به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
یەکشەممە شاندێکی ھەرێمی کوردستان بەرەو ویلایەتە یەکگرتووەکانی ئەمەریکا بەرێدەکەوێت, شاندی ھەرێم لەم سەردانەیاندا تێڕوانینی سەرکردایەتی سیاسی ھەرێم لەمەڕ پرسی جیاجیا بە لێپرسراوانی ئەمەریکا رادەگەیەنێ.
شاندەکەی ھەرێم پێکھاتووە لە فوئاد حوسێن سەرۆکی دیوانی سەرۆکایەتی ھەرێمی کوردستان سەرۆکی شاند و ئاشتی ھەورامی وەزیری سامانە سروشتییەکانی حکومەتی ھەرێم و فەلاح مستەفا بەرپرسی فەرمانگەی پەیوەندییەکانی دەرەوەی حکوومەتی ھەرێم و قوباد تالەبانی بەرپرسی فەرمانگەی ھەماھەنگی و بەدواداچوونی حکوومەتی ھەرێم.
شاندی ھەرێم لەم سەردانەیدا بۆ واشنتن، پەیوەندییەکانی نێوان کوردستان و ئەمەریکا تاوتوێ دەکات و دید و تێڕوانینی سەرکردایەتی سیاسی ھەرێم لەمەڕ پرسی جیاجیا بە لێپرسراوانی ئەمەریکا رادەگەیەنێ.
ھەر لە چوارچێوەی سەردانەکەدا، شاندی ھەرێمی کوردستان چاوی بە لێپرسراوانی کۆشکی سپی و ھەردوو وەزارەتی دەرەوە و بەرگریی دەکەوێ. کۆنگرێس و ئەنجومەنی سیناتیش دوو وێستگەی دیکەی ئەجێندای ئەم سەردانەی شاندەکەی ھەرێمن کە چەندین دیدار لەخۆ دەگرێ.
شاندەکە لە پەراوێزی ئەم سەردانەدا، لەلایەن چەندین سەنتەر و ناوەندەکانی ھزر و لێکۆڵینەوە کۆڕ و سمیناری بۆ ساز دەکرێ بۆ لێدوان لەبارەی پرس و تەوەری گرنگ و جێبایەخی سەر گۆڕەپانی سیاسی عێراق و کوردستان و ناوچەکە بە شێوەیەکی گشتی, ھەروەھا شاندەکەی ھەرێم دیدار و چاوپێکەوتنی لەگەڵ رۆژنامەوانی و کەناڵەکانی میدیاشدا دەبێ.
peyamner
07/04/2013
رۆژی دووشەممە رێکەوتی ١٩ی خاکەلێوە، یەکەمین پیشانگای فۆتۆگرافی لە بەرهەمەکانی "شێرکۆجیهانی" وێنەگری خەڵکی شاری مەهاباد، لە وڵاتی سوید دەکرێتەوە.
"شێرکۆ جیهانی" لە لێدوانێکی تەلەفۆنیدا بە ئاژانسی کوردپای راگەیاند: ئەو پێشانگایە بەهاوکاری بەشی فەرهەنگ و هونەری پەیمانگای هونەریی "سیگتونا فولک هوگسکولان" لە وڵاتی سوێد بە نێوەرۆکی سروشت و خەڵکی کوردستان و بۆ ماوەی ٢٢ رۆژ بەردەوام دەبێت.
ئەو وێنەگەرە کوردە لە درێژەی لێدوانەکەیدا ئاماژەی بەوەشدا، وێنەکانی ئەو پێشانگایە ئاکامی ٤ ساڵ کاری وێنەگری لە سەرجەم ناوچەکانی رۆژهەڵاتی کوردستانە و سروشت و باری گوزەرانی خەڵکی تێدا پیشان ئەدرێت.
شێرکۆ جیهانی،
پێشتریش لە ساڵی ٢٠٠٨دا شێرکۆ جیهانی پێشانگایەکی لە شاری هەولێر بە پشتیوانی کۆرەک تێلێکۆم و وەزارەتی ڕۆشنبیری بەڕێوە بردووە.
شیرکۆ جیهانی. لە دایکبووی ساڵی ١٣٥٦ لە شاری مەهابادە و لە تەمەنی لاویەتیدا دەستی کردووە بە چالاکی ئەدەبی و بە نووسینی هەڵبەست و چیرۆک، لە کۆڕی ئەدەبی شاری مەهاباد دا بەشداری چالاکانەی هەبووە.
ناوبراو لە ساڵی ١٣٦٨ و ١٣٦٩ی هەتاویدا لە دوو خوولی پەروەردەیی فیلم و فۆتۆگرافیدا لە "انجمن سینمای جوانان ایران" لقی مەهاباد و ناوەندێکی دیکە بە ناوی "موسسە دانشگاهی رسام هنر" بەشداری کردووە.
جیهانی لە ساڵی ١٣٨٤ەوە دەستی بە گرتنی وێنە و فیلم کردووە و هەتا ئێستا چەند کورتە فیلمی دیکیۆمێنتی بەرهەم هێناوە.
ئەو هونەرمەندە کوردە ساڵی ١٣٨٧ی هەتاوی بەهۆی زەخت و گوشاری هێزە ئیتلاعاتییەکانی حکوومەتی ئیسلامیی ئێرانەوە بەناچاری زێدی خۆی بەجێهێشت.
هەروەها پێشتریش بە تاوانی جۆراوجۆری وەک: چالاکیی سیاسی، ئەندامیەتی لە ڕێکخراوی مافی مرۆڤی کوردستان، دژایەتی ئایینی ئیسلام و چەند تاوانی هاوشێوە زیندانی کرابوو.
05/04/2013
به پێی ئه‌و ڕاپۆرته‌ی که له لایه‌ن ناوه‌ندی به دواداچوونی ڕاگه‌یاندنه‌کانه‌وه ئاماده کراوه ، له مانگی ئازاردا زیاترین بابه‌تی که له ڕاگه‌یاندنه‌کانی تورکیادا بایه‌خی پێدراوه په‌یامه‌كه‌ی نه‌ورۆزی عه‌بدوڵا ئۆجه‌لان و کۆبوونه‌وه‌کانی ئیمراڵی و داوای لێبوردنه‌كه‌ی ئیسرائیل بووه.
ئاژانسی فورات نیوز بڵاویكردوه‌ته‌وه، به‌پێی هه‌ڵسه‌نگاندنی ده‌زگا و که‌سایه‌تییه‌کان له‌سه‌ر چاپه‌مه‌نییه‌کانی مانگی ئازاری رابردودا له تورکیادا، زیاترین ئه‌و بابه‌تانه‌ی که له چاپه‌مه‌نییه‌کان له‌و مانگه‌دا گرنگیان پێداوه، بریتی بووه له په‌یامه‌که‌ی ئۆجه‌لان که له نه‌ورۆزی ئامه‌د دا بۆ ملیۆنان که‌س خوێندرایه‌وه، کۆبوونه‌وه‌کانی ئیمراڵی و داوای لێبورنی ئیسرائیل له تورکیا و پیرۆزباییه‌کانی نه‌ورۆزی ئامه‌د له ڕۆژه‌ڤی سیاسی ئاداردا ده‌نگیان دایه‌وه .
له ئه‌نجامی لێکۆڵینه‌وه‌کاندا ده‌رکه‌وت که له ته‌له‌فزیۆن و ڕۆژنامه و گۆڤار و ماڵپه‌ڕه ئینته‌رنێتی و کۆڕو کۆبوونه‌وه‌کاندا په‌یامی ئۆجالان له نه‌ورۆز دا زیاتر له (12) هه‌زار هه‌واڵی له‌سه‌ركراوه.
هاوكات دیدارو کۆبوونه‌وه‌کانی نێوان ئۆجه‌لان و شاندی BDP له لایه‌ک و لێدوان و چاوپێکه‌وتنی به‌ده‌په ش له‌گه‌ڵ پارته سیاسییه‌کانی دیکه له لایه‌کی دیکه‌وه یه‌ک له ده‌وڵه‌مه‌ندترین بابه‌تی میدیاکان بوو.
