به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
یادى 17ى شوبات ده‌برَته سه‌ر گۆڕى رێژوان عه‌لى، له‌گۆڕستانى سه‌یوانى سلێمانى و له‌وێوه په‌یامى ئه‌و خۆپیشاندانانه‌ى دوو ساڵى رابردوو راده‌گه‌یه‌نرێت
وه‌ستا عه‌لى كاشى، باوكى شه‌هید رێژوان و ژماره‌یه‌ك له‌هاوڵاتیان ئاماده بوون بۆ یاد كردنه‌وه‌ى 17ى شوبات و له‌و مه‌راسیمه‌دا دواى خوێندنه‌وه‌ى وتار خوێنده‌وه و تاجه گوڵینه‌یان له‌سه‌ر گۆڕى ئه‌و شه‌هیده دانا، دواتر كۆتاییان به مه‌راسیمه‌كه هێنا به‌بێ ئه‌وه‌ى هیچ گردبوونه‌وه‌یه‌كى ناڕه‌زایى به‌دوایدا بێت.
یادكردنه‌وه‌ى ئه‌و مه‌راسیمه له‌كاتێكدایه لیژنه‌ى ئه‌منیى سلێمانى رایده‌گه‌یه‌نێت" هیچ كه‌س و گروپێك داواى وه‌رگرتنى مۆڵه‌تێكیان نه‌كردووه
هاوكات ده‌نگۆى ئه‌وه بڵاو بوویه‌وه كه هێزێكى سه‌ربازى شاره‌كه‌ى ته‌نیوه به‌تایبه‌ت باره‌گاى لقى 4ى پارتى.
له‌به‌رامبه‌ریشدا هه‌ڵۆ ئه‌حمه‌د كورده، به‌رپرسى لقى 4ى پارتى دیموكراتى كوردستان به(رووداو)ى گوت "هه‌موو ئه‌و هه‌واڵانه دوورن له راستییه‌وه كه‌ئه‌وان هێزیان ئاماده كردبێت بۆ ئاماده‌كارى هه‌ر جۆره رووداوێك، گوتیشى" جگه له‌پاسه‌وانه‌كانى باره‌گاى لقه‌كه‌مان كه‌ته‌نیا له سنوورى لقه‌كه‌یان بوونیان هه‌یه هیچ هێزێكى دیكه په‌یوه‌ندى به‌وانه‌وه نییه.
17/02/2013
هاوڵاتییەکی کورد لەزیندانی شاری میناب لە باشووری ئێران، دوای 8 ساڵ زیندانی بوون، بەهۆی نەخۆشیەوە گیان لەدەستدەدات.
محەممەد زەینەتی تەمەن 31 ساڵ کە خەڵکی شاری سەقزی رۆژهەڵاتی کوردستانە بەهۆی ئەوەی توشی نەخۆشی خوێنڕێژی گەدە هاتووەو پێش ئەوەی بگاتە نەخۆشخانە گیان لەدەستدەدات.
ئەو هاوڵاتیە کە خاوەنی ژن و منداڵە ، 8 ساڵ بەر لەئێستا لەلایەن هێزە ئەمنیەکانی حکومەتی ئیسلامی ئێرانەوە دەستگیرکرا و لەلایەن دادگای شۆڕشی ئەوشارە بەتۆمەتی ڕاگرتنی چەک و تەقەمەنی و پەیوەندی بە حیزبە کوردییەکان، زیندانی تاهەتایی بۆبڕایەوە.
رووداۆ/ ئاری رەسوڵ
17/02/2013
مه‌سعود بارزانى، سه‌رۆكى هه‌رێمى كوردستان رایگه‌یاند، له‌كۆتایى ئه‌م مانگه كۆبوونه‌وه‌یه‌كى فروان له هه‌ولێر به‌رێوه‌ده‌چێت بۆ باسكردن له كێشه‌كانى عیراق و ئه‌و هه‌نگاوانه‌ى پێویستن بنرێن بۆ چاره‌سه‌ركرن.
ئه‌مرۆ مه‌سعود بارزانى، سه‌رۆكى هه‌رێمى كوردستان له‌گه‌ل بالوێز و نوێنه‌رانى ده‌وله‌تانى یه‌كێتى ئه‌وروپا له عیراق كۆبووه و رایگه‌یاند، هه‌موو ئه‌و كێشانه‌ى له عیراقدا هاتوونه پێش ده‌گه‌رێنه‌وه بۆ پابه‌ند نه‌بوون به ده‌ستوور.
بالوێزى یه‌كێتى ئه‌وروپا له كۆبوونه‌وه‌كه‌دا رایگه‌یاند، ئه‌وان له‌سه‌ر راسپارده‌ى یه‌كێته‌یه‌كه كه نوێنه‌راتى 27 ولاتى ئه‌وروپى ده‌كات هاتوون بۆ هه‌ولێر بۆ ئاگاداربوون له‌سه‌ر بارودۆخى عیراق و هوكاره‌كانى ته‌نگه‌ژه‌ى ئێستا و چونیه‌تى چاره‌سه‌ركردنى.
