به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
وه‌فدێكی عیراق سه‌ردانی په‌رله‌مانی به‌ریتانیاكرد، له‌و سه‌ردانه‌شدا سوپاسی گه‌لی عیراق‌و نه‌ته‌وه‌ی كوردیان راگه‌یاند، له به‌رامبه‌ر ناساندنی هه‌ردوو تاوانی ئه‌نفال‌و كیمیاباران، به جینۆساید، په‌رله‌مانتارانی به‌ریتانیاش پشتگیری خۆیان خسته‌ڕوو بۆ ئه‌وه‌ی ئه‌و دوو تاوانه بخرێنه نێو پرۆگرامه‌كانی خوێندن له عیراق.
بورهان محه‌ممه‌د فه‌ره‌ج، ئه‌ندامی وه‌فده په‌رله‌مانییه‌كه‌ی عیراق بۆ بریتانیا، له په‌یوه‌ندییه‌كیدا له گه‌ڵ خه‌ندان، ئاماژه‌ی به‌وه‌دا، كه ئه‌مڕۆ (سێشه‌ممه 5ی ئازار) وه‌فدێكی عیراق سه‌ردانی په‌رله‌مانی به‌ریتانیایان كرد و له لایه‌ن ژماره‌یه‌ك په‌رله‌مانتاره‌وه پێشوازییان لێكرا، وتیشی :"سه‌باره‌ت به‌و بڕیاره ئه‌خلاقییه‌ی ده‌رباره‌ی ناساندنی تاوانی ئه‌نفال‌و كیمیابارانی گه‌لی كورد به جینۆساید، وه‌فده‌كه‌ی عیراق سوپاسی گه‌لی عیراقیان به په‌رله‌مان‌و گه‌لی به‌ریتانیا راگه‌یاند".
ئه‌و په‌رله‌مانتاره كورده، كه ئه‌ندامی وه‌فده‌كه‌ی عیراق بوو، ئه‌وه‌شیخسته‌ڕوو، كه له‌و سه‌ردانه‌دا هه‌ریه‌ك له (گراهام ستاوت) له پارتی پارێزگاران و (ئه‌لێكس كه‌نینگهام) له پارتی كرێكارانی بریتانیا ئاماده‌بوون.
بورهان محه‌ممه‌د فه‌ره‌ج، وه‌كخۆی خستییه‌ڕوو:" به‌ناوی نه‌ته‌وه‌ی كورده‌وه ، سوپاسی ئه‌و گروپه‌مان كرد، كه داكۆكییان كرد له به‌جینۆساید ناساندنی ئه‌نفال و كیمیاباران".
ئه‌و په‌رله‌مانتاره، ته‌ئكیدیشیكرده‌وه، كه هه‌وڵده‌درێت تاوانی ئه‌نفال‌و كیمیاباران بخرێته نێو پرۆگرامه‌كانی خوێندن له عیراق په‌رله‌مانتاره به‌ریتانیاییه‌كان، وتیشی :"په‌رله‌مانتاره به‌ریتانیاییه‌كان ده‌ستخۆشی‌و پشتگیرییان له‌و هه‌نگاوه كرد".
خه‌ندان- سۆران كه‌ریم
له ژماره‌ی ئه‌مڕۆ سێشه‌ممه(5ی ئازار)ی هه‌فته‌نامه‌ی ئاوێنه‌دا، بڵاوكراوه‌ته‌وه كه ئاشتی هه‌ورامی وه‌زیری سامانه سروشتییه‌كانی حكومه‌تی هه‌رێمی كوردستان، بڕی 35 ملیۆن دۆلاری بۆ كه‌ناڵی رووداو ته‌رخانكردووه، له رونكردنه‌وه‌كیشدا تۆڕی میدیایی رووداو ئه‌و هه‌واڵه به بنه‌ما داده‌نێت.
له هه‌واڵه‌كه‌ی هه‌فته‌مانه‌ی ئاوێنه‌دا هاتووه" ئاشتی هه‌ورامی وه‌زیری سامانه سروشتییه‌كانی حكومه‌تی هه‌رێمی كوردستان، له داهاتی نه‌وت و به بڕیاری نێچیرڤان بارزانی و بێ گه‌ڕانه‌وه بۆ په‌رله‌مان، ٣٥ ملیۆن دۆلاری نه‌وتی بۆ تۆڕی میدیایی روداو ته‌رخانكردووه".
به‌ڵام له رونكردنه‌وه‌كه‌ی تۆڕی میدیای رووداو، هاتووه" ده‌رباره‌ی ئه‌و ٣٥ ملیۆن دۆلاره‌ش كه نووسیویه‌تی له پاره‌ی نه‌وت بۆمان ته‌رخانكراوه، سوپاسی ئاوێنه ده‌كه‌ین ئه‌گه‌ر به‌ڵگه‌نامه‌كانی بڵاوبكاته‌وه، بۆئه‌وه‌ی ئێمه‌ش له‌و پاره وه‌رنه‌گیراوه‌مان بپرسینه‌وه. ئه‌گه‌ریش ئه‌و به‌ڵگه‌نامانه‌ی نین، ده‌بووایه ئاوێنه هه‌ر هیچ نه‌بووایه رێزی خوێنه‌رانی خۆی گرتبووایه و زانیاریی ناڕاستی پێشكه‌ش نه‌كردبانایه. ئه‌مه‌ش ئه‌ركێكی ئه‌خلاقییه و ئه‌گه‌ر ئاوێنه پێیده‌كرێت ده‌بێ خۆی وه‌ڵامده‌ره‌وه بێت".
هه‌ر له هه‌واڵه‌كه‌ی رۆژنامه‌كه‌دا ئاماژه‌به‌وه‌كراوه "ساڵێكه به هۆی ئه‌و پاره زۆره‌ی هه‌ڵیڕشتوه، كه‌ناڵه‌كه ده‌ستیكردوه به راكێشانی رۆژنامه‌نوسه ئه‌هلی و ئۆپۆزسیۆنه‌كانی سلێمانی و ته‌نانه‌ت رۆژنامه‌نوسانی ئه‌و كه‌ناڵانه‌شی سه‌ر به یه‌كێتی نیشتیمانی كوردستانن، تائێستا چه‌ندین رۆژنامه‌نوسیش ده‌زگاكانی خۆیان جێهێشتوه و به پاره‌ی زۆرتر چونه‌ته روداو".
له رونكردنه‌وه‌كه‌ی تۆڕی میدیای رووداویش، ئاماژه به‌وه‌كراوه" پیشه‌ییبوون و راستگۆیی و هاوسه‌نگی ئه‌ركی قورسن له‌سه‌رشانی رۆژنامه‌نووسان و میدیاكانی كوردستان. ئه‌م هه‌فته‌یه (رووداو) هێنده بووه جێی بایه‌خی ئاوێنه كه ئه‌و هه‌فته‌نامه‌یه مانشێتی سه‌ره‌كیی خۆی بۆ ته‌رخانكرد، به‌ڵام جارێكی دیكه سه‌لماندی كه هه‌موو ده‌زگایه‌كی میدیایی ناتوانێ به ئه‌ركی پیشه‌یی خۆی هه‌ڵبستێت. ده‌ریشیخست كه چه‌نده پێویسته (تۆڕی میدیایی رووداو) هه‌رچی زووتره ده‌ست به‌كار بێت و بیسه‌لمێنێت كه ئه‌و كاره‌ی پێده‌كرێت".
