به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
وه‌زیری ده‌ره‌وه‌ی ئه‌مریكا ئاشكرای ده‌كات، حكومه‌تی وڵاته‌كه‌ی بڕیاریداوه، وه‌كو هاوكارییه‌ك بۆ ئۆپۆزسیۆنی سوریا، 60 ملیۆن دۆلار پێشكه‌ش به هێزه چه‌كداره‌كان بكات.
دوێنێ، سایتی "ئه‌نادۆڵ"ی توركی بڵاویكردۆته‌وه، جۆن كیری وه‌زیری ده‌ره‌وه‌ی ئه‌مریكا له كۆنگره‌ی دۆستانی سوریا، كه له رۆمای پایته‌ختی ئیتاڵیا به‌سترابوو، بڕیاریدا هاوكاری زیاتر بۆ ئۆپۆزسیۆنی سوریا هه‌نارده بكرێت ئه‌وه‌ش له پێناو زیاتر فشار خستنه سه‌ر به‌شار ئه‌سه‌د بۆ هه‌ڵمه‌تی ده‌ست له‌كاركێشانه‌وه‌ی.
له درێژه‌ی قسه‌كانیدا وتیشی: "ئه‌و هاوكارییانه له خۆراك و داو ده‌رمان پێكدێت و یارمه‌تی ده‌رێكه بۆ ئه‌و ناوچانه‌ی ئازادكراون".
به‌پێی هه‌واڵی ئاژانسه توركیه‌كه، پێشبینی ئه‌وه ده‌كرێت ئه‌و وڵاتانه‌ی به‌شداری كۆنگره‌یه‌كه‌یان كردووه، قه‌باره‌ی هاوكارییه‌كان بۆ سوریا زیاد بكات و هه‌روه‌كو ئه‌ڵمانیا ئاشكرای كردووه نیازی وایه بڕی پێنج ملیۆن یۆرۆ بۆ هاوكاری سوریا زیاد بكات.
له كۆنگره‌ی دۆستانی سوریا، (ئه‌مریكا و به‌ریتانیا و فه‌ره‌نسا و توركیا و میسر و ئیماران و قه‌ته‌ر و ئه‌رده‌ن و سعودییه) به‌شدارییان كردبوو.
01/03/2013
سەرلە بەیانیی ئەمڕۆ پێنجشەممە، ٤ خوێندكاری كورد شاری مەریوان لەلایەن هێزە ئیتلاعاتییەكانی كۆماری ئیسلامیی ئێرانەوە رەوانەی زیندانی شارەكە كران.
هەواڵنێری ئاژانسی هەواڵدەریی كوردپا لەشاری مەریوانەوە بڵاویكردەوە سۆران دانشوەر، داود قەسیمی، محەممەد كۆنەپۆشی و سامان مەحمـوودی لە ئیدارەی ئیتلاعاتی شاری مەریوانەوە رەوانەی زیندانی ناوەندیی ئەو شارە كران.
رونیكردوەتەوە مانگێك لەمەوبەر “داود قەسیمی” كوڕی قادر خوێندكاری كارناسیی بەشی كۆمەڵناسیی زانكۆی ئازادی تاران، “سامان مەحموودی” كوڕی حوسێن خوێندكاری كارناسیی باڵای زانكۆی ورمێ، “سۆران دانیشوەر” خوێندكاری بەشی شارسازیی زانكۆی كوردستان، “محەممەد كۆنەپۆشی” كوڕی عەلی خوێندكاری زانكۆی ورمێ، لەلایەن هێزە ئەمنیەتییەكانی كۆماری ئیسلامیی ئێرانەوە دەستبەسەر كران.
ئاماژەی بەوەشكردوە تا بڵاوبوونەوەی ئەم هەواڵە هیچكام لەو خوێندكارانە دادگایی نەكراون و لە ماوەی ئەو ١ مانگەدا لە ئیدارەی ئیتلاعاتی شاری مەریوان لە ژێر ئەشكەنجە و لێپرسینەوەدا بوون.
hawelati
28/02/2013
بریارە ئەمرۆ لە هۆڵی سەرەکیی پەرلەمانی بەریتانیا گفتوگۆ لەسەر بابەتی جینۆسایدی کورد دەکرێت بۆ ئەوەی پرسیئ بە کۆمەڵ کوشتنی ئەو گەلە بە فەرمی بناسێنرێت.
دانیشتنەکەی پەرلەمان دوا بە دوای ئەو سەرکەوتنە مەزنە دێت کە هەڵمەتی کۆکردنەوەی واژووی ئەلەکترۆنی بە خۆیەوەی بینی کە ٢٧.٦٠٠ کەس لە هاوڵاتیانی بەریتانیا دەنگیان بۆی دا و تێیدا داوای وەدەستهێنانی دادپەروەریان کرد بۆ قوربانیانی ئەو تاوانانە. ئەو هەڵمەتە مانگی ئاداری ساڵی رابردوو لەلایەن پەرلەمانتاری بە رەچەڵەک کورد نازم زەهاوی راگەیەندرا وەک هەوڵێک بۆ داواکردن لە حکومەتی بەریتانیا بۆ ئەوەی پرسی بەکۆمەڵ کوشتنی گەلی کورد تاوتوێ بکات و راستی ئەو تاوانانەی کە دەرهەق بە گەلی کورد کراون بە فەرمی بناسێنێت.
