به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ئێواره‌ی دوێنێ 30-4 له‌شاری سلێمانی د.به‌رهه‌م ساڵح جێگری سكرتێری گشتی یه‌كێتیی نیشتمانیی كوردستان به‌ئاماده‌بونی رزگار عه‌لی و ئازاد جوندیانی ئه‌ندامانی مه‌كته‌بی سیاسی ی.ن.ك و به‌هرۆز حه‌مه ساڵح پارێزگاری سلێمانی و نه‌رمین عوسمان ئه‌ندامی سه‌ركردایه‌تی و د.سه‌لاح سه‌رۆكی زانكۆی سلێمانی پێشوازیكرد له‌وه‌فدێكی باڵای توركیا كه پێكهاتبوون له حسێن چه‌لیك جێگری سه‌رۆكی پارتی دادو گه‌شه‌پێدانی توركیا (ئاكپارتی)و محێدین شیشمه‌ك جێگری سه‌رۆكی ده‌سته‌ی خوێندنی باڵای توركیاو ئایدن سه‌لجیك سه‌ركونسوڵی توركیا له هه‌ولێرو ژماره‌یه‌ك كاربه‌ده‌ستی ئه‌و وڵاته.
له‌ودیداره‌دا به‌گرنگییه‌وه باس له‌چۆنێتی په‌ره‌پێدانی په‌یوه‌ندییه‌كانی نێوان هه‌رێمی كوردستان و توركیا كراو ته‌ئكید له‌سه‌ر زیاتر گه‌شه‌پێدانی ئه‌و په‌یوه‌ندیانه كرایه‌وه، له‌مباره‌یه‌وه د.به‌رهه‌م وتی: توركیا بۆ هه‌رێمی كوردستان گرنگه‌و به‌هه‌مانشێوه هه‌رێمی كوردستانیش بۆ توركیا گرنگه، راشیگه‌یاند ئاینده‌ی هه‌رێمی كوردستان و توركیا زۆر له‌یه‌كتره‌وه نزیكه.
هه‌ر له‌و دیداره‌دا باس له پرۆسه‌ی ئاشتی له‌توركیا كراو پشتیوانی هه‌رێمی كوردستان له‌وپرۆسه‌یه دوپاتكرایه‌وه.
له‌ته‌وه‌رێكی تری دیداره‌كه‌دا باس له‌وپێشكه‌وتن و گه‌شه‌كردنانه‌ی ئه‌مڕۆی هه‌رێمی كوردستان كراو ته‌ئكید له‌سه‌ر زیاتر به‌شداریكردنی توركیاو كۆمپانیاو وه‌به‌رهێنه‌رانی ئه‌و وڵاته له‌پرۆسه‌ی بوژانه‌وه له‌كوردستان كرایه‌وه به‌تایبه‌ت له‌بواره‌كانی په‌وه‌رده‌و خوێندنی باڵاو زانست و كلتوری، بۆ ئه‌م مه‌به‌سته‌ش هاریكاری و بونی په‌یوه‌ندی له‌نێوان زانكۆكانی هه‌رێمی كوردستان و توركیا به‌پێویست زانراو پێشنیازكرا توركیا كارئاسانی زیاتر بكات بۆ خوێنكارانی تواناسازی كوردستان و ته‌واوكردنی خوێندنی باڵا له‌و وڵاته.
1/05/2013
یەكە ئیداریەكانی سەر بەحكومەتی هەرێم لەچەندین ناوچەی هەرێمی كوردستان دەرگایان بە رووی خەڵكی رۆژهەڵاتدا (ئێران) كردووەتەوە بۆ ئەوەی ناسنامەی عێراقی وەربگرن، ئەوەش هاوكاتە لەگەڵ ئەو گومانانەی لەسەر هەڵكشانی ژمارەی دانیشتوان دروستبووە.
بەپێی بەدواداچوونێكی هاوڵاتی سەدان كوردی خەڵكی ناوچە جیاوازەكانی ئێران روویان لەشارەكانی قەڵادزەو رانیەو زاخۆو سۆران كردووە تاوەكو ناویان تۆماربكرێت بەمەبەستی پێدانی ناسنامەی عێراقی.
ئیدریس ع پور، لەگەڵ تەواوی ئەندامانی خێزانەكەی لەشاری مەهابادوە هاتووەتە هەرێم بۆ دەركردنی ناسنامە، بە‌هاوڵاتی وت «كارەكانمان بەباشی بەڕێوەچووە، ئێستا من ناسنامەم هەیە‌و تەنیا رەگەزنامە ماوە دەریبكەم».
تەواوی ئەو فەرمانگانەی ناسنامە بۆ خەڵكی رۆژهەڵات دەردەكەن لەپشكی پارتی‌و یەكێتی پۆستەكانیان وەرگرتووە.
ناوبراو پێیوایە ئەو هەنگاوەی دەسەڵاتی هەرێم هاوكارییەكی باشە‌و وتیشی «وەكو كوردێك ئامادەین بۆ هەموو جۆرە هاوكاریەكی باشووری كوردستان ئەگەر پێویستیان پێمان بوو، جا چ دەنگدان بوو یان شەڕكردن بۆ مافەكانی كورد».
بەپێی ئەو زانیاریانەی هاوڵاتی لەچەند سەرچاوەیەكی رۆژهەڵاتەوە دەستی كەوتوون، ئێران هەستی بەجموجۆڵی بەلێشاوی كوردەكان كردووە بۆ هەرێم، بۆیە دوێنێ یەكشەممە لەگوندی بێتووشی سەر بەشاری سەردەشت هێرشی كردووەتە سەر ژمارەیەك خەڵك كە ویستوویانە بچن بۆ هەرێم‌و حەوت سەیارەیانی سووتاندوە، هەروەها لەچەند رۆژی رابردوودا نزیكەی 200 كەسی دەستگیركردووە.
رەحیم محەمەدی ناوی خوازراوی یەكێكە لەو كەسانەی لەسەردەشتەوە هاتووە بۆ قەڵادزە، بە‌هاوڵاتی وت «لە رێگەی خزمێكمەوە هاتم بۆ ئەوەی ناسنامەی كوردی دەربهێنم، هیواخوازم حكومەتی هەرێم دەرگا بكاتەوە بۆ هەموو كوردانی چوار پارچەی كوردستان».
ئەو هەنگاوە لەكاتێكدایە ژمارەیەك پەرلەمانتار داوای پێكهێنانی لیژنەیەكی لێكۆڵینەوەیان كردووە بەهۆی ئەو رەخنانەی لەسەر ئاماری دانیشتوانی هەرێم هەیە كە بەپێی وەزارەتی پلاندانان رێژەكە بەشێوەیەكی نەگونجاو لەگەڵ زیادبوونی ساڵانی رابردوودا بەرزبووەتەوە، بەو هۆیەشەوە لایەنەكانی ئۆپۆزسیۆن «گومانیان» لادروستبووە لەسەر دروستی ئامارەكە.
