به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
یەکینەکانی پاراستنی گەل بە کۆنتڕۆڵ کردنی گەڕەکی ئەشرەفییەی حەلەب، ئاڵای سووریا لە دام و دەزگا فەرمییەکان دادەگرن و ئاڵای ئەنجوومەنی گەل هەڵدەدەن.
ئەمڕۆ هەینی لە گەڕەکی ئەشرەفییەی حەلەب کە زۆرینەی دانیشتوانی کوردن، شەڕ و پێکدادان لەنێوان هیزەکانی رژێمی سووریا و یەکینەکانی پاراستنی گەل YPG هاتە ئاراوە و بەهۆیەوە دەیان کوژراو و برینداری لێکەوتەوە.
بەپێی راگەیەندراوی فەرماندەیی YPG، یەکینەکانی پاراستنی گەل پاشەکشەیان بە هێزەکانی رژێمی سووریا کردووە و گەڕەکی ئەشرەفییەیان خستووەتە ژێر کۆنتڕۆڵی خۆیانەوە.
هەروەها شەڕڤانانی YPG ئاڵای رژێمی سووریایان لە باڵاخانە و شوێنە فەرمییەکانی ئەشرەفییە داگرتووە و ئاڵای سێ رەنگی ئەنجوومەنی گەل (تەڤدەم)یان لە شوێنی بەرز کردووەتەوە.
شاری حەلەب بە 600 هەزار کورد، گەورەترین شاری کوردنشینی سووریایە و ئەشرەفییە و شێخ مەقسود دوو لە گەڕەکە کوردنشینەکانی حەلەبن.
This e-mail address is being protected from spambots. You need JavaScript enabled to view it.
http://www.youtube.com/watch?v=Z2Pa-cESgvo&;feature=youtu.be
09/02/2013
بڕیارە سبەی شەممە، هەر دوو مەکتەبی سیاسی پارتی دیموکراتی کوردستان و یەکێتی نیشتمانی کوردستان لە هاوینەهەواری پیرمام کۆ ببنەوە.
سەعدی ئەحمەد پیرە، ئەندامی مەكتەبی سیاسی یەكێتی نیشتیمانی کوردستان لەو بارەوە بە (رووداو)ی راگەیاند "سبەی شەممە، بە سەرپەرشتی مەسعود بارزانی مەکتەبی سیاسی یەکێتی و پارتی لە هاوینەهەواری پیرمام کۆ دەبنەوە".
بڕیارە کۆبوونەوەکە کاژێر 1 بەڕێوە بچێت و تێیدا پرسە پەیوەنددارەکانی هەولێر و بەغدا، خۆپێشاندان و داواکاری سوننەکان و نامەی شیعەکان و هەروەها رێککەوتننامەی ستراتیژی نێوان پارتی و یەکێتی تاوتوێ بکرێت.
پێشتر عەبدولوەهاب عەلی، گوتەبێژی ئەنجوومەنی سەرکردایەتی پارتی دیموکراتی کوردستان لە سلێمانی بە (رووداو)ی رایگەیاندبوو کە ئاکامی وتووێژی شاندی یەکێتی و پارتی لەگەڵ لایەنەکانی ئۆپۆزیسیۆن یەک لە تەوەرەکانی کۆبونەوەکە دەبێت.
مەسعود بارزانی، سەرۆکی هەرێمی کوردستان دوێنێ پینج شەممە، دوای سەردانیكی چەند رۆژە بۆ سویسرا و چەند وڵاتێکی ئەوروپایی گەڕایەوە هەرێمی کوردستان.
بارزانی لە یەکەم وێستگەی سەفەرەکەیدا لە ئەڵمانیا سەردانی جەلال تاڵەبانی، سەرۆک کۆماری عێراقی کرد کە بە مەبەستی چارەسەری لە نەخۆشخانەی "چارەتی" لە بەرلینە.
هێڤیدار ئەحمەد
09/02/2013
زۆر لە كوردانی دانیشتووی بەرلین حەمید مەجیدی تەمەن 48 ساڵ دەناسن، كە خەڵكی باشووری كوردستانە و ساڵی 1996، لە شارۆچكەی كۆیەوە هاتووەتە ئەڵمانیا. ساڵی 2005، حەمید لە بەرلین كۆمپانیای ئاریانا تراڤڵ -ی دامەزراند.
حەمید چەند ساڵێكە، جگە لە بواری گەشتیاری، تەرمی ئەو كوردانەش كە لە ئەڵمانیا كۆچی دوایی دەكەن، دەهێنێتەوە كوردستان. لەو ساڵانەدا حەمید شتێكی بەسەرهاتووە كە مرۆڤ نازانێ پێی پێبكەنێ یان خەمگین بێت.
