به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
مه‌سعود بارزانی، سه‌رۆكی هه‌رێمی كوردستان كۆتایی به سه‌ردانه‌كه‌ی هێنا و گه‌ڕایه‌وه هه‌رێمی كوردستان.
به گوێره‌ی هه‌واڵێكی ماڵپه‌ری سه‌رۆكایه‌تی هه‌رێمی كوردستان، ئێوارەی ئەمڕۆ شەممە 11ـی 5ـی 2013 مەسعود بارزانی سەرۆكی هەرێمی كوردستان لە ڕێگەی فڕۆكەخانەی نێودەوڵەتیی هەولێر گەڕایەوە هەرێمی كوردستان.
بارزانی بەهۆی پرسەی خوشكییه‌وه كۆتایی بە سەردانەكەی بۆ دەرەوەی وڵات هێنا و ئێوارەی ئەمڕۆ گەڕایەوە هەرێمی كوردستان.
جه‌هدییه، خوشكی گه‌وره‌ی مه‌سعود بارزانی، سه‌رۆكی هه‌رێمی كوردستان رۆژی چوارشه‌ممه‌ى رابردوو له یه‌كێك له نه‌خۆشخانه‌كانی ئێران كۆچی دواییكرد
رۆژێك پێش مردنی خۆشكه‌كه‌ی، كه ده‌كاته رۆژی سێشه‌ممه‌ی رابردوو ماڵپه‌ری سه‌رۆكایه‌تی هه‌رێمی كوردستان بڵاویكرده‌وه كه مەسعود بارزانی بە سەردانێكی تایبەت كە چەند ڕۆژێك دەخایەنێت بەرەو دەرەوەی وڵات بەڕێ كەوت.
11/05/2013
پارتی کرێکارانی کوردستان (PKK) رەتیکردووە پەیوندیان بە تەقینەوەکانی ئەمڕۆی شاری رەیهانەی تورکیاوە هەبێت و دەڵێت "کاریگەری ناکاتە سەر پرۆسەی ئاشتی نێوان ئەوان و تورکیا".
ئەمڕۆ چوار تەقینەوە شاری ریهانیەی ناوچەی هاتای تورکیای هەژاند و لە ئەنجامدا 40 کەس کوژراون و 100 کەسیش بریندار بوون.
سەرۆک وەزیرانی تورکیا رەجەب تەیب ئەردۆغانیش رایگەیاند، رەنگە تەقینەوەکان پەیوەندیان بە پرۆسەی ئاشتی نێوان پەکەکە و حکومەتەوە هەبێت یان پەیوەندی بە کێشەی سووریاوە هەبێ.
لەوبارەیەوە، ئەحمەد دەنیز، گوتەبێژی پارتی کرێکارانی کوردستان بە (رووداو)ی راگەیاند، "هیچ کاتێک ئەوان لەگەڵ هێرشەی لەم شێوەیە نین کە دژی خەڵکی مەدەنی دەکرێن. بەڵام ئەوان چاوەڕێی ئەنجامی لێکوڵینەوەکان دەکەن تاوەکو بزانرێت ئەنجامدەرانیان کێن".
دەنیز، رەتیکردووە، پەکەکە پەیوەندی بە تەقینەوەکانەوە هەبێت و گوتی، "کاریگەری ناکاتە سەر پرۆسەی ئاشتی نێوان ئێمە و دەوڵەتی تورکییە".
11/05/2013
بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان رایگەیاند، وەک پەیوەندییەکانی دەرەوە، پشتگیری لە پڕۆسەی ئاشتی دەکەن لە باکووری کوردستان و تورکیا و بۆ سەرخستنی ئەو پرۆسەیە، هەرێمی کوردستان لەسەر ئاستی سەرکردایەتی ئەو هەڵوێستەی نواندووە.
فەلاح مستەفا لەبارەی بەیاننامەکەی وەزارەتی دەرەوەی عێراق، کە کشانەوەى گەریلاکانى پارتی كرێكارانی كوردستان PKK ی لە ناو خاکى باکووری کوردستان و تورکیا بۆ ناو خاکى عێراق (هەرێمی کوردستان) رەتدەکاتەوە، لە لێدوانێکی تایبەتدا بۆ "(رووداو) گوتی: "شتێکی زۆر ئاساییە لە پەیوەندەییە نێودەوڵەتی و دیبلۆماتییەکان، بەیاننامەی ناڕەزایی دەرببڕن، بەڵام گرنگ ئەوەیە، کە ئێستا قۆناغێکی تازە لە پەیوەندییەکان دەستپێدەکات، هەروەها پڕۆسەیەکی زۆر گرنگی ئاشتی و دیالۆگ لە تورکیا دەستی پێکردووە. ئێمە هەڵوێستمان ئەوەیە، کە هەموو لایەنە پەیوەندیدارەکان و کۆمەڵگای نێودەوڵەتیش هاوکاربن لەگەڵ هەموو لایەک، بۆ سەرخستنی ئەو پڕۆسەیە".
فەلاح مستەفا راشیگەیاند، "ئەم ناوچانەی باس دەکرێن، ناوچەی سێگۆشەی سنووری نێوان کۆماری تورکیا، عێراق و ئێرانە و زۆر سەختن، تاوەکو ئێستا هیچ لایەنێک نەیتوانیوە بە تەواوی کۆنترۆڵی بکات. بۆیە بوونی ئەو گرووپە لەو ناوچانە ئەگەر ببێتە مایەی چارەسەری کێشەکە، کپکردنی چەکەکان و دەستپێکردنی قۆناغێکی تازە، لەبەرژەوەنی هەموو لایەکدایە".
بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان گوتیشی: "ئێمە دووربینانە سەیری چارەسەرکردنی ئەو کێشەیە دەکەین، کەوا بۆ ماوەی چەندین ساڵە لە تورکیا بەردەوامە. بۆیە چارەسەرکردنی ئەم کێشەیە بە شێوەیەکی ئاشتییانە لە رێگای دیالۆگ و چارەسەری سیاسی، مانای سەقامگیری و ئارامی ئەم پڕۆسەیەیە، دەبێتە مایەی تەواوبوونی ئەو توندوتیژیی و ناتێگەیشتنەی کەوا هەیە و دەستپێکردنی قۆناغی ئاوەدانکردنەوە و بنیادنانەوە".
