بە وێنە ... سەردانی بارزانی بۆ رووسیا

چاودێرانی ئەمریكی پێیانوایە سەرۆك كۆماری نوێی ئێران رەوشی كورد لەو وڵاتە باش ناكات و دەشڵێن لەنێو كاندیداكانی پۆستی سەرۆكایەتی، رۆحانی باشترینیان بووە بۆ دەربازكردنی تاران لەو گوشارە نێودەوڵەتیەی لەسەریەتی.

رۆژی هەینی رابردوو لە یازدەهەمین خولی هەڵبژاردنەكانی سەرۆك كۆماریی ئێراندا، ئێرانییەكان روویانكردە سندووقی دەنگدان و بەشێوەیەكی چاوەڕواننەكراویش حەسەن رۆحانی كاندیدی ریفۆرمخوازەكان بە بەدەستهێنانی رێژەی 50.71%ی دەنگەكان بووە نۆیەمین سەرۆك كۆماری ئەو وڵاتە.
رۆحانی زۆربەی كات بە سیاسەتوانێكی "میانڕەو" ناوبراوە و بە ئاشكراش رەخنەی لە سیاسەتەكانی مەحمود ئەحمەدی نەژاد، سەرۆكی ئێستای ئێران گرتووە.

ساڵی 2009 و لەمیانەی خۆپێشاندانەكانی ئێران كە پاش هەڵبژاردنەكانی سەرۆكایەتی كۆمار سەریهەڵدا، رۆحانی بە ئاشكرا پشتگیری لە خۆپێشاندەران كرد و رەخنەی لە حكومەت گرت كە دژی مافە رەواكانی خەڵك وەستاوەتەوە.

لەدوای ئاشكراكردنی ئەنجامی هەڵبژاردنەكانی ئەمجارە و سەرەڕای ئەوەی ولایەتە یەكگرتووەكانی ئەمریكا تێبینی هەبوو لەسەر ئاستی شەفافیەت و شێوازی بەڕێوەچوونی هەڵبژاردنەكە، بەڵام واشنتن رایگەیاند كە ئەوان ئامادەن راستەوخۆ گفتوگۆ لەگەڵ حكومەتی ئێرانی بكەن بە رابەرایەتی سەرۆكی نوێ.

یەكێك لە چاودێرانی ئەمریكی لەوبڕوایەدایە كە لەو هەڵبژاردنە سنووردارەی لەبەردەم ئێرانییەكاندا هەبووە، رۆحانی باشترینیان بووە، ئەمەش حەزی خەڵكی ئەو وڵاتە بۆ گۆڕان ئاشكرا دەكات.

لەوبارەیەوە د.پیتەر فیڤەر، مامۆستای زانستە سیاسییەكان لە زانكۆی دوكی ئەمریكی بە (رووداو)ی گوت "ئێرانییەكان باشترین كەسیان هەڵبژارد لەوانەی لەبەردەستیان بوو، ئەمەش هێمایەكی ئاشكرایە بۆئەوەی كە خەڵكی ئێران دەیانەوێ وڵاتەكەیان رێگای خۆی بگۆڕێ و بەهیوای ئەوەن كە ئەو گۆڕینە ببێتە هۆی رزگاركردنی وڵاتەكەیان لەو قەیرانە نێودەوڵەتیانەی بەرەوڕووی بوونەتەوە".

بەڵام ئەو شارەزا ئەمریكییە پێشیوایە كە لەگەڵ ئەوەی هەڵبژاردنەكان زۆر سنووردار بووە "ئەگەر گۆڕانكاریش بكرێت، گۆڕانكارییەكی سیمبوڵی دەبێت و پێناچێت ئەم هەڵبژاردنە هەوڵەكانی ئەمریكا سەربخات بۆ هاتنە سەر دەسەڵاتی شەریكێكی میانڕەو و مۆدێرن".

رۆحانی بە سیاسەتمەدارێكی بە توانا و شارەزا ناسراوە و لەگەڵ ئەوەی چەندین پۆستی باڵای وەرگرتووە و نوێنەرایەتی وڵاتەكەی كردووە لە دانیشتنە نێودەوڵەتییەكان، ئەوە وایكردووە كە نازناوی "شێخی دیپلۆماسیەت"ی پێ ببەخشن.

رۆحانی لەكاتی هەڵمەتەكانی هەڵبژاردندا داخوازیی ریفۆرمخوازانی كوردی پەسەند كرد كە لە 10 خاڵ پێكهاتبوون و زۆر جەختی لەسەر ئەوەش دەكردەوە كە كە دەبێت لە ئێرانی نوێدا مافی هەموو كەمینە نەتەوەیی و ئاینییەكان رێزیان لێبگیرێ.