ساڵی 2009، رۆژێكیان كەسێك لە ئەڵمانیاوە تەلەفۆن بۆ حەمید مەجید دەكات و داوای لێدەكات تەرمی دایكی بۆ بباتەوە هەولێر. كەسەكە پێیدەڵێت: “دایكم لێرە كۆچی دوایی كردووە و دەمەوێ هەرچی زووە ببردرێتەوە كوردستان بۆئەوەی بنێژرێت”. دوای ئەوە حەمید یەكسەر تەلەفۆن بۆ كۆمپانیا فڕۆكەوانییەكان دەكات، بۆئەوەی كارەكانی بۆ رێكبخات: “بەپێی رێساكانی كاركردنمان ئێمە بۆمان هەیە لەگەڵ هەر گەشتێكدا تەنیا یەك تەرم ببەینەوە كوردستان، بەڵام ئەوجارەی تەلەفۆنەكەم بۆ هات، جێگە نەمابوو و تەرمێكمان هەبوو”. حەمید دەڵێ بۆیە بە كەسەكەم گوت: “رێگەیەكی دیكە هەیە، ئەویش ئەوەیە كە لەڕێگەی ئیستەنبۆڵەوە بیبەین بۆ ئامەد. لەوێشەوە كۆمپانیاكەمان بە ئۆتۆمبێل دەیباتەوە هەولێر”. كەسەكەش لەبەرئەوەی هیچ چارەیەكی دیكەی نییە، پێشنیازەكەی حەمید قبوڵ دەكات.
دوای ئەوە حەمید لە هێڵی ئاسمانی (توركیش ئایرلاینس) بلیتی فڕۆكە بەرەو ئامەد بۆ تەرمەكە دەكڕێت. لە رۆژی دیاریكراودا تەرمەكە دەبردرێتە فڕۆكەخانەی دوسڵدۆرف-ی ئەڵمانیا و سواری فڕۆكەی دەكەن و دەینێرنە ئیستەنبۆڵ.
لە فڕۆكەكەدا دوو تەرمی تێدابوون، یەكێكیان تەرمی ژنە كوردەكە بووە و یەكێكی دیكەش تەرمی پیاوێكی هیندی بووە. كاتێك تەرمەكان دەگەنە ئیستەنبۆڵ، یەكێكیان سواری فڕۆكەیەك دەكرێت كە بۆ ئامەد دەڕوات و یەكێكی دیكەش سواری فڕۆكەیەكی دیكە دەكرێت و بەرەو شاری نیودەلهی، پایتەختی هیندستان بەڕێدەكرێت.
وەكو حەمید دەڵێت “تەرمی ژنە كوردەكە بەڕێكرا بۆ ئامەد و لەوێشەوە بە ئۆتۆمبێل بردیانەوە بۆ زاخۆ. لە زاخۆش خزمەكانی هاتبوون بەپیریەوە و بردیانەوە بۆ گوندێكی نزیك لە سنووری رۆژهەڵاتی كوردستان”.
لە گوندەكە، كۆمەڵێك ژن لە مزگەوت كۆدەبنەوە بۆئەوەی تەرمەكە بشۆن. پیاوەكانیش لەبەر دەرگا چاوەڕێن شووشتنەكە تەواو بێت و بیبەن بۆ گۆڕستان. لەوكاتەدا لەناو ژناندا قیژە و هاوار دەستپێدەكات و پیاوان بە پەلەپڕووزێ دەچنە ژوورەوە. لەوێ كچانی ژنەكە دەڵێن: “ئێمە دڵنیاین دایكمان نەمردووە!”، بەڵام برایەكیان، كە لە ئەڵمانیاوە لەگەڵ تەرمەكەدا هاتووەتەوە، دەڵێت: “با، دایكمان مردووە، لە نەخۆشخانە لەناو دەستەكانی مندا گیانی بەخشی، من دڵنیام كە دایكمان مردووە”. كچەكانیش وەڵامی براكەیان دەدەنەوە و دەڵێن: “ئاخر وەرە سەیر بكە! ئەو تەرمەی هاتووەتەوە تەرمی پیرەمێردێكە!”
حەمید دەڵێ هەر ئەوكات براكەی تەلەفۆنی بۆ كردووە و گوتوویەتی: “ئەوە چییە كاكە، تۆ تەرمی دایكمت ناردووەتەوە یان تەرمی هیندییەك؟”. ئەم قسەیە حەمید تووشی سەرسوڕمان دەكات و یەكسەر پەیوەندی بە هاوكارانی و ئەو كۆمپانیایەوە دەكات كە هاوكاریی كردووە بۆ گواستنەوەی تەرمەكە: “دوای ماوەیەك دەركەوت كە تەرمەكان لە ئیستەنبۆڵ گۆڕدراون”. هەروەها ئەوەش روونبووەوە كە تەرمی ژنە كوردەكە، دوای ئەوەی گەیشتووەتە نیودەلهی، بەپێی رێوڕەسمی ئایینی هیندۆسەكان سووتێندراوە. هیندییەكان سووتماكی تەرمە سووتاوەكەیان خستووەتە شووشەیەكەوە، ئینجا لە ئۆتۆمبێلێكدا گوڵێكیان خستووەتە سەر و لە شوێنێك لەژێر خاكدا شاردوویانەتەوە.
لە كوردستان هەواڵەكە بەو ناوچەیەدا بڵاودەبێتەوە كە كەسوكاری ژنەكە تێیدا ژیاون. ئیتر مەلا و پیاوماقووڵان كۆدەبنەوە، بۆئەوەی چارەیەك بۆ كێشەكە بدۆزنەوە.
مەلایەك پێشنیازێك دەداتە كەسوكاری ژنەكە و دەڵێت: “تازە شتەكە روویداوە، با تەرمەكە بشارینەوە”، بەڵام كچان و كوڕانی ژنەكە هەر دوعا لە حەمید دەكەن و دەڵێن: “هەی خوات لێ رازی نەبێ، كە وات بەسەر بنەماڵەكەمان هێنا!” ئیتر دوای ئەوە پیرەمێردە هیندییەكە لە گوندەكەدا بە خاك دەسپێردرێت.
