به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ئەمڕۆ سێشەممە، یەکەمین قۆناخی هاوکارییەکانی هەرێمی کوردستان گەیشتە شاری سەرێ کانیێ لە رۆژئاوای کوردستان.
لەژێر چاودێری لێژنەی خزمەتگوزاری دەستەی باڵای کورد، بۆ یەکەمین جار هاوکارییەکانی هەرێمی کوردستان گەیشتە شاری سەرێ کانێی و لەنیوان دانیشتوانی ئەو شارە دابەش کرا.
لە یەکەمین قۆناخدا، چەندین تۆن ئارد رەوانەی شاری سەرێ کانێی کراوە و لەو گەڕەکانی کە لەژێر کۆنتڕۆڵی یەکینەکانی پاراستنی گەل YPGدایە، دابەش کرا.
سەرێ کانیێ بەهۆی ئەو شەڕ و پێکدادانەی کە ماوەیەکە لەنێوان کەتیبە عەرەبییە توندڕەوەکان و هێزەکانی YPG هاتووەتە ئاراوە، بە رەوشێکی دژواردا تێدەپەرێت و نرخی نان و خۆراک لەو شارە زۆر بەرز بووەتەوە.
هاوکارییەکانی خەڵک و حکومەتی هەرێمی کوردستان بۆ رۆژئاوای کوردستان بەردەوامە و رۆژانە کەمپینەکانی پشتیوانی لە رۆژئاوای کوردستان لە شار و شارۆچکەکانی هەرێمی کوردستان یارمەتی بۆ کوردانی رۆژئاوا کۆ دەکەنەوە.
13/02/2013
ئه‌مڕۆ 15 كورد له فه‌ره‌نسا ده‌ستگیركران به‌تۆمه‌تی كۆكردنه‌وه‌ی پاره بۆ پارتی كرێكارانی كوردستان (PKK) .
ماڵپه‌ڕی (حوریه‌ت ده‌یلی نیوزی) توركی بڵاویكرده‌وه كه پۆلیسی فه‌ڕه‌نسا 15 كوردی به‌تۆمه‌تی كۆكردنه‌وه‌ی هاوكاری بۆ پارتی كرێكارانی كوردستان ده‌ستگیركردووه..
له‌لایه‌كی دیكه‌وه دوێنێ له‌ئه‌ڵمانیا پیاوێكی ته‌مه‌ن 46 ساڵی ده‌ستگیركرا به‌گومانی كۆكردنه‌وه‌ی هاوكاری بۆ (PKK) .
هاوكات لە رێكه‌وتی 2013/1/9، هەر یەک لە ساکینە جانسز، یەک لە دامەزرێنەرانی پارتی کرێکارانی کوردستان PKK و دووچالاكوانی دیكه به‌ناوی فیدان دۆغان و لەیلا شایلەمەز لە ناوچه‌ى گاره دونوردى پاریس کوژران, به‌پێی بڵاوكراوه‌یه‌كی ویكیلیكس هۆكاری كوشتنی ساكینه جانسز ئه‌وه بووه كه ناوبراو سه‌رچاوه‌یه‌كی كۆكردنه‌وه‌ی هاوكاری بووه بۆ (PKK).
ئاری ره‌سوڵ
-----------------
هه‌واڵی هاوشێوه:
ویكیلیكس : كوشتنى سێ ژنه سیاسه‌تمه‌داره‌كه به هه‌ماهه‌نگى توركیا و ئه‌مه‌ریكا بووه
http://rudaw.net/kurdish/index.php/kurdistani/19890.html
بکوژەکەی پاریس ئاشکرا کرا
http://rudaw.net/kurdish/index.php/kurdistani/20282.html
13/02/2013
وەزیری ئاشتبوونەوەی نیشتمانی سووریا رایگەیاند كە رژێمی سووریا ئامادەی ئەنجامدانی گفتوگۆیە لە گەڵ موعاز خەتیب، سەرۆكی هاوپەیمانی نیشتمانی سووریا لە دەرەوەی ئەو وڵاتە، ئەمە لە كاتێكدایە پێشتر ئۆپزيسیۆنی سووریا لە سەر زاری خەتیب ئامادەیی خۆی پێشاندا بۆ ئەنجامدانی گفتوگۆ لەگەڵ رژێمی ئەسەد.
رۆژنامەی (گاردیان)ی بەریتانی لە زاری عەلی حەیدەر، وەزیری ئاشتبوونەوەی نیشتمانی سووریای گواستەوە كە "رژێمی سووریا ئامادەی ئەنجامدانی گفتوگۆیە لە گەڵ موعاز خەتیب، سەرۆكی هاوپەیمانی نیشتمانی سووریا لە دەرەوەی ئەو وڵاتە، ئەمە لە كاتێكدایە پێشتر ئۆپزسیۆنی سووریا لە سەر زاری خەتیب ئامادەیی خۆی پێشاندا بۆ ئەنجامدانی گفتوگۆ لەگەڵ رژێمی ئەسەد لەو ناوچانەی كە لە ژێر دەسەڵاتی ئۆپزسیۆنە لە سووریا".
