به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
راوێژكاری راگەیاندنی سەرۆكی پەرلەمانی كوردستان، رایدەگەیەنێت: لە سەرەتای مانگی داهاتووەوە پەخشی كەناڵی ئاسمانی پەرلەمانی كوردستان رادەگیرێت‌و كەناڵەكە دەبێتە لۆكاڵی.
تارق جەوهەر راوێژكاری راگەیاندنی سەرۆكی پەرلەمانی كوردستان بە PUKmedia ی راگەیاند: لە رۆژی 2013/4/1، گرێبەستی كەناڵی ئاسمانی پەرلەمانی كوردستان كۆتایی پێ دێت، بڕیاریشە لە دوای ئەو بەروارەوە بەخشی لۆكاڵی پەرلەمانی كوردستان بەردەوام بێت بە سیستەمێكی پێشكەوتووی HD كە زاخۆ تا خانەقین بگرێتەوە.
وتیشی: هەوڵ دەدرێت لە رێگەی ئەو كەناڵە لۆكاڵیەوە دانیشتنەكانی پەرلەمان بگوازرێتەوە بۆ خەڵكی كوردستان.
راشیگەیاند: ئێمە كار بۆ ئەوە دەكەین كە كەناڵی پەرلەمان بە سیستەمێكی نوێ كار بكات، جگە لە گواستنەوەی دانیشتنەكان، بەدواداچوون بۆ پڕۆژە بڕیارەكان بكرێت.
روونیشیكردەوە: هەوڵ دەدرێت لە رێگەی چەند بەرنامەیەكی تایبەتەوە، پەیوەندییەكانی نێوان پەرلەمانی كوردستان‌و خەڵكی كوردستان پتەوتر بكرێت.
PUKmedia تایبەت
زانكۆی دیجلە لە شاری دیاربەكری باكوری كوردستان بەرنامەی ماستەرنامەی لە زمانی كوریدا بۆ زانكۆكەی زیاد كردووە.
بەپێی راپۆرتێكی رۆژنامەی رادیكاڵی توركیا، ئەم بەرنامەیە كە لەلایەن وەزارەتی خوێندنی باڵای توركییاوە پەسەند كراوە، بۆ یەكەم ساڵ 150 جێگای تەرخان كردووە كە 120 بۆ بوون بە وانەبێژی دیالێكتی كرمانجی و 30كەسی دیكەش بۆ وانەبێژی دیالێكتی زازاكی لەو زانكۆیە تەرخان كراوە.
كردنەوەی ئەم بەرنامەیە لەدوای بڕیارەكەی وەزارەتی ناوبراوەوە هات كە كۆرسی زمانی كوردی بۆ خوێندكارانی زانكۆ بكاتەوە.
تەواوكارانی ئەم بەرنامەیە دەتوانن ببنە مامۆستای زمانی كوردی یان مامۆستای زانكۆ بۆ زمانی كوردۆلۆژی.
سۆران عەلی/م.ش
pna
11/03/2013
"مەسعود بارزانی" سەرۆکی هەرێمی کوردستان له‌گه‌ڵ نوێنه‌رانی فراکسیۆنه کوردستانیه‌کان له حکومه‌تی فیدراڵ و ئه‌نجومه‌نی نوێنه‌رانی عێراق کۆبۆوه و له کۆتایی کۆبوونەوەکه، راگەیەندراوێک بڵاو کراوه.
ئەمەش دەقی راگەیەندراوەکەیه:
"له ره‌فتارێکی زه‌قدا پرۆژه یاسای بودجه‌ی عێراقی فیدراڵ له‌لایه‌ن ده‌وڵه‌تی یاسا به سه‌رکردایه‌تی مالکی تێپه‌ڕێنرا و به داخه‌وه هاوپه‌یمانیی نیشتمانییش به‌هه‌مان ئاراسته‌دا هه‌نگاوی نا، که ره‌فتارێکی له‌م چه‌شنه له لایه‌نه‌کانی نێو ئه‌و هاوپه‌یمانێتییه چاوه‌ڕوان نه‌کراو بوو، ئه‌مه‌ش یه‌کڕیزیی نیشتمانیی عێراقی ناچار به دابه‌شبوون کرد و ده‌سه‌ڵاتی سیاسی و سه‌رکردایه‌تیکردنی ده‌وڵه‌ت زۆر به ئاشکرا تاکڕه‌ویی به‌سه‌ردا سه‌پێنرا، کار گه‌یشته ئه‌وه‌ی ته‌نانه‌ت ره‌چاوی دید و پێگه‌ی پێکهاته‌یه‌کی سه‌ره‌کییش نه‌کرێ، که وا پێویستی ده‌کرد وه‌ک هاوبه‌شێکی دامه‌زرێنه‌ری پرۆسه‌ی سیاسی و سه‌رله‌نوێ بنیاتنانه‌وه‌ی ده‌وڵه‌ت و نه‌ته‌وه‌یه‌کی سه‌ره‌کی و بڕیارده‌ر له ده‌ستنیشانکردنی ئاراسته‌ی وڵات وه‌ک له دیباجه‌ی ده‌ستووردا هاتووه حیساب بۆ رۆڵ و پێگه‌ی بکرێ؛ هه‌ڵبه‌ت ئیراده‌ی هێزه هاوبه‌شه‌کانی دیکه‌ش ره‌زامه‌ندییان له‌مه‌ڕ پرسه‌که فه‌رامۆشکرا و بوونیان له‌به‌رچاو نه‌گیرا.
وه‌رگرتنی ئه‌م بڕیاره به شێوه‌یه‌کی تاکڕه‌وانه و پشت به‌ستن به ده‌نگدان به گوێره‌ی ژماره، پێشێلکردنێکی قبووڵنه‌کراوی دژ به هه‌موو ئه‌و بنه‌مایانه‌یه پرۆسه‌ی سیاسی له‌سه‌ری وه‌گه‌ڕخرا، هاوکات دژ به‌و رێسایه‌یه ده‌ستووری له‌سه‌ر داڕێژرا و پێچه‌وانه‌ی پێکه‌وه‌سازانه‌کان و گشت رێککه‌وتنه‌کان و چه‌مکی پێکه‌وه‌سازانی نیشتمانییشه.
په‌سه‌ندکردنی بودجه خۆی له‌خۆیدا جه‌وهه‌ری پێشێلکردنه‌که نیه که زۆر ئاست و بوار ده‌گرێته‌وه، به‌ڵکو ده‌ربڕی زۆر له ئادگار و ده‌رکه‌وته‌ی دژ به سیسته‌می دیموکراتی و زه‌وتکردنی ئیراده‌ی نیشتمانییه که سازان له نێوانیاندا کرا بۆ ده‌ربازبوون له پاشماوه‌ی سیسته‌مه دیکتاتۆریه یه‌ک له‌دوای یه‌که‌کان و هێنانه‌ئارای عێراقێکی دیموکراتی فیدراڵ له‌سه‌ر بنه‌مای شه‌راکه‌ت و پێکه‌وه‌سازان و هاوسه‌نگیی له چوارچێوه‌ی رێزگرتنی ده‌ستوور.
