به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
ئەنجوومەنی مافی مرۆڤی رێکخراوی نەتەوە یەکگرتووەکان کۆبوونەوەیەک لە بارەی داهاتووی نەتەوە جیاوازەکان لە ئێران رێکدەخات.
بیست و سێیەمین خولی کۆبوونەوەکانی ئەنجوومەنی مافی مرۆڤی رێکخراوی نەتەوە یەکگرتووەکان بە بەشداری ژمارەیەک حیزب و رێکخراوی سیاسی کورد و نەتەوەکانی دیکە لە ژنێڤ بەڕێوەچوو.
لەو کۆبوونەوە، کە لە لایەن رێکخراوی نەتەوە بێ دەوڵەتەکان UNPO بەڕێوە چوو، بەشداربووان باسیان لە داهاتووی نەتەوەکان لە ئێراندا دوای هەڵبژاردنەکانی سەرۆک کۆماری و رۆیشتنی محەمەد ئەحمەدی نەژاد کرد.
رێکخراوی نەتەوە بێ دەوڵەتەکان، دامەزراوەیەکی سەر بە رێکخراوی نەتەوە یەکگرتووەکانە.
13/06/2013
شاندێكی په‌رله‌مانی به‌ریتانیا له كوردستان به‌ڵێنی پشتگیری په‌رله‌مانی وڵاته‌كه‌یان بۆ ناساندنی جینۆسایدی گه‌لی كوردستان له ئاستی جهانی و به تایبه‌تی له به‌ریتانیادا ده‌رده‌بڕن.
به‌پێی راگه‌یه‌ندراوێكی وه‌زاره‌تی كاروباری شه‌هید و ئه‌نفالكراوانی كوردستان كه كۆپیه‌كی بە ده‌ست ئاژانسی هه‌واڵی په‌یامنێر گەیشتووە، ئه‌مڕۆ چوارشه‌ممه له سه‌ردانی شاندی په‌رله‌مانی به‌ریتانیا بۆ وه‌زاره‌ت، تەئکید لەسەر پرسی جینۆسایدی گەلی کورد کرا کە ماوەیەک له‌مه‌وبه‌ر لە پەرلەمانی بەریتانیا خرایە روو.
شاندی په‌رله‌مانی به‌ریتانیا ، به سه‌رۆكایه‌تی په‌رله‌مانتار و ئه‌ندامی گروپی پشتیوانی گه‌لی كورد، ئیه‌ن لۆكاس بیسان تویك و گاری كین په‌رله‌مانتار له سه‌ر لیستی حزبی كرێكارانی به‌ریتانیا پێكهاتبوون له دیداره‌كه‌یاندا له‌گه‌ڵ وه‌زیری كاروباری شه‌هید و ئه‌نفالكراوانی كوردستان، ئارام ئه‌حمه‌د، به ناوی پەرلەمانی بەریتانیا پشتگیریان بۆ وەزارەتی شەھیدان و ناساندنی جینۆسایدی گەلی کورد لەئاستی جیھانی بەتایبەتیش له بەریتانیادا ده‌ربڕی.
هه‌روه‌ها شانده‌كه ئامادەیی خۆی نیشاندا ، لە ھەموو ئۆرگانەکانی بەریتانیا کاری پێویست بكه‌ن.
هەروەها وەزیری کاروباری شەھید وئەنفالکراوان هیوای خواست ئەم پرسە لە سەرجەم وڵاتانی تری رۆژ ئاوا بەگرنگ وەربگیرێت و بە جینۆساید بناسرێت، جەختیشی لەوە کردەوە گەلی کوردستان بە بایەخەوە لەو ھەوڵانە دەروانێت .
13/06/2013
هونەرمەندی کورد شەهرام نازری بەیاننامەیەکی هاوبەشی لەگەڵ چەندین هونەرمەندی ئێرانی بۆ پشتگیری لە پاڵێوراوێکی سەرۆک کۆماری ئێران بڵاو کردووەتەوە.
لەو بەیاننامەیەدا هاتووە " محەممەد باقر قالیباف لە پۆستی شارەوانی تاران هەوڵی زۆری بۆ پێشکەوتنی ژێرخانی کەلتووری پایتەختی ئێران داوە، بۆیە پشتگیری لێ دەکەن".
ئەوە لە کاتێکدایە کە حیزب و لایەنە سیاسییەکانی رۆژهەڵاتی کوردستان لە دەرەوە خولی داهاتووی هەڵبژاردنەکانی ئێرانیان بایکۆت کردووە.
هەروەها زۆربەی رێکخراوە سیاسی و مەدەنییەکانی نێوخۆی رۆژهەڵاتی کوردستانیش پشتگیری لە پاڵێوراوی ریفۆرمخوازەکان "حەسەن رۆحانی" دەکەن.
خولی یازدەیەمی هەڵبژاردنی سەرۆک کۆماری ئێران رۆژی هەینی (14ی حوزەیران) بەڕێوە دەچێت. 8 کەس مۆڵەتی خۆپاڵاوتنیان پێدرابوو کە تا ئێستا دوو کەسیان کشاونەتەوە.
rudaw
12/06/2013
هەردوو حكومەتی ئەڵمانیا و هۆڵەندا لە شارۆچكەی كلێڤەی باكووری رۆژئاوای ئەڵمانیا كۆبوونەوەیەكی راگۆڕینەوەیان سازكرد، چوار كچی كوردیش كۆبوونەوەكەیان بە دەرفەت زانی بۆ ئەوەی داواكاریەكانیان بگەیەننە ئەنگێلا مێركل، راوێژكاری ئەڵمانیا.
