به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
سه‌رۆکایه‌تیی ده‌سته‌ی به‌ڕێوه‌به‌ری KCK دەربارەی پاشه‌کشه‌ی چەكدارانی پەكەكە له باکووری کوردستان ڕایدەگەیەنێت، قۆناکه یه‌کلایه‌نه نییه، قۆناخه‌که به‌و هه‌نگاوه دوو لایه‌نانه پێش ده‌که‌وێت که له ئه‌نجامی دیدار و دانوستاندنی نێوان رێبه‌رایه‌تیمان و ده‌وڵه‌تدا دێته ئاراوه، له‌سه‌ر ئه‌و بناخه‌یه‌یش له ئه‌نجامی ده‌سته‌به‌رکردنی زه‌وینه‌یه‌کی گرنگی یاساییدا ده‌شێ پاشه‌کشه‌کردنی هێزه‌کانمان بکه‌وێته رۆژه‌ڤه‌وه.
بەپێی هەواڵێکی ماڵپەڕی فیرات نیوزی نزیک لە پەکەکە، دوێنێ شەممە، سه‌رۆکایه‌تیی ده‌سته‌ی به‌ڕێوه‌به‌ری کۆما جڤاکێن کوردستان KCK له روونکردنه‌وه‌یه‌کی نووسراودا وه‌ڵامی ئه‌و لێدوانانه‌ی دایه‌وه که سه‌باره‌ت به پاشه‌کشه‌ی چەكدارانی پەكەكە له باکووری کوردستان ده‌کرێت و له به‌رامبه‌ر لێدوانه‌که‌ی سه‌رۆکوه‌زیرانی تورکیا، ره‌جه‌ب تەییب ئه‌ردۆغان که له که‌ناڵی ته‌له‌ڤزیۆنی "سی ئێن ئێن"ـدا گوتبووی (به ده‌ست له چه‌ک به‌ردان پاشه‌کشێ ده‌که‌ن)، وه‌ڵامی دایه‌وه و رایگه‌یاند: "به‌ر له هه‌موو شتێک ئه‌و زمان و شێوازی قسه‌کردنه‌ی ئه‌ردۆغان، تێگه‌یه‌کی نه‌رێنی وه‌ها دێنێته ئاراوه که وه‌کو بڵێی هه‌موو شتێک به شێوه‌یه‌کی یه‌کلایه‌نه و له‌ژێر ده‌ستپێشخه‌ریی ئه‌واندا دێته ئاراوه."
كەجەكە دەڵێت: "قۆناکه یه‌کلایه‌نه نییه، قۆناخه‌که به‌و هه‌نگاوه دوو لایه‌نانه پێش ده‌که‌وێت که له ئه‌نجامی دیدار و دانوستاندنی نێوان رێبه‌رایه‌تیمان و ده‌وڵه‌تدا دێته ئاراوه. ئه‌و شێوازی پاشه‌کشه‌ی که ئه‌ردۆغان بانگه‌شه‌ی بۆ ده‌کات به هیچ شێوه‌یه‌ک له مژاری ته‌ڤگه‌ڕه‌که‌ماندا نییه. به هه‌ڵگرتنی هه‌نگاوی پێویست له‌لایه‌ن ده‌وڵه‌ته‌وه و له‌سه‌ر ئه‌و بناخه‌یه‌یش له ئه‌نجامی ده‌سته‌به‌رکردنی زه‌مینه‌یه‌کی گرنگی یاساییدا ده‌شێ پاشه‌کشه‌کردنی هێزه‌کانمان بکه‌وێته رۆژه‌ڤه‌وه. له‌و چوارچێوه‌یه‌یشدا هه‌ڵگرتنی هه‌ندێک هه‌نگاوی کرداری مایینده‌ی و ته‌ندروستی بۆ رازیکردنی هێزه‌کانی گه‌ریلاکانمان، ناچارییه."
پێویسته ره‌چاوی شێوازی قسه‌کردن بکرێت
له روونکردنه‌وه‌که‌ی KCKـدا سه‌رنج بۆ ئه‌و دەستەواژەکانی (تیرۆر) و (تیرۆریست) راکێشراوه که ئه‌ردۆغان له جیاتی ناوهێنانی پرسی کورد به‌رده‌وام به کاریان دێنێت. KCK باوەڕی وایە ئه‌و دەستەواژانه له خاڵی جیددییه‌تی حکوومه‌ت له به‌رامبه‌ر به قۆناخه‌که، گومانێکی گه‌وره و نیشانه‌ی پرسیار دروست ده‌کات.
شەوی هینی و لە بەرنامەیەکی تەلەڤزیۆنیدا، سەرۆکوەزیرانی تورکیا، ڕجەب تەییب ئەردۆغان، ڕایگەیاند کە پاش چەکدانانی چەکدارانی پەکەکە و پاشەکشەکردنییان لە خاکی تورکیا، حکوومەتەکەی بە لایەوە گرنگ بۆ کوێ دەچن.
pna
31/03/2013
كه‌سی دووه‌م له حزبی ده‌عوه‌ی ئیسلامی عێراق، ماده‌ی 140 به" هه‌ڵوه‌شاوه و به‌سه‌رچوو" وه‌سف ده‌كات و ده‌ڵێت "شیعه له كورد زیاتر چه‌وه‌سێندراوه‌ته‌وه".
كوردستان ده‌یه‌وێ زیاتر له‌وه‌ی كه بۆی دابین كراوه به‌ده‌ستبهێنێت
عه‌لی ئه‌دیب، كه‌سی دووه‌م له حزبی ده‌عوه‌ی ئیسلامی عێراق كه له‌لایه‌ن نوری مالیكی سه‌رۆكایه‌تی ده‌كرێ، له هه‌ڤپەیڤینێكدا له ژماره‌ی ئه‌مڕۆی رۆژنامه‌ی (شه‌رقولئه‌وسه‌ت)ی چاپی له‌نده‌نی بڵاوبوه‌ته‌وه، باس له‌وه‌ده‌كات هه‌رێمی كوردستان ده‌یه‌وێ زیاتر له‌وه‌ی كه بۆی دابین كراوه به‌ده‌ستبهێنێت له مه‌سه‌له‌كانی فیدراڵی و سامانه سروشتییه‌كان.
ئه‌دیب، كه هاوكات وه‌زیری خوێندنی باڵا و توێژینه‌وه‌ی زانستی عێراقه، له باره‌ی ماده‌ی 140 ی تایبه‌ت به ناوچه دابڕێندرانه‌وه‌كان، ده‌ڵێت "ئه‌و ماده‌یه له‌سه‌رده‌می پۆل بێرمه‌ر، حاكمی پێشووی ئه‌مریكا له عێراق نوسراوه، دوایی خراوته نێو ده‌ستوور، كه بابه‌تێكه جێگه‌ی ناكۆكییه، چونكه ماوه‌كه‌ی به‌سه‌ر چووه و به ماده‌یه‌كی هه‌ڵوه‌شاوه داده‌نرێت".