بەڵام هەندێك لە شارەزایانی رۆژئاوایی گەشبین نین بەوەی سەرۆك كۆماری نوێ بتوانێت رەوشی كورد و كەمینەكانی دیكەی ئەو وڵاتە باش بكات.
د. تۆماس ئەمبرۆسیۆ، مامۆستای زانستە سیاسییەكان لە زانكۆی نۆرت داكۆتای ئەمریكی و شارەزا لە پرسی كورد لە رۆژهەڵاتی ناوەڕاست بە(رووداو)ی گوت "سەرۆكی نوێی ئێران رووبەڕووی چەندین ئاستەنگی گەورەی ناوخۆیی و دەرەكی دەبێتەوە، لەوكاتەی خاوەنی دەسەڵاتی سەربەخۆ نییە بۆ بەرەنگاربوونەوەی ئەو تەحەدایانە، بۆیە زۆر زەحمەتە سەرۆكی نوێ بتوانێت شتێك بكات بۆ باشكردنی رەوشی كورد لە ئێران لە داهاتوویەكی نزیكدا".

بڕیارە ئایەتوڵڵا عەلی خامنەیی رابەری شۆڕشی ئیسلامی ئێران لە 3ی ئابی داهاتوو ئەنجامی هەڵبژاردنەكان پەسند بكات و هەر هەمان رۆژیش بڕیارە سەرۆكی نوێ لەبەردەم پەرلەمانی ئێران سوێندی یاسایی بخوات.

لەیەكەمین دەركەوتنیدا لەپاش هەڵبژاردن، رۆحانی رایگەیاند كە هەوڵدەدات سەرجەم بەڵێنەكانی بباتە سەر و گوتیشی "وەفادار دەبم لە بەرامبەر ئەو بەڵێنانەی بە خەڵكی ئێرانم داوە".

هەموو ساڵێك بە نزیكبوونەوە لە مانگی رەمەزان، باسی دیاریكردنی یەكەم رۆژی مانگی رەمەزان دێتە ئاراوە، هۆكاری ئەمەش خۆئامادەكردنی هاووڵاتییانە بۆ ئەو مانگە.

ساڵانە وڵاتانی جیهان پاش و پێش دەكەون لە دیاریكردنی یەكەم رۆژی مانگی رەمەزاندا، بەتایبەتی لەنێوان هەردوو وڵاتی سعودییە، كە مەرجەعییەتی باڵای سوننەكانی جیهانە، هەروەها كۆماری ئیسلامیی ئێران كە زۆربەی هاووڵاتیانی شیعە لەگەڵ ئەو وڵاتە یەكەم رۆژووی مانگی رەمەزان دەگرن. ئەمەش لەكاتێكدایە كە بەپێی شەرع هەر ساڵێك 10 رۆژ مانگی رەمەزان دێتەپێش، بەڵام دواجار لەلایەن لیژنەی فتواوە بینینی مانگ دەبێتە پێوەر.

لەم بارەیەوە مەلا عەبدوڵڵا مەلا سەعید، سەرۆكی یەكێتیی زانایانی ئاینی ئیسلامی كوردستان، بە (رووداو)ی راگەیاند: "پێدەچێت رۆژی 9-7-2013 یەكەم رۆژی مانگی رەمەزانی پیرۆز بێت".

ئەم پێشبینییەی سەرۆكی یەكێتیی زانایانی ئاینی ئیسلامی كوردستان لەكاتێكدایە، كە ساڵی پار 20-7-2012 وەك یەكەم رۆژی مانگی رەمەزان دیاریكرا.
مەلا عەبدوڵڵا گوتیشی: "بۆ بەرزڕاگرتنی مانگی رەمەزان و كەڵك وەرگرتنی هاو‌وڵاتیان لەو مانگە پیرۆزە،بەرنامەی تایبەتمان دەبێت "

20/06/2013

دوای راگەیاندنی ئەنجامەكانی هەڵبژاردنی سەرۆكایەتی كۆماری ئێران، بۆرسەكانی ئەو وڵاتە بەرزبوونەوە بەخۆوە دەبینێت ‌و دوو رۆژە لەسەر یەك پشكەكانی ئەو وڵاتە بەرێژەی 2.5% بەرز دەبنەوە.

14/6/2013 لە كۆماری ئیسلامی ئێران لەنێوان شەش ركابەری هەڵبژاردنەكانی سەرۆكایەتی كۆمار، حەسەن رۆحانی، توانی بەرێژەی 50.72% پۆستی سەرۆك كۆماری ئەو وڵاتە بۆ خۆی مسۆگەر بكات.

هەر دوای ئەو بردنەوەیەش، بازاڕی ئاڵوگۆڕی دراوی بازرگانی بەرزبوونەوەی پشكی ئێرانی بەرێژەی 2% راگەیاند.

چاودێران پێیانوایە بردنەوەی رۆحانی لە هەڵبژاردنەكانی سەرۆكایەتی هاوكار دەبێت لە كەمكردنەوەی سزا ئابوورییەكانی رۆژئاوا بەسەر كۆماری ئیسلامیی ئێراندا.

جگە لەبەرزبوونەوەی پشكەكانی بازاڕی تاران، بەهای دراوی تومەنی ئێرانیش بەرێژەی سەدا حەوت بەرزبوونەوە بەخۆیەوە دەبینێت.

لەیەكەم وتاریشیدا حەسەن رۆحانی‌ رایگەیاند: " كێشە ئابوورییەكانی ئێران لە‌پڕ چارەسەر ناكرێت ‌و كەیسی ئابووریش یەكێك دەبێت لەو كەیسانەی بەرنامەی كاری دەسەڵات دەبێت".