ئەو كۆبوونەوەیە رۆژی 23ی مانگی رابردوو بەڕێوەچوو كە ژمارەیەكی زۆر لە وەزیرانی هەردوو حكومەتی ئەڵمانیا و هۆڵەندا بەشدارییان تێدا كرد. كۆبوونەوەی راگۆڕینەوە بە بەشداری ئەنگێلا مێركل، راوێژكاری ئەڵمانیا و مارك روتتە، سەرۆك وەزیرانی هۆڵەندا لە ساڵۆنی مۆزەخانەی شاری كلێڤە سازكرا.
یەكێك لەو كەسانەی كە لەو كۆبوونەوەیەدا دەرفەتی بۆ رەخسا لەگەڵ ئەنگێلا مێركل بدوێت، كچە كورد رۆژدا گودەن بوو، رۆژدا گوتی دیداری مێركڵی زۆری پێ خۆش بووە، چونكە بە دەگمەن ئەو جۆرە دەرفەتانە بۆ مرۆڤ دێنە پێشێ.
چیرۆكی دیداری هەر چوار كچی كورد لەگەڵ ئەنگێلا مێركل سەرنجڕاكێشە. رۆژدا گوتی پووری ئەو بە ناوی (گولۆ ئۆزدەم) نۆ ساڵە لە كافتریای مۆزەخانەی شاری كلێڤە كار دەكات، لەبەر ئەوەی لەو رۆژەدا كۆبوونەوەی حكومەتی ئەڵمانیا و هۆڵەندا بوو، كافتریاكە زۆر پێویستی بە كارمەند بوو، گولۆ ئۆزدەم بە رەزامەندی بەڕێوەبەری مۆزەخانە كەسە نزیكەكانی خۆی كە بریتین لە مزگین، لەیلا، ئەڤین لەگەڵ خۆی بردبوون.
داوای هاوكارییان كرد بۆ ماڵی ئێزدیان
لە كاتی پشووی كۆبوونەوەی نێوان هەردوو حكومەت، سەرۆك وەزیرانی هەردوو وڵات و وەزیر و نێردراوانی دیكەی بەشداربووی كۆبوونەوەكە روو دەكەنە كافتریاكە. هەرچوار كچە كوردەكە ئەوە بە دەرفەت دەزانن كە خۆیان بە ئەنگێلا مێركڵ بناسێنن و داوای لێ بكەن هاوكاری ماڵی ئێزدیان بكات لە شاری كالكار.
رۆژدا گودەن كە خۆی ئێزدییە، لەبارەی دیداری لەگەڵ مێركڵ بە (رووداو)ی گوت "كە چاوم پێكەوت، پرسیاری لێكردم من كێم و چ كار دەكەم. منیش پێمگوت كە من ئەندامی دەزگای كۆمەڵایەتی ئێزدییەكانم و داوام لێكرد هاوكاری ماڵی ئێزدییەكان بكات كە تازە دادەمەزرێت. ئەویش پرسیاری كرد ماڵی ئێزدیان لە كوێ دادەمەزرێت، منیش پێمگوت لە شاری كالكار".
رۆژدا گودەن ئاشكرای كرد لەبەر ئەوەی زۆر كەس حەزیان دەكرد قسە لەگەڵ مێركڵ بكەن و وێنەی لەگەڵ بگرن، نەیتوانی بەدرێژی قسەی لەگەڵدا بكات. بەڵام مێركڵ بە وردی گوێی لێگرتبوو، رۆژدا هەروەها ئاشكرای كرد كە هەرسێ كچی دیكەی خزمی خۆی لە دواییدا توانیان قسە لەگەڵ مێركڵ بكەن و هەمان داواكاری ئاراستە بكەن.
12/06/2013
دوای ئه‌وه‌ی دوێنێ پاڵێوراوێكی سه‌ر به باڵی موحافزكاری ئێران، خۆی له هه‌ڵبژاردنه‌كانی سه‌ركۆماری كشانده‌وه، شه‌وی رابردووش پاڵێوراوێكی دیكه سه‌ر به باڵی ریفۆرمخوازی كۆماری ئیسلامی، كشانه‌وه‌ی خۆی راگه‌یاند.
محه‌مه‌د ره‌زا عارف، پاڵێوراوی هه‌ڵبژاردنه‌كانی سه‌رۆككۆماری ئێران و جێگری پێشووتری سه‌ید محه‌مه‌د خاته‌می، سه‌رۆككۆماری پێشووی ئێران، كشانه‌وه‌ی خۆی له هه‌ڵبژاردنه‌كان راگه‌یاند.
عارف له به‌یاننامه‌یه‌كدا كه له ماڵپه‌ڕی ره‌سمیی خۆی بڵاو كراوه‌ته‌وه، رایگه‌یاندووه ئێواره‌ی دوێنێ نامه‌یه‌كی له محه‌مه‌د خاته‌مییه‌وه پێگه‌یشتووه كه تێیدا ئاگادار كراوه‌ته‌وه به‌رده‌وامبوونی له هه‌ڵبژاردنه‌كاندا به قازانج نییه.