لەهەمانكاتدا ئەو لایەنانە باسیان لەترسی بەكارهێنانی ئەو ئامارانە كردووە لەهەڵبژاردنەكاندا بەقازانجی پارتی، چونكە رێژەكە زیاتر لەناوچەكانی ژێر دەسەڵاتی ئەو حزبەدا زیادیكردووە.
عەبدوڵا حەمەئەمین، ئەندامی لیژنەی یاسایی پەرلەمان، بە‌هاوڵاتی وت «ئەوەی پارتی‌و یەكێتی دەیكەن تێكدانی ئاسایشی وڵات‌و ئاسایشی مرۆییە، ئەو ناونووسینانە بۆ مەرامی سیاسی و هەڵبژاردنە ئەگینا پاساوی تری لەپشت نیە«.
پێشیوابوو كە ئەگەر ئەو كارە بەردەوام بێت ئەوا هەڵبژاردنی پەرلەمان‌و سەرۆكایەتی هەرێم نەكرێت باشترە، كە بڕیارە 21ی ئەیلولی ئەمساڵ بەڕێوەبچێت.
جەلال شێخ كەریم، بریكاری وەزارەتی ناوخۆ، بە‌هاوڵاتی وت «بڕیارێكمان دەركردوە بۆ ئەو كەسانەی كاتی خۆی پەناهەندەی وڵاتان بوون بەهۆی شۆڕشی ئەیلول‌و شۆڕشی نوێوە، ئەوانەی دایك‌و باوكیان یان خوشكێك یان برایەكیان هەیە لێرە ناسنامەیان بۆ دەركرێت».
ئەوەشی خستەڕوو كە هەموو ئەو خەڵكەی هاتوون ناسنامەیان بۆ ناكرێت، چونكە دەبێت سەردانی دادگا بكەن‌و ببرێنە تاقیگەی زانستی و ناوی كەسوكاریان لەلیستی تۆماری هەرێم‌و شایەدیان هەبێت.
دانا رەزگەیی
hawlati
30/04/2013
وه‌زیری به‌رگریی ئه‌مه‌ریكا ته‌ئكیدی كرده‌وه واشنگتۆن و هاوپه‌یمانه‌كانی، سه‌رقاڵی شیكردنه‌وه‌ی ئه‌و راپۆرت و به‌ڵگه‌نامانه‌ن كه ئاماژه به به‌كارهێنانی چه‌كی كیمیایی له‌لایه‌ن رژێمی سووریاوه ده‌كه‌ن.
چاك هیگڵ، وه‌زیری به‌رگریی ئه‌مه‌ریكا، له لێدوانێكی رۆژنامه‌وانیدا ته‌ئكیدی كرده‌وه به‌ر له هه‌ر بڕیار و هه‌ڵوێسته‌یه‌ك سه‌باره‌ت به سووریا، پێویستیان به به‌ڵگه و دۆكیۆمێنتی زیاتر هه‌یه.
وه‌زیری به‌رگریی ئه‌مه‌ریكا، له وه‌ڵامی پرسیاری ئه‌گه‌ری ده‌ستێوه‌ردانی سه‌ربازیی ئه‌مه‌ریكا له قه‌یرانی سووریا، هیچ لێدوانێكی نه‌داوه.
هاوكات له‌گه‌ڵ بڵاوبوونه‌وه‌ی راپۆرتی به‌كارهێنانی چه‌كی كیمیایی له‌لایه‌ن رژێمی به‌شار ئه‌سه‌د، كۆنگرێسی ئه‌مه‌ریكا، حكوومه‌ته‌كه‌ی ئۆبامای خستووه‌ته ژێر گوشار، بۆ ده‌ستێوه‌ردان له قه‌یرانی ناوخۆی سووریا.
باراك ئۆباما، سه‌رۆككۆماری ئه‌مه‌ریكا، به‌كارهێنانی چه‌كی كیمیایی له‌لایه‌ن رژێمی به‌عسی سووریا به هێڵی سوور ده‌زانێت، به‌ڵام هێشتا هیچ ئاماژه‌یه‌كی به ئه‌گه‌ری ده‌ستێوه‌ردانی سه‌ربازی نه‌كردووه.
ئا. ر
30/04/2013
ئه‌مڕۆ سه‌رۆكی ئه‌نجومه‌نی وه‌زیرانی هه‌رێمی كوردستان و شاندێكی یاوه‌ری سه‌ردانی به‌غدای كرد و له‌گه‌ڵ سه‌رۆكی وه‌زیرانی عێراق كۆبۆوه و به‌ڕاشكاوی هه‌ردوولا باسیا له خاڵه ناكۆكه‌كانی نێوانیان كرد، هه‌ردوولا رێككه‌وتن له‌سه‌ر ئه‌وه‌ی سه‌رجه‌م كیشه‌كان به‌پێی ده‌ستور چاره‌سه‌ر بكه‌ن.
هه‌ردوولا گفتوگۆیان سه‌باره‌ت به دۆزینه‌وه‌ی سه‌رجه‌م پرسه هه‌ڵپه‌سێردراوه‌كان كرد و رێككه‌وتن به‌پێی ده‌ستور سه‌رجه‌م كیشه‌كان چاره‌سه‌ربكه‌ن، له هه‌مانكاتدا له‌سه‌ر پێدانی گرنگی تایبه‌ت به لایه‌نی ئه‌منی له‌سه‌رجه‌م عێراق رێكه‌وتن، هه‌ر له‌مباره‌وه هه‌ماهه‌نگی زیاتر بكرێت.
هه‌ردوولا رێككه‌وتن كه ئه‌و یاسایانه‌ی كاریگه‌ری كارایان له چاره‌سه‌ركردنی كێشه هه‌ڵپه‌سێردراوه‌كان وه‌ك یاسای نه‌وت و گاز و یاساكانی دیكه هه‌یه، پێویسته كاری له‌سه‌ر بكرێت و په‌سه‌ندبكرێت، هه‌روه‌ها بۆ چاره‌سه‌ركردنی سه‌رجه‌م ئه‌و پرسانه بڕیاردرا دانیشتنه‌كان و په‌یوه‌ندییه‌كان به‌رده‌وامیان هه‌بێت.
ماڵپه‌ڕی سه‌رۆكی ئه‌نجومه‌نی وه‌زیران / س . س
29/04/2013
مەسعود بارزانی، سەرۆكی هەرێم پێیوایە گەلی كورد قوربانی زۆری داوە و رێگەی زۆریشی بڕیووە، دەڵێت “ئەو قوربانیانەی گەلی كورد داویەتی بەشی 10 دەوڵەتی سەربەخۆیە”.