ناوبراو نیگه‌رانى خۆى له‌مه‌ر ته‌نگه‌ژه‌ى ئێستاى عیراق ده‌ربڕى و گۆتى: یه‌كێتى ئه‌وروپا زۆر به نێگه‌رانیه‌وه سه‌یرى ته‌نگه‌ژه‌ى ئێستاى عیراق ده‌كات و ب هیچ شێوه‌یه‌كى هاوپه‌یمانى كه‌س ناكه‌ین كه رێز له ده‌ستوور و رێكه‌وتنه‌كان نه‌گرێ. بۆیه به بایه‌خه‌وه سه‌یرى ئه‌و كۆبوونه‌وه‌یه‌مان ده‌كه‌ین له‌گه‌ل بارزانى بۆ ئه‌وه‌ى دیدوبۆچوونه‌كانى وه‌ربگرین سه‌باره‌ت به ته‌نگه‌ژه‌ى عیراق تا له كۆبوونه‌وه‌ى بروكسل دا بخه‌ینه روو كه بریار وایه له هه‌فته‌ى داهاتوو ئه‌نجامبدرێت.
سه‌رۆكى هه‌رێمى كوردستان به شانده‌كه‌ى رایگه‌یاند، ئه‌مرۆ عیراق به ته‌نگه‌ژه‌یه‌كى قولدا تێده‌په‌رێت و پێویستى به چاره‌سه‌ركردنێكى ریشه‌یى هه‌یه، كوردیش هه‌موو كات به‌شێك ده‌بێ له چاره‌سه‌ر بوویه له سه‌ر داواى لایه‌نه‌كانى دیكه‌ى عیراق له كوتایى ئه‌م مانگه له هه‌ولێر كۆبوونه‌وه‌یه‌كى فراوان سازده‌كرێ بۆ هه‌لسه‌نگاندنى ته‌نگه‌ژه‌ى عیراق و هه‌نگاوه پێویسته‌كان كه ده‌بێ بنرێن بۆ چاره‌سه‌ر.
17/02/2013
ئایه‌توڵا خامنه‌یی گفتوگۆكانی كۆماری ئیسلامی ئێران له‌گه‌ڵ ئه‌مریكا ره‌تده‌كاته‌وه و ده‌ڵێت "ئه‌گه‌ر بمانویستبایه چه‌كی ئه‌تۆمی به‌رهه‌م بهێنن, ئه‌مریكا نه‌یده‌توانی بمانوه‌ستێنێت".
ئایه‌توڵا خامنه‌یی سه‌ركرده‌ی باڵای كۆماری ئیسلامی ئێران كه دواین بڕیاره‌كان له‌لای ئه‌وه‌وه ده‌درێن , سه‌ره‌ڕای ئه‌و ئابڵوقه‌یه‌ی خراوه‌ته سه‌ر وڵاته‌كه‌ی ,گفتوگۆی راسته‌و خۆ له‌گه‌ڵ ئه‌مریكا ره‌تده‌كاته‌وه و ده‌ڵێت " ئێمه باوه‌ڕمان وایه هه‌موو چه‌كێكی ئه‌تۆمی ده‌بێت له‌ناوببردرین و ئێمه‌ش هیچ خواستێكمان له‌سه‌ر دروستكردنی چه‌كی ئه‌تۆمی نیه" ,ئه‌و گوتیشی " ئه‌گه‌ر ئێران بیویستبایه چه‌كی ئه‌تۆمی به‌رهه‌م بهێنێت ئه‌وا ئه‌مریكا به‌هیچ شێوه‌یه‌ك نه‌یده‌توانی بیوه‌ستێنێت"
خامنه‌یی راشیده‌گه‌یه‌نێت "ئێمه پێشتر گوتومانه ئێران گفتوگۆ له گه‌ڵ ئه‌مریكا ده‌كات ئه‌گه‌ر واشنتۆن رێز له‌مافه‌كانی ئێران بگرێت له‌بری هه‌ڕه‌شه‌كردن".
له‌لایه‌كی دیكه‌وه ئه‌و گوتی"ئه‌مریكا ده‌یه‌وێت نكۆڵی له‌و مافه سروشتیه‌ی ئێران بكات كه‌هه‌یه‌تی بۆ پیتاندنی یۆرانیۆم بۆمه‌به‌ستی ئاشتی و وزه, به‌دڵنیاییه‌وه ئه‌مریكا سه‌رناكه‌وێت "
هاوكات ئه‌مریكا نیگه‌رانی خۆی له‌مه‌ڕ ئێران و ئاژانسی وزه‌ی ئه‌تۆمی نێوده‌وڵه‌تی ده‌ربڕیوه به‌وه‌ی رێگه‌یان نه‌داوه لێكۆڵه‌ره‌وان سه‌ردانی بنكه‌یه‌كی سه‌ربازی بكه‌ن به‌ناوی پارچین ,كه ئه‌مریكا گومانی لێده‌كات ئێران تاقی كردنه‌وه‌ی چه‌كی ئه‌تۆمی تێدا ئه‌نجامبدات.