ئه‌گه‌رچی پێشتر باس له ئه‌گه‌ری پێكهێنانی هاوپه‌یمانی نێوان عارف و حه‌سه‌ن رووحانی، پاڵێوراوی نزیك له باڵی میانڕه‌و ده‌كرا، به‌ڵام عارف له به‌یاننامه‌كه‌یدا ئاماژه‌ی به پشتیوانی كردن له هیچ پاڵێوراوێك نه‌كردووه.
هه‌ر رۆژی رابردوو، غوڵامعه‌لی حه‌داد عادڵ، سه‌ر به باڵی موحافزكاری كۆماری ئیسلامیی ئێران، به بێ پشتیوانی كردن له هیچ پاڵێوراوێكی دیكه، كشانه‌وه‌ی خۆی له هه‌ڵبژاردنه‌كان راگه‌یاند.
11/06/2013
ئێوارەی دوێنێ مەسرور بارزانی راوێژکاری ئەنجوومەنی ئاسایشی هەرێمی کوردستان له‌گه‌ڵ دێنی گۆئیغ سەفیری فەرەنسا لە عێراق و ئالان گوێپخات کونسولی گشتی فەرەنسا لە هەرێم كۆبۆوه و لە دانیشتنێکدا هەردوو لا ویستی خۆیان بۆ پەرەپێدانی پەیوەندیی دوولایەنە خستە ڕوو.
سەفیری فەرەنسی ئاماژەی بەوەدا کە فەرەنسا گرینگی بە پێگەی هەرێم لە دەڤەرەکەدا دەدات، بۆیە دەخوازێت پەیوەندییەکانی لە گەل هەرێمدا بەردەوام پێشکەوتنی زیاتر بەخۆوە ببینێت و رۆلێکی هاریکار بۆ پێشکەوتنە هەمەلایەنەکانی هەرێمی کوردستان ببێنێت.
ئاواتی خواست ناوچەکانی دیکەی عێراقیش لە شێوەی هەرێم ئارامی و سەقامگیری بەخۆیەوە ببینێت و ئاماژەی بەوەدا کە سەرکەوتنی هەریم لە بواری سەقامگیرکردنی ئاسایشدا جێگەی دەستخۆشییە و دەبیت ئەم ئەزموونە سەرکەوتووە بۆ ناوچەکانی دیکە بگوازرێتەوە.
لە میانەی دیدارەکەدا مەسرور بارزانی رۆلی فەرەنسای لە هاوکێشەکانی ناوچەکە و بە ئاشتیانە چارەسەرکردنی پرسەکان بە گرنگ پێناسە کرد و ئاواتی خواست کۆمەلگای نێودەوڵەتی رۆلێکی کاراتر بگێرن بۆ چارەسەریی گشت کێشەکانی ناوچەکە و کۆتاییهێنان بە گرژییەکان.
هەر لە پەیوەست بە کێشەکانی ئەم دەڤەرە مەسرور بارزانی ئاماژەی بەوەدا کە گرژییەکانی سوریا و وڵاتانی دەورووبەری خەریکە دەکەوێتە قالبی ململانێی مەزهەبی و تایفی و ئەمەش جێگەی مەترسییە، بۆیە کوردستان نابێتە بەشێک لەو ملمنلانێیە و بەڵکو هەوڵی ڕەواندنەوەی ئەو مەترسیانە دەدات.
لە کۆتایی دیدارەکەدا مەسرور بارزانی تیشکی خستە سەر ئەوەی کە پرسی کورد لەم ناوچەیەدا چیتر نابێت وەک کێشە سەیر بکرێت و بەڵکو کورد فاکتەری سەقامگیرین لە دەڤەرەکەدا.
س . س
pna
11/06/2013
رووبه‌رنێت – ئیبراهیم عه‌باس / گه‌نجێكی كورد رایده‌گه‌یه‌نێت به‌هۆی نووسینی رۆمانێك له‌سه‌ر كێشه‌ی كوره گه‌نجێكی كورد له ئه‌مریكا، سه‌رۆكی ئه‌و وڵاته سوپاسی كردووه،(رووبه‌رنێت)یش نامه‌كه بڵاوده‌كاته‌وه.
گۆران سه‌باح غه‌فوور نووسه‌ری رۆمانی (ترس و رق ) له لێدوانێكدا به‌رووبه‌رنێتی راگه‌یاند رۆمانی دووه‌می به كوردی ده‌رچوو، ده‌شڵێت "ئیَسته ده‌زگا‌ی موكریانی به كوردی چاپ و بڵاوی كردووه‌ته‌وه".
له‌سه‌ر ناوه‌رۆكی رۆمانه‌كه گۆران زۆرتر بۆ رووبه‌رنێت دوا و رایگه‌یاند "رۆمانه‌كه باس له گه‌نجێكی كورد له ئه‌مه‌ریكاده‌كات كه تووشی ده‌یان كێشه‌ی سیاسی و كولتووری و كۆمه‌ڵایه‌تی ده‌بیَته‌وه".