دانیشتنەکە لە هۆڵی سەرەکیی پەرلەمان لە کاتژمێر دوو و نیوی دوای نیوەڕۆ بەڕێوەدەچێت. سەرکەوتنی دانیشتنەکە و گفتوگۆکان دەبێتە مایەی بە فەرمی ناساندنی جینۆسایدی کورد.
لەماوەی یەکساڵەی تەمەنی ئەو هەڵمەتە رەوەندی کورد لە بەریتانیا، نوێنەرایەتی حکومەتی هەرێمی کوردستان و پەرلەمانتارانی بەریتانیا لە سەرجەم پارتە سیاسیەکان پشتگیریان لێکرد، بە تایبەت ئەندامانی گرووپی کوردستان لە پەرلەمانی ئەو وڵاتە، لە نێویشیاندا پەرلەمانتاران رۆبەڕت هاڵفن و مێگ مون کە لەم دواییانەدا توانیان سەرکەوتوانە رەزامەندیی لیژنەی کاری پەرلەمان کە بەرپرسیاریەتیی بڕیاردان و دابینکردنی دانیشتنی بۆ پرسەکە لە ئەستۆیە وەدەست بێنن بۆ ئەوەی جینۆسایدی کورد بخرێتە ناو ئەجێندای دانیشتنەکانی پەرلەمانی ئەو وڵاتە.
پەرلەمانتار رۆبەڕت هاڵفن لە دانیشتنی لیژنەکەدا گوتی ئەگەر جینۆسایدی کورد بەفەرمی لەلایەن کۆمەڵگەی نێودەوڵەتیەوە نەناسێنرێت، ئەوا بکوژانی گەلی کورد نادرێنە دادگا و بە سزای خۆیان ناگەن. لەلای خۆیەوەش پەرلەمانتار مێگ مۆن ئاماژەی بەوە دا کە گفتوگۆکردن لەسەر جینۆسایدی کورد رەنگدانەوەی خۆی دەبێت لەسەر رووداوەکانی سوریا. پەرلەمانتار فابیان هامیڵتنیش پشتگیریی تەواوی پارتە سیاسیەکانی ناو پەرلەمانی بەریتانیای بۆ ئەو دانیشتنەی پەرلەمان دووپات کردەوە. پەرلەمانتار جەیسن مکاڕتنیش کە ئەفسەرێکی هێزی ئاسمانی بەریتانیا بوو لە زاخۆ لە سەردەمی بەڕێوەبردنی ناوچەی ئارام و پاراستنی گەلی کورد لە لای خۆیەوە گوتی، دەستنیشانکردنی دانیشتنێک بۆ تاوتوێکردنی جینۆسایدی کورد لە پەرلەمانی بەریتانیا باشترین سەرەخۆشیە لە یادی بیست و پێنج ساڵەی کیمیابارانکردنی هەڵەبجە.
لەلای خۆیەوەش خاتوو بەیان سامی عبدالرحمان نوێنەری حکومەتی هەرێمی کوردستان لە بەریتانیا گوتی: " جینۆساید کارەساتێک بوو کە خەڵکی کوردی تووشی نەهامەتیەکی بێ‌وێنە کرد. خێزانی کورد بە هۆی ئەو تاوانانەوە لە یەکتر دابڕان. کوڕەکان و باوکەکان بە کۆمەڵ کوژران یان زیندە بەچاڵ کران، ژن و مناڵەکانیشمان بە گازی ژەهراوی بۆمباران کران. ئێمە دەمانەوێت جگە لە خۆمان، دۆستەکانیشمان ئەو نەهامەتیەی کە بەسەر گەلەکەمان هاتوون بناسن بۆ ئەوەی کەس و کاری قوربانیان و ئەوانەی کە له ژیان ماون ئەو لاپەڕە دابخەن، لە هەمان کاتیشدا ببێتە پەیامێک بۆ ئەو رژێمە زۆردارانەی کە بیر لە بەکارهێنانی چەکی کیمیاوی دەکەنەوە. با بیر لە هەستی کەس و کاری ئەو قوربانیانەمان بکەینەوە کە ئێستا لە بەریتانیا ژیان بەسەردەبەن و خاوەن رەگەزنامەی ئەو وڵاتەن کاتێک لە هۆڵی پەرلەمان دادەنیشن و گوێ لەو دانیشتنەی تایبەت بە جینۆسایدکردنی کەس و کارەکانیان دەگرن."
نوێنەری حکومەتی هەرێمی کوردستان لە بەریتانیا لە رێگای نامەیەکەوە بە لیژنەکەی راگەیاند کە لەم دواییانە هەردوو پەرلەمانی سوێد و نەرویژ گفتوگۆیان لەمەڕ جینۆسایدی کورد کرد. ئەوەشی راگەیاند کە رەوەندی کوردیش لە بەریتانیا پرسیاری ئەوە دەکات ئاخۆ بۆچی پەرلەمانی بەریتانیا هەمان کار ناکات.
لە مانگی کانوونی دووەمی ئەمساڵ حکومەتی بەریتانیا لە وەڵامنامەیەکدا بۆ هەڵمەتی کۆکردنەوەی واژۆی ئەلەکترۆنی رایگەیاند کە گەلی کورد لە عێراق زیاترین پشکی نەهامەتی و کارەساتەکانی بەرکەوتووە. بەڵام لە هەمانکاتدا بەیاننامەکەی حکومەتی بەریتانیا ئاماژەی بەوە داوە کە کاری حکومەت نییە بڕیار لەسەر ئەوە بدات ئاخۆ ئەو کارەساتانەی کە گەلی کورد دووچاری بۆتەوە و دەکەونە ژێر بابەتی جینۆساید یان نا، لەبەر ئەوەی ئەو بابەتە پرسێکی یاسایی ئاڵۆزە.