ئه‌مه‌ش ده‌قی رونكردنه‌وه‌كه‌ی تۆڕی میدیایی رووداوه:
ئاوێنه زیاتر سه‌لماندی كه (رووداو) پێویسته
پیشه‌ییبوون و راستگۆیی و هاوسه‌نگی ئه‌ركی قورسن له‌سه‌رشانی رۆژنامه‌نووسان و میدیاكانی كوردستان. ئه‌م هه‌فته‌یه (رووداو) هێنده بووه جێی بایه‌خی ئاوێنه كه ئه‌و هه‌فته‌نامه‌یه مانشێتی سه‌ره‌كیی خۆی بۆ ته‌رخانكرد، به‌ڵام جارێكی دیكه سه‌لماندی كه هه‌موو ده‌زگایه‌كی میدیایی ناتوانێ به ئه‌ركی پیشه‌یی خۆی هه‌ڵبستێت. ده‌ریشیخست كه چه‌نده پێویسته (تۆڕی میدیایی رووداو) هه‌رچی زووتره ده‌ست به‌كار بێت و بیسه‌لمێنێت كه ئه‌و كاره‌ی پێده‌كرێت.
ساده‌ترین كاری رۆژنامه‌نووسی دڵنیابوونه‌وه‌یه له راستنووسینی ناوه‌كان، به‌ڵام ئاوێنه، به‌و هه‌موو بایه‌خمه‌ندییه‌یه‌وه به ئێمه، له‌بیری چوو كه (رووداو) به دوو واو ده‌نووسرێت و ناكرێ له مانشێتدا ناوی كه‌سێك یان ده‌زگایه‌ك به‌هه‌ڵه بنووسرێت.
بنه‌مایه‌كی ساده‌ی دیكه‌ی كاری رۆژنامه‌نووسی ئه‌وه‌یه كه كاتێك ده‌رباره‌ی كه‌سێك یان ده‌زگایه‌ك زانیارییه‌ك بڵاوده‌كرێته‌وه، كه‌سه‌كه یان ده‌زگاكه مافی داكۆكی له‌خۆكردنی بدرێتێ.
ئاوێنه هه‌م له دیاریكردنی واده‌ی ده‌ستكردن به په‌خش و هه‌م له مه‌سه‌له‌ی ته‌رخانكردنی پاره‌ی نه‌وتیشدا بۆ (تۆڕی میدیایی رووداو) نه بۆچوونی (رووداو)ی وه‌رگرتووه نه ئه‌و وه‌زیره‌ش كه گوتراوه پاره‌كه‌ی پێداوه رای وه‌رگیراوه. بۆیه هه‌واڵه‌كه بێ بنه‌مایه.
زۆرتر له هه‌فته‌یه‌كه له‌سه‌ر ماڵپه‌ڕی (رووداو) سیستمی ژماردنی پێچه‌وانه بۆ واده‌ی ده‌ستبه‌كاربوونی (تۆڕی میدیایی رووداو) دانراوه، به‌ڵام ئاوێنه ئه‌وه‌ی به‌ئه‌نقه‌ست پشتگوێ خستووه و بۆخۆی بڕیاری له‌سه‌ر واده‌یه‌ك داوه بۆ ده‌ستبه‌كاربوونمان.
ده‌رباره‌ی ئه‌و ٣٥ ملیۆن دۆلاره‌ش كه نووسیویه‌تی له پاره‌ی نه‌وت بۆمان ته‌رخانكراوه، سوپاسی ئاوێنه ده‌كه‌ین ئه‌گه‌ر به‌ڵگه‌نامه‌كانی بڵاوبكاته‌وه، بۆئه‌وه‌ی ئێمه‌ش له‌و پاره وه‌رنه‌گیراوه‌مان بپرسینه‌وه. ئه‌گه‌ریش ئه‌و به‌ڵگه‌نامانه‌ی نین، ده‌بووایه ئاوێنه هه‌ر هیچ نه‌بووایه رێزی خوێنه‌رانی خۆی گرتبووایه و زانیاریی ناڕاستی پێشكه‌ش نه‌كردبانایه. ئه‌مه‌ش ئه‌ركێكی ئه‌خلاقییه و ئه‌گه‌ر ئاوێنه پێیده‌كرێت ده‌بێ خۆی وه‌ڵامده‌ره‌وه بێت.
ئه‌م هه‌واڵه و هاوشێوه‌كانی زیاتر ده‌یسه‌لمێنن كه بۆچی له دوایین راپرسی و رووپێوی رێكخراوی IREX دا رۆژنامه‌ی (رووداو) بووه باشترین رۆژنامه له‌سه‌ر ئاستی باشووری كوردستان و له‌سه‌ر ئاستی عێراقیش بووه یه‌كێك له باشترین ١٠ رۆژنامه پڕخوێنه‌ره‌كان. بۆیه‌ش پێویسته میدیایه‌كی پرۆفێشناڵی وه‌كو (رووداو) له كوردستاندا هه‌بێت و فراوانتر بێت.
XENDAN
05/03/2013
رۆژی سێ شەمبە رێکەۆتی ٠٥/٠٣/٢٠١٣، له‌سه‌ر بانگهێشتنێکی فه‌رمی، شاندێکی بزووتنەوەی کۆماریخوازی رۆژهەلاتی کوردستان بە سەرپەرشتی چالاکوانی هێژا کاک ئیبراهیم بایزیدی نوێنەری بزووتنەوە لە هەۆلێر، بەشداری مراسم و ئاهەنگیک بوون کە بە بۆنەی ٢مین سالرۆژی دامەزرانی بزووتنەوەی نوێبوونی لاوانی کوردستان پێکهاتبوو، لەم رێ و رەسمەدا چەندین کەسایەتی و حیزبی کورستانی بەشدار بوون. شایانی باسە کە وەفدی بزووتنەوەی کۆماریخوازان زۆر بە گەرمی لەلایەن دەستەی دامەزرێنەرانی بزووتنەوەی نوێبوونی لاوانی کوردستانەوە پێشوازیان لێکرا، لەپەراوێزی مراسیمەکەدا نوێنەری بزووتنەوە دەگەل چەندین کەسایەتی و نوێنەرانی حیزبەکانی کوردستانی چاۆپێکەۆتنیان کرد
بزووتنەوەی کۆماریخوازی رۆژهەلاتی کوردستان/ نوێنەرایەتی هەۆلێر
05/03/2013
رۆژنامه‌یه‌كی ئه‌مه‌ریكایی ئاشكرای كردووه، سه‌رۆككۆماری ئه‌مه‌ریكا، به‌نیازه داوا له ئیسرایل بكات، كه‌ناره‌كانی خۆرئاوای رووباری ئوردن چۆڵ بكات و ئاماده‌كاری بۆ دامه‌زراندنی وڵاتی سه‌ربه‌خۆی فه‌له‌ستین بكرێت.
رۆژنامه‌ی وۆرڵد تریبون، له راپۆرتێكدا ئاشكرای كردووه، باراك ئۆباما، سه‌رۆككۆماری ئه‌مه‌ریكا، له دیداری داهاتوویدا له ئیسرایل، داوای كشانه‌وه‌ی هێزه‌كانی ئیسرایل له كه‌ناری خۆرئاوای رووباری ئوردن ده‌كات.