هه‌روه‌ك ده‌شڵێت "رۆمانه‌كه باس له‌و ترس و رقه ده‌كات كه له نیَوان ئه‌مه‌ریكا و گه‌لانی رۆژهه‌ڵاتی ناوه‌راستدا هه‌یه، باس له كیَشه‌ی ناسنامه‌ی و سیاسه‌تی چه‌وتی ئه‌مه‌ریكا و سیاسه‌تی شه‌رمنانه‌ی رۆژهه‌ڵاتی ناوه‌راست ده‌كات".
ئه‌و گه‌نجه رۆمانووسه‌ی كورد ئاماژه به‌وه‌ش ده‌دات "كاتێك له ئه‌مه‌ریكا ئه‌م رۆمانه‌م به ئینگلیزی نووسی، نوسخه‌یه‌كه‌م بۆ سه‌رۆك ئۆباما نارد، ئه‌ویش نامه‌یه‌كی سوپاسكوزاری بۆ ناردم".
سه‌باح وه‌رگێراوی ئه‌و نامه‌یه‌ی بۆ رووبه‌رنێت نارد كه ئه‌مه ده‌قه‌كه‌یه‌تی:
كۆشكی سپی
واشنتن
سوپاس بۆ ئاڵووێركردنی بیروڕاكانت و دیارییه به نرخه‌كه‌ت. رۆژانه له ئه‌مه‌ریكییه‌كانه‌وه ئه‌و كێشانه ده‌بیستم كه رووبه‌ڕووی وڵاته‌كه‌مان ده‌بێته‌وه، هاوكات، گوێم له بۆچوونه‌كانی ئێوه‌شه و به‌رزیان ده‌نرخێنم.
ئیداره‌كه‌م كار له‌سه‌ر ئاسته‌نگگه‌لی نوێ و ئاڵۆزی ئه‌م سه‌رده‌مه‌مان ده‌كا. به هۆی داهێنان، په‌روه‌رده و بنیاتنانی زیاتری به‌شه‌كانی تری جیهان، ئێمه ده‌توانین داهاتوو بۆ نه‌وه‌ی ئاینده‌ی ئه‌مه‌ریكا ببه‌ینه‌وه.
دووباره سوپاس بۆ نووسین و دیارییه بایه‌خداره‌كه‌ت.
دڵسۆزت،
ئیمزا: باراك ئۆباما، سه‌رۆكی ئه‌مه‌ریكا
11/06/2013
پەرلەمانتارێکی كورد رایدەگەیەنێت، رژێمی سووریا ئامادەیە لەگەڵ کورد دانووستان بکات. دەشڵێ "بەڵام هەندێك لە پارتەكان دروشمی زۆر گەورە بەرزدەكەنەوە".
عومەر ئۆسێ، پەرلەمانتاری كورد لە پەرلەمانی سووریا، لە هەڤپەیڤینێکدا لەگەڵ رۆژنامەی (رووداو) لەبارەی مافەكانی كورد لە رۆژئاوای کوردستان گووتی: "بەشار ئەسەد ئامادەیە لەگەڵ كورد لەسەر سێ خاڵ دانوستان بكات، بەڵام هەندێك لە پارتەكان دروشمی زۆر گەورە بەرزدەكەنەوە، كە لەگەڵ بارودۆخی سووریا ناگونجێت".
سەبارەت بەوەی دروشمی ئەو پارتانە چین، ئۆسێ گوتی:" پرسی فیدراڵی، داوادەكرێت، بەڵام ئەوە لە ئێستادا ناگونجێت، هەرچەندە مافی كوردە دەوڵەتیشی هەبێت".
عومەر ئوسێ گووتیشی "پێدانی مافی رۆشنبیری بە گەلی كورد لە سووریا، لە دەستوور ئاماژە بە گەلی كورد بكرێ، هەروەها بەشداریكردنی كورد لە ژیانی سیاسیدا، ئەو سێ خاڵەن کە پێموایە دەوڵەت ئامادەیە لەگەڵ كورد دانوستانی لەسەر بكات.
سەبارەت بە بیرکردنەوەی بەشار ئەسەد، سەرۆكی رژێمی سووریا، سەبارەت بە پارتی یەكێتی دیموكراتی PYD ، کە لەرووی سەربازی و ئیدارییەوە لە رۆژئاوای کوردستان باڵادەستە، گووتی: "پەیوەندی PYD لەگەڵ دەوڵەت لە ئاستێكی باڵادا نییە. ئەوان حیزبێكن".
ئاماژە بەوەش دەكات "ئەسەد زۆر بۆی گرنگە لە ناوچە كوردنشینەكان شەڕی كورد و عەرەب روونەدات". گوتیشی: "راستەوخۆ ئەو قسەیەی بە من گوتووە، بەڵام هەندێك بەرپرسی شۆڤێنی حیزبی بەعسی سووری هەن، دەیانەوێت دەوڵەت هەڵكوتێتە سەر كورد و ناوچەكانیان، بەڵام ئەسەد رازی نابێت".