140 به‌سه‌ر چووه و به ماده‌یه‌كی هه‌ڵوه‌شاوه داده‌نرێت
كه‌سی دووه‌می نێو حزبی ده‌عوه پێیوایه "كورد ده‌وێ به‌رده‌وام بێت له‌سه‌ر ماده‌ی 140 و حكومه‌تی فیدراڵیش هه‌موو تواناكانی ته‌نیا بۆ ئه‌و ماده‌یه بخاته‌گه‌ڕ، دواتریش بیخاته سه‌ر هه‌رێمی كوردستان و ئابوورییه‌كی سه‌ر به‌خۆی به‌ده‌ستبهێنێت".
له وه‌ڵامی ئه‌و پرسیاره‌ی كه كورد چ پێویستییه‌كی به كه‌ركووك هه‌یه، له‌كاتێكدا خۆیان نه‌وتیان هه‌یه، عه‌لی ئه‌دیب ده‌ڵێت " نه‌وتی كوردستان به‌شیان ناكات، چونكه ئه‌وان 250 هه‌زار به‌رمیل نه‌وت به‌رهه‌م ده‌هێنن له رۆژێكدا، به‌ڵام كه‌ركووك ته‌نیا 450 بۆ 500 هه‌زار به‌رمیل نه‌وت له رۆژێكدا به‌رهه‌می هه‌یه".
نه‌وتی كوردستان نه‌وتێكی قورسه
ناوبراو نه‌وتی كوردستان به زۆرێكی خراپ ده‌زانێت و پێیوایه "نه‌وتی كوردستان نه‌وتێكی قورسه و ده‌بێ له‌گه‌ڵ نه‌وتی دیكه‌دا كه نه‌وتی سووكه تێكه‌ڵ بكرێت تاوه‌كو بفرۆشرێ".
هاوكات راشیگه‌یاندووه "ته‌نیا كورد به‌ده‌ستی به‌عس نه‌چه‌وساوته‌وه، به‌ڵكو شیعه خراپتر چه‌وه‌ساوه‌ته‌وه، چونكه كورد شاخی هه‌بووه په‌نای بۆ بردووه، به‌ڵام شیعه هیچ په‌ناگه‌یه‌كی نه‌بووه".
rudaw
31/03/2013
سەرۆکوەزیرانی تورکیا ئاماژه بۆ ئه‌وه ده‌کات که سیسته‌می ویلایه‌تی بۆ ئێستای تورکیا پێویسته و پێشتریش له سەردەمی ئیمپراتۆری عوسمانی ویلایەتی کوردستان و لازیستان هەبووە.
(رەجەب تەیب ئەردۆغان)، له میانه‌ی دیمانه‌یه‌کیدا له‌گه‌ڵ که‌ناڵی ” CNN turk” رایگەیاند “تورکیایەکی بەهێز دەبێ هیچکات لە سیستەمی ویلایەتی نەترسێت. سیستەمی ویلایەتی پێشکەوتن بەدوای خۆیدا دێنێ و ئەوە نیشانەی بەهێزبوونە. لە سەردەمی عوسمانیدا ویلایەتی کوردستان و لازیستان هەبوو. ئێستاش پیاده‌کردنی گرنگ و کاریگه‌ره”.
(ئه‌ردۆغان) هه‌روه‌ک ڕه‌خنه‌یشی له حزبی “MHP” به‌وه‌ی له‌لایه‌ک خۆیان به میراتگری عوسمانییه‌کان ده‌زانن و له‌لایه‌کی دیکه‌یشه‌وه دژایه‌تی سیسته‌می ویلایه‌ت ده‌که‌ن.
هه‌روه‌ک ئه‌وه‌یشی دووپات کردووه‌ته‌وه که ئێستا پرۆسه‌ی ئاشتی له تورکیا ده‌ستی پێکردووه و زۆرنه‌ی ڕه‌های هاووڵاتیانیش پشتگیری ده‌که‌ن و ئێمه‌ش وه‌کو حکوومه‌ت پشتگیری لێ ده‌که‌ن.
له‌باره‌ی گه‌ریلاکانینی پارتی کرێکارانی کوردستان PKK ـیشه‌وه سه‌رۆکوه‌زیرانی تورکیا ڕایگه‌یاند “ئەوانەی پاشەکشە دەکەن با چەکەکانی خۆیان دابنێن و بکشێنەوە..
سەبارەت بە هەرێمی کوردستانیش ئاماژه‌ی بۆ ئه‌وه کردووه (مالیکی) ده‌یه‌وێت کێشه‌کانی له‌گه‌ڵ هه‌رێم بخاته ئه‌ستۆی ئێمه، به‌ڵام ئێمە لەگەڵ هەرێمی کوردستان پەیوەندیمان بەرقەرار کرد و رێککەوتننامەمان واژۆ کرد. هیچ خاڵێکی دەستووری نییە کە رێگری لەو رێککەوتننامەیە بکات. هێڵێکی گواستنەوەی نەوت هەیە و رەنگە هێڵێکی نوێش دابندرێت.
سایتى هه‌ولێر
30/03/2013
سەرۆکی کۆنسەی بەڕێوەبەری کۆما جڤاکێن کوردستان KCK دەڵێ "هەڤاڵه‌کانم ده‌یانه‌وێ درێژه به‌م شه‌ڕه بده‌ین، هه‌وڵ ده‌ده‌م به بڕیارى ئاشتى رازیان بکه‌م".
موراد قەرەیلان، سەرۆکی کۆنسەی بەڕێوەبەری کۆما جڤاکێن کوردستان KCK لە چاوپێکەوتنێکدا لەگەڵ ئاژانسی رۆیته‌رز رایگەیاندووە "سه‌دان هه‌ڤاڵمان له ته‌نیشتمانه‌وه شه‌هیدبوون، ده‌بێ بڵێم که هه‌ڤاڵه‌کانم ده‌یانه‌وێ درێژه به‌م شه‌ڕه بده‌ین، رێکخستن بڕیارى ئاشتى داوه، به‌ڵام شه‌ڕڤانانى ئاستى ناوین ده‌ڵێن ده‌توانن درێژه به شه‌ڕ بده‌ن، من هه‌وڵ ده‌ده‌م به بریارى ئاشتى رازیان بکه‌م".
رۆیته‌رز دواى پێناسه‌کردنى ئه‌و هه‌لومه‌رجه‌ى که گه‌ریلا تێیدا ده‌ژى و، باس کردن له‌و بنکه و سه‌نگه‌رانه‌ی گه‌ریلاکان که لایه‌ن هێزه ئاسمانییه‌کانی سوپای تورکه‌وه لێیاندراوه، رایده‌گه‌یه‌نێت که له چیاى قه‌ندیل گه‌ریلا زۆر به گومانه‌وه هه‌ڵوه‌سته‌ی له‌سه‌ر ئاشتى له‌گه‌ڵ ده‌وڵه‌تى تورکیا ده‌کات.