راپۆرته‌كه ته‌ئكید ده‌كاته‌وه، كشانه‌وه‌ی هێزه‌كانی ئیسرایل له‌و ناوچانه‌ی فه‌له‌ستین، به‌شێكه له نه‌خشه رێگای باراك ئۆباما، بۆ دامه‌زراندنی وڵاتی سه‌ربه‌خۆی فه‌له‌ستین له ساڵی داهاتوودا.
سه‌رچاوه‌یه‌كی ئیسرایلی به رۆژنامه‌كه‌ی رایگه‌یاندووه، ئۆباما، بنیامین نه‌تانیاهوو، سه‌رۆكوه‌زیرانی ئیسرایلی ئاگادار كردووه‌ته‌وه كه له سه‌فه‌ری داهاتوویدا، نایهه‌وێت ته‌نیا وێنه‌ی یادگاری بگرێت.
هاوكات، گوته‌بێژی سه‌رۆكوه‌زیرانی ئیسرایل، ئه‌م راپۆرته‌ی رۆژنامه‌كه‌ی به ناڕاست وه‌سف كردووه، به‌ڵام ئاماده نه‌بووه هیچ زانیارییه‌ك له‌مباره‌یه‌وه بدات.
ئا. ر
PNA
05/03/2013
دوایئه‌وه‌ی رێكخراوی نه‌ته‌وه یه‌كگرتووه‌كان داوای له سه‌رۆكی سوریا كرد له‌گه‌ڵ ئۆپۆزسیۆنی ئه‌و وڵاته كۆببێته‌وه، ئه‌سه‌د رایگه‌یاند بۆ گفتوگۆ و دانوستان ئاماده‌م، به‌ڵام هه‌رگیز ده‌ست له ده‌سه‌ڵات به‌رناده‌م.
به‌شار ئه‌سه‌د سه‌رۆكی سوریا له نوێترین چاوپێكه‌وتنی خۆیدا له‌گه‌ڵ رۆژنامه‌ی سانه‌دی تایمز رایگه‌یاند: ئێمه ئاماده‌ین له‌گه‌ڵ هه‌ر كه‌سێك گفتوگۆ و دانوستان بكه‌ین و ته‌نانه‌ت ئاماده‌ین له‌گه‌ڵ ئۆپۆزسیۆنیش له‌سه‌ر مێزی دانوستان دابنیشین، به‌ڵام هه‌رگیز ئاماده‌نین له‌گه‌ڵ تیرۆریستان گفتوگۆ بكه‌ین.
سه‌رۆكی سوریا له به‌شێكی تری قسه‌كانیدا ره‌خنه‌ی توندی ئاڕاسته‌ی به‌ریتانیا كردو وتی: له‌نده‌ن هه‌میشه له رۆژهه‌ڵاتی ناوه‌ڕاستدا سیاسه‌تی دژایه‌تیكردنی له‌به‌رچاو گرتووه.
وتیشی: ئۆپۆزسیۆن من به‌وه تاوانبار ده‌كه‌ن كه گوایه ئه‌و توندوتیژیانه‌ی له سوریا ئه‌نجامده‌گرێت له پێناو مانه‌وه له ده‌سه‌ڵاتدایه، له كاتێكدا كه ئه‌م بۆچوونه ناڕاسته، ئه‌وان پێیان وایه ئه‌گه‌ر من بڕۆم چیتر شه‌ڕ له وڵاتدا كۆتایی دێت، ئه‌مه قسه‌یه‌كی پووچه، ئه‌گه‌ر وابووایه پاش قه‌زافی و ساڵح و موباره‌ك ده‌بووایه بارودۆخی ئه‌و وڵاتانه باش بووایه.
سه‌رۆكی سوریا ئاماژه‌ی به‌وه‌شكرد كه هه‌رگیز وڵات به‌جێناهێڵم و ژیانی تاراوگه بۆ خۆم هه‌ڵنابژێرم، هه‌وره‌ك هیچ مرۆڤێكی نیشتمانپه‌روه‌ر بیر له شتی وا ناكاته‌وه.
سه‌رچاوه/ رادیۆ فه‌ردا و/ جه‌واد حه‌یده‌ری
PUKmedia
04/03/2013
سەرۆكی ئەنجومەنی ئۆپۆزسیۆنی سوریا، دوێنێ یەكشەممە بە نهێنی سەردانی شاری حەلەبی كرد و لەگەڵ ژمارەیەك لە دانیشتوانی شارەكە كۆبووەوە.
بەپێی هەواڵێكی ئاژانسی دەنگوباسی فەڕەنسی، مەواز ئەلخەتیبی سەرۆكی ئەنجومەنی ئۆپۆزسیۆنی سوریا، بۆ یەكەمجار لەدوای بوونی بە سەرۆكی ئەو ئەنجومەنە، سەردانی شاری حەلەبی کرد.
سەرچاوەیەكی نزیك لە خەتیبەوە رایگەیاند: "خەتیب بۆ چەند كاتژمێرێك رۆژی یەكشەممە سەردانی شاری حەلەبی كردووە و سەردانی شارۆچكەكانی مەنبیج و جارابلوسی كردووە و لەوێ لەگەڵ دانیشتوانانی ئەو شارۆچكانە قسەی كردووە و باسیان لە بارودۆخی شارۆچكەكەیان كردووە".
بەپێی چەند گرتەیەكی ڤیدیۆیی كە لەسەر یوتوب بڵاوكراوەتەوە، پیشاندەدات كە چۆن خەتیب بەنێو شەقامەكانی ئەو شارۆچكانەدا دەڕوات و بە جلوبەرگی رەشەوە خەڵك دەووریان داوە و ژمارەیەكی زۆریش پێشوازی لێ دەكەن.
سۆران عەلی/ش.ب
PNA
03/03/2013
به مه‌به‌ستى له نزیكه‌وه ئاگاداربوون له ڕه‌وشى شارى هه‌ڵه‌بجه و سه‌یدسادق و دانانى به‌ردى بناغه‌ى چه‌ند پڕۆژه‌یه‌كى خزمه‌تگوزارى، ئه‌مڕۆ یه‌كشه‌ممه نێچیرڤان بارزانى سه‌رۆك وه‌زیرانى هه‌رێمى كوردستان به ژماره‌يه‌ك له وه‌زیرانى حكوومه‌تى هه‌رێمى كوردستان و پارێزگارى سلێمانى سه‌ردانى چه‌ند قه‌زا و ناحیه‌یه‌كى ئه‌و ده‌ڤه‌ره‌ى كرد.
له يه‌كه‌م وێستگه‌ى به‌سه‌ركردنه‌وه‌كه‌يدا، سەردانی قەزای سەیدسادقى كرد و لە لایەن قایمقام ونوێنەری دامودەزگا حیزبی وحكوومیەكانەوە پیشوازی لێ كرا و بەردى بناغەی 80 پرۆژەى لە بواری پەروەردە و تەندروستی و كشتوكاڵدا دانا كه بڕی زیاتر لە 11 ملیار دینارى تێ ده‌چێت. دواتر لەگەل بەڕێوەبەری فەرمانگەكان و چین و توێژەكان و ڕێكخراوەكانی كۆمەڵگەی مەدەنی كۆ بووەوە و باس لە كێشە و گیروگرفتەكانی قەزاكە كرا. له ديداره‌كه‌دا سەرۆك وه‌زيران ڕايگه‌ياند كه هەرچی لە توانادا بێت حكوومه‌ت درێغی ناكات لە چارەسەركردنى كێشه‌كان و دابينكردنى پێداويستيه‌كانى ناوچه‌كه.