رووداۆ/ ئاری ره‌سوڵ
17/02/2013
به ئاماده‌بوونی "نازم ده‌باغ" نوێنه‌ری هه‌رێمی كوردستانی عیراق و سه‌رۆكی ده‌سته‌ی باڵای زانستی و فه‌رهه‌نگی و به یاوه‌ری كۆمه‌ڵێك له به‌ڕێوبه‌رانی سه‌نته‌ری فه‌رهه‌نگی و هونه‌ر و بیناسازی جیهادی زانكۆیی ئێران، نوسینگه‌ی هاوكاری زانستی و فه‌رهه‌نگی ئێران و هه‌رێمی كوردستان كراییه‌وه.
به پێی راگه‌یه‌نراوێكی په‌یوه‌ندییه گشتیه‌كانی لێكۆڵینه‌وه‌ی فه‌رهه‌نگ و هونه‌ر و بیناسازی ئێران، له‌و مه‌راسیمه‌دا "نازم ده‌باغ" له لێدوانێكیدا ده‌رباره‌ی كردنه‌وه‌ی ئه‌و نوسینگه‌یه ئاماژه‌ی به‌وه كرد، "هاوكاری دوولایه‌نه له ئه‌كادیمیا زانستی و فه‌رهه‌نگییه‌كاندا كارێكی پێویسته و كردنه‌وه‌ی ئه‌و نوسینگه‌یه‌ش ده‌توانێت ببێته سه‌ره‌تایه‌ك بۆ زیادكردنی هاوكارییه‌كان فراوان بكرێنه‌وه".
دواتر ده‌باغ نوێنه‌رانی سه‌نته‌ری فه‌رهه‌نگ و هونه‌ر و بیناسازی، بانگهێشتی هه‌رێمی كوردستان كرد.
هه‌ر له‌و مه‌راسیمه‌دا، شێرزاد ئه‌حمه‌د نه‌جار راوێژكاری وه‌زیری خوێندنی باڵای هه‌رێمی كوردستان و ساحب قاره‌مان عیسا وه‌زیری پێشووی عیراق، ئه‌و هه‌نگاوه‌یان به گرنگ ناو زه‌ند كرد بۆ گه‌شه‌پێدانی په‌یوه‌ندییه زانستییه‌كانیان.
له‌و باره‌یه‌وه عه‌سكه‌ری كه به‌رپرسێكی ئه‌و سه‌نته‌ره‌یه هه‌ر له‌و مه‌راسیمه‌دا ئاماژه‌ی به‌وه كرد، سه‌نته‌ره‌كه و په‌یمانگای جیهاد چه‌ندین ده‌ستكه‌وتی زانستی به ده‌ست هێناوه و به گواستنه‌وه‌ی ئه‌و ئه‌زموونانه ده‌توانن هه‌نگاوێكی گرنگ له هه‌رێمی كوردستان بنرێت.
هه‌ر له مه‌راسیمه‌كه‌دا به‌ڕێوبه‌ری گروپی لێكۆڵینه‌وه هونه‌ر ئه‌فشین داوه‌ر په‌نا وتی، بۆ ده‌ستپێكردنی كاره‌كانمان لێكۆڵینه‌وه‌ی مێژووی و هونه‌ری له هه‌ردوو ئه‌كادیمایی مۆسیقا و سینه‌مایی ده‌توانێت له پێشینه‌ی كاره‌كانمان بێـت.
16/02/2013
مه‌لا به‌ختیار رایده‌گه‌یه‌نێت "په‌كه‌كه نه به ره‌زامه‌ندی ئێمه هاتوونه‌ته قه‌ندیل و نه به بڕیاری ئێمه‌ش چۆڵی ده‌كه‌ن"، ئاماژه‌ش به‌وه ده‌كات كه یه‌كێتی پشتگیری ئاشتی و دیموكراسی له توركیا ده‌كات.
به‌پێی هه‌واڵێكی سایتی پوك میدیا، زمانحاڵی یه‌كێتی نیشتمانی كوردستان، دوای كۆبوونه‌وه‌ی وه‌فدی باڵای یه‌كێتی نیشتمانی كوردستان له‌گه‌ڵ به‌رپرسانی باڵای ئه‌و وڵاته و كۆبوونه‌وه‌یان له‌گه‌ڵ په‌رله‌مانتارانی پارتی ئاشتی و دیموكراسی له په‌رله‌مانی توركیا، كۆنگره‌یه‌كی رۆژنامه‌وانی بۆ هه‌ریه‌كه له مه‌لا به‌ختیار و سه‌لاحه‌دین ده‌میرتاش سازكرا.