ئەمڕۆ یەكشەممە 28/4/2013، مەسعود بارزانی لە سەلاحەدین پێشوازی لە نوێنەرانی ڕێكخراوەكانی بەشداربووی “سێیەم كۆنفرانسی لاوانی هەر چوار پارچەی كوردستان” كرد.
بارزانی، بەپێویستی زانیوە لاوانی هەر چوار پارچەی كوردستان هەوڵ بۆ یەكبوونی تواناكانیان بدەن و لە ژێر یەك ئاڵادا كار بكەن.
سەرۆكی هەرێم، ئاماژەی بە خۆراگریی گەلی كورد كردوەو و وتویەتی “گەلی كورد سەرەڕای نەهامەتییەكان توانی خۆڕاگر بێت و ناسنامەی نەتەوەیی خۆی بپارێزێ و ئێستاش گەیشتۆتە قۆناغی خەباتی ئاشتی و دیموكراتی، و تەنیا بەو رێگەچارەیە دەسكەوتەكان گەورەتر و پڕ بەهاتر دەبن”.
لە دیدارەكەدا بارزانی باسی لە گۆڕانكارییەكانی ناوچەكە كردوەو گەشبینی خۆی نیشانداوە كە گۆڕانكارییەكان لە بەرژەوەندیی نەتەوەیی كوردن، بۆیە دەبێ كورد كارێك بكات لە هاوكێشە تازەكاندا دەسكەوت مسۆگەر بكات.
سێیەمین كۆنفڕانسی لاوانی نەتەوەی كورد، لە كەمپی دۆمێزی پارێزگای دهۆك ئەنجامدرا، رۆژی هەینی دەستیپێكردو دوو رۆژی خایاند، مانگی رابردووش كۆنفرانسی لاوانی نەتەوەیی كورد لەشاری رمێلانی رۆژئاوای كوردستان ئەنجامدرا، كە رێكخراوی یەكێتی لاوانی پارتی‌و رێكخراوەكانی نزیك لەو حیزبە بایكۆتی كۆنفرانسەكەیان كرد.
29/04/2013
فه‌رمانده‌ی هێزی وشكانی سوپای عێراق جموجوڵی هێزی پێشمه‌رگه له دەوروبەری شاری كه‌ركووك بە پێشهاتێكی "مه‌ترسیدار" وەسف دەکات.
عه‌لی غێدان, فه‌رمانده‌ی هێزی وشكانی سوپای عێراق دەڵێت: "ئه‌وه‌ی له كه‌ركووك روو دەدات پێشێلكاریی پێچەوانەی رێككه‌وتننامه‌ی سه‌ربازی هاوبەشەکەی نێوان هەردوولایە".".
فه‌رمانده‌ی هێزی وشكانی سوپای عێراق، گووتيشی "جۆلەپێکردنی هێزی پێشمه‌رگه لەو ناوچەیە به‌مه‌به‌ستی گه‌یشتنه به كێڵگه و بیره نەوتییەکانی شاری کەرکووکە و بارودۆخەکە ئاڵۆزتر دەکات''.
به‌وته‌ی جەبار یاوەر، ئه‌مینداری گشتی وه‌زاره‌تی پێشمه‌رگه، جێگیركردنی پێشمه‌رگه له‌و ناوچانه ته‌نها به مه‌به‌ستی رێگه‌گرتن له‌دزه‌كردنی چه‌كداره‌كانی گروپه "تیرۆریسته‌كان"ە بۆ ئه‌و ناوچانه و پاراستنی هاووڵاتیانی دانیشتوی ئه‌و ناوچانه و هێزه سه‌ربازییه‌كان له كار و كرده‌وه‌ی "تیرۆریستی" ئه‌و گروپانه به تایبه‌تیش كه له‌م چه‌ند رۆژه‌ی رابردوو وله‌سه‌ر رۆشنایی زانیاری هه‌واڵگرییه‌كانی وه‌زاره‌تی پێشمه‌رگه كه ئه‌و گروپانه نیازی ئه‌نجامدانی كاری "تیرۆریستی" گه‌وره‌یان هه‌یه..
rudaw
28/04/2013
هێزه چه‌كداره‌كانی سوپای ئازادی سوریا، پیاوێك ده‌ستگیر ده‌که‌ن‌و دوای ئه‌شکه‌نجه‌دانی ده‌یسوتێنن.
ئاژانسی فورات نیوز بڵاویكرده‌وه، هاوڵاتیه‌ک به‌ناو (فه‌یسه‌ل ئه‌حمه‌د جه‌لود) له‌به‌ر هێرشی گروپه چه‌کداره‌کان و فڕۆکه‌کانی رژێم له‌گونده‌که‌ی ئاواره‌ببوو ، له‌کاتێکدا ده‌یه‌وێت بگه‌ڕێته‌وه گونده‌که‌ی و سه‌یری ماڵه‌که‌ی بکات، له‌لایه‌ن گرووپێک به‌ناو (ئه‌حرار شام) سه‌ربه سوپای ئازاد ده‌ستگیر ده‌کرێت و دوای ئه‌شکه‌نجه‌دانی سووتێنرا .
فه‌یسه‌ل ئه‌حمه جه‌لود مانگ و نیوێکه له‌به‌ر بۆردومانی فڕۆکه‌کانی رژێم له‌دژی شارۆچکه‌ی ته‌لکۆچه‌ر، کۆچی گوندی سوکریاتی کردبوو، دوێنێ گه‌ڕایه‌وه شارۆچکه‌که‌و ویستی سه‌یری ماڵه‌که‌ی بکات. به‌ڵام ئه‌حمه‌د جه‌لود کاتێک ده‌ڕواته ناو ماڵه‌که‌ی ده‌بنێت گرووپی چه‌کدار به‌ناو که‌تیبه‌ی (ئه‌حرار شام) سه‌ر به که‌سێکی به‌ناوی (ئه‌بوو محه‌مه‌د حاجووک) ماڵه‌که‌یان کردۆه‌ته ناوه‌ندی چه‌کداره‌کان .
جه‌لوود له‌ماڵه‌که‌یدا خۆی دا له‌لایه‌ن (5) چه‌کداره‌وه ده‌ستگیرده‌کرێت و ده‌ست و چاوی ده‌به‌سترێته‌وه. ئه‌و گروپه جه‌لوود ده‌به‌نه ژووری ماڵه‌که‌وه و له‌سه‌ر گوندی سوکه‌ریات و YPG پرسیاری لێده‌که‌ن به‌ڵام کاتێک جه‌لوود ووتویه‌تی که ئه‌و شتێک نازانێت، رووبه‌ڕوی ئه‌شکه‌نجه کرایه‌وه. هه‌مان گرووپ به ئه‌شکه‌نجه رازی نابن و پاشان نه‌وت ده‌ڕژێننه سه‌ر جه‌لوود و ئاگر له‌جه‌سته‌ی به‌رده‌ده‌ن .