رۆیته‌رز ئاماژە بە ژمارەی گەریلاکانی PKK دەکات که "له قه‌ندیل 3 ــ 4هه‌زار گەریلا و له ناوخۆى تورکیادا نزیکه‌ى هەزار و 500 تا دوو هه‌زار گه‌ریلا هه‌ن، ئه‌و هێزه کاریگه‌رى زۆرى سه‌ربازى هه‌یە".
لە بەشێکی هەواڵەکەی رۆیته‌رزدا هاتووە "ئه‌ردۆغان ده‌ڵێ تا ئه‌و کاته‌ى چه‌کى خۆیان داده‌نێن، سوپای تورکیا ئۆپه‌راسیۆنه‌کانیان له دژى PKK درێژه پێده‌ده‌ن، به‌ڵام ئه‌وان گه‌ره‌نتى دەدەن که له کاتى کشانه‌وه‌دا نابنه ئامانجى ئۆپه‌راسیۆنه‌کان. قەرەیلان خۆى داواى گه‌ره‌نتى په‌رله‌مانى تورکیا ده‌کات و رایده‌گه‌یه‌نێ که هێشتاش فڕۆکه جه‌نگییه‌کانى سوپای تورکیا له‌سه‌ر چیاکانى کوردستان ده‌فڕن و، گه‌ریلا وه‌ڵامى ئه‌و فڕۆکانه ده‌ده‌نه‌وه که نزیکی هه‌رێمه‌کانیان ده‌بنه‌وە".
قەرەیلان رایگەیاندووە "ئێمه بۆ شه‌ڕ ئاماده‌ین، به‌ڵام بۆ ئاشتیش ئاماده‌ین، ئەگه‌ر له‌به‌رامبه‌ر هێزه‌کانمان هێرش ئه‌نجام بدرێت، مافى خۆپاراستن به‌کاردێنین".
سەرۆکی کۆنسەی بەڕێوەبەری KCK دەڵێ "هێشتا زووه باس له چه‌کداماڵینى گه‌ریلا بکرێ، ده‌بێ سه‌ره‌تا له ده‌ستوورى بنه‌ڕه‌تیدا گۆڕانکارى ئه‌نجام بدرێ، ماف و ئازادییه‌کانى کورد تێیدا گه‌ره‌نتى بکرێ و، دان به مافی کورد دا بنرێ".
لە درێژەی هەواڵەکەدا هاتووە "گه‌ریلایه‌کى ژن ده‌ڵێ له 13 ساڵییه‌وه په‌یوه‌ندى به رێکخستنه‌وه کردووه و ماوه‌ی 15 ساڵه له چیاکانى کوردستان گه‌ریلایه ، تامى ئازادى کردووه و رۆڵى پێشه‌نگى وه‌رگرتووە".
گه‌ریلایه‌کى دیکە نیگه‌رانیه‌کانى خۆى له‌سه‌ر دابڕان له ژیانى چیا ده‌خاته‌ڕوو و ده‌ڵێ "به راستى ناتوانین ده‌ست له‌م ژیانه به‌رده‌ین. من هه‌ندێ جار به خۆم ده‌ڵێم کاتێک بگه‌ڕێمه‌وه نێو بنه‌ماڵه‌که‌م و ئاشتى و ئازادیش هه‌بێ ، داخۆ من ده‌توانم چى بکه‌م ، من ئه‌وه‌نده به‌م ژیانه راهاتووم ناتوانم لێى دابڕێم".
موراد قەرەیلان لە رێکەوتی 23/3/2013 لە گرتەیەکی ڤیدیۆییدا پەیامی ئاگربەستی راگەیاند.
پەیامەکەی قەرەیلان دوای پەیامە نەورۆزییەکەی عەبدوڵڵا ئۆجەلان، سەرۆکی بەندکراوی پارتی کرێکارانی کوردستان PKK هات کە داوای بێدەنگکردنی چەکەکانی کردبوو.
30/03/2013
کۆماری ئیسلامی ئێران رادەستکردنی باڵیۆزخانەی سووریا لە قەتەر بە هێزەکانی ئۆپۆزیسیۆنی سووریای بە بڕیارێکی بەپەلە و دژبەگەل ناو دەبات.
ئەمیر حوسێن ئێلاهیان، جێگری وەزیری دەرەوەی ئێران لە یەکەم کاردانەوەدا لە بەرامبەر رادەستکردنی باڵیۆزخانەی سووریا لە قەتەر بە ئۆپۆزیسیۆنی سووریا، رایگەیاند "رادەستکردنی باڵیۆزخانە بە گرووپێکی بچووک کە هەڵبژێردراوی خەڵک نین، بڕیارێکی بەپەلە و دوور لە عورفە".
جێگری وەزیری دەرەوەی ئێران گوتیشی "خەڵکی خۆڕاگر و تێگەیشتووی سووریا هیچکات رێگە نادەن خەڵکانێکی تر لەجیاتی ئەوان بڕیار بدەن".
رۆژی چوارشەممە، بەرپرسانی قەتەر لە رێوڕەسمێکدا باڵیۆزخانەی سووریا لە قەتەریان رادەستی بەرپرسانی هاوپه‌یمانی نیشتمانی سووریا و شۆڕشی سووریا کرد.
بەو شێوەیە ئۆپۆزییسۆنی سووری بووە خاوەن یەکەمین باڵیۆزخانەی خۆی و ئاڵای شۆڕشی سووریا لەشوێنی ئاڵای ئێستای سووریا لەسەر باڵەخانەی باڵیۆزخانەی سووریا لە قەتەر شەکایەوە.
30/03/2013
دوای زیاتر لە 9 مانگ دەستبەسەرکردن، سەرۆک شارەوانی وان و 12 گیراوی سیاسی کورد ئازاد کران.
دوێنێ هەینی، دادگای وان بەهۆی لەبەردەست نەبوونی بەڵگەی پێویست، بەکر کایا، سەرۆک شارەوانی وان، جونەید جانیش، بەرپرسی پارتی ئاشتی و دیموکراسی BDP لە وان و 6 گیراوی سیاسی کوردی ئازاد کرد.
بەکر کایا لە 2012/6/7 و لە چوارچێوەی دۆزی ئەندامانی کۆما جڤاکێن کوردستان KCK دەستگیر کرا و هەفتەیەک دواتر به تۆمەتی ئەندامێتی لە KCK لەسەر کار لابردرا.
هەروەها رۆژی پێنجشەممە، چوار لە پارێزەرەکانی عەبدوڵڵا ئۆجەلان بەناوی محەممەد سابیرتاش، جەمال دەمیر، شازیە ئونەر و مستەفا ئەرسەلان ئازاد کران.
ئەو پارێزەرانەش بە تۆمەتی ئەندامێتی لە KCK دەستگیر کرابوون.
ساڵی رابردوو هێزە ئەمنییەکانی تورکیا لەچوارچێوەی دۆزی KCK ، دەیان سەرۆک شارەوان و بەرپرس و ئەندامی BDPیان دەستگیر کرد.
