یه‌كی زۆر پێشكه‌وتوو ده‌پارێزێت له هه‌ر هێرشێكی ده‌ره‌كی.
هه‌فته‌ی رابردووش ئیسرائیل هۆشداریدا له‌وه‌ی ئه‌گه‌ر چه‌كی كیمیاوییه‌كانی سووریا بكه‌وێته ده‌ستی هێزه‌كانی ئۆپۆزیسیۆن ئه‌وه هێرش ده‌كاته سه‌ریان، هاوكات ئێرانیش رایگه‌یاند هه‌ر هێرشێك بكرێته سه‌ر سووریا ئه‌وه هێرشه بۆ سه‌ر ئێران.
كه‌مێك پێش ئێستاش ته‌له‌فزیۆنی فه‌رمی سووریا رایگه‌یاند "سه‌ر له‌به‌یانی ئه‌مڕۆ فڕۆكه جه‌نگیه‌كانی ئیسرائیل، سنووری ئاسمانی سووریایان به‌زاندووه و له ناوچه‌ی (جه‌مرایا- ریفی دیمه‌شق) بۆردومانی سه‌نته‌رێكی لێكۆڵینه‌وه‌ی زانستی كردووه، كه به كار دێت بۆ به‌رزكردنه‌وه‌ی ئاستی به‌رگری و چۆنیه‌تی خۆ پاراستن له گروپه تیرۆریستیه‌كان".
چالاكوانه مه‌ده‌نییه‌كانی سووریاش ده‌ڵێن "سه‌نته‌ری جه‌مرایا به‌كاردێت بۆ پێشخستن و په‌ره‌پێدانی چه‌كی كیمیاوی پێشكه‌وتوو".
30/01/2013
لیژنه‌ى كارى هاوبه‌شى سێ پارته سیاسییه‌كه‌ى هه‌رێمى كوردستان (سۆسیالیست، شیوعى و زه‌حمه‌تكێشان) بۆ هه‌ڵبژاردنه‌كانى هه‌رێمى كوردستان هه‌ڵده‌وه‌شێتنه‌وه و به‌جیا به‌شدارى ده‌كه‌ن، له‌سه‌ر تاوتوێكردنى پرسى چاكسازی نێوان ده‌سه‌ڵات و ئۆپۆزیسیۆنیش قسه‌یه‌كى جیاوازتریان نییە.
هیوا سه‌ید سالیم، ئه‌ندامى مه‌كته‌بى سیاسى حیزبى زه‌حمه‌تكێشانى كوردستان به (رووداو)ى گوت "ئه‌و لیژنه هاوبه‌شه كه له‌سه‌ر ئاستى مه‌كته‌بى سیاسى هه‌ر سێ پارته‌كه پێك هێنرابوو، ته‌نیا بۆ تاوتوێ كردنى ئه‌و پرس و بابه‌تانه‌بوو كه له‌كاتى خۆیدا روویان ده‌دا نه‌ك بۆ هه‌ڵبژاردن و دروست كردنى به‌ره‌یه‌كى یه‌كگرتوو".
هیوا سه‌ید سالیم گوتیشی "وه‌ك حیزبى زه‌حمه‌تكێشان بڕیارمانداوه كه به‌لیستى سه‌ربه‌خۆ به‌شدارى هه‌ڵبژاردنه‌كان بكه‌ین و ده‌مانه‌وێت ئه‌مجاره‌یان پێگه‌ى پارته‌كه‌مان ده‌ربخه‌ین".
باباعه‌لى جه‌بارى، گوته‌بێژى حیزبى شیوعى به (رووداو)ى راگه‌یاند " تا ئێستا ئه‌و ئه‌گه‌ره‌ى كه له پێشتره، به‌شدارى كردنمانه به‌لیستى جیا، به‌ڵام شێوازى لیست و یاساى هه‌ڵبژاردنه‌كان ئه‌و بابه‌ته یه‌كلایى ده‌كاته‌وه كه ئه‌گه‌ر به‌ره‌ى چه‌پ پێك بهێنینه‌وه یان له‌گه‌ڵ پارتى دیكه‌ى پێكه‌وه بین، به‌ڵام وه‌ك سێ پارته‌كه‌ى ناو لیژنه هاوبه‌شه‌كه تا ئێستا قسه‌مان له‌سه‌ر به‌شدارى پێكه‌وه‌یى نه‌كردووە".