له‌کاتێکدا ئه‌شکه‌نجه له ئه‌حمه‌د جه‌لود کراوه، فڕۆکه‌کانی رژێم شارۆچکه‌ی تلکۆچه‌ریان بۆردومان کردووه. ، ئه‌شکه‌نجه که‌ره‌کان جه‌لود به‌جێده‌هێڵن و هه‌ڵدێن. له‌سه‌ر ئه‌و بنه‌مایه جه‌لود ده‌رفه‌تێک ده‌دۆزێته‌وه هه‌رئه‌وکات خۆی ده‌سته‌کانی ده‌کاته‌وه و له سه‌ر بانه‌وه بۆ ماڵێکی تر له‌هه‌رێمه‌که‌دا هه‌ڵدێت. دانیشتوانی ماڵه‌که کاتێک جه‌لوود به‌و شێوازه ده‌بینن، به په‌له ده‌یگوازنه‌وه بۆ نه‌خۆشخانه‌ی ئه‌لسه‌لام له شاری گرکێ له‌گێ. له‌و نه‌خۆشخانه‌دا پاش موداخله سه‌ره‌تاییه‌کان، جه‌لوود ده‌گوازنه‌وه بۆ نه‌خۆشخانه‌ی قامیشلۆ .
ئه‌حمه‌د جه‌لوود که له‌ژێر چاره‌سه‌ری پزیشکی دایه، به‌سه‌ر هاتی خۆی بۆ ئاژانسی ANHA باس کرد. جه‌لوود رایگه‌یاند مانگ و نیوێک پێش ئێستا له به‌ر بۆردومانی هێزه‌کانی رژێمی به‌عس له‌دژی تلکۆچه‌ر ماڵه‌که‌ی بارکردووه و له‌گوندی سوکریات نیشته‌جێ بووه.
جه‌لوود ده‌ستنیشانی کرد که دوێنێ ویستوویه‌تی بڕوات سه‌یری ماڵه‌که‌ی له تلکۆچه‌ر بکات، کاتێک رۆیشتووه‌ته ئه‌وێ، له‌لایه‌ن (5) چه‌کداری که‌تیبه‌ی (ئه‌حرار شام)وه داگیرکراوه ، پاشان ده‌ست و چاوی ناوبراو به‌ستوه‌ته‌وه‌و و پاش ئه‌شکه‌نجه ئاگری له‌جه‌سته‌ی به‌رده‌ده‌ن . جه‌لوود رایگه‌یاند که چه‌کداره‌کان پرسیاری وه‌ک (کێ شه‌رڤانانی YPG ی هێناوه‌ته ناو گوندی سوکریات؟ له‌گوند کێ هه‌ڤاڵی YPG یه؟ فه‌رمانده‌ی YPG کێیه ؟ ژماره‌یان چه‌ند که‌سه؟” لێکردووه .
جه‌لود ئه‌و شتانه‌ی که پاش پرسیاره‌کان به‌سه‌ریان هێناوه وه‌های راگه‌یاند: “کاتێک من وه‌ڵامی (نازانم دایه‌وه) ئه‌شکه‌نجه‌یان کردم و نه‌وتیان رژانده سه‌ر لاشه‌م و پاشان ئاگریان تێبه‌ردام و لاشه‌م گڕی گرت. به‌ڵام له‌و کاته‌دا فڕۆکه‌کانی رژێمی به‌عس تلکۆچه‌ریان بۆردومان کرد و گرووپه چه‌کداره‌کان هه‌ڵهاتن. پاشان منیش ده‌سته‌کانم کرده‌وه‌و له‌سه‌ر بانی ماڵه‌کانه‌وه بۆ ماڵی هاوڵاتییه‌ک له تلکۆچه‌ر هه‌ڵهاتم. ئه‌و ماڵه‌ش منیان هێنایه نه‌خۆشخانه‌ی ئه‌لسه‌لام له‌گرکێ له‌گێ .”
hawlati
28/04/2013
سەرۆك وەزیرانی توركیا، رایگەیاند كە كامڵبوونی پڕۆسەی ئاشتەوایی لەگەڵ كورد، دەرگای سەردەمی تاریكی دادەخرێت و سەردەمێكی نوێ دەست پێ دەكات.
بەپێی راپۆرتێكی رۆژنامەی حوڕیەتی توركیا، رەجەب تایب ئەردوغان، سەرۆك وەزیرانی توركیا، لە یەكەم لێدوانیدا لە دوای بڕیارەكەی پارتی كرێكارانی كوردستان لە كشانەوەی لەنێو خاكی توركیا رایگەیاند: سەردەمی شەڕكردن كۆتایی هاتووە.
ئەردوغان گوتی: "ئەوەی نزیك بووەتەوە كۆتایی هێنانی شەڕی 30 ساڵەی چەكدارییە و بە سەركەوتنی ئەم پڕۆسەیەی ئێستاش، كۆتایی هێنانە بە سەردەمی تاریكی".
سەرۆک وەزیرانی تورکیا، لەدرێژەی وتارەكەیدا كە بۆ بازرگانانی توركیا دەدوا، داوای لێكردن پڕۆژەی سەرمایەگوزاری و وەبەرهێنانەكانیان ببنە ناوچەكانی رۆژهەڵاتی باشووری توركیا كە ناوچە كوردنشینەكانە و داوای لێكردن پەرە بەو ناوچەیە بدەن.
سۆران عەلی/م.ش
pna
28/04/2013
بەناوی خوای گەورە و میهرەبان
لاوانی ئازیز، خوشك و برایانی خۆشەویست...
ئامادەبوانی بەڕێز...
زۆر بەخێر بێن و هیوای سەركەوتن و بەختەوەریتان بۆ دەخوازم. پیرۆزباییەكی گەرم لە ئەندامانی كۆنفڕانس و لاوانی هەر چوار پارچەی كوردستان دەكەم بە بۆنەی بەستنی سێیەمین كۆنفڕانسی لاوانی كوردستان و هیوادارم هەمیشە بەمشێوەیە یەك دڵ و یەك ئامانج بن كە ئەویش گەشەپێدان و خزمەتكردنی گەنج و لاوی كوردە لە هەر چوار پارچەی كوردستان.
ئومێدێكی زۆرم بە ئێوەی ئازیز هەیە كە هەمیشە تێبكۆشن بۆ سەربەرزیی گەلەكەمان و گەییشتن بە ڕزگاریی یەكجارەكی لە ژێر دەستی و داگیركاریدا.