پێشتر BDP رایگەیاندبوو کە 35 سەرۆک شارەوان و 6 پەرلەمانتار و بەگشتی 190 بەرپرسی هەڵبژێردراوی باکووری کوردستان بە تۆمەتی ئەندامێتی لە KCK، دەسبەسەر کراون.
چاوەڕوان دەکرێت لەگەڵ بەرەوپێشچوونی پرۆسەی ئاشتی لە تورکیا، دەیان بەرپرس و چالاکڤانی سیاسی باکووری کوردستان ئازاد بکرێن.
rudaw
30/03/2013
وەزیری دادی توركیا، ڕایگەیاند کە ئەگەر چارەكردنی پرسی كورد تاوان بێت، ئەوا ئەو هەر رۆژ ئەو تاوانە ئەنجام دەدات و ئامادەیشە لە بەردەم هەر دادگایەكیشدا بەرگری لە خۆی و بریارەكانی بکات.
وەزیری دادی توركیا، سەعدوڵڵا ئەرگین، لە بەرنامەیەكی تەلەڤزیونیدا کە كه‌ناڵی ئین تی ڤیی توركیادا ساز درابوو، باسی هەوڵدانەكانی حكوومەتی توركیا بۆ چارەكردنی پرسی كوردی كرد و گوتی: "هەندێك كەس و لایەنی سیاسی پێیان وایە كە حكوومەتی توركیا بە چارەكردنی پرسی كورد تاوانێكی یەكجار گەورە ئەنجام دەدات و ئەمە خیانەتە لە توركیا و پێوانەكانی ئاتاتورك."
ئەو دەپرسێت: "ئەگەر چارەكردنی ئەو پرسە كە ساڵانە بووەتە هۆكاری لاواز بوون و بەهەدەرچوونی سەرمایەی ئابووری و مەعنەویی توركیا تاوان بێت، ئەوا من وەكو وەزیری دادی توركیا هەر رۆژ ئەو تاوانە ئەنجام دەدەم و ئامادەم لە بەردەم هەر دادگایەكیشدا بەرگری لە خۆم و بریارەكانی خۆم بكەم."
peyamner
28/03/2013
لە کۆبوونەوەی ئەمڕۆی ئەنجوومەنی وەزیران نێچیرڤان بارزانی تیشکی خستە سەر گرنگترین کارەکانی لەمیانەی سەردانەکەی بۆ ئەوروپا و تورکیا و راشیگەیاند ھەر ھاوکاری و ڕێککەوتنێک لە بواری وزەدا لەگەڵ تورکیا بکات، لە چوارچێوەی دەستووری عیراقدا دەبێت.
لە سەرەتای کۆبوونەوەکەدا، نێچیرڤان بارزانی پیرۆزبایی جەژنی نەورۆزی لە ئەنجومەنی وەزیران کرد، ئینجا پوختەیەکی دەربارەی سەردانەکەی بە یاوەریی شاندێکی حکوومەت بۆ ھەر یەک لە وڵاتی ئەڵمانیا و تورکیا پێشکەش کرد.
دەربارەی سەردانی ئەڵمانیا، نێچیرڤان بارزانی ڕوونی کردەوە کە سەردانەکەیان بۆ بەشداریکردن بوو لە کۆنفرانسی وزە بۆ ئەورووپا و لە میانی کۆنفرانسەکەدا چاویان بە ئەنجێلا مێرکل – ی ڕاوێژکاری ئەڵمانیا کەوت و داوایان لێ کردووە کە پشتگیریی لە سیاسەتی نەوتیی حکوومەتی ھەرێمی کوردستان بکەن لە چوارچێوەی دەستووری عیراقدا، ھەروەھا ئامادەیی حکوومەتی ھەرێمی کوردستانیان دەربڕیوە بۆ ئەوەی لە پرسی دابینکردنی وزەدا لە ڕێگەی تورکیاوە یارمەتیی ئەورووپا بدات.
لای خۆیەوە مێرکل ڕایگەیاندووە کە ھانی کۆمپانیاکانی ئەڵمانیا لە بواری وزەدا دەدەن بۆ ئەوەی بێن لە ھەرێمی کوردستان کار بکەن.
سەرۆک وەزیران ھەروەھا ئاماژەی بەوە دا کە ھەر لە میانی بەشداریکردنیان لە کۆنفرانسەکەدا، لەگەڵ سەرۆکی کۆمیتەی دابینکردنی وزە بۆ ئەورووپا کۆبوونەتەوە و ڕایگەیاند کە ئیتر قۆناغێکی نوێ لە نێوان حکوومەتی ھەرێمی کوردستان و ئەورووپا لە بواری وزەدا دەست پێدەکات.
دەربارەی سەردانی تورکیاش، نێچیرڤان بارزانی تیشکی خستە سەر ئەوەی لەگەڵ ڕەجەب تەییب ئەردۆغان - ی سەرۆک وەزیرانی تورکیا، پرۆسەی ئاشتی و ھەوڵەکانی چارەسەرکردنی ئاشتیانەی پرسی کوردیان لە تورکیا تاوتوێ کردووە و ھەڵوێستی حکوومەتی ھەرێمی کوردستانیان دووپات کرد‌ووەتەوە کە پشتگیری لە پرۆسەکە دەکات.
دەربارەی ڕەوشی عیراقیش لەگەڵ سەرۆک وەزیران و بەرپرسانی تورکیا، پێشھاتە سیاسی و ئەمنیەکانیان تاوتوێ کرد و ئاماژەی بەوە دا کە تورکیا نیگەرانیی خۆی لە ڕەوشی عیراق دەربڕیوە.
سەبارەت بە پرسی وزە و ھاوکاری لە بەرھەمھێنانی وزەشدا، نێچیرڤان بارزانی ڕایگەیاند حکوومەتی ھەرێمی کوردستان ھەر ھاوکاری و ڕێککەوتنێک لە بواری وزەدا لەگەڵ تورکیا بکات، لە چوارچێوەی دەستووری عیراقدا دەبێت.
سەرۆک وەزیران ھەروەھا باسی لە سەردان و کۆبوونەوە و دیداریان لەگەڵ سیاسەتمەدارانی کورد و بەرپرسانی کەجەدە و بەدەپە لە ئەنقەرە کرد و تیشکی خستە سەر ئەوەی کە ئەوان خۆشحاڵ بوون بەوەی حکوومەتی ھەرێمی کوردستان ڕۆڵێکی باشی لە پرۆسەی ئاشتی و سەرخستنی پرۆسەکەدا ھەیە و ھیوای خواست پرۆسەکە بگاتە چارەسەرکردنی کێشەی کورد بە شێوەیەکی ئاشتیانە.
لە بەشێکی دیکەی کۆبوونەوەکەدا دەربارەی یادکرنەوەی بیست و پێنج ساڵەی کیمیابارنکردنی ھەڵەبجە، ئەنجومەنی وەزیران سوپاسی وەزیر و وەزارەتی کاروباری شەھیدان و ئەنفالکراوان و ئەو کۆمیتەیەی کرد کە کاریان بۆ ڕێخستنی ڕێوڕەسمەکە کردووە و وێڕای کەموکوڕییەکان، ڕێوڕەسمێکی سەرکەوتوو بە ڕێوە چوو.