به‌پێی هه‌واڵه‌كه‌ی سایتی پوك میدیا، له كۆنگره رۆژنامه‌وانیه‌كه‌دا، سه‌ڵاحه‌دین ده‌میرتاش، هاوسه‌رۆكی به‌ده‌په خۆشحاڵی خۆی به سه‌ردانی وه‌فده باڵاكه‌ی یه‌كێتی ده‌ربڕیوه و رایگه‌یاندوه: "ئه‌م سه‌ردانه‌ی وه‌فدی یه‌كێتی نیشتمانی كوردستان شه‌ره‌فێكی گه‌وره‌یه بۆ ئێمه‌و پێی سه‌ربه‌رزین". هه‌روه‌ها به په‌رۆشه‌وه له هه‌واڵی ته‌ندروستی سه‌رۆك مام جه‌لال-ی پرسی و هیوای خواست به زووترین كات ره‌وشی ته‌ندروستی باشتر بێت و بگه‌ڕێته‌وه وڵات.
هه‌روه‌ها ده‌میرتاش ئاشكراشیكردوه كه به‌ره‌وپێشچوونی په‌یوه‌ندی نێوان حكومه‌تی هه‌رێمی كوردستان و توركیا له ئاستێكی باشدایه‌و ئه‌وانیش پشتگیری به‌ره‌وپێشبردنی ئه‌و په‌یوه‌ندییانه ده‌كه‌ن.
هه‌ر له كۆنگره‌كه‌دا، مه‌لا به‌ختیار لێپرسراوی ده‌سته‌ی كارگێڕی مه‌كته‌بی سیاسی یه‌كێتیی نیشتمانیی كوردستان رایگه‌یاندوه: وه‌فده‌كه‌ی یه‌كێتی له‌سه‌ر بانگهێشتی وه‌زاره‌تی ده‌ره‌وه‌ی توركیا سه‌ردانی ئه‌و وڵاته‌ی كردووه‌و چه‌ندین كۆبوونه‌وه‌یان له‌گه‌ڵ به‌رپرسانی باڵای توركیا كردووه كه مه‌به‌ست لێیان گفتوگۆ و دیالۆگ بووه له باره‌ی پرسی ئاشتی و ئه‌و گفتوگۆیانه‌ی له‌و وڵاته‌دا ده‌ستیپێكردووه.
به‌پێی هه‌واڵه‌كه‌ی پوك میدیا، لێپرسراوی ده‌سته‌ی كارگێڕی یه‌كێتی ئاشكرایكردوه: یه‌كێتی نیشتمانی كوردستان پشتگیری ئاشتی و دیموكراسی له توركیا ده‌كات، هه‌ر بۆ ئه‌و مه‌به‌سته‌ش سه‌ردانی برایانیان له به‌ده‌په‌و په‌رله‌مانی توركیا كردووه.
له وه‌ڵامی پرسیارێكی رۆژنامه‌نووسانیشدا كه ئایا دوای ئه‌م سه‌ردانه‌ی حكومه‌تی هه‌رێم داوای چۆڵكردنی قه‌ندیل و چه‌ك دانان له په‌كه‌كه ده‌كات؟ مه‌لا به‌ختیار رایگه‌یاندوه: "په‌كه‌كه نه به ره‌زامه‌ندی ئێمه هاتوونه‌ته قه‌ندیل و نه به بڕیاری ئێمه‌ش چۆڵی ده‌كات".
له وه‌ڵامی پرسیارێكی تری رۆژنامه‌نووسانیشدا سه‌باره‌ت به سه‌ردانی دووه‌م وه‌فدی به‌ده‌په بۆ ئیمرالی، سه‌ڵاحه‌دین میرتاش رایگه‌یاند: ئێستا ناوی ئه‌و كه‌سانه دیاریكراون كه ده‌چن بۆ ئیمرالی، رۆژی یه‌كشه‌ممه‌ی داهاتووش سه‌ردانی وه‌زاره‌تی داد ده‌كه‌ن و هیواشی خواست حكومه‌ت له‌و رووه‌وه هه‌نگاوێكی جدی بنێت.