ده‌وڵه‌تی یاسا و سه‌رۆکه‌که‌ی زیاده‌ڕۆیی زۆریان کرد له خۆدزینه‌وه له گشت ئه‌و پابه‌ندبوونانه‌ی گه‌ره‌نتین بۆ به‌رده‌وامیدان به ته‌واوکردنی پرۆسه‌ی بنیاتنانی دامه‌زراوه‌کانی ده‌وڵه‌تی دیموکراتی و پاکتاوکردنی ئه‌و ده‌رکه‌وته مه‌ترسیدارانه‌ی پێیه‌وه دیاربوو، به تایبه‌تییش له‌سه‌رده‌می ویلایه‌تی دووه‌می حکوومه‌ته‌که‌ی مالکی که تاکڕه‌ویی و خۆسه‌پاندن و په‌راوێزخستن تێیدا ره‌نگی دایه‌وه و زیاده‌ڕۆیی لێ به‌دی کرا له رووی وه‌رگرتنی رێوشوێن و رێکاری ناده‌ستووریانه له گشت بواره‌کاندا، هه‌ڵبه‌ت ئه‌ویش به ته‌سکردنه‌وه‌ی مه‌ودای ئازادییه دیموکراتییه‌کان و گرتنه‌به‌ری ره‌فتاری توندوتیژی پۆلیسیانه له به‌رامبه‌ر ناڕه‌زایی و داواکارییه‌کانی جه‌ماوه‌ر و به‌کارهێنانی سوپا له ململانێ سیاسییه‌کان و رووبه‌ڕووبوونه‌وه‌ی جه‌ماوه‌ر و داواکانیان بۆ دابینکردنی خزمه‌تگوزاری و ئه‌نجامدانی چاکسازیی ئابووری و کۆمه‌ڵایه‌تی و سیاسی. هه‌ر به‌م ئاراسته‌یه‌شدا، سه‌رۆکی ده‌وڵه‌تی یاسا بره‌و به به‌رهه‌مهێنان و وه‌به‌رهێنانی قه‌یرانه‌کان و به‌رزکردنه‌وه‌ی ئاستی شڵه‌ژاندن و ئاڵۆزکاریی ده‌دات، به‌رده‌وامه له‌سه‌ر ته‌نگه‌تاوکردنی هاوبه‌شانی نێو پرۆسه‌ی سیاسی و داتاشینی پاساوی بێ بنه‌ما به مه‌به‌ستی رێگرییکردن له‌هه‌ر هه‌وڵێک بۆ هه‌ڵوه‌شاندنه‌وه‌ی هه‌ر قه‌یرانێکی له‌پڕ. ئه‌م دیارده‌یه‌ش نیازگه‌لێکی شاراوه به‌دیارده‌خات که به ئاشکرایی ئاماژه بۆ دۆخی وڵات ده‌کات که له دووڕیانێکدایه و دوور نیه یه‌کێتییه‌که‌ی تووشی پارچه‌بوون بکات و هه‌وڵی هێزه‌کانی له‌به‌ریه‌ک هه‌ڵوه‌شێنێ و ئیتر له توانایاندا نه‌مێنێ ده‌ستکه‌وته‌کانی یه‌کڕیزیی خۆیان بپارێزن.
ئه‌و بژارده‌یه که له چه‌ندین بۆنه‌دا به ئاشکرایی خرایه‌ڕوو، ده‌ربڕی ئه‌و خواسته نابه‌جێیه‌یه بۆ هه‌ڵکوتانه‌سه‌ر سیسته‌می دیموکراتی و کۆڵه‌که و بنه‌ماکانی و به‌زۆر خۆداسه‌پاندن و گرتنه‌به‌ری شێوازێک له تاکڕه‌ویی که داته‌پین و داڕمان و له‌به‌ریه‌کهه‌ڵوه‌شانی زیاتر به‌دوای خۆیدا بێنێ.
هێزه کوردستانییه‌کان که هه‌میشه فاکته‌ری یه‌کخستن و پێکه‌وه‌سازان بوون، له هه‌موو ساته ناهه‌مواره‌کان ئاماده بوون رووبه‌ڕووی ئه‌و مه‌ترسییانه ببنه‌وه که هه‌ڕه‌شه بوون بۆ سه‌ر عێراق، به‌ر له دوو مانگیش هه‌مان شتیان کرد که نامه‌یه‌کیان ئاراسته‌ی هاوپه‌یمانیی نیشتمانیی و لایه‌نه‌کانی نێو ئه‌و هاوپه‌یمانییه کرد، نامه‌که چه‌ند دید و بۆچوونێکی له‌خۆ گرتبوو بۆ ته‌ندروستبوون و چاکبوونه‌وه‌ی ژیانی سیاسی و رێگانه‌دان به هه‌ڵوه‌شان و ترازانی بنچینه‌کانی پرۆسه‌ی دیموکراتی، دید و بۆچوونه‌کانیش ته‌نیا و ته‌نیا ده‌ربڕ و به‌رجه‌سته‌کردنی خواستگه‌لێکی عێراقیانه بوون و له سۆنگه‌ی ده‌ستوور و پێکه‌وه‌سازانی نیشتمانیی و رێککه‌وتنه مۆرکراوه‌کان هه‌ڵقوڵابوون. به‌ڵام به‌داخه‌وه؛ نامه‌که ئه‌و بایه‌خ و گرنگییه پێویسته‌ی پێ نه‌درا.
ئێمه له‌وکاته‌ی که هه‌ست به مه‌ترسیی دۆخه‌که و لێکه‌وته‌کان و ئه‌گه‌ره چاوه‌ڕوانکراوه‌کان ده‌که‌ین، که بوونه‌ته هۆی غه‌ڕابوون بۆ به‌رده‌وامیدان به ره‌وتی تاکڕه‌ویی له‌سه‌ر بنه‌مای زۆرینه و که‌مینه، هه‌ڵبه‌ت ئه‌مه‌شیان به گرتنه‌به‌ری ئامرازگه‌لێکی به‌ده‌ر له بنه‌ما دیموکراتییه‌کان و دژ به ده‌ستوور؛ عێراق بۆ نێو ته‌ڵه‌زگه‌ی رووبه‌ڕووبوونه‌وه‌ی تایه‌فه‌گه‌ریی په‌لکێش ده‌کات، بۆیه به ئه‌رک و لێپرسراوێتی مێژوویی خۆمانی ده‌زانین روو له سه‌رجه‌م ئه‌و هێزه نیشتمانیانه بکه‌ین که په‌رۆشی پاراستنی سیسته‌م و رێبازی دیموکراتی و رێگریکردنن له داته‌پین و داڕمان، و به تایبه‌تیش روو له هێزه‌کانی نێو هاوپه‌یمانیی نیشتمانیی ده‌که‌ین که هه‌ڵوێستێکی راسته‌وخۆی روون و راشکاوانه دژ به‌و سیاسه‌ته بنوێنێ که ده‌یه‌وێ هه‌موو ده‌ستکه‌وته‌کان له‌بار ببات و کۆتایی به شه‌راکه‌ت و پێکه‌وه‌سازانی نیشتمانیی بێنێ و هه‌ڵکوتێته سه‌ر پرۆسه‌ی سیاسی و دیموکراتی له وڵاتدا.