پیرە پیاوی هیندی دەبێتە مایەی خۆشی
لەو گۆڕستانەی پیاوە هیندییەكەی تێدا نێژراوە، پیاوێكیش نێژراوە كە ژنەكەی بە بەردەوامی دەچێتە سەر گۆڕەكەی. ژنەكە نەخۆشە و هەموو جارێك، تاوەكو دەگاتە سەر گۆڕەكە، پێویستی بەوەیە چەند جارێك پشوو بدات. بەڵام لەو رۆژەوە كە كابرای هیندی لە گۆڕستانەكەدا نێژراوە، ژنەكە قیت و قنج دەبێتەوە و بەبێ پشوودان و بە خێرایی دەچێتە سەر گۆڕی مێردەكەی.
دوای ئەوەی هەواڵی چاكبوونەوەی ژنەكە بە ناوچەكەدا بڵاودەبێتەوە. ئیدی گۆڕی كابرای هیندی دەبێتە زیارەتگا و هەرچی خەڵكی نەخۆشی ناوچەكەیە رووی تێدەكەن.
ماڵی ئەو ژنەی كە مردبوو و تەرمی كابرای هیندی لەگەڵدا گۆڕابوو، لەڕێگەی خەڵكەوە هەواڵەكە دەبیستن و زۆر دڵخۆش دەبن. حەمید دەڵێ دواتر هەمان خێزان لەجیاتی دوعای خراپی لێبكەن، دەیانگوت: “خوا بتپارێزێ حەمید! یاخوا لە قەزا و بەڵای دنیا بەدوور بیت”.
ئارمانج عەگید نێروەیی
رووداو -بەرلین
08/02/2013
ئه‌مڕۆ فرانسیس ریكاردۆنی، باڵیۆزی ئه‌مریكا له ئه‌نقه‌ره رایگەیاند "ویلایه‌ته یه‌كگرتووه‌كانی ئه‌مریكا خۆشحاڵه توركیا ببێته ده‌روازه‌یه‌ك بۆ هه‌نارده‌كردنی نه‌وت و غازی سروشتی بۆ رۆژئاوا".
له میانه‌ی كۆبوونه‌وه‌ی له گه‌ڵ به‌ڕێوه‌به‌ره‌كانی نووسینگه‌ی باڵیۆزخانه‌ی ئەمریکا له ئه‌نقه‌ره‌ی پایته‌ختی توركیا فرانسیس ریكاردۆنی گوتی "توركیاو عێراق جگه له به‌هێزكردن و به‌رده‌وام بوون له په‌یوه‌ندییه‌كانیان هیچ رێگه‌یه‌كی دیكه‌یان له‌به‌رده‌مدا نییه، چونكه هه‌نارده‌كردنی سامانه سروشتیه‌كانی عێراق له رێگه‌ی توركیاوه به قازانجی هه‌ردوولایه".
ریكاردۆنی، داوا له توركیا ده‌كات له گه‌ڵ عێراقیه‌كان به شێوه‌یه‌كی گشتی مامه‌ڵه بكات و ده‌ڵێت "نابێت توركیا مامه‌ڵه‌یه‌كی چه‌قبه‌ستوو له گه‌ڵ حكومه‌تی هه‌رێمی كوردستان بكات، به‌ڵكو ده‌بێت سنووری په‌یوه‌ندییه‌كانی حكومه‌تی عێراقیش بگرێته‌وه".
باڵیۆزی ئه‌مریكا له توركیا، ده‌یه‌وێت عێراق ئاراسته‌ی هه‌نارده‌كردنی نه‌وتی بگۆڕێت به‌ره‌و توركیا و ده‌ڵێت "ویلایه‌ته یه‌كگرتووه‌كانی ئه‌مریكا خۆشحاڵه توركیا ببێته ده‌روازه‌یه‌ك بۆ هه‌نارده‌كردنی نه‌وت و غازی سروشتی له رێگه‌ی بۆری نه‌وته‌وه وه‌كو جێگره‌وه‌یه‌ك بۆ گه‌رووی هورمز، له پێناو به‌رده‌وام بوونی عێراق له هه‌نارده‌كردنی نه‌وت و غاز بۆ رۆژئاوا، چاره‌سه‌ركردنی كێشه‌كانی نێوان به‌غدا و ئه‌نقه‌ره به لامانه‌وه گرنگه".
سه‌باره‌ت به په‌یوه‌ندییه‌كانی ویلایه‌ته یه‌كگرتووه‌كانی ئه‌مریكا له گه‌ڵ حكومه‌تی عێراقی، فرانسیس ریكاردۆنی ده‌ڵێت "ئه‌مریكا په‌یوه‌ندییه‌كی زۆر به‌هێزی هه‌یه له‌گه‌ڵ نوری مالیكی، سه‌رۆك وه‌زیرانی عێراق، هاوكات په‌یوه‌ندی به‌هێزیشمان له گه‌ڵ حكومه‌تی هه‌رێمی كوردستان هه‌یه، بۆیه چاره‌سه‌ركردنی كێشه‌كانی نێوان به‌غدا و ئه‌نقه‌ره به قازانجی هه‌موو لایه‌ك ده‌شكێته‌وه".
ئه‌م لێدوانه‌ی باڵیۆزی ئه‌مریكا له كاتێكدایه كه په‌یوه‌ندی نێوان ئه‌نقه‌ره و به‌غدا به بارێكی ئاڵۆزدا تێپه‌ڕ ده‌بێت، یه‌كێ له‌و هۆكارانه‌ش گرێبه‌سته نه‌وتییه‌كانی حكومه‌تی هه‌رێمی كوردستانه له‌گه‌ڵ وڵاتی توركیا.
