به‌ڕێزان ( عوسمان عه‌به پێنجوێنی یان عوسمان قه‌ڵادزه‌یی) و( جه‌واد حه‌یده‌ری) به‌داخه‌وه وتیان به‌ڵێ ڕاسته و كۆچی دوایی كردووه؟
هونه‌رمه‌ند و پێشمه‌رگه ، سروودبێژ و گۆرانیبێژ...
کۆڕەوو شەنگال وتووەو دەیڵێت و بەشداریی کاریگەری لەئاهەنگەکانی سەرفیرازیدا بووەو دەبێت.
مستەفا داداری موکریانی مەهابادی خۆی بەخوێندکاری (مام هێمنی شاعیر ١٩٢١-١٩٨٦) دەزانێ و کاتێک قسە دەکا...
باسمان بۆ بکەن، ئەو ئۆرکێسترەی ئێوە چەنساڵێک ژەنیاری بوون؟ئەو ئۆرکێسترە بە ئۆرکێستری رادیۆ کرماشان ناسراو بوو و لە سەرەتاشەوە سەرپەرەشتییەکەی بەدەستی بەڕێز عەبدولسەمەدیان بوو کە...
بەر دەکەوێت بەڵام لەو لایشەوە هەر بە پاڵپشتی ئەو سامانە دەوڵەمەندە،خۆی دوو هێندە لە نێو ڕووبەری فەرهەنگیی کورددا دەردەخات. هێشتاکەیش کتێبخانەکەی پڕیەتی لە دەیان بەرهەمی...
گوتەبێژی پارتی دیموكراتی كوردستان رایدەگەیەنێت، كە ئەوان وەك پارتی پابەندن بە نێوەڕۆكی ئەو روونكردنەوەیەی كە نێچیرڤان بارزانی لەبارەی رێككەوتنی یەكێتی و پارتییەوە لەسەر دەستوور خستیەڕوو.
جەعفەر ئێمینیكی، گوتەبێژی فەرمی مەكتەبی سیاسی پارتی دیموكراتی كوردستان لە لێدوانێكدا بۆ ماڵپەڕی فەرمی حیزبەكەی، رایگەیاندووە، كە ئەوان وەكو مەكتەبی سیاسی پارتی دیموكراتی كوردستان پابەندی نێوەڕۆكی رو‌ونكردنەوەیەكی نێچیرڤان بارزانی دەبن.
هەورەها گوتەبێژی مەكتەبی سیاسی پارتی دیموكراتی كوردستان جەعفەر ئێمینیكی رایگەیاند "داوا لەهەموو هەڤاڵانی پارتیشمان دەكەین خۆیان بە باس و لێدوانی لاوەكی خەریك نەكەن. ئێمە لە پارتی دیموكراتی كوردستان پابەستی نێوڕۆكی رونكردنەوەكەی رێزدار نێچیرڤان بارزانی دەبین كە لەمەڕ هەمواركردنەوەەی دەستور و پابەست بوون بە رێككەوتن لە مەڕ سازانی نیشتیمانی لەگەڵ یەكێتی هاوپەیمانمان لە سەری رێككەوتووین".
نێچیرڤان بارزانی، سەرۆكی حكومەتی هەرێمی كوردستان و جێگری سەرۆكی پارتی دیموكراتی كوردستان، لە لێدوانێكدا بۆ تۆڕی میدیایی رووداو ، سەبارەت بە قسەو وەڵام و وەڵامكارییەكانی هەندێ لە بەرپرسانی پارتی و یەكێتی لەسەر پرسی پڕۆژەی دەستووری هەرێمی كوردستان رایگەیاند " پارتی و یەكێتی پابەندن بە رێككەوتنی ستراتیژیی نێوانیان، هەروەها پابەندیشن بە رێككەوتنی نێوان هەردوو مەكتەبی سیاسی پارتی و یەكێتی كە لە رۆژی 29ی حوزیرانی ئەمساڵ لەنێوان هەردوولادا مۆركرا، كە رۆژی دواتر بڕیاری درێژكردنەوەی ماوەی پەرلەمان و سەرۆكایەتی هەرێمی كوردستان لە پەرلەمانی كوردستاندا بەدواداهات.
هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا".
هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا".
نێچیرڤان بارزانی ، كە لەلایەنی پارتی دیموكراتی كوردستانەوە وەك سەرۆكی شاندەكەی پارتی ، رێككەوتنی 29ی حوزەیرانی لەگەڵ یەكێتی نیشتمانی كوردستان مۆركردووە، سەبارەت بە ئایندەی پڕۆژەی دەستووری هەرێمی كوردستان ، لە درێژەی لێدوانەكەیدا بۆ (رووداو) روونیكردەوە "ئێمە رێككەوتووین تەوافوق و سازانی نیشتمانی لەسەر پڕۆژەی دەستووری هەرێمی كوردستان دروستبكەین، چونكە ئێمە نامانەوێ پرسی دەستوور ببێتە هۆی پارچەكردنی خەڵكی كوردستان، بەڵكو دەمانەوێ ببێتە گرێبەستێكی هاوبەشی سیاسی و كۆمەڵایەتی نێوان هەموو گەلی كوردستان".
KDP/روداۆ
28/07/2013
پارێزەرانی عەبدولڵا ئۆجەلان سەرۆکی پارتی کرێکارانی کوردستان داوای دووبارە دادگایی کردنەوەی دەکەن.
لەداواکاریەکدا کە دوێنێی شەممە پێشکەشی دادگای ئەنقەرەیان کردووە پارێزەرانی سەرۆکی بەندکراوی pkk داوایان کردووە بە پێی رێوشوێنە یاساییە نوێکان دادگایی کردنی ئۆجەلان دووبارە بکرێتەوە، لە لێدوانێکدا بۆ ئاژانسی فرانس پرێس یەکێک لە پارێزەرانی ئۆجەلان روونیکردۆتەوە " ئەم چاکسازیە نوێیانە رێخۆشکەرن بۆ دادگایی کردنێکی نوێی سەرجەم ئەوە بەندکراوانەی کە بەپێی یاسا کۆنەکە رێگە بە دووبارە دادگاییکردنەوەیان نەدراوە"، گوتیشی "داوای وەستاندنی جێ بەجێکردنی سزاکەشمان کردووە".
جێگەی ئاماژە پێکردنە عەبدولڵا ئۆجەلان سەرۆکی pkk لە 15/ شوباتی/1999 لە وڵاتی کینیا لە لایەن دەزگای هەواڵگری تورکیاوە دەستگیر کرا و پاشان دادگای ئەو وڵاتە بڕیاری لە سێدارەدانی بۆ ناوبراو دەرکرد کە دواتر لە ساڵی 2002 بڕیارەکە بە زندانی هەتا هەتایی گۆڕدرا و لەو کاتەوە تا ئێستا ناوبراو لە دوورگەی ئیمرالی بەندکراوە.
د.ع
pna
28/07/2013
وەزارەتی دەروەی توركیا پێویستی بە فەرمانبەرە، بەمەرجێك ئەو داواكارەی سی ڤی پێشكەشدەكات زمانی كوردی بزانێت، لە سەرەتای ساڵی نوێ2014، ژمارەیەك دیپلۆماتكاری كورد دەستبەكاردەبن و چاوەروانیش دەكرێت بەشێك لەو دیپلۆماتكارانە لە هەرێمی كوردستان دابمەزرێن.
حكومەتی توركیا لە چوارچێوەی هەوڵەكان بۆ كرانەوەی دیموكراسی، بەشی زمانی كوردی لە كۆلێژی ئەدەبیات كردەوە، هاوكات ژمارەیەك دیپلۆماتكاری تازەی لەدەرەوەی وڵات دامەزراندن، بۆ ئەوەی بتوانن نوێنەرایەتی ئەو وڵاتە بكەن و زمانی كوردیش بزانن.