له مانگی ڕابردوودا زیاتر (9%)ی ڕاگه‌یاندنه‌کان له‌سه‌ر BDP بوو و ، ده‌رباره‌ی ئه‌و مژاره‌ش زیاتر له (64) هه‌زار هه‌واڵ بڵاو بۆته‌وه .
05/04/2013
بزووتنه‌وه‌ی گۆڕان ئاماده نییه هه‌ڵوێستی خۆی له باره‌ی درێژكردنه‌وه‌ی پۆسته‌كه‌ی بارزانی بخاته‌ڕوو. محه‌ممه‌د تۆفیق-يش ده‌ڵێت "ئاگاداری هاتنی شانده‌كه‌ی یه‌كێتی و پارتی نیم".
محه‌ممه‌د تۆفیق، به‌رپرسی ژووری په‌یوه‌ندییه دیپلۆماسییه‌كانی بزووتنه‌وه‌ی گۆڕان له لێدوانێكدا بۆ (رووداو) بێ ئاگایی خۆی له‌و شانده ده‌ربڕی كه بڕیاره مه‌كته‌بی سیاسی یه‌كێتی نیشتمانی كوردستان و پارتی دیموكراتی كوردستان به هاوبه‌شی بینێرنه لای هه‌رسێ لایه‌نه‌كه‌ی ئۆپۆزیسیۆن، به‌مه‌به‌ستی راوه‌رگرتنیان له‌باره‌ی درێژكردنه‌وه‌ی ماوه‌ی پۆستی سه‌رۆكی هه‌رێمی كوردستان.
ئاگه‌دارنیم و زانیارییم له‌سه‌ر كۆبوونه‌وه‌كه نییه
ئەو بەرپرسەی بزووتنه‌وه‌ی گۆڕان ده‌ڵێت "ئاگه‌دارنیم و زانیارییم له‌باره‌ی ئه‌و شانده و كۆبوونه‌وه‌یان له‌گه‌ڵ بزووتنه‌وه‌ی گۆڕان نییه".
هاوكات به‌رپرسی ژووری په‌یوه‌ندییه دیپلۆماسییه‌كانی بزووتنه‌وه‌ی گۆڕان ئاماده‌ش نه‌بوو هه‌ڵوێستی بزووتنه‌وه‌كه‌یان بخاته‌ڕوو له‌باره‌ی درێژكردنه‌وه‌ی ماوه‌ی پۆستی سه‌رۆكی هه‌رێمی كوردستان.
ئه‌مشه‌و كه‌ناڵی (KNN)ی سه‌ر به بزووتنه‌وه‌ی گۆڕان بڵاوییكرده‌وه كه هه‌فته‌ی داهاتوو وه‌فدێكی هاوبه‌شی مه‌كته‌بی سیاسی یه‌كێتی و پارتی سه‌ردانی بزووتنه‌وه‌ی گۆڕان و یه‌كگرتوو و كۆمه‌ڵی ئیسلامی ده‌كه‌ن، بۆ رازییكردنی ئۆپۆزیسیۆن له‌سه‌ر درێژكردنه‌وه‌ی ماوه‌ی پۆستی سه‌رۆكایه‌تی مه‌سعود بارزانی، سه‌رۆكی هه‌رێمی كوردستان بۆ ماوه‌ی ساڵێك تا دوو ساڵی دیكه.
پێشتر د. ئومێد سه‌باح، گوته‌بێژی سه‌رۆكایه‌تی هه‌رێمی كوردستان له راگه‌یاندراوێكدا ره‌تیيكرده‌وه كه بارزانی داوای كردبێت پۆسته‌كه‌ی بۆ درێژبكرێته‌وه
د. ئومێد سه‌باح هه‌واڵه‌كه به "بێ بنه‌ما" وه‌سف ده‌كات و ده‌ڵێت " سه‌رۆكی هه‌رێمی كوردستان له هیچ كاتێكدا داواكاری له‌مجۆره‌ی نه‌بووه و نه‌كردووه. ته‌واوی ئه‌م هه‌واڵه له راستییه‌وه دووره و هیچ بنه‌مایه‌كی نییه".
ئه‌و لێدوانه‌ی گوته‌بێژی سه‌رۆكایه‌تی هه‌رێمی كوردستان دوای ئه‌وه هات، كه ئێواره‌ی رۆژی شه‌ممه‌ی رابردوو یه‌كێك له كه‌ناڵه‌كانی هه‌رێمی كوردستان بڵاویكرده‌وه كه بارزانی، داوای درێژكردنه‌وه‌ی ماوه‌ی سه‌رۆكایه‌تی كردنی هه‌رێمی كوردستانی كردووه.
دوا به‌دوای ئه‌مه‌ش ئازاد جوندیانی، گوته‌بێژی یه‌كێتی نیشتمانی كوردستان بڵاوكرده‌وه كه داوای درێژكردنه‌وه‌كه له‌سه‌ر داوای یه‌كێتی نیشتمانی كوردستان بووه.
رووداۆ
نەهرۆ محەممەد
05/04/2013
رۆژی 3-4-2013 له وه‌زاره‌تی ده‌ره‌وه‌ی ئیسپانیا، گۆنسالۆ دێ بینیتۆ سكرتێری ده‌وڵه‌ت بۆ كاروباری ده‌ره‌وه پێشوازیكرد له عیماد ئه‌حمه‌د جێگری سه‌رۆك وه‌زیرانی حكومه‌تی هه‌رێمی كوردستان و وه‌فدی هاوڕێی و سه‌باره‌ت به په‌ره‌پێدانی په‌یوه‌ندییه سیاسی و ئابووری و كلتوورییه‌كان و دۆخی سیاسی عیراق و كوردستان و ناوچه‌كه بیروڕایان ئاڵوگۆڕكرد.
له كۆبوونه‌وه‌یه‌كدا سكرتێری ده‌وڵه‌ت بۆ كاروباری ده‌ره‌وه به ناوی حكومه‌تی ئیسپانیاو وه‌زاره‌تی ده‌ره‌وه به‌خێرهاتنی وه‌فدی حكومه‌تی هه‌رێمیان كردو ئه‌م سه‌ردانه‌یان به‌گرنگ وه‌سفكرد، له‌به‌رئه‌وه‌ی له ماوه‌ی 25 ساڵی رابردوودا ئه‌مه یه‌كه‌م سه‌ردانی ره‌سمییه له‌سه‌ر ئاستی عیراق و كوردستان بۆ ئیسپانیا ئه‌نجامده‌درێت و هیواشی خواست كه سه‌ردانه‌كه ببێته سه‌ره‌تایه‌كی باش بۆ په‌یوه‌ندی نێوان هه‌ردوولا.
له كۆبوونه‌وه‌كه‌دا عیماد ئه‌حمه‌د به ناوی سه‌رۆكی حكومه‌ت و ئه‌نجومه‌نی وه‌زیرانه‌وه سوپاسی حكومه‌تی ئیسپانیای كرد بۆ ئه‌و بانهێشته ره‌سمییه‌و ته‌ئكیدیكرده‌وه كه وڵاته‌كه‌یان ده‌توانێت له‌زۆر رووه‌وه رۆڵی گرنگ له عیراق و كوردستان ببینێت، ئه‌زموونی فیدراڵی ئیسپانیاش له‌زۆر رووه‌وه ده‌كرێت ببێته نموونه بۆ عیراق و بۆ كوردستان، به تایبه‌تی له په‌یڕه‌وكردنی لامه‌ركه‌زیه‌ت و پێدانی ده‌سه‌ڵات به هه‌رێمه‌كان.