10/06/2013
ەنێو هۆڵی پەرلەمانی كوردستان، هەموو دانیشتنێك ژمارەیەك پەرلەمانتار تاوەكو كۆتایی مشتومڕ و گفتوگۆكان دەمێننەوە، ئەو چوار ساڵەی خولی سێیەمی پەرلەمان لەبەر پاكێج و پاكێجكاری نێوان دەسەڵات و ئۆپۆزیسیۆن، دەرفەت نەبوو كەمینەكان قسەیەكی تێدا بكەن. پەرلەمانتارێكی سەر بە یەكێك لەو كەمینانە كە تێكڕا 11 كورسی پەرلەمانیان هەیە، دەڵێت "بەهۆی ئۆپۆزیسیۆن و دەسەڵاتەوە سەر لەئێمەش تێكچووە".
شێردڵ تەحسین، لە فراكسیۆنی توركمانەكان، باسی جیاوازی ئەو خولەی ئێستای پەرلەمان دەكات بەهۆی ئەو گرژییە زۆرەی لە نێوان پەرلەمانتارانی ئۆپۆزیسیۆن و دەسەڵات هەیە و دەڵێت وای لێهاتووە دەبێ لەو نێوانەدا "زۆر بە ژیرانە مامەڵە بكەین".
مەبەستی شێردڵ تەحسین، ئەو پڕۆژە یاسایانەیە كە پێشكەشی پەرلەمانی دەكەن "هەرجارە و لایەكیان پشتگیریمان دەكات، جاری واهەیە ئۆپۆزیسیۆن و جاری واش هەیە دەسەڵات".
كەس ئاگای لە داواكاری 11 كورسییەكەی پەرلەمان نییە، هەرچەندە وەك شێردڵ تەحسین باسیدەكات، ئەوانیش وەك هەر فراكسیۆنێك پڕۆژە یاسای تایبەت بە خۆیان هەبووە و دەڵێ داوامانكرد نوێنەرێك بۆ توركمانەكانی كفری لە ئەنجوومەنی پارێزگای سلێمانی دیاری بكرێ "دەسەڵات پشتگیری كرد و ئۆپۆزیسیۆن دژی بوو"، گوتیشی "بەڵام ئێمە نامانەوێ ببینە لایەنێك لەنێوان ئەواندا".
پەرلەمانی كوردستان لە 111 كورسی پێكدێت، كە 11 لەو كورسیانە بۆ كەمینەكانی توركمان و مەسیحی بە كۆتا دانراوە، ئەو 11 كورسییە ناكەونە نێو چوارچێوەی ركابەرێتی و ململانێی ژمارەی دەنگ و لایەنەكانەوە، بەڵام وەك پەرلەمانتارانی ئەو كەمینانە دەڵێن، لەبەر مشتومڕ و ململانێ و شەڕە پڕۆژەی نێوان دەسەڵات و ئۆپۆزیسیۆن، دەنگی ئەوان كەم دەبیسترێ.
سۆزان یوسف خۆشابا، پەرلەمانتاری مەسیحی رەتیكردەوە ئەوان بێدەنگ دانیشتبن لە پەرلەمان و دەڵێ لەماوەی ئەو 4 ساڵەدا ئەوانیش 4 پڕۆژە یاسایان پێشكەشی پەرلەمان كردووە "بەڵام هەندێك لە پرۆژە یاساكانی ئێمە قسەیان لەسەر ناكرێ و لە پەرلەمان ماونەتەوە"، بەپێی قسەكانی ئەو ئەندامەی لیستی ئەنجوومەنی گەلی كلدانی سریانی ئاشووری، ئەو خولەی پەرلەمان كۆتایی دێ بەبێ ئەوەی پڕۆژە یاساكانی ئەوان یەكلا بووبنەوە.
سۆزان باسی پڕۆژە یاساكانی خۆیانی كرد و گوتی "توركمانەكان دەیانەوێ لە ئەنجوومەنی پارێزگای سلێمانی كورسییەكی كۆتایان پێبدرێ بۆ توركمانەكانی كفری، پڕۆژە یاسایەكمان پێشكەشكردووە بۆ ئەوەی رەنگێك بۆ ئاڵای كوردستان زیادبكرێ تاوەكو هێمابێ بۆ بوونی كەمینەكانی دیكە، هەروەها داوامانكردووە سروودی نەتەوەیی ئەی رەقیب، بەشێوەیەك بێ ئاماژە بە نەتەوەكانی دیكەش بدات كە لەم وڵاتە دەژین".
10/06/2013
وه‌فدی دانوستانكاری هه‌ر دوو وڵاتی كۆریای باكوور و باشوور، دوای چه‌ند مانگ قووڵبوونه‌وه‌ی ئاڵۆزی و قه‌یرانی نێوان هه‌ر دوولا، ئه‌مڕۆ دیداریان كرد و گفتوگۆكان له ئاستی باڵای به‌رپرساندا، به‌رده‌وام ده‌بێت.
هه‌ر دوو وه‌فدی دانوستانكاری كۆریای باكوور و كۆریای باشوور، دوای چه‌ند سه‌عات دانوستان، ئه‌مڕۆ ره‌زامه‌ندییان نیشاندا له‌سه‌ر به‌رده‌وامبوونی دانوستانه‌كان له ئاستی باڵای سیاسیدا.
به‌پێی راپۆرتی بی بی سی، هه‌ر دوولا رێككه‌وتن له‌سه‌ر ئه‌وه‌ی رۆژانی چوارشه‌ممه و پێنجشه‌ممه‌ی داهاتوو، گه‌وره به‌رپرسانی هه‌ردوولا له سیۆلی پایته‌ختی كۆریای باشوور كۆبوونه‌وه بكه‌ن.