دەربارەی بەپارێزگاکردنی ھەڵەبجەش کە حکوومەتی ھەرێمی کوردستان کاری لەسەر دەکات، ئەنجومەنی وەزیران لیژنەیەکی بە سەرۆکایەتیی وەزیری ناوخۆ و بە ئەندامیەتیی نوێنەری سەرۆکایەتیی ھەرێم، وەزارتی پلاندانان، وەزارەتی داد و پارێزگاری سلێمانی پێک ھێنا بۆ ئامادەکارکردنی وردەکاری و لێکۆڵینەوە لە ھەنگاوەکانی بەپارێزگاکردن و پێشکەشکردنی ڕاپۆرتیک بە ئەنجومەنی وەزیران.
لە کۆتایی کۆبوونەوەکەدا ئەنجومەنی وەزیران گفتوگۆی دەربارەی یاسای گشتیی ھەرێمی کوردستان کرد و وەزیری دارایی و ئابووری ڕایگەیاند دوای ئەوەی سەرۆکایەتیی ھەرێمی کوردستان یاسای بودجەی گشتیی ھەرێمی کوردستانی دەرکرد، ڕێنمایی جێبەجێکردنی یاساکە ئامادە کراوە و ئیتر بڕگەکانی یاساکە بە شێوەیەکی کردەیی دەکەونە بواری جێبەجێکردنەوە، بۆیەشە ئەنجومەنی وەزیران وەزارەتەکانی ڕاسپارد تا لە چوارچێوەی ئەم ڕێنماییانەدا دەست بە جێبەجێکردنی یاساکە بکەن.
.28/03/2013
رۆژی سێشه‌ممه رێكه‌وتی ٧ی سه‌رماوه‌ز، به به‌شداری كۆمه‌ڵێك له قوتابیانی پۆلی سێهه‌می سه‌ره‌تایی رێوڕه‌سمی "جه‌ژنی باڵغ بوون"ی ئه‌م قوتابیانه به‌ڕێوه‌چوو.
له‌م رێوڕه‌سمه‌دا سه‌ره‌تا مامۆستا مه‌لا عوسمان بارانی "خه‌تیب و پێشنوێژی مزگه‌وتی رساڵه‌ت په‌نا" قسه‌وباسێكی سه‌باره‌ت به باڵغ بوونی كچان له ته‌مه‌نی ٩ ساڵیدا پێشكه‌ش به ئاماده‌بوان كرد و ئه‌ركه نوێكانی كچانی باڵغ بووی له پاش ئه‌م دیارده‌وه بۆ به‌شداران شی كرده‌وه.
ناوه‌ندی هه‌واڵنێریی سه‌قز 28/03/2013
به‌یان نامه‌ی به‌ره‌ی "یه‌کگرتووی کورد" سه‌باره‌ت به پرۆسه‌ی سیاسی کوردوستانی تورکیه
په‌یامی مێژوویی و بانگه‌وازی ئۆجه‌لان، سەرۆکی پ ک ک ، بۆ بێده‌نگ کردنی چه‌که‌کان و هان دانی لاینگرانی ئەو حیزبە و دەوڵەت، بۆ پتر وه‌گه‌ڕ خستنی خه‌باتی هێمنانه و مه‌ده‌نی، بە مانای چونه ناو قۆناغێکی نوێی خه‌باتی گه‌لی کورده له‌و به‌شه له جوغڕافیای سیاسی خۆی دا . هه‌روه‌ها هه‌ڵدانه‌وه‌ی لاپه‌ڕه‌یه‌کی نوێیه له پتر به سیاسی ومه‌ده‌نی کردنی مه‌سه‌له‌ی کورد دژ به عه‌قڵیه‌تی نیزامی و ئه‌منیه‌تی و هاندانی ده‌وڵه‌تی تورکیه‌یه بۆ ئه‌و بڕوایە که، ته‌نیا هێمنایه‌تی و دیالۆگ ومتمانه ده‌توانن که‌ره‌سه و ئامرازی سه‌ره‌کی بۆ دێمۆکراسی بن.
ئێمه له‌و بڕوایه داین ئه‌گه‌ر ئه‌مڕۆ ئۆجه‌لان په‌یامی هێمنایه‌تی پێیه و‌بانگه‌وازبۆ به‌ره‌و ئاشتی کێشانی چاره‌سه‌ری مه‌سه‌له‌ی کورد ده‌کا، جگە لە ئاکامی خه‌باتێکی دوورو درێژ، به‌رهه‌می ویست وداخوازیه‌کانی کوردی تورکیه بۆ ئه‌وشێوه خه‌باته یە.
وه‌رسووڕانی خه‌باتی چه‌کدارانه له سه‌ر بنه‌مای توند و تیژی، بۆ خه‌باتی مه‌ده‌نی و هێمنانه، وه‌رسووڕانێکی مه‌نتیقی و ئوسوولیه که شه‌رعیه‌تێکی پتر ده‌به‌خشێ به کورد و سنووری دۆستان و لاینگرانی ئه‌و گه‌له له جیهانی دژه توندو تیژی دا هه‌راوتر ده‌کات و که‌مترین خه‌سار لە گیان و ماڵی گه‌لی کورد و خەڵکەکانی تر ده‌دا و هێمایه‌کی پترئاشتی خوازانه و دێموکراسی خواز به کورد ده‌به‌خشێ . سه‌ره‌ڕای ئه‌وه‌ش ده‌رفه‌تێکی زێڕین بۆ ده‌وڵه‌تی تورکیه پێک دێـنێ که بتوانێ هەنگاوێکی تر به‌ره‌و ئامانجه کانی مەدەنی له ناوچه و جیهانی مۆدێڕن دا به‌رێته پێش .
بروامان وایە کە دەست پێکردنی پرۆسەی چارەسەری ئاشتیخوازانەی مەسەلەی کورد لە کوردوستانی تورکیە ، ڕێ بۆ تەشەنەی ئەم بۆ چونە لە ناوچە دا وە بەتایبەت بەشداری گشت لایەنەی هەمو نەتەوەکان لە پرۆسەی ئاوەدان کردنەوە ، بەرهەم هێنان وە گەشە سەندنی ئاشتەوایی و خۆشی خۆش تر دەکات.
چاوه‌ڕوانی ئێستا ئەمەیە کە ده‌وڵه‌تی تورکیه به شێوه‌یه‌کی مه‌نتیقی ومه‌سئوولانه، وه‌ڵامی ئه‌و بانگه‌وازه‌ی ئۆجه‌لان بداته‌وه وە به وه‌رسوووڕانێکی ئوسوولی، حه‌ول بدا ئه‌و پڕۆسه به‌ره‌و پێش به‌رێت و دان به ماف و ویسته‌کانی گه‌لی کورد دا بێنێ و کۆبوونه‌وه مه‌زن و شکۆمه‌نده‌که‌ی" ئامێد" و "دیاربەکر" وه‌ک ڕێفڕاندۆمێکی نافه‌رمی گه‌لی کورد و ده‌نگ دانی ئه‌رێنی ئه‌و گه‌له بە ئه‌و سیاسه‌ته نوێیه‌ی " پ ک ک " بزانێ .