و: هه‌ڵۆ خه‌لیل
08/02/2013
له 22ی مانگی رابردوو بارزانی به سه‌ردانێك گه‌یشته سویسرا به مه‌به‌ستی به‌شداری كردن له كۆربه‌ندی ئابوری داڤوس.
پێش گه‌یشتنی بۆ ولاتی سویسرا سه‌رۆكی هه‌رێم لە ئه‌ڵمانیا سەردانی جەلال تاڵەبانی سه‌رۆك كۆماری عێراقی كرد به مه‌به‌ستی هەواڵ پرسین و دڵنیا بوون لە ره‌وشی ته‌ندروستییان.
هه‌ر له‌و سه‌ردانه‌ی دا بۆ ولاتی سویسرا بارزانی چاوی به چه‌ندین سه‌رۆك و وه‌زیری ولاتان و گەورە بەرپرسانی وڵاتانی ئەوروپی و رۆژهەڵات کەوت .
دواین وێستگەی سەردانەکەی بارزانی بێلفاستی پایته‌ختی ئێرله‌ندای باكوور بوو کە لە لایه‌ن خاتوو ئارلین فۆسته‌ر وه‌زیری بازرگانی و وه‌به‌رهێنانی ئه‌و هه‌رێمه پێشوازی لێكرا و دواتریش سه‌ردانی په‌رله‌مانی ئه‌و هه‌رێمه‌ی كرد و له‌گه‌ڵ سه‌رۆكی په‌رله‌مان و سه‌رۆك وه‌زیران و جێگری سه‌رۆك وه‌زیران كۆبووه‌وه.
08/02/2013
پزیشکی جەلال تاڵەبانی بە (رووداو)ی راگەیاند "سەرۆک تاڵەبانی لە ماوەیەکی نزیکدا وڵاتی ئەڵمانیا بەجێ دێڵێت و دەگەڕێتەوە وڵات".
د. نەجمەدین کەریم، پارێزگای کەرکووک بە (رووداو)ی راگەیاند "جەلال تاڵەبانی، سەرۆک کۆماری عێراق رۆژ بەدوای رۆژ بەرەو چاکبوونەوە هەنگاو دەنێت و ئێستا مه‌شق و راهێنانه ته‌ندروستییه‌كانى ته‌واو بووه و تواناى قسه كردن و رۆیشتنى هه‌یە".
د. نەجمەدین راشیگەیاند "تاڵه‌بانى له‌ماوه‌یه‌كى نزیكدا وڵاتى ئه‌ڵمانیا جێ ده‌هێڵێت و ده‌گه‌ڕێته‌وه وڵات و درێژه به‌كاره‌كانى ده‌دات و من راسپێردراوم بۆ ئه‌وه‌ى ئه‌م هه‌واڵه به‌هه‌موو لایه‌ك بگه‌یه‌نم".
جەلال تاڵەبانی، سەرۆک کۆماری عێراق لە رێکەوتی 2012/12/18، بە مەبەستی چارەسەرکردن رەوانەی وڵاتی ئەڵمانیا کرا.
دواى ئه‌وه‌ى له 2012/12/18، به‌هۆى جه‌ڵته‌ى مێشکەوە، جه‌لال تاڵه‌بانى بارودۆخى ته‌ندروستى تێكچوو، ره‌وانه‌ى ئه‌ڵمانیا كرا بۆ وه‌رگرتنى چاره‌سه‌رى پێویست و ماوه‌یه‌كه له ژێر چاودێرى ته‌ندروستى دایە.
هیوا حوسامه‌دین 08/02/2013
ئەنجوومەنی سەربازی سوپای ئازادی سووریا لە پارێزگای حەسەکە داوا لە یەکینەکانی پاراستنی گەل YPG دەکات لە سەرێ کانیێ بکشێتەوە و ئەو شارە بە دەروازەی سەرەکی هێزەکانیان بۆ کۆنتڕۆڵ کردنی پارێزگای حەسەکە ناو دەبات.
حەسەن عەبدوڵڵا، فەرماندەی ئەنجوومەنی سەربازی سوپای ئازاد لە حەسەکە بە ماڵپەری وڵاتی راگەیاندووە "سەرێ کانێی دەروازەی سەرەکی ئێمە بۆ بەدەستەوە گرتنی یەکجارەکی پارێزگای حەسەکەیە و پێویستە یەکینەکانی پاراستنی گەل YPG لە سەرێ کانێێ بکشێنەوە".
حەسەن عەبدوڵڵا دەشڵێت "سوپای ئازادی سووریا تاکە هێزی سەربازییە کە دانی پێداندراوە و پارێزگاری لە شۆڕشی سووریا دەکات".
ئەو فەرماندەیەی سوپای ئازاد سەبارەت بە هۆکاری هێرشکردنە سەر سەرێ کانیێ، دەڵێت "ستراتیژی ئێستای ئێمە ئەوەیە کە دەست بەسەر پارێزگای حەسەکە دابگرین و ئازادی بکەین. لە روانگەی ئێمە سەرێ کانیێ دەروازەی چوونە ناو و کۆنتڕۆڵی یەکجاری حەسەکەیە. کەتیبەکانمان لە سەرجەم شار و شارۆچکەکانی پارێزگای حەسەکە بڵاو بوونەتەوە و دوای کۆنتڕۆڵ کردنی سەرێ کانیێ، هێرشێکی بەرفراوان بۆسەر بنکە و بارەگاکانی رژێم لە حەسەکە دەست پێدەکەین و ئەو پارێزگایە بە یەکجاری ئازاد دەکەین".