دواى ئه‌وه سەردانی هەڵەبجەی كرد و لە لایەن قایمقامی هەڵەبجه و ژمارەیەك پەرلەمانته‌ر و نوێنەری دامودەزگا حیزبی و حكوومیەكان و كۆمەڵەی قوربانیانەوە پیشوازى لێ كرا. دواتر سەردانی مەزاری 5000 شەهیدی كارەساتی كیمیابارانى كرد و دوای خوێندنەوەی سوورەتی فاتیحە؛ تاجەگوڵینەی ڕێز و وەفاى لەسەر پەیكەری نزا دانا.
هه‌ر له هه‌ڵه‌بجه سه‌رۆك وه‌زيران لەگەڵ سەرۆك و ئەندامانی كۆمەڵەی قوربانیانی كیمیاباران كۆ بووەوە و لە دانیشتنێكدا باس لە مووچەی كەسوكاری شەهیدان و دروستكردنی 1000 خانوو بۆ وارسی شەهیدان و كردنەوەی بەڕێوەبەرایەتيی و بەخشینی هەڵەبجە لە باجی دەرامەت و بەپارێزگابوونی شارەكە؛ كرا. سه‌رۆك وه‌زيران ڕايگه‌ياند كە هەفتەی داهاتوو لە ئەنجومەنی وەزیران بە درێژی باس لە كێشە و گیروگرفتەكانیان ده‌كه‌ن و چارەسەری گونجاویان بۆ داده‌نرێت.
دواتر سەردانی مۆنۆمێنتی هەڵەبجەی كرد و سەرجەم بەشەكانی بەسەر كردەوە و لەگەڵ بەڕێوەبەری فەرمانگە حكوومیەكان و كەسایەتیەكانى ناوچه‌كه كۆ بووە. ئينجا لەگەل چین وتوێژەكان و ڕێكخراوەكانی كۆمەڵگەی مەدەنی و مامۆستایانی ئایینی و كەسایەتیەكانی هەڵەبجە و شارەزوور و هەورامانيش دانيشتێنكى ساز كرد.
پاشان سه‌رۆك وه‌زيران لە ڕێورەسمی دانانی بەردی بناغەی پرۆژەكانی تایبەت بە شاری هەڵەبجە و هەرسێ ناحیەی سیروان وخورماڵ و بیارەدا وتەیەكی پێشكەش كرد. له سه‌ره‌تاى وته‌كه‌يدا خۆشحاڵيى خۆى ده‌ربڕى به‌وه‌ى كه له ده‌ورى نزیكه‌ی 183 ملیار دینار پڕۆژه‌ی خزمه‌تگوزاری و ستراتیژی بۆ هه‌رسێ قه‌زای هه‌ڵه‌بجه و سه‌یدسادق و پێنجوێن ڕاده‌گه‌یه‌نن كه له‌سه‌ر بودجه‌یه‌كی تایبه‌ت بۆ ئه‌و ناوچه‌كه دابین كراوه، ئه‌مه وێڕاى پڕۆژه‌یه‌كی گه‌وره‌ی ئاو كه خزمه‌تێكى زۆرى ناووچه‌كه ده‌كات.
سه‌رۆك وه‌زيران هه‌روه‌ها ئاماژه‌ى به‌وه دا كه له سه‌ره‌تای پێكهێنانی حكوومه‌تدا بڕیار دراوه بۆ بایه‌خدان به هه‌ڵه‌بجه و ئه‌و ده‌ڤه‌ره به شێوه‌يه‌كى گشتی، دوای ئه‌وه‌ش یه‌كسه‌ر لیژنه‌یه‌ك له سه‌رۆكایه‌تيی حكوومه‌ت كه‌وتووه‌ته لێكۆڵینه‌وه له پێویستییه‌كانی ناوچه‌كه، ئه‌نجامه‌كه‌یشی ئه‌مڕۆ ده‌یان پڕۆژه‌یه كه هه‌موویان پێكه‌وه ناوچه‌كه ده‌گه‌یه‌ننه پێشكه‌وتنێكی زیاتر له ڕووی ژێرخان و خزمه‌تگوزاريی ڕۆژانه‌وه.
نێچيرڤان بارزانى ده‌رباره‌ى پرۆژه‌كان گوتى: "ئێمه ئه‌مڕۆ بایی 154 ملیار دینار پڕۆژه ڕاده‌گه‌یه‌نین بۆ قه‌زای هه‌ڵه‌بجه و ناحیه‌كانی ته‌وێڵه و بیاره و سیروان و خورماڵ كه پڕۆژه‌كانی قه‌زای هه‌ڵه‌بجه بریتین له 50 پڕۆژه، پڕۆژه‌كانی بیاره و ته‌وێڵه بریتین له 14 پڕۆژه، پڕۆژه‌كانی ناحیه‌ی خورماڵ بریتین له 15 پڕۆژه، پڕۆژه‌كانی ناحیه‌ی سیروانیش بریتین له 8 پڕۆژه. هه‌روه‌ها ئه‌و پڕۆژانه‌ی له لایه‌ن لیژنه‌‌ی سه‌رۆكایه‌تيی حكوومه‌ته‌وه بۆ قه‌زای پێنجوێن دیاری كراون بریتین له 4 پڕۆژه‌ی گرنگ كه بایی 11 ملیار دینارن، هه‌روه‌ها بایی 2 ملیار و 750 ملیۆن دیناریش پڕۆژه له لایه‌ن پارێزگای سلێمانییه‌وه بۆ ئه‌و قه‌زایه پێشنیاز كراون. هه‌ر ئه‌مڕۆ و لێره‌دا بۆ قه‌زای سه‌ید سادقیش 8 پڕۆژه ڕاده‌گه‌یه‌نین كه بایی 12 ملیار دینارن، جگه له 4 پڕۆژه‌ی تریش كه له لایه‌ن پارێزگای سلێمانییه‌وه پێشنیاز كراون و بایی 2 ملیار و 800 ملیۆن دینارن. ئه‌و پڕۆژانه بواری ته‌ندروستی، په‌روه‌رده، كشتوكاڵ، گه‌شتیاری و خزمه‌تگوزارییه‌كان له ناوچه‌كه به‌ره‌و پێشتر ده‌بات".
سه‌رۆك وه‌زيران ڕوونيشى كرده‌وه كه "له ناو ئه‌و پڕۆژانه‌دا 1000 (خانووی خۆكرد) بۆ كه‌سوكاری شه‌هیدانی كیمیابارانی هه‌ڵه‌بجه ته‌رخان كراوه كه حكوومه‌ت زه‌وی و بڕی 27 ملیۆن دینار ته‌رخان ده‌كات بۆ هه‌ر خانوويه‌ك، هه‌روه‌ها هه‌موو خزمه‌تگوزارییه‌كانی تریش بۆ ئه‌و خانووانه دابین ده‌كات له شه‌قام و ئاو و كاره‌با".