وەزارەتی دەرەوەی تورركیا لە ساڵێكدا 10 دێپلۆماتكاری دامەزراندووە كە زمانی كوردی دەزانن، هەر لەبەر ئەو تایبتمەندییەش ئەو دیپلۆماتكارانە هەڵبژاردراون.
ئەو دیپلۆماتكارانە لە فۆرمەكانیاندا نووسیویانە هەریەكە لە زمانەكانی ئینگلیزی، فەرەنسی و ئەڵمانی، جگە لەوەش زمانی دووەم زمانی كوردی زۆر بە باشی دەزانن.
زۆربەی ئەو دیپلۆماتكارانە زمانی دایكیان كوردییە و لە بنەماڵەی كوردی گەورە بوونە، دوای چاوپێكەوتنیشیان تاقیكردنەوەیان پێكراوە، ئێستا سەرقاڵی ئەنجامدانی خوولی دیپلۆماتكارەكانن و دوای خوولەكەش لەسەری ساڵی نوێ 2014، لە نوێنەرایەتی دەرەوەی وڵاتی توركا وەك دیپلۆماتكارێكی فەرمی بەگوێرەی تایبەتمەندی شوێنەكان دەستبەكاردەبن. چاوەڕواندەكرێت بەشێك لەو ئەو دیپلۆماتكارانە لە هەرێمی كوردستانی عێراق و ئەو شوێنانەی كە زمانی كوردی لێ بەكاردێت دابمەزرێن.
27/07/2013
نێچیرڤان بارزانی رایدەگەیێنێ كە ئەوان لەگەڵ یەكێتی بڕیاریانداوە دەستووری هەرێمی كوردستان نەبێتە مایەی پارچەكردنی خەڵكی كوردستان و ، بڕیاریشیانداوە سازانی نیشتمانی لەسەر دروستبكەن.
![]()
پارتی و یەكێتی پابەندن بە رێككەوتنی ستراتیژیی نێوانیان![]()
نێچیرڤان بارزانی، سەرۆكی حكومەتی هەرێمی كوردستان و جێگری سەرۆكی پارتی دیموكراتی كوردستان، لە لێدوانێكدا بۆ تۆڕی میدیایی رووداو ، سەبارەت بە قسەو وەڵام و وەڵامكارییەكانی هەندێ لە بەرپرسانی پارتی و یەكێتی لەسەر پرسی پڕۆژەی دەستووری هەرێمی كوردستان رایگەیاند " پارتی و یەكێتی پابەندن بە رێككەوتنی ستراتیژیی نێوانیان، هەروەها پابەندیشن بە رێككەوتنی نێوان هەردوو مەكتەبی سیاسی پارتی و یەكێتی كە لە رۆژی 29ی حوزیرانی ئەمساڵ لەنێوان هەردوولادا مۆركرا، كە رۆژی دواتر بڕیاری درێژكردنەوەی ماوەی پەرلەمان و سەرۆكایەتی هەرێمی كوردستان لە پەرلەمانی كوردستاندا بەدواداهات. هەردوولاشمان بەتەواوی موتەفیقین لەسەر ئەو رێككەوتنە و هیچ خاڵێكی تێدا نییە جێگەی لێنەگەیشتن بێت لەنێوان هەردوولاماندا ".
نێچیرڤان بارزانی ، كە لەلایەنی پارتی دیموكراتی كوردستانەوە وەك سەرۆكی شاندەكەی پارتی ، رێككەوتنی 29ی حوزەیرانی لەگەڵ یەكێتی نیشتمانی كوردستان مۆركردووە، سەبارەت بە ئایندەی پڕۆژەی دەستووری هەرێمی كوردستان ، لە درێژەی لێدوانەكەیدا بۆ (رووداو) روونیكردەوە " ئێمە رێككەوتووین تەوافوق و سازانی نیشتمانی لەسەر پڕۆژەی دەستووری هەرێمی كوردستان دروستبكەین، چونكە ئێمە نامانەوێ پرسی دەستوور ببێتە هۆی پارچەكردنی خەڵكی كوردستان، بەڵكو دەمانەوێ ببێتە گرێبەستێكی هاوبەشی سیاسی و كۆمەڵایەتی نێوان هەموو گەلی كوردستان".
"پرسەكەش گەڕاندنەوەی دەستوور و نەگەڕاندنەوەی نییە بۆ پەرلەمانی كوردستان، چونكە كاتی خۆیشی رەشنووسەكە و پڕۆژەی دەستوور لەلایەن لیژنەیەكی دەرەوەی پەرلەمانەوە نووسراوە، ئینجا لە پەرلەمان دەنگی لەسەردراوە. ئێمە لە رێككەوتنی 29ی حوزەیراندا زۆر بەڕوونی بڕیارمانداوە گفتوگۆ لەسەر پڕۆژەی دەستوور بكەین و سازانی نیشتمانی لەسەر بكەین".
"بۆ ئەو مەبەستەش دەمانەوێ ئەو مادانە دیاریبكەین كە ناكۆكیان لەسەرە و ئینجا لەلایەن لایەنەكانەوە گفتوگۆیان لەسەر بكرێت بەمەبەستی دروستكردنی سازانێكی نیشتمانی لەسەری ، ئینجا لەوێ لە ئەنجامی گفتوگۆكاندا بڕیاردەدرێت كە چۆن بە تەوافوق و بەشێوەیەكی یاسایی ئەو هەمواركردن و سازانەی پێكەوە بڕیاری لەسەر دەدرێت ، لە دەستوورەكەدا بگونجێندرێت و ئەنجامبدرێت".
![]()
ئەو رێككەوتنەی كراوە هیچ خاڵێكی ناڕوونی تێدا نییە كە كێشە دروستبكات![]()
"پرسەكەش گەڕاندنەوەی دەستوور و نەگەڕاندنەوەی نییە بۆ پەرلەمانی كوردستان، چونكە كاتی خۆیشی رەشنووسەكە و پڕۆژەی دەستوور لەلایەن لیژنەیەكی دەرەوەی پەرلەمانەوە نووسراوە، ئینجا لە پەرلەمان دەنگی لەسەردراوە. ئێمە لە رێككەوتنی 29ی حوزەیراندا زۆر بەڕوونی بڕیارمانداوە گفتوگۆ لەسەر پڕۆژەی دەستوور بكەین و سازانی نیشتمانی لەسەر بكەین".
"بۆ ئەو مەبەستەش دەمانەوێ ئەو مادانە دیاریبكەین كە ناكۆكیان لەسەرە و ئینجا لەلایەن لایەنەكانەوە گفتوگۆیان لەسەر بكرێت بەمەبەستی دروستكردنی سازانێكی نیشتمانی لەسەری ، ئینجا لەوێ لە ئەنجامی گفتوگۆكاندا بڕیاردەدرێت كە چۆن بە تەوافوق و بەشێوەیەكی یاسایی ئەو هەمواركردن و سازانەی پێكەوە بڕیاری لەسەر دەدرێت ، لە دەستوورەكەدا بگونجێندرێت و ئەنجامبدرێت".
هەروەها نێچیرڤان بارزانی، وەك كۆتایی هێنانێك بە لێدوانە دژەكان و وەڵام و وەڵامكارییەكانی نێوان هەندێ لە بەرپرسان و پەرلەمانتارانی یەكێتی و پارتی ، گوتی " ئەو رێككەوتنەی كراوە هیچ خاڵێكی ناڕوونی تێدا نییە كە كێشە دروستبكات و پێویستیش بەوە ناكات هیچ بەرپرسێكی پارتی و یەكێتی تەفسیری جیاوازی بۆ بكات، چونكە شتەكە تەواو روونە و ئێمە بڕیارمانداوە سازان لەسەر دەستوور دروستبكەین و ، بەڕێز سەرۆكی هەرێمی كوردستانیش هەمان بۆچوونی دەربڕیوە لە وتارەكەیدا لە رۆژی 17ی ئەو مانگەدا ، كە داوادەكات لە ماوەی خولی داهاتووی پەرلەماندا لایەنەكان بگەنە سازانێكی بەپەلە لەسەر پڕۆژەی دەستووری هەرێمی كوردستان ".
rudaw
27/07/2013
چەند ئەندامێكی كۆنگرێسی ئەمریكا داوای داخستنی گرتووخانەی گواتانامۆ دەكەن، هۆكارەكەشی بۆ زۆریی خەرخی ئەو زیندانییە دەگێڕنەوە.