دانیشتنی پەرلەمانی بەریتانیا بۆ گفتوگۆکردن لەسەر پرسی جینۆسایدی کورد لەوانەیە هانی حکومەتی ئەو وڵاتە بدات بۆ ئەوەی هەڵوێستەکەی خۆی لەمەڕ ئەو پرسە بگۆڕێت.
X.A
28/02/2013
به‌مه‌به‌ستی گه‌یاندنی نامه‌یه‌كی عه‌بدوڵا ئۆجه‌لان سه‌رۆكی زیندانیكراوی پارتی كرێكارانی كوردستان بۆ بناری قه‌ندیل، دره‌نگانێكی شه‌وی رابردو هه‌ریه‌كه له ئه‌حمه‌د تورك و ئایسه‌ل توغلوك و سه‌ڵاحه‌دین ده‌میرتاش و گوڵتان كشناك په‌رله‌مانتارانی به‌ده‌په گه‌یشتنه شاری سلێمانی.
ئاژانسی فورات نیوز، نزیك له پارتی كرێكارانی كوردستان بڵاوی كردوه‌ته‌وه: به‌مه‌به‌ستی گه‌یاندنی نامه‌یه‌كی عه‌بدوڵا ئۆجه‌لان سه‌رۆكی زیندانیكراوی پارتی كرێكارانی كوردستان بۆ بناری قه‌ندیل، دره‌نگانێكی شه‌وی رابردو له رێگه‌ی فڕۆكه‌خانه‌ی نێوده‌وڵه‌تی سلێمانیه‌وه، هه‌ریه‌كه له سه‌لاحه‌دین ده‌میرتاش و گوڵتان كشناك هاوسه‌رۆكانی به‌ده‌په و په‌رله‌مانتارانی توركیا، ئه‌حمه‌د تورك و ئایسه‌ل توغلوك، هاوسه‌رۆكانی كه‌جه‌ده، سڕری سوره‌یا ئۆنده‌ر په‌رله‌مانتاری به‌ده‌په گه‌یشتنه شاری سلێمانی و له‌لایه‌ن مه‌لا به‌ختیار لێپرسراوی ده‌سته‌ی كارگێڕی مه‌كته‌بی سیاسی یه‌كێتی نیشتمانی كوردستان و هێرۆ ئیبراهیم ئه‌حمه‌د، لێپرسراوی مه‌ڵبه‌ندی یه‌كی سلێمانی پێشوازیان لێكرا.
پێشتریش ئاژانسی فورات نیوز رایگه‌یاندبوو، وه‌فدێكی به‌ده‌په كه پێكهاتوون له گوڵته‌ن كشاناك و سه‌ڵاحه‌دین ده‌میرتاش هاوسه‌رۆكانی به‌ده‌په و ئه‌حمه‌د تورك و ئایسه‌ل تۆغڵوك و سڕری سوره‌یا ئۆنده‌ر په‌رله‌مانتاری به‌ده‌په ئه‌مشه‌و ده‌گه‌نه شاری سلێمانی و له‌وێشه‌وه به‌ره‌و قه‌ندیل به‌ڕێ ده‌كه‌ون.
xendan
28/02/2013
دوای ئه‌وه‌ی سه‌رۆكی هه‌رێم له هه‌فته‌ی رابردوو، سه‌ردانی رووسیای كرد، دواتر سه‌ردانی ئه‌و خانووه‌ی كرد كه مه‌لا مسته‌فای بارزانی له ساڵانی 1954-1958 تێیدا ده‌ژیا، دواتر سه‌ردانی كرملینیشی كرد‌و له تازه‌ترین بڵاوكراوه‌یه‌شیدا له‌سه‌ر په‌یجی تایبه‌تی خۆی، سه‌رۆكی هه‌رێم وێنه‌یه‌كی تایبه‌تی خۆی بڵاوكرده‌وه.
مه‌سعود بازرنی سه‌رۆكی هه‌رێمی كوردستان، له ژێر ئه‌و وێنه‌دا ده‌نووسێت :" گۆڕه‌پانی سوور له كرملین، ئه‌و ده‌رگایه‌ی بارزانیی نه‌مر له ساڵی 1953دا لێی دا".
مه‌سعود بارزانی، سه‌رۆكی هه‌رێمی كوردستان، رۆژی سێشه‌ممه (19/2/2013) به‌یاوه‌ری وه‌فدێك، به‌سه‌ردانێكی فه‌رمیی گه‌یشته مۆسكۆی پایته‌ختی رووسیا‌و چاوی به گه‌وره به‌رپرسانی ئه‌و وڵاته‌‌و ڤلادیمیر پۆتین، سه‌رۆكی رووسیای ئیتیحادی كه‌وت.
پاشان سه‌ردانه‌ی ئه‌و شوێنه‌ی كرد، كه مه‌لا مسته‌فای باوكی له انوه‌ڕاستی ساڵانی په‌نجای سه‌ده‌ی رابردوودا تیایدا ژیاوه، دواتر له‌به‌رده‌م كرملین، مه‌سعود بارزانی وێنه‌یه‌ك ده‌گرێت‌و له‌سه‌ر تۆڕی كۆمه‌ڵایه‌تی فه‌یس بوك له په‌یجی تایبه‌تی خۆی بڵاویده‌كاته‌وه.