له‌م سۆنگه‌یه‌وه؛ رایده‌گه‌یه‌نین که بانگهێشتی نوێنه‌رانی هێزه کوردستانییه‌کانمان له حکوومه‌تی فیدراڵ و سه‌رکرده‌کانی فراکسیۆنه کوردستانیه‌کانی نێو ئه‌نجومه‌نی نوێنه‌رانمان کردووه بۆ ئه‌وه‌ی وتووێژ و راوێژ له‌باره‌ی گرتنه‌به‌ری هه‌ڵوێستێکی گونجاو بکه‌ین هاوتای خواسته‌کانمان بێ و هاوکات کار له‌و پێناوه‌دا بکه‌ین رێگا به ره‌وتی خۆسه‌پاندن و بنجداکوتانی سیاسه‌تی تاکڕه‌ویی و په‌راوێزخستن نه‌ده‌ین. هه‌ر له‌و چوارچێوه و ئاراسته‌یه‌دا راوێژ و راگۆڕینه‌وه‌ی فراوان له‌گه‌ڵ تێکڕای هێز و لایه‌ن و پێکهاته‌کانیشدا بکه‌ین بۆ گه‌ڵاڵه‌کردنی هه‌ڵوێست و گه‌یشتن به‌و بژارده‌یه‌ی عێراقی دیموکراتی بپارێزێ و کۆتایی به دۆخی تاکڕه‌ویی و سه‌رکێشی بێنێ.
ئێمه له‌و کاته‌ی به ناچاری ئه‌م هه‌ڵوێسته ده‌گرینه‌به‌ر که هه‌موو بژارده‌کانی له‌به‌رده‌مدا کراوه‌یه، ئه‌وباڵی هه‌ر ئه‌گه‌رێک ده‌خه‌ینه ئه‌ستۆی ده‌وڵه‌تی یاسا و سه‌رۆکه‌که‌ی (مالکی) و هاوکارانیان و له به‌رامبه‌ر هه‌ر پێشهات و هه‌ڵوێستێک ئه‌وان به به‌رپرس ده‌زانین."
سه‌رۆکایه‌تی هه‌رێمی کوردستان
9/3/2013
X.A
pna
دوای گەیاندنی نامەكەی عەبدوڵڵا ئۆجالان بە قەندیل‌و وەڵامدانەوەی لەلایەن پەكەكەوە، بڕیارە بۆ گەیاندنی وەڵامی ئەو نامەیە وەفدی سێیەمی بەدەپە سەردانی ئیمڕاڵی بكەنەوەو، وەڵامەكە بگەیەننەوە بە عەبدوڵڵا ئۆجالان سەرۆكی بەندكراوی پارتی كرێكارانی كوردستان.
محەمەد ئەمین پێنجوێنی چاودێری سیاسی بە PUKmedia ی راگەیاند: چوونی وەفدی سێهەمی بەدەپە بۆ ئیمڕاڵی، وەڵامی نامەكەی عەبدوڵڵا ئۆجالان دەبەنەوە كەلە ماوەی رابردوودا ئاڕاستەی قەندیلی كردبوو، ئەوەش دوای ئەوەی سەركردایەتی پەكەكە لە قەندیل نزیكەی هەفتەیەك گفتوگۆیان لەسەر نامەكەی ئۆجالان كردبوو، ئێستاش وەڵامی نامەكە لە رێگەی وەفدێكەوە دەبەنەوە ئیمڕاڵی.
وتیشی: حكومەت گرنگی دەدات بە ئیمڕاڵی، دەیەوێت چارەسەرێك بۆ كێشەكان بدۆزێتەوە، لەبەر ئەوە رێگە دەدات كە وەفدەكە وەڵامی نامەكەی عەبدوڵڵا ئۆجالان ببەنەوە بۆ ئیمڕاڵی.
لای خۆشیەوە، حسێن چەلیك پەرلەمانتاری پارتی دادو گەشەپێدان لە پەرلەمانی توركیا، رایگەیاندووە: پێدەچێت لەم هەفتەیەدا وەفدێكی تری پەرلەمانتارانی بەدەپە سەردانی ئیمڕاڵی بكاتەوە، بەڵام هێشتا دیار نییە كام لە ئەندامانی بەدەپە لە ناو ئەو وەفدەدا دەبن كە سەردانی عەبدوڵڵا ئۆجالان دەكەن.
وتیشی: ئەگەری هەیە سەردانەكە ئەم هەفتەیەدا ئەنجام بدرێت، بەڵام دڵنیانیم كە كاتی سەردانەكە گۆڕانكاریی بەسەردا دێت یان نا.
راشیگەیاند: "وەزارەتی داد هێشتا هیچ بڕیارێكی لەبارەی ئەو سەردانە نەداوە".
بەپێی هەواڵێكی سایتی تودەی زەمان-یش، پارتی ئاشتی‌و دیموكراسی "بەدەپە" دەیەوێت هەمان ئەو پەرلەمانتارانە سەردانی ئیمڕاڵی بكەن، كە جاری پێشوو سەردانی عەبدوڵڵا ئۆجالان-یان كردووە، بەڵام پارتی دادو گەشەپێدان رەنگە بەوە رازی نەبێت، بە تایبەتی دوای بڵاوبوونەوەی ناوەڕۆكی نامەكەی ئەم دواییەی عەبدوڵڵا ئۆجالان، كە پارتی دادو گەشەپێدان ئەندامانی وەفدەكەی پێشووی بەدەپە بە دزەپێكردنی ناوەڕۆكی نامەكە تۆمەتبار دەكات.
PUKmedia تایبەت
10/03/2013
لە كۆبونەوەی نێوان هەردوو مەكتەبی سیاسی یەكگرتووی ئیسلامی، هەردوو باڵی حزبی دیموكراتی كوردستانی ئێران بڕیاردرا، بە رێكخستنی كۆبوونەوەیەك بە مەبەستی ئاشتەوایی لە نێوان كۆماری ئیسلامی ئێران‌و حزبەكانی رۆژهەڵاتی كوردستان.