به‌گوته‌ى باباعه‌لى جه‌بارى، گفتوگۆكان له‌نێوان ده‌سه‌ڵات و ئۆپۆزیسیۆن، به‌شێكه له‌داواكاریى و خواستى هه‌موو دانیشتوانی هەرێمی كوردستان نه‌ك ته‌نیا دوو به‌ره‌ى ده‌سه‌ڵات و ئۆپۆزیسیۆن، ده‌شڵێت " له‌سه‌ر ئه‌و گفتوگۆیانه جیاواز له‌و به‌رنامه و پڕۆژانه‌ى كه باسیان لێوه‌كراوه ئێمه قسه‌یه‌كى جیاوازترمان نییە".
ئه‌ركان عه‌لى 30/01/2013
لە رەشنووسی کۆمیسیۆنی بەدواداچوونی مافەکانی مرۆڤ لە لیژنەی باڵای میللی تورکیا و لقی کۆمسیۆنی تیرۆردا، لەژێر ناوی "کێشەی تورکیا" زانیاری گرنگ خراونەتە روو.
بەپێی راپۆرتەکە کوردان بەرێژەی 90,3 هیواخوازی داهاتووی هاوبەشن لەگەڵ میللەتی تورک، هاوکات رێژەی خواستی تورکەکان بۆ پێکەوەژیان 70,7ـە.
لەبارەی ژن و ژنخوازی نێوانیان؛ کوردان بەڕێژەی 66,7 و تورکەکانیش بەرێژەی 13,3دەخوازن ژن و ژنخوازی لەگەڵ لەنێوانیان ئەنجام بدرێ و ببنە ناسیاوی یەکتر.
بەپێی ئەو راپرسییەی کە لەلایەن BİLGESAM (سەنتەری لێلۆڵینەوەی ستراتیژی مرۆڤی زانا) لەژێر ناوی "هۆشیاری کۆمەڵایەتی دەربارەی رووبەرووبوونەوەی (تیرۆر)" ئەنجامدراوە، تێیدا لەوڵامی پرسیاری "ئایا کورد و تورک داهاتوویەکی هاوبەشیان لە سەر خاکی تورکیادا هەیە؟" بەمشێوەیە وڵام دراوەتەوە:
70,7% تورکەکان و 90,3% بەشداربووانی کورد بە "بەڵێ" وڵامیان داوەتەوە، لەکاتێکدا کە کوردان بە رێژەی 66,7% خواستی ژن و ژنخوازیان لەگەڵ تورکەکان هەیە، لەبەرامبەردا تورکەکان بە رێژەی 13,3% لەگەڵ ئەم ژن و ژنخوازیەن.
لەبارەی ترس و پێشداوەری لە پێکەوەژیانیان، کوردان بەرێژەی 51,7% و تورکەکانیش بەرێژەی 19,9% هیچ مەترسییەک نابینن لە تەبایی و پێکەوە ژیانی نێوانیان.
لەلایەکی دیکەوە 15,8% تورکەکان دژی پێکەوە ژیانن و رەتی دەکەنەوە، لەبەرامبەریشدا تەنها 1,8% لە کوردان پێکەوەژیان رەت دەکەنەوە.
"دەمەوێ لە هەمان ئەپارتماندا هاوسێیان بم" ئەو کوردانەی ئەمە دەڵێن رێژەکەیان 11.1% ـە و رێژەی ئەو تورکانەی کە دەخوازن هاوسێی کوردیان هەبێت 10.7ـە. و ئەوانەی ژیانکردنی هاوبەش لەگەڵ نەتەوەی دیکە لە هەمان تەخ و کۆڵان بە ئاسایی دەزانن؛ رێژەکەی کوردەکان 8.6%ـە و رێژەی تورکەکانیش 0.6%ـە.