ماوەیەکە لە شاری سەرێ کانیێ شەڕ و پێکدادانێکی قورس لەنێوان یەکینەکانی پاراستنی گەل YPG و کەتیبە عەرەبییەکان هاتووەتە ئاراوە بەهۆیەوە دەیان کەس کوژراون و سەدان هاوڵاتیش ئاوارەی شارەکانی دیکەی رۆژئاوای کوردستان و هەرێمی کوردستان بوون.
لە رێکەوتی 2012/7/19، بە کشانەوەی هێزەکانی سووریا لە شاری کۆبانی، هێزە کوردییەکان بۆ یەکەم جار کۆنتڕۆڵی شارێکی رۆژئاوای کوردستانیان بەدەست گرت و لە رۆژانی دواتردا عەفرین، ئاموودا، سەرێ کانیێ، تربەسپی، گڕکێ لەگێ و دێرک بەدەست یەکینەکانی پاراستنی گەل YPG کەوتن.
پارێزگای حەسەکە لە باکووری رۆژهەڵاتی سووریا هەڵکەوتووە و لەگەڵ تورکیا (باکووری کوردستان) و هەرێمی کوردستان هاوسنوورە و ژمارەی دانیشتوانی زیاتر لە 1 ملیۆن و 500 هەزار کەسە.
شاری حەسەکە بنکەی پارێزگای حەسەکەیە و قامشلۆ، دێرک، سەرێ کانیێ و ئاموودا لە گرنگترین شارەکانی ئەو پارێزگایەن.
لە ناوەندی شاری حەسەکە پێکهاتەی دانیشتووانی لەگەڵ شارەکانی دیکەی پارێزگای حەسەکە جیاوازە و بەهۆی پڕۆسەی بەعەرەب کردنەوە (تەعریب) بەشێکی زۆری دانیشتوانی عەرەبن.
This e-mail address is being protected from spambots. You need JavaScript enabled to view it.
07/02/2013
به‌رپرسێكى پێشوى هه‌واڵگرى سه‌ربازى ئیسرائیل پێیوایه، گواستنه‌وه‌ى چه‌كه سوورییه‌كان بۆ لوبنان له‌به‌رژه‌وه‌ندى ئیسرائیل دایه و زیاتر ئاسایشى ده‌پارێزێت، به‌و پێیه‌ى سنوورى وڵاته‌كه‌ى له‌گه‌ڵ لوبنان ماوه‌ى حه‌وت ساڵه سه‌قامیگرى بینیوه.
شلومۆ غه‌زیت، سه‌رۆكى پێشوى ده‌زگاى هه‌واڵگرى سه‌ربازى ئیسرائیل ئاماژه‌ى به‌وه‌داوه" لایه‌نه سیاسییه‌كانى پشت سنوورى سووریا دوژمنایه‌تیان له‌حیزبولڵاى لوبنانى كه‌متر نییه".
له‌حاڵه‌تی نه‌بوونى رێگایه‌ك بۆ كۆنتڕۆڵكردنى ئه‌و چه‌كانه‌و گه‌ره‌نتى گواستنه‌وه‌یان بۆ شوێنێكى به‌رپرسیار، ئه‌و به‌رپرسه پێشوى هه‌واڵگرى دوو پێشنیارى خسته به‌رده‌م وڵاته‌كه‌ى ئه‌گه‌ر بیر له‌مانه‌وه‌ى ئه‌و چه‌كانه بكات ده‌بێت ئه‌وه بزانێت ره‌نگه ئه‌و چه‌كانه بكه‌ونه ده‌ست دوژمنانى ئیسرائیل، كه له‌به‌رزاییه‌كانى جولانه‌وه نزیكن. پێشنیارى دووهه‌میش بریتیه له‌وه‌ى رێگه بدرێت به‌وه‌ى ئه‌و چه‌كانه بگوازرێنه‌وه لوبنان و بوار بدرێته به‌شار ئه‌سه‌د، سه‌رۆكى سووریا له‌دوورخستنه‌وه‌ى چه‌كه‌كانى له‌ناو خاكى سووریا.
گوتیشى" گرنگ نییه ئاخۆ به‌شار ئه‌سه‌د له‌چه‌ند هه‌فته‌یه‌ك یاخود مانگ و ساڵى داهاتوو نامێنێت، به‌ڵكو ئه‌وه‌ی به‌لامانه‌وه گرنگه ئه‌مڕۆ سووریا له‌حاڵه‌تێكى ململانێدایى ده‌سه‌ڵاتدایه و پێشبینى ده‌كرێت ماوه‌یه‌كى زۆرى پێبچێت تاوه‌كو سه‌قامگیر ده‌بێت‌و ئارامى ده‌گه‌ڕێته‌وه ئه‌و وڵاته".
سەرۆكی گروپی دۆستانی كورد ــ ئەوروپا، رایدەگەیەنێت لەچارەسەری پرسی كورددا دەتوانرێت سود لەئەزموونی ئیرلەندا‌و باسك‌و كاتەلۆنیا وەربگیرێت، هاوكات پەرلەمانتارانی ئەوروپاش جەخت لەسەر چارەسەری ئاشتیانەی كێشەی كورد لەتوركیا دەكەنەوە.