بە پێی زانیاریەكانی "لڤین پرێس" بەرواری حەوتی ئەو مانگە كۆبوونەوەیەك لە نێوان هەردوو مەكتەبی سیاسی یەكگرتووی ئیسلامی كوردستان‌و حزبەكانی رۆژهەڵاتی كوردستان لە نێوانیان هەردوو باڵی حزبی دیموكراتی كوردستانی ئێران بەرێوەچوو بە مەبەستی نزیكبوونەوە كۆماری ئیسلامی ئێران‌و حزبە رۆژهەڵاتیەكان.
لە كۆبوونەوەكەدا كە هەریەك لە مەولود باوەموراد‌و ئەبوبكر كاروانی، ئەندامانی مەكتەبی سیاسی بەژداریان تێدا كردووە، بڕیاردار وەفدێكی یەكگرتووی ئیسلامی ئێران، بەمزوانە سەردانی ئێران بكات بە مەبەستی وەرگرتنی بۆچوونی وڵاتی ئێران‌ودواتر رەخساندنی كۆبوونەوەیەكی فراوان بە مەبەستی ئاشتەوایی‌و لێكنزیكردنەوەی هەردوولا.
لە لێدوانێكی بۆ "لڤین پرێس" فەرهاد مەڵا صالح، ئەندامی مەكتەبی سیاسی یەكگرتووی ئیسلامی، هەواڵەكەی پشتراستكردە‌و وتی " هەوڵە سەرەتایەكان بۆ ئەم مەبەستە بەردەوامە بەڵام وردەكاریەكەی لای ئەو نیە".
هه‌ولێر - سه‌رتیپ قه‌شقه‌ی
10/03/2013
په‌رله‌مانی هه‌رێمی باسك داوا له یه‌كێتی ئه‌وروپا ده‌كات كاربكات بۆ چاره‌سه‌ركردنی پرسی نه‌ته‌وایه‌تی كورد له كوردستانی توركیا، پێشنیازیش ده‌كات مه‌رجی سه‌ره‌كی وه‌رگرتنی توركیا له یه‌كێتی ئه‌وروپا، پابه‌ندبوونی بێت به رێزگرتن له مافه سیاسی و كلتورییه‌كانی گه‌لی كورد.
رۆژی 5-3، په‌رله‌مانی هه‌رێمی باسك-ی ئیسپانیا، له دانیشتنێكدا به زۆرینه‌ی ده‌نگ پێشنیازێكی پارتی ئه‌هبیلۆ-ی په‌سه‌ند كرد كه داوا له یه‌كێتی ئه‌وروپا ده‌كات گوشار بخاته سه‌ر حكومه‌تی توركیا بۆ چاره‌سه‌ركردنی دۆزی گه‌لی كورد له‌و وڵاته به‌ڕێگای ئاشتی.
په‌رله‌مانی باسك له‌و پێشنیازه‌یدا بۆ یه‌كێتی ئه‌وروپا كه له‌لایه‌ن ئیداره‌ی هه‌رێمه‌كه‌شه‌وه په‌سه‌ندكراوه، داوا ده‌كات به زووترین كات كۆتایی به شه‌ڕو ئاڵۆزییه‌كانی كوردستانی توركیا بهێندرێت و چاره‌سه‌ركردنی پرسی نه‌ته‌وایه‌تی كورد و رێزگرتن له مافی مرۆڤیش بكرێته مه‌رجی سه‌ره‌كی بۆ وه‌رگرتنی ئه‌و وڵاته به ئه‌ندامی یه‌كێتییه‌كه.
هه‌ر له‌و دانیشتنه‌ی په‌رله‌مانی هه‌رێمی باسك، وێڕای ئیدانه‌ی تیرۆركردنی سێ ژنه سیاسه‌تمه‌داره‌كه‌ی كورد له پاریس-ی پایته‌ختی فه‌ره‌نسا، جه‌ختكرایه‌وه له‌وه‌ی هه‌رێمی باسك هاوكار و پشتیوانی گه‌لی كورد ده‌بێت، هه‌روه‌ك پشتگیریشیان له پرۆسه‌ی ئاشتی نێوان نوێنه‌رانی كوردو حكومه‌تی توركیا ده‌ربڕی.
سه‌رچاوه/ رۆژنامه‌ی رادیكاڵ- ی توركی و: عه‌بدوڵڵا بابه‌كر حه‌مه‌ئاغا
PUKmedia
09/03/2013
سه‌ردانی حه‌وت وڵاتی عه‌ره‌بی كردوه، دۆستی سه‌دام حسێن بو، پشتیوانی له‌به‌شار ئه‌سه‌د ده‌كردو موعه‌مه‌ر قه‌زافیشی به" شه‌هید" ناوبرد، 13 جاریش سه‌ردانی ئێرانی كردوه.
سه‌رباری ئه‌وه‌ی له‌روی جوگرافییه‌وه زۆر له وڵاتانی خۆرهه‌ڵاتی ناوه‌ڕاست به‌تایبه‌تیش وڵاتانی عه‌ره‌بی و ئێرانه‌وه دوره، هۆگۆ چافێزی سه‌رۆكی فه‌نزه‌وێلا كه رۆژی سێ شه‌ممه به‌هۆی نه‌خۆشی شێرپه‌نجه‌وه گیانی له‌ده‌ستدا، جێگا په‌نجه‌ی خۆی له‌سه‌ر وڵاتانی ئه‌م ناوچه‌یه داناوه.
ته‌له‌فزیۆنی ئه‌لعه‌ره‌بییه به‌بۆنه‌ی مردنی چافێزه‌وه راپۆرتێكی له‌باره‌ی په‌یوه‌ندیه‌كانی له‌گه‌ڵ وڵاتانی عه‌ره‌ب و ئێران بڵاوكرده‌وه كه له ئه‌رشیفی ئه‌و سه‌رۆكه كۆچكردوه وه‌رگیراوه.
له لیبیا یاریگایه‌ك و له لوبنان دو شه‌قام و له غه‌ززه منداڵێك به‌ناوی (هۆگۆ چافێز) وه ناونراون له‌گه‌ڵ هه‌ندێك له‌وڵاتانی دیكه‌ی عه‌ره‌بیدا، چافێز له‌و ماوه‌یه‌دا كه سه‌رۆكی فه‌نزه‌وێلا بوه سێ جار سه‌ردانی سعودییه‌ی كردوه، ساڵی 2000 به ئۆتۆمبێلێك كه سه‌دام حسێن شۆفێری ده‌ركرد به‌ناو شه‌قامه‌كانی به‌غدا سوڕایه‌وه، ساڵی 2002 جارێكی دیكه سه‌ردانی عێراقی كرده‌وه، یه‌كه‌مین سه‌رۆكیش بو له‌نێو سه‌ركرده‌كانی جیهان ئیدانه‌ی هێرشی ئه‌مریكای كرد بۆسه‌ر رژێمه‌كه‌ی سه‌دام.