97,7% تورکەکان و لەسەدا 94,8%ی بەشداربوانی کورد دەڵێن" ئاڵای تورکیا ئاڵای منە"، و 97,6 لە بەشداربوانی تورک بڕوایان وایە کە "مارشی ئیستیقلال مارشی ئەوانە"، کوردەکانیش بەرێژەی 91,1 سەبارەت بە مارشەکە هەمان بۆچوونی تورکەکانیان هەیە.
سەرچاوە: RADIKAL
وەرگێڕان: فەرهاد چۆمانی
30/01/2013
سەرەتای هەفتەی داهوتوو دەزگای هەواڵگیری MİT ی تورکی و پارتی کرێکارانی کوردستان بەمەبەستی ئاگربەستی "چەکدانان" روو لە هەولێر دەکەن،
بڕیاریشە سەبری ئۆک بە نوێنەرایەتی قەندیل، هاکان بەرپرسی دەزگای هەواڵگری میت بەشداری تێدا بکەن.
قۆناغێکی تازە لەو گفتوگۆیانەی لەگەڵ عەبدوڵا ئۆجەلان، دەستپێدەکات. بڕیار وایە سەرەتای هەفتەی داهاتوو سەرانی میت و پارتی کرێکارانی کوردستان بۆ گفتوگۆکردن لەسەر ئاگربەستی "چەکدانان" و چارەسەرکردنی پرسی کورد روو لە هەولێر بکەن.
سەفین دزەیی، وتەبێژی حکومەتی هەرێمی کوردستان رایگەیاندووە" هەولێر دەتوانێ درێژکراوەی (کۆبوونەوەی ئۆسڵۆ) بگرێتە خۆی".
سەلاحەدین دەمیرتاش، هاوسەرۆکی پارتی ئاشتی و دیموکراتی BDP ئاماژەی کرد بە گرنگی دەستپێکردنەوەی گفتوگۆکان لە هەولێر و گوتی "رەنگبێت قۆناغی هەولێری دەستپێکردنەوەی گفتوگۆکان چارەسەری کێشەی نێوان پەکەکە و دەوڵەتی تورکیا بکات".
بڕیار وایە دانیشتنەکە لەسەرەتای هەفتەی داهاتوو لەنێوان هاکان فیدان، سەرۆکی دەزگای هەواڵگری MIT و سەبری ئۆک، نوێنەری راسپێردراوی پەکەکە ئەنجام بدرێ. لە کۆبوونەوەی چاوەڕوانکراودا پرسی چەکدانان و چوونە دەرەوەی سنووری گەریلاکانی پەکەکە دەخرێتە سەر مێزی گفتوگۆ، بۆ ئەم مەبەستەش ماوەیەک دیاری دەکرێت.
میدیاکانی تورکیا باس لەوەش دەکەن پێشووتر سلێمانی وەک بژاردەی یەکەمی شوێنی کۆبوونەوەکە دانرابوو، بەڵام بەهۆی رووداوی ٩ی ئەم مانگە (کوشتنی سێ ژنە چالاکوانە کوردەکە لە پاریس) و گومانی تێوەگلانی ئێران، بڕیار درا کە شوێنی گفتوگۆکە لە شوێنێکی پارێزراوتر بکرێ، بۆیە بڕیارەکە گۆڕا بە هەولێر.
فەرهاد چۆمانی
29/01/2013
ئێوارەی رۆژی شەمبە رێکەۆتی ٢٦/٠١/٢٠١٣، له‌سه‌ر بانگهێشتنێکی فه‌رمی، شاندێکی بزووتنەوەی کۆماریخوازی رۆژهەلاتی کوردستان بە سەرپەرشتی چالاکوانی هێژا کاک ئیبراهیم بایزیدی نوێنەری بزووتنەوە لە وەلاتانی بریتانیا و ئیرلەند، بەشداری کۆریاد و ئاهەنگێک بوون کە بە بۆنەی ٦٧مین سالیادی دامەزراندنی یەکەم کۆماری کوردستان، لە شاری لەندەن لەلایەن حیزبی دێمۆکراتی کوردستانی ئێرانەوە پێکهاتبوو، لەم کۆریادەدا چەندین حیزبی کوردستانی و ئێرانی وەک پارتی دێمۆکراتی کوردستان، حیزبی دێمۆکراتی کوردستانی ئێران، کۆمەلەی زەحمەتکێشانی کوردستانی ئێران، نوێنەری کۆنگرەی نەتەوەکانی ئێران، جبهەی متحد عربی اهواز، جبهەی متحد بلوچستان، کوردەکانی خوراسان، جبهەی متحد آزربایجان، پارتی یەکیەتی کوردی سوریە، و بزووتنەوەی کۆماریخوازی رۆژهەلاتی کوردستان، بەیاننامەی پیرۆزکردن و بەرزنرخاندنی ئەم رۆژ و یادە پیرۆزەیان خوێندەوە.