هه‌روه‌ها ڕايگه‌ياند كه "بۆ بریندارانی چه‌كی كیمیاویش هه‌موو چاره‌سه‌رێك له ناوخۆ و ده‌ره‌وه‌ی كوردستان دابین ده‌كات. هه‌ر له‌و بواره‌دا ئێستا كار له‌سه‌ر دروستكردنی نه‌خۆشخانه‌یه‌كی تایبه‌ت ده‌كرێ كه تیمی تایبه‌تی پزیشكی له ده‌ره‌وه‌ی كوردستانه‌وه بێنین بۆ ئه‌و بریندارانه. له‌گه‌ڵ ئه‌وه‌شدا ڕایده‌گه‌یه‌نین كه حكوومه‌تی هه‌رێمی كوردستان ئاماده‌یه بۆ چاره‌سه‌ركردنی بریندارانی چه‌كی كیمیاوی له ناوخۆ و له ده‌ره‌وه‌ی كوردستانیش، هه‌روه‌ك چۆن پێشتر كردوومانه و له‌مه‌ودواش زیاتر په‌ره به‌م پرۆسه‌يه ده‌ده‌ین".
سه‌رۆك وه‌زيران جگه له‌و پڕۆژانه؛ ئه‌وه‌شى ڕاگه‌ياند كه یه‌كێك له پڕۆژه ستراتیژییه‌كانی دیكه‌ى كه ئه‌مڕۆ بۆ قه‌زای هه‌ڵه‌بجه و سه‌ید سادق ڕايده‌گه‌يه‌نن، پڕۆژه‌ی ئاوه كه گرێبه‌ستی دروستكردنى له‌گه‌ڵ كۆمپانیای (سۆنگ یۆنگ)ی كۆری ئیمزا كراوه و بڕی 193 ملیۆن دۆلاری تێ ده‌چێت. ئه‌و پڕۆژه‌یه ئاوی پاك بۆ ماوه‌ی 25 ساڵی داهاتوو بۆ گه‌ڕه‌كه كۆن و تازه‌كانی ناحیه‌ی سیروان و هه‌ڵه‌بجه و سه‌یدسادق دابین ده‌كات، ماوه‌ی پڕۆژه‌كه‌ش 24 مانگه. خه‌ڵكی ناوچه‌كه‌ش دوای ئه‌و پڕۆژه‌یه 24 كاتژمێر به شێوه‌یه‌كی به‌رده‌وام ئاوی پاكیان له ماڵه‌كانیاندا ده‌بێت. هه‌روه‌ها گوتى: "ئاگاداری داواكاريی خه‌ڵكی ئه‌و ناوچانه‌ين بۆ تاپۆكردنی زه‌وی و خانووه‌كانیان. ئێمه له ئه‌نجومه‌نی وه‌زیران لیژنه‌یه‌كمان پێك هێناوه، بۆ ئه‌وه‌ی به شێوه‌یه‌كی یاسایی ئه‌و كێشه‌یه چاره‌سه‌ر بكه‌ین".
له به‌شێكى ديكه‌ى وته‌كه‌يدا نێچيرڤان بارزانى داواشى له حكوومه‌تی فیدرالی عێراق كرد كه بڕیاره‌كانی دادگای باڵای تاوانه‌كان جێبه‌جێ بكات سه‌باره‌ت به قه‌ره‌بووكردنه‌وه‌ی تایبه‌تی كه‌سوكاری شه‌هیدانی كیمیابارانی هه‌ڵه‌بجه و ئه‌نفال. چونكه وه‌ك گوتى: ئه‌وه جگه له‌وه‌ی كه مافێكی یاسایی ئه‌م خه‌ڵكه‌يه به پێی بڕیاری دادگا، له هه‌مان كاتدا یه‌كێك بووه له‌و خاڵانه‌ی كه له نێوان هاوپه‌یمانيی نیشتمانيی عێراق و ئیئتیلافی فراكسیۆنه كوردستانییه‌كان له ساڵی 2010دا وه‌ك یه‌كێك له 18 خاڵه‌كه‌ی لایه‌نی كوردی له لایه‌ن سه‌رۆك وه‌زیرانی عێراقه‌وه ئیمزای له‌سه‌ر كراوه.
نێچيرڤان بارزانى دووپاتى كرده‌وه كه سياسه‌تى حكوومه‌تى هه‌رێمى كوردستان له كابینه‌ی حه‌وته‌م ئه‌وه‌یه ده‌سه‌ڵاتی زیاتر بدات به پارێزگا و قه‌زا و ناحیه‌كان و حكوومه‌ت بۆ هه‌ڵه‌بجه و قه‌زاكانی دیكه‌ش هه‌مان بۆچوونى هه‌یه كه ده‌سه‌ڵاتی زیاتر بدرێته قایمقام و به‌ڕێوه‌به‌ری ناحیه‌كانی، چونكه ئه‌وه ڕێگه‌یه‌كه بۆ كه‌مكردنه‌وه‌ی ڕۆتین له‌به‌رده‌م كاری هاووڵاتیان و ڕێگه‌یه‌كی گونجاویشه بۆ چالاكتربوونی حكوومه‌ت.
سه‌رۆك وه‌زيران جه‌ختى له‌سه‌ر ئه‌وه كرده‌وه كه هه‌وڵه‌كانى حكوومه‌تى هه‌رێمى كوردستان به‌رده‌وام ده‌بێت بۆ ناساندنی كیمیابارانكردنی هه‌ڵه‌بجه به جینۆساید له هه‌موو جیهاندا، ئه‌وه‌ش به هاوكاری له‌گه‌ڵ دۆستانی بیانی و ڕێكخراوه مه‌ده‌نییه كوردی و بیانییه‌كان و ڕه‌وه‌ندی كوردی له وڵاتانی جیهان. هه‌روه‌ها گوتى: "ده‌مانه‌وێ په‌رله‌مانه‌كانی جیهان دان به كۆمه‌ڵكوژیه‌كانی كورددا بنێن وه‌ك جینۆساید، له‌و بواره‌شدا ئه‌و ده‌ستپێشخه‌ریانه‌ی له كه‌نه‌دا، سوید، به‌ریتانیا و هۆڵه‌ندا كراون؛ له‌سه‌ر ئاستی په‌رله‌مان و دادگاكانیان زۆر به ڕێزه‌وه ده‌نرخێنین" .
له‌م سه‌ردانه‌یدا نێچیرڤان بارزانى به یاوه‌ريى وه‌زیرانى حكوومه‌ت و پارێزگارى سلێمانى و سه‌رۆكى یه‌كه كارگێڕييه‌كان بۆ شارى هه‌ڵه‌بجه؛ به‌ردى بناغه‌ى زیاتر له 80 پڕۆژه‌ى جۆراوجۆرى به بڕى نزیكه‌ى 400 ملیۆن دۆلار دانا كه په‌یوه‌ست بوون به بواره جۆراوجۆره‌كانى ژیان وه‌ك په‌روه‌رده و ته‌ندروستى و ئاو و ئاوه‌ڕۆ و كاره‌با و ڕێگاوبان و چه‌ندین بوارى دیكه.
هه‌ر له شارى هه‌ڵه‌بجه به‌رپرسانى كارگێڕيى ئه‌و ناوچه‌یه ستایشى هه‌وڵه‌كانى حكوومه‌تى هه‌رێمیان كرد و هیوایان خواست حكوومه‌تى هه‌رێمى كوردستان به‌رده‌وام بێت له ئه‌نجامدانى پڕۆژه خزمه‌تگوزاریه‌كان و باشتركردنى گوزه‌رانى دانیشتوانى ئه‌م ده‌ڤه‌ره.