هه‌ر به‌پێی هه‌واڵه‌كه‌ی سایتی پوك میدیا، وه‌فده باڵاكه‌ی یه‌كێتی نیشتمانی كوردستان به سه‌رۆكایه‌تی كۆسره‌ت ره‌سوڵ عه‌لی، جێگری یه‌كه‌می سكرتێری گشتی و هه‌ریه‌ك له مه‌لا به‌ختیار لێپرسراوی ده‌سته‌ی كارگێڕی و نه‌جمه‌دین كه‌ریم، ئه‌ندامی مه‌كته‌بی سیاسی و د.خه‌سره‌و گوڵ محه‌مه‌د ئه‌ندامی سه‌ركردایه‌تی و به‌هرۆز گه‌ڵاڵی نوێنه‌ری یه‌كێتی نیشتمانی كوردستان له‌و وڵاته بووه‌و له‌گه‌ڵ په‌رله‌مانتارانی پارتی ئاشتی و دیموكراسی به‌ده‌په كۆبوونه‌وه‌و بارودۆخ و پرسی كوردیان له‌و وڵاته تاووتوێكردوه.
پێشتریش وه‌فده‌كه دوای ئه‌وه‌ی ئێواره‌ی رۆژی 12-2-2013 له‌سه‌ر بانگهێشتی وه‌زاره‌تی ده‌ره‌وه‌ی توركیا گه‌یشتوونه‌ته ئه‌نكه‌ره‌ی پایته‌ختی توركیا، به‌جیا له‌گه‌ڵ عه‌بدوڵڵا گول، سه‌رۆك كۆماری توركیاو ره‌جه‌ب ته‌یب ئه‌ردۆگان، سه‌رۆك وه‌زیران و ئه‌حمه‌د داود ئۆغڵۆ، وه‌زیری ده‌ره‌وه‌ی ئه‌و وڵاته كۆبوونه‌وه.
سەرچاوە/ خەندان
16/02/2013
کۆماریخواز، ناوەندی هەوال: ستاڤی کارگێری کۆمار تیڤی لە ئاگادری‌یەکدا کە بۆ سایتی بزووتنەوەی کۆماریخوازی رۆژهەلاتی کوردستانی رەوانەکردووە، رادەگەیەنێ کە:: هەموو ئەۆ بەرێزانەی کە بەهۆگەلێک نەیانتوانیوە دیمانە و ووتوێژەکانی پەیوەندیدار بە پرسی کورد، لە کاتی بلاۆبوونەوەیان لە کۆمار تیڤی دا ببینن، دەتوانن لەم پەێجەدا سەیریان بکەن.
http://www.youtube.com/user/komartv1?feature=results_main
١/ ساێتی بزووتنەوە: www.komarixwaz.com/٢/ پەێجی بزووتنەوە: http://www.facebook.com/KOMARtv?ref=hl
٣/ پەێجی کۆمار تیڤی: http://www.facebook.com/Komartv1?ref=hl
٤/ مەنشووری بززتنەوە: http://komarixwaz.com/bername.php
هەر ئێستا کۆبوونەوەی ئەندامانی دەستەی باڵای کورد و سەرۆکی هەرێمی کوردستان دەستی پێکرد و سەردانەکەی بارزانی بۆ رووسیا، یەکێک لە تەوەرەکانی ئەو کۆبوونەوەیە دەبێت.
سعود مەلا، ئەندامی دەستەی باڵای کورد (لە رۆژئاوای کوردستان) بە (رووداو)ی راگەیاند "کۆبوونەوەی هەر 10 ئەندامەکەی دەستەی باڵای کورد لەگەڵ مەسعود بارزانی، سەرۆکی هەرێمی کوردستان دەستی پێکرد".
سعود مەلا راشیگەیاند "لە کۆبوونەوەکەدا پرسی رۆژئاوای کوردستان، پەیوەندی لایەنە سیاسیەکانی ئەو پارچەیە و یارمەتییەکانی هەرێمی کوردستان بۆ رۆژئاوای کوردستان و هەروەها سەردانەکەی جەنابی مەسعود بارزانی بۆ رووسیا تاوتوێ دەکرێت".
هەر 10 ئەندامەکەی دەستەی باڵای کورد دوێنێ هەینی گەیشتنە هەرێمی کوردستان.
بەگوێرەی ئەو زانیارییانەی لە سەرۆکایەتی هەرێمی کوردستانەوە بەدەست (رووداو) گەیشتووە، لەسەر بانگهێشتی فەرمی مۆسکۆ، بڕیارە مەسعود بارزانی لە رۆژانی داهاتوودا سەردانی رووسیا بکات و لەگەڵ بەرپرسانی ئەو وڵاتە کۆببێتەوە.
رووداۆ/ ساکار عەبدوڵڵازادە
16/02/2013
پەرلەمانی کوردستان بە 61 دەنگ، پڕۆژەیاسای بودجەی 2013ی هەرێمی کوردستانی پەسەند کرد.
دوای ئەوەی ئەنجوومەنی وەزیرانی هەرێمی کوردستان لە 2012/12/12، پڕۆژەیاسای بودجەی 2013ی پەسەند کرد، وەزارەتی دارایی و ئابووری لە رۆژی 20/12/2012 پڕۆژە یاساکەی رەوانەی پەرلەمانی كوردستان كرد.