لە پەرلەمانی ئەوروپا لە شاری ستراسبۆرگی فەرەنسا بە دەستپێشخەری گروپی دۆستانی كورد زنجیرە كۆبوونەوەیەك لە ژێر دروشمەكانی (توركیا، كورد و قۆناغی ئیمراڵی، دیالۆگی سیاسی لە پێناو چارەسەری ئاشتیانەی پرسی كورددا ) ئەنجام دەدرێن
لە باكوری كوردستانیشەوە شاندێك بە سەرۆكایەتی سەڵاحەدین دەمیرتاش هاوسەرۆكی BDP بەشداری ئەو زنجیرە چالاكییانە دەبێت.
پەرلەمانی ئەوروپا دوێنێ لە ستراسبۆرگ كۆبونەوەی لەسەر بابەتی لە توركیا چارەسەر كردنی پرسی كورد بەرێی دیالۆگ بەست.
سەرۆكی گروپی دۆستانی كورد وتی “ئیدی چارەسەری پرسی كورد خۆی دەسەپێنێ، بۆ ئەوەی پرسی كورد چارەسەر بكرێ، دەبێ نوێنەرانی كورد و تورك پشتگیری لە قۆناغی دانوسان بكەن “.
سۆبۆدا، سەرۆكی گروپی سۆسیالیستیش رایگەیاند كە پرسی كورد بە رێگەی سەربازی چارەسەر ناكرێ، بۆ ئەوەش دەبێ دیدارەكانی كاربەدەستانی تورك لەگەڵ ئۆجالان و نوێنەرانی كورد ببێت بە قۆناغی دانوستاندن .
سۆبۆدا راشیگەیاند كە وەك گروپی سۆسیالیست و دیموكراتی پشتگیری لە قۆناغەكە دەكەن و لە ئێستا بەدواوە پەیامەكانیشمان لەو چوارچێوەیە دەبێت.
ژارگن كڵۆت پەرلەمانتاری ئەڵمانیا و سەرۆكی گروپی دۆستانی كورد ــ ئەوروپا رایگەیاند دەیانەوێت گوێ لە كوردان بگرن و وتی “ئاشتی دوا شانسە بۆ لایەنەكان و پێویستە ورە بە لایەنەكان بدرێت.
جەختیكردەوە “دەزگاكانی ئەوروپا پێشتر ئەزموونی گەورەیان لە چارەسەری پرسەكانی ئیرلەندا، باسك، كەتەلۆنیان شوێنەكانی تر وەرگرتووە و دەتوانرێت ئەو ئەزموونە بەهێزە لە چارەسەری پرسی كوردیشدا بخرێتە گەڕ . “
كۆڵت وتیشی “پێویستە پەرلەمانی ئەوروپا ناوبژێوانی دیدارەكانی نێوان لایەنەكانی كورد و تورك بكات” .
هاوكات ماریا كریستین ڤیرژایتی ئەندامی پەرلەمانی ئەوروپاش ئاماژەی بەوەكرد كە ئەوروپا ناچار دەبێت بكەوێتە ناو قۆناغەكەوە و رایگەیاند “پێویستە رێگری لە پێشكەوتنی ئەو ئاشتییە تازە پشكوتووە نەكرێت”.
ناوبراو رایگەیاند كە توركیا بەقۆناغێكی مێژووییدا تێپەڕ دەبێت، وتی “بۆ ئەوەی ورە بە لایەنەكان بدرێت و لەسەر مێزی گفتوگۆ دابنیشن، پێویستە یەكێتی ئەوروپا رۆڵ بگێرێت”.
سەرچاوە فورات نیوز
07/02/2013
(PNA)- سەرچاوەیەك لە وەزارەتی سەرچاوە سروشتییەكان ڕایگەیاند، پاش ڕاگرتنی بۆ ماوەی دوو هەفتە، حكوومەتی هەرێمی كوردستان، هەناردەكردنی نەوتی خاو و پێكهاتە چڕەكانی(نەفتایا)، بەڵام بە ڕێژەیەكی كەم و بە تانكەر بۆ توركیا دەست پێ كردەوە.
بەرلەوەی لە نێوەی كانوونی دووەمدا هەناردەكردن ڕابگیرێت كە مەبەست لێی باشتركردنی سیستمی چاودێریی بارهەڵگرەكان بووە، حكوومەتی هەرێمی كوردستان ڕێژەی بەرهەمهێنانی بۆ 30 هەزار بەرمیل لە ڕۆژێكدا بەرز ببووەوە.
لە دێسەمبەر – كانوونی یەكەمەوە، بەو هۆیەوەی حكوومەتی فیدراڵ تەواوی خەرجیی كۆمپانیاكانی هەرێمی نەدا، حكوومەتی هەرێم هەناردەكردنی نەوتی لە ڕێگەی بۆریی نەوتەوە كە لە ژێر ڕكێفی بەغدایە و بە توركیا دەكات، ڕاگرت.
بەپێی هەاڵێكی ئاژانسی هەواڵی ڕۆیتەرز، سەرەتای مانگی ڕابردوو، حكوومەتی هەرێم دەرفەتی هەناردەكردنی ڕاستەوخۆی نەوتی لە كێڵگەی نەوتی تەقتەقەوە بۆ توركیا، بە كۆمپاینای جەنەڕاڵ ئینێرژی سپارد. هەناردەكردنی پێكهاتە چڕەكان (نەفتایا)و غازیشی لە كێڵگەی خورموورەوە، لە هاوینی ڕابردووەوە دەست پێ كردووە.