بڕی پارەی خەرجكراو بۆ زیندانییە سەربازییەكان بەرزبۆتەوە بۆ 2.7 ملیۆن دۆلار بۆ هەر زیندانییەك لەماوەی ساڵێكدا. ئەو ئەندامانەی كۆنگرێسی ئەمریكاش رایانگەیاند: ئەو بڕە پارەیە زۆرە بۆ باری دارایی ئێستای ویلایەتە یەكگرتووەكانی ئەمریكا .
سیناتۆر دایان فاینستاین لە دانیشتنێكی ئەنجوومەنی پیران دەربارەی گرتووخانەكە گوتی "ئەمە خەرجكردنێكی بێسوودی پارەیە ".
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
لەبەرامبەردا شیكەرەوەكان دەڵێن "ئەو گرتووخانانەی كە چاودێرییەكی چڕ دەكرێن، ساڵانە تەنها 60 تا 70 هەزار دۆلار خەرجی زیندانیەكانە ".
ئەو كەسانەی داوای داخستنی گرتووخانەكە دەكەن دەڵێن "گرتنی كەسێك بەبێ ئەوەی تۆمەتبار بكرێ، پەڵەیەكی رەشی شەرمەزاریە بە ناوچەوانی ئەمریكاوە ".
هەروەها دەڵێن "گوانتانامۆ شوێنێكە بۆ دروستكردنی كەسە توندڕەوەكان". كاتێك باراك ئۆباما وەك سەرۆكی ئەمریكا هەڵبژێردرا، پەیمانی دا لە ماوەی یەك ساڵدا گرتووخانەكە دابخات، بەڵام بەهۆی ئەو رووبەڕووبوونەوە توندەی ئەندامانی كۆنگرێس تاوەكو ئێستاش نەیتوانیوە ئەم پەیمانەی بەجێبهێنێ. هەرچەندە لایەنەكانی دەسەڵات ئەوەیان بۆ دەركەوتووە كە 86 كەس لەو زیندانیانە هیچ كاریگەرییەكی ترسناكیان لەسەر ئەمریكا نییەو دەكرێ ئازاد بكرێن.
٢٧/٧/٢٠١٣
رووداو – الصدی
لە کاتیکدا دژبەران و لایەنگرانی محەممەد مۆرسی، سەرۆککۆماری لەسەر کار لابراوی میسر رایانگەیاندووە، ئەمڕۆ هەینی، خۆپێشاندان ئەنجام دەدەن، سوپای ئەم وڵاتە ٤٨ کاتژمێر دەرفەتی دایە ئیخوانەکان بۆئەوەی لە رەوتی گواستنەوەی دەستەلاتی ئەم وڵاتەدا بەشداری بکەن.
ئەم ئوڵتیماتیومە، لە دوێنێ پێنجشەممەوە دەستی پێکردووە وو رۆژی شەممەی داهاتوو کۆتایی پێدێت.
بەرپرسێکی سەربازیی میسر، بە ئاژانسی هەواڵی رۆیتەرزی راگەیاند: سوپای ئەم وڵاتە هیچ کردەوەیەکی پێشوەختە ئەنجام نادات، بەڵام بە توندی بەرەنگاری هەرچەشنە بانگهیشت‌کردنێک بۆ ئەنجامدانی توندی وتیژی دەبێتەوە.
لەمەوبەر، ژەنەڕاڵ عەبەدولفەتاح سیسی، فەرماندەی سوپای میسر کە وەک یەکێک لە کایەکەرانی گۆڕەبانی سیاسیی ئەم وڵاتە سەیری دەکرێت، داوای کردبوو لایەنگرانی سوپا ئەمڕۆ هەینی، خۆپێشاندانێک بۆ پشتگیری لە دامەزراوە سەربازیەکان ئەنجام بدەن بۆئەوەی سوپا بتوانێت بەرەنگاری توندی وتیژییەکان ببێتەوە.
لە هەمانکاتدا ئیخوانەکانیش داوایان کردووە، هەر ئەمڕۆ دوای نویژی هەینی، لایەنگرانیان خۆپێشاندانێک دژ بە سوپا و حکومەتە کاتیەکەی ئێستا ئەنجام بدەن.
لە لایەکی دیکەوە، سکرتیری گشتیی نەتەوە یەکگرتووەکان، بان‌کی‌مۆن، داوای لە حکومەتی میسر کردووە محەممەد مورسی سەرۆککۆماری لەسەرکارلابراو و رێبەرانی دیکەی ئیخوانەکان بێ دواکەوتن ئازاد بکات و بە شێوەیەکی شەفاف لە دۆسیەکانیان بکۆڵێتەوە.
م.ش
pna
26/07/2013
چەند ئەندامێكی كۆنگرێسی ئەمریكا داوای داخستنی گرتووخانەی گواتانامۆ دەكەن، هۆكارەكەشی بۆ زۆریی خەرخی ئەو زیندانییە دەگێڕنەوە.
بڕی پارەی خەرجكراو بۆ زیندانییە سەربازییەكان بەرزبۆتەوە بۆ 2.7 ملیۆن دۆلار بۆ هەر زیندانییەك لەماوەی ساڵێكدا. ئەو ئەندامانەی كۆنگرێسی ئەمریكاش رایانگەیاند: ئەو بڕە پارەیە زۆرە بۆ باری دارایی ئێستای ویلایەتە یەكگرتووەكانی ئەمریكا .
سیناتۆر دایان فاینستاین لە دانیشتنێكی ئەنجوومەنی پیران دەربارەی گرتووخانەكە گوتی "ئەمە خەرجكردنێكی بێسوودی پارەیە ".
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
ئادەم سمیس گەورەی ئەندامانی حیزبی دیموكرات گوتی "بڕی تێچوون بۆ لەكار مانەوەی ئەم گرتووخانەیە بەرزبۆتەوە بۆ 454 ملیۆن دۆلار لەماوەی ساڵێكدا، كە دوا كات بۆ بژاردنی خەرجییەكە 30 ئەیلولی ئەم ساڵ بووە، واتا 2.7 ملیۆن دۆلار بۆ هەر زیندانییەك، كە ژمارەیان 166 زیندانییە". .
لەبەرامبەردا شیكەرەوەكان دەڵێن "ئەو گرتووخانانەی كە چاودێرییەكی چڕ دەكرێن، ساڵانە تەنها 60 تا 70 هەزار دۆلار خەرجی زیندانیەكانە ".
ئەو كەسانەی داوای داخستنی گرتووخانەكە دەكەن دەڵێن "گرتنی كەسێك بەبێ ئەوەی تۆمەتبار بكرێ، پەڵەیەكی رەشی شەرمەزاریە بە ناوچەوانی ئەمریكاوە ".
هەروەها دەڵێن "گوانتانامۆ شوێنێكە بۆ دروستكردنی كەسە توندڕەوەكان". كاتێك باراك ئۆباما وەك سەرۆكی ئەمریكا هەڵبژێردرا، پەیمانی دا لە ماوەی یەك ساڵدا گرتووخانەكە دابخات، بەڵام بەهۆی ئەو رووبەڕووبوونەوە توندەی ئەندامانی كۆنگرێس تاوەكو ئێستاش نەیتوانیوە ئەم پەیمانەی بەجێبهێنێ. هەرچەندە لایەنەكانی دەسەڵات ئەوەیان بۆ دەركەوتووە كە 86 كەس لەو زیندانیانە هیچ كاریگەرییەكی ترسناكیان لەسەر ئەمریكا نییەو دەكرێ ئازاد بكرێن.