ئەو بەرپرسە ئاشكراشی كرد "گفتوگۆی چاوەروانكراو لە نێوان رژێمی سووریا و ئۆپۆزسیۆن رێگە خۆشكەر دەبێ بۆ ئەنجامدانی گفتوگۆیەكی هاوشێوە لە ناو خاكی سووریا"، هاوكات پێشنیاری كرد "گفتوگۆی چاوەڕوانكراو لە نێوان رژێم ئۆپزسیۆنی سووریا لە شاری جنێڤ لە سویسرا بێتە ئەنجامدان".
12/02/2013
كۆمپانیای ئەپڵ كار لەسەر دروستكردنی كاژێرێكی دەست دەكات كە چەند تایبەتمەندیەكی تەكنەلۆجیای زیرەكی تێدایە.
ئەپڵ باسی ئەم جۆرە كاژێرەی كردووە لەگەڵ كۆمپانیای (هۆن هایای پریسیژت ئیندەستری) ی هاوبەشی سەرەكی خۆی. چەند كەسێكیش لەو كۆمپانیایە رایانگەیاندووە كە ئاستی زیرەكی ئەم ئامێرە وەك مۆبایلی سمارت فۆن و تابلێتە.
هاوكات گوتیشی " ئەم كاژێرانە قەبارەیان بچوكەو بۆ لەدەست كردن شیاون".
ئەو كۆمپانیایە كە بارەگاكەی لە تایوانە كار لەسەر ئەوەدەكات سەرچاوەیەكی وزەی گونجاو بۆ ئەو ئامێرە بدۆزێتەوە تاوەكو بەرهەمەكەیان بخەنە بازارەوە.
توانای ئەو ئامێرە بەتەواوی ئاشكرا نەكراوە بەڵام لێكۆڵەرەوان و بەرهەم هێنەرانی كۆمپانیا پێیان وایە ئەو ئامێرە بە رەنگ و تایبەتمەندی جیاوازەوە دەخەنە بازاڕەوە, كە زۆر بەئاسانی دەتوانرێت ببەسترێتەوە بە ئای فۆن.
كومپانیای ئەپڵ ی دروستكەر و دیزاینەری ئایفۆن, ئایپاد, ئایتون و كۆمپیوتەری ماك , بەهۆی داهێنانەكانیەوە شورۆشێكی تەكنەلۆجیای بەرپاكردووە لە جیهان.
ئاری رەسوڵ
هەواڵی هاوشێوە :
ئەپڵ ٤٨ ملیۆن ئایفۆنی فرۆشتووە لە ٣ مانگ دا
http://rudaw.net/kurdish/index.php/hemecor/20607.html
داهێنانی ئامێرێك کە جوڵه‌ی چاو له بری جوڵه‌ی ماوسی كۆمپیوته‌ر ده‌ناسێنێ
http://rudaw.net/kurdish/index.php/hemecor/19583.html
12/02/2013
وەزیری وزەی توركیا دەڵێت پەیوەندیەكانی توركیا لەگەڵ هەرێمی كوردستان لەپێناو بەرژەوەندی وڵاتەكەیەتی و گرنگی نادات بەو وڵاتانەی كە دڵخۆش نین بەو پەیوەندیە .