ئێمه‌ش وه‌ک به‌ره‌ی یه‌کگرتووی کورد و وه‌ک هێزێکی لاینگری ئاشتی وهێمنی بۆ چاره‌سه‌ری کێشەکان ، به پیر ئه‌و هه‌ڵوێسته ئوسوولیه‌ی خوشک و برایانمان و دەوڵەتی تورکیە لەو وڵاتە دا ده‌چین ودیسان وه‌ک هه‌میشه له سه‌رئه‌و بڕوایه‌ی خۆمان پێ دا ده‌گرینه‌وه که یەکێک له ئوسوولیترین شێوه‌کانی چاره‌سه‌ری مه‌سه‌له‌ی کورد، دیالۆگ و شێوه‌ی هێمنانه و دوور له توند و تیژیه.
دڵنیاین ئەگەرهەمو حکوومه‌ته‌کان لەو مێتۆده موته‌مه‌دینانه لایەنگری بکەن، ده‌توانین له داهاتوویه‌کی نه زۆر دوور دا شاهیدی بارو دۆخێکی ئازاد و و هێمن بین بۆ پێکەوەژیانی پڕ بەرهەمی هەمو خەڵکانی ناوچەکە.
ئێمه له‌و بڕوایه داین که لە وڵاتی ئێمەش دا، ده‌بێ هەمو لایەنێک، بە حوزووری به‌رده‌وام له مه‌یدانی خه‌باتی مه‌ده‌نی و به‌شداری له پرۆسه‌ی سیاسی وڵاته‌که‌مان دا، له‌و ڕوداوه ئاشتیخوازانە کەڵک وه‌رگرین.
به هیوای گه‌شه کردنی هێمنایه‌تی و ئاشتی و ئازادی
به‌ره‌ی یه‌کگرتووی کورد - گوڵانی 1392 ی هەتاوی
بڕیارە گوتەبێژی حکومەتی هەرێمی کوردستان بە مەبەستی چارەسەری پزشکی بۆ دەرەوەی هەرێمی کوردستان بگوازرێتەوە.
سەرچاوەیەکی ئاگادار لەو بارەوە بە (رووداو)ی راگەیاند "بڕیارە ئەمڕۆ چوارشەممە، بە مەبەستی چارەسەری پزیشکی سەفین دزەیی بۆ یەکێک لە نەخۆشخانەکانی دەرەوە بگوازرێتەوە".
ئێوارەی دوێنێ سێشەممە، سەفین دزەیی، گوتەبێژی حکومەتی هەرێمی کوردستان کە بە یاوەری شاندی حکومەتی هەرێمی کوردستان سەردانی تورکیایان کردبوو، لەکاتی گەڕانەوەی بۆ هەرێمی کوردستان بۆ نەخۆشخانە گواسترایەوە.
بەگوێرەی زانیارییەکانی (رووداو)، لەژێر چاودێری د. عەلی سندی، وەزیری پلاندانانی حکومەتی هەرێمی کوردستان لە سەنتەری دڵ لە هەولێر، نەشتەرگەری بۆ سەفین دزەیی ئەنجام دراوە.
دکتۆرێک: بۆرییەکانی دڵی سەفین دزەیی گیرابوو
دکتۆرێک لە سەنتەری دڵ لە هەولێر بە (رووداو)ی راگەیاند "سەفین دزەیی توشی گیرانی بۆرییەکانی دڵ ببوو کە نەشتەرگەری بۆ ئەنجام دراوە و ئێستا تەندروستی جێگیرە و دەتوانێت قسە بکات".
ئەگەری ئەوە هەیە کە گوتەبێژی حکومەتی هەرێمی کوردستان بۆ یەکێک لە نەخۆشخانەکانی دڵ لە وڵاتی نەمسا بگوازرێتەوە.
27/03/2013
ئێمە رێژەیکی زۆر لە رێکخراوەکانی (باشور و رۆژهەڵات و رۆژئاواو باکوری کوردستان)
بە پێویستی دەزانین ئەو راگەیاندنە بڵاو بکەینەوە:
بە پێی راسپاردەی دووەمین کۆنفرانسی لاوانی چوار پارچەی کوردستان بڕیار درا کوردستانی رۆژئاوا سەرپەرشتی سێیەمین کۆنفرانس بکات، بۆ ئەو مەبەستە لێژنەیەکی (5) کەسی پێکهات، لە هەمان کاتدا بڕیار درا لە شاری قامشلۆ بکرێت، بەمەرجێک ئازاد کرابێت، بە پێچەوانەوە شێوینی دووەم هەڵەبجەی شەهید دیاری کرا کەوا شارێکە بە ناسنامەی مەزلومیەت و جینۆسایدی گەلی کورد ناسراوە.
لەگەڵ ئەوەشدا، لێژنەی ئامادەکاری کۆنفرانسی سێیەم دەبوایە لەگەڵ لێژنەیەکی (3) کەسی لە پارچەکانی تری کوردستان کۆببێتە بۆ بڕیاردان لەسەر شوێن و کاتی سێیەمین کۆنفرانس، ئەو لێژنەی هەرچوار پارچە رێپێدراوە بڕیاری ئازادبوونی شاری قامشلۆ یان شوێنێکی تر بدات بۆ بەڕێوەچوونی سێیەمین کۆنفرانس.
بەڵام بەپێچەوانەی سەرجەم ئالیەت و راسپاردەکانی کۆنفرانسی دووەم، پاش چەندین محاوەلە بۆ دواخستنی، بەتەنها دوو رێکخراوی لاوان (پەیەدەو بەدەپە) شوێن و کاتی سێیەمین کۆنفرانسیان یەکلایی کردۆتەوە، سەرجەم رێکخراوەکانی تری هەر چوارر پارچەی کوردستانیان فەرامۆش کردووە.
کۆنفرانسی لاوانی چوار پارچەی کوردستان دەبێت گوزارشت لە کۆنفرانسیەکی لاوان بکات هەروەها زۆربەی رێکخراوەکانی لاوان بە سەرجەم دەنگ و رەنگ و فیکرە جیاوازەکان بەشداری تێدا بکەن.
بۆیە لەبەر ئەو هۆکارانەی سەروەو جێگیر نەبوونی بارودۆخی ئەمنی کوردستانی رۆژئاوا، پاش چەندین پرس و را، رایدەگەیەنین ئەو کۆنفرانسی لەلایەن دوو رێکخراو بەڕێوە دەچێت، کۆنفرانسی لاوانی چوارپارچەی کوردستان نییە.