رۆحانی رووبەڕووی كۆمەڵێك قەیران ‌و بەرەنگاربوونەوە دەبێت، كە یەكێك لەوانە رێژەی هەڵاوسانی ئابووریی وڵاتە، كە گەیشتۆتە %30 رێژەی بێكاریش گەیشتووەتە 14% .

ئاژانسی هەواڵی ASNی نیمچە فەرمی بڵاویكردەوە سەرۆكی نوێ‌و كۆمەڵێك كاندیدی پۆستەكانی حكومەت چەندین پرسیان تاو‌وتوێ كردووە بۆ ئەوەی قەیرانی هەڵاوسان ‌و بێكاریی لەگەڵ عەلی لاریجانی، سەرۆكی ئەنجو‌ومەنی شورا گفتوگۆ بكەن، كە لەلایەن موحافیزكارانەوە كۆنترۆڵكراوە.

18/06/2013

ئێوارەی ئەمڕۆ كاترین ئاشتۆن بەرپرسی كاروباری دەروەوی یەكێتیی ئەوڕووپا بە یاوەریی شاندێك سەردانی هەرێمی كوردستانی كرد و لە فڕۆكەخانەی نێودەوڵەتیی هەولێر لە لایەن سەرۆك وەزیرانی هەرێمی كوردستان و ژمارەیەك بەرپرسی سیاسی و ئیداریی هەرێمی كوردستانه‌وه‌ پێشوازی لێ كرا. پاشان لەگەڵ بەڕێز مەسعود بارزانی سەرۆكی هەرێمی كوردستان لە هەولێری پایتەخت كۆبۆو.، له‌ پاشان كۆتایی بە سەردانەكەی هێنا.

لەو كۆبوونەوەیەدا كە نێچیرڤان بارزانی سەرۆكی حكوومەتی هەرێم و عیماد ئەحمەد جێگری سەرۆكی حكوومەت و ژمارەیەك بەرپرسی ئیداری و سیاسیی هەرێمی كوردستان ئامادە بوون، سەرەتا بەرپرسی كاروباری دەرەوەی یەكێتیی ئەورووپا خۆشحاڵیی خۆی بۆ سەردانی كوردستان و دیدار لەگەڵ سەرۆك بارزانی نیشان دا و دەستخۆشیشی لەو پێشكەوتن و گەشەكردنە كرد كە لە هەرێمی كوردستاندا هاتووەتە ئاراوە و ئاماژەشی بەوە دا كە ئەو دەستكەوتانەی هەرێمی كوردستان بەدەستی هێناوە دوای نەهامەتی و كۆڵنەدانی زۆر هاتووەتە دی و خەڵكی كوردستان مافی خۆیانە دەستی پێوە بگرن و پارێزگاری لێ بكەن و بەرەو دواوە نەگەڕێنەوە.

لە بەشێكی دیكەی قسەكانیدا كاتریەن ئاشتۆن پێشوازی لە سەردانی سەرۆك وەزیرانی عێراقی فیدڕاڵ بۆ هەرێمی كوردستانی كرد و داوای كرد سەردان و دیالۆگ و لێكنزیكبوونەوە بۆ چارەسەركردنی كێشەكانی نێوان هەرێم و بەغدا بەردەوام بێت.

لای خۆیەوە سەرۆك بارزانی وێڕای بەخێرهێنانی بەرپرسی كاروباری دەرەوەی ئەورووپا و شاندی هاوڕێی، ئەو سەردانەی بە گرنگ و جێگەی بایەخ زانی و لەبارەی كێشەكانی هەرێم و بەغداوه‌ كورتەیەكی لە مێژووی پەیوەندیی نێوان هەرێم و كوردستان لە دوای ڕاپەڕین هەتا سەردەمی ئێستا بۆ شاندی میوان باس كرد و لە بەشێكی قسەكانیدا سەرۆك بارزانی گوتی: "گەلی كوردستان حەزی لە دیموكراسی و پێشكەوتن و پێكەوەژیانە و ئەو سەقامگیرییەی لە كوردستان لە ئەنجامی ئاشتیخوازیی و خۆپارێزیی گەلی كوردستان بووە لە تۆڵە و توندوتیژی. ئەو كێشانەش كە ئێستاكە لە عێراقدا سەریان هەڵداوە لە ئەنجامی پابەندنەبوون بووە بە بنەماكانی شەراكەت و پێكەوەژیان".

وزە و سیاسەتی نەوتیی هەرێم بەشێكی دیكەی گفتوگۆكانی ئەو كۆبوونەوەیە بوون و هەر لەو دانیشتنەدا بەڕێز نێچیرڤان بارزانی ڕەهەندە گشتییەكانی سیاسەتی ووزەی حكوومەتی هەرێمی كوردستانی بۆ شاندی میوان شی كردەوە و هێمای بەوەدا كە سیاسەتی نەوتیی هەرێم هیچ جۆرە ناكۆكییەكی لەگەڵ دەستووری عێراقی نەبووە و بڕوامان وایە داهات و دەرامەتی نەوت موڵكی هەموو پێكهاتەكانی عێراقە. لە بەرانبەریشدا كاتریەن ئاشتۆن ستاییشی هەنگاوەكانی هەرێمی كوردستان كرد كە پشت بە ڕێچكە و بنەماكانی یاسایی و دەستووری دەبەستن.