داواتان لێ دەكەم هەردەم بەهێز و بە ئومێد بن و دژی ئەو دەنگ و هزرانە بوەستنەوە كە بڕوایان بەخۆ و بە تواناكانی گەلی كورد نییە و خۆیان لە خەڵكی دی بە كەمتر دەزانن. مێژوو و دەستكەوت و قوربانیدان و سەروەرییەكانی گەلی كورد بێهەژمارن و دەبێ ببنە هەوێنی بڕوابەخۆبوونی نەتەوەییمان بۆ ئەوەی هانمان بدات هەموو مافەكانی خۆمان مسۆگەر بكەین و لەسەر پێی خۆمان بوەستین و خاوەنی ئیرادە و چارەنووسی خۆمان بین.
لاوانی خۆشەویست:
ئێستا لە هەموو كاتێك گونجاوترە بۆ ئەوەی بیر لە بەستنی كۆنگرەی نەتەوەیی بكەینەوە بە بەشداریی هەموو لایەنە كوردستانییەكانی هەر چوار پارچەی كوردستان، بۆ ئەوەی بەردی بناخەی ستراتیژیی كوردستان دابنێین لە ناوچەكەدا كە لەسەر بنەمای پەیامی ئاشتی و پێكەوەژیانی گەلان دەبێت.
هیوادارم كونفرانسەكەتان ببێتە دەروازەیەك بۆ بەستنی كۆنگرەی نەتەوەیی و هەوێنی یەكڕیزیی هەموو لایەك.
بە پێویستی دەزانم كە ئاگادارتان بكەمەوە ئێستا لەهەموو كاتێك زیاتر ئومێد هەیە گەلی كورد هەنگاوی گەورەتر بنێت و ئاییندەیەكی پرشنگدار چاوەڕوانی گەلی كوردە. سەدەی بیست و یەك، سەدەی گەلی كوردە و ئەركی ئێوەی لاو و گەنج قورستر دەبێت و پێویستە هەمووتان خۆتان بە باشی ئامادە بكەن بۆ ئەوەی بە باشترین شێوە خزمەتی وڵاتەكەتان بكەن.
لە كۆتاییدا دووبارە پیرۆزباییتان لێ دەكەم و هیوای سەركەوتن بۆ ئێوە و كۆنفرانسەكەتان دەخوازم.
هەر شاد و سەر فیراز بن
مسعود بارزانی
سەرۆكی هەرێمی كوردستان
لە رۆژانی 26-27/4/2013 لە كەمپی دومیز، لە ژێر دروشمی لە پێناو یەكگوتاری نەتەوەیی لاوانی كورد، سێیەمین كۆنفرانسی نەتەوەیی لاوانی چوار پارچەی كوردستان بە ئامادەبوونی 250 ئەندام كە نوێنەرایەتی 76 رێكخراوی لاوانی هەرچوار پارچەی كوردستان دەكەن بەڕێوەچوو. كۆنفرانسەكە تەوەرەكانی بریتی بوون لە روانینی لاوان بۆ شۆڕشی نەتەوەیی كورد، هۆكاری دروستنەبوونی دەوڵەتی كوردی لە روانگەی لاوانەوە، داخوازیەكانی لاوان و ئینتیمای نەتەوەییان، هەوڵدان بۆ بەستنی كۆنگرەی نەتەوەی، پاش بەردەوام بوونی لە دوودا، رۆژ بڕیاری لەسەر ئەو خاڵانەی خوارەوە دا:
١- پشگیری لە خەباتی نەتەوەیی كورد دەكەین لەهەموو بەشەكانی كوردستان، پاراستن و رێزگرتن لە بەهاو سەروەرەیە نەتەوەییەكان بە ئەركی هەموو لاوانی كورد دادەنرێ.
٢- بەكارهێنانی دەستەواژەی (باشور و باكور و رۆژهەڵات و رۆژئاوایی) كوردستان لەبری ناوی وڵاتی داگیركاری كوردستان.
٣- داواكارین لەكاتی بەستنی كۆنگرەی نەتەوەیی كورد، رۆژی شەهیدانی كورد دیاری بكرێت، سێ یەم كۆنفرانس پێشنیار دەكات رۆژی شەهید بوونی پێشەوا قازی محمد بە رۆژی شەهیدی كورد دیاری بكرێ.
٤- كاركردن بۆ چەسپاندنی یەكگوتاری لەسەر ستراتیژی دیاریكردنی مافی چارەنووسی نەتەوەیی كورد.
٥- رێگرتن لە شێواندنی مێژوو و كەلتوری كورد و ناساندنی بەنەوەی نوێ.
٦- هەوڵدان بۆ بنیادنانی ژینگەیەكی تەندروست لە هەموو بوارەكان.
٧- هەوڵدان بۆ پێكهێنانی كۆمەڵگەیەكی مرۆڤ سالار لەسەر بنەمای پابەندبوون بە جاڕنامەی مافی مرۆڤ، لە هەمان كاتدا پێوستە لەهەر شوێنێك مافی تاكێكی كورد پێشێلكرا، سەرجەم لاوانی كورد لە پێناو ئیدانەكردنیدا هاو هەڵوێستبن.
٨- پشگیری لەهەر چەشنە هەوڵێكی ئاشتیانە لە باكوری كوردستان دەكەین بە مەرجێك خزمەت بۆ وەدیهێنانی مافەڕەواكانی گەلی كورد لە باكوری كوردستان بكات و گەل چارەنووسی خۆی دیاریبكات.
٩- پێوستە شەڕی براكوژی بەهەر پاساوێك بێت دووبارە نەبێتەوە، هەر لایەنێك دووبارەی بكاتەوە پێوستە شەرمەزار بكرێت و رێگری لێبكرێ لەهەموو كوردستان بە تایبەت رۆژئاوای كوردستان.
١٠- پشگیری لە شۆڕشی رۆژئاوای كوردستان دەكەین و دژی هەر هەوڵێكی پەرتبوونی ریزەكانی گەل دەوەستینەوە، داواكارین لە چوارچێوەی هەرێمێكی فیدراڵ بە مافەكانی خۆیان بگەن.
١١- لە بەرامبەر سیاسەتی تواندنەوەی زمانی كوردی دەوەستینەوە و داواكارین زمانی ستاندار بێتە ئاراوە.
١٢- داوای گەڕاندنەوەی كەركووك و ناوچە دابڕێندراوەكان بۆ سەر هەرێمی كوردستان دەكەین.
١٣- ئیدانەی ئەو كۆمەڵكوژیانە دەكەین كە رژێمی ئەسەد پەیڕەوی دەكات، داوا لە كۆمەڵی نێودەوڵەتی دەكەین لە ئاستی پێشێلكاری مافەكانیان بێتە دەنگ.