هەروەها رایدەگەیەنین کە کۆنفرانسى لاوانى هەر چوار پارچە لە مانگى (4) نیسانى 2013 لە کەمپى دۆمیز دەبەسترێت
ڕێکخراوەکانی
لاوانی چوار پارچەی کوردستان
٢٥/٣/٢٠١٣
هەر بۆ ئەم مەبەستە ئەمڕۆ وێڕای بڵاوکردنەوەی ئەو ڕاگەیاندنە ٤٦ ڕێکخراوی لاوانی چوار بەشی کوردستان لە شاری هەولێر کۆبونەوە و ئەو بڕیارانەیاندا
١/ئەو کۆنفراسەی ٢٦ی مانگ لە ڕۆژئاوا سازدەکرێ شەرعیەتی نیە
٢/لەهەر چوار پارچە ی وڵات چل و شەش ڕێکخراو بەشدار ی ناکەن لەوەها کۆنفراسێک
٣/ کۆنفراسی سێیەمین کۆنفراسی نەتەوەی لاوانی چوار بەشی کوردستان مانگی چوار لە کەمپی دۆمیز ساز دەکرێت
٤/ئەو کۆنفراسەی ٢٦ی مانگی سێ لە ڕۆژئاوا لە ژێر هەژمونی حزبی و ئایدۆلۆجیە،کە ئەمەش نەگونجاوە لە گەڵ دروشمی کۆنفارس کە بریتیە لە یەکگوتاری نەتەوەیی لاوانی وڵات.
*ناوی ڕێکخراوەکان
1 سەنتەری گەشەپێدانی چالاکی لاوان. کوردستانی باشور
2 یەکێتی لاوانی دیموکراتی کوردستان. کوردستانی باشور
3 رێکخراوی لاوانی کوردستان . کوردستانی باشور
4 لاوان و قوتابیانی پارتی ئازادی کوردستان. کوردستانی رۆژهەڵات
5 کۆمەڵەی پەرەپێدانی لاوان. کوردستانی باشور
6 پەیوەندی ئیسلامیی لاوان. کوردستانی باشور
7 سەنتەری پەرەپێدانی لاوان. کوردستانی باشور
8 خوێندکارو لاوانی سەربەخۆی کوردستان. کوردستانی باشور
9 مونەزەمەی هەولێر للتیار دیموکراتی سوری. کوردستانی باشور
10 پێشەنگی لاوان کوردستانی باشور
11 ناوەندی لاوانی خەباتی کوردستانی ئێران. کوردستانی رۆژهەڵات
12 ناوەندی لاوانی پێشڕەو کوردستانی رۆژهەڵات
13 یەکێتی لاوانی دێمۆکراتی کوردستانی ئێران. کوردستانی رۆژهەڵات
14 کۆمەڵەی لاوانی رۆژهەڵات . کوردستانی رۆژهەڵات
15 لاوانی یەکیەتی شۆڕشگێڕانی کوردستان. کوردستانی رۆژهەڵات
16 لاوانی یەکێتی دیموکراتی کوردستانی. کوردستانی رۆژهەڵات
17 لاوانی PSKS الپارتی . کوردستانی رۆژئاوا
18 لاوانی پارتی یەکێتی کوردستان. کوردستانی رۆژئاوا
19 لاوانی پارتی دیموکراتی کورد لە سوریا. کوردستانی رۆژئاوا
20 لاوانی پارتی ئازادی کورد لە سوریا. کوردستانی رۆژئاوا
21 لاوانی پارتی ئازادی کورد (2) . کوردستانی رۆژئاوا
22 تەڤگەڕا جوانێنن کورد TCK. کوردستانی رۆژئاوا
23 یەکێتی جوانێن کورد سوریا لە دەرەوە ASKYA کوردستانی رۆژئاوا
24 یەکێتی جوانێن عفرین . کوردستانی رۆژئاوا
25 یەکگرتووی جوانێن ئازادی . کوردستانی رۆژئاوا
26 د. ڤیان عدنان یوسف. کوردستانی رۆژئاوا
27 رێکخراوی لاوانی کوردستان
29 لاوانی پارتی دیموکراتی کورد لە سوریا (الپارتی) . کوردستانی رۆژئاوا
30 هفرکرنە هڤریزن جوانین کورد لە سوریا. کوردستانی رۆژئاوا
31 لاوانی پارتی یەکێتی دیموکراتی کورد لە سوریا (یەکێتی) . کوردستانی رۆژئاوا
32 تەڤگەڕا جوانێن شۆڕشێ TCS. کوردستانی رۆژئاوا
33 یەکێتی قوتابیان و لاوانی کلدو ئاشوری . کوردستانی باشور
34 رێکخراوی رۆشنبیری تورکمان کوردستان. کوردستانی باشور
35 بزوتنەوەی گەنجانی سەربەخۆ . کوردستانی باشور
36 لاوانی دیموکراتخوازی کوردستان. کوردستانی باشور
37 لاوانی پارت و مافی ئازادی. کوردستانی باکور
38 لاوانی پارتی دیموکراسی بەشدار . کوردستانی باکور
39 لاوانی پارتی ئازادی و سۆسیالیست. کوردستانی باکور
40 لاوانی ئێسپیاتیڤی ئازادی. کوردستانی باکور
41 گەنجانی پارتی دیموکراتی کوردستان. کوردستانی باکور
42 لاوانی کۆمەڵەی چاندو هونەری چرا. کوردستانی باکور
43 لاوانی گروپی دیالۆگی دیجلەو فورات. کوردستانی باکور
44 لاوانی نەوبەهار کوردستانی باکور
45 لاوانی کۆمەڵەی کوردی یا دیموکراتی. کوردستانی باکور
46 تەڤگەڕا جوانێن کوردستان . کوردستانی باکور
26/03/2013
هاووڵاتییەک چەند رۆژ پێش ئێستا بەهۆیەکی نادیار لە شاری مەهاباد کوژرا.
بەپێی هەواڵی گەیشتوو بە ئاژانسی هەواڵدەریی کوردپا، هاووڵاتییەک بەناوی "هیوا مەعرووفی" لەلایەن کەس یان کەسانێکی نەاسراوەوە بە زەبری گولـلە کوژراوە.
سەرچاوەیەکی ئاگادار بە هەواڵنێری کوردپای راگەیاند: ئەو هاووڵاتییە لە پێش نەورۆزەوە لە ساردخانەی شاری مەهابادا راگیراوە و هەتا ئێستا شوێنی نیشتەجێ بوونی کەسوکار و بنەماڵەکەی نەزانراوە.
هەروەها رۆژی سێشەممەی حەفتەی رابردوو هاووڵاتییەک لە شاییەکدا لە چوارڕێیانی ئازادیی شاری مەهاباد لەلایەن کەسێکەوە بە چەکی کڵاشنیکۆف کوژرا.
kurdpa
26/03/2013
قوباد تاڵه‌بانی كوڕه‌بچوكی جه‌لال تاڵه‌بانی، رایده‌گه‌یه‌نێت ته‌ندروستی باوكی زۆر باشه‌و رۆژ به‌رۆژ باشتریش ده‌بێت.