ئەمڕۆ هەینی، پەرلەمانی کوردستان لە درێژەی دانیشتنەکانی بۆ تاوتوێ کردنی پڕۆژەیاسای بودجەی 2013، بە 61 دەنگی بەڵێ لە بەرامبەر 32 دەنگی نەخێر پڕۆژەیاساکەی پەسەند کرد.
فراکسیۆنەکانی ئۆپۆزیسیۆن بەهۆی تێبینییان لەسەر خەرجی داهات، دەنگیان بە پڕۆژە یاساکە نەدا.
کاردۆ محەممەد، سەرۆکی فڕاکسیۆنی گۆڕان لەو بارەوە بە (رووداو)ی راگەیاند "ئەمساڵ دوای تاوتوێ کردنێکی زۆر لەسەر پڕۆژەیاسای بودجە، لە کۆتاییدا دەنگمان پێنەدا و پێمان وابوو کە لە چەندین مادە کە پەیوەندییان بە داهاتەوە هەیە، نەمانتوانی وەڵامەکانمان وەربگرین، ئەوەش کاریگەرییەکی گەورەی لەسەر بابەتی شەفافیەتی بودجەوە هەیە".
کاردۆ محەممەد راشیگەیاند "ئەوەی کە پەیوەندی بە مادەی 5ەوە هەبوو کە گرفتێکی گەورەی لێکەتبووەوە، ئێمە ئەمڕۆ لە دانیشتنی لیژنەکاندا گەیشتینە رێککەوتنێک سەبارەت بە هەموو داواکارییەکانی سەرجەم فراکسیۆنەکان، بەتایبەت فراکسیۆنەکانی ئۆپۆزیسیۆن و لەسەر چەندین خاڵ رێککەوتین و دەنگمان بە مادەکە دا".
بودجەی گشتی عێراق بۆ 2013 دەگاتە 138 ترلیۆن و 424 ملیار و 608 ملیۆن دینار. پشكی هەرێمی كوردستانیش لە بودجەی گشتی عێراق دوای دەرهێنانی خەرجییە سیادی و حاكیمەكان 14 ترلیۆن و 406 ملیار و 735 ملیۆن دینارە.
رووداۆ/ ساکار عەبدوڵڵازادە
16/02/2013
ئه‌نجوومه‌نی پیرانی ویلایه‌ته یه‌کگرتووه‌کانی ئه‌مریکا بڕیاریدا ده‌نگدان له سه‌ر ده‌ستنیشانکردنی تشیک هێگڵ وه‌ک وه‌زیری به‌رگری ئه‌مریکا دوابخات به هۆی ناڕه‌زایی ژماره‌یه‌ک له ئه‌ندامه کۆمارییه‌کانی نێو ئه‌نجوومه‌ن، ئه‌م هه‌ڵوێسته‌ش له ئاکامی ئه‌و لێدوانانه دێ که هێگڵ پێشتر له باره‌ی ئیسرائیل و ئێرانه‌وه داویەتی.
له هه‌واڵێکدا که که‌ناڵی (سکای نیوز) له ماڵپه‌ری خۆیدا بڵاوی کردووه‌ته‌وه ده‌ڵێ "که‌مینه‌یه‌ک له ئه‌ندامه کۆمارییه‌کانی نێو ئه‌نجوومه‌نی پیرانی ئه‌مریکا توانیان رێگری بکه‌ن له ده‌ستنیشانکردنی تشیک هێگڵ وه‌ک وه‌زیری به‌رگری ئه‌مریکا له کاتێکدا له دانیشتنی دوێنێی ئه‌نجوومه‌نه‌که 58 ئه‌ندام ده‌نگیان دا بۆ ده‌ستنیشانکردنی هێگڵ بۆ ئه‌و پۆسته که ته‌نها پێویستی به 60 ده‌نگه بۆ په‌سه‌ندکردنی".
گوتیشی "ده‌نگدان له سه‌ر ده‌ستنیشانکردنی تشیک هێگڵ وه‌ک وه‌زیری به‌رگری ئه‌مریکا بۆ 26 ئه‌م مانگه دواخرا".
له لایه‌ن خۆیه‌وه باراک ئۆباما، سه‌رۆکی ئه‌مریکا رایگه‌یاند "ئه‌وه‌ی رویدا له دانیشتنی دوێنێی ئه‌نجوومه‌نی پیرانی ئه‌مریکا له باره‌ی ده‌ستنیشانکردنی کاندید بۆ پۆستی وه‌زیری به‌رگری رووداوێکه تا ئێستا رووی نه‌داوه".