١٤- ئێمە وەكو لاوانی هەر چوار پارچەی كوردستان وێڕای پشگیریمان لە خەباتی سەرجەم بەشەكانی كوردستان، ئیدانەی هەر هەوڵێكی خۆسەپاندن و بە لاڕێدا بردندنی خەباتیان دەكەین.
١٥- بەردەوامبوون لە هەوڵی پێكهێنانی فیدراسیۆنی رێكخراوەكانی لاوانی كوردستان.
١٦- ئێمە وەك لاوانی كورد مادە هۆشبەرەكان بەچەكی كاریگەر لە پێناو لەناوبردنی بیری نەتەوەیی كورد دادەنێین و دژی دەوەستینەوە.
١٧- هەوڵدان بۆ بەرەنگار بوونەوەی توندوتیژی دژی ئافرەتان.
١٨- پێوستە لەسەر حكوومەتی هەرێمی كوردستان زەمینە بڕەخسێنێ بۆ لاوانی بەشەكانی تری كوردستان كە نیشتەجێی هەرێمن، كێشەكانیان چارەسەربكرێ.
١٩- كۆنفرانسی لاوانی كورد كۆمەڵكوژی روبۆسكی شەرمەزار دەكات و داواكارە ئەنجامدەرانی ئاشكرابكرێن و بدرێنە دادگا.
٢٠- كۆنفرانسی لاوانی كورد دژی پێشێلكردنی مافی نووسەر و ئەدیب و رۆژنامەنووسانە كە لە روی ئایدۆلۆژیەوە لەلایەن هەر لایەنێكەوە بكرێ .
٢١- بۆ سود وەرگرتن لە توانا لە بن نەهاتوەكانی لاوان پێویستە لە كایە سیاسی و كۆمەڵایەتی و ئیداریەكان بەشداری یان پێبكرێ.
٢٢- پێوستە حكوومەتی هەرێمی كوردستان هەوڵێكی جدی بۆ دەستبەر كردنی مافی كوردانی فەیلی بدات.
٢٣- كۆنفرانس داواكارە لاوانی كورد لە هەندەران دەکات لە پێناو ویست و داخوازیەكانی كورد تێبكۆشن.
٢٤- لاوانی كورد تواناكانیان لە پێناو خزمەت بە ئامانجە نەتەوەییەكان پەرەپێبدەن.
٢٦- پێوستە لاوانی كوردستان ساڵانە یادی شەهیدانی سەرهەڵدانی 12 ئاداری ساڵی 2004 رۆژئاوای كوردستان وەك بزاڤێكی گەنجانە بكەنەوە.
٢٧- كۆنفرانسی چوارەم، لە ساڵی داهاتوو رێكخراوەكانی لاوانی رۆژهەڵاتی كوردستان كات و شوێنەكەی دیاری دەكەن.
بژی كورد. بژی كوردستان
سەروەریی بۆ شەهیدان
سێیەمین كۆنفرانسی لاوانی كوردستان
27 نیسانی 2013، دومیز
بەرپرسێکی پارتی دیموکراتی کوردستان دەڵێ چەکدارە عەرەبە سوننەکان، هێزی پێشمەرگە لە ناوچە مینڕێژکراوەکان ئاگادار دەکەنەوە.
جه‌عفه‌ر شێخ مسته‌فا، به‌رپرسى لقى 15ی خانه‌قینى پارتى دیموكراتى كوردستان سەبارەت بە گرژییەکانی سنووری زنجیرە چیای حەمرین، به (رووداو)ى راگەیاند "هێزه عه‌ره‌به سوننه‌كان له‌گه‌ڵ كورد ته‌بان، هیچ كێشه‌یه‌كیان له‌گه‌ڵ كورد نییه و به پێشمه‌رگه‌كانى ئێمه‌یان گوتووه كه چه‌ند جێگه‌یه‌كیان بۆ هێزى سوپاى عێراقى مینڕێژكردووه كه ئاگادارى ئه‌وه بن. ئه‌مه‌ش ئه‌وه‌مان پێده‌ڵێ كه عه‌ره‌بى ئه‌و ناوچه‌یه كوردیان پێباشتره له هێزى عێراقى كه ئه‌منیه‌تى ناوچه‌كه‌یان بپارێزێت".
جه‌عفه‌ر شێخ مسته‌فا سەبارەت بە دەنگۆی ناردنی هێزی زیاتری پێشمەرگە بۆ ناوچەکە گوتی "تا ئێستا له‌لایه‌ن سه‌ركردایه‌تى خۆمانه‌وه هیچ شتێکمان لەو بارەوە پێڕانەگەیەندراوە".
به‌رپرسى لقى 15 پارتى راشیگه‌یاند "ئه‌گه‌ر بێتوو هێزیى پێشمه‌رگه له سنووره‌كانى كوردستاندا جێگیر بكرێت كارێكى باشه، ئێمه وه‌ك پارتى ئاماده‌ى هه‌موو كارێكین ئه‌گه‌ر سه‌ركردایه‌تى خۆمان ئه‌مرمان پێبكه‌ن".
ئەمڕۆ هەینی، سه‌رچاوه‌یه‌ك له مه‌كته‌بى سیاسى یه‌كێتى نیشتمانى كوردستان به (رووداو)ى راگه‌یاند "بە مەبەستی تاوتوێ کردنی دوایین گۆڕانکارییەکانی کوردستان و ناوچەکە، كاژێر 3ی دوانیوەڕۆی سبه‌ى شەممە، مه‌كته‌بى سیاسى یەکێتی كۆده‌بێته‌وه".
سەرچاوەکە راشیگەیاندووە "چه‌ند ئه‌ندامێكى مه‌كته‌بى سیاسى یه‌كێتى بیریان له‌وه كردووەته‌وه ئه‌مه دەرفه‌تێكى مێژووییه بۆگه‌ڕاندنه‌وه‌ى ئه‌و ناوچانه، هەربۆیە پێویستە هێزى پێشمه‌رگه له ناوچه‌كه‌دا جێگیر بكه‌ن به‌تایبه‌ت لە سنوورى زنجیرە چیاكانى حه‌مرین كه ئێستا عه‌ره‌بى عه‌شایه‌رى سوننه و گرووپى نه‌قشبه‌ندى شه‌ڕى تێداده‌كه‌ن دژی سوپاى عێراقى".
بەڵام شێركۆ میروه‌یس، به‌رپرسى مه‌ڵبه‌ندى خانه‌قه‌ینى یه‌كێتى راگه‌یاند "ئاگاداری ئەو کۆبوونەوەیە و دەنگۆی ناردنی هێزی زیاتر بۆ ناوچەکە نییە".
rudaw
27/04/2013
ئەمڕۆ پێنجشەممە، لەکۆنگرەیەکی رۆژنامەوانییدا کە زیاتر لە 50 دەزگای راگەیاندنی کوردستانی، تورکی، عەرەبی و جیهانی ئامادەی بوون، موراد قەرەیلان، سەرۆکی کۆنسەی بەڕێوەبەری کۆما جڤاکێن کوردستان KCK، ناوەڕۆکی راگەیانراوەکەی قەندیلی خوێندەوە.