بزووتنەوەی کۆماریخوازی رۆژهەلاتی کوردستان
نوێنەرایەتی دەرەوەی وەلات/ لەندەن
28/01/2013
راوێژكاری راگه‌یاندنی سه‌رۆكی هه‌رێمی كوردستان روونیده‌كاته‌وه ئه‌و كه‌سه‌ی به‌بێ‌ئاگاداری سه‌رۆكی هه‌رێمی كوردستان چه‌ند كه‌سایه‌تییه‌كی داوه‌تكردووه "به‌شێوه‌یه‌كی فه‌رمی سیفه‌تی راوێژكاری نییه".
ئه‌مه‌ش ده‌قی روونكردنه‌وه‌كه‌یه:
روونكردنه‌وه‌یه‌ك له راوێژكاری راگه‌یاندنی سه‌رۆكی هه‌رێمی كوردستان-ه‌وه
له هه‌ندێك كه‌ناڵی راگه‌یاندندا باسی ئه‌وه كراوه كه گوایه راوێژكارێكی سه‌رۆك بارزانی داوه‌تی چه‌ند كه‌سایه‌تیه‌كی كردوووه تا سه‌ردانی هه‌رێمی كوردستان بكه‌ن.
وێڕای رێز و پێزانینمان بۆ ئه‌و كه‌سایه‌تیانه، به‌ڵام به هه‌موو لایه‌كی راده‌گه‌یه‌نین كه ئه‌وه‌ی ئه‌م كاره‌ی كردووه به شێوه‌یه‌كی فه‌رمی سیفه‌تی راوێژكاری نییه و وه‌كو شه‌خس و به بێ ئاگاداری سه‌رۆكایه‌تی هه‌رێمی كوردستان ئه‌م كاره‌ی كردووه. چونكه داوه‌تكردنی فه‌رمی هه‌ر كه‌سایه‌تی و لایه‌نێك ته‌نها له ده‌سه‌ڵاتی سه‌رۆكی هه‌رێمی كوردستان و دیوانی سه‌رۆكایه‌تی هه‌رێمدایه.
راوێژكاری راگه‌یاندنی
سه‌رۆكی هه‌رێمی كوردستان
27/01/2013
بە گوێرەی هەواڵێکی رۆژنامەی حوڕییەت، چاپی تورکیا، "عومەر گونەی"، تاکە تۆمەتباری قۆڵبەستکراوی دۆسیەی تیرۆری سێ ژنە سیاسەتمەداری کورد لە پاریس، ١٩ رۆژ بەر لە تیرۆرەکە، واتە رۆژی ١٨ی دێسامبری ٢٠١٢، لە رێگەی فڕۆکەخانەی ئیستانبووڵەوە، سەردانی ئانکارای کردووە و ٣ رۆژ لەم شارە ماوەتەوە بێ ئەوە سەردانی خزم و قەومی بکات و ئامانجی سەردانەکەی بزانرێ.
سەرچاوەکە باس لەوەش دەکات کە پۆلیسی نێودەوڵەتی[ئینتێرپۆل] بە هاوکاری ئێکیپێکی تایبەت لە تورکیا، خەریکە بەدواداچوون بۆ ئەو مەسەلە دەکەن و ئێکیپەکە هەر ئێستا لە هەوڵی دۆزینەوەی سەرەداوێک دەربارەی دەست و پێوەندەکانی عومەر گونەی لە ئانکارای پێتەختی تورکیا دایە.