هه‌ر له‌و كۆبوونه‌وه‌یه‌دا هه‌ردوولا ته‌ئكیدیان له داڕشتنی بنه‌مایه‌كی نوێی كاركردن كرده‌وه بۆ په‌ره‌پێدان و تۆكمه‌كردنی په‌یوه‌ندییه سیاسی و ئابووری و كلتوورییه‌كانی نێوان ئیسپانیاو عیراق و كوردستان به شێوه‌یه‌ك كه خزمه‌تی به‌رژه‌وه‌ندی هاوبه‌شی هه‌ردوولا بكات، له‌م رووه‌وه جێگری سه‌رۆكی حكومه‌تی هه‌رێم داوایكرد كه حكومه‌تی ئیسپانیا ئاستی كونسوڵخانه‌ی فه‌خری به‌رزبكاته‌وه بۆ كونسوڵخانه‌ی گشتی.
دواتر عیماد ئه‌حمه‌د سه‌باره‌ت به دۆخی سیاسی عیراق و كوردستان پوخته‌یه‌كی خسته‌ڕوو و تیایدا روونیكرده‌وه كه دوای رووخانی دیكتاتۆریه‌ت قۆناغێكی نوێ له عیراق ده‌ستی پێكردووه، سه‌ره‌ڕای جیاوازی و ناكۆكییه‌كان، گه‌شه‌سه‌ندنێكی سیاسی و ئابووری خێرا له‌ئارادایه‌و له‌م رووه‌وه هه‌رێمی كوردستان نموونه‌یه‌كی سه‌ركه‌وتووه‌و دۆخی ئه‌منی و هه‌لومه‌رجی سیاسی و گه‌شه‌كردنی ئابووری له ئاستێكی باشدایه‌و ژماره‌یه‌كی زۆر كۆمپانیاو وه‌به‌رهێنی بیانی له هه‌رێم كار ده‌كه‌ن، حكومه‌تی ئیسپانیاش ده‌توانێت له‌مباره‌یه‌وه رۆڵی به‌رچاو ببینێت و شانبه‌شانی وڵاتانی تر به‌شداری پڕۆسه‌ی بوژاندنه‌وه‌و ئاوه‌دانی عیراق و كوردستان بكات.
هه‌ر له درێژه‌ی كۆبوونه‌وه‌كه‌دا كه باڵیۆزی عیراق له مه‌دریدو وه‌زیرانی پلاندانان و ئاوه‌دانكردنه‌وه‌ی هه‌رێم و سكرتێری ئه‌نجومه‌نی ئابووری و جێگری سه‌رۆكی دیوان و نوێنه‌ری هه‌رێم له ئیسپانیا ئاماده‌یبوون، عیماد ئه‌حمه‌د به ناوی هه‌رێمی كوردستانه‌وه داوایكرد كه حكومه‌تی ئیسپانیا له ناوخۆو یه‌كێتی ئه‌وروپا هاریكاری حكومه‌ت و خه‌ڵكی كوردستان بكات بۆ ئه‌وه‌ی كاره‌ساتی ئه‌نفال و كیمیاباران كردنی هه‌ڵه‌بجه له‌سه‌ر ئاستی جیهان به‌جینۆساید بناسێندرێت، ئه‌وانیش له‌لایه‌ن خۆیانه‌وه رایانگه‌یاند كه به‌دواداچوون بۆ كه‌یسه‌كه ده‌كه‌ن و هه‌وڵده‌ده‌ن كه په‌رله‌مانی وڵاته‌كه‌یان له‌مباره‌یه‌وه به ئه‌ركی خۆی هه‌ڵبستێت.
له ته‌وه‌رێكی تری كۆبوونه‌وه‌كه‌دا باس له ئه‌زموونی ئیسپانیا وه‌ك وڵاتێكی فیدراڵی كراو سكرتێری ده‌وڵه‌ت له‌وباره‌یه‌وه روونیكرده‌وه كه به‌هۆی پیاده‌كردنی سیستمی لامه‌ركه‌زی له به‌ڕێوه‌بردن، هه‌رێمه‌كانی ئیسپانیا گه‌شه‌كردنی زۆریان به‌خۆیه‌وه بینیوه‌و ده‌كرێت له عیراقیش هه‌مان ئه‌زموون دووباره‌بكرێته‌وه.
سه‌باره‌ت به په‌یوه‌ندی ئابووری و وه‌به‌رهێنان و بازرگانیش سكرتێری ده‌وڵه‌ت بۆ كاروباری ده‌ره‌وه رایگه‌یاند كه بڕیاری وڵاته‌كه‌یان ئه‌وه‌یه هانی كۆمپانیاو وه‌به‌رهێنه‌رانی خۆیان بده‌ن روو له هه‌رێمی كوردستان بكه‌ن، هاوكات باسی له‌و بوارانه‌ش كرد كه ئیسپانیا شاره‌زایی و ئه‌زموونی باشیان له‌باره‌وه هه‌یه، وه‌كو بواری گه‌شتوگوزارو كشتوكاڵ و سوودوه‌رگرتن له وزه‌ی خۆر.
PUKmedia
04/04/2013
پڕكردنه‌وه‌ی كورسیه به‌تاڵه‌كه‌ی سوریا له‌كۆمكاری عه‌ره‌بی، ئێرانی به‌ره‌و ئاماده‌كردنی پلانێكی نوێ بردووه بۆ ئاینده‌ی سوریای دوای روخاندنی رژێمی ئه‌سه‌د، كه سوود وه‌رگرتنی له‌میلیشیا شیعه‌كان چه‌قی سه‌ركه‌وتنی ئه‌و پلانه ده‌بێت بۆ تاران كه به‌هاوپه‌یمانی سه‌ره‌كی سوریا داده‌نرێت.
كاتێك له 26ی مانگی ئازاری رابردوودا كۆمكاری عه‌ره‌بی كورسیه به‌تاڵه‌كه‌ی ئه‌ندامێتی سوریایان به‌كه‌سێتیه‌كی ئۆپۆزسیۆن پڕكرده‌وه، هاوكێشه‌ی ململانێی سیاسیه‌كانی له‌سه‌ر قه‌یرانی سوریا گۆڕی كه له‌ساڵی 2011ه‌وه ده‌ستی پێكردووه‌و تائێستاش به‌رده‌وامه.
پڕكردنه‌وه‌ی كورسی نوێنه‌رایه‌تی سوریا وه‌ك دوور خستنه‌وه‌ی رژێمی ئێستای به‌شار ئه‌سه‌د له‌قه‌ڵه‌م ده‌درێت له جیهانی عه‌ره‌بی و به‌پێی راپۆرتێكی رۆژنامه‌ی كریستیان ساینس مۆنیتێری ئه‌مركی ئه‌و هه‌نگاوه نیگه‌رانی ئێرانی لێكه‌وتۆته‌وه كه سه‌ره‌كیترین هاوپه‌كیانی رژێمی به‌شار ئه‌سه‌ده له ناوچه‌كه‌دا و هه‌رزوو ده‌نگی ناره‌زایی لێ به‌رز بۆوه.
عه‌لی ئه‌كبه‌ر ساڵحی، وه‌زیری ده‌روه‌ی ئێران هۆشداری دایه كۆمكاری عه‌ره‌بی سه‌باره‌ت به‌پڕكردنه‌وه‌ی كورسیه به‌تاڵه‌كه‌ی ئێران له‌و كۆمكاره‌و به “پێشهاتێكی مه‌ترسیدار” له‌قه‌ڵه‌میداو حسێن ئه‌میر عه‌بدولهه‌یان جێگری وه‌زیری دره‌وه‌ی ئێرانیش وتی “ئه‌و هه‌نگاوه كۆتایی به‌ڕۆڵی كۆمه‌ڵی عه‌ره‌بی دێنێت له‌ناوچه‌كه‌دا”.
سكاڵاكانی ئێران شێوازێكی دیبلۆماسیانه‌ی له‌خۆگرتووه وه‌ك بریكارێكی سوریا له‌گۆڕه‌پانه‌كه‌دا، كه له‌ماوه‌ی رابردوودا هاوكاریكه‌رێكی سه‌رۆكی سوریا بووه له‌ڕێگه‌ی ناردنی چه‌ك‌و ته‌قه‌مه‌نی‌‌و پاڵپشتی‌‌و پشتگیری دارایی بۆ سوریا ئێران كه بووه‌ته جێگه‌ی نیگه‌رانی حكومه‌تی ئه‌مریكا.