له ژێر وێنه‌كه‌شدا، ده‌نووسێت :" گۆڕه‌پانی سوور له كرملین، ئه‌و ده‌رگایه‌ی بارزانیی نه‌مر له ساڵی 1953دا لێی دا".
پاشان ئێواره‌ی یه‌كشه‌ممه‌ی رابردوو (24ی شوبات) كۆتایی به گه‌شته‌كه‌ی ده‌هێنێت‌و له رێگه‌ی فڕۆكه‌خانه‌ی نێوده‌وڵه‌تی هه‌ولێر، ده‌گه‌ڕێته‌وه بۆ هه‌رێمی كوردستان.
خه‌ندان- سۆران كه‌ریم
27/02/2013
بڕیاره نه‌ورۆزی ئه‌مساڵ، ئۆجه‌لان داوای ئاگربه‌ستی دوولایه‌نه له‌په‌كه‌كه‌و سوپای توركیا بكات.
چه‌ند سه‌رچاوه‌یه‌كی رۆژنامه‌وانی توركیا بڵاویانكردوه‌ته‌وه پاش كۆبوونه‌وه‌كه‌ی نێوان په‌رله‌منتارانی به‌ده‌په‌و ئۆجه‌لان، له‌مانگی ئازاری ئه‌مساڵدا عه‌بدوڵا ئۆجه‌لان ده‌ستپێشخه‌ریه‌كی نوێ رابگه‌یه‌نێت.
به‌پێی هه‌واڵی یه‌كێك له رۆژنامه توركیه‌كان “ئۆجه‌لان له نه‌ورۆزی ئه‌مساڵدا داوای ئاگربه‌ستێكی نوێ له په‌كه‌كه‌و توركیا ده‌كات”. هه‌ربه‌پێی هه‌واڵی ئه‌و رۆژنامه‌یه ئۆجه‌لان داوا له سه‌ركردایه‌تی په‌كه‌كه ده‌كات هێزه‌كانی له سنووری توركیا بكشێنێته‌وه، له‌به‌رانبه‌ریشدا توركیا ئۆپه‌راسیۆن ئه‌نجام نه‌دات.
رۆژی شه‌ممه‌ی رابردوو سێ په‌رله‌مانتاری به‌ده‌په( سڕری سوره‌یا ئۆنده‌ر، په‌روین بۆلدان و ئاڵتان تان) سه‌ردانی دورگه‌ی ئیمرالیانكردوو له‌گه‌ڵ ئۆجه‌لان كۆبوونه‌وه.
هاوڵاتی
27/03/2013
بەشێک لە وتەکانی کەریم ڕەحیمی ئەقدەم کارگێڕی گشتی پارتی سەربەستیی ڕۆژهەڵاتی کوردستان.
هاونیشتمانانی کوردستان، پارتی سەربەستیی بەسەر قۆناغێکی هەستیاردا تێپه ڕی و هەوڵەکانی مرۆڤه هەلپەرەست و خۆپەرەستەکانی، له بڕگەیەکی پێویست له خەباتی ڕزگاری خوازی بەرەو سەربەخۆییدا، پووچەڵ کردەوه. به پشت بەستن به خەبات و تێکۆشانی خەباتکار و شۆڕشگێر له ڕێزەکانیدا و پشت ئەستور به هێزی گەل بەرەو خەبات بۆ گەیشتن به وڵاتێکی ئازاد و سەرفەراز، ڕێزەکانی خۆی ڕێکدەخاتەوه.
پارتی سەربەستیی ڕۆژهەڵاتی کوردستان به سیاسەتێکی تەواو ڕادیکاڵ و پێچەقێن و به بێ پاشەکشه، خۆی به سەنگه ر و مەتەرێزی هەموو هاونیشتمانیەک که بڕوای به خۆی وەک مرۆڤ و به مافەکانیەوه هەیه، ده زانێت.
پارتی سه ربه ستیی ڕۆژهەڵاتی کوردستان، ئیزن به هیچ کەس نادات که خۆی به ئاغا و کوێخاو دەمڕاستی گەل بزانێت و گەلی کوردستانی پێ بڕیاردەره له ئاست هەمـوو پرسه گرینگەکاندا.
واته پارتی سەربەستیی ڕۆژهەڵاتی کوردستان، هەرچەند ناوی ڕۆژهەڵات به دووی خۆیدا ڕادەکێشێت به ڵام، خۆی به هاوخەبات و هاوسەنگه ر دژ به هه موو داگیرکەرانی کوردستان دەزانێت.
پارتی سه ربه ستیی ڕۆژهەڵاتی کوردستان باشترین ڕێگەیە بۆ گەیشتن به ئازادی و سەرفەرازی کورد و خەڵکی کوردستان. داواکارین لە هەموو چین و توێژەکانی کۆمەڵگا و گشت خەڵکی تێکۆشەری کوردستان، هه ر له باشورترین پارێزگاکان ڕابگره هەتاکو باکوریترین خاڵی نیشتمانی داگیرکراومان، که پارتی سه ربه ستیی ڕۆژهه ڵاتی کوردستان به حیزبی خۆیان بزانن و به بەشداری له ڕێزەکانیدا، وه بە هاوبیری و ڕاوێژکاری له گەڵ، ناوەندی کارگێڕی دا، یارمەتیدەری خەباتی ڕزگاریخوازانەی خۆیان بن.