پێشتر یاسین مەجید، سەرکردە لە دەوڵەتی یاسا لە کۆنگرەیەکی رۆژنامەوانیدا رایگەیاندبوو: ''ئێمە پێشوازی لەو رێککەوتنەی نێوان حکومەتی تورکیا و پارتی کرێکارانی کوردستان و دواتر کشانەوەی چەکدارانی پەکەکە بۆ چیاکانی قەندیل دەکەین، بە مەرجێک لە سەر حیسابی عێراق نەبێت".
پێنجشەممەی رابردوو وەزارەتى دەرەوەى عێراق لەبەیاننامەیەکدا، کشانەوەى گەریلاکانى پارتی كرێكارانی كوردستانی لە ناو خاکى باکووری کوردستان و تورکیا بۆ ناو هەرێمی کوردستان رەتکردەوە و رایگەیاند "حکومەتى عێراق رازى نابێ کۆمەڵێک چەکدار بێنە ناو خاکەکەیەوە، چونکە ئەگەرى هەیە زیان بە ئاساییشى عێراق و ئاسایشى وڵاتانى دراوسێش بگەیەنن"، هاوکات خۆشحاڵى خۆى دەربڕى بەرامبەر هەر رێکكەوتنێک لەرێگاى ئاشتیەوە ئەنجام بدرێت، بۆ چارەسەرکردنى کێشەى کورد لە باکووری کوردستان.
11/05/2013
له‌گه‌ڵ ئه‌وه‌ی سه‌باره‌ت به شه‌ڕی ناوخۆی سوریا رایان وه‌ك یه‌ك نییه، خۆشیان دانیان به‌وه‌دا نا، به‌ڵام ئه‌مڕۆ روسیا و به‌ریتانیا رێككه‌وتن له‌سه‌ر ئه‌وه‌ی حكومه‌تێكی ئینتیقالی له‌و وڵاته پێكبێت.
دوای كۆبوونه‌وه‌ی له‌گه‌ڵ سه‌رۆكی روسیا فلادیمێر پۆتین، سه‌رۆك وه‌زیرانی به‌ریتانیا ده‌یڤید كامیررۆن، رایگه‌یاند، وه‌كو دوو ئه‌ندامی هه‌میشه‌یی نه‌ته‌وه یه‌كگرتووه‌كان له‌سه‌ر ئێمه پێویسته ئه‌و پرۆسه‌یه سه‌رخه‌ین.
وتیشی، هه‌وڵه‌كانی نێوده‌وڵه‌تی ته‌نیا بۆ ئه‌وه نییه ده‌سه‌ڵات و ئۆپۆزسیۆنی سوریا له‌سه‌ر مێزی گفتوگۆ كۆبكاته‌وه به‌ڵكو وڵاتانی به‌ریتانیا و روسیا و ئه‌مه‌ریكا و وڵاتانی دیكه هاوكاری پێكهێنانی حكومه‌تێكی ئینتیقالی بكه‌ن و هه‌موو گه‌لی سوری متمانه‌ی پێبكه‌ن.
بۆ وه‌ستانی رشتنی خوێن له سوریا، روسیا له لایه‌ن وڵاتانی رۆژئاوا له نه‌ته‌وه یه‌كگرتووه‌كان كه‌وتۆته ژێر فشاره‌وه، چونكه یارمه‌تی چه‌ك ده‌گه‌یه‌نێته به‌شار ئه‌سه‌د، به‌ڵام ئه‌م هه‌فته‌یه له‌گه‌ڵ ئه‌مه‌ریكا رێككه‌وت تاكو هه‌موولایه‌كی ناكۆك له سوریا له كۆنگره‌یه‌كی نێوده‌وڵه‌تی بۆ كۆتایی هێنان به‌ململانێیه‌كه كۆبكه‌نه‌وه.
رۆیته‌رز / س . س
11/05/2013
تۆڕی میدیایی رووداو، ئێوارەی سبه‌ى شه‌ممه له ته‌لارى هونه‌ر له شارى سلێمانى کۆنسێرتێکی نێودەولەتی وکوردی میوزیک رێک دەخات لەوێش رۆژی پەخشی کەناڵی رووداو ئاشکرادەکرێت.
کۆنسێرتەکە، بە بەشداری 6 هونەرمەندی بەنێوبانگی جیهانییە کە لە وڵاتانی جیاوازی؛ کوردستان، ئێران، تورکیا، هۆڵەندا، ئازەربایجان و ئەمریکاوە هاتوون و لەلایەن هونەرمەندی بەناوبانگی کورد هەژار زەهاوی سەرپەرشتی دەکرێن.
ئەم کۆنسێرتە بە ناونیشانی "رەگی کۆن، گەڵای نوێ" یە لە چوارچێوەی ئامادەکارییەکانی تۆڕی میدیایی رووداوە بۆ دەستپێکردن بە پەخشی بەشەکانی تەلەفزیۆن و رادیۆی رووداو و هه‌ر له‌و ئێواره كۆنسێرته‌ى شارى سلێمانیش كاتى ده‌ستپێكردنى په‌خشى ڕووداو تیڤی و رادیۆ ئاشكرا ده‌كرێت .
دوێنێ و ئه‌مڕۆش هەمان کۆنسێرت لە شاری دهۆک و هه‌ولێر بە بەشداری سەدان کەس لە دانیشتوانی ئەو شارانە بەرێوە چوو،
لە کاژێر 6ی ئێوارەى سبەی شەممە لە شاری سلێمانی لە هۆڵی تەلاری هونەر ساز دەکرێت و کۆتا رۆژی کۆنسێرتەکە دەبێت.
10/05/2013
پێشنوێژی هەینی تاران دەڵێت "خەڵکی ئێران لەسەر بنەمای پێوەرە ئایینیەکان سەرۆک کۆمار هەڵدەبژێرن و سەرۆک کۆمار دەبێ لە ژێر چاودێری رێبەری ئەو وڵاتەدا کار بکات.