جینۆسایدی گەلی كورد و بارودۆخی سیاسیی ناوچەكە و قەیرانی سووریا و كێشەی پەنابەرانی سووریا چەند تەوەرێكی دیكەی كۆبوونەوەكە بوون و تێیدا سەرۆك بارزانی بە به‌رپرسی كاروباری دەرەوەی ئەوڕووپای ڕاگەیاند كە كۆمەڵگەی نێودەوڵەتی لە ئاست یارمەتیدانی ئاوارەكانی سووریا لە هەرێمی كوردستان كەمترخەمی نواندووە و داوای كرد كە لە كاناڵی خۆیانەوە گوشار بۆ وڵاتان و كۆمەڵگەی نێودەوڵەتی بهێنن یۆ ئەوەی بایەخی زیاتر بە یارمەتیدانی ئاوارەكانی سووریا لە هەرێمی كوردستان بدەن و هەروەها سەرۆك بارزانی داوایشی لە كاتریەن ئاشتۆن كرد كە هەموو هەوڵەكانی بخاتەگەڕ بۆ ئەوەی لەسەر ئاستی نێودەوڵەتی ئەنفال و كیمیاباران و نەهامەتییەكانی گەلی كوردستان بەجینۆساید بناسرێن.

لە وەڵامی ئەو داوایانەی سەرۆك بارزانیدا بەرپرسی كاروباری دەرەوەی یەكێتیی ئەوڕووپا بەڵێنی دا كە داوای ناساندنی جینۆسایدی گەلی كورد بە شوێنی مەبەست بگەیێنێت و هەروەها سوپاسی هەرێمی كوردستانیشی كرد بۆ حەواندنەوەی ئەو ژمارە زۆرەی پەنابەری سووریا و ڕاشیگەیاند یەكێتیی ئەوڕووپا بەدوای بوارێكدا دەگەڕێ بۆ ئەوەی بە جددی یارمەتیی ئەو پەنابەرە سووریانە بدات كە لە هەرێمی كوردستاندا نیشتەجێ بوونە.

دوای كۆبوونەوەكەش كاتریەن ئاشتۆن له‌ لێدوانێكیدا پەیامێكی ئاراستەی خەڵكی هەرێمی كوردستان كرد و گوتی: "شه‌ره‌فێكی گه‌وره‌یه‌ بۆ من كه‌ ئه‌مڕو لێره‌م له‌ هه‌ولێر. كۆبونه‌وه‌یه‌كی باش و چڕوپڕم له‌گه‌ڵ سه‌رۆكی هه‌رێم و سه‌رۆك وه‌زیرانی هه‌رێم هه‌بوو، ده‌رفه‌تمان هه‌بوو باسی بارودوخی عێراق بكه‌ین، باسی گرنگیی به‌ره‌وپێشچوونی ئه‌م ووڵاته‌ گه‌وره‌یه‌ بكه‌ین، هه‌روها باسی ناوچه‌كه‌ بكه‌ین، به‌تایبه‌تیش له‌سه‌ر مه‌سه‌له‌ی سووریا. ده‌مه‌وێت زۆر سوپاسی سه‌رۆكی هه‌رێم و سه‌رۆك وه‌زیرانی هه‌رێم بكه‌م بو پێشوازیكردنیان له‌ من و زۆر به‌ په‌رۆشه‌وه‌ چاوه‌ڕوانی ئه‌وه‌ ده‌كه‌م كه‌ دووباره‌ سه‌ردانی ئێره‌ بكه‌مه‌وه‌. ده‌مه‌وێت ئه‌وه‌ش به‌ هه‌موو خه‌ڵكی ئه‌م هه‌رێمه‌ بڵێم كه‌ شه‌ره‌فێكی زۆر گه‌ور‌ه‌ بووه‌ بۆ من كه‌ هه‌ندێ كات لێره‌ به‌سه‌ر به‌رم".

.پاشان بەرپرسی كاروباری دەرەوەی كۆتایی بە سەردانەكەی بۆ هەرێمی كوردستان هێنا و لە فڕۆكەخانەی نێودەوڵەتیی هەولێر لە لایەن نێچیرڤان بارزانی سەرۆكی حكوومەتی هەرێمی كوردستانه‌وه‌ بەڕێ كرا.

pna

18/06/2013

نوێنەری ریفۆرمخوازەكانی كورد لە رۆژهەڵاتی كوردستان رایدەگەیەنێت خەڵكی رۆژهەڵاتی كوردستان گوێیان بە داخوازیی حیزبەكانی رۆژهەڵاتی كوردستان نەداوە، كە داوایان كردبوو بەشداریی هەڵبژاردن نەكەن.

د.جەلال جەلالیزادە، نوێنەری ریفۆرمخوازەكان لە رۆژهەڵاتی كوردستان بە (رووداو)ی راگەیاند: "دەنگدانی كورد بە رۆحانی، خاڵێكی گرنگە لە مێژووی خەباتی گەلانی ئێران بەتایبەت گەلی كورد، دەسەڵاتداریی هەشت ساڵەی ئەحمەدی نەژادیش ئەوەی دەرخست، كە بارودۆخی گەلانی ئێران بارودۆخێكی خراپ بوو".