وه‌زیری یه‌كگرتنه‌وه‌ی كۆریای باشوور رایگه‌یاندووه سه‌رۆكایه‌تیی وه‌فدی باشووری له ئه‌ستۆ ده‌بێت، به‌ڵام كۆریای باكوور هه‌تا ئێستا سه‌رۆكی وه‌فده‌كه‌ی خۆی رانه‌گه‌یاندووه.
وه‌زاره‌تی یه‌كگرتنه‌وه‌ی كۆریای باشوور رایگه‌یاندووه ئه‌گه‌ری ئه‌وه هه‌یه باسی بابه‌تی ئاشتی و سه‌قامگیری بكرێت، به‌ڵام ئاژانسی هه‌واڵی كۆریای باكوور ته‌ئكیدی كردووه‌ته‌وه، ده‌ستپێكردنه‌وه‌ی په‌یوه‌ندییه بازرگانییه‌كانی نێوان هه‌ر دوولا، ته‌وه‌ری دیداره‌كه ده‌بێت.
ئا. ر
pna
10/06/2013
ناوەندی فێرکاریی "سۆما"ی شنۆ چوارەمین خولی فێرکاریی خوێندنەوەو نووسینی زمانی کوردی لەو شارە بەڕێوە دەبات.
"زوبێر پەیغامی" بەرپرسی "ناوەندی فەرهەنگی هونەریی فەخری رازی" لە پەیوەندییەکی تەلەفۆنیدا بە ئاژانسی کوردپای راگەیاند: بەمەبەستی بەرەودان بە زمان و ئەدەبی کوردی و هەروەها شارەزابوون لە خوێندنەوەو نووسینی زمانی کوردی ئەو خولە فێرکارییە بەڕێوە دەبەین.
پەیغامی ئاماژەی بەوەش کرد، ناوەندی سۆما لەماوەی ١ ساڵ چالاکیی خۆیدا لە شاری شنۆ توانیویەتی زیاتر لە ١٠٠ کەس بە مامۆستایەتیی "عومەر محەممەدی" فیری نووسین و خوێندنەوەی زمانی کوردی بکات و هاوکات بڕوانامەی باوەڕپێکراویشیان پێشکەش کراوە.
ناوبراو ئەوەشی خستەڕو، بەشداری کردن لەو خولە فێرکارییەدا بەبێ هیچ جیاوزییەک بۆهەموان ئازادە و سەرجەم هاووڵاتییان بەبێ لەبەر چاوگرتنی جیاوازیی رەگەز و تەمەن دەتوانن هەتا کۆتایی مانگی جۆزەردان لە بنکەی سەرەکیی ئەو ناوەندە لە گەڕەکی "سەیداوێ" ناونووسی و بەشداری بکەن.
ئەو بەرپرسەی ناوەندی فەرهەنگی هونەریی فەخری رازی رەخنەی وێرای ئاماژە کردن بەوەی کە هاووڵاتیان بە کەمیی پێوازی لەو خولە فێرکارییانەدا دەکەن، رایگەیاند: هیوادارم لاوان بۆ پڕ کردنەوەی ئەو بۆشاییە فەرهەنگییەی کەلە کوردستان هەیە زیاتر گرینگی بە زمانی زگماکی خۆیان بدەن و ەک ئەرزش سەیری ئەم هەوڵانە بکەن.
ئەو خولە فێرکارییە رۆژی یەکەمی مانگی پووشپەڕ دەست پێ دەکات و بۆ ماوەی ٤٥ رۆژ بەردەوام دەبێت و لە کۆتایی خولەکەشدا بڕوانامە پێشکەش بە سەرجەم بەشداران دەکرێ و رێزیان لێ دەگیرێت.
ناوەندی سۆما ساڵی ١٣٨٣ی هەتاوی وەک دامەزراوەیەکی غەیرە حکوومەتی لە شاری مەهاباد دامەزراو جیا لەوەی كە ناوەندەكەی لە شاری مەهاباد بوو، توانی لە شارەكانی بۆكان، سەردەشت پیرانشار، بانە، سەقز، قوروە، سنە، شنۆ و چەندین شارۆچكە و گوند لق و شاخە بكاتەوە و لەو ماوەیەدا سەدان خوێندەوار و قوتابیی كوردییان فێری زمانی كوردی کردووە.
9/06/2013
یەکێک لە پاڵێوراوانی سەرۆک کۆماری ئێران داوای لە د. بایەزید مەردوخی، شارەزای ئابووری کردووە کە گەڵاڵەیەک بۆ بەڕێوەبردنی ئابووری رۆژهەڵاتی کوردستان دابڕێژێت و ئەویش کاری لەسەر دەکات.
محەممەد رەزا عارف، پاڵێوراوی خولی یازدەیەمی سەرۆک کۆماری ئێران لە باڵی رفۆرمخوازان رایگەیاند کە بەرنامەی بۆ پێشکەوتن و گەشەکردنی ناوچە سنوورییەکانی ئێران داناوە و گرینگی بە رۆژهەڵاتی کوردستان دەدات.