وەزیری سامانە سروشتییەكانی حكوومەتی هەرێمی كوردستان، ئاشتی هەورامی، ڕایگەیاندووە كە كاتێك دەست بە هەناردەكردنی نەوت دەكرێتەوە، هەرێم ڕۆژانە نزیكەی 20000 بەرمیل نەوتی خاو و 10000 – 15000 بەرمیلیش لە پێكهاتە چڕەكانی هەرنادە دەكات.
07/02/2013
وه‌زیری ده‌ره‌وه‌ی ئێران ده‌ڵێت: حكومه‌تی سوریا پێویستی به جه‌نگاوه‌ری بیانیی نییه.
عه‌لی ئه‌كبه‌ر ساڵحی وه‌زیری ده‌ره‌وه‌ی ئێران، له كۆنفڕانسێكی رۆژنامه‌وانیدا كه له به‌رلینی پایته‌ختی ئه‌ڵمانیا سازیكردبوو، له وه‌ڵامی پرسیاری رۆژنامه‌نوسێك كه ئایا ئێران هاوكاری سه‌ربازیی رژێمه‌كه‌ی به‌شار ئه‌سه‌د ده‌كات یاخود نا؟ وتی: سوپای سوریا به‌هێزه‌و به‌هیچ جۆرێك پێویستی به هاوكاری سه‌ربازیی و جه‌نگاوه‌ریی ده‌ره‌كیی نییه.
وه‌زیری ده‌ره‌وه‌ی ئێران ئاماژه‌ی به‌وه‌شدا كه وڵاته‌كه‌ی له‌ڕووی ئابووریی و بازرگانییه‌وه تا ئێستاش هاوكاری سوریا ده‌كات، به نموونه، رۆژانه به‌نزین و گه‌نم بۆ ئه‌و وڵاته ده‌نێرێت و جگه له‌وه‌ش، له هه‌وڵی ئه‌وه‌دان له‌ڕێی عیراقه‌وه كاره‌بایان بۆ دابین بكه‌ن.
05/02/2013
(PNA) – مەحمود ئەحمەدینەژادی سەرۆك كۆماری ئێران، رۆژی دووشەممە داوای لە وڵاتانی ناوچەكە كرد كە كار بۆ یەكڕیزی عێراق بكەن كە لەماوەی مانگی رابردوودا تووشی چەندین ئاڵۆزی و شەپۆڵی خۆپیشاندان لەدژی نوری مالیكی سەرۆك وەزیرانی عێراق هاتووە.
ئەحمەدی نەژاد هۆشداریی دا كە ئەگەر بارودۆخی عێراق تێكبچێت، كاریگەریی لەسەر تەواوی خۆرهەڵاتی ناوەڕاست دەبێت.
سەرۆک کۆماری ئێران، لە چاوپێكەوتنێكیدا لەگەڵ كەناڵی ئەلمەیادینی عەرەبید، لەبارەی رەوشی عێراقەوە گوتی: "ئەگەر ئاگر بكەوێتەوە، ئەوا هەموو لایەك دەسووتێنێت. من بەڕاشكاونە دەیڵێم ئەوانەی كە دەست لە ناوخی عێراق وەردەدەن، زەرەر دەكەن".
ماوەیەكە رەوشی ئەمنی عێراق تێكچووە و بەپێی راپۆرتە رۆژنامەوانییەكان تەنیا لە ماوەی مانگی رابردوودا حەوت حاڵەتی هێرشی تیرۆرستی لە عێراق روویانداوە.
سۆران عەلی/م.ش
05/02/2013
ده‌قی راگه‌یه‌نراوه‌كه:
بە داخێكی زۆرەوە شەوی ڕابردوو ئاگرێك لە بەشی ناوخۆیی فیردەوسی شاری سلێمانی كەوتەوە و لە ئەنجامدا دوو قوتابی و كارمەندێكی بەشەكە بوونە قوربانی و ژمارەیەكی زۆری قوتابیش بەهۆیەوە بریندار بوون. هەواڵی سووتانی جەستەی قوتابییە ئازیزەكانی ئەو بەشە ناوخۆییە هەموومانی ئازار دا و تووشی خەمی كردین. سەرەخۆشی لە بنەماڵەی قوربانیانی ئەو ڕووداوە دڵتەزێنە دەكەین و هیوای زوو چاكبوونەوەیش بۆ بریندارانی ئاگركەوتنەوەكە دەخوازین.
قوتابیان سەرمایەی دواڕۆژی گەلەكەمانن و پاراستن و یارمەتیدانیان ئەركی هەموو لایەكمانە. داوا لە گشت دامودەستگە پێوەندیدارەكانی وەزارەتی تەندروستی و ناوخۆ و خوێندنی باڵا دەكەین یارمەتی و هاوكاریی قوربانیانی ڕووداوەكە و كەسوكاریان بدەن و لیژنەكانی لێكۆلینەوەیش بە زووترین كات هۆكارەكانی ڕووداوەكە بدۆزنەوە. پێویستە هەموو ڕێكارێك بگیرێتەبەر بۆ ئەوەی لەمەودوا ڕووداوی لەم چەشنە دووبارە نەبێتەوە.