ئه‌خزه‌ر ئیبراهیمی، نێردراوی نه‌ته‌وه یه‌كگرتووه‌كان له‌سوریا پێیوایه ئاڵۆزییه‌كانی سوریا گۆڕاوه بۆ گۆڕه‌پانی یاری هێزه ركه‌به‌ره‌كانی ناوچه‌كه‌و له‌لایه‌كی تریشه‌وه چه‌كداره ئۆپۆزسیۆنه‌كان به‌شێكی زۆر له‌زه‌ویی‌‌و پێگه سه‌ربازییه‌كانی رژێمیان كۆنتڕۆڵكردووه.
به‌شێكی كه‌م له‌لێكۆڵه‌ره‌وان پێشبینی ئه‌وه ده‌كه‌ن رژێمی به‌شار ئه‌سه‌د به‌و دۆخه‌ی ئێستایه‌وه به‌رده‌وام بێت، یان ماوه‌یه‌كی زیاتر له‌ده‌سه‌ڵات بمێنێته‌وه ئه‌گه‌ر بێت‌و جه‌نگه‌كه لقی زیاتری لێنه‌بێته‌وه، به‌ڵام له‌گه‌ڵ یارمه‌تیه‌كانی ئێران بۆ رژێمی به‌شار ئه‌سه‌د پێده‌چێت حكومه‌تی تاران خۆی ئاماده‌بكات بۆ قۆناغی دوای ئه‌سه‌د.
مه‌هدی خه‌لجی، پسپۆڕ له‌بواری ئێران له‌په‌یمانگای واشنتۆن بۆ سیاسه‌تی رۆژهه‌ڵاتی خوارو ده‌ڵێت “ئێران تائێستا سه‌ركه‌وتوو بووه له‌هاوكاریكردنی سوریا، ئه‌گه‌ر یارمه‌تی دارایی‌و ستراتیژی ئێران نه‌بوایه، ئه‌سه‌د ماوه‌یه‌كی زۆر بوو روخابوو”، وتیشی “به‌ڵام له‌سه‌ر ئاستی سیاسی ئێرانیه‌كان خاوه‌نی پلانی به‌دیلن، ته‌نانه‌ت بۆ دوای روخانی ئه‌سه‌د، ئێران تا ئاستێكی به‌رز ده‌توانێت پارێزگاری له‌به‌رژه‌وه‌ندییه‌كانی خۆی بكات له‌ناوچه‌كه‌دا”.
پلانه‌كه‌ی ئێران بۆ قۆناغی دوای به‌شار ئه‌سه‌د پشتبه‌ستنه به “میلشیاكان”ی سه‌ر به‌ڕژێمی سوریا كه ئێران یارمه‌تی دروستبوونی داون‌و به “سوپای میللی” ناسراون، ئه‌م چه‌كدارانه ده‌توانن پارێزگاری عه‌له‌وییه‌كانی سوریا بكه‌ن، ئه‌وانه‌ی سه‌ر به‌ئاینزای شیعه‌ن‌و ئه‌سه‌د‌و به‌شێكی زۆر له‌ڕژێمه‌كه‌ی سه‌ربه‌و مه‌زهه‌به‌ن‌و له‌وكاته‌دا ده‌توانن له‌به‌شێكی دابڕاوی سوریا بمێننه‌وه، له‌به‌شی باكوری رۆژئاوای سوریاش، له‌سه‌ر كه‌ناری سنوریی نێوان سوریاو لوبناندا.
به‌ڵام له‌ژێر سایه‌ی یارمه‌تی‌‌و سوود وه‌رگرتنی ئۆپۆزسیۆنی چه‌كداری سوریا له‌وڵاتانی بیانی، ئه‌گه‌ری هه‌ڵوه‌شاندنه‌وه‌ی سوریا بوونی هه‌یه له‌سه‌ر بنه‌مای تایفی‌‌و نه‌ته‌وه‌یی، وه‌ك جیابوونه‌وه‌ی ناوچه‌ی كوردی‌‌و عه‌له‌ویی‌‌و به‌شێكی زۆری سونیه‌كان له‌لایه‌كی تره‌وه.
له‌كاتی شۆِرشی ئیسلامی ئێراندا له‌ساڵی 1979وه، ئێران سوریای وه‌ك ناوه‌ندێكی گه‌یاندن به‌كارهێناوه بۆ گواستنه‌وه‌ی چه‌ك‌و پاره‌و پاڵپشتیكردنی “میلیشیا” شیعه‌كانی لوبنان له‌وانه حیزبوڵای لوبنانی‌و پاشان گروپه‌كانی حه‌ماس‌و جیهادی ئیسلامی فه‌له‌ستینی كه ئه‌م گروپانه‌ی دژی ئیسرائیل به‌كارهێناوه، به‌ڵام له‌باری روخانی رژێمی به‌شار ئه‌سه‌ددا، ئێران ئه‌م كه‌ناڵه‌ی له‌ده‌ستده‌دات.
فه‌رمانده‌یه‌كی سوپای پاسدارانی ئێران ئاشكرایكردووه كه “سوپای میللی”ی رژێمی سوریا، بریتیه له‌تێكه‌ڵه‌یه‌ك له‌عه‌له‌ویی‌‌و شیعه، له‌سه‌ر شێوازی هێزی به‌سیجی ئێرانی دروستبووه‌و ئه‌و سوپایه زۆر به‌هێزه‌و له‌كۆمه‌لێك خۆبه‌خش دروستبووه، له‌پێناو بێده‌نگكردنی شه‌قامدا به‌كارهێنراون، به‌رپرسێكی باڵای ئه‌مریكاش بۆ رۆژنامه‌ی كریستیان ساینس مۆنیتێری ئاشكرایكردووه “سوپای میللی” له‌لیستی رێكخراوه سزادراوه‌كاندایه، چونكه “پڕۆژه‌یه‌كی هاوبه‌شی نێوان ئێران‌و حیزبوڵایه”.
مه‌هدی خلجی، پسپۆڕ له‌بواری ئێران له‌په‌یمانگای واشنتۆن بۆ سیاسه‌تی رۆژهه‌ڵاتی خوارو وتی “له‌ڕووی پڕوپاگه‌نده‌وه، ئێرانییه‌كان نایانه‌وێت له‌داهاتوویه‌كی نزیكدا بڕوا به‌كه‌وتنی ئه‌سه‌د بهێنن”.
به‌ڵام پلانی به‌دیلی ئێران له‌گه‌ڵ ئه‌م “میلشیا”یانه‌ی سه‌ربه رژێم مانای ئه‌وه‌یه ئه‌سه‌د نزیكه له‌دووركه‌وتنه‌وه له‌ده‌سه‌لات، به‌ڵام ئه‌گه‌ر بێت‌و ناوچه‌ی عه‌له‌ویه‌كان له‌سه‌ریا جیابێته‌وه، ئه‌وكاته ئێران ده‌توانێت له‌رێگه‌ی ئه‌م كۆمه‌ڵه چه‌كدارانه‌وه پارێزگاری له‌په‌یوه‌ندییه‌كانی بكات.
خه‌لجی وتی “ئێران له‌ڕێگه‌ی یارمه‌تییه‌كانیه‌وه ده‌توانێت به‌شێكی سوریا وه‌ك پردێك بۆ گه‌یاندنی یارمه‌تییه‌كانی بۆ لوبنان فه‌له‌ستین به‌كاربهێنێت”.
hawlati
04/04/2013
نێچیرڤان بارزانى سه‌رۆکى حکومه‌تى هه‌رێم به‌ڵێنى زیادکردنى بودجه به‌سێ حزب‌و کۆمه‌ڵه‌ى تورکمانی ده‌دات که مانگانه ده‌یان ملیۆن دینار وه‌رده‌گرن، په‌رله‌مانتارێکى کوردستانیش جه‌خت له‌نایاسایی بوونى ئه‌و به‌ڵێنه ده‌کاته‌وه.