قەرەیلان لە وەڵامی پرسیارێكى پەیامنێری (رووداو) کەبۆچی ئێستا مەرجی ئازادکردنی عەبدوڵڵا ئۆجەلان لە داواکارییەکانی ئێوەدا نابیسترێ، گوتی "ئێمە هەردەم داوای ئازادکردنی سەرۆک ئاپۆ دەکەین، بەڵام هەلومەرجەکە ئێستا بەو شێوەیە".
قه‌ره‌یلان راشیگه‌یاند "هه‌رچه‌نده له‌و شوێنانه‌ی كه پاشه‌كشه ده‌كه‌ین خاكی خۆمانه، به‌ڵام له ئێستا هه‌ڵومه‌رجه‌كه واده‌خوازێت كه رێگه چاره‌سه‌ر سیاسی بگیرێته‌به‌ر، ئه‌مه‌ش مانای چه‌ك دانان نییه، به‌ڵكو ته‌نیا پاشه‌كشه‌ی هێزه‌كانە".
لەکۆنگرە رۆژنامەوانییه‌كه‌دا قەرەیڵان ناوەڕۆکی راگەیانراوەکەی قەندیلی خوێندەوە و رایگەیاند "8 - 5 – 2013 " لە سنووری تورکیا پاشەکشێ دەکەن و ئەم پاشەکشێیەش بە قۆناخ دەبێت، هاوکات ئاراستەی پاشەکشێکردنیشیان باشووری کوردستان دەبێت.
لە راگەیەنراوەکەدا شەش خاڵ خرابوونەڕوو:
1- پەکەکە، بەبێ ئەوەی رێگا بە هچ رووبەڕووبوونەوەیەک بدات، لە میانی دەستپێشخەری خۆی، لە میانی بەکارهێنانی رێ و شوێنەکانی کە پێشتر بەکاریان هێناوە، هەنگاوەکانی پاشەکشێ تەواو دەکات.
2- بە گوێرەی ئامادەکارییەکان بۆ پاشەکشێ، لە ٨-٥-٢٠١٣ یەکەم قۆناخی پاشەکشێکردن دەستپێدەکات، قۆناخەکانیش بە نهێنی و لە چوارچێوەی دیسپلینی رێکخراوەیی دەبێت.
3- شوێنی مانەوەی پەکەکە دوای قۆناخەکانی پاشەکشە، هەرێمی کوردستان دەبێت، وە رێکارە یاساییەکانی مانەوەیان وەک هێزێكی فەرمی لەلایەن حکومەتی هەرێمی کوردستانەوە رێکدەخرێن.
4- دەبێ سوپای تورکیاش بە هەمان هۆشداریییەوە قۆناخەکانی پاشەکشە لەبەرچاو بگرێت، لە ماوەی بەڕێوەچوونی قۆناخەکانی پاشەکشەکردنیش هەر هێرشکردنە سەر، ئۆپەراسیۆن یان بۆمبارانکردن رووبدات، ئەوا بەزووترین کات پاشەکشە دەوەستێت و بەرگری لەخۆکردنی یاسایی بژاردەی پەکەکە دەبێت.
5- لە ماوەی پاشەکشێی پەکەکەدا، دەبێ هێزەکانی دەوڵەتی تورک پێشگیری لە هەر رووبەڕووبوونەوە هێرشکردنە سەر بکەن. بۆ ئەوەی ئەو پاشەکشێیەش لەچوارچێوەی قۆناخی ئاشتەوایی بەڕێوەبچێت.
6- دەبێ رێکخراوە سەربەخۆکان چاودێری پڕۆسەکە بکەن، دەبێ خاڵەکانی هەڵە و رێگرییەکان دەستنیشان بکرێن.
26/04/2013
كه‌جه‌كه كشانه‌وه‌ی گه‌ریلاكان له‌ناوخۆی توركیا راده‌گه‌یه‌نێت و له‌مانگی داهاتووشه‌وه پرۆسه‌ی كشانه‌وه‌كه ده‌ستپێده‌كات، قه‌ره‌یلان-یش رایده‌گه‌یه‌نێت: هه‌ر په‌لامارێك بۆسه‌ر هێزه‌كانمان، وه‌ڵامی ده‌ده‌ینه‌وه‌و پرۆسه‌ی كشانه‌وه‌كه‌ش راده‌گرین.
ئه‌مڕۆ 25-4، له‌كۆنگره‌یه‌كی رۆژنامه‌نوسیدا له قه‌ندیل، به‌ئاماده‌بوونی زیاتر له 150 رۆژنامه‌نوسی هه‌رێمی كوردستان و رۆژنامه‌نوسانی بیانی، موراد قه‌ره‌یلان سه‌رۆكی كۆنسه‌ی به‌ڕێوه‌به‌رایه‌تی (كه‌جه‌كه)، واده‌ی كشانه‌وه‌ی هێزه‌كانی گه‌ریلای له‌ناوخۆی توركیا راگه‌یاند.
قه‌ره‌یلان به رۆژنامه‌نوسانی راگه‌یاند: رۆژی 8ی مانگی داهاتوو هێزه‌كانمان له‌ناوخۆی توركیا ده‌ست به‌كشانه‌وه ده‌كه‌ن و له هه‌رێمی كوردستان جێگیرده‌كرێن.
روونیشیكرده‌وه، بۆئه‌وه‌ی پرۆسه‌ی كشانه‌وه‌ی هێزه‌كانی گه‌ریلا به‌بێ گرفت ئه‌نجام بدرێت، پێویسته له‌سه‌ر ده‌سه‌ڵاتدارانی توركیا و هێزه سه‌ربازییه‌كانی، هاوته‌ریبی كشانه‌وه‌ی هێزه‌كانمان، رێگه به هه‌ڵسوكه‌وتی هه‌ڵخه‌ڵه‌تێنه‌ر نه‌ده‌ن و جموجۆڵ ئه‌نجام نه‌ده‌ن كه شه‌ڕو پێكدادانی لێبكه‌وێته‌وه.
هۆشداریشیدا له‌ئه‌گه‌ری هه‌ر په‌لامارێك بۆسه‌ر هێزه‌كانیان له‌كاتی كشانه‌وه‌دا، به‌مافی خۆیانی ده‌زانن وه‌ڵامی په‌لاماره‌كان بده‌نه‌وه‌و پرۆسه‌ی كشانه‌وه‌كه‌ش رابگرن.