گوتیشی: "بەداخەوەم بۆ پێشنیازی حیزبەكانی رۆژهەڵاتی كوردستان، كە لە هەر خولێكی هەڵبژاردن لە ئێران داوا لەخەڵك دەكەن بایكۆتی بكەن، بەڵام دیارە كە بەشداریی كورد لە هەڵبژاردنەكاندا ئەوە دەردەخات كە گەل وەڵامی ئەرێنی بە داخوازیی ئەوان نادات".

رۆحانی، داخوازیی ریفۆرمخوازەكانی كوردی، كە لە 10 بەند پێكدێت پەسند كردووە، پێیشیوایە كە دەبێ مافی هەموو كەمە نەتەوەكان رێزی لێ بگیرێ.
یازدەیەمین خولی هەڵبژاردنی سەرۆك كۆماری ئێران لە رۆژی 14/6/2013 بەڕێوەچوو، كە تێیدا حەسەن رۆحانی، كاندیدی ریفۆرمخوازەكان بە بەدەستهێنانی رێژەی 50.71% بووە سەرۆك كۆماری ئێران.

رۆحانی كەسایەتییەكی نزیكی ئایەتوڵا هاشمی رەفسەنجانییە، 16 ساڵ سەرۆكی ئەنجوومەنی ئاسایشی نەتەوەیی ئێران و بەرپرسی پێشووتری دەستەی دانوستانكاری ئەتۆمی ئێران لەگەڵ رۆژئاوا بووە. رۆحانی بەپێچەوانەی زۆربەی ئەو كاندید و سەرۆك كۆمارانەی تاوەكو ئێستا هاتوونەتە سەر دەسەڵات، پێیوایە كە دەبێ دەرفەتی باشتر بۆ بەشداریكردنی ژنان لە كایە جیاوزەكانی ژیان بڕەخسێ.

17&06/2013

سەرۆكی هەرێمی كوردستان، مەسعوود بارزانی، بەمەبەستی بەشداریكردن لە كۆنگرەی ئابووریی جیهانی سانبترسبۆرگ، سەردانی وڵاتی رووسیا دەکات.
سەرچاوەیەك لە سەرۆكایەتیی هەرێمی كوردستان ئەمڕۆ دووشەممە، بە (رووداو)ی راگەیاندووە: "مەسعوود بارزانی، سەرۆكی هەرێمی كوردستان، لە چەند رۆژی داهاتوودا سەردانی رووسیا دەكات بەمەبەستی بەشداریكردن لە كۆنگرەی ئابووریی جیهانی سانبترسبۆرگ".

بە گوتەی سەرچاوەكەی سەرۆكایەتیی هەرێمی كوردستان، ئەمە بۆ یەكەمجارە بەرپرسانی كورد بانگهێشتی ئەو كۆنگرەیە دەكرێن، كە هاوشێوەی كۆنگرەی "داڤۆس"-ەو " بە تایبەتیش مەسعوود بارزانی بانگهێشت كراوە".

كۆنگرەكە 19ی ئەم مانگە دەستپێدەكات ‌و چەندین كەسایەتیی گرنگ و سەرۆكانی وڵاتان بەشداریی تێدا دەكەن. بەپێی سەرچاوەكەی نووری مالیكی، سەرۆكوەزیرانی عێراقیش بانگهێشت كراوە.

17/06/2013

وه‌زاره‌تى ناوخۆى حکوومه‌تى هه‌رێمى کوردستان دەربارەی هەواڵی داخستنی سنووری نێوان هه‌رێمى کوردستان و ڕۆژاواى کوردستان ڕایدەگەیەنێت، حکوومه‌تى هه‌رێمى کوردستان ڕێگه‌ نادات ئه‌و ده‌روازه‌یه‌ى سنوور بۆ به‌رژوه‌ندیى لایه‌نێکى دیاریکراو به‌ کار بهێنرێت؛هاوکات دەڵێت، سیاسه‌تى خۆسه‌پاندنى به‌زۆر به‌سه‌ر لایه‌نه‌کانى دیکه‌ى ڕۆژاواى کوردستاندا، کارێکى دروست نییه.‌
دەقی ڕاگەیەنراوەکەی وه‌زاره‌تى ناوخۆى حکوومه‌تى هه‌رێمى کوردستان:

هه‌ندێ له‌ که‌ناڵه‌کانى ڕاگه‌یاندن؛ به‌شێکیان له‌ به‌یاننامه‌یه‌کى کۆما جڤاکێن کوردستان KCK بڵاو کردووه‌ته‌وه‌ که‌ تیایدا باس له داخستنى خاڵى سنووریى نێوان هه‌رێمى کوردستان و ڕۆژاواى کوردستان ده‌کات، له‌وباره‌وه‌یه‌ ڕایده‌گه‌یه‌نین که‌:
1- حکوومه‌تى هه‌رێمى کوردستان ڕێگه‌ نادات ئه‌و ده‌روازه‌یه‌ى سنوور بۆ به‌رژوه‌ندیى لایه‌نێکى دیاریکراو به‌کار بهێنرێت بۆ به‌هێزکردنى پێگه‌ى خۆى، به‌تایبه‌تیش هه‌رچى کۆمه‌ک و هاوکارییه له‌وێوه‌ ده‌رباز ده‌بێت‌.
2- سیاسه‌تى خۆسه‌پاندنى به‌زۆر به‌سه‌ر لایه‌نه‌کانى دیکه‌ى ڕۆژاواى کوردستاندا، کارێکى دروست نیه‌ و حکوومه‌تى هه‌رێمى کوردستان نابێته‌ به‌شێک له‌و سیاسه‌ته‌ به‌وه‌ى ڕێگه‌ بدات ده‌روازه‌‌ى سنوور بۆ جێگیرکردنى ئه‌و مه‌رامه به‌کار بهێنرێت.
3- په‌یڕه‌وکردنى چه‌واشه‌کارى و تۆقاندن و ڕاوه‌دوونان و گرتنى ئه‌ندام و کایرانى لایه‌نه‌کانى دیکه،‌ دووبه‌ره‌کى و لێکترازان و کاریگه‌ریى خراپى لێ ده‌که‌وێته‌وه.
4- ده‌روازه‌ى سنوور؛ ته‌نیا بۆ حاڵه‌ته‌‌ مرۆییه‌کان ده‌کرێته‌وه‌، تاکو لێکگه‌یشتن و گه‌ڕانه‌وه‌ بۆ‌ کۆده‌نگیى سه‌رجه‌م لایه‌نه‌کان؛ بڕیارى له‌سه‌ر ده‌درێت.

وه‌زاره‌تى ناوخۆى حکوومه‌تى هه‌رێمى کوردستان
15ى حوزه‌یرانى 2013

حەسەن رووحانی لە ساڵی ١٩٤٨ لە ئێران لە دایک بووە
رووحانی چەندین پۆستی سەربازی و ئەمنی و دیبلۆماسی وەرگرتووە
ئەندامی دەستەی ئەنجوومەنی شارەزایانی دەست نیشانکردنی رابەر .
ئەندامی ناوەندی دیاریکردنی ناوەندی بەرژەوەندییەکانی کۆماری ئیسلامی ئێران.
ئەندامی ئەنجومەنی باڵای ئاسایشی نەتەوەیی ئێران
بەرپرسی سەنتەری ستراتیژی و توێژینەوەی ئێران.
.جێگری سەرۆکی ئێران لە ئەنجومەنی شورای ئیسلامی ئێران و هەروەها ئەمینداری ئەنجومەنی باڵای ئاسایشی نەتەوەیی بووە لە ساڵی ١٩٨٩-٢٠٠٥ لە خولەکانی چوارو پێنج.
دانوستانکاری بەتوانای ئێران بووە لەگەڵ یەکێتی ئەورووپا و وڵاتانی پێنچ کۆ یەک.
حەسەن رووحانی کەسێکی تەنها ئومێدی ریفۆرمخوازەکانە،
بەهۆی سەرکەوتنە دیبلۆماسێکانی تایبەتی لە دانوستانەکانی چەکی ئەتۆمی و سیاسەتی دەرەوە رووحانی بە شیخی دیلۆماسی ناسراوە، ئەو توانی متمانە بۆ دایەلۆگ بگەرێنێتەوە بەمەش نەهییشت دۆسییەی ئەتۆمی وڵاتەکەی بگاتە ئەنجوومەنی ئاسایش لە نەتەوە یەکگرتووەکان.
رووحانی لە سیاسەتی دەرەوەدا دەیەوێت ئاشتەواییەک لە نێوان پرۆگرامی ئەتۆمی و سزای نێودەوڵەتیکان دروست بکات، رووحانی لە سیاسەتی دەرەوەدا چەخت لەسەر کۆتای هێنان بە کۆشەگیری نێو دەوڵەتی ئێران دەکات

کۆماریخواز, ناوەندی هەوال/ رۆژهەلاتی کوردستان: بە پێ هەوالی گەیشتوو لە شارەکانی کوردستان، سەرەرای  ئەوەی لایەنەکانی ئۆپۆزیسیۆن بایکۆتی فەعالی هەلبژاردنەکانیان کردبوو، بەلام بەۆ حالەش، وەک لە ئاکامی هەلبژاردنەکان دەردەکەوێت، خەلکانێکی زۆر لە شارەکانی کوردستان، بە پێ‌ی ئیرادەی سیاسی و سوودەرگرتن لە مافی مشارکەتی سیاسیان، بەشداری هەلبژاردنەکانی شوورای شار و گووند و سەرۆک کۆمارییان کردووە، کە بە گوێرەی ئاخرین ئامار و زانیارییەکانی گەیشتوو لە چەند شاری کوردستان، :لیستی :براوەی هەلبژاردنەکانی شوورای شارەکان بەچەشنی خوارەوە راگەیەندراون

سەردەشت:
١. شۆڕش مەعرووف زادە
٢: ستارە فەتاحپوور
٣. وریا حەسەنپوور
٤. مستەفا بەرتافتە
٥. رەئووف شەریفی
٦. هەژار نەباتی
٧. حوسێن مستەفاپوور