به‌پێی گرته‌یه‌كی ڤیدیۆیی سایتی فه‌رمی حكومه‌تی توركیا له‌كاتی به‌خێرهاتنی سه‌رۆكی حكومه‌ت و شانده‌كه‌ی له‌لایه‌ن ئه‌ردۆغانه‌وه هه‌وڵی ته‌ندروستی تاڵه‌بانی له قوباد تاڵه‌بانی سه‌رۆكی فه‌رمانگه‌ی هه‌ماهه‌نگی و به‌دواداچون ده‌پرسێت‌و ئه‌ویش له‌وه‌ڵامدا به سه‌رۆك وه‌زیرانی توركیا ده‌ڵێت “ئێستا ته‌ندروستی زۆر باشه‌و رۆژ به‌رۆژیش باشتر ده‌بێت و ته‌ندروستی جێگیربووه”.
ئێواره‌ی دووشه‌ممه وه‌فدێكی حكومه‌تی هه‌رێم به سه‌رۆكایه‌تی نێچیرڤان بارزانی سه‌رۆكی حكومه‌تی هه‌رێمی كوردستان و عیماد ئه‌حمه‌د جێگری سه‌رۆكی حكومه‌ت و د. فواد حسین سه‌رۆكی دیوانی سه‌رۆكایه‌تی هه‌رێم سه‌ردانی توركیایانكردوو له‌گه‌ڵ ره‌جه‌ب ته‌یب ئه‌ردۆغان سه‌رۆك وه‌زیرانی توركیا كۆبوونه‌وه.
جه‌لال تاڵه‌بانی سه‌رۆك كۆماری عێراق له رۆژی 17\12\2012، توشی جه‌ڵته‌ی مێشك بووه‌و له‌ژێر چاودێی پزیشكیدایه له‌نه‌خۆشخانه‌ی “چاریت” له‌به‌رلین-ی پایته‌ختی ئه‌ڵمانیا.
hawelati
26/03/2013
نێچیروان بارزانی، پاش دیدار لەگەڵ ئەردۆغان، ئەمڕۆ لەگەڵ بەرپرسانی کەجەدە کۆبۆوە و پاشان سەردانی ناوەندی بەدەپە لە ئانکارای کرد.
پێش نیوەڕۆی ئەمرۆ سێشەممە[٢٦ی مارس]، "نێچیروان بارزانی"، سەرۆک وەزیری حکوومەتی هەرێمی کوردستان، کە بە سەردانێکی فەرمی لە ئانکارای پێتەختی تورکیا بوو، لە شوێنی مانەوەی دیداری لەگەڵ "ئەحمەد تورک و ئایسەل توغڵوک"، هاوسەرۆکانی "کۆنگرەی جڤاکی دێمۆکراتیک"[KCD] و "سڕڕی ساکیک"، پارلەمانتاری بەدەپە کرد.
پاش کۆتایی هاتنی کۆبوونەوەی ئاسایی هەفتانەی فڕاکسیۆنی پارتی ئاشتی و دێمۆکراسی لە پارلەمانی تورکیا، "نێچیروان بارزانی"، هاوڕێ لەگەڵ "عیماد ئەحمەد"، جێگری سەرۆکایەتی وەزیران، سەفین دزەیی، بێهرووز گەڵاڵی و فواد حوسێن و ئەندامانی تری وەفدی هاوڕێی، بۆ یەکەم جار، سەردانی ناوەندی "پارتی ئاشتی و دێمۆکراسی" لە ئانکارایان کرد.
"سەلاحەدین دەمیرتاش و گوڵتەن کشاناک"، هاوسەرۆکانی حیزبەکە، "لەیلا زانا" و "سڕڕی ساکیک"، پارلەمانتارانی کورد و دوو هاوسەرۆکی کەجەدە، لە ناوەندی گشتی بەدەپە لە ئانکارا، پێشوازیان لە نێچیروان بارزانی کرد.
پاش کۆتایی هاتنی دیدارە نیو کاتژمێرییەکەی بارزانی و بەرپرسانی بەدەپە، ناوبراو و دەمیرتاش کۆنفڕاسێکی چاپەمەنییان پێکهێنا و وەڵامی پرسیاری رۆژنامەنووسانیان دایەوه.
نێچیروان بارزانی لە لێدوانێکدا بۆ رۆژنامەنووسان وتی کە "بە مەبەستی پیرۆزبایی نەورۆز و ئاڵووگۆڕی بیروڕا سەبارەت بە قۆناخی ئاشتی" سەردانی ناوەندی بەدەپەی کردووە و پشتیوانی خۆشی بۆ قۆناخەکە دووپات کردۆتەوە.
ناوبراو وتی کە "به هەنگاوهەڵێنانەوەی تورکیا بەرەو ئاشتی خۆشحاڵە و پشتیوانی تەواویش لە نامەکەی بەرێز ئۆجالان دەکات".
نێچیروان بارزانی هەوڵەکانی ئەردۆغانی ستایش کرد و هیوای خواست کە ئەو هەوڵانە، بۆ گەلانی تورکیا هیوابەخش بن".
لە کۆنفڕانسەکەدا، سەلاحەدین دەمیرتاشیش سپاسی پشتیوانی حکوومەتی هەرێمی کوردستان و شەخسی نێچیروان بارزانی کرد.
"لەیلا زانا"، سیاسەتمەداری کورد و نوێنەری ئامەد لە پارلەمانی تورکیاش بەر لە دیداری نێچیروان بارزانی بە مێدیاکانی گوتبوو: باس لە رۆژهەڵاتی ناوین و بە تایبەت داهاتوویی کوردەکان و پڕۆسەی ئاشتی دەکەین، لەم قۆناخەدا، هەر کوردێک، ئەرکی سەر شانی دەبێ بەجێ بگەیەنێ. ئەگەر باس لە ئاشتی و برایەتی دەکەین، دەبێ لە خۆمانەوە دەستپێبکەین. هەرکەس لەگەڵ کوردەکان دیدار دەکات، ئیتر کاتی ئەوە هاتووە کە کوردەکانیش دەستی هاوکاری بۆ یەکتر درێژ بکەن. بارزانی ئەوە بۆ یەکەم جارە کە سەردانی نوێنەرایەتی ئیرادەی سیاسی کوردان، واتە پارتی ئاشتی و دێمۆکراسی دەکات".
نێچیروان بارزانی، شەوی رابردوو، چاوی بە رەجەب تەیپ ئەردۆغان، سەرۆک وەزیری تورکیا کەوتوبوو و جگە لە کێشەی کورد و هەوڵەکانی ئەمدواییانە بۆ چارەسەری ئاشتیانەی کێشەکە، پێوەندییەکانی نێوان ئانکارا و هەولێر و دوا پێشهاتە سیاسییەکانی رۆژهەڵاتی ناوین و بە تایبەت سووریا تاووتوێ کرابوو.
27/03/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