هه‌ر له‌ساڵی 2002 دا چافێز سه‌ردانی ژماره‌یه‌ك وڵاتی دیكه‌ی عه‌ره‌بی كرد كه ئه‌ندامن له‌رێكخراوی (ئۆپێك) دا، سه‌ركرده‌كانی ئه‌و وڵاتانه‌ی بانگهێشتكرد بۆ به‌شداریكردنی له‌لوتكه‌یه‌كی رێكخراوه‌كه‌دا كه له كاراكاسی پایته‌ختی وڵاته‌كه‌ی به‌ڕێوه‌ده‌چو، له‌دوای سعودیه و عێراق سه‌ردانی هه‌ریه‌كه له وڵاتانی قه‌ته‌ر و كوه‌یت و ئیمارات و لیبیا و جه‌زائیری کرد.
بارودۆخ رێگه‌ی به‌چافێز نه‌دا سه‌ردانی فه‌له‌ستین بكات، به‌ڵام مه‌حمود عه‌باس (ئه‌بو مازن) ساڵی 2009 سه‌ردانی كرد و له‌وێ چافێز مەدالیای ئازادی پله‌یه‌كی فه‌نزه‌وێلای پێبه‌خشی له‌گه‌ڵ كۆپییه‌ك له شمشێره‌كه‌ی (سیمۆن بۆلیڤار)، باڵیۆزخانه‌ی فه‌نزه‌وێلای له‌فه‌له‌ستین كرده‌وه و داوای له‌وه‌زیری په‌روه‌رده‌ی وڵاته‌كه‌شی كرد نه‌خشه‌ی فه‌له‌ستین به‌سه‌ر خوێندکاراندا دابه‌شبكه‌ن تاوه‌كو بزانن ئه‌و خاكه چه‌ند بچوكه بۆ گه‌له‌كه‌ی.
هۆگۆ چافێز له‌ساڵانی 2006 و 2009 دا سه‌ردانی سوریای كرد و چوه شاری سوه‌یدا، به‌گه‌رمی پێشوازی لێكرا و ئه‌ویش به ستایشكردنی سوڵتان پاشا ئه‌تره‌ش وه‌ڵامی پێشوازییه‌كه‌ی دایه‌وه، دواتر له‌لایه‌ن جه‌ماوه‌ره‌وه چه‌پڵه باران كرا كاتێك باسی له رێبه‌ری شۆڕشی سوریا كرد له‌دژی داگیركاری فه‌ره‌نسا له‌سه‌ره‌تاكانی سه‌ده‌ی رابردودا.
به‌شار ئه‌سه‌د، وه‌ك یه‌كه‌مین سه‌رۆكی سوریا و وه‌ك وه‌ڵامدانه‌وه‌یه‌ك بۆ ئه‌و سه‌ردانانه‌ی چافێز ساڵی 2010 پێی خسته ناو خاكی فه‌نزه‌وێلا و له‌و كاته‌شه‌وه له‌هه‌مو بۆنه‌یه‌كدا چافێز پشتیوانی خۆی بۆ ئه‌سه‌د راده‌گه‌یاند.
توڕه‌بون له‌كوژرانی قه‌زافی و ناوهێنانی به‌شه‌هید و سه‌ردانه‌كانی بۆ ئێران
هه‌ر له‌ژیانی سه‌رۆكایه‌تیدا چافێز چوار جار سه‌ردانی جه‌زائیری كردوه و په‌یوه‌ندیه‌كانی خۆی له‌گه‌ڵ ئه‌و وڵاته‌دا توندتۆڵ كردوه، یه‌كێك له‌گۆڕه‌پانه‌كانی كاراكاسی پایته‌ختی وڵاته‌كه‌ی به‌ناوی عه‌بدولقادری جه‌زائیرییه‌وه ناونا، به‌ر له‌ساڵێكیش په‌یكه‌رێكی ئه‌و سه‌ركرده شۆڕشگێڕه‌ی جه‌زائیری له‌ناو گۆڕه‌پانه‌كه‌دا دانا، وه‌ك وه‌ڵامدانه‌وه‌یه‌كیش بۆ ئه‌و ده‌ستپێشخه‌رییه‌ی چافێز، ساڵی 2009 حكومه‌تی جه‌زائیر له پایته‌ختی وڵات په‌یكه‌رێكی یاده‌وه‌ری بۆ (سیمۆن بۆلیڤار) دانا كه ناسراوه به رزگاركه‌ری حه‌وت وڵاتی ئه‌مریكای لاتینی له‌ده‌ست داگیركاری ئیسپانیا له‌سه‌ره‌تاكانی سه‌ده‌ی نۆزده‌هه‌مدا.
چافێز په‌یوه‌ندییه‌كانی فه‌زه‌وێلای له‌گه‌ڵ لیبیاشدا به‌هێز كرد، سێ جار سه‌ردانی لیبیای كرد، ساڵی 2009 له شاری به‌نغازی لیبیا یاریگایه‌ك به‌ناوی ئه‌وه‌وه ناونرا، به‌ڵام دوای (شۆڕشی 17 فێبرایه‌ر) ده‌سه‌ڵاتدارانی نوێی لیبیا ناوی ئه‌و یاریگایه‌یان گۆڕی بۆ (یاریگای شه‌هیدانی به‌نینه).
له‌كاتی شۆڕشی 17 فێبرایه‌ردا چافێز پشتیوانی له عه‌قید موعه‌مه‌ر قه‌زافی كرد، دواتر كوژرانی عه‌قید توڕه‌ی كرد‌و به "شه‌هید" ناوی برد.
چافێز په‌یوه‌ندیه‌كی به‌هێزیشی له‌گه‌ڵ ئێران هه‌بو، 13 جاری سه‌ردانی ئێرانی كردوه‌‌و له‌به‌رامبه‌ردا مه‌حمود ئه‌حمه‌دی نه‌ژادی ئێران شه‌ش جار سه‌ردانی فه‌نزه‌وێلای كردوه.
له‌سه‌ر ئاستی جه‌ماوه‌ریش له‌ناو وڵاتانی عه‌ره‌بدا چافێز به‌ده‌ركردنی باڵیۆزی ئیسرائیل له‌وڵاته‌كه‌ی و پچڕاندنی په‌یوه‌ندی له‌گه‌ڵ ته‌لئه‌بیب به‌هۆی جه‌نگی غه‌ززه‌ی ساڵی 2008 وه، دڵی عه‌ره‌به‌كانی بۆخۆی كێش كرد، به‌وهۆیه‌وه ساڵی 2009 ناوی یه‌كێك له‌شه‌قامه‌كانی كه‌مپی نه‌هر بارد له‌باكوری لوبنان ناونرا شه‌قامی هۆگۆ چافێز، له‌هه‌مان ساڵدا شه‌قامێك له‌شارۆچكه‌ی (بیره) ناونرا چافێز، سه‌رباری ئه‌وه‌ش چافێز هه‌رگیز سه‌ردانی لوبنانی نه‌كرد، به‌ڵام ده‌وترێت له‌فه‌نزه‌وێلا نزیكه‌ی 100 هه‌زار ره‌وه‌ندی لوبنانی هه‌یه.