ئەحمەد خاتەمی، کە پێشنوێژی کاتی رۆژی هەینی شاری تارانە، لە گوتاری ئەمڕۆیدا ئاماژەیدا بە هەڵبژاردنی سەرۆکایەتی کۆمار لە ئێران و بارودۆخی سوریا و هێرشەکانی ئەم دواییانەی ئیسرائیل بۆ سەر چەند ناوچەیەکەی سوریا.
ئەو هەروەها داوای لە خەڵک کرد لەسەر بنەمای باوەڕ بە ئایین و یاسا دەنگ بە پاڵێوراوانی سەرۆک کۆماری ئێران بدەن.
بە گوتەی خاتەمی، ژمارەیەک لەو کەسانەی شیاوییان بۆ خۆپاڵاوتن بۆ سەرۆک کۆماری پشت راست ناکرێتەوە، بە واتای "رەتکردنەوەی تەواو" نییە و دەکرێ لە جێگەی دیکە کەڵکیان لێ وەربگیرێت.
ئەو هەروەها گوتی؛ سەرۆک کۆمار دەبێ لە ژێر چاودێری رێبەری ئێراندا کار بکات.
لە وتارەکەی پێشنوێژی تاراندا هەروەها هاتووە "میدیای دەوڵەتی ١٠ کاژێر کاتی داوە بە پاڵێوراوەکان، بۆیە پێویست ناکات کە بە وێنە هەڵواسین بانگەشە بۆخۆیان بکەن".
گوتاربێژی نوێژی هەینی تاران هەروەها نەیارانی ئێران بە هەوڵدان بۆ پێشگرتن لە بەڕێوەچوونی هەڵبژاردنی سەرۆک کۆماری تۆمەتبار دەکات. ئەو ئاماژەی بە ناوی نەیاران و هۆکاری ئەو هەوڵانەیان نەکرد.
سەبارەت بە بارودۆخی سوریاش، گوتاربێژی تاران دەڵێت کە هێرشی هەوایی ئیسرائیل بۆ سەر سوریا دەریخست کە خۆی ئیسرائیل پشتگیری تەواوی ئۆپۆزسیۆنی ئەو وڵاتە دەکات و هەروەها ئەم هێرشە خۆڕاگری دەوڵەتی سوریای بەهێز کردووە.
10/05/2013
ژنێکی کوردی خەڵکی شاری “سەرپێڵ زەهاو” لە دوومین جاری منداڵبوونیدا، بە سکێک بووە خاوەنی پێنج منداڵ.
بەپێی هه‌واڵێكی سایتی “ئیرنا”، ژنێکی تەمەن ٣١ ساڵ و دانیشتووی گوندی “کوبیکی حەسەن”ی سەربە لەشاری سەرپێڵ زەهاو لە نەخۆشخانەی “شهدا”ی ئەو شارە بە سکێک دوو کوڕ و سێ کچی بووە.
“هووشەنگ بەهاری” یەکێک لەو دكتۆرانه‌ی ئەو نەخۆشخانەیە بە “ئیرنا”ی راگەیاندووە، دوو منداڵ لەو پێنج منداڵە كێشیان وه‌ك یه‌كه یه‌ك کیلۆ و ٢٠٠ گرامه‌و منداڵێکی دیکەیان یه‌ك کیلۆ و ٣٠٠ گرامه‌و هەروەها دوو منداڵەکەی دیکەشیان یه‌ك کیلۆ و ١٠٠ گرامه.
ئەو دکتۆرە ئاماژەی بەوەشداوە، دوو منداڵیان بەهۆی کێشی کەم و ناکامڵی، بەمەبەستی چاوەدێری پزیشکی، رەوانەی نەخۆشخانەی شاری کرماشان کراون.
سەرپەرستی ناوەندی بێهداشت و دەرمانی شاری سەرپێڵ زەهاو رایگەیاندووە، ئەو ژنە ماوەی ٣١ هەفتە سکی بەو منداڵانە پڕ بووە و منداڵەکانیش زووتر لەپێ و مانگی خۆیان لە دایک بوون.
هاوکات باوکی ئەو منداڵانەش رایگەیاندووە، “خۆشحاڵم بەوەی کە بوومەتە باوکی ٥ منداڵی ساغ و سەلیم، بەڵام نیگەرانی دابین کردنی تێچوو و پێداویستتەکانیانم”.
10/05/2013
دوێنێ پێنج شەممە وەزارەتى دەرەوەى عێراق لەبەیانامەیەکدا کشانەوەى گەریلاکانى پارتی كرێكارانی كوردستان (PKK )ی لە ناو خاکى تورکیا بۆ ناو خاکى عێراق رەتکردەوە.
لەبەیانامەکەدا هاتووە، "حکومەتى عێراق رازى نابێ کۆمەڵێک چەکدار بێنە ناو خاکەکەیەوە، چونکە ئەگەرى هەیە زیان بە ئاساییشى عێراق و ئاسایشى وڵاتانى دراوسێش بگەیەنن".
لەهەمان کاتدا، حکومەتی عێراق خۆشحاڵى خۆى دەربڕى بەرامبەر هەر رێکكەوتنێک لەرێگاى ئاشتیەوە ئەنجام بدرێت بۆ چارەسەرکردنى کێشەى کورد لەتورکیادا.
هەروەها لەبەیانامەکەدا هاتووە، "ئەو هەڵوێستەمان لەپێناو پاراستنى ئەمن و ئاسایشى عێراق و رێزگرتنى دراوسێیەتى و دەست وەرنەدانە لەکاروبارى ناوخۆى وڵاتانى دیکە، ئەو هەڵوێستەش لەیاساکانى نێودەوڵەتى و دەستورى عێراق پەسندکراوە".
دوێنێ چوارشەممە هێزی پاراستنی گەل HPG رایگەیاند کە پڕۆسەی کشانەوەی هێزی گەریلا لە قوڵایی خاکی تورکیا و باکووری کوردستان دەستی پێکردووە، بەڵام تاوه‌كو ئێستا هیچ گەریلایەک نەگەیشتووەتەوە قەندیل.