تشیک هێگڵ، ئه‌ندامی پێشووی ئه‌نجوومه‌نی پیرانی ئه‌مریکایه‌و سه‌ره‌رای ئه‌وه‌ی که ئه‌ندامێکی کۆماریه به‌ڵام ناسراوه‌به‌وه‌ی که له زۆرێک له پرسه‌کان هاو ڕا نییه له گه‌ڵ ئه‌ندامه کۆمارییه‌کاندا به تایبه‌ت له پرسی چۆنیەتی مامه‌ڵه کردن له گه‌ڵ ئیسرائیل و عێراق و ئێران.
رووداۆ/ ئاسۆ حاجی
15/02/2013
سه‌رۆكی ده‌سته‌ی به‌ڕێوه‌به‌ری كۆما جڤاكێن كوردستان، رایده‌گه‌یه‌نێت توركیا به‌ته‌نها خۆی توانی شه‌ری نییه له‌گه‌ڵ په‌كه‌كه‌دا، ئه‌گه‌ر وڵاتانی ئه‌وروپاو ئه‌مریكا پشتیوانی لێنه‌كه‌ن.
له چاوپێكه‌وتنێكیدا له‌گه‌ڵ ئاژانسی فورات نیوزدا موراد قه‌ره‌یلان سه‌رۆکی ده‌سته‌ی (KCK) ره‌خنه‌ی توند ئاراسته‌ی وڵاتانی ئه‌وروپاو ئه‌مریكا ده‌كات‌و وتی “ئه‌گه‌ر ده‌وڵه‌تی تورکیا شه‌رو تیرۆر له‌گه‌ڵ گه‌لی کورد ده‌كات، به پشتیوانی و هاوکاری ئه‌و هێزانه به‌رێوه‌ی ده‌بات. ئه‌گه‌ر ئه‌وان هاوکاری نه‌که‌ن تورکیا ده‌ست له توندوتیژی به‌رده‌دات و ئه‌وکات ده‌وڵه‌ت له توانایدا نابێ که درێژه به هێرشه‌کانی بدات.”
سه‌رۆکی ده‌سته‌ی به‌ڕێوه‌به‌ری کۆماجڤاکێن کوردستان KCK موراد کارایڵان رایگه‌یاند :” ئه‌وان ده‌ڵێن که ،درێژه به ئۆپه‌راسیۆنه‌کانمان ده‌ده‌یین ، ئێمه‌ش ده‌ڵێێن ، تا ئۆپه‌راسیۆنه‌کان به‌رده‌وام بن، ئه‌وکات گه‌ریلا درێژه به چالاکیه‌کانیان ده‌ده‌ن “.
له کۆتایی چاوپێکه‌وتنه‌که‌شیدا سه‌رۆکی ده‌سته‌ی به‌ڕێوه‌به‌ری کۆماجڤاکێن کوردستان KCK موراد کارایڵان رایگه‌یاند :” تا ئێستا ئێمه هیچ زه‌ره‌رێک و زیانێکمان به ئه‌مریکا و ئه‌وروپا نه‌گه‌یاندووه، له‌به‌ر ئه‌وه‌ی ئێمه دۆزێکی جڤاکی به‌رێوه ده‌به‌ین. ئێمه تێکۆشانێکی سروشتی و ره‌وا به‌رێوه ده‌به‌ین”.
15/02/2013
كۆسره‌ت ره‌سول و ئه‌حمه‌د داودئۆغلۆ له ئه‌نقه‌ره كۆبوونه‌وه.
ئه‌مڕۆ پێنج شه‌ممه، ئه‌حمه‌د داودئۆغلۆ، وه‌زیری ده‌ره‌وه‌ی توركیا له ئه‌نقه‌ره پێشوازیكردووه له كۆسره‌ت ره‌سوڵ جێگری سه‌رۆكی هه‌رێمی كوردستان و جێگری یه‌كه‌می سكرتێری گشتی یه‌كێتی نیشتیمانی كوردستان .
به گوێره‌ی ئاژانسی هه‌واڵی ئه‌نادۆڵی توركی، سه‌رچاوه‌یه‌ك ئاماژه‌ی به‌وه‌كردووه كۆسره‌ت ره‌سوڵ خۆشحاڵی خۆی به‌و پێشكه‌وتنه‌ی نێوان توركیا و هه‌رێمی كوردستان ده‌ربڕیوه و ئاره‌زووی ئه‌وه‌شی كردووه هه‌ماهه‌نگی زیاتر هه‌بێت له‌نێوان هه‌ردوو وڵاتدا له هه‌موو بواره‌كاندا.
هاوكات داودئۆغلو له‌ته‌ندروستی جه‌لال تاڵه‌بانی، سه‌رۆك كۆماری عێراق و سكرتێری گشتی یه‌كێتی نیشتیمانی كوردستان پرسیووه.