26/07/2013
ئەمڕۆ مەسعود بارزانی سەرۆکی ھەرێمی کوردستان لەگەڵ کۆمیتەی ئامادەکاریی کۆنگرەی نەتەوەیی کورد کۆبۆوە لە کۆبوونەوەکە سەرۆک بارزانی جەختی کردەوە کە دەبێ بەرژەوەندیی کورد بکەنە بنەمای کارکردنیان و ھەموویان پێکەوە وەک یەک تیم کار بکەن و کەس ھەوڵ نەدات ھەژموون و ئەجێندای حزبەکەی بەسەر کاری کۆمیتەکەدا بسەپێنێ.
لەو کۆبوونەوەیەدا کە بەمەبەستی ئاگادار کردنەوەی سەرۆکی ھەرێمی کوردستان لە قۆناخە سەرەتاییەکانی کاری کۆمیتەی ئامادەکاری ئەنجام درا، سەرۆک بارزانی داوای لە ھەموو لایەنەکان کرد کە وەک نوێنەری نەتەوەی کورد کار بکەن نەک وەک نوێنەری حزب و لایەنە سیاسییەکان.
سەرۆک بارزانی جەختی کردەوە کە دەبێ بەرژەوەندیی کورد بکەنە بنەمای کارکردنیان و ھەموویان پێکەوە وەک یەک تیم کار بکەن و کەس ھەوڵ نەدات ھەژموون و ئەجێندای حزبەکەی بەسەر کاری کۆمیتەکەدا بسەپێنێ.
سەرۆک بارزانی پاڵپشتیی خۆی و دامەزراوەی سەرۆکایەتیی ھەرێمی کوردستانی بۆ ھەموو ھەنگاو و قۆناخەکانی بەستنی کۆنگرە ڕاگەیاند و دووپاتی کردەوە کە ڕۆڵی جەنابیان کۆکردنەوە و کارئاسانی و پشتیوانیی سەرخستنی کاری کۆنگرەی نەتەوەیی کوردە و دەبێ کۆمیتەی ئامادەکار و سەرجەم لایەنە سیاسییەکان لە گفتوگۆی بەردەوامدا بن بۆ سەرخستنی کۆنگرەکە.
لە تەوەرێکی دیکەی دانیشتنەکەدا ئەندامانی کۆمیتەی ئامادەکاریی کۆنگرەی نەتەوەیی کورد کە لەم کۆبوونەوەیەدا بەشدار بوون ڕا و بۆچوون و پێشنیارەکانی خۆیان لەبارەی لایەنە تەکنیکییەکانی کۆنگرەکە خستەڕوو و لەسەر ئەوە ھاوڕا بوون کە پێویستە ئامانجی ھەموو لایەک سەرخستنی کۆنگرەکە بێت و نابێ ھیچ لایەنێک ڕێگە بەخۆی بدات کۆسپ و تەگەرە بۆ کاروباری کۆنگرە درووست بکات، چونکە ھەموو کورد و دۆستانی کورد لە سەرانسەری جیھان چاوەڕوانی ئەو ھەنگاوە مێژووییەن کە لایەنە سیاسییەکانی ھەر چوار پارچەی کوردستان لە پێناو بەستنی کۆنگرەی نەتەوەیی کورد دەستیان پێکردووە.
ئەندامانی کۆمیتەی ئامادەکاری ئەوەیان دووپات کردەوە کە کۆمیتەکە تەنیا کاری تەکنیکی و ئیداری دەکات بۆ چۆنییەتیی بەستنی کۆنگرەکە، نەک بڕیاری سیاسیی لەسەر ئەرک و تەوەر و بڕیارەکانی کۆنگرە بدات، بۆیە ھەموولایەک داوایان کرد سەرجەم لایەنە سیاسییە کوردستانییەکان وەک تیمێک کار بکەن و لە ئێستاوە کۆسپ بۆ سەرخستنی کۆنگرەکە دروست نەکەن. ھەروەھا ھەموو لایەک دڵنیاییان دا بە سەرۆک بارزانی کە کارەکانی سەرخستنی بەستنی کۆنگرەی نەتەوەیی کورد بەردەوام دەبێت.
25/07/2013
شەوی رابردوو 24-7-2013 شەمەندەفەرێكی هێڵی خێرا، لە باكو‌وری رۆژئاوای ئیسپانیا و نزیك شاری سەنتیاگۆ كۆمپوستێلا لە هێڵەكەی دەردەچێت، بەو هۆیەشەوە 217 هاووڵاتی دەبنە قوربانی.
بەپێی هەواڵی ئاژانسی فەرەنسا و بە گوتەی گوتەبێژێكی دادوەری، تەرمی 73 كەس لە ژێر فارگۆنی شەمەندەفەرەكە دەرهێنراوە و چوار كەسی دیكەش لە نەخۆشخانە گیانیان لەدەستداوە، هەروەها 140 كەسی دیكەش بریندار بوون، کە تەندروستی 15 كەس لە بریندارەكان ناجێگیرە.
لەساڵی 1972 بەدواوە ئەو رووداوە بە خراپترین رووداوی شەمەندەفەر لەو وڵاتە هەژمار دەكرێت. بە پێی ئاماری كۆمپانیای رینفە، كە خاوەنی ئەو شەمەندەفەرەیە،247 گەشتیار لە شەمەندەفەرەكەدا بوون. رۆیتەرز لە زاری یەكێك لە گەشتیارەكان بڵاویكردووەتەوە "ئەو شەمەندەفەرە زۆر خێرا بووە و بۆیان كۆنترۆڵ نەكراوە".
ساڵی 2004-یش لە ئاكامی تەقاندنەوەی شەمەندەفەرێك191 كەس لە ئیسپانیا كوژران.
25&07&2013
حەسەن رووحانی سەرۆک کۆماری هەڵبژێردراوی ئێران، لە کاتی پڕوپاگەندەی هەڵبژاردندا، بەڵێنی بە کورد دا داخوازییەکانیان جێبەجێ بکات، بۆیە لە سەدا حەفتاویەکی خەڵکی رۆژهەڵاتی کوردستان دەنگیان بە رووحانی دا. گەرچی هێشتا کابینەی حکومەت پێک نەهاتووە ریفۆرمخوازانی کورد دەترسن رووحانی بەڵێنەکانی لە بیر بکات بۆیەلە نامەیەکدا داواکاریەکانی خۆیان وەبیر روحانی هێناوەتەوە.
25/07/2013
شه‌وی رابردوو، چه‌كداره تیرۆریسته‌كان هێرشیان كرده‌وه سه‌ر شاره‌دێی سڵێمانبه‌گ و 14 كه‌سیان كوشت و هه‌تا ئێستاش كۆنترۆڵی شاره‌دێیه‌كه‌یان به‌ده‌سته‌وه‌یه.
شه‌وی رابردوو، به ده‌یان چه‌كداری نه‌ناسراو، كه‌مینیان له سه‌ر رێگه‌ی سه‌ره‌كیی دووزخورماتوو- كه‌ركووك دانا و پاشان هێرشیان كرده سه‌ر شاره‌دێی سڵێمانبه‌گ و هه‌تا ئێستا كۆنترۆڵی ناو شاره‌دێیه‌كه‌یان به ده‌سته‌وه‌یه.
به‌رپرسی حه‌وزه‌ی حه‌مرینی یه‌كێتیی نیشتمانیی كوردستان، مه‌لا كه‌ریم، به ئاژانسی په‌یامنێری راگه‌یاند، چه‌كداره‌كان شه‌وی رابردوو سه‌عات 9ی شه‌و كه‌مینیان داناوه و 14 شۆفێری عه‌ره‌بیان گرتووه كه زۆربه‌یان شیعه بوون و دواتر كوشتوویانن.