بەختیار دۆغان، گوتەبێژی هێزی پاراستنی گەل HPG لە لێدوانێکی تایبەتدا بە (رووداو)ی راگەیاند "بەبڕیاری سەرۆک ئاپۆ و کۆما جڤاکێن کوردستان KCK، پاشەکشەی هێزی گەریلا لە قوڵایی خاکی تورکیا و باکووری کوردستانەوە بۆ قەندیل دەستی پێکرد و ئەو پڕۆسەیە تا کشانەوەی یەکجاری گەریلاکان بەردەوام دەبێت".
بەختیار دۆغان راشیگەیاند "گەریلاکان لە قوڵایی خاکی تورکیاوە و بەشێوەی قۆناخ بە قۆناخ و شار بەشار پاشەکشە دەکەن و لە یەکەم رۆژی پاشەکشەکەدا تا ئێستا هیچ گەریلایەک نەگەیشتووەتەوە قەندیل".
گوتەبێژی هێزی پاراستنی گەل بەبیرهێنانەوەی راگەیەندراوەکەی KCK، سەرکەوتنی پڕۆسەی کشانەوەی گەریلاکانی PKKی بەچۆنێتی هەڵوێستی ئەنقەرە و سوپای تورکیا بەستەوە.
هه‌ڤاڵ دیار قامیشلۆ ئه‌ندامى راگه‌یاندنى كۆماجڤاكێن كوردستان KCK به (رووداو)ى راگه‌یاند "هیچ گه‌ریلایه‌ك نه‌گه‌یشتوه‌ته‌وه قه‌ندیل و بۆ گه‌یشتنه‌وه‌یان كاتمان پێویسته، چونكه هێزه‌كانمان له باكوورى كوردستان له جوگرافیاییه‌كى فراوان بڵاو بوونه‌ته‌وه و كاتى ده‌وێت تاوه‌كو ده‌گه‌نه قه‌ندیل، هه‌روه‌ها ئه‌وان به ئۆتۆمبیل ناگه‌ڕێنه‌وه و به‌پێ شاخ به‌شاخ دێنه‌وه"".
دیار گوتیشى "كشانه‌وه‌ى گه‌ریلاكان به هێدى و هه‌نگاو به هه‌نگاو ده‌بێت و هیوادارم هیچ ئاسته‌نگیه‌كیان بۆ درووست نه‌بێت".
سه‌باره‌ت به ژماره‌ى ئه‌و گه‌ریلایانه‌ى له باكوورى كوردستانن، هه‌ڤال دیار ده‌ڵێت "ناتوانین ژماره‌كه‌یان دیارى بكه‌ین، به‌ڵكو به هه‌زارانه و هه‌ر لێره‌شه‌وه نه رۆیشتونه‌ته‌وه، به‌ڵكو له‌وێشه‌وه به‌شدارى ریزه‌كانى گه‌ریلا كراوه و بۆ گه‌ڕانه‌وه‌ى ئه‌و ژماره‌ى گه‌ریلاكان لێره ئاماده‌كارى ته‌واو كراوه له رووى شوێنى مانه‌وه"".
موراد قەرەیلان ، سەرۆکی کۆنسەی بەڕێوەبەری کۆما جڤاکێن کوردستان KCK رایگەیاندبوو "سوپای تورکیا خۆی دەخاتە ژێر بارێکی قورسەوە ئەگەر بیەوێت لەکاتی کشانەوەی گەریلاکانی PKK رووبەڕوویان ببێتەوە".
دوای چەندین دیداری شاندی پارتی ئاشتی و دیموکراسی BDP لەگەڵ عەبدوڵڵا ئۆجەلان، رۆژی پێنجشەممە 21ی ئادار، لە شاری ئامەدی باکووری کوردستان لەگەڵ دەستپێکی رێوڕەسمی نەورۆز، بۆ یەکەم جار پەیامی نەورۆزانەی عەبدوڵڵا ئۆجەلان خوێندرایەوە کە تێیدا داوای کشانەوەی گەریلاکان و دەستپێکی خەباتی سیاسی کردبوو.
پەیامەکەی ئۆجەلان پشتیوانی کوردستانی، تورکی، ناوچەیی و جیهانی لێکەوتەوە.
هەر یەک لە حکومەتی هەرێمی کوردستان، ژمارەیەکی زۆر لە پارتە کوردستانییەکان، حکومەتی تورکیا، ئەمریکا، ئەڵمانیا و یەکێتی ئەوروپا خۆشحاڵی و پشتیوانی خۆیان بۆ ئەو پڕۆسەیە دەربڕیوە.
دوێنێ رێکەۆتی ٨/٥/٢٠١٣، شاندێکی بزووتنەوەی کۆماریخوازی رۆژهەلاتی کوردستان بە سەرپەرشتی چالاکوان کاک ئیبراهیم بایەزیدی نوێنەری بزووتنەوە لە هەۆلێر، سەردانی بارگای نوێنەرایەتی پارتی ئاشتی و دێمۆکراسی( B.D.P ) لە هەۆلێریان کرد، شاندی بزووتنەوە زۆر بەگەرمی لەلایەن بەرێزان کاک جەمال کاسگون بەرپرسی بارەگای نوێنەرایەتی و پەیوەندیەکانی ب.د.پ لە هەۆلێر و کاک مەحمەد عەلی ئیدان پێشوازیان لێکرا.
لەم دیدارەدا زۆر مەسەلەی پەیوەندیدار بە گۆرانکاریەکانی جیهانی، ناۆچەیی و کوردستانی هاتنە بەرباس و هەردووک شاند لەمبووارەدا بیرورایان گۆریەوە. لەدرێژەی باس و ئاخەفتنەکەدا، باسی وێکچوونی سیاسەتی ئاشتەوانی پەیرەۆکراۆ لە لایەن B.D.P، و بزووتنەوەی کۆماریخوازی رۆژهەلاتی کوردستان کرا و لەئەنجامدا هەردووک لایەن دەگەل دەربرینی خۆشحالیان، بەلێنی دەسپێک و قایمکردنی پەیوەندی و ئاراستەکردنی هاۆکاری پیویستی دووقۆلیان دا، بۆ سەرخستنی پرۆژەی ئاشتەوانی لەناۆچەکەدا.