تانەر یاڵدز, وەزیری وزە و سەرچاوە سروشتیەكانی توركیا ئەمڕۆ لە لەكاتی قسەكردنی بۆ (كەناڵ 24)ی توركی رایگەیاند "هیچ شتێك ئاساییتر نابینم لەوەی توركیا لە پەیوەندی لەگەڵ باكوری عێڕاق دروستكردووە بیر لە بەرژەوەندیەكانی خۆی بكاتەوە "
هاوكات ئەو وەزیرەی توركیا باسی لەوە كرد كە " لەوانەیە هەندێك وڵات دڵخۆش نەبن بەو پەیوەندیەی ئێمە لەگەڵ باكووری عێڕاق بەڵام ئەوە كاری ئێمەنیە تاوەكو دڵی ئەوان خۆش بكەین, ئەگەر توركیا بیەوێت بەردەوامی بە پیشەسازی وزە بدات ئەوا نابێت دراوسێكانی لەبیربكات"
ئاری رەسوڵ
هەواڵی پەیوەندیدار:
ئه‌ردۆغان : له مامه‌ڵه‌كردنی نه‌وت له‌گه‌ڵ هه‌رێمی كوردستاندا به‌رده‌وام ده‌بین
http://rudaw.net/kurdish/index.php/news/20787.html
ناردنی نەوت بۆ توركیا بەردەوامە
http://rudaw.net/kurdish/index.php/news/20587.html
توركیا له‌گه‌ڵ سه‌ربه‌خۆیی هه‌رێمی كوردستاندا نییه
http://rudaw.net/kurdish/index.php/iraq-world/20430.html
12/02/2013
رووداو-Anadolu Agency
ئێوارەی رۆژی شەمبە رێکەۆتی ٠٩/٠٢/٢٠١٣، له‌سه‌ر بانگهێشتنێکی فه‌رمی، شاندێکی بزووتنەوەی کۆماریخوازی رۆژهەلاتی کوردستان بە سەرپەرشتی چالاکوانی هێژا کاک ئیبراهیم بایزیدی نوێنەری بزووتنەوە لە دەرەوەی وەلات، بەشداری کۆنفەرانسی پارتە کوردستانیەکانی کرد کە بە بۆنەی ٦٧مین سالیادی دامەزراندنی یەکەم کۆماری کوردستان لە شاری لەندەن لەلایەن حیزبی دێمۆکراتی کوردستان پێکهاتبوو، لەم کۆنفەرانس و کۆریادەدا کە چەندین حیزبی کوردستانی و ئێرانی تێدا بەشداربوون، نوێنەری بزووتنەوەی کۆماریخوازانی رۆژهەلاتی کوردستان، بەیاننامەی پیرۆزکردن و بەرزنرخاندنی ئەم رۆژ و یادە پیرۆزەیان خوێندەوە.
11/02/2013
سه‌رۆكى ئیتیلافى نیشتمانى ئۆپۆزیسیۆنى سووریا ئاماده‌یى خۆى بۆ ئه‌نجامدانى دانوستان له‌گه‌ڵ رژێمه‌كه‌ى به‌شار ئه‌سه‌د، له‌و ناوچانه‌ى كه له‌ژێر ده‌ستى شۆڕشگێرانه نیشاندا.
موعاز خه‌تیب، له لاپه‌ره‌ى خۆی له‌سه‌ر تۆڕى كۆمه‌ڵایه‌تى فه‌یسبووك ئاماژه‌ى به‌وه كردووه كه له‌گه‌ڵ ئه‌وه‌ى باوه‌ڕى به‌و رژێمه نییه كه گه‌له‌كه‌ى ده‌كوژێت و سه‌مونخانه‌كان بۆردومان ده‌كات، به‌ڵام رازییه به‌وه‌ى بۆ رۆیشتنى رژێمه‌كه‌ى ئه‌سه‌د و رێگرتن له رشتنى خوێن و وێرانكارى زیاتر له‌گه‌ڵ رژێم دانوستان بكات.
خه‌تیب رژێمه‌كه‌ى ئه‌سه‌دیشى به دانانى مه‌رجى رێگر له‌به‌رده‌م ئه‌نجامدانى دانوستان تۆمه‌تبار كرد، له‌و مه‌رجانه‌ش ئه‌نجامدانى دانووستان له‌ناوخۆى سووریا، له‌كاتێكدا سووریا وه‌ك زیندانێكى گه‌وره‌ى لێهاتووه،
موعاز خەتیب گوتیشى "ده‌ستپێشخه‌ریه‌كه‌ى من هیچ فه‌رمانێكى سه‌ربازى و سیاسی بۆ دۆزینه‌وه‌ى زه‌مینه‌كى له‌بار بۆ گفتوگۆى هاوبه‌ش له‌گه‌ڵدا نییه".
له‌چه‌ند رۆژى رابردوودا موعاز خه‌تیب، ده‌ستپێشخه‌ریه‌كى بۆ ئه‌نجامدانى گفتوگۆ له‌گه‌ڵ رژێمه‌كه‌ى به‌شار ئه‌سه‌د راگه‌یاند و رۆژى شه‌ممه‌ى رابردووش حكومه‌تى سووریا رایگه‌یاند كه ئاماده‌یه بۆ ئه‌وه‌ى دانوستان له‌گه‌ڵ ئۆپۆزیسیۆن بكات، بێ ئه‌وه‌ى مه‌رجى پێشوه‌خته هه‌بێت.
11/02/2013
سەرۆکی ویلایەتە یەکگرتووەکانی ئەمریکا لە چاوپێکەوتنێکدا لەگەڵ رۆژنامەی میللیەتی تورکی وەڵامی چوار پرسیار ناداتەوە کە یەکێکیان دەربارەی پەیوەندییە ئابورییەکانی نێوان تورکیا و هەرێمی کوردستانە.