كۆسره‌ت ره‌سوڵ، جێگری سه‌رۆكی هه‌رێمی كوردستان و جێگری یه‌كه‌می سكرتێری گشتی یه‌كێتی نیشتیمانی كوردستان به‌هۆی تێكچونی باری ته‌ندروستی مام جه‌لاله‌وه, كاروباره‌كانی یه‌كێتی به‌ڕێوه‌ده‌بات.
14/02/2013
سەرۆکی دەستەی باڵای رادیۆ و تەلەڤزیۆنی تورکیا دەڵێ "تا ئێستا مۆڵەت بە زیاتر لە 20 کەناڵی رادیۆ و تەلەڤزیۆنی دراوە تا بەشێک لە بەرنامەکانیان بە زمانی کوردی بڵاو بکەنەوە".
بەگوێرەی هەواڵێکی رۆژنامەی شەفەقی تورکیا، داود دورسن، سەرۆکی دەستەی باڵای رادیۆ و تەلەڤزیۆنی تورکیا رایگەیاندووە "مۆڵەتی پەخش و بڵاوکردنەوەی بەرنامەکان بە زمانی کوردی بە زیاتر لە 20 کەناڵ دراوە. بەڵام زۆرێک لەو کەناڵانە ناوخۆیی (لۆکاڵ)ین و تەنها کاناڵی TRT6 بەشێوەی 24 کاژێری بەرنامە پێشکەش دەکات".
دوای ئەوەی بە بڕیاری حکومەتی تورکیا قەدەخە لەسەر زمانی کوردی هەڵگیرا، ئێستاکە دەیان رادیۆ و تەلەڤزیۆن لە باکووری کوردستان و تورکیا بە زمانی کوردی بەرنامەکانیان بڵاو دەکەنەوە، وەک: رادیۆ و تەلەڤزیۆنی TRT6، رادیۆ و تەلەڤزیۆنی Gun، تەلەڤزیۆنی Denge، تەلەڤزیۆنی Deng، Dunya TV، تەلەڤزیۆنی دیجلە و رادیۆ 21، رادیۆ çagdaş، رادیۆ ses، رادیۆ degşm، رادیۆ ozgur و هتد... .
14/02/2013
نوێنەری سەرۆک کۆماری ئێران و سەرۆکی دەستەی نۆژەنکردنەوەی ئێران لوبنان لە رێگەی دیمەشق- بەیروت کوژرا.
رەمەزان شەریف، بەرپرسی پەیوەندییە گشتییەکانی سوپای پاسدارانی کۆماری ئیسلامی ئێران رایگەیاند "دوێنێ شەو، جەنەراڵ حەسەن شاتری، نوێنەری حکومەتی ئێران و سەرۆکی دەستەی نۆژەنکردنەوەی ئێران لە لوبنان لە رێگەی دیمەشق- بەیروت لە لایەن کەسانێکی چەکدارەوە کوژراوە".
ئەو بەرپرسەی سوپای پاسداران راشیگەیاندووە "حەسەن شاتری یەکێک لە فەرماندە پایەبەرزەکانی سوپای پاسداران و لە ئەندازیارانی شەڕی 8 ساڵەی نێوان ئێران و عێراق بووە".
لەکاتێکدا کە سەرجەم میدیاکانی ئێران ناوی ئەو بەرپرسەیان بەناوی عەقید حەسەن شاتری گواستووەتەوە، میدیا ناوچەیی و جیهانییەکان بە حیسام خۆش نویس ناویان هێناوە.
بە گوێرەی ماڵپەری (توێژینەوە و لێکۆڵینەوە جیئۆپۆلێتیک)، عەقید حەسەن شاتری لە دەرەوەی ئێران بە ناوی خوازراوی حیسان خۆش نویس کاری کردووە.
سەرچاوە: رووداۆ
14/02/2013
مەسعود بارزانی، سەرۆكی هەرێمی كوردستان سەردانی رووسیا دەكات.
مەحمود محەممەد، ئەندامی مەكتەبی سیاسی پارتی دیموكراتی كوردستان رایدەگەیێنێت بڕیارە مەسعود بارزانی، سەرۆكی هەرێمی كوردستان سەردانی رووسیا بكات.
ئاماژە بەوەشدەكات بارزانی بە فەرمی داوەتی رووسیا كراوە و بەم نزیكانەش سەردانی ئەو وڵاتە دەكات، بەڵام هیچ زانیارییەكی لەبارەی وادەی سەردانەكە نەخستووەتەڕوو.
لە كۆبوونەوەی دوێنێی سەرۆكی هەرێمی كوردستانیشدا لەگەڵ لایەنە سیاسییەكان، باسی ئەو سەردانە چاوەڕوانكراوەی بارزانی كراوە بۆ روسیا. ئەمە وەك ئەندامەكەی مەكتەبی سیاسی پارتی ئاماژەی بۆ دەكات.
15/02/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