لە تەوەرێکی دیکەی باس و ئاخفتنی دوو شانددا، دەگەل لێکدانەوەیەکی خەسارناسانە سەبارەت بە دەستنیشانکردنی هۆ و هۆکارەکانی پەرتەوازە و پەرش و بلاۆبوونی حیزبەکانی رۆژهەلاتی کوردستان، باس لە پێویستی ساغکردنەوەی ئیستراتێژی نەتەوەیی و هاۆکاری هەرەوەزیانەی گشت لایەنەکانی کوردستانی بۆ بەستنی کۆنگرەی نەتەوەیی کرا، لەم پەیوەندیەدا لایەنیB.D.P خوازیاربوون کە بزووتنەوەی کۆماریخوازان وێرای پارتی ئاشتی و دێمۆکراسی، کار بۆ رەخساندنی زەمینەی گوونجاۆ بۆ بەستنی ئەم کۆنگرەیە بکات.
لەدرێژەی دیدارەکەدا، باس لە خەباتی چەکداری و ئاکامەکانی ئەم شێوازە لە خەبات کرا، و رۆلی سەرۆک ئاپۆ بۆ سەرخستنی پرۆژەی ئاشتەوانی لە باکور و گشت ناۆچەی رۆژهەلاتی ناوەراست بەرز و پێویست نرخێندرا.
شایانی باسە دیدارەکە زیاتر لە سەعاتێکی خایاند و دوولایەن لەسەر درێژەی دیدارەکان و قایمکردنی پەیوەندی دوو قۆلیان پێداگریان کرد.
09/05/2013
مەلا بەختیار، لێپرسراوی دەستەی كارگێڕی مەكتەبی سیاسی یەكێتیی نیشتمانیی كوردستان رایده‌گه‌یێنێت سەبارەت بە هەڵبژاردنەكانی داهاتووی كوردستان لەگەڵ ئۆپۆزیسیۆن گفتوگۆكان بەردەوامن.
له‌باره‌ی پرسی دەستوری هه‌رێمی كوردستانیش، مەلا بەختیار، رایگەیاند "بەبێ تەوافوقی نیشتمانی لەگەڵ ئەوەنین دەستور بخرێتە راپرسییەوە".
ئه‌و قسانه‌ی لێپرسراوی دەستەی كارگێڕی مەكتەبی سیاسی یەكێتیی له‌میانه‌ی ئه‌و كۆبوونه‌وه‌یه هات كه ئه‌مڕۆ له‌گه‌ڵ ئەنتۆنی جودفری راوێژكاری وەزیر بۆ كاروباری سیاسی لە باڵیۆزخانەی ئەمریكا لە بەغدا ئه‌نجامیدا.
مەلا بەختیار، گوتیشی" گۆڕانكارییەكان لەڕۆژهەڵاتی ناوەڕاستداو لەدوا ئەنجامدا، پێویستی بە دیموكراسییە، پێویستی بەپیشەسازییە، پێویستی بەئاسایش و ئارامی و پێویستیشی بەمۆدێرنەتەیە، بۆیە پشتیوانی ئەمریكا بۆ بەدیهێنانی ئەم ئامانجانە گرنگن".
09/05/2013
موراد قەرەیلان، لە مانگی رابردوو فەرمانی بە چەکدارەکانی کرد کە دەست بە پاشەکشێ بکەن بۆ بنکە و بارەگاکانیان لە باکووری عێراق (باشووری کوردستان)، ئەمەش وەکو وەڵامدانەوەیەک بۆ پەیامی سەرۆکی زیندانی کراوی پارتەکەیان عەبدوڵلا ئۆجەلان، کە داوای کوتایی هێنانی شەڕی کرد لە گەڵ سوپای تورکیا کە نزیکەی 30 ساڵە بەردەوامە.
کشانەوەی گەریلاکانی PKK دڵەڕاوکێی لە لایەن هەردوولا دروست کردووە، هەرچەندە حکومەتی تورکیا داوای کردبوو کە بەر لە کشانەوەیان چەکەکانیان دانێن، بەڵام PKK ئەمەی قبوڵ نەبوو، چونکە لە هێرشکردنی سوپای تورکیا دەترسان، لای خۆیانەوە سوپای تورکیا ترس و دڵەڕاوکێ خۆیان نەشاردووەتەوە لەم قۆناغەدا.
لە بەیاننامەیەکی پارتی کرێکارانی کوردستان هاتووە ''چالاکی سێخوری فڕۆکەکانی تورکیا لەکاتی کشانەوەی چەکدارانی PKK بەردەوامە، ئەمەش پڕۆسەی کشانەوەکە پەکدەخات، هەروەها دروستکردنی کۆمەڵێک بەربەست و نشینگەی سەربازی نوێ لەم قۆناغەدا کە رەنگە ببنە هۆی هەراسانکردن، لە کۆتاییدا رووبەڕووبوونەوەی یەکتری''.
قەرەیلان پێشبینی دەکات هەفتەی داهاتوو یەکەم گرووپی ئەو چەکدارانە بگەنە قەندیل، هەر گرووپێک لە شەش کەس پێکدێن، کشانەوەکەش رەنگە چەند مانگێک بخایەنێت، بەڵام دووپاتی دەکاتەوە کە بە تووندی وەڵامی هەر جۆرە شەڕفرۆشتنێکی سوپای تورکیا دەدەنەوە.