ئەو هەروەها دەڵێت بۆ کەمکردنەوەی بوروکراسی لە کوردستان بەرنامەی هەیە و رایگەیاند "لە ئێستادا د. بایەزید مەردوخی، بژاردەی ئابووری ئێران و کوردستان لەسەر گەڵاڵەیەکی تایبەتی بەڕێوەبەری ئابووری بۆ کوردستان کار دەکات".
بۆ ئەم مەبەستەش، پێی وایە کە ژێرخانی ئابووری رۆژهەڵاتی کوردستان دەبێ چاک بکرێت و پێش بینی دابین بوونی یەک ملیۆن دەرفەتی کاری بۆ ئەو ناوچەیە لە ماوەی یەکساڵدا کردووە.
لەم بارەوە، د. بایەزید مەردوخی بە (رووداو) دەڵێت لەگەڵ محەممەد رەزا عارف لەم بارەوە قسەیان پێکەوە کردووە و گوتی "ئەو پاڵێوراوە پێی وایە کە دەبێ کار لەسەر هۆکارەکانی دواکەوتوویی لە ناوچە پەراوێز خراوەکان بکرێت".
ئەو شارەزایەی ئابووری هەروەها دەڵێت لە نزیکەوە محەممەد رەزا عارف دەناسێت و متمانەی بە بەڵێنییەکانی هەیە. د.مەردوخی کاتێک کە محەممەد رەزا عارف سەرۆکی رێکخراوی بەڕێوەبەری و داڕشتی گەڵاڵەی ئێران بوو، بۆ ماوەی سێ ساڵ راوێژکاری بووە.
د. بایەزید مەردوخی لە ماوەی چەند دەیەی رابردوو سەرپەرشتی کۆمەڵێک گەڵاڵەی بۆ پێشکەوتن و گەشەکردنی کوردستان کردووە. دوایین پڕۆژە کە لە لایەن د. مەردوخی سەرپەرشتی کراوە بە نێوی "گەڵاڵەی بوژاندنەوەی وەبەرهێنان و دەرفەتی کار لە کوردستان" 6 مانگ لەمەوبەر تەواو بووە. ئەو پڕۆژەیە لە لایەن ژمارەیەک مامۆستای زانکۆ و شارەزا لە بوارەکانی ئابووری، سەرچاوە سروشتییەکان، کشت و کاڵ، حەشیمەت و دێمۆگرافی ئامادە کراوە.
ناسر پیرۆتی
رووداو- رۆژهەڵاتی کوردستان
9/06/2013
عەبدوڵڵا ئۆجەلان نەخشەڕێگایەكی نوێ دەداتە پەرلەمانتارانی پارتی ئاشتی و دیموكراسی. هاوكات پێی راگەیاندوون كە ئەو پشتگیریی لە داوای خۆپیشاندەرانی شارە جیاوازەكانی توركیا دەكات.
سەڵاحەدین دەمیرتاش، هاوسەرۆكی پارتی ئاشتی و دیموكراسی و پەروین بولدان، ئەندام پەرلەمانی هەمان پارت لە پەرلەمانی توركیا، سەردانی عەبدوڵڵا ئۆجەلان، رێبەری زیندانیكراوی پارتی كرێكارانی كوردستانیان كرد، ئەمەش یەكەم سەردانە بۆ دوورگەی ئیمراڵی لەدوای دەستپێكردنی پرۆسەی كشانەوەی گەریلاكانی PKK لەنێو خاكی توركیا.
بەپێی راپۆرتێكی رۆژنامەی حورییەتی توركی، رۆژی 7/6/2013 ئەو دوو بەرپرسەی BDP سەردانی ئۆجەلانیان كردووە و ئەمەش شەشەمین سەردانی شاندنی ئەو پارتەیە بۆ لای ئۆجەلان لەوەتەی پڕۆسەی ئاشتەوایی لەنێوان دەوڵەتی توركیا و پارتی كرێكارانی كوردستان PKK دەستی پێكردووە.
لەو راپۆرتەدا هاتووە: دەمیرتاش و بولدان، ئۆجەلانیان ئاگاداركردووەتەوە لە پڕۆسەی كشانەوەی گەریلاكانی PKK بۆ نێو خاكی هەرێمی كوردستان. هاوكات عەبدوڵڵا ئۆجەلان نەخشەرێگایەكی داونەتێ، بەڵام وردەكاریی زیاتر ئاشكرانەبوون سەبارەت بەوەی ئەو نەخشەرێگایە لەبارەی چییەوەیە.
سەڵاحەدین دەمیرتاش ئاشكرای كردووە "ئۆجەلان لە نامەیەكدا پشتگیریی خۆی راگەیاندووە بۆ خۆپیشاندەرانی شارەكانی توركیا، بەتایبەتی خۆپیشاندەرانی پاركی گەزی لە شاری ئەستەنبوڵ".
لەوبارەیەوە دەمیرتاش ئاماژەی بە بەشێکی نێوەڕۆکی نامەکەی ئۆجەلان کردووە كە دەڵێ: "ئەو بەرەنگاربوونەوەیە بە كارێكی گونجاو دەبینم و ستایشی دەكەم، بە هەرشێوەیەك بێت ئەم هەڵوێستە درزی سیاسی دروستكردووە".