ئێمه پێمان وایه به تەفره بردنی خەباتی خەڵکی کورد له کوردستان بەرەو ئاقار و ئاسۆ نادیارەکان، شتێکی نه شیاوه و به کوشتدانی لاوانی کورد بۆ هێندێک مەبەستی لاوەکی که ئاسۆی ڕزگاریشی زۆر لێ ڕوون نەبێت، خەباتێکی هەڵەیەو گەلی کورد پێویسته که ئاسۆی ڕوونی سەربەخۆیی بکاتە ترۆسکەی ڕێگای ڕزگاری خۆی، بۆ ئەوەی که له کوردستان دا به دامەزراندنی سیستێمێکی ڕێزگر له مافەکانی مرۆڤ کۆمەڵگایەکی بەختەوەر بنیات بنێین.
کوردستان و گەلەکه ی، ئەگه ر له سومالیا و ئه تیوپیا و ئێران و ئه فغانستان و پاکستان شیاوتر بۆ سەربەخۆیی نەبن، کەمتر نین.
بژی کوردستان و بژی گه لی سەربەخۆیی خوازی کورد
تێبینی: ئەم وتارە کورتەیەکە لەو باس و بابەتەی کەریم ڕەحیمی ئەقدەم کە لە کۆبونەوەی گشتی ئەندامانی پارتی سەربەستیی ڕۆژهەڵاتی کوردستان کە لە نۆروێژ ڕێکخرابو، پێشکەشی کرد.
ناوەندی ڕاگەیاندنی پارتی سەربەستیی ڕۆژهەڵاتی کوردستان
ڕێکه وتی: ٨ی ڕەشەمەی ساڵی ٢٧١٢ی کوردی
هاوکات لەگەڵ:٢٧ی٢ی٢٠١٣ی ساڵی زایینی
سەرۆكی گروپێكی چەكداری شیعەی عێراق، هەڕەشەی ئەوەی كرد كە هێرشی دیكە دەكەنە سەر كەمپی پەنابەرانی موجاهدینی خەلق، ئەگەر ئەو گروپە عێراق بەجێنەهێڵن.
بەپێی راپۆرتێكی ئاژانسی دەنگوباسی ئەسۆشیەتید پرێس، وەسیق ئەلبەتاتی، سەرۆكی گروپێكی چەكداری ئەلموختاری شیعە، كە بەرپرسیارێتی خۆیان لە هێرشە تیرۆرستیەكەی سەرەتایی ئەم مانگە لە كەمپی لیبرتی بەغدا راگەیاند، كە بووە هۆی كوشتنی 9 پەنابەری موجاهدینی خەلق و هەڕەشەی ئەوەشی كرد كە لە هێرشەكانیان بۆ سەر ئەو گروپە بەردەوام دەبن.
ناوبراو گوتی: "كاتی ئەوە هاتووە خەڵكی موجاهدینی خەلق عێراق بەجێبێڵن و داوامان لە حكومەت كردووە كە ئەو گروپە لە عێراق دەربكات، بەڵام ئەوان هیچ هەنگاوێكی پۆزەتیڤیان نەهاویشتووە".
سۆران عەلی/ش.ب
PNA
27/02/2013
كۆمپانیای گازپڕۆمی رووسی رایگەیاندووە: سێیەم گرێبەستی لەگەڵ حكومەتی هەرێمی كوردستان مۆر كردووە و پشكی لە كێڵگەی نەوتی هەڵەبجە كڕیوە.
بەپێی راپۆرتێكی ئاژانسی دەنگوباسی رۆیتەرز، كۆمپانیای گازپڕۆمی رووسی، كە هەفتەی رابردوو مەسعود بارزانی، سەرۆكی هەرێمی كوردستان، لەگەڵ بەرپرسانی كۆمپانیاكە لە مۆسكۆ كۆبووەوە، ئاشكرایان كرد كە لەسەدا 80ی پشكی بلۆكی نەوتی هەڵەبجەیان كڕیوە كە مەزندە دەكرێت 630 بۆ 790 ملیۆن بەرمیل نەوتی یەدەگی تێدا بێت.
ڤادیم یاكۆڤلۆڤی، جێگری بەڕێوەبەری ئەو كۆمپانیایە، دەڵێ: "ئێمە سەرپەرشتیاری ئەو كێڵگەیە دەبین و هەنگاوی یەكەمان بریتی دەبێت لە كێشانی نەخشەیەك بۆ بەرهەم هێنانی نەوتەكە و چاوەڕێ دەكرێت ئەو قۆناغی بەرهەم هێنانیش نزیكەی حەوت ساڵ بخایەنێت".
مانگی ئابی رابردوو، كۆمپانیای گازپڕۆم پشكی لە هەردوو كۆمپانیای گەرمیان و شاكەل كڕی و بەپێی راپۆرتە رۆژنامەوانییەكانیش، مانگی تشرینی دووەمی رابردوو، حكومەتی عێراقی هەڕەشەی لەو كۆمپانیا رووسیە كرد كە ئەگەر ئەو گرێبەستانەی لەگەڵ كوردستان هەڵنەوەشێنێتەوە، دەیخاتە لیستی رەشەوە.
بەڵام جێگری بەڕێوەبەری ئەو كۆمپانیایە رایگەیاند: حكومەتی عێراقی هیچ جۆرە ئاگاداركردنەوەیەكی لەوجۆرەی پێ نەگەیاندوون.