PNA
س . س
03/03/2013
ڕاگه‌یندڕاوی کوتایی کونفرانسی " مافی گه‌لی کورد له هه‌ر چوار پارچه‌ی کوردستاندا"
ڕۆژی هه‌ینی ١ی مارسی ٢٠١٣ زایینی، هاوکات له گه‌ڵ به‌ڕێوه چوونی ٢٢هه‌مین خۆلی کۆبوونه‌وه‌کانی شۆرای مافی مرۆڤی نه‌ته‌وه یه‌کگرتووه‌کان له بنکه‌ی ئه‌و ڕێکخراوه‌یه له شاری ژنێڤ، کونفرانسێک سه‌باره‌ت به پێشێلکاری مافه‌کانی مرۆڤ له هه‌موو به‌شه‌کانی کوردستان(دابه‌شکراو له نێوان چوار وڵاتی ئێران، عێراق، تورکیه و سووریه) به‌ڕێوه چوو.
ئه‌و کونفرانسه له لایه‌ن ناوه‌ندی زاگرۆس بۆ مافه‌کانی مرۆڤ و به هاوکاری ڕێکخراوی مه‌راپ(بزووتنه‌وه‌ی دژ به ڕاسیست و بۆ دۆستایه‌تی نێوان گه‌لان)ه‌وه به مه‌به‌ستی ڕاکێشانی ڕاو سه‌رنجی وڵاتان و ڕێکخراوه‌کانی ئه‌ندامی شۆرای مافی مرۆڤی نه‌ته‌وه یه‌کگرتووه‌کان له دوایین بار و دۆخی مافی مرۆڤی کورد و بۆ به جیهانی کردنی ئه‌و دۆزه پێک هێنرابوو.
له کونفرانسه‌‌که‌دا ئه‌و به‌ڕێزانه بابه‌تیان پێشکه‌ش کرد و وه‌ڵامی به‌شداربووانیان دایه‌وه؛
- ژانفرانکۆ فراتینی ، هاوسه‌رۆکی ڕێکخراوی مه‌راپ(بزووتنه‌وه‌ی دژ به ڕاسیست و بۆ دۆستایه‌تی نێوان گه‌لان)، باسێکی گشتی،
- دوکتور گۆڵموراد مۆرادی، به‌رپرسی ناوه‌ندی زاگرۆس بۆ مافه‌کانی مرۆڤ، باسێک له سه‌ر ڕۆژهه‌ڵاتی کوردستان،
- هیوا ناسح، ڕۆژنامه‌نووس و چالاکی بۆاری مافه‌کانی مرۆڤ و سەرپەرشتیاری دەستەی كارگێڕی ناوه‌ندی چاک، باسێک له سه‌ر باشووری کوردستان،
- ئه‌رداڵ کاپڵان، هاوسه‌رۆکی یه‌کیتی خۆێندکارانی کوردی زانکۆه‌کانی سویس، باسێک له سه‌ر باکووری کوردستان،
- پشکۆ شه‌مسی، له ڕێکخراوی"تۆڕی مافه‌کانی مرۆڤی کورد"، باسێک له سه‌ر ڕۆژئاوای کوردستان و سووریه.
سه‌باره‌ت به ئاکامه‌کانی کونفرانسه‌که‌ش پێویسته بگۆترێ که پێشوازیه‌کی باشی به خۆوه بینی له لایه‌ن به‌شداربووانه‌وه که پێک هاتبوون له نوێنه‌رانی وڵاتان و ڕێکخراوه‌کانی ئه‌ندامی شۆرای مافی مرۆڤ. هه‌ر وه‌ها بڕیار وایه ڕاپۆرتێکیش له‌و باره‌وه بدرێته ئه‌و شۆرایه.
ناوه‌ندی زاگرۆس بۆ مافه‌کانی مرۆڤ
٠٢/٠٣/٢٠١٣
This e-mail address is being protected from spambots. You need JavaScript enabled to view it.
بۆ زانیاری زیاتر ده‌توانن په‌یوه‌ندی بکه‌ن به‌م ژماره تلێفۆنه: ٠٠٤١٧٦٤٠٤٥٧٤٦
03/03/2013
له رۆژانی 19 تا 2013/3/24، فێستیڤاڵی كلتوری گه‌لان به به‌شداری 15 ده‌وڵه‌ت له‌گه‌رمیان و سلێمانی ده‌ستپێده‌كات.
عه‌باس عه‌بدولڕه‌زاق به‌ڕێوه‌به‌ری گشتی رۆشنبیری و هونه‌ری گه‌رمیان، به PUKmedia ی راگه‌یان: به‌به‌شداری 15 ده‌وڵه‌ت و بۆ ماوه‌ی چوار رۆژ له 19 تا 2013/3/24، كه‌رنه‌ڤاڵی كه‌لتووری گه‌لان له‌كه‌لار، 2013/3/20، له‌سلێمانی، 21 تا 2013/3/24، له‌ناوچه‌كانی گه‌رمیان ده‌ستپێده‌كات.
وتیشی: بودجه‌ی فێستیڤاڵه‌كه له‌سه‌ر به‌ڕێوه‌به‌رایه‌تی گشتی رۆشنبیری هونه‌رو لاوانی گه‌رمیانه.
PUKmedia دڵشاد ئه‌حمه‌د - سلێمانی
03/03/2013
دوای ئەوەی ماوەیەك بەر لەئێستا هەڤاڵ مەحمود سەنگاوی ئەندامی مەكتەبی سیاسی یەكێتیی نیشتمانیی كوردستان دووچاری گرفتێكی تەندروستی هات‌و بەوهۆیەوە بۆ زیاتر بەرەوپێشچوونی باری تەندروستی‌و پشكنین‌و چارەسەری زیاتر، سەردانی دەرەوەی وڵاتی كردو دووای دڵنیابوون لە جێگیری تەندروستی، ئەمڕۆ 2013/3/2، بە تەندروستیەكی باشەوە گەڕایەوە هەرێمی كوردستان.
PUKmedia
03/03/2013
"ئەحمەد تورک" هاوسەرۆکی کۆنگرەی جڤاکێ گەل(KCD) و ئەندامی پێشووی پەرلەمان تورکیا رایگەیاند، "پارتی کرێکارانی کوردستان"(PKK) رازی بووه دیلەکانی سوپای تورکیا ئازاد بکات.
ئێوارەی ئەمڕۆ له بارەگای "پارتی ئاشتی و دیموکراسی"(BDP) له هەولێر کۆنگرەیەکی رۆژنامەوانی لەلایەن شاندی دانوستانکاری کوردانی باکوور و حکومەتی تورکیا که پێکهاتبوون له ئەحمەد تورک، "ئایسەل تۆغلوک" هاوسەرۆکی KCD، گولتەن "کشاناک" هاوسەرۆکی BDP و "ئاڵتان تان" ئەندامی پەرلەمانی تورکیا لەسەر لیستی BDP له ئامەد، سەبارەت به سەردانی ئەم شانده بۆ قەندیل و گفتوگۆ لەگەڵ سەرکردەکانی PKK بەڕێوەچوو.
ئەحمەد تورک رایگەیاند: "عەبدوڵڵا ئۆجەلان" داوای له پارتی کرێکارانی کوردستان کردووه که دیلەکانی تورکیا ئازاد بکات و ئەوانیش رازی بوونه. دوای گەڕانەوەمان، شاندێکی BDP دێت و به هەماهەنگی لەگەڵ پارتی کرێکاران، دیلەکان دەگەڕێنەوه باوەشی بنەماڵەکانیان.