پیرانشار:
١. سەید ئەنوەر حوسێنی
٢. شلێر خاکی
٣. ئامینە بایەزیدی
٤. خالید نەجمی
٥. عومەر مەندی
٦. مەسعوود ئەمیرعەشایری
٧. ئەمیر سلێمانی
٨. عومەر ئەحمەدئاقایی
٩. سەلیم نادری

بۆکان:
١. بەیان عەبدوڵازادە
٢. کازم ئابام
٣. ئەمیر نەسری
٤. فارووق کەتانی
٥. مەنسوور شێرزاد
٦. ئەسعەد حوسێن زادە
٧. محەمەد دوکاندار
٨. خالید تەهازادە
٩. محەمەدسادق مام سەیدە
١٠. تەها ساڵحی
١١. سلێمان فەیزی

بانە:
۱. شه‌وبۆ محه‌مه‌دیانی
۲. وریا وسووقی
۳. مسته‌فا شه‌هیدی
۴.فه‌ریده مه‌وله‌وی
۵. سه‌عدوڵا عه‌زیزپوور
۶. به‌هائەدین ئارام
۷. سیامه‌ک به‌ستامی
۸. سامان مێهران
۹. محه‌مه‌دعه‌لی مۆسلێمی

مەریوان:
١. لوقمان کەریمی زادە
٢. مۆژگان محەمەدی
٣. ئاسۆ باباخانی
٤. عەبدوڵا داسبەرزین
٥. حەمزە حەمیدی
٦. ئێحسان سەجادی
٧. کاوە باخیشی
٨. ئومێد حەیدەری
٩. سۆران حوسێنی
١٠. لادەن ئەسمایی
١١. جەماڵ عەزیزیانی فەر

پاوە:
١. حەیدەر ئیسلامی نییا
٢. مەهدی عەبدی
٣. ئاشنا لوتفوڵاهی
٤. شیرزاد سەفەری
٥. محەمەدفارووق یۆسفی
٦. ئازاد حسێنی
٧. کەیهان محیەدین

قەسری شیرین:
١. سیامەک ئیلیاسپوور
٢. روحوڵا مورادی
٣. فەریبۆرز زەنگەنە
٤. سەید محەمەدرەزا تەیاری
٥. حسێن حسێن زادە

کەرەند:
١. عەلی میرزا سەلیمی
٢. شادمان کەشکوولی
٣. جەلال سەفەری
٤. سەعید حسێنی
٥. فەرهاد خەسرەو

هەرسین و بیستوون:
١. لەتیف مورادی
٢. هیدایەت خانیزادە
٣. مەرزیە میرزائەحمەدی
٤. رۆستەم ئوستادئابادی
٥. ئیلاهە رۆستەمی
٦. رەحید رەشیدی
٧. روحوڵا قوربانی
٨. شکووفە دووستی
٩. مەهدی وەیسی

کەنگاوەر:
١. محەمەد بەدری
٢. مەنسوور رەحمەتی مێهر
٣. ئەحمەد پەروانە
٤. ئەردەشیر مەولایی
٥. ئیرەج فیرووزئابادی
٦. کیانووش رۆشەنی
٧. ئیرەج محەمەدی
٨. عەلی ئاقایی
٩. عەبباس رەحمەتی

شنۆ:
١. موتەلیب بەلەدی
٢. عەلیرەزا محەمەدنەژاد
٣. رەشید ئیسفەندیاری
٤. کاوە سەعیدی
٥. موسلیم ئەمینی
٦. سەیدکازم ئیلاهی
٧. جەماڵ حاجی زادە
٨. سەدیق پەیغامی
٩. فەخرەدین میناپوور

ماکۆ:
١. عەلی خادمنەژاد
٢. واحید داداش زادە
٣. مەهدی ئەحمەدی
٤. وەلی ئیمامی
٥. وەحید زەیناڵ زادە
٦. محەمەد هیمەت زادە
٧. ئەحمەد وەلیزادە
٨. حەسەن هاشم زادە
٩. عەلی ئیسماعیل زادە
١٠. لالە سەمەدپوور

بازرگان:
١. رەزا جەعفەرپوور
٢. عەزیز عەلی ئەکبەرزادە
٣. محەمەد حەبیب زادە
٤. مەجید یوسفیان
٥. محەرەم تووپ داشی
٦. وەحید حاجی زادە
٧. جەعفەر عەزیمی قیاکەندی

سەلاسی باوەجانی[تازەئاوا]:
١. فاتح رەحیمی
٢. ئەسعەد وەیسی
٣. کەماڵ ئەمینی
٤. حەسەن سۆهراب
٥. جەعفەر تەیمووری
٦. حەسەن رەحیمی
٧. ئێحترام کاکەیی

بیجاڕ:
١. مورتەزا خدمەتی
٢. یەعقووب کەبودوەندی
٣. ئەفشین کازمی
٤. سەید موسلیح بەرزەنجە
٥. فەرزاد میرانی
٦. ئەیوب سالاروەندیان
٧. سارا ئەلوەندی