گوتیشی دوای كوشتنی ئه‌و شۆفێرانه، گرووپه چه‌كداره‌كه كه ژماره‌یان نزیكه‌ی 150 كه‌س ده‌بێت، هێرشیان كردووه‌ته سه‌ر شاره‌دێی سڵێمانبه‌گ و ئێستا كۆنترۆڵی شاره‌دێیه‌كه‌یان به‌ده‌سته‌وه‌یه.
هاوكات هێزه‌كانی سوپای عێراقیش، بنكه‌كانی پۆلیس و به‌شێك له به‌ڕێوه‌به‌رایه‌تییه حكوومییه‌كانیان له سه‌ر شه‌قامی سه‌ره‌كیی ناوچه‌كه به‌ده‌سته‌وه‌یه.
شایانی باسه، له چه‌ند مانگی رابردووشدا، جارێكی دیكه گرووپه چه‌كداره‌كان، بۆ ماوه‌ی 3 رۆژ، شاره‌دێی سڵێمانبه‌گیان گرت و دوای كوژرانی چه‌ندین چه‌كدار و پۆلیس و هاووڵاتی، به گفتوگۆ، ناوچه‌كه‌یان راده‌ستی حكوومه‌ت كرده‌وه.
سیروان حه‌سه‌ن/ ئا. ر
pna
25/07/2013
حكومەتی توركیا وەڵامی داواكاری عەبدوڵا ئۆجەلانی دایەوە و رایگەیاند "هیچ سزادراوێك بۆی نییە داوای كۆنفرانسی رۆژنامەوانی بكات و داواكردنیشی رەوا نییە".
دوێنێ دوای كۆبوونەوەی ئەنجوومەنی وەزیرانی توركیا بولەنت ئەرینچ، گوتەبێژی حكومەتی توركیا رایگەیاند "رێكخستنی كۆنفرانسێكی رۆژنامەوانی بۆ ئۆجەلان رێی تێناچێ، هەر زیندانییەك دەكرێ داواكاری هەبێت، بەڵام ناتوانێ كۆنفرانسی رۆژنامەوانی ساز بكات، داوا كردنیشی رەوا نییە".
رۆژی 21/7/2013 شاندێكی پارتی ئاشتی و دیموكراتی BDP كە پێكهاتبوو لە سەلاحەدین دەمیرتاش، هاوسەرۆك و پەروین بوڵدان، سەرۆكی گرووپی كوردی لە پەرلەمانی توركیا سەردانی عەبدوڵڵا ئۆجەلان، رێبەری بەندكراوی پارتی كرێكارانی كوردستانیان كرد، ئۆجەلان وەك داوایكرد كۆنفرانسێكی رۆژنامەوانی بۆ سازبكرێت، بە گوتەی خۆی "لەم رێگەیەوە دەتوانم هاریكاری زیاتری سەرخستنی پرۆسەكە بكەم".
23/07/2013
فه‌رمانده‌ی ئه‌ركانی سوپای ئه‌مه‌ریكا، 5 پلانی ئاماده‌كراوی سه‌ربازیی بۆ ده‌ستێوه‌ردان له قه‌یرانی ناوخۆی سووریا، پێشكه‌ش به سیناتۆره‌كانی ئه‌نجومه‌نی پیران كرد.
ژه‌نه‌ڕاڵ مارتین دیمپسی، فه‌رمانده‌ی ئه‌ركانی سوپای ئه‌مه‌ریكا، پلانه ئاماده‌كراوه‌كانی واشنگتۆنی بۆ ده‌ستێوه‌ردانی سه‌ربازی له دژی رژێمی سووریا، خسته به‌رده‌م كۆمیته‌ی هێزه سه‌ربازییه‌كانی ئه‌نجومه‌نی پیران.
به‌پێی راپۆرتی ئاژانسی فرانس پرێس، دوو پلان بریتییه له مه‌شق پێكردنی هێزه‌كانی ئۆپۆزسیۆن و گه‌یاندنی زانیاریی سه‌ربازی، یان به‌كارهێنانی هه‌زاران سه‌ربازی تایبه‌ت بۆ هێرش كردن و كۆنترۆڵ كردنی چه‌كه كیمیاییه‌كانی رژێمی به‌عس.
هه‌روه‌ها، راگه‌یاندنی ناوچه‌ی دژه فڕین، راگه‌یاندنی ناوچه‌یه‌كی ئاشتی یان رێڕه‌وێك بۆ یارمه‌تیدانی هاووڵاتیانی سڤیل، یان هێرشی كۆنترۆڵكراو بۆ كه‌مكردنه‌وه‌ی توانای سه‌ربازیی سوپای سووریا، 3 پلانی دیكه‌ی ئه‌مه‌ریكایه.
ژه‌نه‌ڕاڵ دیمپسی پلانه‌كانی به هه‌موو ورده‌كارییه‌كان و تێچووی هه‌ر پلانێك، خستووه‌ته به‌رده‌م ئه‌نجومه‌نی پیران و رایگه‌یاندووه بڕیاری كۆتایی له‌مباره‌یه‌وه، بڕیارێكی سیاسییه و له ده‌ست رێبه‌رانی سیاسیی ئه‌مه‌ریكادایه.
ئا. ر
pna
23/07/2013
لەسەر داوای مەسعود بارزانی، سەرۆكی هەرێمی كوردستان بەیانی ئەمڕۆ دووشەممە كۆبوونەوەی هێز و لایەنە سیاسییەكانی كوردستان لە هاوینەهەواری سەلاحەدین بەڕێوەچوو.
كۆبوونەوەكە بە بەشداریی ٤٥ پارت و لایەنی سیاسی چوارپارچەی كوردستان بەڕێوەچوو و لیژنەیەكی ٢١ كەسی راسپارد بۆ تەواوكردنی ئامادەكارییەكانی سازدانی كۆنگرەی نەتەوەیی كە بڕیارە مانگی داهاتوو لە هەولێر ببەسترێت.
لە كۆبوونەوەكەدا سەرۆكی هەرێمی كوردستان وتارێكی پێشكەشكرد و گرنگی كۆبوونەوەكەی بۆ ئامادەبووان باسكرد.
بە پێی زانیارییەكانی رووداو بەشداربووان جەختیان لەیەكڕیزی میللەتی كورد كردەوە بە رەچاوكردنی تایبەتمەندی پارچەكانی كوردستان و هەروەها داوایان كرد كە كورد لە رێگەی ئاشتیانەوە داوای مافەكانی خۆی بكات.
كۆبوونەوەكە هەروەها جەختیكردەوە كە پەیامی ئاشتی و پێكەوە ژیان بۆ گەلانی رۆژهەڵاتی ناوەراست دەنێرێت
دەقی وتارەكەی بارزانی
بەناوی خودای بەخشندەو میهرەبان
ئامادەبووانی بەڕێز
پارت و لایەنە سیاسییە تێکۆشەرەکانی کوردستان
خوشك و برا خۆشەویستەكان
ئەم كاتەتان باش
زۆر خۆم بە بەختەوەر دەزانم كە ئەمڕۆ میوانداریی ئێوەی بەڕێز دەكەم لەو كۆبوونەوە مێژووییەدا بۆ دەستكردن بە ئامادەكاریی كردەیانە بۆ كۆنگرەی نەتەوەیی كورد كە ساڵانێكی زۆرە وەك هەنگاوێكی گرنگ باس و گفتوگۆی لەبارەیەوە دەكەین. زۆر سوپاسی ئامادەبوونتان دەكەم و بەخێربێن.