رۆژنامەکە پرسیویەتی پەیوەندییە ئابووری و دیپلۆماتییەکانی تورکیا لەگەڵ هەرێمی کوردستان لەبەرەوپێشچووندان، لەکاتێکدا پەیوەندییەکان لە بەغدادا لاوازن. رای تۆ چییە لەبارەی گواستنەوەی نەوتی هەرێمی کوردستان لەڕێی تورکیاوە بۆ جیهان؟ بەڵام ئۆباما وەڵامی ئەم پرسیارە ناداتەوە.
بەڵام دەربارەی بەڕێوەچوونی گفتۆگۆی ئاشتی لە نێوان حکومەتی تورکیا و عەبدوڵڵا ئۆجەلان، سەرۆکی بەندکراوی پارتی کرێکارانی کوردستان PKK، ئۆباما گوتی"دەستخۆشی لە رەجەب تەیب ئەردۆغانی سەرۆک وەزیران دەکەم بۆ هەوڵەکانی لە پێناو دۆزینەوەی چارەسەرێکی ئاشتییانە بۆ ئەو ململانێیەی کە زیاتر لە 30 ساڵە دەردەسەری زۆری بۆ خەڵکی تورکیا دروستکردووە". هەروەها دەڵێت" پێموایە ئەو هەنگاوانەی حکومەتی تورکیا گرتوویەتی بەر بەرەوپێشچوونی باش دێننە ئاراوە".
لەبارەی دۆخی سووریاشەوە، ئۆباما رایگەیاند "رژێمەکەی ئەسەد کۆتایی پێدێت وەک چۆن رۆژ بە رۆژ لاواز دەبێت. ئێمە لەوە ئاگادارین کە رۆژانی داهاتوو زۆر سەخت دەبن بۆ خەڵکی سوریا و هەرێمەکەش، بەڵام ئەوەش دەزانین کە رژێمی ئەسەد بەرەو لاوازی زیاتر دەچێت و ناوچەکانی لەدەست دەدات".
یەکێکی دیکە لەو پرسیارانەی کە ئۆباما وەڵامی نەداوەتەوە، پەیوەست بوو بە جیاوازی روانگەی تورکیا و ئەمریکا بۆ هێرشەکانی ئیسڕائیل بۆسەر کەرتی غەزە.
سەرچاوە: Hurriet Daily News
وەرگێڕان: هیوا قۆچاڵی
11/02/2013
بارام مەجید خان، راوێژكاری مەكتەبی سیاسی یەكێتی بۆ كاروباری ئێران، لە لێدوانێكدا بۆ (رووداو)ی راگەیاند لە سەردانەكەی كۆسرەت رەسول عەلی و بەرهەم ساڵح، جێگرانی سكرتێری یەكێتی بۆ تاران، كۆماری ئیسلامی ئێران دوو مەبەستی هەبووە "دۆخی سیاسی لە هەرێمی كوردستان جێگیرببێ. بەتایبەت لە ناوچەی سەوز كە رێگە نادات دۆخی سیاسی لەو ناوچەیە تێكبچێت". مەبەستی دووەمی ئێران، بە قسەی بارام مەجید خان، لەسەر ئاستی عێراقە و دەڵێ "ئێران دەیەوێ لینكێكی پەیوەندی لەنێوان دەوڵەتی یاسا و هەرێمی كوردستان بهێڵێتەوە، ئەمەش بەرامبەر بەو خزمەتگوزارییەیە كە ئێران پێشكەشی هەرێمی كوردستانی كردووە، كە نەیهێشت مالیكی پەلاماری هەرێمی كوردستان بدات و زەمانەتی داوە، كە مالیكی پەلاماری كوردستان نەدات".
11/02/2013
بارام مەجید خان، راوێژكاری مەكتەبی سیاسی یەكێتی بۆ كاروباری ئێران، لە لێدوانێكدا بۆ (رووداو)ی راگەیاند لە سەردانەكەی كۆسرەت رەسول عەلی و بەرهەم ساڵح، جێگرانی سكرتێری یەكێتی بۆ تاران، كۆماری ئیسلامی ئێران دوو مەبەستی هەبووە "دۆخی سیاسی لە هەرێمی كوردستان جێگیرببێ. بەتایبەت لە ناوچەی سەوز كە رێگە نادات دۆخی سیاسی لەو ناوچەیە تێكبچێت". مەبەستی دووەمی ئێران، بە قسەی بارام مەجید خان، لەسەر ئاستی عێراقە و دەڵێ "ئێران دەیەوێ لینكێكی پەیوەندی لەنێوان دەوڵەتی یاسا و هەرێمی كوردستان بهێڵێتەوە، ئەمەش بەرامبەر بەو خزمەتگوزارییەیە كە ئێران پێشكەشی هەرێمی كوردستانی كردووە، كە نەیهێشت مالیكی پەلاماری هەرێمی كوردستان بدات و زەمانەتی داوە، كە مالیكی پەلاماری كوردستان نەدات".