بەگوتەی دەمیرتاش لەو نامەیەدا ئۆجەلان داوا لە حكومەت دەكات "ئەركەكانی سەرشانی جێبەجێ بكات" . لەبارەی پڕۆسەی ئاشتەواییشەوە گوتوویەتی "من بۆ خۆم ئاگاداری ئەو بەرپرسیارێتییە مێژووییەم كە لەسەر شانمە و هەوڵەكانیشم بۆ بەدیهێنانی دیموكراسی و ئازادییە و هیواداریشم لایەنی بەرامبەرم ئەم هەلە بقۆزنەوە و بەدوای هەمان هەوڵەكانی من بكەون".
8/06/2013
پارتی چارەسەری دیموکراتی کوردستان PCDK بەشداری هەڵبژاردنەکانی هەرێمی کوردستان دەکات.
عەبدولوەهاب ئەحمەد، نوێنەری پارتی چارەسەری دیموکراتی کوردستان لە کۆمسیۆنی باڵای سەربەخۆی هەڵبژاردنەکان بە (رووداو)ی راگەیاند: "کۆمسیۆنی باڵای سەربەخۆی هەڵبژاردنەکان، ئیمەی ئاگادار کردووەتەوە، کە دەتوانین بەشداری هەڵبژاردنەکان بکەین".
بڕیارە 21ی ئەیلولی داهاتوو، هەڵبژاردنەکانی سەرۆکایەتی، پەرلەمان و ئەنجوومەنی پارێزگاکانی هەرێمی کوردستان بەڕێوەبچێت.
پارتی چارەسەری دیموكراتی كوردستان، لە ساڵی 2002 دامەزراوە، لەڕووی ئایدۆلۆژییەوە بە پارتێكی نزیك لە پارتی كرێكارانی كوردستان PKK دەناسرێت.
ئەو حیزبە ساڵی 2009 بە ناوی لیستی (هیوا) لە كۆمسیۆنی باڵای سەربەخۆی هەڵبژاردنەكان خۆی تۆماركرد و ژمارە 63ی بەشداریكردنی پێبەخشرا، بەڵام دواتر لیستەكەیان ناوی لە كۆمسیۆن هەڵوەشێندرایەوە بەو پێیەی مۆڵەتیان نەبوو. تائێستاش كادیر و بەرپرسانی پارتی چارەسەری، بۆ راپەڕاندنی كاروبارەكانیان لە نووسینگەی رۆژنامەكەیان (رۆژی وڵات) لە سلێمانی كۆدەبنەوە.
7/06/2013
كاندیداكان بۆ پۆستی سەرۆك كۆماری ئێران، لەبارەی بەرنامە ئەتۆمییەكەی ئێرانەوە رەخنە لە مەحمود ئەحمەدی نەژاد دەگرن، نەژادیش رایدەگەیەنێت كە مەلەفی ئەتۆمی لە دەسەڵاتی ئەودا نییە.
مەحمود ئەحمەدی نەژاد، سەرۆک کۆماری ئیسلامیی ئێران رایگەیاند "فایلی ئەتۆمیی وڵاتەکەم لە دەسەڵاتی مندا نەبووە"، ئەوەش دوای ئەوەی کە رووبەڕووی زنجیرەیەک رەخنەی کاندیداکانی سەرۆک کۆماری بووەوە. لێدوانەكەی ئەحمەدی نەژادیش وەک درێژکردنی پەنجەی تۆمەت بۆ عەلی خامنەیی، رابەری ئیسلامی ئێران لێكدەدرێتەوە.
لە رووبەڕووبوونەوەیەكی تەلەفیزیۆنیدا لەنێوان کاندیداکانی سەرۆک کۆماری ئێران، كە رۆژی هەینی بڵاوکراوەتەوە، حەسەن روحانی، گەورە دانوستانکاری ئەتومیی ئێران و عەلی ئەکبەر ویلایەتی، وەزیری پێشووتری دەرەوەی ئێران، کە ئێستا کاندیدن بۆ وەرگرتنی پۆستی سەرۆک کۆماری، رەخنەیان لە سیاسەتەکانی ئەحمەدی نەژاد گرت لەبارەی بەرنامەی ئەتۆمیی وڵاتەكەیانەوە.
ویلایەتی، بۆ یەکەمجار ئاشکرای كرد كە بەرپرسێکی باڵای حکومی کۆسپی خستووەتە بەردەم هەوڵەکانی رێکكەوتنێک لەگەڵ نیکولا سارکۆزی، سەرۆکی پێشووی فەرەنسا لەبارەی كەیسی ئەتۆمیی ئێرانەوە.
دوای کەمتر لە 24 کاژێر، ئەحمەدی نەژاد رایگەیاند ئەو هیچ پەیوەندیی بە رەخنەکانی ویلایەتییەوە نییە، لەبەرئەوەی لەو بارەیەوە ئەو خاوەن بڕیار نەبووە و هیچ پەیوەندی بە سیاسەتی ئەتۆمی وڵاتەكەیەوە نەبووە، بەڵام لەو بارەیەوە هەردوو کانیدەکە (روحانی و ویلایەتی) هاوڕابوون لە رەخنەگرتن لە ئەحمەدی نەژاد و کاندیدی ئێستا سەعید جەلیلی لە بەڕێوەبردنی مەلەفی ئەتۆمیی لە ئێران.
9/06/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