و: هەڵۆ خەلیل
rudaw
08/05/2013
مه‌لا به‌ختیار لێپرسراوی ده‌سته‌ی كارگێڕی مه‌كته‌بی سیاسی، له دوو سه‌ردانی جیادا له‌شاری نه‌جه‌ف سه‌ردانی هه‌ریه‌ك له‌سه‌ماحه‌تی سه‌ید محه‌مه‌د سه‌عید ئه‌لحه‌كیم، گه‌وره مه‌رجه‌عی ئایینی و ئایه‌توڵڵا عوزما شێخ محه‌مه‌د ئیسحاق ئه‌لفه‌یاز- مه‌رجه‌عی ئایینی كردو له‌دیداریشیاندا، گفتوگۆ له‌باره‌ی په‌یوه‌ندی مێژویی نێوان كورد و شیعه، بارودۆخی ئێستای عیراق و كێشه‌و گرفته‌كان، دیالۆگ و هه‌وڵه ئاشتیخوازانه‌كان بۆ كۆتایهێنان به‌گرفته‌كان كرا، هه‌روه‌ك له‌به‌شێكی تری گفتوگۆكاندا جه‌خت له‌توندۆڵكردنه‌وه‌و په‌ره‌پێدانی په‌یوه‌ندییه دۆستانه‌ییه‌كانی نێوان كوردو شیعه كراو له‌باره‌ی پاراستنی پێكه‌وه ژیانی ئاشتی نێوان نه‌ته‌وه‌و پێكهاته‌كانی عیراق-یش بیروڕای تایبه‌تی و پێویست ئاڵوگۆڕ كرا.
هه‌ر له‌و دیدارانه‌شدا كه سه‌رله‌به‌یانی ئه‌مڕۆ 7-5 له‌شاری نه‌جه‌ف و به‌هاوڕێیه‌تی سه‌عدون فه‌یلی و وه‌فدی روناكبیرانی كوردستان له‌شاری نه‌جه‌ف، به‌ڕێوه‌چوو.
مه‌لا به‌ختیار، لێپرسراوی ده‌سته‌ی كارگێڕی مه‌كته‌بی سیاسی و سه‌رپه‌رشتیاری گشتی دیداری روناكبیری كوردی- عه‌ره‌بی، خۆشحاڵی خۆی نیشاندا كه له‌نزیكه‌وه به‌دیداری هه‌ردوو سه‌ماحه‌تی سه‌ید محه‌مه‌د سه‌عید ئه‌لحه‌كیم، گه‌وره مه‌رجه‌عی ئایینی و ئایه‌توڵڵا عوزما شێخ محه‌مه‌د ئیسحاق ئه‌لفه‌یاز- مه‌رجه‌عی ئایینی شاد ده‌بێت و هیواشیخواست كه سه‌ردانی به‌ڕێزیان ببێته مایه‌ی توندوتۆڵكردنی زیاتری په‌یوه‌ندییه‌كانی نێوان كورد و شیعه، هه‌روه‌ك له‌و روه‌شه‌وه هه‌ڵوێستی مه‌رجه‌عه باڵاكانی شیعه‌ی به‌رامبه‌ر به‌ڕه‌وایی دۆزی نه‌ته‌وه‌كه‌مان، له‌پێناو گه‌یشتن به‌مافه‌كانی به‌رزنرخاندو جه‌ختیشیكرده‌وه، له‌مێژووی هه‌زار ساڵه‌ی ڕابردوودا، هیچ كێشه‌یه‌ك له‌نێوان كوردو شیعه‌دا روینه‌داوه‌و راشیگه‌یاند: له‌دامه‌زراندنی ده‌وڵه‌تی عیراقیشه‌وه تاڕوخانی رژێمی سه‌دام، شیعه هه‌ڵوێستی باش و ئیجابی بووه به‌رامبه‌ر به‌پشتیوانی له‌گه‌لی كوردو وتیشی: هه‌روه‌ك چۆن له‌ڕابردوودا شاخه‌كان نیشتمان و پشت و په‌نای گه‌لی كورد بووه، به‌هه‌مانشێوه، كوردستان داڵده‌ده‌ری سه‌رجه‌م ئازادیخوازانی عیراق به‌گشتی و شیعه بووه به‌تایبه‌تی.
مه‌لا به‌ختیار، له‌به‌شێكی تری وته‌كانیشیدا، جه‌ختیكرده‌وه ئێستاش كه شیعه حوكمڕانی عیراقه، هیوادارین شیعه نه‌بێته هۆی ئه‌وه‌ی كه كێشه‌ی گه‌وره له‌نێوان كوردو شیعه‌دا روبدات و هیواشیخواست ئه‌و مێژووه بپارێزرێت، هه‌روه‌ك ئاماژه‌ی به‌ئازاری هاوبه‌شی كوردو شیعه كردو له‌و روه‌شه‌و ئه‌و كاره‌ساتانه‌ی وه‌بیرهێنایه‌وه كه له‌لایه‌ن رژێمی به‌عسه‌وه به‌سه‌ر كوردو شیعه‌دا هێنراون و رایگه‌یاند: ته‌نها شتێك كه سه‌دام هه‌وڵیده‌دا یه‌كسانی تێدا ره‌چاو بكات، كوشت و بڕو زینده به‌چاڵكردنی كوردو ئازادیخوازانی تری عیراق بوو.
له‌و روه‌شه‌وه وتی: كورد له‌سه‌رده‌می حوكمی سه‌دام و ئێستاش و بۆ هه‌میشه خه‌باتی بۆ ئه‌وه‌كردوه پارێزگاری له‌ناسنامه‌ی نه‌ته‌وه‌یی خۆیی بكات و به‌رده‌وامیش ده‌بێت و جه‌ختیكرده‌وه: له‌به‌رئه‌وه‌ی گه‌لی كورد زوڵملێكراوترین نه‌ته‌وه بوین، ده‌زانین زوڵم چییه! بۆیه هیچ كاتێك زوڵم له‌هیچ كه‌سێك ناكه‌ین.
هه‌روه‌ك مه‌لا به‌ختیار، لێپرسراوی ده‌سته‌ی كارگێڕی مه‌كته‌بی سیاسی، سه‌باره‌ت به‌ئێستای باردۆخی ناوخۆی عیراق و كێشه‌و گرفته‌كان هیوای خواست به‌هه‌وڵی ئاشتیخوازان و هه‌موو ئه‌وانه‌ی په‌رۆشی ئاشتی و پێكه‌وه‌ژیانی نه‌ته‌وه‌و پێكهاته‌كانی عیراقن، گرفته‌كان چاره‌سه‌ر بكرێن و به‌ده‌ستور و دیالۆگ ئه‌م دۆخه ناهه‌مواره تێببه‌ڕێن.