PNA
سۆران عەلی/ش.ب
27/02/2013
ئاگاداری به‌ڕێوه‌چوونی کۆنفرانسی "مافی کورد له هه‌ر چوار پارچه‌ی کوردستاندا"
له درێژه‌ی کار و چالاکیه‌کانی خۆیدا و بۆ باشتر ناساندنی دۆزی کورد به ڕای جیهانی و هێنانه به‌رباسی له ناوه‌نده جیهانیه‌کاندا و به ئامانجی به نێۆ نه‌ته‌وه‌یی کردنی ئه‌و دۆزه، کۆنفرانسێک له ژێر "ناوی مافی کورد له هه‌ر چوار پارچه‌ی کوردستاندا" له لایه‌ن ناوه‌ندی زاگرۆس بۆ مافه‌کانی مرۆڤ و ڕێکخراوی مه‌ڕاپ (بزووتنه‌وه‌ی دژ به ڕاسیزم و بۆ دۆستایه‌تی نێوان گه‌ڵان) له ڕۆژی ١ی مارسی ٢٠١٣ له بنکه‌ی کۆمیساریای مافی مرۆڤی نه‌ته‌وه یه‌کگرتووه‌کان له شاری ژنێڤ به‌ڕێوه ده‌چێ.
له‌و کونفرانسه‌دا چالاکانی مافه‌کانی مرۆڤ له هه‌ر چوار پارچه‌ی کوردستان هه‌وڵی ڕوون کردنه‌وه‌ی بار و دۆخی مافه‌کانی گه‌لی کورد له هه‌موو به‌شه‌کانی کوردستاندا بۆ به‌شدار بووان ده‌ده‌ن.
له ڕۆژانی دواییدا ڕوونکردنه‌وه‌ی زیاتر له سه‌ر چۆنیه‌تی به‌ڕێوه چوونی ئه‌و کۆنفرانسه بڵاۆ ده‌کرێته‌وه.
ناوه‌ندی زاگرۆس بۆ مافه‌کانی مرۆڤ
٢٦/٠٢/٢٠١٣
لایه‌نه‌كانی سیاسیه‌كانی رۆژئاوای كوردستان، ئاماده‌نین ناوچه كوردنیشینه‌كان بخه‌نه چوارچێوه‌ی ئه‌و حكومه‌ته كاتییه‌ی ئیئتلافی نیشتمانی ئۆپۆزسیۆنی سوریا بڕیاری پێكهێنانی داوه له‌ناوچه رزگاركراوه‌كانی ئه‌و وڵاته‌دا.
ئۆپۆزسیۆنی عه‌ره‌بی سوریا ئاشكرای كردووه كه سه‌ره‌تای مانگی داهاتوو حكومه‌تێكی كاتی بۆ ناوچه‌ی رزگاركراوه‌كانی سوریا پێكده‌هێنن، به‌ڵام كورد دژی ده‌وه‌ستێته‌وه به‌وپێیه‌ی خۆیان شاره كوردنیشینه‌كان به‌رێوه‌ده‌به‌ن، له‌گه‌ڵ ئه‌وه‌شدا جه‌خت له‌جێبه‌جێكردنی ئه‌و داوایانه ده‌كه‌نه‌وه كه پێشتر به‌مه‌به‌ستی داننان به‌مافه‌كانیاندا راده‌ستی ئۆپۆزسیۆن كراوه.
محه‌مه‌د ره‌شۆ، نوێنه‌ری په‌یه‌ده له‌هه‌رێمی كوردستان، ده‌ڵێت حكومه‌ته كاتیه‌كه هه‌موو ناوچه رزگاركراوه‌كانی سوریا ده‌گرێته‌وه‌‌و ئۆپۆزسیۆن له‌توركیا گفتوگۆی له‌سه‌ر كردووه.
له‌سه‌ره‌تای خۆپیشاندان‌و پێكدادانه‌كانی سوریاوه تائێستا، زۆربه‌ی شاره‌كانی ئه‌و وڵاته له‌ژێر ده‌ستی رژێمه‌كه‌ی به‌شار ئه‌سه‌د ده‌رهێنراون، ناوچه كوردنیشینه‌كان له‌لایه‌ن ده‌سته‌ی باڵای كورد‌و عه‌ره‌بیه‌كان “سوپای ئازاد” سوریا سه‌رپه‌رشتی ده‌كات.
ده‌سته‌ی باڵای كورد له‌هه‌ردوو ئه‌نجومه‌نی نیشتیمانی كورد‌و ئه‌نجومه‌نی گه‌لی رۆژئاوا پێكهاتووه كه چه‌ندین پارتی سیاسی كوردی له‌خۆده‌گرن.
ره‌شۆ به‌هاوڵاتی وت “ئۆپۆزسیۆن به‌نیازه ئیداره‌ی حكومه‌ته كاتیه‌كه بداته ده‌ست سوپای ئازاد، به‌لاَم ناوچه كوردییه‌كان ناگرێته‌وه چونكه له‌ژێر ده‌ستی ده‌سته‌ی بالاَدایه”.
پێكهێنانی ئه‌و حكومه‌ته دوای ئه‌و گفتوگۆیانه دێت كه ئۆپۆزسیۆنی عه‌ره‌بی سوریا بێ به‌شداری كورد، له‌وڵاتانی قه‌ته‌رو میسرو توركیا له‌باره‌یه‌وه كردوویانه، به‌وهۆیه‌شه‌وه كورد هه‌نگاوه‌كه به‌پیلانێكی هاوبه‌شی قه‌ته‌رو توركیا ده‌زانێت‌و ره‌تیده‌كاته‌وه.