لە لایەکی ترەوە دەگووترێ، گونەی لە مانگی ئاگۆستی ٢٠١٢ واتە ٥ مانگ بەر لە تیرۆرەکەی پاریس، دیسان سەردانی ئانکارای کردووە و ئەمجارە ٨ رۆژە ماوەتەوە.
بەر لەمەش، ناوبراو چەندین جاری تر هاتۆتەوە تورکیا بی ئەوەی کەس ئامانجی سەردانەکانی زانیبێ.
ئێکیپە پیکهاتووەکە لە تورکیا بۆی دەرکەوتووە کە گونەی لەو سەردانانەیدا، چاوی بە هیچ یەک لە خزم و قەومەکانی نەکەوتووە.
27/01/2013
كۆمپانیایه‌كى ئه‌مریكى كامێرایه‌كى دروست ده‌كات كه له توانایدایه بفرێت و فه‌رمانه‌كانى خاوه‌نه‌كشى جێبه‌جێ بكات.
كۆمپانیاى (ئه‌لویز ئینۆفیتینگ) كه باره‌گاكه‌ى له شارى سانفرانسیسكۆیه له ئه‌مریكا رایگه‌یاندوه كه كامێرایه‌كى به‌ناوى "مى كام" دروستكردوه كه له كامێرایه‌كى بچووك پێكهاتووه و چوار په‌روانه‌ى هه‌یه و له‌تواناشیدایه بفڕێت، ئه‌و كامێرایه 14 مایكرۆفۆنى هه‌ستیاریشى هه‌یه بۆ ئه‌وه‌ى كامێراكه له هه‌ر خۆپیاكێشانێك به دیوار و ماده ره‌قه‌كان بپارێزێت.
ئه‌و كامێرایه ده‌توانێت وێنه‌ى جێگر بگرێت و گرته‌ى ڤیدێوش تۆمار بكات، ده‌شكرێت وێنه‌كان له رێگه‌ى واى فاى و بلۆتۆزه‌وه ره‌وانه‌ى موبایله پێشكه‌وتووه‌كان بكات، یاخود راسته‌وخۆ به یوتوب و فه‌یسبووكه‌وه بلكێندرێت، كۆمپانیاكه هیچ زانیاریه‌كى دیكه‌ى له‌باره‌ى ئه‌و كامێرایه بڵاونه‌كردووەته‌وه ته‌نها ئه‌وه نه‌بێت كه ده‌ڵێت نرخى ئه‌و كامیرایه له 49 دۆلار تێناپه‌ڕێت.
27/01/2013
سەرۆكی هەرێمی كوردستان فەرمانی بە نێچیرڤان بارزانی و بەرهەم ساڵح داوە كە لە گفتوگۆكانیاندا لەگەڵ لایەنەكانی ئۆپۆزیسیۆن “نەرمی بنوێنن”.
مەولود باوەموراد، ئەندامی مەكتەبی سیاسی یەكگرتووی ئیسلامی كوردستان، لە هەڤپەیڤینێكیدا لەگەڵ (رووداو)، دەڵێ ئەوەی پاڵی بە پارتی دیموكراتی كوردستان و یەكێتی نیشتمانی كوردستانەوە ناوە هەریەكە لە نێچیرڤان بارزانی، جێگری سەرۆكی پارتی و بەرهەم ساڵح، جێگری سكرتێری گشتی یەكێتی، بنێرنە لای ئۆپۆزیسیۆن، گرنگیی ئەو بابەتانەیە كە لەلایەن هەرسێ سەركردەكەی ئۆپۆزیسیۆنەوە پێشتر لەگەڵ مەسعود بارزانی، سەرۆكی هەرێمی كوردستان، خراونەتەڕوو: “سەرۆكی هەرێمی كوردستان فەرمانی پێكردوون كە تاوەكو من لە دەرەوە دەگەڕێمەوە ئێوە بچن و گفتوگۆ لەسەر میكانیزمێك بۆ جێبەجێكردنی ئەو دۆسییانە بكەن كە لەلایەن ئەوانەوە خراونەتەڕوو”، بەگوتەی مەولود باوەموراد، بارزانی پێشیگوتوون “كە چوونیش نابێ بابەتەكە تێكبدەن، بەڵكو نەرمی تەواو بنوێنن”.