به‌ڵێنه‌که‌ى سه‌رۆکى حکومه‌ت له‌چوارچێوه‌ى کۆبوونه‌وه‌یدا هاتووه له‌گه‌ڵ حزبه تورکمانیانه‌دا که باره‌گاى سه‌ره‌کیان له‌هه‌ولێره‌‌و داواکه‌یان راده‌ست کردووه.
دڵشاد چاوشلی، سه‌رۆکی پارتی دیموکراتی تورکمان، به‌‌هاوڵاتی وت «داوامان له‌نێچیرڤان بارزانى کردووه بودجه‌ی چه‌ند حزبێکی تورکمانی له‌هه‌ولێر زیادبکرێت، ئه‌ویش به‌ڵێنى زیادکردنیدا».
وتى که داواکه بۆ سێ حزب‌و کۆمه‌ڵه‌ى بووه، سه‌رۆکى حکومه‌ت داوایلێکردوون نووسراوێکى ئاڕاسته بکه‌ن تاوه‌کو چاو به‌بودجه‌که‌یاندا بخشێنێته‌وه، «نووسراوه‌که‌مان ئاڕاسته‌ی کردووه‌‌و داوامانکردووه بودجه به‌شێوه‌یه‌کى دادوه‌رانه بدرێته حزبه‌کان، نه‌ک هه‌ندێک حزب بودجه‌ى زیاد وه‌ربگرن‌و موزاده‌مان به‌سه‌ردا بکه‌ن».
به‌پێى زانیاریه‌کانى هاوڵاتی، جگه له‌پارتی دیموکراتی تورکمان که مانگانه 3 ملیۆن دینار وه‌رده‌گرێت، کۆمه‌ڵه‌کانى لیبڕاڵی تورکمان‌و رۆشنبیرى تورکمانیش داواى زیادکردنى بودجه‌یان کردووه له‌کاتێکدا مانگانه 10 ملیۆن دینار وه‌رده‌گرن.
به‌بڕواى ئه‌ندامێکى لیژنه‌ى یاسایى په‌رله‌مانى کوردستان، ئه‌و به‌ڵێنه‌ى سه‌رۆکى حکومه‌ت له‌ده‌ره‌وه‌ى یاسایدا بووه‌‌و نایاساییه.
ئه‌حمه‌د وه‌رتێ به‌‌هاوڵاتی وت «ئێستا له‌فه‌راغى یاساییداین‌و ناکرێت ده‌ستکارى بودجه‌ى هیچ حزبێک بکرێت تاوه‌کو یاسای بودجه‌ى حزبه‌کان له‌په‌رله‌مان ده‌رده‌چێت».
به‌هۆى ناکۆکیه‌کانى نێوان ئۆپۆزسیۆن‌و ده‌سه‌ڵاته‌وه تائێستا پرۆژه یاساى بودجه‌ى حزبه‌کان له‌په‌رله‌مانى کوردستان په‌سه‌ندنه‌کراوه، ساڵانه‌ش بڕه پاره‌یه‌ک وه‌کو سولفه بۆ حزبه‌کان ته‌رخانده‌کرێت تائه‌وکاته‌ى یاساکه‌ى ده‌رده‌چێت.
وه‌رتێ به‌پێویستى زانى په‌له‌بکرێت له‌ده‌رکردنى یاساکه بۆ ئه‌وه‌ى «رزگارمان بێت له‌و زیادکردن‌و که‌مکردنه‌وه‌ى حکومه‌ت ده‌یکات».
له‌ناکۆکیه سه‌ره‌کیه‌کانى پرۆژه یاساکه پێوه‌ره‌کانى پێدانى بودجه‌یه که تیایدا له‌سه‌ر هه‌ژمارى خه‌باتى شاخ‌و کورسى په‌رله‌مان‌و چه‌ند ماده‌یه‌کى تر رێکناکه‌ون.
ئه‌ندامه‌ى لیژنه‌ى یاسایى جه‌ختیشیکرده که ده‌بێت به‌پێوه‌رى دادپه‌روه‌رانه بودجه دابه‌شبکرێت چونکه «تائێستا په‌رله‌مانتاران ئه‌و دادپه‌روه‌رییه‌یان نه‌بینیوه«.
عیسا عه‌بدولقه‌هار
04/04/2013
شاندی چواره‌می پارتی ئاشتی و دیموكراسی (به‌ده‌په) له چوارچێوه‌ی پرۆسه‌ی ئاشته‌وایی و چاره‌سه‌ری پرسی كورد له توركیا، به مه‌به‌ستی دیدار و گفتوگۆ له‌گه‌ل سه‌رۆكی زیندانیكراوی پارتی كرێكارانی كوردستان (په‌كه‌كه) عه‌بدوڵا ئۆجه‌لان گه‌یشتنه دورگه‌ی ئیمرالی.
به‌پێی ئه‌و زانیارییانه‌ی ده‌ست ئاژانسی هه‌واڵی په‌یامنێر گه‌یشتوون، هه‌رچه‌نده هیچ زانیارییه‌ك له باره‌ی ناوه‌ڕۆكی دیداری ئه‌مڕۆی نێوان ئۆجه‌لان و شاندی به‌ده‌په بڵاو نه‌كراوه‌ته‌وه، كه‌مێك به‌ر له ئێستا شاندی به‌ده‌په كه له هاوسه‌رۆكی پارته‌كه، سه‌لاحه‌دین ده‌میرتاش، جێگری سه‌رۆكی فراكسیۆنی به‌ده‌په، په‌روین بوڵدان و په‌رله‌مانتار سری سوره‌یا ئۆنده‌ر پێكهاتووه، گه‌یشتنه گرتووخانه‌ی ئیمرالی.
هه‌روه‌ها پێشتریش له چوارچێوه‌ی سه‌رخستنی هه‌وڵه‌كانی ئاشته‌وایی، سێ شاندی دیكه‌ی پێكهاتوو له پارتی ئاشتی و دیموكراسی و كۆما جڤاكی دیموكراتیك له ئیمرالی سه‌ردانی ئۆجه‌لانیان كردوه.
سه‌رۆكی شاره‌وانی شاری گه‌وره‌ی ئامه‌د، عوسمان بایده‌میر له په‌ڕه‌ی تایبه‌تی خۆیدا له سه‌ر تۆڕی كۆمه‌ڵایه‌تی فه‌یسبووك نووسیویه‌تی: چاوه‌ڕوان ده‌كرا شاندی به ده‌په له دوای 4ی نیسان / ئه‌پڕێل سه‌ردانی ئۆجه‌لانی بكردایه، به‌ڵام به‌رنامه‌ی سه‌ردانه‌كه پێشخراو سه‌ر له به‌یانی ئه‌مڕۆ شانده‌كه به‌ره‌و دورگه‌ی ئیمراڵی به‌ڕێكه‌وتن.
هه‌ڵبه‌ت بایده‌میر هیچ ورده‌كاریی و زانیارییه‌كی له باره‌ی هۆكاری پێشختنی واده‌ی سه‌ردانی شاندی چواره‌می به‌ده‌په بۆ لای ئۆجه‌لان ئاشكرا نه‌كردوه.
04/04/2013
به‌رپرسانى په‌که‌که‌‌و به‌ده‌په ئاماده‌یى خۆیان بۆ جێبه‌جێکردنى داواکانى ئۆجه‌لان ده‌رده‌بڕن، به‌ڵام گومانیان له‌هه‌ڵوێست‌و هه‌نگاوه‌کانى تورکیا هه‌یه، ئه‌وه‌ش دواى ئه‌و جیاوازییانه دێت که له‌ناو سه‌رکرده سه‌ربازیه‌کانى قه‌ندیل دروستبووه بۆ کشانه‌وه‌ى هێزه‌کانیان‌و راگرتنى شه‌ڕ.