ئەحمەد تورک ئەم هەوڵەی PKKی بەرز نرخاند و راشیگەیاند: دوای دە رۆژ وەڵامی نامەکەی ئۆجەلان دەدرێتەوه که ئاراستەی PKK کراوه.
هاوسەرۆکی KCD هەروەها ئاشکرای کرد که لەم سەردانەدا، چاویان به "موراد قەرەییڵان" فەرماندەی باڵی سەربازیی پارتی کرێکارانی کوردستان، کەوتووه.
ئەم شانده ئەمڕۆ سەردانی هەولێر کردووه بۆ گفتوگۆ لەگەڵ پارته کوردییەکان، دوای ئەوەی له سلێمانی لەگەڵ هەریەک له بەرپرسانی یەکێتیی نیشتمانی و بزووتنەوەی گۆڕان کۆبوونەوه.
ئەحمەد تورک جەختیشی کردەوه: دەبێت هەموو لایەنه کوردییەکان جێگیر بوونی ئاشتی خەبات بکەین.
PNA
02/03/2013
له په‌یوه‌ندییه‌كی ته‌له‌فۆنیدا هه‌ردوو سه‌رۆكی ویلایه‌ته یه‌كگرتووه‌كانی ئه‌مریكاو رووسیا جه‌خت له به‌ره‌‌وپێشبردنی پرۆسه‌ی سیاسیی له سوریا ده‌كه‌نه‌وه‌و، ڤلادیمێر پوتین-یش جه‌خت له به‌په‌له وه‌ستاندنی چالاكیه سه‌ربازییه‌كان ده‌كاته‌وه.
دوێنێ (هه‌ینی 1ی ئازار) باراك ئۆباما، سه‌رۆكی ویلایه‌ته یه‌كگرتووه‌كانی ئه‌مریكاو ڤلادیمێر پوتین، سه‌رۆكی رووسیا په‌یوه‌ندییه‌كی ته‌له‌فۆنییان ئه‌نجامداو به‌پێی به‌یاننامه‌یه‌كی "كرملین" له‌و په‌یوه‌ندییه ته‌له‌فۆنییه‌دا سه‌رۆكی رووسیا زۆر به توندیی جه‌ختی له وه‌ستاندنی به‌په‌له‌ی پرۆسه سه‌ربازییه‌كانی سوریا كردووه‌ته‌وه.
له راگه‌یه‌ندراوێكی كۆشكی سپیشدا هاتووه: " هه‌ردوو سه‌رۆك هاوڕا بوون له‌سه‌ر به‌ره‌پێشبردنی پرۆسه‌ی سیاسیی له سوریاو وه‌ستاندنی پرۆسه سه‌ربازییه‌كان".
ئه‌وه‌ش خراوه‌ته‌ڕوو، كه هه‌ردوو وڵات (ویلایه‌ته یه‌كگرتووه‌كان‌و رووسیا) هاوكار ده‌بن بۆ راگرتنی توندوتیژییه‌كانی سوریاو هه‌روه‌ها په‌یوه‌ندیی نێوان هه‌ردوو وڵات له‌ڕێگه‌ی وه‌زیرانی ده‌ره‌وه‌ی هه‌ردوو وڵاته‌وه جون كیری و سێرگی لاڤرۆڤ.
جێی ئاماژه‌پێدانه له ماوه‌ی رابردوودا له‌به‌رامبه‌ر رووخانی رژێمه‌كه‌ی‌و دوورخستنه‌وه‌ی به‌شار ئه‌سه‌دی سه‌رۆكی سوریا، ناكۆكی هه‌بوو له‌نێوان مۆسكۆو واشنتۆندا.
XENDAN
02/03/2013
سه‌رۆكوه‌زيرانى هه‌رێمى كوردستان، بەجينۆسايدناساندنی ئەو تاوانانەی ده‌رهه‌ق به گه‌لى كوردستان كراون لە لایەن پەرلەمانی بەریتانیاوە، به ڕووداوێكى گرنگ ناو برد.
دواى ئه‌وه‌ى كه په‌رله‌مانى به‌ريتانيا له دانيشتنێكدا ئه‌و تاوانانه‌ى به جينۆسايد ناساند كه ده‌رهه‌ق به گه‌لى كوردستان كراون، سه‌رۆكوه‌زيرانى هه‌رێمى كوردستان، نێچيرڤان بارزانى، له لێدوانێكدا ئه‌م هه‌نگاوه‌ى په‌رله‌مانى به‌ريتانياى به ڕووداوێكى گرنگ و مايه‌ى خۆشحاڵى له قه‌ڵه‌م دا، سوپاسى هه‌موو ئه‌و لايه‌نانه‌شى كرد كه له‌م پێناوه‌دا هه‌وڵيان دا و سه‌ره‌نجامى هه‌وڵه‌كانيان به ناساندنى جينۆسايدى كورد له لايه‌ن په‌رله‌مانى به‌ريتانياوه؛ ته‌واو بوو.
ئه‌مه‌ش ده‌قى لێدوانه‌كه‌ى سه‌رۆكوه‌زيرانى هه‌رێمى كوردستانه:
ئه‌مڕۆ په‌رله‌مانى به‌ریتانیا ده‌رباره‌ى ئه‌وه‌ى كه ئایا ئه‌و تاوانانه‌ى كه ده‌رهه‌ق به گه‌لى كوردستان له عێراق ئه‌نجام دراون؛ وه‌ك جینۆساید بناسێنێت؛ گفتوگۆى كرد. خۆشحاڵ بووین؛ نه‌ك ته‌نها له‌به‌ر ئه‌وه‌ى ئه‌و گفتوگۆیه ئه‌نجام درا، به‌ڵكو له‌به‌ر ئه‌وه‌ى په‌رله‌مانى به‌ریتانیا به فه‌رمى دانى به جینۆسایدى كورددا نا. ئه‌وه‌ش ڕووداوێكى گرنگه له خه‌باتمان بۆ دادپه‌روه‌رى و دانپێنان و قه‌ره‌بووكردنه‌وه‌ى ههزاران پیاو ژن و منداڵ كه له‌سه‌ر ده‌ستى ڕژێمى پێشوو بوونه قوربانى. هه‌روه‌ها ڕووداوێكى گرنگه بۆ ڕزگاربووانى ئه‌نفال و چه‌كى كیمیايى و بۆ منداڵانى شه‌هیدان كه هه‌وڵ ده‌دن ژیانیان بنیاد بنێنه‌وه.
سوپاسى هه‌موو ئه‌وانه ده‌كه‌ین كه هه‌وڵیان دا ئه‌و گفتوگۆیه ئه‌نجام بدرێت، ههزاران كورد له به‌ریتانیا و به‌ريتانیه‌كانى دۆستى كوردستان كه واژوویان له‌سه‌ر داوكاريى ناساندنى جینۆساید كرد. ئه‌ندامانى په‌رله‌مانى به‌ریتانیا و به تایبه‌تى گرووپى سه‌رجه‌م پارته‌كانى دۆستى گه‌لى كورد له په‌رله‌مانى به‌ریتانیا كه كاریان كرد بۆ ئه‌نجامدانى ئه‌و گفتوگۆیه و نوێنه‌رایه‌تيى حكوومه‌تى هه‌رێمى كوردستان له به‌ریتانیا كه ئه‌و ده‌ستپێشخه‌ریه‌یان كرد و به‌رده‌وام بوون تا به سه‌ركه‌وتوویى به ئه‌نجام گه‌یشت.