جێی ئاماژه‌یه، پرۆسه‌ی كشانه‌وه‌ی هێزه‌كانی كه‌جه‌كه (باڵی سه‌ربازی په‌كه‌كه)، له‌چوارچێوه‌ی دانوستانه‌كانی ئاشتی دێت له‌نێوان حكومه‌تی توركیا و په‌كه‌كه، كه ئامانج لێی كۆتایی هێنانه به شه‌ڕو پێكدادانه‌كانی نێوانیان و دۆزینه‌وه‌ی رێگه‌چاره‌یه‌كی ئاشتییانه بۆ دۆزی گه‌لی كورد له‌و وڵاته.
25/04/2013
كه‌ركوك: سایتی شار پرێس ئه‌مڕۆ، پێنجشه‌ممه، بڵاویکردۆتەوە چه‌كداره سوننه‌كان له‌هه‌وڵی ئه‌وه‌دان په‌لاماری حه‌مرین بده‌ن هه‌تا كه‌ركوك له‌به‌غدا داببڕن‌و مالیكیش بۆ رێگرتن له‌كشانی ئه‌و چه‌كدارانه په‌نا بۆ پێشمه‌رگه ده‌بات.
بەگوێرەی زانیاریەکانی ئەو سایتە هه‌ردوو لایه‌نی عێراق‌و كورد زانیاری وردی هه‌واڵگریان پێگه‌یشتووه به‌وه‌ی چه‌كداره سوننه‌كان پاش په‌لاماردانی حه‌مرین ده‌بنه هه‌ڕه‌شه‌یه‌كی جدی بۆ سه‌ر كه‌ركوك، له‌به‌ر ئه‌و حاڵه‌ته‌ش ئه‌مڕۆ چه‌ند جارێك په‌یوه‌ندی ته‌له‌فۆنی له‌نێوان نوری مالیكی‌‌و به‌رهه‌م ساڵح‌و هۆشیار زێباریدا ئه‌نجامدراوه بۆ ئه‌وه ئه‌منیه‌تی كه‌ركوك‌و ده‌وروبه‌ری به‌ته‌واوی‌و به‌شێوه‌یه‌كی كاتی بدرێته ده‌ست پێشمه‌رگه.
لای خۆیانه‌وه به‌رهه‌م ساڵح‌و هۆشیار زێباری به‌ڵێنیان به‌مالیكی داوه كه كورد دژایه‌تی شیعه ناكات‌و له‌م جموجۆڵه‌ی ئێستا هاوكاری چه‌كداره سوننه‌كان نابێت، ئه‌ویش (مالیكی) رازی بووه ناو كه‌ركوك‌و سه‌رجه‌م ئه‌و سنورانه‌ی مه‌ترسی كشانی چه‌كداره سوننه‌كانیان لێده‌كرێت بدرێته ده‌ست هێزی پێشمه‌رگه هه‌تا له‌حاڵه‌تی روودانی هه‌ر جموجۆڵێكدا رێگه‌یان لێبگرن، بۆیه سه‌رچاوه‌كه پێشبینی كرد له‌حاڵه‌تی دڵنیابوونه‌وه‌ی زیاتر له‌ئه‌گه‌ره‌كه، هێزێكی تری پێشمه‌رگه بۆ ناوچه‌كه بجوڵێنرێت.
له‌مڕوه‌وه سه‌رچاوه‌یه‌كی تری ئاگادار رایگه‌یاندووه، پاشنیوه‌رۆی ئه‌مڕۆ هێزه‌كانی 70ی پێشمه‌رگه به‌كه‌ره‌سته‌ی سه‌ربازییه‌وه له‌سلێمانیه‌وه به‌ره‌و خانه‌قین به‌رێكراون.
25/04/2013
سەرۆکی هەرێمی کوردستان داوا لە لاوانی هەرچوار پارچەی کوردستان دەکات " تێبكۆشن بۆ گەییشتن بە رزگاریی یەكجارەكی لە ژێر دەستی و داگیركاری".
ئەمڕۆ هەینی، مەسعود بارزانی، سەرۆکی هەرێمی کوردستان لە پەیامێکدا بۆ سێیەمین کۆنفرانسی لاوانی هەرچوار پارچەی کوردستان کە لەشاری دهۆکی باشووری کوردستان بەستراوە، رایگەیاند "ئومێدێكی زۆرم بە ئێوەی ئازیز هەیە كە هەمیشە تێبكۆشن بۆ سەربەرزیی گەلەكەمان و گەییشتن بە رزگاریی یەكجارەكی لە ژێر دەستی و داگیركاریدا".
مەسعود بارزانی داوا لە لاوانی کوردستان دەکات "هەردەم بەهێز و بە ئومێد بن و دژی ئەو دەنگ و هزرانە بوەستنەوە كە بڕوایان بەخۆ و بە تواناكانی گەلی كورد نییە و خۆیان لە خەڵكی دی بە كەمتر دەزانن"، و دەڵێ "مێژوو و دەستكەوت و قوربانیدان و سەروەرییەكانی گەلی كورد بێهەژمارن و دەبێ ببنە هەوێنی بڕوابەخۆبوونی نەتەوەییمان بۆ ئەوەی هانمان بدات هەموو مافەكانی خۆمان مسۆگەر بكەین و لەسەر پێی خۆمان بوەستین و خاوەنی ئیرادە و چارەنووسی خۆمان بین".
لە پەیامەکەی سەرۆکی هەرێمی کوردستان هاتووە "ئێستا لە هەموو كاتێك گونجاوترە بۆ ئەوەی بیر لە بەستنی كۆنگرەی نەتەوەیی بكەینەوە بە بەشداریی هەموو لایەنە كوردستانییەكانی هەر چوار پارچەی كوردستان، بۆ ئەوەی بەردی بناخەی ستراتیژیی كوردستان دابنێین لە ناوچەكەدا كە لەسەر بنەمای پەیامی ئاشتی و پێكەوەژیانی گەلان دەبێت".
سەرۆکی هەرێمی کوردستان سەدەی 21 بە سەدەی گەلی کورد ناو دەبات و رایدەگەیەنێت "بە پێویستی دەزانم كە ئاگادارتان بكەمەوە ئێستا لەهەموو كاتێك زیاتر ئومێد هەیە گەلی كورد هەنگاوی گەورەتر بنێت و ئاییندەیەكی پرشنگدار چاوەڕوانی گەلی كوردە. سەدەی بیست و یەك، سەدەی گەلی كوردە و ئەركی ئێوەی لاو و گەنج قورستر دەبێت و پێویستە هەمووتان خۆتان بە باشی ئامادە بكەن بۆ ئەوەی بە باشترین شێوە خزمەتی وڵاتەكەتان بكەن".
27/04/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