نەغەدە:
١. سەیدمەهدی عەلەوی
٢. وەلی بابووسە
٣. ئاراستە پوورزەمان
٤. ئیرەج سلێمان زادە
٥. نیعمەتوڵا قاسمی
٦. عەلی باقری
٧. شیرین سەعیدی
٨. رەسووڵ سیامی
٩. رەزا ئاقایی
١٠. فەرشید دەیلەمقانی
١١. ئارەزوو حەسەنزادە
١٢. جەلال توڕابی
١٣. تەها مەعرووف زادە

قوڕوە:
١. سەیدزارا مووسەوی جەم
٢. لەیلان عەبدولمەلکی
٣. نێرگز میهەمی
٤. محەمەدهادی مرادیانی
٥. غوڵامڕەزا خەسرەوی
٦. جەمیل میهەمی
٧. یونس مەلکی
٨. عەلی ئەکبەر عەبدولمەلکی
٩. شارام عەبدولمەلکی
١٠. ئیبڕاهیم خەسرەوی
١١. یەحیا رۆستەمی 

سونقوڕ:
١. حوجەت بیگلەری
٢. جەواد پەروینی
٣. سومەیە بەنی عامریان
٤. زەهرا جاهیدی
٥. هادی فەرهەنگ نیا
٦. جەماڵ کورکری
٧. رەزا سەنجەری

روانسەر:

١. شەهریار وەیسی

٢. کەژاڵ رۆستەمی
٣. رەزا لوتفی
٤. تەیموور سەیدمرادی
٥. ئێران موزەفەری
٦. نەبی کەرەمی
٧. محەمەد فەتحی

تیکاب:
١. ئەبولفەزل فەرەجی
٢. کامیل رەحیمی
٣. سەیدئەسعەد سەیدی
٤. نەسرین چراغتەپە
٥. بێهنام قاسملوو
٦. مەجید لوتفی
٧. مەجید ئەنساری

چاڵدران:
١. هاشم بابایی
٢. محەمەد مەلکی
٣. جەماڵ پوورمەهی
٤. تەقی ئاهەنگەری
٥. محەمەد رەجەبی

پۆلدەشت:
١. سۆهراب سادق زادە
٢. محەمەدرەزا مەمی زاد
٣. عەلی عەرەبلووی موقەدەم
٤. سەفەر سەلیمی
٥. عەلی عەزیم زادە

کرماشان:
١. کامران مەلکی
٢. مووسەوی ئۆجاق
٣. مازیار رەزایی
٤. جەواد جەعفەری
٥. نەبی کەمەری
٦. کیومەرس محەمەدی
٧. سالار ئەحمەدزادە
٨. غوڵامڕەزا ئەمیری
٩. غوڵامڕەزا باقری
١٠. فەرەیدوون ئەحمەدی
١١. بێهرووز رۆستەمی

سنه:
١. یۆسف ئەسەدی
٢. سەیدبەهائەدین حوسێنی
٣. جەلال شەریعەتی
٤. سەیدئەنوەر رەشیدی
٥. فەرزاد هیلالی
٦. غەریب سەجادی
٧. وەفا ئەسلانی
٨. زەهرا ئاوجیان
٩. ئەسعەد فەتاحی
١٠. فەردین زەمانی
١١. ماشائەڵا رەزایی
١٢. لەیلا فرووتەن

١٣. سەیدکەماڵ حوسێنی

مهاباد:

ورمێ:
١. سەیفوڵا ئابیار
٢. موجتەبا ئازادی
٣. مێحراب ئاقاپوور
٤. رەزا ئیبراهیم زادە قەڵاجۆقی
٥. سەجاد ئیبڕاهیمی
٦. بێهرووز ئیحتشام فەر
٧. ئەکبەر محەمەدپوور
٨. مەهناز ئەحمەدیان
٩. مووسا ئیسماعیلی هولاسوو
١٠. مەحموود ئەشتەری
١١. جەعفەر ئەشرەف رەزایی
١٢. هووشەنگ ئەشرەفی
١٣. رەسووڵ ئەسغەرزادە مەجدئازەر
١٤. عادڵ ئەعزەم نەهر
١٥. رەسووڵ ئەقدەمی

خۆی:
١. محەمەدرەزا مەحبووبی
٢. فەریدە واحیدی
٣. ئیبڕاهیم ئاهەنگەری
٤. سەیدفەتاح کەبیری
٥. سەجاد چێهرەئارا
٦. غوڵامعەلی شەریف
٧. عەزیز زەیناڵی
٨. مەعسوومە کەریمی
٩. لەیلا مەکاری
١٠. مێهران گەڵوانی
١١. عەلیرەزا فەتحی

کامیاران:
١. ناسر کەریمی
٢. سەهەند پەرویزی
٣. کاوە سادقی
٤. بێهزاد نیگەهداری
٥. خەسرەو ئیبڕاهیمی
٦. بەدیع قوربانی
٧. هیوا مستەفاپوور
٨. ئەردەشیر موتیعی

٩. خەلیل عەزیزی

تێبینی: بەشێک لە ئامارەکان نافەرمین و ئەگەری ئەوەیان تیدا هەیە کە گۆڕانیان بەسەردابێت.

15/06/2013