11/02/2013
چاودێره لوبنانى و ئیسرائیلییه‌كان، رایده‌گه‌یێنن دوایین زه‌برى فڕۆكه جه‌نگییه‌كانى ته‌لئه‌بیب بۆ سه‌ر بنكه‌یه‌كى توێژینه‌وه‌ى سه‌ربازى نزیك پایته‌ختى سووریا سه‌ره‌تایه‌كه بۆ جه‌نگێكى درێژ، به‌مه‌به‌ستی رێگه گرتن له‌پرۆسه‌ى گواستنه‌وه‌ى چه‌كى سووریا بۆ لایه‌نه‌كانى دیكه.
چه‌ند هه‌فته‌یه‌ك له‌مه‌وبه‌ر، فڕۆكه جه‌نگییه‌كانى ئیسرائیل هێرشیانكرده سه‌ر بنكه‌یه‌كى سه‌ربازى نزیك دیمه‌شقى پایته‌ختى سووریا، به‌گوته‌ى به‌رپرسانى سه‌ربازى ته‌لئه‌بیب وێستگه‌یه‌كى كیمیاوییان كردووه‌ته ئامانج، له‌به‌رامبه‌ریشدا به‌رپرسانى سووریا باس له‌وه‌ده‌كه‌ن بنكه‌كه ناوه‌ندێكى توێژینه‌وه‌ى سه‌ربازى بووه.
پسپۆڕه ئیسرائیلییه‌كان رایانگه‌یاندووه چوار جۆر چه‌ك هه‌یه مه‌ترسیان هه‌یه بگاته ده‌ستى لایه‌نه‌كانى دیكه ئه‌وانیش بریتین له " سیسته‌مى به‌رگرى ئاسمانى، مووشه‌كى بالیستى، مووشه‌كى زه‌مین – ده‌ریایی‌و، چه‌كى كیمیاوی".
به‌رپرسی پێشووى هه‌واڵگرى ئیسرائیلى له‌لێدوانێكى پێشوویدا ئاماژه به‌وه‌دابوو، ده‌بێت وڵاته‌كه‌ى رێگرى نه‌كات له‌گواستنه‌وه‌ى ئه‌و چه‌كانه بۆ ناو خاكى لوبنانى.
هۆكاره‌كه‌شى بۆ ئه‌وه گه‌ڕانده‌وه زیاتر له‌حه‌وت ساڵه، سنووره‌كانیان له‌گه‌ڵ ئه‌و وڵاته ئارامى به خۆیه‌وه بینیوه‌و مه‌ترسیه‌كانیان ئێستا له‌سنوورى سووریادایه كه‌ئه‌وان شۆڕشیان كردووه دوژمنایه‌تیان له‌گه‌ڵ وڵاته‌كه‌ى له‌رژێمى ئێستا خراپتره. پسپۆرێكى سه‌ربازی ئیسرائیلی جه‌ختى له‌وه كردووه‌ته‌وه وڵاته‌كه‌ى ئاماده‌یه، بۆ ئه‌نجامدانى هه‌ر هێرشێك گه‌ر زانیارى گواستنه‌وه‌ى چه‌كه‌كانى سوریا بۆ لوبنانى پێگه‌یشت.
گوتیشى" له‌ئێستادا سوپاى رژێمى سووریا رۆژانه به‌ره‌و لاوازى ده‌چێت‌و حیزبولڵاى لوبنانیش به‌ره‌و گۆشگیرتر ده‌بردرێت له‌لایه‌ن كۆمه‌ڵگه‌ى نێوده‌وڵه‌تیه‌وه به‌هۆى پشتگیرى كردنى له‌ده‌سه‌ڵاته‌كه‌ى به‌شار ئه‌سه‌د".
10/02/2013
به‌هۆی "قسه‌ی نه‌شیاو و بێ رێزی كردن" به مسته‌فا بارزانی به‌ده‌یان
هاووڵاتی له‌به‌رده‌م كۆمپانیای نالیا كۆبوونه‌وه.
كاژێر 4:45 ئێواره‌ی ئه‌مڕۆ خه‌ڵكێكی زۆر له به‌رده‌م كۆمپانیای نالیا كۆبونه‌وه و ده‌ستیان به‌خۆپێشاندان كردووه له دژی كه‌ناڵی(NRT) و تائێستاش به‌رده‌وامه.