له‌لایه‌ن خۆشییه‌وه ئایه‌توڵڵا عوزما شێخ محه‌مه‌د ئیسحاق ئه‌لفه‌یاز، وێڕای ئه‌وه‌ی ئاماژه‌ی به‌مێژووی رابردووی خوێناوی عیراق و كۆی ئه‌و نه‌هامه‌تییانه كرد، كه به‌هۆی ده‌سه‌ڵاتی دیكتاتۆری سه‌دام و حزبی به‌عسه‌وه به‌سه‌ر گه‌لانی عیراقداو به‌تایبه‌تی كورد و شیعه‌دا هاتووه، باسی له‌ڕاپه‌ڕینی ساڵی 1991 باشوری عیراق و به‌تایبه‌ت شاری نه‌جه‌ف كرد، كه سه‌دام و رژێمی به‌عس به‌بێ گوێدانه هیچ پره‌نسیپ و مافێكی مرۆڤ راپه‌ڕینه‌كه‌ی سه‌ركوتكردو به‌هۆیه‌وه سه‌دان هاووڵاتی مه‌ده‌نی و بێ دیفاع به‌تایبه‌تی له‌شاری نه‌جه‌ف و ناوچه‌كانی تر شه‌هیدو كۆمه‌ڵكوژ كران، هه‌روه‌ك ئایه‌توڵڵا عوزما شێخ محه‌مه‌د ئیسحاق ئه‌لفه‌یاز، مه‌رجه‌عی ئایینی ئاماژه‌ی به كۆمه‌ڵكوژیانش كرد كه به‌سه‌ر نه‌ته‌وه‌كه‌مان و گه‌لی كوردا هاتووه‌و بۆ ئه‌و مه‌به‌سته‌ش كیمیاباران و ئه‌نفال و گۆڕه به‌كۆمه‌ڵه‌كانی به‌نمونه هێنایه‌وه‌و جه‌ختیكرده‌وه كه سه‌دام حسێن زۆر له‌هیتله‌ر خوێن رێژ ترو دیكتاتۆر تر بوو، چونكه ئه‌وه‌ی هیتله‌ر نه‌یتوانی بیكات، سه‌دام كردی و توانی زۆر به‌ئاسانی كوشت و بڕی گه‌له‌كه‌ی بكات و زینده‌به‌چاڵیان بكات.
07/05/2013
پانزە لایەنی سیاسی رۆژئاوای كوردستان بڕیاری پێكهێنانی هێزێكی چەكداری دەدەن لەبەرانبەر چەكدارانی پەیەدەی نزیك لە پەکەکەدا، هەردوولاش كەوتوونەتە هەڕەشەی روبەڕوبوونەوە‌و ئامادەنین سازش بۆ یەكتری بكەن.
پێكهێنانی ئەو هێزە چەكدارییە لەچوارچێوەی ئەو ناكۆكی‌و دووبەرەكییاندا دێت كە ریزی حیزبە كوردیەكانی رۆژئاوای كوردستان (سوریا)ی گرتووەتەوە، هەرچەندە بەپێی رێككەوتنی پێشتر دەبێت پێكەوە بەهاوبەشی لایەنی ئیداری‌و ئەمنی ناوچە ئازادكراوەكان بەرێوەببەن.
دەستەی باڵای كورد لەرۆژئاوا لەدەرەنجامی رێككەوتنی نێوان سەرجەم پارتە كوردسیەكان ساڵی رابردوو راگەیاندرا، بەڵام هێشتا خاڵەكانی رێكەوتەکە جێبەجێنەكراوە، لایەنەكانی لەدووبەرەی دژدا بە پێشێلکردنی رێکەوتننامەکە یەكتری تۆمەتباردەكەن.
پانزە لایەنی كوردی رۆژئاوا لەكۆبوونەوەیەكدا هەفتەی رابردوو بڕیاریانداوە بەپێكهێنانی هێزێكی سەربازی لەناوچە ئازادكراوەكانی سوریا.
كاوە عەزیزی ئەندامی سەركردایەتی پارتی ئازادی كوردی رۆژئاوا، بەهاوڵاتی وت «هێزێكی یەكگرتووی كوردی پێكدەهێنین، ئەگەر لایەنەكانی تر نەیەنە ناویەوە ئەوا بەشەرعییان نازانین‌و رێگەیان نادەین وەكو هێزێكی چەكداری، ئیتر چی روودەدات با رووبدات».
بڕیاری پێكهێنانی ئەو هێزە لەكاتێكدایە پەیەدە‌و پارتی پێشكەوتنی كوردی سوریا لەسەرەتای رووداوەكانی سوریاوە هێزی چەكدارییان پێكهێناوە‌و زۆربەی ناوچە كوردنشینەكانی رۆژئاوا لەژێر كۆنتڕۆڵیاندایە.
ئیدریس ئیبراهیم، ئەندامی سەركردایەتی پارتی پێشكەوتن، بەهاوڵاتی وت «پێكهێنانی هێزی نوێی پێچەوانەی رێككەوتنەكەی هەولێرە‌و ئامادەنین بچینە ناویانەوە، چونكە شەرعیەتی نیە».
ئاماژەی بەوەشدا كە ئەوان لەسەر بڕیاری هەولێر هێزیان پێكهێناوە.
لە کاتێکدا ئەو ڕیکەوتنەی هەولێر بە سپۆنسەری سەرۆکی هەرێم ئیمزاکرا، مەسعود بارزانی تا ئێستا چەندین جار وتویەتی کە ناکرێت کوردستانی سوریا تاکڕەوانە لەلایەن لایەنێکەوە کۆنترۆڵ بکرێت، وەک ئاماژەیەك بۆ پەیەدە.