كۆنگرەی نەتەوەیی كورد یەكێك بووە لە ئامانجە گرینگەكانی هەموو هێز و لایەنە سیاسییەكانی كوردستان و ماوەیەكی زۆرە كاری بۆ دەكرێ و ئێمە بەردەوام لە ڕاوێژ و ڕاگۆڕینەوەدا بووین لەگەڵ بەڕێزان مام جەلال و عەبدوڵڵا ئۆجەلان و لایەن كەسایەتییەكانی دیكە بەشەكانی تری كوردستان بۆ ئەو مەبەستە. بە بیرم دێت لەنیوەی دووەمی ساڵانی حەفتاكانەوە بەردەوام لەبارەی بایەخی بەستنی كۆنگرەی نەتەوەییدا نووسیومانە. بۆیەش بەڕاستی ئەوە ڕۆژێكی مێژووییە كە هەوڵ و هەنگاوەكان ئەمڕۆ گەییشتوونەتە ئەو ئاستەی كە ئەمڕۆ ئەم كۆبوونەوەیە دەبەستین بۆ دانانی كۆمیتەی ئامادەكاریی بۆ بەستن و بەڕێوەبردنی كۆنگرەی نەتەوەیی كورد كە بڕیارە دوای مانگێكی دیكە لە شاری هەولێر ببەسترێت.
ئامانجی سەرەكیی ئێمە لەو كۆنگرەیە بریتییە لەوەی هەموو لایەنە سیاسییە كوردییەكانی هەر چوار پارچەی كوردستان ببنە خاوەنی وتار و ستراتیژییەكی هاوبەش كە لەسەر بنەمای گەیاندنی پەیامی ئاشتی و پێكەوەژیان بۆ گەلانی ناوچەكە بنیات نرا بێت. ئێمە لەو كۆنگرەیەدا دەمانەوێ بە گەلانی عەرەب و تورك و فارس بڵێین، كە كورد چاوی لە پێكەوەژیانێكی ئاشتیانە و یەكسانە لەگەڵ ئێوەدا.
ئێمە نامانەوێ دژایەتیی هیچ گەل و دەوڵەتێكی دراوسێ و ناوچەكە بكەین، بەڵكو دەمانەوێ دوژمنایەتی بەتەواوەتی نەهێڵین و بگەینە ڕێككەوتنێكی تەواو و چارەسەرێكی ئاشتیانە و عادیلانەی كێشەی كورد، چونكە لەو باوەڕەداین بەوشێوەیە نەتەوەی كورد و سەروەت و سامانەكانی كوردستان دەتوانن بەشدارییەكی زۆر گەورە بكەن لە پێشخستنی ناوچەكە و لە بەرزكردنی ئاستی ژیانی هەموو گەلانی ناوچەكە. كورد دەیەوێ هۆكاری سەقامگیری بێت و، دەیەوێ هۆكاری بەهێزكردنی دیموكراسی بێت لە ناوچەكەدا، هیچ لەوانەش بە چەك ناكرێن بەڵكو پێویستیمان بە ئاشتییە.
ئەزموونی هەرێمی كوردستانیش نیشانیدا كە ئازادیی كورد نەك نابێتە مایەی شەڕ و هەڕەشە بۆ سەر دراوسێیەكان بەڵكو دەبێتە مایەی سەقامگیری و بووژانەوەی ژیان و ئابووریی ناوچەكانی دەورووبەریش. ئەوەش بەڵگەیەكی دیار و بەرچاوە بۆ ئاشتیخوازیی كورد.
ئامادەبووانی بەڕێز
دەمەوێ لێرەدا بە باوەڕێكی تەواوەوە بڵێم كە لە سەردەمی تازەدا بەهێزترین چەك و باشترین ڕێگە بۆ مامەڵەكردن لەگەڵ دنیای دەرەوە و مسۆگەربوونی مافە ڕەواكانی گەلەكەمان گرتنەبەری زمانی دیالۆگ و ئاشتی و پەیڕەوكردنی ڕێوشوێنە دیموكراتییەكانە. سەرئەنجام ئەو زمانە دەبێتە هۆی ئەوەی شەرعییەتێكی نێودەوڵەتی بدرێتە ویست و داواكارییەكانمان و پێگەی كوردیش لە نێوەندە جیهانییەكاندا بەهێزتر ببێت.
ئەگەر پێشتر كورد دەستی بۆ خەباتی چەكداری بردبێت لە ناچاری بووە و بۆ بەرگریكردن لە مان و ناسنامەی نەتەوەیی خۆی. كورد خەباتی چەكدارانەی بەسەردا سەپێندراوە و، بە حەزی خۆی دەستی بۆ نەبردووە. نەتەوەی كورد زۆر نەهامەتی بینیوە و هەموو جۆرە چەكێكی لەدژ بەكارهێنراوە، لەبەر ئەوەشە كورد زۆر حەزی لە ژیان و جیهانێكی بە بێ چەكە.
سوپاس بۆ خودا كە ئێستاكە سەردەمێكی دیكەیە و كەس ناتوانێ بە زۆری چەك و بە مەنتقی سڕینەوە ڕووبەڕووی كورد ببێتەوە. دەوڵەت و هێزەكانی ناوچەكەش ئەو ڕاستییەیان بۆ ڕوونبووەتەوە كە لەنێوبردنی نەتەوەی كورد بە خەیاڵیش بەدیناهێت. بۆیە لەو بارودۆخە تازەیەدا پێویستە گەلی كورد و هێزە سیاسییەكانی كوردستان ستراتیژییەكی هاوبەشی ئاشكرا و ڕێكوپێكدابڕێژن لەپێناو گەیاندنی پەیامی ئاشتییانەی گەلی كورد و دەبێ هەموو لایەنە كوردییەكانیش پابەندی ئەو پەیامە بن.
هێژایان..
دانانی كۆمێتەی ئامادەكاریی كۆنگرەی نەتەوەیی كورد وەك دەستپێكێك بۆ كاروبارەكانی كۆنگرە هەنگاوێكی گرنگ و بایەخدارە. داوا لە گشت لایەنە بەشداربووان دەكەم بە گیانێكی برایانە و نیشتیمانی و دوور لە هەموو جۆرە هەڵوێست و ئایدیۆلۆژییایەكی سیاسیی بەرتەسكلەگەڵ یەكتردا كار بكەن بۆ ئەوەی ئەم هەنگاوە بە سەركەوتوویی بنرێت. من لەوە دڵنیام كە تاك تاكی هاووڵاتیانی كوردستان و هەموو ناوەندە ئاكادیمی و كۆمەڵایەتی و مەدەنیی هەر چوار پارچەی كوردستان چاوەڕوانییەكی زۆریان لە ئێمە هەیە و ئومێدێكی زۆریان لەسەر سەركەوتووبوونی كۆنگرەكە هەڵچنیوە. ئەو چاوەڕوانی و ئومێدە دەبێ هاندەرێكی گەورە بێت بۆ هەموومان كە دەست لەناو دەست كار بكەین بۆ سەرخستنی گشت قۆناغەكانی كۆنگرەی نەتەوەیی كورد و بۆ ئەوەی بتوانین بە بڕیار و ڕاسپاردەی گرنگەوە كۆنگرەكە كۆتایی پێ بێنین و هەموو لایەك بە عەمەلی پێیەوە پابەند بێت.
هیوادارم بەشداربووان بتوانن تیمێكی لێهاتوو بۆ كۆمیتەی ئامادەكاریی كۆنگرە پێك بهێنن. بێگومان ئەندامبوون لەو كۆمیتەیە شانازییەكی گەورە دەبێت و ئەو كۆمیتەیە ئەركێكی هەستیار و مێژووییشی لەسەر شانە. هەر لە دانانی ڕێوشوێن و كاری لۆجستیكی بگرە هەتا دانانی چوارچێوەیەكی گشتی بۆ پەیام و ئامانجەكانی كۆنگرە و هەروەها دانانی میكانیزمێك بۆ پێكهێنانی سكرتاریەتی گشتیی و هەمیشەیی كۆنگرە بۆ ئەوەی كۆنگرەی نەتەوەیی ببێتە دامەزراوەیەكی نەتەوەیی و هەمیشەیی و دەستەیەكی هەڵبژێردراویش هەبێ بەدواداچوونی كار و بڕیار و ڕاسپاردەكانی كۆنگرە بكات.سەرۆكایەتیی هەرێمی كوردستانیش لە ئامادەكاری و سەركەوتنی بەڕێوەچوونی كۆنگرەدا هاوكارییەكی تەواوی دەبێت.