ئەو سەركردەیەی یەكگرتوو دەڵێ “كاتێك نێچیرڤان بارزانی و بەرهەم ساڵح لەسەر داوای سەرۆكی هەرێمی كوردستان هاتوون، ئەوانیش قورسایی خۆیان هەیە لەنێو حیزبەكانی خۆیاندا و دەبێ ئێمە وەڵامێكمان هەبێ شایستە بێ و لەئاستی ئەو دەستپێشخەرییەی لایەنی دەسەڵاتدا بێ”.
بەپێی زانیارییەكانی (رووداو) لە كۆبوونەوەكانی هەفتەی رابردووی نێوان دەسەڵات و ئۆپۆزیسیۆندا، پارتی و یەكێتی رایانگەیاندووە كە لارییان نییە لە جێبەجێكردنی ئەو ئەجێندایانەی سەرۆكی هەرێمی كوردستان لەگەڵ سەرۆكی هەرسێ لایەنەكەی ئۆپۆزیسیۆندا لەسەریان رێككەوتووە. محەممەد ئەحمەد، ئەندامی مەكتەبی سیاسی یەكگرتووی ئیسلامی، دەڵێ بۆئەو مەبەستەش پارتی و یەكێتی سێ پێشنیازیان خستووەتەڕوو كە بریتین لە پێكهێنانی حكومەتێكی شەراكەتی نیشتمانی یان سازكردنی كۆنگرەیەكی نیشتمانی، هەروەها سازكردنی كۆنفرانسێكی باڵا لەسەر ئاستی پەرلەمانتاران.
عەبدولسەتار مەجید، ئەندامی مەكتەبی سیاسی كۆمەڵی ئیسلامی كوردستانیش، كە خۆی بەشداری كۆبوونەوەی نێوان پارتی و یەكێتی لەگەڵ كۆمەڵ بووە، دەڵێ پارتی و یەكێتی بەوانیان راگەیاندووە “بە نووسراویش پێشبینی و تێبینی و پڕۆژەی خۆمان دەنێرین بۆ ئۆپۆزیسیۆن”.
یەكێك لەو خاڵانەی ئۆپۆزیسیۆن داوای كردووە جێبەجێ بكرێت، مەسەلەی هەمواركردنەوەی دەستوورە. مەولود باوەموراد دەڵێ ئەوەی ئەوان دەیانەوێت ئەوەیە كە دەستووری هەرێمی كوردستان هاوجووت بكرێت لەگەڵ دەستووری عێراق و سەرۆكی هەرێمی كوردستان لەبەردەم پەرلەماندا سوێند بخوات. ئەمەش بەپێچەوانەی بۆچوونی پارتییە كە دەیەوێ سەرۆكی هەرێمی كوردستان راستەوخۆ لەلایەن خەڵكەوە هەڵببژێردرێت. باوەموراد دەڵێ ئەگەر ئەوە وابێت و هەڵبژاردنەكە راستەوخۆ بكرێت: بڕوا ناكەم ئۆپۆزیسیۆن پاڵێوراویان هەبێ، چونكە بڕوایان بەوە نییە، بۆیە رەنگە بایكۆتی ئەو بەشەی هەڵبژاردن بكەن”.
بەڵام لە هەمانكاتدا ، محەممەد ئەحمەد، ئەندامی مەكتەبی سیاسی یەكگرتوو پێیوایە، پێشنیازی پارتی بۆ ئەوەی پڕۆژەی دەستوور لەگەڵ پاشكۆیەكدا بخرێتە ریفراندۆمەوە “نامەعقول نییە”.
دەربارەی گۆڕانكارییەكانی ئەم دواییەی عێراقیش مەولود باوە موراد دەڵێ “ئێستا سوننەكان گەیشتوونەتە كۆمەڵێك بیركردنەوە و یەكێك لەوانە ئەوەیە كە بڕیار لەسەر فیدراڵی بدەن بۆ ئەهلی سوننە و كۆنگرەیەك ببەستن، كۆنگرەكەشیان لە هەرێمی كوردستان دەبێت و ئامادەكاری سەرەتایی كراوە بۆ سازكردنی”.
28/01/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