موراد قه‌ره‌یلان، سه‌رۆکى کۆنسه‌ى به‌ڕێوه‌به‌ری کۆما جڤاکێن کوردستان، له‌چاوپێکه‌وتنێکدا له‌گه‌ڵ ئاژانسی رۆیته‌رز ئاشکرایکردووه که هه‌رچه‌نده رێکخستن بڕیارى ئاشتى داوه، به‌ڵام به‌شێک له‌سه‌ربازیه‌کانیان ده‌یانه‌وێت درێژه به‌شه‌ڕ بده‌ن، په‌که‌که‌ش هۆکارى ئه‌و جیاوازیه بۆ گومانیان له‌تورکیا ده‌گه‌ڕێنێته‌وه.
رۆژ وڵات، به‌رپرسى راگه‌یاندنى په‌که‌که، به‌‌هاوڵاتی وت «ئێمه ئاگربه‌ستمان راگه‌یاند‌و چه‌ندین هه‌نگاومان نا، به‌ڵام تورکیا هه‌نگاوى نه‌ناوه، بۆیه گومانێکمان لا دروستبووه له‌سه‌ر ئه‌ردۆگان».
دواى په‌یامه‌که‌ى نه‌ورۆزى عه‌بدوڵا ئۆجه‌لان رێبه‌رى زیندانیکراوى په‌که‌که که له‌ئامه‌د خوێندرایه‌وه‌‌و تیایدا داواى بێده‌نگکردنى چه‌که‌کان‌و کشانه‌وه‌ى هێزه‌کانى کرد له‌ناوخاکى تورکیا، قه‌ره‌یلان ئاگربه‌ستى راگه‌یاند‌و کشانه‌وه‌شى به‌چه‌ند مه‌رجێکه‌وه به‌سته‌وه.
قه‌ره‌یلان له‌باره‌ى راى جیاوازى ئه‌وانه‌ى دژى کشانه‌وه‌‌و راگرتنى شه‌ڕن ده‌ڵێت هه‌وڵى رازیکردنیان ده‌دات.
رۆژ وڵات وتى «رێز له‌بڕیاره‌کانى رێبه‌ر ئاپۆ ده‌گرین‌و جێبه‌جێده‌که‌ین، به‌ڵام ئه‌ردۆگان جێگه‌ى باوه‌ڕ نیه، بۆیه ده‌بێت ئاگاداربین له‌نیه‌تیان‌و تورکیا به‌هه‌نگاوه‌کانى بکات».
به‌پێى ئاژانسه‌کانى هه‌واڵى تورکیا موراد قه‌ره‌یلان بۆ ره‌وینه‌وه گومانه‌کان داواى دیدارى راستوخۆى ئۆجه‌لان یان تۆمارێکى ده‌نگى یاخود ڤیدیۆیى ناوبراو کردووه که تیایدا داواکاریه‌کان له‌قه‌ندیل دووباره‌بکاته‌وه.
به‌ڵام، یاڵچین ئاک دۆغان، په‌رله‌مانتار‌و راوێژکاری باڵای ئه‌ردۆگان سه‌رۆک وه‌زیرانى تورکیا له‌لێدوانێکدا که ئاژانسه‌کانى ئه‌و وڵاته بڵاویانکردووه‌ته‌وه، ده‌ڵێت په‌یامه‌که‌ى ئۆجه‌لان زۆر روون بووه‌‌و پێیوایه داواکانى په‌که‌که ته‌نیا «بیانوو» گرتنه.
محه‌مه‌د ئه‌مین، به‌رپرسى نوسینگه‌ى ئامه‌دى به‌ده‌په، به‌‌هاوڵاتی وت «ئێمه که‌وتووینه‌ته گومانه له‌سه‌ر دۆخه‌که، چونکه نابێت تورکیا هه‌ر چاوه‌ڕێى ئێمه‌‌و په‌که‌که بکات‌و خۆى هه‌نگاوێک نه‌یاته پێشه‌وه، چونکه ئێمه‌ش هه‌ر ماوه‌یه‌ک ئارامیمان ده‌بێت».
هه‌رچه‌نده په‌که‌که کشانه‌وه‌ى هێزه‌کانى ره‌تنه‌کردووه‌ته‌وه، به‌ڵام چه‌ند داوایه‌کى خستووه‌ته‌ڕوو که خۆى له‌داننان به‌مافه‌کانى کورد‌و ره‌وشى ئۆجه‌لان‌و زه‌مینه‌سازى تردا ده‌بینێته‌وه.
به‌رپرسى راگه‌یاندنى په‌که‌که ئاشکراى کرد داواى پێکهێنانى دوو کۆمیسیۆنیان کردووه بۆ چاودێرى پرۆسه‌ى ئاشتى‌و هه‌نگاوه‌کانى کشانه‌وه.
رۆژ وڵات وتى «داواشمان کردووه ره‌وشى به‌ڕێز ئۆجه‌لان باشتربێت‌و زیندانیه‌که‌ى بگۆڕدرێت‌و سه‌ردانیکردنى ئازاد بکرێت».
دانا ره‌زگه‌یى
03/04/2013
ئەمڕۆ لەدرێژەی زنجیرەی کۆبوونەوەکانی مەکتەبی سیاسی پارتی دیموکراتی کوردستان و یەکێتی نیشتمانی کوردستان جەخت لەسەر رێککەوتننامەی ستراتیژی و گەشەپێدانی کرایەوە بەو شێوەیەی بگونجێت لەگەڵ گۆڕانکارییەکان و ھەلومەرجی نوێی کوردستانی و عیراق.
لەراگەیندراوێکی ھاوبەشی ھەردوو مەکتەبی سیاسی پارتی دیموکراتی کوردستان و یەکێتی نیشتمانی کوردستان کە دانەیەکی بۆ ئاژانسی پەیامنێر نێردراوە تێیدا ھاتووە :لیژنەی باڵای ھاوبەشی ھەردوو مەکتەبی سیاسی پارتی دیموکراتی کوردستان و یەکێتیی نیشتمانیی کوردستان، بەپێی بڕیارە پەسەند کراوەکانی کۆبوونەوەکانی پێشوو، درێژەیان بەکۆبوونەوەکان داوەو لەچوارچێوەی بەرنامەی کارو ئەو بابەتانەی لەکۆبونەوەی رۆژی ٣١/٣ دا جێی باس بوون، ئەمڕۆ ٢/٤/٢٠١٣ لەبارەگای مەکتەبی سیاسی ی.ن.ک لەشاری ھەولێر، کۆبوونەوەیەکی دیکە کراو سەرەڕای جەخت لەسەر رێککەوتننامەی ستراتیژی و گەشەپێدانی کرایەوە، کە بگونجێنرێ لەگەڵ گۆڕانکارییەکان و ھەلومەرجی نوێی کوردستانی و عیراق و ناوچەکەو، ھەر بڕیارێکی سەربەستی چۆنیەتی بەشداری کردنی ھەڵبژاردنی ئەمجارە، کە پێویستە لەخزمەتی سیاسەتی پەرەپێدانی کارو چالاکی یەکێتی و پارتی، بۆ پێشکەشکردنی زیاترین خزمەت بەدۆزی دیموکراسی رەوای گەلی کوردستان و ئەزموونی حوکمڕانی و یەکڕیزی گەلەکەمان، لەم پڕکێشیە نوێیانەی رووبەڕووی نەتەوەکەمان بوونەتەوە.
ھەروەھا لەپێناوی دابینکردنی ئەمنیەتی زیاتر بۆ ژیانی ھاووڵاتیان و خزمەتگوزارییە ژیارییەکانیان و توندوتۆڵکردنی کاری ھاوبەش لەپرۆسەی سیاسی و پێکەوە ژیانی ئاشتییانە لەناو کۆمەڵدا. بەتایبەتی، دوای (٢٠) ساڵ حوکمڕانی و تواناکانی پێشکەوتن، توێژێکی شارەزا لەھەموو بوارەکاندا، پێگەیشتوون و دەتوانن ئەرکی بەرچاوی ئەزموونەکە لەرووی ئیداری و داھێنانی جۆراوجۆرەوە، ئەگەر بەدەر لەقوڵکردنی کێشە لاوەکییەکانەوە، زەمینەیان بۆ بڕەخسێندرێ، راپەڕێنن.