بەڕێزان
دەمەوێ لێرەدا بەڕوونی ئەوە بڵێم كە ئێستا ئێمە باس لە كۆنگرەی نەتەوەیی كورد دەكەین، مانای ئەوە نییە ئێمە بەرژەوەندیی نەتەوەكانی دیكەی كوردستانمان لەبەرچاو نییە بەڵكو واجبی هاونیشتیمانیبوون و مرۆڤایەتی ئەوەمان بەسەردا دەسەپێنێ كە لە هەموو بڕیارێكدا بەرژەوەندیی هەموو گەلانی كوردستان و هەموو كوردستانییەكانمان لەبەر چاو بێت. هەروەها داواتان لێ دەكەم كە بەهێزكردنی دەستكەوتەكانی هەرێمی كوردستان و دەستكەوتەكانی كورد لەهەموو شوێنێك بە بایەخەوە سەیر بكەن، چونكە ئەو دەستكەوتانە بەرهەمی ماندووبوون و قوربانیدانێكی زۆری نەتەوەكەمانەن.
لە كۆتاییدا هیوای سەركەوتن بۆ كارەكانتان بۆ دەخوازم. داوا لە هەموو لایەك دەكەم بە هەستكردنی تەواو بە بایەخ و بە بەرپرسیارێتیی ئەو كارە پیرۆزە، بەهەموو توانایەك كار بۆ پتەوتركردنی یەكڕیزی و یەكهەڵوێستی نێوانیان بكەن و نموونەیەكی شارستانی و پێشكەوتووی كاری سیاسی لە ناوچەكەدا بخەنەڕوو. من ئومێدێكی زۆرم بە دواڕۆژی نەتەوەی كورد هەیە و دڵنیام بە یەكگرتن و خەباتی بەردەوام و ئاشتیخوازانە داهاتوویەكی ڕووناك چاوەڕوانیەتی.
زۆر سوپاستان دەكەم
نەمری بۆ شەهیدان و
بژی كورد بژی كوردستان
رووداو -هەولێر
٢٠١٣/٧/٢٢
بەرپرسانی زۆربەی حیزبەكانی رۆژئاوای كوردستان لە هوتێلەكانی شاری هەولێر لە دانوستاندندان، هەندێكیان لەو پێناوەدا دانوستاندن دەكەن كە ژمارەی حیزبەكان لە رۆژئاوای كوردستان كەمبكەنەوە، هەندێكیش گفتوگۆ لەسەر ئایندەی رۆژئاوای كوردستان دەكەن بە تایبەتی دوای پێشنیازەكەی PYD بۆ دامەزراندنی حكومەتێكی كاتی.
نزیكەی هەشت مانگە چوار پارتی رۆژئاوای كوردستان كە یەكێتیەكی سیاسییان دروستكردووە، دەیانەوێ یەكبگرن، بەڵام هێشتا هەر لە بازنەی راوێژ و گفتوگۆدا دەخولێنەوە، یەكێك لەو چوار پارتەش لە یەكێتییەكە دەكشێتەوە.
ئەو چوار پارتە بریتین لە: پارتی دیموكراتی كورد لە سووریا (ئەلپارتی)، كە لە ساڵی 1957 دامەزراوە و عەبدولحەكیم بەشار سەرۆكایەتی دەكات. پارتی یەكێتی كورد، كە لە ساڵی 2000 دامەزراوە و ئیبراهیم برۆ سەرۆكایەتی دەكات. هەروەها هەردوو پارتی ئازادی كورد بە سەرۆكایەتی مستەفا ئوسێ و مستەفا جومعە. ئەو چوار لایەنە رۆژی 30/11/2012 لە شاری هەولێر یەكێتییەكیان بەناوی (یەكێتی سیاسی دیموكراتی كورد/ سوریا) راگەیاند.
كورد كشایەوە و كوردستان جێی گرتەوە
هەرچەندە بەرپرسانی ئەو چوار حیزبە بەو نیازە ئەو یەكێتییەیان دروستكرد كە لە ئایندەدا ببنە یەك حیزب، بەڵام خەریكە یەكێتییەكە بەرەو هەڵوەشانەوە دەچێ، بە تایبەتی دوای ئەوەی پارتی یەكێتی كورد، بە سەرۆكایەتی ئیبراهیم برۆ لە یەكێتیەكە كشایەوە.
سەرەڕای كشانەوەی ئەو پارتە، هەرسێ پارتەكەی دیكە بەردەوامن لە هەوڵەكانیان و پێنج رۆژە لە هەولێر كۆدەبنەوە لەپێناو گەیشتن بە راگەیاندنی هەواڵی یەكگرتنیان.
بەشار ئەمین، ئەندامی مەكتەبی سیاسی پارتی ئازادی كورد لە سووریا بە(رووداو)ی گوت “یەكێتی سیاسی لە قۆناخی وتووێژكردنەوە پەڕیوەتەوە بۆ قۆناخی داڕشتنی لێكحاڵیبوون”. گوتیشی “كۆبوونەوەكانی هەولێر لەپێناوی گەیشتنە بۆ راگەیاندنی پارتێكی سیاسی یەكگرتوو”.
بەشار ئەمین ئاشكرای كرد كە دوای چوونە دەرەوەی پارتی یەكێتی كورد لەو یەكێتییە سیاسییە، پارتێكی دیكە شوێنی گرتووەتەوە، ئەویش پارتی یەكێتی كوردستانە. ناوبراو دامەزراندنی ئەو یەكێتییە بە گرنگ دەزانێت “بەهۆی ترسناكی دۆخی رۆژئاوای كوردستان، پێویست بە یەكێتییەك دەكات لەپێناو گەیشتن بە داواكارییە رەواكانی گەلی كورد”.
بەو نزیكانە یەكگرتنەكە رادەگەیەنن
كۆنترین پارتی رۆژئاوای كوردستان، پارتی دیموكراتی كورد لە سووریا (ئەلپارتی)یە كە لە ساڵی 1970 بووە دوو پارچە و بەسەر چەپ و راستدا دابەشبوو، ئیدی لەوە بەدواوە پارچەبوونی پارتەكانی كورد لە رۆژئاوا بووە دیاردە، ئەو دیاردەیە لەناو ئەنجوومەنی نیشتمانی كوردیش هەر درێژەی هەبوو. لە ماوەی تەمەنی یەك ساڵەی ئەم ئەنجوومەنەدا 3 پارتی ناو ئەو ئەنجوومەنە لێكترازان. ئێستا پتر لە 20 حیزب لە رۆژئاوای كوردستان هەن. بەڵام شەقامی كوردی لە رۆژئاوای كوردستان و خودی پارتە كوردییەكانیش باوەڕیان بە یەكگرتنەوە نییە و پێیانوایە بانگەشەكردنی ئەم 4 پارتەش تەنیا ئامانجی حیزبی و شەخسی لەپشتە.
بەڵام نوری بریمۆ، وتەبێژی ئەلپارتی دەڵێت كە ئەو یەكگرتنە سیاسییە قۆناخی زۆری بڕیوە “ئەو یەكێتییە سیاسییە وەك پرۆژەیەكی سیاسی لە پێناو یەكێتی مافی چوار پارتە كوردییەكە بوو، ئێمەش هەر كە بڕیاری یەكبوونمان دا لەروانگەی یەكخستن و رێكخستنی ماڵی كورد بوو لەپێناو بەدەستهێنانی مافە رەواكانی گەلی كورد”. گوتیشی “ئەنجامەكانی ئەو پرۆژەیە بەو نزیكانە دەردەكەون”.