بەپێی رێككەوتنەكانی دەستەی باڵای كورد ئەمنیەتی ناوچەكانی رۆژئاوا لەلایەن هێزێكی چەكداری هاوبەشەوە بەرێوەدەبرێت، بەڵام پارتەكانی تر ئامادەنین بچنە ریزی ئەو هێزەوە كە پەیەدە پێكهێناوە‌و هێزی تر پێكدەهێنن.
عەبدولباقی یوسف نوێنەری پارتی یەكێتی كورد لەسوریا، هێزەكانی پەیەدە بە»كوشتنی براكوردەكان‌و ئەشكەنجەدانیان» تۆمەتباردەكات‌و پێیوایە گوزارشت لەهێزی گەلی رۆژئاوا ناكەن.
ناوبراو بەهاوڵاتی وت «بڕیارمانداوە هێزێكی نوێ دروستبكەین‌و رێگەش بەهیچ هێزێكی تر نادەین».
بەپێی ئەو زانیاریانەی هاوڵاتی لەچەند سەرچاوەیەكەوە دەستی كەوتوون، بڕیارە ژمارەیەك چەكدار لەهێزە نوێیەكەدا بەشداربن، كە پێشتر‌و دوای هاتنیان بۆ هەرێم، لەناوچەكانی ژێر دەسەڵاتی پارتی مەشقی سەربازییان پێكراوە.
ئاڵدار خەلیل ئەندامی ئەنجومەنی باڵای پەیەدە، جەختیكردەوە كە ئەوان هێزیان هەیە‌و پێویست دەكات لایەنەكانی تر لەگەڵیاندا بەشداربن، بۆیە رێگە بەهیچ گروپ‌و لایەنێكی تر نادەن بێتە رۆژئاوای كوردستانەوە، بەهاوڵاتی وت «بەهیچ شێوەیەك شەرعیەت نادەینە ئەو هێزە نوێیە».
دانا رەزگەیی
hawlati
07/05/2013
كۆبوونه‌وه‌ی لایەنە كوردستانیەكان و شانده‌كه‌ی سوپای عێراق بۆ چارەسەركردنی گژری و ئاڵۆزییەكانی نێوان هێزی پێشمەرگە و سوپای عێراق لە گوندی قەریەتاخ، كۆتاییهات، سه‌رچاوه‌یه‌كیش رایگه‌یاند، هه‌ردوولا له‌سه‌ر مانه‌وه‌ی هێزی پێشمه‌رگه له شوێنی خۆیان له‌و گونده رێككه‌وتن، پێشتریش خه‌ڵكی گونده‌كه داوای مانه‌وه‌ی پێشمه‌رگه‌یان كردبوو، ئه‌م بڕیاره‌ش بووه جێگه‌ی دڵخۆشی خه‌ڵكی ناوچه‌كه.
سەرچاوەیەكی حیزبی بەرپرس لە قەرەتەپە، تایبەت بە ئاژانسی هەواڵی پەیامنێری راگەیاند: پاش ئەوەی ئه‌مڕۆ لایه‌نه كوردستانییه‌كان و شاندێكی سوپای عێراق له‌سه‌ر گرژی و ئاڵۆزییه‌كانی نێوانیان لە گوندی قەریەتاخ كۆبوونه‌وه، هه‌رچه‌نده لایه‌نی عێراقی سووربوون له‌سه‌ر ئه‌وه‌ی هێزی پێشمه‌رگه ده‌بێت بۆ شوێنەكانی پێشووی خۆیان بكشێنەوە به‌ڵام له كۆتاییدا هه‌ردوولا رێككه‌وتن پێشمه‌رگه له‌و شوێنه بمێنێته‌وه.
ئەو سەرچاوەیە، گوتی: وەكو كورد ئه‌و رێككه‌وتنه‌مان پێباش بوو، خه‌ڵكی ئه‌و ناوچه‌یه‌ك داوایان كردبوو هێزی پێشمەرگە نه‌كشێتەوە، ئه‌م بڕیاره ده‌بێته جێگه‌ی دڵخۆشی ئه‌وان و ئارامی و سه‌قامگیری ناوچه‌كه.
ئەمڕۆ شاندێكی سوپای عێراق لە دیالە هاتنە گوندی قەریەتاخ و لە گەڵ لایەن كوردستانییەكان كە لە بەرپرسانی پێشمەرگە و بەرێوەبەری ناحیەی قەرەتەپە و لایەنە سیاسییەكان پێكهاتوون، كۆبوونه‌وه،
پێش ئەوەی شەڕوپێكدادن لە نێوان هێزەكانی سوپای عێراق و گروپە چەكدارەكانی سنووری قەرەتەپە رووبدات، نزیكەی 20 رۆژ لەمەوبەر هێزێكی پێشمەرگە رەوانەی گوندی قەریەتاخ كرا كە دانیشتوانەكەی كوردن و ئێستا سوپای عێراق داوا دەكات هێزەكەی پێشمەرگە بكشێتەوە و بەم‌هۆیەشەوە هێزی پێشمەرگە و سوپای عێراق لەو ناوچەیە بەرامبەر بە یەكتر وەستانەتەوە.
سیروان حەسەن/س . س
pna
07/05/2013
به‌گوێره‌ی ماڵپه‌ری سه‌رۆكایه‌تی هه‌رێمی كوردستان، مه‌سعود بارزانی، ئه‌مڕۆ سه‌رۆكی هه‌رێمی كوردستان به سه‌ردانێكی "تایبه‌ت" به‌ره‌و ده‌ره‌وه‌ی وڵات به‌ڕێكه‌وت.
سه‌ردانه‌كه‌ی مه‌سعود بارزانی بۆ ده‌ره‌وه‌ی وڵات چه‌ند رۆژێك ده‌خایه‌نێت.
سه‌رۆكایه‌تی هه‌رێمی كوردستان هیچ روونكردنه‌وه‌یه‌كی زیاتر له باره‌ی ئه‌و سه‌ردانه‌ی بارزانی بۆ ده‌ره‌وه رانه‌گه‌یاندووه.
08/05/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