له‌به‌رنامه‌ی مایكی خه‌ڵكدا كه ئه‌مڕۆ پێشكه‌شكرا كه‌سێك ته‌له‌فۆنی كردوه و جنێوی به مسته‌فابارزانی داوه و خه‌ڵكیش نیگه‌رانی خۆیان ده‌رده‌بڕن و ده‌یانه‌وێت ئه‌و كه‌ناڵه "به‌شێوه‌یه‌كی پڕۆفیشناڵانه و دوور له سوكایه‌تی" په‌یامه‌كانی خۆی بگه‌یێنێت.
كه‌سێك به‌ناوی نوێنه‌ری خۆپێشانده‌ران به ( رووداو)ی راگه‌یاند"هیچ كه‌سێك سوكایه‌تی قبوڵ ناكات, ئێمه‌ش قبوڵی ناكه‌ین". ئه‌و نوێنه‌ره له باره‌ی داواكاریه‌كانیشیان گوتی " ده‌مانه‌وێت قسه له‌گه‌ڵ به‌ڕێوه‌به‌ری كۆمپانیای نالیا بكه‌ین".
هاوكات چه‌ندین دروشم له‌لایه‌ن خۆپێشانده‌رانه‌وه به‌رزكراونه‌ته‌وه له‌وانه " Stop NRT" , " ده‌بێ به‌رنامه‌ی مایكی خه‌ڵك دابخرێت" .
ژماره‌ی خۆپێشانده‌ران زیاتر له 250 كه‌س ده‌بن له‌سه‌ر شه‌قامی شه‌شت مه‌تری به‌رامبه‌ر به گوندی ئه‌ڵمانی كه له‌لایه‌ن هێزی ئاماده و هێزی چالاكییه مه‌ده‌نییه‌كان كۆنتڕۆڵی خۆپێشانده‌ران ده‌كرێت. هاوكات هێزی پۆلیسیش پشتێنه‌یه‌كیان دروست كردووه و ناهێڵن خۆپێشانده‌ران بچنه نێو گوندی ئه‌ڵمانیه‌وه.
به‌هرۆز فه‌ره‌یدوون 09/02=2013
بەگوێرەی هەواڵێکی کاناڵی فەرمی سووریا (سانا)، رۆژی پێنجشەممەی هەفتەی رابردوو، بەشار ئەسەدی سەرۆکی سووریا حوسامەدین ئاڵای وەک جێگری وەزیری دەرەوەی سووریا بۆ کاروباری ئەوروپا و رێکخراوە نێودەوڵەتییەکان دەست نیشان کرد.
حوسامەدین ئاڵا خەڵکی شارۆچکەی ماباتۆی سەر بە شاری عەفرینی رۆژئاوای کوردستانە و پێشتر باڵیۆزی سووریا لە ئسیپانیا بووە.
زۆرینەی دانیشتوانی ماباتۆ کوردی عەلەوین.
09/02/2013
بڕیارە ئەمڕۆ شەممە، بە مەبەستی پشتیوانی کردن لە زیندانیانی سیاسی رۆژهەڵاتی کوردستان، گردبوونەوەیەک لە بەرامبەر نووسینگەی پەرلەمانی کوردستان لە سلێمانی ئەنجام بدرێت.
هونەر کەریم، ئەندامی کەمپینی پشتیوانی لە زیندانیانی سیاسی رۆژهەڵاتی کۆردستان لەو بارەوە بە (رووداو)ی راگەیاند "ئێمە وەک کۆمەڵێک لە رێکخراو و حیزب و لایەنی سیاسی هەرێمی کوردستان و رۆژهەڵاتی کوردستان بڕیارمانداوە بۆ پشتیوانی کردن لە زیندانیانی سیاسی رۆژهەڵاتی کوردستان، کاژێر 2ی پاش نیوەڕۆ لەبەردەم نووسینگەی سلێمانی پەرلەمانی کوردستان گردبوونەوەیەکی جەماوەری ئەنجام بدەین".
هونەر کەریم راشیگەیاند "نزیکەی 60 رۆژنامەنووس و چالاکڤانی سیاسی کورد لە رۆژهەڵاتی کوردستان دەستبەسەر کراون و تادێت رێژەی گیراوانی کورد زیاتر دەبێت. ئێمە لە یاداشتێکدا رێکخراوەکانی مافی مرۆڤ و کۆمەڵگای مەدەنی و پەرلەمانی کوردستان لە پێشێلکارییەکانی ئێران ئاگادار دەکەینەوە".
نزیکەی 30 چالاکڤانی سیاسی و مەدەنی رۆژهەڵاتی کوردستان بە تاوانی شەڕکردن لەگەڵ خوا (محاربە) و تێکدانی ئەمن و ئاسایشی نیشتمانی ئێران، سزای لەسێدارەدانیان بەسەردا سەپێندراوە و لە گرتووخانەکانی ئێران چاوەڕێی پەتی سێدارە دەکەن.