لەکۆبوونەوەکەدا بڕیاردرا کە لەماوەی نزیکی داھاتوودا، زنجیرە کۆبوونەکان درێژەیان پێ بدرێ.
مەکتەبی سیاسی مەکتەبی سیاسی
پارتی دیموکراتی کوردستان یەکێتیی نیشتمانیی کوردستان
03/04/2013
عه بدولا سوهرابی
نامرن ئه وانه ی وا له دلی میلله تا ده ژین
دره ختی باخی چه ن ساله ی که می مابوو چرو ده رکا
که می مابوو به ری باخی پر له سیبه رکا
به ئه و ئاواته ئه و ده ژیا له کونجی دوور ولاتیکا
له پر مردن هات و کوشکی رووخاند له ساتیکا
ئه م هونراوه کاکه عه تای حوسینی شاعیری گه نجی دگاگای هورامان به بونه ی کوچی نا واده و دلته زینی جوانه مرگ موختاری خوشکه زام وه هه ناردوویه بوم.
بی گومان و به راستی شاعیری گه وره ی کوردیش ده لی:
پی نایه وی بو شه هیدی وه تن شیوه ن وگرین
نامرن ئه وانه وا له دلی میلله تا ده ژین
راسته موخنار هونه ر جوو خوشکه زای من به هوی خراپی کوره وجیگه و ریگه ی ژیانی له ماله فه قیرانه وبی که ره سه ونا ئیستاندارده که ی خوی که ئه وه ش ئاکامی سیستمی ئابوریی و ئیداریی پاش که وتوویی ولاته که مانه جوانه مرگ بوو به لام هه ست و ویست و ئاواته کانی خزمه ت به گه له چه وساوه که ی بوو.هه ر له مندالی یه وه دوور له بنه ماله که ی له شاری مه ریوان کریکاری کرد و درسی خویند وپاشان له تاران و ره شت لیسانس و فوق لیسانسی وه رزشی وه رگرت و ها ته وه نیو گه له که ی و له ماویکی کورت دا وه کو ته نیا ماموستای تنیس له شاری سنه گه لیک وه رزشوانی کچ و کوری کو کرده وه. زوری نه مابوو باخه که ی بپشکی وبرهه مه کانی بچنی له شه ویکی سارد و شوه زنگی زستان له سی ره شه مه ی 1391 کوچی به ماندویی له پال کوره گازی کی بوهه میشه خه وی لی که وت وپاش 28 سال ژیانی پر له زه حمه ت و سه خله ت و ئاوات و ئاره زوو دلی له لیدان کوت.بویه ده کری بلین موختار شه هیدی سه نگه ری زانست وکوولتوری گه له که ی بوو.
گه رچی موختار مودای نه بوو خوی به گه ل و نیشتمانه که ی ئاشکرا بکات به لام ئه وه پول پول خه لکی دلسوزی سنه و مه ریوان و سولاوا و ئاواییه کان بووو دل و دروون و ئامانج و ئاواته کانی ئه ویان هه ر له دووره وه خوینده وه وپیش گه یشتنی ترمه که ی ریگه ی دوور وسه خله تی پیرخیرانیان پی وا وله سه ر مه زاره که ی ئاماده بوون.
گه رچی مه رگی دل ته زینی موختاربو من و دایک وباب خوشک وبرا وکه س و کاره که ی له بیر ناچیته وه به لام به راستی به شداریی و هاودردی به ربلاو وبه ر فه رااوانی ئه و خه لکه ئینسان دوست و کورد پروره خه مه کانی ئیمه ی که م کرده وه.
کاتیک هه ست و به شداریی و یارمه تی خه لکی کوردستان له رووداویکی له م چه شنه دا له گه ل شوینی کی وه کو تاران که من له کاتیک قونابی زانکوبووم وئیستا ش که ماوه ی 13 ساله لیره دژیم موتابیقه تی ئه ده م هه زا ر جار زور که مه یه ک مییلیارد جار شوکری خودا ده که م بو ئه وه ی باشترین وبه نرخترین سه رمایه ی ئینسانی مان هه یه.دیاره هیج ده سه لات و سه رماییکی مادی و مالی نا توانی له گه ل سه رمایه ی ئینسانی به رانبه ری بکات.
به داخه وه مه رگی موختارهه والی ئه ول و ئاخر نییه ,روژانه ئاگادار ده بین گه نج و پیر و مندال به تایبه ت له رووداویی جاده کان دا به گشتی له ئیران و به تایبه ت له جاده ی سنه – مه ریوان گیانی خویان له ده س ئه ده ن , وه کو بیستوومانه له ماوه ی چه ند مانگی رابوردوو دا جاریک سی برا جاریکی تر دو برا و جاروبار بنه ماله یک ویان چه ند که س به لکوهه موو موسافیره کانی ماشینه که گیانی خویان له ده س داوه. یان کومه له ی هه ژار و فه قیر له تاریکی شه و و له نیو سه رمای زستان وگه رمای هاوین له و کاتا وا ده سه لات داران وسه رمایه داران له پال فه ن کوئیله کانیان نوستوون له سه ر سنووره کان به دووی نان وئاویک بژی و نه مربه کولیک که ل و په له وه که به غه له ت نیویان ناوه که ل و په لی قاچاخ به گوله ده کوژرین یان قول به س یان ده که ن و له سه ر ئه شکه وته کان دیان خه نه خواره وه یان ره ق یان ده باته وه.ئه گه ریش بگرینه وه نیو خیزانه که یان یاش ماویکی کورت توشی نه خوشی جورواجور ده بن.بی گومان ئه م رووداوه دلته زین ونا ئاسایی گه له جیگه ی پی داچوونه وه و لی کولینه وه یان هه یه.
موختاریش له مالیکی بچووک و نا ئیستاندارد به هوی خراپی کوره که یه وه گیانی له ده س دا.بوچی گه نجیک به راستی خوینده وار و سه رکه وتوو و لی هاتوو به ئه و هه موو ئامانج و ئاوات و ...که پشتیوان و سه رمایه ی نه ته وه که ی بوو به ئا سانی له ده س به چیت؟ موختار وه کوو پسپورو ماموستاییکی وه رزشی مافی ئه وه ی نه بوو به رپرسان و باشگا که ی پیداویستییه کانی دابین بکه ن؟گه رچی پیش تر ئاماژه مان پی دا ئه م رووداوانه له سیستمی ئابوریی و ئیداریی پاش که وتویی ولاته که مان سه رچاوه ده گری.
له کوتایی دا به پیویستی ده زانم له کوده نگی و هاو ده ردی هه موو خوشکان و برایان له دوور و نزیکه وه به تایبه ت خه لکی ئاوایی پیرخیران که زورتر شه ریکی خه مه کان مان بوون و شه و روژ به جی مان ناهیلن سپاس وقه در دانی بکه م. هیوا دارم هیچ کاتیک توشی خه م و پژاره ی وا نه بن.
له گه ل ریزم
عه بدولا سوهرابی
02/04/2013
لەكۆبونەوەی مەسعود بارزانی سەرۆكی هەرێمی كوردستان لەگەڵ ئەندامانی لیژنەی گەڵاڵەكردنی هەڵوێستی هەرێم سەبارەت بە كێشەكانی نێوان هەرێم و بەغدا، بریاردرا هەڵبژاردن لەكاتی خۆیدا بكرێت‌و بریاری ژمارە دووی پەرلەمانیش بڵاوبكرێتەوە.