ناساندنى جینۆسایدى كورد له لایه‌ن په‌رله‌مانى به‌ریتانیاوه؛ دوا به‌دواى ناساندنى ساڵى ڕابردووى په‌رله‌مانى نه‌رویج و سوید هات. سوپاسى هه‌موو لایه‌كیان ده‌كه‌ین و ئومێده‌وارین ئه‌وه هانى دۆستانمان و دۆستانى مافه‌كانى مرۆڤ و ئازادى له وڵاتانى ديكه‌ش بدات بۆ ناساندنى جینۆسایدى گه‌لى كورد. ده‌بێ هه‌موومان به یه‌كه‌وه له دژى سته‌م بوه‌ستین له هه‌ر كوێ ڕوو بدات.
نێچيرڤان بارزانى
سه‌رۆك وه‌زيرانى هه‌رێمى كوردستان
28/2/2013
PNA
02/03/2013
لە ئێستادا كۆبونەوەی نێوان نەوشیروان مستەفا، رێكخەری گشتی بزوتنەوەی گۆڕان و شاندی بەدەپەو KCD دەستیپێكرد.
شەوی چوارشەممە هەریەكە لە هاوسەرۆكانی بەدەپەو KCD گەشتنە شاری سلێمانی بۆ ئەوەی دواتر بەرەو قەندیل بڕۆن بە مەبەستی گەیاندنی پەیامی ئۆجەلان بە سەركردایەتی پەكەكە. بەهۆی بۆردومانی بەردەوامی توركیاش بۆ سەر قەندیل، رۆشتنی وەفدەكە دواكەوت.
پاش سەردانی شاندی BDP بۆ ئیمراڵی، ئۆجەلان سێ نامەی ئاراستەی قەندیل، ئەوروپا و BDP كرد، بۆ گەیاندنی پەیامەكەی ئۆجەلان بە سەركردایەتی پەكەكە، گوڵتەن كشاناك و سەڵاحەدین دەمیرتاش، هاوسەرۆكانی BDP و ئەحمەد تورك و ئایسەل تۆغڵوك، هاوسەرۆكانی KCD و سڕی سورەیا ئۆندەر، پەرلەمانتاری BDP هاتونەتە هەرێم تا دواتر بەرەو قەندیل بڕۆن.
رۆژی 23ی شوبات، پەروین بوڵدان، سەرۆكی فراكسیۆنی BDP و ئامەد ئاڵتانتان و سڕی سورەیا ئۆندەر، پەرلەمانتارانی بەدەپە، سەردانی ئۆجەلانیان كرد، دوای گەڕانەوەیان ئەندامانی شاندەكە لەكۆبونەوەكانیان لە ئەستەمبوڵ و ئەنكەرە، وردەكارییەكانی دیدارەكەیان بە سەڵاحەدین دەمیرتاش و گوڵتەن كشاناك، هاوسەرۆكانی بەدەپە راگەیاند.
سەرچاوە: سایتی سبەی
01/03/2013
ده‌زگاى وارڤين كورته فيلمى به‌ڵگه‌نامه‌يى (ژنه له‌بيركراوه‌كان) به‌رهه‌م ده‌هێنێت
وارڤين – هه‌ولێر: له درێژه‌ى كارو پڕۆژه‌كانيدا بۆ خستنه‌ڕووى واقيعى تاڵى ژنان له هه‌رێمى كوردستان و عێراق، ده‌زگاى وارڤين بۆ پرسه‌كانى ژن، كورته فيلمێكى به‌ڵگه‌نامه‌يى له‌باره‌ى ژيان و ئازارى ئه‌و ژنانه‌ى كه‌سوكاريان بووه‌ته قوربانى تيرۆر به‌رهه‌مهێنا.
له كورته فيلمه‌كه، ژنانى بێ كه‌س كه‌وتووى كه‌ركووك و موسڵ، به زمانى خۆيان باس له ئازار و نه‌هامه‌تييه‌كانى ژيانيان ده‌كه‌ن و داواى هاوكارى و به هاناوه‌چوونيان ده‌كه‌ن.
هه‌ريه‌ك له‌و ژنانه، ده‌يان چيرۆكى نه‌نووسراوى له دڵدا هه‌ڵگرتووه و به‌هۆى خراپى ره‌وشى ژيانيانه‌وه، جگه له رشتنى فرمێسك و گريان به‌سه‌ر ئادگارى كوڕ و برا و هاوسه‌ره‌كانياندا گله‌يى له په‌راوێزخستن و له‌بيركردنيان ده‌كه‌ن.
ئه‌و كورته فيلمه له سنوورى هه‌ردوو پارێزگاى نه‌ينه‌وا و كه‌ركووك، له كۆتايى ساڵى (2012) كارى له‌سه‌ر كراوه.
ستافى كاركردن له فيلمه‌كه‌دا:
ده‌نگهه‌ڵگر: رێباز عه‌بدوڵڵا محه‌ممه‌د.
رووناكى: پێشڕه‌و رۆسته‌م حوسێن.
وێنه‌گر: ئازاد عومه‌ر.
نووسه‌ر: ئه‌حمه‌د مه‌حمود
به‌ڕێوبه‌ر: جه‌مال پێنجوێنى.
جێى ئاماژه‌يه، كورته فيلمه‌كه به هاوكارى (پردى رۆشنبيرى بۆ ئاشته‌وايى عێراق) به‌رهه‌مهێنراوه.
دەزگای وارڤین بۆ پرسەكانی ژن، دەزگایەكی ناحكومیی قازانج نه‌ويسته، ساڵی (2009) دامەزراوە، به هاوكارى رێكخراوه نێوده‌وڵه‌تييه‌كانى خه‌مخۆرى پرسى ژن، كار و چالاكى و پڕۆژه‌كانى ئه‌نجامده‌دات، ئامانجی خستنەڕووی واقیعی ژن و بەرگریكردنە لەماف و ئازادییەكانیەتی، ئۆفیسی سەرەكی لەهەولێری پایتەختی هەرێمی كوردستانە و بۆ رووماڵكردنی رەوشی ژنانی هەرێم و عێراق، خاوندارێتی لەماڵپەڕی هەواڵ و زانیاری (warvin.org) دەكات.
بۆ په‌يوه‌ندى:
له‌نجه عه‌بدوڵڵا:: به‌رپرسى ده‌زگاى وارڤين بۆ پرسه‌كانى ژن
مۆبايل: 07504510666
ساكار رۆسته‌م: به‌ڕێوبه‌رى پڕۆژه‌كان له ده‌زگاى وارڤين
مۆبايل: 07504882554
ئيمه‌يڵ:
This e-mail address is being protected from spambots. You need JavaScript enabled to view it.
This e-mail address is being protected from spambots. You need JavaScript enabled to view it.
راگه‌ياندنى ده‌زگاى وارڤين
1 / ئازار – مارس / 2013
به‌سته‌رى كورته فيلمه‌كه له يوتيوب:
http://www.youtube.com/watch?v=R9MetmJPskg
تێبينى: ناردراوه به مه‌به‌ستى بڵاوكردنه‌وه، له‌گه‌ڵ رێز و سووپاسى ده‌زگاى وارڤين بۆ پرسه‌كانى ژن.
02/03/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