عه‌لی شه‌مسه‌دین، نوێنه‌ری پارتی پێشكه‌وتنی كورد له‌سوریا له‌هه‌رێم، به‌هاوڵاتی وت “رێگه‌ناده‌ین ئۆپۆزسیۆنی سوری بچنه ناوچه كوردییه‌كان، كورد لیژنه‌یان هه‌یه بۆ ئیداره‌دانی ئه‌و ناوچانه”.
ئه‌وه‌شی خسته‌ڕوو كه پرسی كورد له‌سوریا وه‌رگرتنی پۆست نیه‌‌و ئه‌گه‌ر ئۆپۆزسیۆن دان به‌مافه‌كانی كورددا نه‌نێت ئه‌وا “پۆستی سه‌رۆك كۆماریش وه‌رناگرین”.
كورد داننان به‌ده‌سته‌ی بالاَ‌و مافه‌كانی كورد له‌ده‌ستووری داهاتووی سوریا وه‌كو مه‌رجی پشتگیری ئۆپۆزسیۆنی عه‌ره‌بی خستووه‌ته‌ڕوو له‌گه‌ڵ چه‌ند داوایه‌كی تردا، به‌ڵام تائێستا وه‌ڵامیان نه‌دراوه‌ته‌وه.
هه‌رچه‌نده پێشتر ئه‌نجومه‌نی نیشتمانی سوری دانی به‌مافه‌كانی كورددا نابوو، به‌ڵام دواتر په‌شیمانبووه‌وه.
عه‌لی شه‌مسه‌دین پێیوایه ئێستاش دان به‌مافه‌كانی كورددا نه‌نرێت ده‌بێت له‌داهاتوودا هه‌ر بكرێت.
ئۆپۆزسیۆنی سوریا تائێستا گفتوگۆی حكومه‌ته كاتییه‌كه‌ی له‌گه‌ڵ كوردا نه‌كردووه، له‌كاتێكدا واده‌ی پێكهێنانه‌كه‌ی دیاركردووه.
نوێنه‌ره‌كه‌ی په‌یه‌ده جه‌ختیكرده‌وه ده‌سته‌ی بالاَی كورد ئه‌و حكومه‌ته له‌ناوچه كوردیه‌كان قبوڵناكات، “ئه‌و هێزه‌شیان نیه بتوانن كۆنتڕۆڵی ئه‌و ناوچانه بكه‌ن”.
له‌پاڵ دژایه‌تی پێكهێنانی حكومه‌تیشدا، كورد داوای به‌شداریكردنی له‌ئۆپۆزسیۆنی سوریاش ره‌تكردووه‌ته‌وه، په‌یوه‌ستی كردووه به‌مه‌رجی داننان به‌مافه‌كانی كوردا.
مه‌حمود محه‌مه‌د (بابێ سابیر)، ئه‌ندامی مه‌كته‌بی سیاسی پارتی یه‌كێتی دیموكراتی كورد له‌سوریا، به‌پێویستی زانی پێش پێكهێنانی حكومه‌ت ئۆپۆزسیۆنی سوریا كۆنگره‌یه‌كی نیشتمانی سازبكات به‌به‌شداری كورد‌و بگه‌نه رێككه‌وتنێك.
ناوبراو به‌هاوڵاتی وت “ئه‌و حكومه‌ته بێ كورد خزمه‌تی یه‌كڕیزی ئۆپۆزسیۆن ناكات‌و ئاسته‌نگی زۆر ده‌بێت، مه‌ترسی روبه‌ڕوبوونه‌وه‌ش له‌ئارادایه ئه‌گه‌ر سوربن له‌سه‌ر ئه‌و هه‌نگاوه”.
26/02/2013
کورتە فیلمی دەرهێنەرێکی کورد لە تاران، شانازی وەرگرتنی خەڵاتی فێستیڤاڵە نەتەوەیی و نێونەتەوەییەکانی پێ بەخشرا. هەواڵدەریی کاری ئێران لە راپۆرتێکدا بڵاوی کردەوە، کورتە فیلمی "چیدن سپیدە دم" لە نوسین و دەرهێنانی "تەیموور قادری" خەڵاتی یەکەمی حەوتەمین فێستیڤاڵی نەتەوەیی و نێونەتەوەیی "پەروین ئێعتسامی" بەدەست هێنا.
ئەو کورتە فیلمە لە ماوەی ١٥ خولەکدا پرژاوەتە سەر ژیان و بەسەرهاتی منداڵێکی گوندنشین کە بۆ دۆزینەوەی هاوڕێ بەرەوڕووی کۆمەڵێک کێشە و ئاریشەی جۆراوجۆر دەبێتەوە. فیلم هەڵگرتنەوەی ئەو بەرهەمە لە ئەستۆی "سامان حوسێن‌پوور" و هەروەها "مەتین عێبادی"، "قانع قادری" و "عەتا قادری" وەک ئەکتەر لەو کورتە فیلمەدا رۆڵیان بینیوە.
ئەو فیلمە پێشتریش ٩ خەڵاتی لە ئاستی ناوخۆیی و دەرەوەدا بە دەست هێنابوو. تەیموور قادری ساڵی ١٣٦٩ی هەتاوی لە شاری کامیاران لە دایکبووە و خوێندنی لە بواری دەرهێنەری و فیلمنامە نووسیدا لە زانستگەی "دارالفنون" تەواو کردووە.
25/02/2013
سەرچاوەیەك لە دەستەی گشتی گەشتوگوزاری هەرێم دەڵێت: لەرێگەی ئامێرێكە گەشتیاران دەتوانن بە 28 زمان زانیاری لەسەر ناوچە گەشتیاریەكانی هەرێم بزانن و بۆ وەرزی گەشتكردنی ئەمساڵیش ئامادەیە.