پێشنیوەڕۆی دوێنێ دووشەممە 1ـی 4ـی 2013، مەسعود بارزانی سەرۆكی هەرێمی كوردستان لەگەڵ ئەندامانی لیژنەی گەڵاڵەكردنی هەڵوێستی هەرێم سەبارەت بە كێشەكانی نێوان هەرێم و بەغدا كۆبوویەوە.
لەو كۆبونەوەیەدا بارودۆخی سیاسی و نێوخۆیی هەرێمی كوردستان و وەرقەی لایەنەكانی ئۆپۆزیسیۆن تاوتوێ كرا و كۆبوونەوەكە بڕیاری دا جەخت لەسەر سێ خاڵی سەرەكی بكرێتەوە:
1. هەڵبژاردنەكانی هەرێمی كوردستان لە وادەی خۆیدا ئەنجام بدرێت.
2. بڕیاری ژمارە 2ـی پارلەمان لە یەكەم ژمارەی ڕۆژنامەی وەقایعی كوردستان بڵاو بكرێتەوە.
3. هەردوو مەكتەبی سیاسیی پارتی و یەكێتی وەڵامی فەرمیی نامەی سێ لایەنەكەی ئۆپۆزیسیۆن بدەنەوە كە لە 24ـی 2ـی 2013 هەر سێ لایەنی ئۆپۆزیسیۆن لەسەر پرسی چاكسازی ئاراستەی پارتی و یەكێتییان كردووە.
بریاری ژمارەی دووی پەرلەمانی كوردستان لە 17 خاڵ پێكهاتووە‌و لەسەروبەندی خۆپیشاندانەكانی 17ی شوبات‌و رۆژانی دوایی لەلایەن پەرلەمانی كوردستانەوە دەركرا، رۆژنامەی هاوڵاتی لەماوەی رابردوودا ئاشكرایكرد كە بریارەكە لەلایەن كەمال كەركوكی سەرۆكی پێشوی پەرلەمان‌و ئەرسەلان بایزەوە شاردراوەتەوە‌و بریارەكەش لەناوەندی سیاسی‌و میدیاییدا بەبڕیارە شاراوەكە ناوبانگی دەركرد.
02/04/2013
وته‌بێژی فه‌رمیی حكوومه‌تی هه‌رێمی كوردستان، نه‌خۆشخانه‌ی جێهێشت و ڕۆژانی داهاتووش ده‌توانێ به شێوه‌یه‌كی ئاسایی بگه‌ڕێته‌وه سه‌ر كاره‌كه‌ی.
ئێواره‌ی ڕۆژی سێشه‌ممه‌ی ڕابردوو 26ی ئازاری 2013، سه‌فین دزه‌یی وته‌بێژی فه‌رمیی حكوومه‌تی هه‌رێمی كوردستان، به‌هۆی تێكچوونی باری ته‌ندروستیه‌وه له سه‌نته‌ری دڵ له هه‌ولێر نه‌شته‌رگه‌ریه‌كی به‌په‌له‌ی بۆ ئه‌نجام درا، ڕۆژی دواتر گه‌یه‌نرایه یه‌كێك له نه‌خۆشخانه‌كانی ئه‌نقه‌ره.
له‌باره‌ی ته‌ندروستیی سه‌فین دزه‌یی پزیشكانی سه‌رپه‌رشتیاری كه‌یسه‌كه‌ی؛ لێدوانێكی ڕۆژنامه‌وانیان دایه ده‌زگاكانی ڕاگه‌یاندنی توركیا و ڕایانگه‌یاند: دوای ئه‌وه‌ی له ماوه‌ی چه‌ند ڕۆژی ڕابردوودا چاره‌سه‌ری پێویستی بۆ كرا، ڕه‌وشی به‌ڕێز دزه‌یی ته‌واو باش بووه و به‌رده‌وا‌میش به‌ره‌و باشتر ده‌ڕوات، بۆیه رۆژی یه‌كشه‌ممه نه‌خۆشخانه‌ی جێهێشت و ڕۆژانی داهاتووش ده‌توانێ به شێوه‌یه‌كی ئاسایی بگه‌ڕێته‌وه سه‌ر كاره‌كه‌ی و ئه‌ركه‌كانی جێبه‌جێ بكات.
hawlati
01/04/2013
پیشانگایەک تایبەت بە داب و نەریتی ناوچە کوردنشینەکانی ئێران بۆ ماوەی ١٥ رۆژ لە شاری مەهاباد کرایەوە.
بەپێی راپۆرتی ئاژانسی هەواڵدەریی کوردپا، رۆژی شەممە رێکەوتی ١٠ی خاکەلێوە ئەنجومەنی ئەدەبیی مەهاباد پیشانگایەکی لەژێر ناوی "هەوارگە" تایبەت بە فەرهەنگ، داب و نەریتی ناوچە کوردنشینەکانی ئێران و هەروەها نمایش کران بۆ نەوەی نوێ، کردەوە.
لەو پیشانگایەدا، لە ١٠ ژووری جیاوازدا فەرهەنگ و داب و نەریتی نەتەوەی کورد بەتایبەتی کەرەستەی کار کردن لە سەدەی رابردوودا کە زۆرتر لەلایەن هەوارچی و کۆچبەرەکانەوە کاری پێکراوە، نمایش دەکرێن.
ئەو پیشانگایە بۆ ماوەی ١٥ رۆژ لە ٢ شیفتی سەرلە بەیانی و ئێواران بەرووی هاووڵاتیاندا کراوە دەبێت.
سالی رابردوو زیاتر لە ٣٠ لە هەزار کەس سەردانی ئەو پیشانگایەیان کردبوو.
هەروەها بریارە یەکەمین پیشانگای کاریکاتێریی سەر شەقام بە ناوەرۆکی "مەسەلەی پێشینیان" لە شاری مەهاباد دەستی بە کارەکانی خۆی بکات.
01/04/2013
دەمڕاستی پێشووی رێکخراوی "ئیسلام فۆڕ یووکەی"، لە دەیەمین ساڵوەگەڕێ گیرانی سەرۆکی پێشووی ئەنسارولئیسلامدا، لەگەڵ پۆلە کوردێکی لایەنگری مەلا کرێکار کۆبۆوە و ڕایگەیاند: سەربەرز بن بەوەی بە تیرۆریستتان دەزانن".
بە گوێرەی ئاژانسەکانی هەواڵ، ئیسلامیستی ئەفغانی و وتەبێژی پێشووی رێکخراوی "ئیسلام فۆڕ یووکەی"، ئانجێم چۆداری، لە کۆبوونەوەیەکی نیوە ئاشکرادا لە هێلسینکی، لە رۆژی پێنجشەممەی ڕابردوودا، لەگەڵ لایەنگرانی مەلا کرێکار کۆبۆتەوە و داوای ئازاد کردنی ناوبراوی کردووە.
لە کۆبوونەوەکەدا کە فیلمەکەی لە "یووتیووب"دا بڵاو کراوەتەوە، دروشمێک دەبینرێ کە بە زمانی کوردی داوای ئازادبوونی گیراوەکان دەکا و وتاربێژی سەرەکیی کۆبوونەوەکەش، داوا لە بەشداران دەکا "ڕاپەڕن" و "سەربەرز بن بەوەی بە تیرۆریستتان دەزانن."
وتەبێژێکی دەزگای سیخوڕیی فینلاند بە رۆژنامەی YLE News ی ڕاگەیاندووە کە لەو کۆبوونەوەیە ئاگادار بووە و ئەوەشی دەستنیشان کردووە کە "ئاگاداری جموجۆڵی ژمارەیەک لە توندڕەوەکان هەین."
ناوبراو لە وتارەکەیدا، لەبەر دەم زیاتر لە شەست کوردی دانیشتووی باکووری ئەورووپا کە بە تایبەت بۆ کۆبوونەوەکە بانگهێشت کرابوون، باسی لە نادادپەروەری کردووە لە ئەورووپا و جەختی لەسەر ئەوە کردۆتەوە کە "تەنیا شەریعە دەتوانێ چارەسەری ئەو کێشانە بکات."
02/04/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