سەرۆكایەتیی هەرێمی كوردستان
04/02/2013
(PNA)- وه‌زیری به‌رگریی ئیسرایل، له میانه‌ی كۆنفرانسی جیهانیی ئاسایش له مونشنی ئه‌ڵمانیا، به‌شێوه‌یه‌كی ناڕاسته‌وخۆ، هێرش و بۆردومان كردنی ناوه‌نده سه‌ربازی و جبه‌خانه‌كانی رژێمی سووریای پشتڕاست كرده‌وه.
دوێنێ وه‌زیری به‌رگریی ئیسرایل، ئیهود باراك، له كۆنفرانسی ئاسایش له ئه‌ڵمانیا، وێڕای ئاماژه‌ی ناڕاسته‌وخۆ به هێرشی هه‌فته‌ی رابردوو، گوتی ئیسرایل پێشتر هۆشداریی دابووه سووریا.
رۆژی چوارشه‌ممه‌ی هه‌فته‌ی رابردوو، فڕۆكه‌كانی سوپای ئیسرایل، هێرشیان كرده سه‌ر چه‌ند ناوه‌ندی سه‌ربازی و ناوه‌ندی تاقیكردنه‌وه و په‌ره‌پێدانی چه‌كی كیمیایی رژێمی سووریا.
وه‌زیری به‌رگریی ئیسرایل ته‌ئكیدی كرده‌وه كه رووداوه‌كانی چه‌ند رۆژی رابردووی سووریا، جارێكی دیكه ده‌یسه‌لمێنێت كه ئیسرایل هه‌ر قسه‌یه‌ك بكات، جێبه‌جێی ده‌كات.
باراك هه‌روه‌ها ئاماژه‌ی به‌وه‌ش كرد كه ئیسرایل داواكاره و رێگه نادات چه‌كی پێشكه‌وتوو و به‌هێز، بگه‌یه‌نرێته لوبنان و ده‌ستی حیزبوڵای لوبنان به‌و چه‌كانه بگات.
ئا. ر
04/02/2013
عه‌بدولاَ ئۆجه‌لان سه‌رۆكی به‌ندكراوی په‌كه‌كه به فڕۆكه‌یه‌ك له دورگه‌ی ئیمرالی توركیاوه گه‌یه‌نراوه‌ته هاوینه‌هه‌واری سه‌لاَحه‌دین له هه‌رێمی كوردستان .
به‌پێ ی ده‌نگۆیه‌ك كه له مانشێتی رۆژنامه‌ی سۆزجوی توركیا له ژماره‌ی ئه‌مڕۆ دا بلاَوی كردۆته‌وه : عه‌بدولاَ ئۆجه‌لان سه‌رۆكی پارتی كرێكارانی كوردستان له دورگه‌ی ئیمرالیه‌وه ده‌رهێنراوه‌و به فڕۆكه‌یه‌ك به نهێنی گه‌یه‌نراوه‌ته هاوینه‌هه‌واری‌سه‌لاحه‌دین له هه‌رێمی كوردستان و سه‌ره‌تا له بنكه‌یه‌كی مه‌سعود بارزانی سه‌رۆكی هه‌رێم میوانداری كراوه‌و گفتوگۆو دیدار له نێوان په‌كه‌كه و میتی توركی و ئۆجه‌لان دا ئه‌نجامدراوه .
هه‌ربه‌پێ ی ئه‌و ده‌نگۆیه لایه‌نه‌كانی حكومه‌تی توركیا و په‌كه‌كه ڕێكه‌وتون له‌سه‌ر سێ خاڵی نه‌خشه ڕێگایه‌كی ئۆجه‌لان كه له‌مانه پێكهاتون :
یه‌كه‌م: له دوای په‌ژراندنی یاسای مافی پاراستن به زمانی دایك ,حكومه‌تی توركیا زه‌مینه‌ی یاسایی خۆشبكات بۆئازادكردنی زیندانیانی كه‌جه‌كه, له‌به‌رامبه‌ر ئه‌مه‌دا په‌كه‌كه چالاكی سه‌ربازی راده‌وه‌ستێنیت و هه‌ردوو لا شه‌ڕنه‌كردنی یه‌كجاری رابگه‌یه‌نن.
دووه‌م: ده‌بێت توركیا رۆژئاوای كوردستان بناسێت و په‌كه‌كه‌ش به‌رامبه‌ر ئه‌مه هێزه چه‌كدارییه‌كانی خۆی بۆ ده‌ره‌وه‌ی توركیا ده‌كشێنیته‌وه .
سێیه‌م: ده‌بێت ده‌ستوری یاسایی بگۆڕدرێت و په‌روه‌رده‌ی زمانی دایك و سه‌ربه‌خۆیی بخرێته ژێر زه‌مانه‌تی یاساییه‌وه .
پێشتریش ده‌نگۆی ئه‌وه بلاَوبۆوه‌كه هاكان فیدان سه‌رۆكی هه‌واڵگری میتی توركی ئه‌مڕۆ سێشه‌ممه ده‌گاته هه‌ولێری پایته‌ختی هه‌رێمی كوردستان و له‌گه‌ڵ به‌پرسانی په‌كه‌كه كۆده‌بێته‌وه به‌لاَم سه‌فیدن دزه‌یی وته‌بێژی حكومه‌تی هه‌رێم ئه‌و هه‌واڵه‌ی ره‌ت كرده‌وه .
سەرچاوە: نەوا/ ئا: ده‌روون عومه‌ر 05/02/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