شیرینی فرۆشتن له‌شه‌قامه‌كان و مێبازی سه‌رۆك
هۆگۆ چافێز كه ساڵی 1954 له‌ماڵی باپیری له‌شارۆچكه‌ی سبانیتا له‌ویلایه‌تی (باریناس) له‌دایكبوه و كوڕی دوه‌مه له‌نێو حه‌وتی كوڕی خانه‌واده‌یه‌كدا كه به‌شێوه‌یه‌كی هه‌ژارانه ژیاون، له تافی لاوێتیدا چافێز له‌شه‌قامه‌كانی شارۆچكه‌كه‌یاندا شیرینی فرۆشتوه.
ژیانی هه‌ژاری بۆ چافێز زۆر به‌سه‌ختی تێپه‌ڕیوه، تا ئه‌و كاته‌ی له‌ساڵی 1971 چوه‌ته ئه‌كادیمیای سه‌ربازی، ماوه‌ی چوار ساڵ له‌و ئه‌كادیمیایە خوێندویه‌تی و دوای خوێندن چافێز ماوه‌ی 16 ساڵ به‌شێوه‌یه‌كی ئاسایی ژیاوه، به‌ڵام به‌هه‌وڵێكی كوده‌تاكردن له‌ساڵی 1992 كه به "ئۆپه‌راسیۆنی زامۆرا" ناسرابو ره‌وتی ژیانی گۆرا، ئه‌وه كوده‌تایه‌كی شكستخواردو بو كه چافێز سه‌ركردایه‌تی كرد بۆ لابردنی سه‌رۆكی ئه‌و كاته‌ی وڵات كارلۆس ئه‌ندرێس پێرێس، به‌وهۆیه‌شه‌وه ماوه‌ی دو ساڵ زیندانی كرا.
سه‌رباری ئه‌وه‌ی دوجار هاوسه‌رگیری كردوه و خاوه‌نی چه‌ند منداڵێکە، له‌فه‌نزه‌وێلا هۆگۆ چافێز به "مێباز" ناوده‌برێت، ساڵی 1977 هاوسه‌رگیری یه‌كه‌می له‌گه‌ڵ نانسی كولومینارس كردوه و دو كچ و كوڕێكیان هه‌یه، به‌ڵام به‌هۆی ئه‌وه‌ی كوڕه‌كه‌یان دوچاری جۆرێك له‌نه‌خۆشی عه‌قلی هات، چافێز كه‌وته گه‌ڕان به‌دوای ژنێكی دیكه‌دا تاوه‌كو بتوانێت ببێته خاوه‌نی كوڕێكی ته‌ندروست كه دوای خۆی جێگای بگرێته‌وه و ناوه‌كه‌ی هه‌ڵگرێت.
گه‌ڕان به‌دوای كوڕێكی ساغ و سه‌لامه‌ت وایكرد ساڵی 1992 له‌هاوسه‌ری یه‌كه‌می جیاببێته‌وه و به‌دوای هاوسه‌رێكی نوێدا بگه‌ڕێت، له‌هه‌مان ساڵدا كۆتایی هێنا به‌په‌یوه‌ندیه‌كی سۆزداری نهێنی له‌گه‌ڵ هێرما مركسمان ژنه مێژونوسی چه‌پ، به‌بێ ئه‌وه‌ی ئه‌و په‌یوه‌ندییه هیچ كوڕێك بۆ چافێز به‌رهه‌م بهێنێت، چافێز له‌و ژنه جیابویه‌وه كه زۆر خۆشی ده‌ویست و كاریگه‌رییه‌كی گه‌وره‌شی له‌سه‌ر كه‌سایه‌تی هه‌بو.
دواتر چافێز ژنه رۆژنامه‌نوس ماریزابێل رۆدریگزی ناسی، ساڵی 1997 هاوسه‌رگیری له‌گه‌ڵ كرد و ساڵی 2000 لێی جیابوه‌وه، به‌ڵام له‌م ژنه‌ش ته‌نها كچێكی بو، له‌ماوه‌ی 10 ساڵی كۆتایی ژیانیشیدا لە گەڕاندابو به‌دوای منداڵێكی كوڕدا، به‌ڵام هه‌وڵه‌كانی بێ ئاكام بون و له‌ژنێكه‌وه ده‌یگواسته‌وه بۆ ژنێكی دیكه.
سبەی
09/03/2013
ئەنجومەنی رۆژنامەنوسانی رۆژهەلاتی كوردستان رای دەگەیەنێت كە هەر یەكە لە قاسم ئەحمەدی سەرنوسەری پێشووی وەرزنامەی"رۆژەف"و خوسرەو كوردپور بەریوەبەری ئاژانسی هەواڵیی موكریان لە شاری مەهاباد دەستگیر كران.
زانراوە كە خوسرەو كوردپور لە سەر داوای وەزارەتی ئیتلاعاتی شاری مەهاباد بە تۆمەتی كاری رۆژنامەوانی‌و بلاوكرانەوەی هەوال‌و زانیاری لە سەر دۆخی زیندانیان‌و پیشیلكردنی مافی مرۆڤ لە كوردستان دەستگیر كراوە.
هەروەها قاسم ئەحمەدی سەرنوسەری پیشووی وەرزنامەی "رۆژەڤ"یش لەلایەن وەزارەتی ئیتلاعاتی مەهابادەوە قولبەست كراوە. ئەمە لە گەڵ ئەوەی باس لە دەستگیركردنی چەند چالاكوانێكی فەزای مەجازی لە شارەكانی سنە، پاوە‌و مەهابادیش دەكرێت.
ئەم دەستگیركردنانە دوای ئەو دێت كە لە كۆتایی مانگی رابردوو 12 رۆژنامەنوسی تری كورد لە پارێزگای ئیلام قولبەست كران‌و هاوكات لە شاری تارانیش 16 رۆژنامەنوسی تر زیندانی كران.
ئەنجومەنی رۆژنامەنوسانی رۆژهەلات نیگەرانی خوی لە دەستگیركردنی رۆژنامەنوسانی كورد لە ئێران دەردەبرێت‌و هاوكات داوای ئازادكردنی گیراوەكان دەكات.
ئەنجومەنی رۆژنامەنوسانی رۆژهەلاتی كوردستان
7/3/2013
بڕیاره 2 رۆژ پێش یادی 25 ساڵه‌ی كیمیابارانكردنی هه‌ڵه‌بجه، وه‌فدێكی 10 كه‌سی بۆ گێڕانه‌وه‌ی جینۆسایدی كورد سه‌ردانی كۆشكی سپی له ئه‌مریكا بكه‌ن.