گوتەبێژی دەستەی گشتی گەشتوگوزاری هەرێم، نادر رۆستی، بە ئاژانسی هەواڵی پەیامنێری راگەیاند: "ئەو ئامێرە ناوی "ناڤیگەیشن"ە كە وەك ئامێری گالاكسی و مۆبایلی ئایفۆنە".
نادر رۆستی، گوتی: ئامێرەكە بە 28 زمان زانیاری لەسەر 15 هەزار ناوچەی گەشتیاری هەرێم پەخش دەكات. شوفێران و گەشتیاران دەتوانن بەكاری بهێنن و ئەو ناوچەیەی دەیانەوێت گەشتی بۆ بكەن لە رێگەی ئەو ئامێرەوە بیدۆزنەوە و زانیاری لەسەر بزانن.
باسی لەوەشكرد، ئێستا ئەو ئامێرە لەبازاڕەكانی هەرێمدا دەست دەكەوێت و هاووڵاتی دەتوانێت بیکڕێت.
رۆستی باسی لەوەشكرد،ماوەیەك كار لەسەر پرۆژەی ماستەرپلان و ڕێنیشاندەری ناوچەكانی هەرێم لە رێگەی مۆبایلەوە دەكەین و پێدەچێت لە ناوەراستی ئەمساڵدا ئەویش تەواو ببێت و بخرێتە خزمەتی هاووڵاتیانەوە.
دڵشاد ئەحمەد/ش.ب
25/02/2013
سەرۆكی زیندانیكراوی پارتی كرێكارانی كوردستان داوای لە پارتەکەی كرد ئەو توركانە ئازاد بكەن كە لەلایان دەستبەسەرن. ئەم کارە پڕۆسەی ئاشتەوایی نێوان كورد و دەوڵەتی توركیای خۆشتر كرد.
بەپێی راپۆرتێكی ئاژانسی رۆیتەرز، ئەم داوایەی عەبدوڵڵا ئۆجەلانی سەرۆكی زیندانیكراوی پەكەكە لەدوای ئەوە دێت كە سێ ئەندام پەرلەمانی دیكەی پارتی ئاشتی و دیموكراسی لەنێو زیندان، سەردانیان كرد.
دواتر لە بڵاوكراوەیەكی فەرمیدا، پەرڤین بوڵدانی ئەندام پەرلەمانی توركی لەسەر لیستی BDP كە لەگەڵ دوو ئەندام پەرلەمانی دیكەدا سەردانی ئۆجەلانیان كرد، ئاشكرای كرد: ئۆجەلان داوای كردووە چەكدارانی پەكەكە ئەو توركە دەستبەسەرانە ئازاد بكەن.
پەرڤین بولدان رایگەیاند: ئۆجەلان گوتویەتی: "پڕۆسەیەكی مێژوویی بەڕێوەیە و هەردوو لا دەبێ زۆر ئاگادار و هەستیار بن". هەروەها ئەو ئەندام پەرلەمانە گوتی: ئۆجەلان رایگەیاندووە كە دەوڵەتی توركیا و پەكەكەش دەستبەسەریان هەیە و "دەبێ پەكەكە بەرێزەوە مامەڵە لەگەڵ ئەو بەندكراوانە بكەن و هیوادارم بۆ نێو خانەوادەكەیان بگەرێنەوە ".
بەپێی راپۆرتە رۆژنامەوانییەكان، رەنگە ئۆجەلان مەقسەدی دەستبەسەرە سەربازە توركانە بێت كە پەكەكە لە چەند ساڵی رابردوودا دەستگیری كردوون یان ئەو كارمەندە حكومیانەی كە رفاندوویانن.
سۆران عەلی/ش.ب
24/02/2013
وەزیری دەرەوەی سوریا لە مۆسكۆ رایگەیاند: حكومەتەكەی ئامادەیە لەگەڵ ئۆپۆزسیۆنی چەكداری سوریادا گفتوگۆ بكەن، ئەمەش بە گەورەترین هەنگاوی رژێمی سوریا لە ماوەی دەست پێکردنی شەڕ لەم ولاتە دادەنرێت.
بەپێی راپۆرتێكی ئاژانسی دەنگوباسی ئەسۆشیەتیت پرێس ، وەلید موعەلیم، وەزیری دەرەوەی سوریا ئەوەی رانەگەیاند كە پێویستە ئەو گروپە چەكدارانە لە پێشدا چەكەكانیان دابنێن، ئینجا دەست بكەن بە گفتوگۆكردن.
موعەلیم گوتی: "ئێمە ئامادەین گفتوگۆ لەگەڵ هەموو كەسێكدا بكەین كە گفتوگۆی دەوێت، هەتا لەگەڵ ئەوانەی چەكیشیان هەڵگرتووە".
دواتر گوتی: "ئێمە بڕوامان وایە كە ریفۆرم لەرێگای گفتوگۆ و دانووستانەوە دێت، نەك لە رێگای خوێنڕشتنەوە".
لەدرێژەی راپۆرتەكەدا هاتووە كە یەكێك لە فەرماندە سەربازییەكانی ئەو گروپە چەكدارانە پێشوزای لەو پێشنیازەی موعەلیم كردووە، بەڵام بەمەرجێك كە ئەسەد و ئەوانەشی بەرپرسیارن لەو خوێنڕشیتنە، بدرێنە دادگا.
سۆران عەلی/ش.ب
PNA
26/02/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