سەبارەت بە كاریگەری كشانەوەی پارتی یەكێتی كورد لەو یەكێتیە سیاسیە، نوری بریمۆ گوتی “ئەو پارتە ئازادە چ بڕیارێك دەدات، بەڵام كشانەوەیان بە ئەندازەیەكی كەم كاریگەری دەبێت”.
ئەو چوار پارتە، ئەندامن لە ئەنجوومەنی نیشتمانی كورد لە سووریا كە 16 لایەنی سیاسی لەخۆدەگرێ، بۆیە هەندێك لە پارتەكانی ناو ئەو ئەنجوومەنە پێیانوایە ئەو یەكێتییە سەرەتایەكە بۆ هەڵوەشاندنەوەی ئەنجوومەنی نیشتمانی كورد لە سووریا.
نیعمەت داود، سكرتێری پارتی یەكسانی كورد بە (رووداو)ی گوت “هەر لە رۆژی راگەیاندنی یەكێتی سیاسی تێبینی خۆیان نیشاندا وەك پارتێك سەبارەت بەو هەنگاوە “چونكە ئەو رۆژەی ئەنجوومەنی نیشتمانی كوردی راگەیەندرا، هەموو شێوازێكی دیكەی گردبوونەوەو هاوپەیمانیمان رەتكردەوە وەكو بەرە و هەماهەنگی و هاوپەیمانی، لەسەر ئەوە رێككەوتین كە ئەنجوومەنی نیشتیمانی هاوپەیمانییەكی سیاسییە لەنێوان هەموو پارتە كوردییەكان”.
دەیانەوێ ئەنجوومەن ئەكتیڤ بكەن
ئەوە لەكاتێكدایە كە 7 حیزبی نێو ئەنجوومەنی نیشتیمانی كورد لە شاری هەولێر خەریكی دانوستاندنن بۆ ئەكتیڤكردنی ئەنجومەنەكە كە ماوەیەكە دەنگی نییەو چارەنووسی دیار نییە، ئەمەش بۆ دروستكردنی هاوسەنگی لەبەرامبەر PYD كە حوكمڕانی بەكردەوەی رۆژئاوای كوردستانە.
جەدعان عەلی، نوێنەری بزووتنەوەی چاكسازی كورد لە سووریا بە (رووداو)ی راگەیاند “زۆربەی حیزبەكانی رۆژئاوای كوردستان لە شاری هەولێرن، دەبێت لە قۆناخی ئێستادا هەموو حیزبە كوردییەكانی رۆژئاوای كوردستان سازش بۆ یەكدی بكەن”.
لەبارەی ئەنجامی كۆبوونەوەكانیان، ناوبراو گوتی “حیزبەكانی یەكێتی سیاسی هەوڵدەدەن ژمارەیەكی دیكەی حیزب بهێننە نێو ریزەكانی، ئێمە و حیزبی نیشتیمانی دیموكرات، حیزبی یەكسانی و حیزبەكانی یەكێتی سیاسی، هەوڵدەدەین دووبارە ئەنجوومەنی نیشتمانی كورد لە سووریا ئەكتیف بكەینەوە بۆ ئەوەی PYD ناچار بكرێ پابەندی رێككەوتننامەی هەولێر بێت”.
ئەلپارتی داوای 50 بە 50 دەكات
رۆژی 12/7/2012 لە نێوان ئەنجوومەنی نیشتمانی كورد لە سووریا و ئەنجوومەنی گەلی رۆژئاوای كوردستان دەستەی باڵای كورد راگەیێندرا، بەڵام چارەنووسی ئەو دەستەیە دیار نییە و PYD ئەلتەرناتیڤێكی بۆ دۆزیەوە ئەویش حكومەتی كاتییە. بەڵام ئەم حكومەتە لەلایەن ئۆپۆزسیۆنی سووریاوە قبوڵكراو نییە و بە هەوڵێكی دەزانن بۆ دابەشكردنی سووریا.
پێدەچێت چەند لایەنێكی كوردیش لەگەڵ PYD بەشداری لە پێكهێنانی ئەو حكومەتە كاتییەدا بكەن. سەرچاوەیەكی نزیك لە كۆبوونەوەكانی نێوان ئەلپارتی و PYD بە (رووداو)ی راگەیاند “ماوەیەكە شاندی PYD لە هۆتێلی خانزادی هەولێر لەگەڵ ئەلپارتی كۆدەبێتەوە، مەرجی ئەلپارتی دابەشكردنی دەسەڵاتە بەشێوەی 50 بە 50، بەڵام PYD رازی نابێت”.
24/07/2013
- ژمارەیەک لە چالاکانی سیاسی، مەدەنی و میدیایی کوردستان داوای هەڵوەشاندنەوەی سزای لەسێدارەدانی پەخشان عەزیزی و هەموو زیندانیانی سیاسیی سزادراو بە لەسێدارەدان دەکەن
- ئێران..کۆبوونەوەکەمان لەگەڵ وڵاتانی ئەورووپا ئەرێنی بوو
- مەزڵوم عەبدی و نوێنەری سەرۆک بارزانی کۆدەبنەوە
- ئەمڕۆ شاندی دەمپارتی بۆ گەیاندنی پەیامی ئۆجەلان لەگەڵ ئاکپارتی کۆدەبێتەوە
- خراپترین دراوەکانی جیهان لە ساڵی 2024 دا
- تولای حاتەمئۆگیولاری: دیدار بەس نییە، دەبێت دەرگاکانی ئیمراڵی بکرێنەوە
- کامیان مەترسیدارترن: ئێران یان ئیخوان؟
- ههسهده و چەک؛ هاوکێشە سەختەکە لە بنیاتنانەوەی سوپای سوریادا
- ئیدارەی نوێی سوریە ئەمیرێكی پێشوی بەرەی نووسرەی وەك سەرۆكی دەزگای هەوالگریی سوریە دیاری كڕد
- وەزیری دەرەوەی روسیە دەلێ دەگەل ئیدارەی تازەی سوریە پەیوەندیمان هەیە
- ئیسرائیل فرۆكەخانەی نێودەولەتی سەنعا لە یەمەن بۆمباران كرد
- شاندێكی بالای عێراقی دەگەل ئیدارەی نوێی سوریە دیداری كرد
- دوای روخانی رژیم بەعسی ئەسد، عەلەوییەكان چییان بەسەر دێت
- وەزیری دەرەوەی ئیسرائیل دەلێت: هێرشەكان دژ بە كوردەكان دەبێ بوەستێنرێن
- چیروکی نەبیستراویی ناو زیندانەكانی سوریە
- حشدی شەعبی هەرشە لە توركیەدەكات
- ترامپ دەلێ: لە هیچ لایەك قەبوول ناكەیین جێگرەوەی دۆلار بەرهەم بێنێت
- ناوەرۆكی دیداری نێوان وەزیری دەرەوەی ئێران و بەشار ئەسەد بلاوبووە
- فەرانسە رێگای بەكارهێنانی مووشەكی دورمەودای بە ئوكرایین دا كە لە دژی روسیە بەكاری بێنێت
- جۆزف بۆرێل دەلێ: بیرت لە لێواری دارماندایە
- پیرۆزبایی بزووتنەوەی کۆماریخوازانی ڕۆژهەڵاتی کوردستان بە بۆنەی جێژنی پیرۆزی قوربان
- پەیامی پیرۆزبایی بزووتنەوەی کۆماریخوازانی رۆژهەڵاتی کوردستان بە بۆنەی پێنجەمین کۆنگرەی ئاسایی هەدەپە
- پەیامی پیرۆزبایی بزوتنەوەی کۆماریخوازی ڕۆژهەڵاتی کوردستان بە بۆنەی جێژنی ڕەمەزانی پیرۆزەوە
- راگەیەندراوی بزووتنەوەی کۆماریخوازان بەبۆنەی رۆژی جیهانی کرێکاران
- بزووتنەوی کۆماریخوازان ئیدانەی هێرشەکانی رێژیمی تورکیە بۆ سەر باشووری دەکا