فواد عوسمان، گوته‌بێژی وه‌زاره‌تی كاروباری شه‌هیدان و ئه‌نفالكراوانی هه‌رێم، له لێدوانێكدا به ئاژانسی هه‌واڵی په‌یامنێری راگه‌یاند وه‌فده‌كه رۆژی دووشه‌ممه ده‌ڕۆن و رۆژانی 14 و 15 ی ئه‌م مانگه بڕیاره ئۆبامای سه‌رۆكی ئه‌مریكا و جێگره‌كه‌ی ببینن.
گوتیشی، 10 كه‌سه‌كه‌ی وه‌فده‌كه كه دانیشتووی شارۆچكه‌ی هه‌ڵه‌بجه‌ی شه‌هیدن و 6 كه‌سیان به‌ركه‌وتووی چه‌كی كیمیایین و 4ی دیكه‌یان پارێزه‌رن، له‌گه‌ڵ قائیمقائیمی هه‌ڵه‌بجه و سه‌رۆك شاره‌وانی ده‌رۆن بۆ ئه‌وه‌ی به‌شێوه‌یه‌كی راسته‌وخۆ رووداوه‌كان به كۆشكی سپی و كۆنگرێس رابگه‌یه‌نن.
روونیشیكرده‌وه، ئه‌وه‌یه‌كه‌م سه‌ردانی له‌وجۆره‌یه كه بۆ ئه‌و مه‌به‌سته بۆ ئه‌مریكا رێكبخرێت و بڕیاریشه وه‌فده‌كه به هاوكاری باڵوێزی ئه‌مریكا له عێراق و نوێنه‌رایه‌تیی حكومه‌تی هه‌رێم له ئه‌مریكا و زانكۆی كانتڵ بچنه ئه‌مریكا و دوای سه‌ردانه‌كه‌ش له زانكۆی كانتڵ توێژینه‌وه‌یه‌ك ئه‌نجام ده‌درێت و سه‌رجه‌م به‌ڵگه‌نامه‌كان كه له ئه‌مریكا پێشكه‌ش كراون، ده‌هێندرێنه‌وه كوردستان.
دڵشاد ئه‌حمه‌د/ ئا. ر
pna
09/03/2013
له چوارچێوه‌ی پێشوازیكردنی له وه‌فدێكی په‌رله‌مانی توركیا، سه‌رۆك كۆماری سوریا، رایگه‌یاند، سیاسه‌تی حكومه‌تی توركیا سووره له‌سه‌ر پاڵپشتی كردنی "تیرۆرستان" و لایه‌نگیركردنیان.
دوێنێ(پێنجشه‌ممه 7ی ئازار) ئاژانسه‌كانی هه‌واڵ بڵاویانكردۆته‌وه، له‌به‌یاننامه‌یه‌كی سه‌رۆكایه‌تیدا هاتووه، سه‌رۆك كۆماری سوریا به‌شار ئه‌سه‌د له‌كاتی پێشوازیكردنیدا له وه‌فدێكی په‌رله‌مانی توركیا، ئاماژه‌ی به‌وه كردووه، پێویسته جیاوازی بكرێت له نێوان گه‌لی توركیا و هه‌ڵویسته‌كانی حكومه‌ت"ره‌جه‌ب ته‌یب ئه‌ردۆغان" كه سووره له‌سه‌ر پاڵپشتیكردنی تیرۆر و نانه‌وه‌ی په‌شێوی له ناوچه‌كه‌دا.
به‌پێی به‌یاننامه‌كه، به‌شار ئه‌سه‌د جه‌ختی له‌وه كردۆته‌وه، گه‌لی سوریا به هه‌ڵویسته‌كانی گه‌ل و لایه‌نه سیاسیه‌كانی توركیا ده‌زانێت و سیاسه‌تی حكومه‌تی ئه‌ردۆغانیش ره‌تده‌كه‌نه‌وه كه كاریگه‌رییه‌كی خراپی له هه‌موو جۆری نه‌ته‌وه‌یی ئاینی له‌سه‌ر كۆمه‌ڵگاكه‌مان له ناوچه‌كه داناوه نه‌ك له سوریا و توركیا.
له درێژه‌ی به‌یاننامه‌كه‌دا هاتووه، وه‌فدی په‌رله‌مانی توركیا، پێكهاتبوون له ئه‌ندامانی حزبی گه‌لی كۆماری و به‌سه‌ركردایه‌تی حه‌سه‌ن ئاك گول رایانگه‌یاندووه،" گه‌لی توركیا ره‌تیده‌كه‌نه‌وه ده‌ستوه‌ربده‌نه ناو كاروباره‌كانی سوریا و سووریشن له‌سه‌ر په‌یوه‌ندیه باشه‌كانی دراوسێیه‌تیان."
وه‌فده‌كه هۆشیاری ئه‌وه‌شیان دابوو، مه‌ترسی و كاریگه‌ری قه‌یرانه‌كه‌ی سوریا بۆ ناو توركیا به شێوه‌یه‌كی تایبه‌ت و به شێوه‌یه‌كی گشتیش له‌سه‌ر ناوچه‌كه.
08/03/2013
رۆژنامەی دەیلی میلی بەریتانیا ئاشكرای كردووە كە كچانی ئێرانی ئەوانەی لەتەمەنی 14 ساڵ بەرەو سەرە زۆرینەیان لە پێناو جوانكردنی رووخساریاندا پەنا بۆ ئەنجامدانی نەشتەرگەری لوت دەبەن.
تێچووی نەشتەرگەرییەكانی جوانكاری لە 5 تا 6 ئەوەندەی مووچەی مووچەخۆرێكی ئاسایی تێدەچێت. لەگەڵ ئەوەشدا بەپێی راپۆرتی رۆژنامەكە، ساڵانە نزیكەی 200 هەزار ئێرانی ئەو نەشتەرگەرییە ئەنجام دەدەن.
لە نێو ئەو هۆكارانەدا كە وادەكەن ئێرانییەكان پەنا بۆ جوانكاری لوت ببەن، بەدەستهێنانی متمانەیەكی زیاتری بەخۆبوونە كە وادەكات هەلی شووكردنیان زیاتر بێت.
ژنێکی ئێرانی کە قسەی بۆ رۆژنامەی گاردیانی بەریتانیا كردووە، دەڵێ: ئەوە سرووشتی مرۆڤە كە هەمیشە حەزدەكات جوانتر دەربكەوێت.
رۆژنامەكە روونیكردووەتەوە برەو پەیداكردنی ئەو كارە، وایكردووە ژمارەیەكی زۆری پزیشكی ناشارەزا و لێنەهاتوو دەستبدەنە ئەو كارە لە كاتێكدا مۆڵەتیان نییە و ئەوەش مانای ئەوەیە هەندێك كەس لە پێناوی ئەو كارەدا ژیانی خۆیان دەخەنە مەترسییەوە.