ناوی 24 زیندانی سیاسی کورد کە سزای لەسێدارەدانیان بەسەردا سەپاوە، بریتیە لە:
شێرکۆ مەعارفی، لوقمان مورادی، زانیار مورادی، حەبیبوڵڵا گوڵپەری پور، حەبیبوڵڵا لەتیفی، رەشید ئاخکەندی، بێهروز ئاڵخانی، رەزا ئیسماعیلی، حەبیب ئەفشاری، عەلی ئەفشاری، سامی حوسێنی، ئەسغەر رەحیمی، یاوەر رەحیمی، بێهنام رەحیمی، بەهمەن رەحیمی، موختار رەحیمی، مەردان مەلیکی، ئەنوەر رۆستەمی، مستەفا سەلیمی، حەسەن تاڵعی، عەزیز محەممەدزاده، جەماڵ محەممەدی، ئیبراهیم عیساپور و سیروان نژاوی.
ساکار عەبدوڵڵازادە
09/02/2013
هەندێك لە حیزبەكانی رۆژهەڵاتی كوردستان رایدەگەیێنن كە ئەوان بۆ دانوستاندن لەگەڵ كۆماری ئیسلامی ئامادەن، بەڵام بەمەرجی ئەوەی دانوستاندنێكی ئاشكرا بێت، ئەوەش وەك وەڵامێك بۆ بەرپرسێكی باڵای ئێران كە بۆ (رووداو) گوتبووی وڵاتەكەی ئامادەیە دانوستاندن لەگەڵ ئەو حیزبانە بكات، بەو مەرجەی بگەڕێنەوە ناو خاكی ئێران.
سەید عەزیم حوسێنی، سەركونسوڵی گشتی ئێران لە هەولێر هەفتەی رابردوو بە (رووداو)ی راگەیاند كە وڵاتەكەی نیەتی دانوستاندن و نزیكبوونەوەی لە پارتەكانی رۆژهەڵاتی كوردستان هەیە، بەڵام دەڵێت “ئەوەی دەیەوێ بەشداری پرۆسەی سیاسی بێت لە ئێران، دەبێت لەناو ئێران بێت”. حوسێنی بەو حیزبانە دەڵێت “ئێمە لاریمان نییە بۆ دانوستاندن، بەڵام كێشەی دانوستاندن لەلای خۆیانە و ئەوان پەیوەستن بە ئەجێندای دەرەكییەوە”.
كەریم پەروێزی، ئەندامی دەفتەری سیاسی حیزبی دیموكراتی كوردستانی ئێران، بە ئاماژەدان بەوەی كە ئەوان “ئەزموونی تاڵیان لە دانوستاندن لەگەڵ كۆماری ئیسلامیدا هەیە”، قسەكانی عەزیم حوسێنی بە “چەواشەكاری نێو دەبات و دەڵێت “د.عەبدولڕەحمان قاسملۆ، ساڵی 1989 لەكاتی دانوستاندن لەگەڵ دەستەی نوێنەرایەتی كۆماری ئیسلامی تیرۆر كرا”.
سەرەڕای ئەو “ئەزموونە تاڵە”ی پەروێزی باسی دەكات، بەڵام هێشتا دەڵێت “ئێمە ئامادەیی دانیشتن و دیالۆگمان هەیە، بەڵام بەپێی ئەزموون بە نهێنی دانوستاندن ناكەین”.
شەماڵ پیران، كوردیناتۆری پارتی ئازادی كوردستان، دەڵێ “هەر كاتێك كۆماری ئیسلامی ئێران بە ئاشكرا رایگەیاند ئامادەی دانوستانە، ئێمەش بە چاودێری رێكخراوی نەتەوە یەكگرتووەكان و كۆمەڵگای نێونەتەوەیی و سەرۆكی هەرێمی كوردستان، ئامادەین لەگەڵ كۆماری ئیسلامی دابنیشین”. بەڵام ئارام مودەڕیسی، نوێنەری كۆمەڵەی زەحمەتكێشانی كوردستان لە هەولێر پێیوایە كۆماری ئیسلامی “نیازی پاك نییە بۆ دیالۆگ”، هیچ ئاسۆیەكیش بەدی ناكات، كە ئێران لەگەڵ كورد دابنیشێ.
شەماڵ پیران، پرسی دانیشتن لەگەڵ كۆماری ئیسلامی بە مەحاڵ نازانێ و دەڵێت “بەهۆی ئەو رەوشە خراپەی ئێرانی تێكەوتووە، دوور نییە داوای دانیشتن بكات بۆ دەرباز بوون لەو رەوشە”. بەوتەی ئارام مودەڕیسی ئەگەر دانیشتنێكیش هەبێت، دەبێت لەگەڵ رێبەرانی بەرزی ئێراندا بێت، نەك دەزگایەكی تایبەتی وەك ئیدارەی ئیتلاعات، “دەبێت دانیشتنەكە لە وڵاتێكی بێلایەن بێت، هەروەها هێزەكانی ئێرانیش لە رۆژهەڵاتی كوردستان بكشێنەوە”.
حیزبەكانی رۆژهەڵاتی كوردستان دەڵێن مەسەلەی دانیشتن لەگەڵ كۆماری ئیسلامی ئێران بابەتێكی تازە نییە و چەندین جار كۆماری ئیسلامی ئەو بابەتەی ورووژاندووە. بەڵام ئارام مودەڕیسی دەڵێ “كۆماری ئیسلامی ئێران ویستوویەتی لەگەڵ حیزبێكی كوردی دانوستاندن بكات نەك كورد بە گشتی”. بەڵام مودەڕیسی پێیوایە تێڕوانینی ئەمنیانەی كۆماری ئیسلامی بۆ كوردستان رێگرە لەبەردەم دانوستاندن.
كۆماری ئیسلامی ئێران لە سەرەتای هاتنە سەركاریدا، سێ جار دانیشتنی فەرمی لەگەڵ لایەنە كوردییەكان هەبووە. یەكەمجار لە 19/2/1979 دەستەی دانوستاندنكاری حكومەتی ناوەندی لە مەهاباد لەگەڵ دەستەی نوێنەرایەتی كورد كۆبوونەتەوە. دەستەی نوێنەرایەتی كورد ئەوكات 8 داواكاری دایە دەستەی دانوستاندنكاری ئێران. جارێكی دیكە لە پایزی 1979 دەستەی نوێنەرایەتی كورد كە پێكهاتبوون لە شێخ عیزەدین حوسێنی، د.قاسملۆ سەردانی تارانیان كرد و لەگەڵ نوێنەرانی حكومەتی ناوەندی دانیشتن. پاشان نوێنەرانی كورد سەردانی ئایەتوڵڵا خومەینییان كرد لە شاری قوم. جاری سێیەمش لە ساڵی 1980 شاندی حكومەتی ناوەندی لە مەهاباد و سنە لەگەڵ بەرپرسانی كورد دانیشتن، بەڵام ئەو دانیشتنانە هیچیان لێ شین نەبوو.
لە كۆتایی ساڵی 2009 خالید عەزیزی، سكرتێری گشتی حیزبی دیموكراتی كوردستان، لە هەپڤەیڤینێكدا لەگەڵ (رووداو) ئامادەیی حیزبەكەی بۆ دیالۆگ لەگەڵ كۆماری ئیسلامی ئێران دەربڕی. عەزیزی هەروەها گوتبووی ئەگەر زەمینەی كاری سیاسییان بۆ بڕەخسێ ئەوان ئامادەن بچنەوە ئێران، هەروەها باسی لەوەش كردبوو كە ئەوان ئامادەن لەسەر ماددەكانی 15 و 19ی یاسای بنەڕەتی ئێران وتووێژ لەگەڵ كۆماری ئیسلامی ئێراندا بكەن. هەر ئەوكات سەید عەزیم حوسێنی، كۆنسولی ئێران لە هەولێر رایگەیاند كە ئەوان ئامادەن لەسەر بنەمای قسەكانی خالید عەزیزی پێشوازی لە حیزبی دیموكراتی كوردستان بكەن بۆ ئەوەی لە پرۆسەی سیاسیدا بەشدار بێت. پاش تیرۆركردنی د.قاسملۆ ئەوە جدیترین قسەی نێوان حیزبەكانی رۆژهەڵاتی كوردستان و بەرپرسێكی كۆماری ئیسلامی بووە بۆ دانیشتن، بەڵام قەتیش نەچوونە بواری جێبەجێكردنەوە.
یەكەم مەرجی حیزبەكانی رۆژهەڵاتی كوردستان بۆ دیالۆگ، ئەوەیە كە كۆماری ئیسلامی كێشەی كورد لە ئێران بە رەسمی بناسێ. ئەوان دەڵێن دەبێت كۆماری ئیسلامی دان بەبوونی كێشەی كورد دا بنێت و بەكردەوە هەوڵی چارسەركردنی بدات. بەڵام شەماڵ پیران دەڵێ “كۆماری ئیسلامی پڕۆژەیەكی بۆ چارەسەری پرسی كورد لەو وڵاتەدا نییە”.
رووداۆ/ فوئاد حەقیقی
09/02/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