لە تاراندا تەنیا 157 پزیشكی نەشتەركاری رێگەپێدراو هەیە بۆ ئەو كارە و مەترسییەكە ئەوەیە كە نزیكەی 7 هەزار نەشتەركار بەبێ مۆڵەت ئەو كارە دەكەن.
سەرچاوە: ئیلاف
ئا: زانیار نوری
07/03/2013
ئەنجومەنی وەزیرانی ئێران، لەكۆبونەوەیەكدا بەسەرۆكایەتی ئەحمەدی نەژادی سەرۆكی ئەو وڵاتە، رۆژێك ماتەمینی بۆ مردنی هۆگۆ چاڤێز سەرۆكی فەنزوێلا راگەیاند.
ئاژانسی هەواڵی “فارس” بڵاویكردەوە ئەحمەدی نەژاد، بەناوی حكومەت‌و گەلی ئێرانەوە بروسكەیەكی ماتەمینی ئاڕاستەی بەرپرسانی فەنزوێلا‌و گەلی ئەو وڵاتە كردوە‌و رایگەیاندووە چاڤێز لەگەڵ دادپەروەری‌و سۆز‌و ئازادیدا بووە.
سەرۆكی ئێران پێیوابووە مردنی چاڤێز هەموو خۆشەویستانی توشی شۆك كردوە‌و رایگەیاندوە فەنزوێلا رۆڵەیەكی ئازا‌و جیهانیش شۆڕشگێرێكی مەزنی لەدەستداوە.
دوێنێ سێشەممە هۆگۆ چاڤێز لەتەمەنی 58 ساڵیدا بەنەخۆشی كۆچی دوایی كرد.
hawlati
06/03/2013
ڕۆژنامەی ئەكشامی توركی جەخت دەكاتەوە كە ئێستاكە سەرۆكی هەرێمی كوردستان ڕۆڵێكی سەرەكی لە دۆخی ناوخۆی عێراق و توركیادا دەبینێت و هەر بۆیە نووسیویەتی كە "كۆنتڕۆڵ لە دەست سەرۆكی هەرێمدایە."
ڕۆژنامەكە لەسەر زاری سەرچاوەیەكی خۆیەوە كە ناوی نەهێناوە، بڵاوی كردووەتەوە كە نەخشەڕێگەی پرۆسەی ئاشتی لە توركیا ڕوونە و هۆیەكەیشی بۆ ئەمە گەڕاندووەتەوە كە سەرۆكی هەرێمی كوردستان مەسعوود بارزانی، بە تەواوی پشتگیری لە پڕۆسەكە دەكات.
ئەكشام نووسیویەتی "سەرۆكی هەرێمی كوردستان ڕۆڵێكی گرنگ لە چەكدانانی پارتی كرێكارانی كوردستان و كشانەوەی لە خاكی توركیا دەبینێت. دوای ئەمەیش شاندێكی هەرێمی كوردستان سەردانی توركیا دەكات بۆ دانانی نەخشەڕێگەیەكی درێژ بە مەبەستی چارەكردنی پرسی كورد لە توركیا." ئەكشام ئەو شاندەی بە شاندی ئاشتی ناو بردووە.
پەكەكە چەك دادەنێت، لە خاكی توركیا دەكشێتەوە، شاندی هەرێم سەردانی توركیا دەكات، نەخشەڕێگەی درێژ بۆ چارەكردنی پرسی كورد لە توركیا دادەنرێت، ڕۆژنامەی ئەكشام پێی وایە ئەمە قۆناغەكانی پڕۆسەی چارەكردنی پرسی كوردن لە توركیادا.
سايتى هه‌ولێر
06/03/2013
حكومه‌تی ڤه‌نزوێلا هه‌واڵی مردنی هۆگۆ چاڤێز-ی سه‌رۆكی وڵاته‌كه‌ی راگه‌یاند.
نیكۆلاس مادۆرۆ، جێگری سه‌رۆكی ڤه‌نزوێلا له راگه‌یاندراوێكی ره‌سمیدا كه ته‌له‌فزیۆنی ئه‌و وڵاته بڵاویكرده‌وه، رایگه‌یاند كه چاڤێز دوای دوو ساڵ له ململانێ له‌گه‌ڵ نه‌خۆشی شێرپه‌نجه، كۆچی دوایی كرد.
به‌و بۆنه‌یه‌شه‌وه حكومه‌تی ڤه‌نزوێلا 7 رۆژ ماته‌مینی راگه‌یاند و بڕیاریشه رۆژی هه‌ینی 8-3، مه‌راسیمی به‌خاسپاردنی چاڤێز به‌ڕێوه‌بچێت.
هۆگۆ چاڤێز كه له ساڵی 1998 ه‌وه سه‌رۆكایه‌تی ڤه‌نزوێلا ده‌كات، ماوه‌ی 14 ساڵ حوكمی ئه‌و وڵاته‌ی كرد و سه‌ره‌نجام له ته‌مه‌نی 59 ساڵیدا به نه‌خۆشی شێرپه‌نجه كۆچی دوایی كرد.
06/0372013
وەزارەتی دەرەوەی روسیا ئاشكرایكرد كە وڵاتەكەی نیگەرانە لە هەوڵەكانی ویلایەتە یەگگرتووەكانی ئەمریكا بۆ پڕچەككردنی ئۆپۆسزیۆنی سوریا و جەختیش لەسەر دەستپێكردنی دانوستاندن لەنێوان حكومەتی سوریا و ئۆپۆسزیۆن كردەوە بۆ كۆتاییهێنان بە ئازارەكانی گەلی سوریا.
ئەلكساندەر لۆكاشیفیتش وتەبێژی وەزارەتی دەرەوەی روسیا بە ئاژانسی هەواڵی نۆفۆستی روسیای راگەیاند: ئێمە نیگەرانین لەو لێدوانانەی كە لە رۆماوە بڵاوكراوەتەوە و گوایە بەرپرسانی ئەمریكا و چەند وڵاتێكی رۆژئاوا بەنیازن ئۆپۆسزیۆنی سوریا پڕچەك بكەن.
وتیشی: روسیا بەردەوامە لە پەیوەندییەكانی لەگەڵ لایەنە پەیوەندیدارەكان بۆ چارەسەركردنی قەیرانی سوریا و راگرتنی توندوتیژی لە سوریا ودەستپێكردنی دانوستانەكان لەنێوان لایەنە ناكۆكەكان.
راشیگەیاند: هۆكاری بەردەوامبوونی توندوتیژییەكان لە سوریا، پشتیوانی هێزە دەرەكییەكانە بۆ ئۆپۆسزیۆنی سوریا كە هاوكاری دارایی و سەربازییان پێشكەشدەكەن لەجیاتی دۆزینەوەی چارەسەرێكی سیاسی بۆ قەیرانی سوریا .
سەرچاوە/ رۆژنامەی ئەلحەیات
وەرگێڕانی /عەبدولغەفار حسێن
07/03/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
